shadow
Diocese de Dili > NOTÍCIAS > Notícias

Ministério de Saúde Comemora Primeiro Dia Nacional de Saúde iha TL

DCDD – DILI – Iha resolução husi Governo hatun ona katak dia 22 de Julho tinan-tinan sai hanesan loron Nacional Saúde ba Timor-Leste, tamba dia 22 de Julho tinan kotuk Ministéiro da Saúde ho ninia Professional de Saúde hotu-hotu lori Saúde ne’e hakbesik liu tan ba uma kain ida-idak. Ida ne’e hanesan implementa ona Política Internacional nebé durante ne’e Ministéiro da Saúde mos adopta hanesan Universal Helcavereis, esdizi, sira ne’e iha princípios hakarak ema nia moris diak, haktuir Vice Ministra de Saúde Ana Isabel Soares iha âmbito Celebração Primeiro dia Nacional de Saúde Quarta Feira (26/07) iha SE Catedral Dili.

Vice Ministra de Saúde hateten: resultado ba programa ne’e rasik 98% uma kain hot-hotu acesso ba Saúde, sira nia acesso liu husi visita uma kain ida-idak. Programa ne’e ami bolu programa Saúde na família. Vice Ministra de Saúde esplica salienta tan katak: Programa Saúde na família ne’e laos programa ida nebé hamrik ketak hanesan projeto ida ne’e lalos, maibe programa ne’e hanesan quidado saúde primários nebé mak integrado halo hamutuk iha facilidade ki’ik oan sira hanesan; iha Postu Saúde, iha sisca, iha centro saude, maibe hospital ne’e ninia level ne’e as liu ona (hospital referência, hospital regional no Nacional).

Relaciona ho famílias 2% nebé sidauk acesso ba Saúde, Vice Ministra de Saúde nee hateten: ami nia profisional saude sira lao nafatin atu oinsa bele atingi sira 2% ne’e, no ida ne’e sai hanesan knar ami nian ha’u ho ministra ninian par atu entrega fali ba governo foun ne’ebé besik atu mai.

Vice Ministra de Saúde nee hateten Recomenda ba Governo foun nebé besik atu mai katakatu continua nafatin plano nebé mak iha tiha ona, ami husu atu labele muda plano nebé mak iha tiha ona, políticas nebé iha tiha ona halo nafatin tamba ami la halo plano nebé la diak ba ema ninia saúde, ami sempre halo plano nebé diak ba ema nia saude, ne’ebé hau husu la bele muda politico ne’ebé implementa hela ema senti beneficio hela ba ema, sira bele halo revisaun, bele halo lei foun, Bele halo politico foun, maibe nebé mak iha ona ita kontinua halao nafatin ita nia plano estratégico setor saude 2011-2030 ho estrategia ida-idak nebé mak hatur ona. (A)

Situação no Condição Iha Letefoho Troca Ami Nia Moris

DCDD – DILI – Lia hirak ne’e hatoo housi Richar Lagens membro ida housi “Letefoho East Timor Suport (LETS)” housi Australia iha loron 16/07/2017 relaciona ho celebração aniversário Paróquia Nossa Senhora do Carmo Letefoho nian ba dala 23. Nia hateten: Letefoho East Timor Suport (LETS) nudar Grupo oan ida housi Australia Sidney nebe mak servisu hamutuk ho Paróquia Letefoho durante ne’e hodi fahe situção no condição ba malu e ami haksolok boot atu conhece malu ho sarani Letefoho nian kona situação no mos condição iha Letefoho hodi troka ami nia moris. Hau tinan ha’at ba kotuk hau mai hela iha ne’e, maibe hau sente impressão boot ba servisu nebé hala’o iha Letefoho ho sistema LETS particular kona ba bé mos ba Escola.

