shadow
Diocese de Dili > NOTÍCIAS > OPINIÃO

SAI JOVEN MISSIONÁRIO IHA TEMPO ATUAL

(Perspetiva Jornalistica Ba Ano Missionário Juvenil Iha Creda Timor Leste)

Husi : Marta do Rosário Afoan.  Lcs.

 

               Concílio Vaticano II iha ninia documento sira ko’alia mós kona ba Atividade Missionário Creda Católica nian iha missão haklaken evangelho ho lian Latina hanaran “Ad Gentes” katak “Ba ema-rai hotu. Documento ne’e fó sai nu’udar comitmento ida husi igreja católica hodi lori Evangelho ba ema hotu. Hahalok ida ne’e sai nu’udar missão fundamental  creda nian ida no  mós reafirmação hahalok evangelização no caridade nian ba sira nebe ladauk hetan Cristo iha sira nia moris. Iha contexto ita nia creda no rai Timor nian ita bele dehan alvo evangelização mak jovem sira basá jovem sira mak sai modelo ba  futuru nação no futuru uma creda nian.  Ne’e sai tuir buat nebe amo Papa são João Paulo II  wainhira mai visita Timor Leste (Dili-Tasi tolu) iha tinan 1989 nebe dehan jovem mak masin no naroman mundo nian. Haré ba realidade jovem ohin loron nian diferente teb-tebes ho jovem tempo uluk nian. Jovem uluk nian fó sira nia  vida tomak  ba mehi ida áas iha sira nia rai no igreja, maibe jovem ohin loron nian ladun interese ba vida ida mak sira monu lalais liu ba lasu mundo globalização nian hodi hatama an ba iha vida moderno wainhira sira rasik seidauk pronto hasoru moris nune’e. Ida ne’e  halo sira sai baruk ten liu tan hodi la preocupa ba buat nebe folin ba sira, preocupa liu fali ba buat nebe mak laiha folin. Por ezemplo; wainhira jovem feto ka mane ida quando kaer ona telefone iha liman, nia sei la halo atividade seluk tanba nia sei focus ba de’it telefone nebe iha nia liman no pior liu tan wainhira sira ba missa iha igreja laran mós barani buti nafatin telelfone.  Jovem sira precisa moris tuir Papa João Paulo II ninia afirmação iha leten ne’e.  Atu bele nati tuir ida ne’e dalan mak  moris tuir Evangelho no haklaken Evangelho ne’e. Ho de’it nune’e mak jovem bele sai masin no naroman ba mundo hodi fo folin ba nia moris. Sua santidade Papa Francisco  convida ita atu halo ida ne’e hamutuk. Nune’e nia dehan “Juntamente com os jovens, levemos o Evangelho a todos” katak hamutuk ho jovem sira ita lori Evangelho ba ema hotu.

               Nune’e diocese Dili mós iha hanoin no fó importáncia boot ba jovem sira hodi hili tema pastoral diocese Dili nian ba tinan ida ne’e mak “Joventude Missionário”. Tema ne’e conserteza sei salva jovem sira no dada fila fali jovem sira nebe hamout an iha hela nakukun  laran atu bele participa iha atividade evangelização nian nebe sei fo folin ba sira nia moris no halo sira descobre lolós moris ne’e nia folin, liu-liu moris nu’udar jovem católico ida hodi  bele mós sai fali  apóstolo ba jovem seluk..  Nune’e  nu’udar jovem ou foinsa’e temque  haka’as-an buka atu hatene hili buat nebe mak di’ak no lós ba ita nia moris ka ita nia futuru selae ema nia liafuan nebe dehan hili lós salva moris no hili sala hela de’it naran ne’e bele sai tuir fali.

               Pessoalmente ha’u hanoin tema ida ne’e interesante teb-tebes tanba  wainhira ita implementa ona sei lori ita jovem barak envolve an iha atividade igreja nian hodi sai hanesan jovem missionário. Jovem missionário ninia kna’ar lolós mak sai hanesan evangelizador/a hodi haklaken Maromak Nia liafuan sira ba ema seluk  liu husi fahe esperiencia kona ba fiar iha  Evangelho nian liu husi animação oi-oin hodi bele fó ksolok ba ema seluk.  Matenek na’in Wellaine Queiroz mos fó ninia hanoin kona ba jovem missionário  hodi dehan katak sai  jovem missionário ne’e sempre iha hanoin atu haklaken kona ba Jesus Cristo iha qualque fatin sira nebe ema hela dook, ho contente no esprança atu motiva nafatin ema seluk nebe laiha  sentidu atu moris, hatudu naroman lialós nian ne’e mak Jesus rasik.

               Participação jovem missionário iha tempo atual ita haré máximo teb-tebes tanba maioria jovem barak mak envolve an iha atividade igreja nian, hanesan foin daudaun ita haré ba realidade nebe fó sai iha média social sira kona ba participação  Jovem Missionário nian ita haré furak tanba  jovem sira sempre participa ho contente, ho haksolok, liu husi reza, hananu, no consola ema seluk nebe sente triste, sai evangelizador/a ba ema seluk, convida ema seluk atu ativa nafatin iha igreja. Liga mós ba realidade ne’e iha fulan hirak liu ba  igreja católica liu husi atividade Obra Pontifícia da Infância e Alolescência Missionária (OPIAM) nian halo mós socialização  hamutuk ho jovem sira hodi  realiza atividade  missionário nian iha municipio Covalima. Ida ne’e facto nebe hatudu katak atividade Jovem Missionário nian começa buras ona liu husi ita nia kiik oan sira nebe la’o hamutuk ho madre-padre sira  hodi la’o ba fatin-fatin visita ita nia maluk sira seluk no mós fahe esperiencia fiar kona ba Maromak Nia liafuan di’ak ba comunidade sira nebe mak la hakbesik an ba ita nia hun ka ita nia abut rasik mak Na’i Maromak.