Richar Lagens sublinha tan katak: Ba sarani tomak iha Letefoho parabens ba buat sira nebe imi alcança, maibe iha biban ne’e Padre Pároco Sidney nian hatoo mos nia sentidos ba Amo Bispo Diocese de Dili D. Virgilio do Carmo da Silva no Pe. Pároco Paróquia Nossa Senhora do Carmo Letefoho Pe. Helio no mos ba sarani tomak iha Letefoho, nia desejo no congratula ba 23 anos Paróquia Letefoho Nossa Senhora do Carmo, tan ne’e Padre Pároco agradece barak tamba ita bele halo bin alin entre Paróquia Sidney no Paróquia Letefoho hodi fo opurtunidade ba malu atu koko rasik no atu sai Católico nebé diak. Santo Padre Francisco fo hanoin hela liafuan kona ba Santo Padre Benecdito VI no atu sai católica laos tamba resultado ética ou buat nebe hanoin ba aas ho evento ida nebe mak los ho diração nebé mak lori ita ba leten.

Haksolok boot atu conhece sarani Letefoho nian kona ba situação no condição iha Letefoho troca ami nia moris. Tamba Pe. Helio nia inspiração ba sarani Letefoho fo insperação boot mai ami, tamba nia desejo atu halo Paróquia nebé mak diak liu ba nia sarani sira, kona nia hare ba dok ho entuciasmo hodi fo coragem mai ami atu continua fo suporta ba ami nia maun alin sira iha Letefoho tuir buat nebe mak ami bele. JANU

PD Orgulho ho Votos no Cadeira nebe Hetan

DCDD – DILI – Presidente Movimento Profissões Democrático João Paulo Gama Guteres nudar mos Fiscais Partido Democrático (PD) ba Apuramento Nacional imforma lia hirak ne’e iha Quinta Feira (27/07/2017) iha âmbito Apuramento Nacional iha CNE Dili. Nia hatetten: Partido Democrático (PD) orgulho ba votos no Cadeira nebe agora dadauk ami hetan tamba ami compara ho 2012 nian, ami hetan deit 48 mill maibe agora ami sae ba 55,608, ne’e hatudu katak ami nia votos ne’e sa’e, Maibé Ami nia Cadeira tun ne’e tamba hare ba taça participação no mos porsento barreira nebe que tau as teb-tebes, tan ne’e, ami nia Cadeira ne’e tun ituan maibe, ida ne’e ami nafatin sente katak ida ne’e buat ida nebe diak mai ami.

Nia hatutan tan: Partido PD mos apressia ba processo tomak nebé durante la’o iha STAE no mos verificação ikus ba iha CNE, hau haré processo tomak la’o ho diak, transparência no ajuda mos housi sistema nebé que mais avançado no hau hare katak resultado ida ne’e mak resultado ida nebe gue mai duni hosi resltado Eleição, resultado mai housi povo mak termina no povo mak hili no ami simu resultado ida ne’e. Além de ne’e Presidente Movimento Profissões Democrático apressia ba servisu tomak liu-liu ba militantes tomak nebe durante ne’e esforsu hodi ohin loron PD bele atinge ba nomor nebe diak. Alin

CNRT Apressia ho Servisu CNE

DCDD – DILI – Observador Partido Conselho Nacional Reconstrução Timor (CNRT) Carmelita Caetano Moniz declara lia hirak ne’e iha Quinta-Feira (27/07/2017) wainhira participa porcesso Apuramento Nacional iha Edifício CNE Dili. Nia hateten: Servisu CNE nian ita hare transparente no diak tebes kona ba Apuramento Nacional nebé resultado sira avisa ona liu housi sira nia WebSite, tamba ne’e nuudar Observador Partido CNRT nian fo parabens ba servisu nebé CNE halo.

Observador Partido CNRT afirma tan katak: Oras ne’e, housi CNE sei fo akta housi Apuramento Nacional nian ba Fiscais ida-idak no sira mos sei responde reclamação por escrita no halo relatório haruka ba Tribunal Recurso. Duração hodi halo relatório ne’e iha tempo trez dias nia laran hodi haruka relatório Final ba iha Tribunal e depois cada Partido Político sei hare katak simu Apuramento Nacional ne’e diak ou keta Partido balu hakarak recorre ba Tribunal, ne’e depende ba Partido ida-idak nia decisão. Observador Partido CNRT Carmelita Caetano Moniz sublinha tan katak: oras ne’e Acta sidauk entrega ba cada Partido liman maibe ba ha’u valoriza sira nia servisu katak sira halo servisu diak e agora depende ba cada Partido atu uja nia direito tuir Lei. Alin  

HATENE SIMU NO HATENE FÓ

DCDD – DILI – 16/07/2017 Lia hirak ne’e Presidente Conselho Pastoral Paróquia Nossa Senhora do Carmo Letefoho declara iha iha Festa Padroeira Paróquia Nossa Senhora do Carmo Letefoho. iha intervista nia hateten: Hau agradece ba Maromak ba loron ida ohin tamba bele halibur ita dala ida tan iha fatin ida ne’e hamutuk ho amo Bispo Diocese Dili, hodi celebra dala ida tan Anivesário Padroeira Paróquia Nossa Senhora do Carmo Letefoho ba 23. Iha tinan 23 nia laran existência Paróquia Nossa Senhora do Carmo Letefoho ida ne’e, resulta progresso lubuk ida, nebé sarani Paróquia ida ne’e hetan. progresso ho sucesso nebé iha tamba esforsu makas housi amo Pároco sira no participação no colaboração máximo housi sarani sira, progressu sira ne’e hotu tamba sarani sira hatudu vontade nebé diak, esforço no sacrifício no tempo nebe sira hatudu.

Celebrção Aniversário Paróquia nian ba tinan ida ne’e ami hetan vizita especial housi belun doadores sira housi Australia liu housi Groupo LETS. Grupo ida ne’e mak buka dalan hodi tulun hela Paróquia ida ne’e. Celebração ida ohin halo mos Tomada de Posse ba leigos sira Paróquia ida ne’e nian, atu leigo sira servisu no tulun Pároco, Frater no Madre sira tuir plano no programa sira nebe traça hamutuk tiha ona.

Ho esperança boot ba Leigos hirak nebé simu posse conselho Pastoral Paróquia ne’e hateten: leigo sira ohin nebe simu ona Tomada de Posse housi Amo Bispo atu hala’o knar no mos servisu sira nebe iha Paróquia ida ne’e ho diak. Lahein atu hetan benef’icio ruma housi ita nia servisu, maibé buat nebe espera mak hala’o knar tomak ho diak hodi lori malu ba Maromak, tamba ohin ita simu knar ida ne’e hodi banati tuir amo Domingos nia liafuan nebé furak tebes; “hatene simu no hatene fo”. (Janu)

Formação Bíblia Atinge Ona Segunda Fase

ITE DILI – Equipa Pastoral Diocese Dili Quarta-Feira foin lalais (19/07/2017) fo Formação contínua Sagrada Escritura nian ba agente Pastorais sira housi Paróquia iha UNIO Maloa Ailok-Laran, Dili. Formação refere, Comissão Pastoral Diocese Dili nian hakarak atu forma catequese foun ida ba agente sira maibe laos ona iha teoria de’it maibe atu halo ema moris iha Bíblia ho Bíblia Ba Bíblia no Housi Bíblia.

Pe. Jovito do Rêgo nudar Comissão Pastoral Diocese Dili nian iha intervista hateten: Formação ida ne’e atu fo conhecimento ba povo Maromak nian, liu-liu ema sira nebé ho neon ho laran hakarak hatene Maromak nia Lia-Fuan tamba sarani sira maka moris realidade mundo ida ne’e nian ita precisa ajuda iha formação sira hanesan ne’e, atu sira aban bainrua bele sai formador e formador ida ne’e hahu housi sira nia família atu sira bele sai missionário iha fatin nebé sira moris ba.