Referencia:

INCERTEZA POLITICA NO INFLUENCIA MEDIA SOCIAL

Perspectiva Baudrillard iha situação actual

Husi : Mário de Oliveira Pires

 

               Uainhira mosu explosão internet hahu kedas husi instituições inovadoras  pesquisa nian iha mundo: a Agência de Projetos de Pesquisa Avançada (ARPA) Departamento de Defesa EUA nian’ ho ninia sentido ida nebé profunda mak “Interconnection Network” katak “relação entre computador tuir definição Adang Martanto nian. Ne’e duni, loos duni katak internet hafacil duni ema no transforma ema ninia moris lor-loron nian husi tempo ba tempo. Transformação refere kait tomak iha dimensão tomak ema nian, inclui dimensão economia, social, politica, cultura, religião, no dimensão sira seluk tan. Transformação ne’e halo katak ema labiban hodi hakiduk nem atu ses husi realidade nebé meios comunicação oferece no husi desenvolvimento tecnologia nebé lalais ba bebeik.

               Hodi hatama an iha transformação hirak ne’e, configuração foun mos ema cria no  ambiente tradicional sira mos transforma hetok  realidade mos altera tiha fali ba laos ona real iha digitalização ninia hakuak.

               Ho hirak ne’e hotu mosu mai pensamento sira hanesan, sociedade em rede, sociedade de consumo, sociedade digitalizado no global village  expressão hirak ne’e laos tamba buat seluk se laos tamba internet nebé oferece ba ema dalan oi-oin atu transforma estilo moris sociedade nian. Internet nebé oferece biban atu ema bele cria nia an sai oin seluk iha Facebook, internet mos nebé oferece biban atu ema hatudu nia an liuhusi fotografia iha Instagram, internet nebé oferece biban atu ema atu hatudu nia an iha Youtube ho video sira nebé iha. Biar vantagem sira nune’e mak Internet oferece maibé realidade sira ne’e mesak representação husi realidade, imaginação husi ser, manipulação ba realidade no ikus liu mak realidade hotu mesak simulação nebé no fundo no fundo bele loos no bele sala.

               Husi pormenores nebé iha, hakerek nain hakarak coloca assuntos balun iha realidade politica interteza Timor Leste nian nebé sociedade Timor Leste hamout an ba hanesan loos nani hela iha be merak incerteza politica nian, lahatene atu ba loos nebé no sei moris tan oinsa iha loron aban nian. Ba nune’e lahases mos influencia husi media social ba sociedade ohin loron nian hodi fiar buat nebé tuir loloos verdade em si. Ida mos nebé labele haluha mak confrontação de ideologia hodi hamosu implosão de sentido iha media. Ikus mak conclusão ida hodi hakotu escrito ida ne’e.

  • Be merak politica nian

               Dook atu hakat ba oin, besik mos atu hakiduk ba kotuk, Timor Leste ninia situação lao kudeik hanesan hela be iha talas tahan, kois-kois bele tama iha colapso hanesan mos rai bar-barak nebé oras ne’e tama iha crise econômica, social no política, nune’e mos alimentos nebé kuran ba bebeik, inflação. Exemplo nebe bele halo ita matan nakloke mak Venezuela, uainhira liutiha eleição presidencial, tamba deit ida-idak defende an ho ninia permanencia iha grupo, hamosu reacção oi-oin hodi lasimu no anula presidente Maduro. Mosu husi sorin ida lider oposição nian nebé publicamente declaran hanesan Presidente interino hodi promete buat bar-barak.

               Timor ninia situação politica rai laran hela nafatin hanesan tinan sira foin liu hahu kedas husi 2017, 2018 no 2019. Situação ne’e lamuda hanesan ema hotu hein, tinan 2019 nebé boas entradas mosu kedas ho boas nakdedar tamba presidente da Republica Veta OGE 2019. Ne’e hotu iha ninia consequencia politica de interesse nacional. Presidente da Republica iha razão constitucional, legitimo no seluk tan hodi veta tamba politica de interesse nacional, iha sorin seluk proposta orçamental nebé hatoo husi governo AMP mos iha razão de interesse politica nacional ho montante osan nebé iha. Hot-hotu iha politica de interesse nacional, nem presidente, nem governo AMP; maibé buat nebé seidauk iha hodi halo sira nain rua hamutuk mak consensos nacional hodi lori interesse nacional ne’e ba oin.

               Consensos de interesse nacional ne’e mosu uainhira liderança histórico sira tur hamutuk hodi halo dialogo ba interesse nacional. Consensos nacional ba politica de interesse ne’e mak laos atu haketak malun bebeik. Se ida ne’e laacontece iha Timor, oinsa mak ita koalia kona ba politica de interesse nacional. Confrontação de politica de interesse ne’e halo com que ema hotu hela iha duvida, afinal das contas saida loos mak politica de interesse nacional ne’e ? hodi hatan pergunta simples ne’e, diak tebes atu hare katak «Ema se hakarak sai boot liu sira seluk –Jesus dehan – nia sei sai ikus liu hotu hodi sai ema hotu nia atan» (Mc 9, 35). Nunee mos mak Papa São Paulo VI dehan, «halao política ida nebé sério, iha ninia diversos níveis – local, regional, nacional no mundial – ne’e mak afirma kona ba dever ema nian, husi ema tomak, hodi reconhece realidade concreta no valor husi liberdade atu hili husi sira nebé mak proporciona, atu hamutuk buka too ba cidade nia diak, nação no humanidade».