Pe. Jovito sublinha tan katak: Formação Bíblia atinge ona Segunda fase e iha Segunda fase ne’e iha agente 42 nebé ami fahe ba grupo rua tamba ema barak. Primeira fase liu tiha ona iha fulan Fevereiro no Março liu ba. Iha primeira fase ne’e kona ba Introdução ba Bíblia no Teologia ituan atu oinsa halo pratica atu moris iha Bíblia, oinsa halo ema reza housi Bíblia tuir tema boot ida nebe ba tinan ida ne’e nian: “Moris iha Bíblia, moris ho Bíblia no Moris housi Bíblia” tamba ida ne’e sai hanesan abut ida ba ema hot-hotu.

Pe. Jovito reforsa tan katak: ba segunda fase ida nee sei koalia kona ba buat rua, “Patrologia no História da Igreja”; Patrologia estudo ida kona ba Padre da Igreja sira. Padre da Igreja katak ema sira nebé harii Uma Creda ida ne’e, houri nia hun mai desde tempo Apóstolo sira ninian depois de tutan apostolo sira ne’e mak Padre da Igreja sira. Iha parte seluk mak fo conhecimento ba sira kona ba História da Igreja katak estudo kona ba lalaok hahu Igreja ne’e hahu mai to’o agora. Ne’e formação iha Segunda Fase nian no ita hein iha Terseira Fase ba Grupo rua tan nebé sei realiza iha fulan Novembro mai, ida ne’e sei acressenta tan matéria sira hanesan Bíblia Antigo Testament no Novo Testamento, Patrologia, História da Igreja, Liturgia, Sacramento sira liu-liu buat sira nebé impenha iha sarani sira nia vida no ligação ho sira nia vida. (Leo/Janu)

Ministério de Saúde Comemora Primeiro Dia Nacional de Saúde iha Timor-Leste

ITE DILI – Iha resolução husi Governo hatun ona katak dia 22 de Julho tinan-tinan sai hanesan loron Nacional Saúde ba Timor-Leste, tamba dia 22 de Julho tinan kotuk Ministéiro da Saúde ho ninia Professional de Saúde hotu-hotu lori Saúde ne’e hakbesik liu tan ba uma kain ida-idak. Ida ne’e hanesan implementa ona Política Internacional nebé durante ne’e Ministéiro da Saúde mos adopta hanesan Universal Helcavereis, esdizi, sira ne’e iha princípios hakarak ema nia moris diak, haktuir Vice Ministra de Saúde Ana Isabel Soares iha âmbito Celebração Primeiro dia Nacional de Saúde Quarta Feira (26/07) iha SE Catedral Dili.

Vice Ministra de Saúde hateten: resultado ba programa ne’e rasik 98% uma kain hot-hotu acesso ba Saúde, sira nia acesso liu husi visita uma kain ida-idak. Programa ne’e ami bolu programa Saúde na família. Vice Ministra de Saúde esplica salienta tan katak: Programa Saúde na família ne’e laos programa ida nebé hamrik ketak hanesan projeto ida ne’e lalos, maibe programa ne’e hanesan quidado saúde primários nebé mak integrado halo hamutuk iha facilidade ki’ik oan sira hanesan; iha Postu Saúde, iha sisca, iha centro saude, maibe hospital ne’e ninia level ne’e as liu ona (hospital referência, hospital regional no Nacional).

Relaciona ho famílias 2% nebé sidauk acesso ba Saúde, Vice Ministra de Saúde nee hateten: ami nia profisional saude sira lao nafatin atu oinsa bele atingi sira 2% ne’e, no ida ne’e sai hanesan knar ami nian ha’u ho ministra ninian par atu entrega fali ba governo foun ne’ebé besik atu mai.

Vice Ministra de Saúde nee hateten Recomenda ba Governo foun nebé besik atu mai katakatu continua nafatin plano nebé mak iha tiha ona, ami husu atu labele muda plano nebé mak iha tiha ona, políticas nebé iha tiha ona halo nafatin tamba ami la halo plano nebé la diak ba ema ninia saúde, ami sempre halo plano nebé diak ba ema nia saude, ne’ebé hau husu la bele muda politico ne’ebé implementa hela ema senti beneficio hela ba ema, sira bele halo revisaun, bele halo lei foun, Bele halo politico foun, maibe nebé mak iha ona ita kontinua halao nafatin ita nia plano estratégico setor saude 2011-2030 ho estrategia ida-idak nebé mak hatur ona.(Alin)