  • Influencia husi media social ba sociedade ohin loron

               Hanesan temin tiha ona, influencia husi media social ba incerteza politica ohin loron nian hamosu duni implosão ba sentido husi media social ne’e rasik. Idea principal husi implosão husi sentido ne’e rasik mai husi Baudrillar, sociologo, Filosofo no Fotografo Frances ida nebé fo ninia contribuição hodi haré katak ohin loron ema buka dalan oi-oin hodi sai buat nebé laos nia an rasik. Husi ne’e mak ema liuhusi meios (media social) atu halo simulação ba situação, objetos, personagens no forma seluk hodi hakat ba impressão bosok sira husi realidade nebé iha. Baudrillard hanesan autor nebé influencia makaas iha capitalismo continua, post-Marxismo, posmodernismo, media massa, publicidade, televisão, semiotica contemporanêo, no explorasão cientifica seluk kona ba cultura pop.

               Oinsa mak influencia husi media social ba politica ohin loron sai debate ida importante iha Baudrillard nia pensamento. Ida ne’e bale halo duni confrontação ba realidade social politica ohin loron tamba idea ne’e fofoun mosu tamba influencia de classe no status social. Tuir Baudrillard, iha fenomeno informação husi media social, tuir loloos iha buat tolu ne’e mak representação, manupulação no simulação. Buat tolu nebé temin iha leten hamosu influencia ba malun no dependencia ba malun. Relaciona ho representação, tuir lolos informação ne’e hanesan resultado husi precesso representação. Ne’e katak processo atu hamosu fali realidade ida no tuir mai halo transmissão kona ba realidade ne’e ba ema seluk. Ninia meio bele oi-oin, exemplo foto, meios comunicação social, video, publicidade, jornal no seluk tan. Relaciona ho ne’e processo representação ba realidade ne’e han malun ho saida mak Dretske dehan information is always information about something. Informasi sempre relaciona ho buat ida nebé hetan representação. Maibé buat nebé ita cuidado iha ne’e mak manupulação no simulação iha informação ne’e rasik.  

  • Confrontação ho realidade ohin loron

               Ohin loron buat nebé mosu malorek iha media social mak informação nebé ema halo manipulação no simulação ba informação ne’e rasik. Husi grupo Media Center husi Partido A hamriik ho ninia dados manipulação hodi hatun Partido B. Nune’e mos grupo Media Center Partido B hamriik mai ho ninia fotografia simulação nian hodi hatun Partido A. Husi ne’e mak ita hare katak mosu duni implosão ba sentido husi informação no buat nebé real laos ona real ou bele mos realidade demais tiha deit tamba hetan digitalização husi maquina nebé ema liman badaen sira mak produz. Too iha ne’e mosu katak Partido A usa media B hodi hatoo informação nebé bele explora opinião publica kona ba Partido C, nune’e mos Partido B usa media A hodi hatoo informação ba Partido D. Informação sira ne’e bele hamosu representasão husi realidade, manipulação ba factos no simulação ba realidade nebé acontece iha ita ninia rain. Hela kmanek katak Partido A no Partido B ho tan Partido D no partido sira seluk hakarak too ba objetivo ida nebé hanesan ne’e mak koko atu representa kona ba realidade ba sociedade. Maibé, iha processo ne’e, sempre mosu manipulação ba realidade nebé nia representa hodi ikus mai tranforma realidade ne’e sai simulação. Panorama ne’e mak agora dadaun mosu iha Timor Leste ninia situação politica actual.

 

Conclusão

               Timor Leste ninia situação politica lao nafatin iha incerteza ida nia laran, rezulusão ba situação ne’e mos ema hotu hein, janela sira media social nian harame deit ho assunto politica nebé bele mos loos no laloos. Kait ho ne’e “implosão sentido informação” iha media social laos solução ba situação politica ne’e tamba hakarak ou lae sociedade Timor Leste ohin loron hakarak moris hakmatek iha nação ida Independente no construi ninia pais hanesan saída mak Nicolau Lobato dehan “a hora da nossa terra e do nosso povo também chegou; a Libertação está assomando nas fibras do horizonte” (Manifesto FRETILIN, Dili, 20 de Maio de 1974); no hatutan tan katak Timor moris iha “… um novo horizonte – um horizonte da esperança” (Lisboa, 19 de Maio de 1975).

 

Referencia Bibliografia

  • BAUDRILLARD Jean, Simulacros e Simulação, Relogio D’agua, Lisboa, Portugal, 1991.
  • WIKANDARU Reno, “Metafisika informasi dalam perspektif Pemikiran jean baudrillard. Kontekstualisasinya dengan pertautan media dan politik di Indonesia”, Jurnal Filsafat, v. 27, n. 2, aceso iha : (19-10-2018).

NB : ba sugestão no critica bele haruka deit mai iha email : marioolive34@gmail.com

Tradição tau veu/Mantila iha Igreja Católica (Parte 2)

               Hanesan intrus ona iha escrito (artigo) parte 1, Quase tinan rihun rua resin, inan feto Católica sira sempre cobre sira nia ulun ho mantila ka veu nudar sinal de adoração e respeito, wainhira sira participa iha Eucaristia ou evento litúrgico ruma hanesan adoração Santíssimo.

               Obrigação eh regra uza mantila (veu) nee, hanesan explica ona iha artigo parte 1 nia,  existe iha lei Canônica tuan (1917). Depois de Concílio Vaticano II no estabelecimento Código de Direito Canônico foun (1983), neneik neneik obrigação nee ema barak (inan feton) Católica sira balu mak uza mantil, balu la uza ona basá, iha lei Canônico foun nee la temi tan obrigação atu uza mantila (veu) iha missa.

Tuir mai, ita ba haré aspecto balun hodi hatene sentido uza Mantila (Veu) iha tradição Igreja Católica.

 

 1 Aspecto legal

               Necessário tebes ba ita nudar sarani hodi hatene aspecto legal balu iha tradição Igreja Católica kona ba costume uza mantila (veu). Igreja tuir pedido Concílio Vaticano niamn, organiza hikas lei positivas sira hanesan Código de Direito Canónico 1917. Depois de convocção Concílio Vaticano II, Cicílio rasik husu atu halo reforma ba Código tuan nebe iha. Ikus mai, iha 1983 mosu duni Código de Direito Canónico (CDC) foun nebe mai ladun menciona kona ba costume uso mantila (veu) iha Igreja Católica. Atu ita hetan análisa certa kona ba certesa (kepastian) obrigação uza mantila, precia ita consulta saida

               Código actual 1983 nian la koalia kona ba halakon ka continua uza veu/mantila. Então será que nee significa katak costume uza mantila nee halakon ona? Lae! Código de Direito Canónico foun, liliu iha Cânon 20 ho 21 hatete katak; Lei tuan sei halakon tiha wainhira Lei Foun explicitamente koalia kona ba abolição (halakon)  iha lei foun. Se mosu dúvidas ruma acerca de uso mantila, bele revoga fila fali iha lei tuan: ”A lei posterior ab-roga ou derroga a anterior, se expressamente o declara, se lhe é diretamente contrária, ou se reordena inteiramente toda a matéria da lei anterior; a lei universal, porém, de nenhum modo derroga o direito particular ou especial, salvo determinação expressa em contrário no direito (Código de Direito Canônico de 1983, cân. 20, destaques nossos)”. E ainda: “Na dúvida, não se presume a revogação de lei preexistente, mas leis posteriores devem ser comparadas com as anteriores e, quanto possível, com elas harmonizadas” (Ibid., cân. 21, destaques nossos).

               Husi Citação nee ita bele entende katak, costume uza mantila nee continua válido iha Lei Direito Canónico (CDC) foun 1983. Código Antigo (CDC 1917) afirma expressamente katak uso de mantila nee obrigatório. Maske iha tempo sira tuir mai mosu discussão oioin kona ba obrigatoriedade nee. Concluiremos que, para infelicidade dos que são contra o uso ou a obrigatoriedade do véu, mesmo que o Código antigo não o regulamentasse, ele seria obrigatório.

               Atu conclui parte ida nee, ita afirma katak maske mosu infelicidade (contra) usu de mantila husi entidade ka sarani balu kona ba carácter obrigatoriedade nee, no maske lei la koalia explicitamente kona ba nee, maibé, uso de mantila nee obrigatório nafatin iha costume Igreja Católica nian. Ohin loron ita haré religiosa sira (madre/freira) sira mak continua uza mantil/veu. Iha âmbito sarani nian, inan feto sira nebe continua uza mantila wainhira participa iha Eucaristia, precisa banati tuir husi geração foun sira nebe hahau atu desviado husi tradição diak nee. Código foun CDC 1983 fo coragem ba ita hodi tenik katak: “O costume é o melhor intérprete da lei” (Ibid., cân. 27).

               Código Foun (CDC 1983) acrescenta hodi justifica liu tan katak: “Salva a prescrição do cân. 5, o costume contra ou à margem da lei é revogado por um costume ou lei contrários; mas, se não fizer expressa menção deles, uma lei não revoga costumescentenários ou imemoriais, nem a lei universal, costumes particulares (Ibid., cân. 28, destaques nossos).

Atu anicipa idea contrário sira hasoru cânon 5,  Cânon 28 descreve liu tan katak:

  1. Os costumes, universais ou particulares, vigentes até o presente contra as prescrições destes cânones e que são reprovados pelos próprios cânones deste Código, estão completamente supressos e não se deixem reviver no futuro; os outros também sejam considerados supressos, a não ser que outra coisa seja expressamente determinada pelo Código, ou sejam centenários ou imemoriais, os quais podem ser tolerados se, a juízo do Ordinário, em razão de circunstâncias locais e pessoais, não possam ser supressos.
  2. São mantidos os costumesà margem do direito e vigentes até agora, quer universais, quer particulares (Ibid., cân. 5, destaques nossos)……….sei Continua

 

Referência:

Tradição tau veu/Mantila iha Igreja Católica (Parte I)

               Ema barak (liliu sarani sira) la hatene katak tuir los utilização Veu nee mosu uluk iha tradição Igreja Católica nian. Ohin loron ita haré deit senhora balu mak costuma uza veu hodi cobre ulun iha momento liturgia (Eucaristia). Trend moderno sira, adolecente sira nebe costume nonton sinetron Indonésia nian considera veu nudar hatais ema feto muçulmano sira nian. Iha tempo uluk, veu baibain inan feto Católico sira uza wainhira participa iha Missa (Eucaristia), wainhira reza, ou iha cerimónia litúrgica ruma. Costume uso veu uluk sau nudar obrigação ida tuir lei Canónica tuan número 1262.

               Maibé, depois de Concílio Vaticano II, Igreja Católica la tau ona costume uso veu nudar obrigação ida ba sarani sira. Nee significa katak depois de Concíolio Vaticano II, inan feto sira livre atu uza veu ka la uza durante evento litúrgico ruma. Regulamento kona ba obrigatório uza veu iha Missa mos la mosu ona iha lei Canônico foun. Maske nunee, inan feto ida-idak iha liberdade atu uza veu iha missa laran. Ba inan feto Católico sira, uza veu iha missa nudar expressão fiar no devoção pessoal ida.