Dr. Herculano Seixas do Santos: Nação Atu Dezenvolve Diak Precisa Cidadão nebé Forte no Saudável

ITE DILI – Chefe Saúde Município Ermera Dr. Herculano Seixas do Santos kasu lia hirak ne’e ba jornalista sira iha âmbito celebração Primeiro dia Nacional de Saúde iha Vila Verde Dili Quarta Feira (26/07) foin lalais ne’e. Dr. Herculano Seixas do Santos hateten: Hau iha esperança katak iha Governo foun nebé atu mai bele hadia diak liu tan no fo prioridade ba setor Saúde, tamba ita nia nação bele dezenvolve diak liu tan precisa cidadão nebé forte no saudavel no precisa mos ita nia geração foun nebé ho saúde diak.  Chefe Saúde Município Ermera ne’e acressenta tan katak: ha’u hanoin se de’it mak atu sai ita nia naiulun rai ida ne’e nian, hau fiar katak sira sei fo prioridade ba setor saúde hanesan mos programa prioridade VII Governo Constituicional nian.

Chefe Saúde Município Ermera ne’e reforsa tan katak: ami professional saúde sira, hau hanoin mudança de Governo mos ami nia knar hanesan professional saúde Médico, ami sei nafatin halao ami nia knar ho professinalismo, ho domin tomak, ho espírito nacionalismo hodi servi ita nia comunidade, ita nia população diak liu tan, tamba atu desenvolve setor saúde importante liu hare ba aspecto 3 hanesan: atu garante nafatin acesso saúde ba população iha Timor Leste, atu regulariza sistema saúde mobiliza participação comunitária no interessantes depois bele fo atendimento saúde diak no atu reforça liu tan saúde inclui mos atu reforça sistema ne’e rasik atu Governo foun mai ne’e nia nafatin halo investimento ba reforça sistema saúde atu fo atendimento diak tuir plano estratégico nacional 2011 e 2030 no tuir perioridade nacional hanesan mos hatur ona iha ita nia Constituição RDTL  iha artigo 57 katak saúde ne’e direito povo nian, Governo iha dever atu protege no promove direito ida ne’e.

Comemoração Primeiro dia Nacional de Saúde inicia ho missa agradecimento iha Igreja Catedral Vila Verde Dili nebé preside housi Vigário Episcopal Assunto Pastoral Diocese de Dili Pe. Jovito do Rêgo. Evento Celebração Primeiro dia ba Saúde nian tuir lolos celebra iha 22 de Julho, maibe tamba iha festa Democracia nian ba Timor-Lesta no muda fali ba loron 26 fulan Julho. (Alin)

CAPELA NOSSA SENHORA DO CARMO BAIRO LURU-MATA COMEMORA BODAS DE PRATA

ITE DILI – Loron 16 Fulan Julho 2017, Comunidade Capela Bairo Luru-Mata nebé foti Nossa Senhora do Carmo hanesan sira nia mahein ba Capela refere comemora sira nia existência ba 25 (Bodas de Prata). Biban ne’e hahu ho Eucaristia Santa nebé preside housi Dom Virgilio do Carmo da Silva Bispo de Dili hamutuk ho Padres Concelebrantes, iha Capela Nossa Senhora do Carmo Bairo Luru-Mata. Iha biban ne’e Dom Virgilio fo Crisma mos ba Foinsae 80 resin iha Capela refere. Bispo haklaken: Loron ida ohin nudar loron importante ba imi Comunidade sarani Luru-Mata nebé completa tinan 25. Koalia kona ba tinan 25 ne’e la refere ba Capela ida ne’e nia furak maibé ita refere ba ema nebe hola parte no sai membro hamutuk forma comunidade ida ne’e durante tinan 25 to’o mai agora e ema hotu hamutuk hakasan atu hametin no haburas fiar sarani iha fatin ida ne’e.