               Oras nee, depois de liu tiha tinan 50 resin….ita hare ina feto sira hahu uza fali veu (mantila) iha evento litúrgico sira. Tuir lolos nee, veu nudar maneira ida expressa sentido adora Maromak, hatudu respeita no expressão exterior fiar Católica nian. Fenómeno ida nee sentido de respeita ba tradição Católica nebe ema barak hanoin dehan nee mai costume ema islam sira nian maibé, afinal nee Cristianismo (Catolicicmo) nia tradição.

               Base Bíblica nebe sai fundamento ba uso veu nebe dala barak ita sarani hanoin dehan so madre sira deit mak bele uza ou feto muçulmana sira mak bele uza hanesan jilbab. São Paulo nia carta dalauluk ba sarani Corinto sira hanorin katak; wainhira halo oração ou adoração ruma, precisa hatais tuir cultura diak nebe estabelece.

 

               Tuir lisan iha tempo nebá, feto sira nebe atu halo oração ou participa iha evento religiosa ruma, precisa cobre/taka netik veu ruma iha ulun nudar sinal de fidelidade ba Maromak. Tanba nee mak iha altura nebá mós, ema considera feto nebe tau veu iha acto religioso sira nudar mos sinal de submissão ba sira nia laen kaben nudar chefe da família.

Iha Carta 1Cor 11, 4-10 hatete:

“Todo homem que ora ou profetiza com a cabeça coberta falta ao respeito ao seu senhor. “E toda mulher que ora ou profetiza, não tendo coberta a cabeça, falta ao respeito ao seu senhor, porque é como se estivesse rapada.” “Se uma mulher não se cobre com um véu, então corte o cabelo. Ora, se é vergonhoso para a mulher ter os cabelos cortados ou a cabeça rapada, então que se cubra com um véu.” “Quanto ao homem, não deve cobrir sua cabeça, porque é imagem e esplendor de Deus; a mulher é o reflexo do homem. 8.Com efeito, o homem não foi tirado da mulher, mas a mulher do homem; 9.nem foi o homem criado para a mulher, mas sim a mulher para o homem.” “Por isso, a mulher deve trazer o sinal da submissão sobre sua cabeça, por causa dos anjos”. 
               Carta Apóstolo Paulo (1Cor 11, 2-16) ba sarani Corinsto sira hakerek tanba mosu conflito entre sarani Corinto relaciona ho oinsa pvo sira nia hatais iha cerimónia liturgica. Apóstolo Paulo crítica sira hodi fo hanoin nebe basea ba sira nia cultura. Parte ida husi cultura povo Corinto nee mak tak ulun ho veu ba feto sira. Fundamenta ba ida nee mak Igreja Católica iha livro Lei Canônico 1262 fo dever ba feto sira tenke uza veu (taka ulun) wainhira assiste cerimónia litúrgica ruma. Hahu husi nee mak tradição ida nee conserva too tempo Concílio Vaticano II.

               Iha Timor Leste, wainhira missa, ita bele observa katak; inan feton sira oitoan deit mak uza veu. Barak liu seidauk seidauk hatoman-an ho costume tradicional ida nee. Iha Indonesia no nação seluk, ita haré, inan feton barak tebes mak hahu tau veu wainhira missa. Buat nebe precisa tau iha consideração mak; tau veu la hamenos ita nia beleza nem contra dignidade maibé, por natureza, nudar expressão haraik-an iha Maromak futar oin. Sei Continua…..

 

Referência :

NATAL : MAROMAK MAI HASORU MALU HO EMA

Natal nu’udar econtro domin ida entre ita ema ho Maromak. Nia nebe iha leten-as ba tun mai koko realidade ita ema nian, hasoru malu ho ita no koalia husi fuan ba fuan.

            Natal ne’e moris ida nebe lori moris foun no precisa celebra. Tamba nee mak natal sempre lori ksolok, dame, no liberdade. Experiencia konaba moris no moris foun hanorin ita valor ruma nebe ita precisa agradece tamba Nai haraik mai ita gratis. Nu’udar ema sarani Catolica, Natal katak sa?

Ema barak mak haluhan katak Natal nu’udar loron moris Jesus nian. Hanesan komik witoan wainhira tinan tinan ita repete koalia hela deit konaba Natal, maibe importante duni atu koalia nafatin tamba iha situacao mundo ohin loron, ita ema precisa moris foun. Iha parte seluk mos tamba natal quase lakon nia sacralidade hodi sai fali evento commercial, iklan consumerismo, sibuk ba mai, enfeites oi-oin nebe nabilan husi uma laran ba to’o loja sira, maibe ita ema nia fuan nafatin mamuk. Ema hot-hotu koalia konaba Natal, no ema sira nebe la fiar Jesus Cristo mos envolve iha evento ne’e ho preparação oi-oin, maibe barak mak la compreende katak Natal ne’e lalos presepio mamuk maibe Jesus nebe mai moris iha espaço de tempo ida nuudar ema iha rai Belem. Moris ida ne’e mak ita ema cristão celebra nuudar Aniversario boot husi ita nia Maksoyn maibe dala barak presepio nebe simples iha Belem sai tiha fatin lakan nabilan nebe nakonu ho papai Noel, ema han hemu too lanu didiak, fatin atu ema loke musica profano sira no seluk seluk tan, joga, dança, dahur no ikus mai remata ho conflito.

Ema barak mak preocupa teb-tebes ho Natal, hahu husi kiak ba to’o ema nebe riku teb-tebes, fakar osan hodi sosa enfeites oi-oin, roupa nebe modelo foun, sapatu nebe nabilan, ou hahan nebe saboroso maibe fuan nafatin dok malu, ema odio malu, trata aat malu, naok, bosok, halo corupção, no to’o oho malu, naiulun sira laiha unidade, jovem sira laiha dame, crise acontece iha aspecto hotu-hotu tamba labele koko Jesus nia Moris, la sente Natal nia furak. Será que soy duni ba ita atu celebra Natal iha rai Timor?