Bispo dehan; oinsa mak ita hasae ita nia agradece, oinsa mak ita bele concretiza ou materializa ita nia agradecimento ida ne’e ho maneira saida, ho atetude saida, ho hahalok concreto saida mak ita bele hodi manifesta ita nia gratidão ida ne’e ba Na’i Maromak. Jesus sadik ita ida-idak atu hare ba ida-idak nia–an too agora ha’u nia atitude, hau nia relação ho Maromak ne’e oinsa, hau preucupa ho ha’u nia moris ka hau la importa. Tan ne’e, precisa hakmatek hodi rona tamba chave ba sucesso ema ida nian mak “Rona”. Dalan atu moris aprende atu rona tamba ita hare crise boot ida nebé mosu iha ita nia sociadade ne’e mak ema susar atu “Rona” tamba ho tecnologia moderno dala barak sai hanesan obstáculo ba ita atu rona ita nia maluk sira, oan sira susar atu rona Inan-Aman sira, inan-aman sira mos surar atu rona oan sira, comunidade mos dalaruam susar atu roan malu. Bispo hateten Ita Nain Feto sai modelo mai ita atu Rona.

Bispo hateten: Ita nebé rona Maromak nia liafuan hanesan ema dehan kroat hanesan surik. Balu rona sente bai-bain maibe balu rona tur la hakmatek e balu mos lakohi atu rona. Maromak nia liafuan nebé ita rona hamamar ita nia fuan, hametin ita nia fiar, fo esperança ba ita, fo corágem ba ita atu moris diak liu tan, maibe dalaruma ita lakohi atu hein, hakarak hare ohin Maromak koalia ohin ita hakarak sente kedas hanesan Povo Israel nebé hakarak atu sai lalais husi opressão nia laran. Maromak Nia liafuan precisa tempo basá depende mos ba ema nia reação, ema nia opção, ema nia decisão nuneé mos depende ba sira nebé fuan toós e balu mos tamba curiosidade ne’e duni ita precisa pacência, capacidade atu hein, fiar metin nafatin iha Maromak Nia Futar Liafuan

Mahein Dili ne’e sublinha tan: Evangelho apresenta terreno 4 nebé ema uja; Primeiro: Fuan nebé toos (Coração Duro). Ida ne’e refere ba fini nebé monu iha dalan tan ema hotu liu iha neba saida mak acontece! Ida ne’e hatudu fuan ida nebé inpenetrável katak buka maneira oinsa mos latama tamba fuan toos hanesan fatuk ba Maromak nia Futar liafuan basá sira nia hanoin nakonu ho buat nebé mundo ne’e nian, sira nia vida moral mos tuir buat nebé tempo ohin loron nian no sira nia valor mos buat nebé isin nian maski Maromak Nia Liafuan furak maibe tamba ema gosta liu buat nebé isin nian, matan nian susar atu atu halo tuir Maromak nia liafuan. Ida ne’e ema dehan maligno ida ka demónio ida nebé penetra iha ema nia neon no ita nia sentimento nebé la husik ema atu rona Maromak nia liafuan.

Segundo Fuan nebé fácil atu muda-an (Um Coração Inconstante); ita Timor ne’e karik hanesan Ai kakeu anin hu ba sorin ita rame-rame ba sorin katak ita laiha princípio ne’e katak wainhira ita hahu buat ruma ita ânimo, entuciasmo, ativa maibé liu tempo balu deit ita nia fiar no semangat ne’e laiha ona. Oinsa mak ita bele fiar wainhira ita simu tiha Sacramento hirak ne’e ita la quida. Ita ema iha isin no klamar. Ita loro-loron quida ita nia isni ne’e atu diak maibé ita haluha katak ita iha mos Espírito. Ne’e duni ita precisa moris tau buat rua ne’e hanesan entre Espírito no isin nian nune’e ita forsa. Terceiro: Fuan ida la hakmatek (Um Coração Inquieto); fuan ida nebé la hakmatek tamba problema sira mundo ne’e nian, dalabarak halai tuir progresso sira nebé rai ne’e nian ba ita nia gosto. Tan ne’e precisa hakmatek iha ita nia fuan no laran. Quarta: Fuan nebé diak  “Um coração Bom”; fuan ida nebé diak mak rai ida nebé diak. (Cko)

HISTÓRIA BADAK EXISTÊNCIA CAPELA NOSSA SENHORA DO CARMO BAIRO LURU-MATA

ITE DILI – (16/07/2017) Capela Nossa Senhora do Carmo Bairo Luru-Mata hari iha tinan 1980 iha tempo Amo Bispo Matebian D. Alberto Ricardo da Silva sei hanesan Pároco Paruia Santo António Motael. iha momento neba hari laos iha fatin ida ne’e maibe iha kraik ituan laos iha fatin ida agora ne’e. Hafoin iha tinan 1984 hari fila fali iha Capela ida ne’e nia sorin no iha tinan 1987 mak foin marca fali Capela iha fatin ida ne’e duni. Capela ne’e uluk ho nia luan 10 metros no naruk 16 metros. Iha momento neba construção ne’e hahu comunidade rasik mak servisu hamutuk hodi harí Capela ida ne’e no contribuição sira mai housi cada família contribui kalen tahan rua e rai ho nia luan 22 metros no naruk 30 metros nebé oferece housi família sr. Agustinho Pereira Soares ho nia kaben nebé oras ne’e sai ona hanesan matebian nebé hakoi iha área Capela nian sorin, haktuir Comissão Organizadora ba evento Bodas de Prata Capela Nossa Senhora do Carmo Luru-Mata, 16/07

Nia haktuir tan katak: Iha tinan 1992, ami lubun boot ida tur hamutuk hodi decide no fo naran Capela Nossa Senhora do Carmo Bairo Luru-Mata. Premeira missa iha Capela Nossa Senhora do Carmo Bairo Luru-Mata ne’e celebra housi Pe. Manuel Fraile SDB hanesan Amo Pároco ba Igreja Maria Auxiliadora Comoro iha tempo neba. Capela ne’e mos iha tempo difícil halibur mos maluk balu halao servisu ba Selcom ho naran Escorpio estrutura provisório Clandestin nian nebé coordena housi Sr. Norberto Maria do Santos nebé oras ne’e matebian ona.

Nia Sublinha tan: Iha 1996, ami harí tan Gruta ida no Iha tinan 2014, estrutura Capela nian tur hamutuk ho Donator sira hodi halao Renovação ba Capela ne’e ho tema ida housi Donator sira nian nebé dehan”Fó ho liman lós liman karuk sei la hatene, Fó ho liman karuk liman liman lós sei la hatene”. Além ne’e hetan mos contribuição housi sarani sira nian iha Bairo Luru-Mata tomak ho totál $ 6535,57 Céntimo, biban neba ami hetan mos tulun housi Paróquia são José Aimutin $ 2000, Clínica Marie Stope $ 250, Sra. Olinda de Fátima $ 100 no Sr. Duarte $ 100. Iha rehabilitação aumenta tan Capela nia luan 2 ba oin no nia naruk aumenta tan 2 metros.

Entretanto Nia sublinha tan: Capela ne’e hetan Inaguração housi Bispo Dom Alberto Ricardo da Silva iha loron 10 fulan Novembro 2014, como Amo Bispo iha momento neba moras tan ne’e Bispo assina deit Placa nebé oras ne’e taka iha ne’e no missa celebra housi Vigário Amo Luis Bonaparte. Iha tempo ba tempo ami sempre halo mudança katak ami hamutuk ho sarani hodi harí tan Palco ida hodi uja ba Missa no cerimónia sira. Oras ne’e Capela Nossa senhora do Carmo celebra ona tinan 25 Bodas de Prata iha loron 16 fulan Julho 2017 nebé celebra housi Dom Virgilio do Carmo da Silva SDB Bispo de Dili hodi fo Crisma ba foinsae nain 80. Sarani iha Bairo Capela Nossa Senhora do Carmo Luru-Mata hamutuk ± família 400 ne’e ami foti housi Paróquia ne’e la conta housi área Estado.