Wainhira reflete konaba realidade hirak ne’e, hamosu iha hau nia hanoin konaba moris nebe hanesan “viagem criminal” nebe naruk. Tamba sa? Iha moris lor-loron, wainhira ita hakas-an atu sente moris nia furak, sempre mosu realidade rua nebe paradoxal no susar atu ita halai ses. Realidade rua ne’e mak ida nebe fo segurança no ita nebe hamosu tauk.

Ita sente dame wainhira situação diak, hakmatek, iha unidade, iha serviço hamutuk no hadomi malu. Maibe ita mos sente tauk wainhira mosu situação odio, conflito, laran moras, bosok, hirus malu, funu no seluk-seluk tan. Parece que ita nia moris ohin loron domina teb-tebes ho situação tauk doque seguro. Tamba ne’e mak hamosu reflexão katak ita celebra natal maibe iha mos acontecimento iha ita nia moris nebe “ho oin criminal no ho hahalok criminoso”. Iha criminal politica, criminal economia, criminal tecnologia, criminal social etc, nebe hatudu ita ema nia fraqueza hodi lakohi husik Maromak atu ukun ita maibe uza fali ita nia egosime atu domina malu. Wainhira egosime mak domina ita mak ita nia moris sei sai nafatin nu’udar “viagem criminal” nebe naruk no laiha rohan. No se karik nune’e, religião Catolica mos sei lakon nia sentido ba ita nia moris, maske Religião nuudar meios atu bele orienta ita ema lao tuir ita nia consciencia hodi ba To’o ita nia Criador.

Realidade hirak ne’e hatudu katak ita ema seidauk compreende lolos significado husi Natal ou bele dehan mos katak buat hirak temi iha leten expressa ita ema nia fuan nebe continua mamuk, tamba la fo fatin ba Maromak atu bele moris iha neba, maibe ita hakarak sai Herodes nebe hamate moris no hakarak compete ho Maromak atu ukun.

Ita consciente ka lae, experiencia Jesus nian nebe la hetan fatin atu moris sei repete nafatin iha ita nia tempo, e sai aat liutan. Nai Maksoin nebe halo aniversario ba dala 2018, ita haluhan tiha, soe tiha ba kotuk ka ita uza deit nuudar mascra ka ‘topeng’ atu bele satisfaz ita ema nia desejo.

Iha natal ema bele lakon buat hotu, menus deit lakon nia tempo hodi hakat ba Igreja atu agradece ba moris nebe Maromak haraik ba nia iha tinan tomak. Indiferenca fiar sei dificulta liu tan ita ema nia moris tamba ita sente buat hotu iha moris ne’e bai- bain deit hodi dehan “U boot”. Ita nia liafuan sira nunee mos bele expressa ona ita ema nia mentalidade relaciona ho ita nia fiar, katak, ita lakohi depende tan ba Maromak.  Claro que Jesus la precisa presente nebe furak husi ita maibe nia precisa ita nia fuan.

Natal mos nuudar celebracao familia nian. Iha natal ita celebra ita nia relação nu’udar familia universal no fahe experiencia konaba domin no fraternidade. Tamba ne’e mak ambinte familiar nian sai forte liu tan iha tempo natal iha nebe ema halibur malu hodi celebra hamutuk.

            Iha natal ita mos celebra moris foun iha Jesus basa Maromak salva ta housi atan sala nian. Maksoin ne’e nafatin moris lor-loron, tamba ne’e mak natal lolos ne’e ita celebra lor-loron ka natal diário lalos natal annual ka tinan nian. Jesus nafatin moris lor-loron ho maneira oi-oin, experiencia oi-oin, iha ema no situacao oi-oin. Jesus nafatin moris iha ema kiak, simples, iha crise politica nebe naruk, iha avanços comunicação no tecnologia nebe domina ema, iha familia nebe fahe malu, iha jovem nele lakon esperança no iha realidade hot-hotu.

Natal lori it aba halo viagem nebe naruk hanesan ho liurai nain tolu. Visita husi Liurai nain tolu ba Belem hodi hasoru malu ho Jesus nebe moris iha neba, marca significado nebe boot ba sira nia moris, nebe mak halo sira brani fila hikas ba sira nia rai tuir dalan seluk, lalos dalan nebe bai-bain sira lao ona. Significa katak, ita nia encontro ho Maromak tenki lori transformação ka metanoiaiha situação hot-hotu. Ne’e la significa katak moris ida uluk nian la serve ka laiha folin maibe nia sempre sai nu’udar mestre nebe hanorin ita atu moris diak liu tan iha futuro. Encontro nebe lolos ho Nai Jesus Cristo bele renova ita ema nia moris basa experiencia Maromak nian sei la repete ho maneira nebe hanesan.

Ita ema sempre bele sai foun fila fali, no nafatin simu convite atu lao tuir Estrada foun, moris foun, nomos Maromak nia acção nebe foun.

Ita ema cristão nia moris depois de Natal, labele hanesan deit ida uluk nian basa, Jesus rasik mai hola isin hanesan ho ita atu hatudu dalan oinsa bele luta ba moris santidade nian. Ho haksolok ita bele sente iha ita nia moris katak buat foun acontece duni ba ita tamba Jesus moris iha ita nia le’et nuudar EMMANUEL.

Novidade ne’e lalos tamba deit ita repete celebra festa natal tinan-tinan, maibe liu-liu situação moris foun nebe ita enfrenta. Tamba ne’e mak ita precisa hakonu-an fila fali ho energia foun no fo significado ba ita nia kna’ar sira iha Igreja no sociedade. Se wainhira celebração Natal la contribui buat foun ba ita ita nia compromisso ho Jesus Maksoin no nia Evangelho, ne’e significa katak natal la acontece ba ita nia moris. Novidade ka buat foun ita sei hasoru iha ita nia viagem ba belem fuan nian, kadi fila fali ita nia cosciencia hodi la sai Herodes ba malu maibe sai netik bibi-atan ka anjo nebe lori liafuan ksolok.

Salmista reza ho fiar tomak:”Nai hatudu nia salvação, no nia hatudu justiça iha povo sira oin” (Sl 98,2).

Celebração natal nian fo hanoin mai ita konaba misterio ne’e, nomos lori ita ba simu convite ida, nebe sempre foun atu bele lao ba Belem, hasoru malu ho Menino Jesus.

Nia deit mak bele muda situação nakukun sala nian ba ksolok salvação nian. Nia mak bele hamos ita nia todan sira tamba sala nebe ita halo no hari’i fila fali moruk foun ida entre ita ema ho Maromak. Noticia ksolok ne’e mak merece duni atu ita celebra iha loron natal basa, Maromak rasik rona ita ema nia halerik, nia tun mai no muda ita ema nia historia ba nafatin.

Iha tempo natal mos, ita hetan oportunidade atu renova hikas ita nia compromisso missionario no apostólico hodi brani haklaken hanesan Anjo no Bibi Atan sira. Tempo atu ita bele hasoru hikas ita nia sentido moris nebe klean nu’udar ema sarani. Ne’e hotu husu mos ita ema nia fuan nakloke atu husik buat hotu nebe la garante ita nia felicidade iha mundo no lalehan. Katak, ita precisa esforço-an hodi husik moris nebe tuan no hari’i moris foun nebe metin iha fatuk inan mak Maromak.

Natal lori it aba reflete ita nia papel nuudar bibi atan sira iha kalan natal. Ita hatene katak bibi atan hirak nebe hare Maksoin, mesak ema simples no ema Judeu sira ladun fo importancia ba sira, maibe sira sai sasin primeiro ba Maksoin nebe mai moris iha bibi luhan” (Lc 1,12). Hanesan Nain feto nebe ba lalais servi nia prima Isabel iha foho, nune’e mos bibi atan hirak ne’e la lakon tempo hodi halai lalais ba hasoru Maksoin iha Belem, hodi fiar katak buat hotu sai tuir lolos saida mak Anjo fo sai ba sira.

Nuudar ema cristão, Ita mak bibi atan sira nebe tau ain iha dalan nakukun, ho ajuda husi fitun naroman hodi ba buka  Menino Jesus, ita nia Maksoin nebe moris dook husi palacio no templo Jerusalem. Manjedoura ka balada han fatin nebe enfeita ho duut, kiak, iha bibi luhan, foer no dois nuudar simbolo husi realidade mundo ohin loron nian nebe make ma barak sei moris kiak no mukit, laiha ai-han, laiha ema atu tau matan, terus ba necessidade hot-hotu. Ohin loron, Ita mak sai nuudar bibi atan hodi ba buka sira, liu-liu ba kiak sira nebe ‘Herodes’ barak iha tempo moderno nian buka atu hamate.

Laiha buat seluk nebe mak bele fo coragem mai ita nia viagem iha mundo ne’e; somente domin deit mak bele transforma buat hotu. Tan domin nebe extremo no radical husi Maromak ba ita mak Nai Jesus ita nia Mestre nebe mai moris nu’udar ema, hodi hatudu mai ita dalan ba to’o Maromak.

Reflexão ne’e lori hau ba imajina katak dalan ba Belem lalos dalan nebe facil maibe kleuk no dificil. Tamba sa? Ita hatene katak dala barak, iha fim do ano sai nu’udar tempo nebe ita preocupa liu, sente kolen ho serviço nebe tenki halo hotu, no laiha momento diak atu bele expressa ita nia espiritulidade nebe klean. Preparação ba celebração natal nian ladun hatudu nia sentido trancedental maibe nakonu ho propaganda profana nebe mak ema barak buka lucro ba moris diak mundo nian. Familia sira quase gasta osan no tempo atu prepara buat nebe superficial, hatasi nebe furak, presepio modern nebe nabilan maibe haluhan atu hafoun-an ho sacramento sira. Buat barak iha moris nebe mak dificulta ita ema nia vivencia moris espiritual hodi la hetan significado klean husi natal. Ho realidade hirak ne’e mak maske ita lakon tempo, lakon osan no gasta energia atu celebra natal maibe la fo impacto positivo ba moris iha tinan foun. Buat hotu lao normal no ema sente bai-bain deit, hanesan karik ita la halo viagem durante semana haat ba hasoru Nai Maksoin iha Belem fuan nian.

Ita bele husu ba ita nia-an, se los mak bele sai nuudar fitun hodi hatudu dalan ba Belem?

Mosu perguntas ida mos ba ita, salos mak ita sei halo? Ita bele sura ita nia serviço, sucesso riku soin no buat seluk tan nebe ita consegue halibur iha tinan 2018. Maibe será que ita hetan duni sentido husi natal ba ita nia moris?

Jesus rasik mak hatudu dalan, basa nia mak EMMANUEL, presente iha ita nia moris, mai hasoru malu ho ita hodi hase’e mos ita hanesan nia dehan ba Marta: “o la hakmatek liu no preocupa ho buat barak. Maibe buat ida deit mak folin liu…Maria hili parte nebe diak liu…”(Lc 10,38-42). Nuuar ema sarani, dalan atu ba to’o Belem mak ita hetan iha sacramento sira liu-liu Eucaristia. Ita precisa duni conhece no simu saida mak celebra iha liturgia no proposta ba moris nuudar comunidade cristão.

Reflexão konaba misterio da encarnação lori ita ba toma consciencia konaba cidade Belem, uma pão nian, basa Jesus moris iha fatin ne’e hodi sai ai-han ba nia emar sira. Iha Belem ne’e mak povo halo nia viagem, lori nia ksolok no susar ba oferece iha Maksoin nebe mai moris simples. Ita bele dehan katak Belem mak uma ai-han, fatin nebe Maromak rasik hakarak sai solidario ho ema kiak sira no convida ita atu bele ba descobre ita ida-idak nia belem, ita nia realidade kiak, mukit, terus no todan lor-loron nian.

Ita bele halo perguntas konaba saida mak fitun Belem bele hafoun iha ita nia moris? Buat foun saida mak ita hetan husi natal?

Jesus Cristo, Liafuan rohan laek Aman Maromak nian, marca presença nafatin iha momento fundamental iha ita ema nia historia moris. Liu husi nia mak Maromak hatudu nia mensagem Divina liu husi Lifuan humana. Jesus Nazare mai participa iha ita nia vida humana atu haraik mai ita vida divina nian ka moris santidade nian.

Buat hotu nebe Aman hakarak hanorin mai ita, hatudu momos liu husi nia oan mane mesak. Tamba ne’e mak celebração fiar nian hot-hotu nu’udar memoria pascal Maromak nia Bibi Oan, nomos nu’udar simbolo husi fitun Belem nian.

Celebra Natal katak hola parte iha Maromak nia domin. Emmanuel nebe mak Maromak hamutuk ho ita ema, mai hasantu ita ema nia historia. Maromak ida nebe mak ho haraik-an husu no buka fatin atu moris iha ita le’et, agora haraik mai ita horik fatin rohan laek, hamutuk ho Nia no Aman iha domin Espirito Santo nian. Cantico natal nian nebe furak, poesia no hino liturgia nian, harmonia husi salmo natal, oração no cantico creda nian nebe ita hananu sempre fo hanoin mai ita konaba milagre moris nian, kmanek wain, surpresa no novidade nebe ita ema simu gratis husi Maromak.

Maromak rasik mai hela hamutuk ho nia povo no hari’i nia tenda iha ita leet hanesan expressa iha prólogo Sào João nian. Buat hotu nebe ita experiencia sai razão atu celebra nuudar festa boot natal, moris foun nian ba ita. Tempo nebe ohin loron sei sai rohan laek mai ita.

Misterio natal nian mak: liu husi labarik kiik oan ida nebe fraco, Maromak visita nia povo, Maromak tama iha humanidade maibe la husik nia-an nuudar Maromak. Maromak halo-an ba ema, mai koko ita ema nia realidade, lao tuir dalan ita ema nian, mai koko terus no ksolok nuudar ema. Nia mai hadomi ho fuan ema nian, tanis ho matan wen ema nian, sente tauk ho sentimento nu’udar ema, maibe nia nafatin nuudar Maromak rohan laek nebe hakarak salva nia povo. Nia sai hanesan ho ita ema iha ita nia moris temporal atu ita ema bele sai eternidade ka rohan laek iha Maromak.

Tansa ita sei tauk nafatin Maromak? Nia la mai atu condena ema ida. Nia lalos moris atu condena, tamba ne’e mak nia mai nu’udar labarik, no lalos nu’udar liurai nebe kaer kilat no kroat. Nia mak Menino Jesus nebe ita sei hasoru iha bibi luhan, no lalos iha trono ka palacio. Nia tanis iha Belem nebe furak, lalos hakilar ho lian makas hanesan terorista nebe halo tauk ema. Nia la mai ho kilat atu condena maibe Nia mai nu’udar labarik fraco atu bele hela hamutuk ho ita, no halo ita bele descobre ita nia fraqueza nuudar ema hamutuk ho ita nia Maromak nebe Emmanuel.

Me. Maria da Graça Maia, SSpS

Hela iha Atabae

“Juventutude nia papel iha desenvolvimento nação nian liu husi dalan Democracia”

Hakerek nain naran : Agostinho Piedade Babo

Hela fatin : Same, Manufahi

Email : agusbabo3108@gmail.com

 

               Nasaun nebe forte nia ai-rin mak juventude. Juventude nebe autêntico, iha nia papel no nia funsaun nebe estratégico mak atu participa ativa ba processu desenvolvimento nasaun nian inclui mos iha processu nee nia laran juventude sira temque kuda iha ida-idak nia a’an espírito nacionalismo no patriotismo ba nasaun. Jovem nebe forte no badinas, matenek no creativo mak ita hanaran esperansa ba nasaun no autor ba desenvolvimento nasaun nian. Juventude nudar agente reformador no transformador ba nasaun atu desenvolve nasaun liu husi edukasaun política no democratiasaun, recurso económico, sensibilidade iha sociedade,  senso comum ba iha ambiente moris nian, iha conhecimento  nebe klean iha aspecto ciência no tecnologia, arte no desporto, cultura no civilizasaun humana no sai mos lideransa ida nebe bele lidera nia a’an rasik no nia maluk joven sira seluk ho responsabilidade no moral.

               Juventude tem que iha papel nebe ativa  nudar forsa moral, controlo social, no agente mudansa ba iha aspecto desenvolvimento nacional. Papel ativo juventude nian nudar forsa moral hanesan forma ida nebe importante no vital teb-tebes iha aspecto ética no moral iha dimensaun moris juventude nian. Juventude  iha espírito atu hametin no haburas fiar iha Maromak, hametin espírito mental no espiritual nian no mos eleva eh hasae ita nia consciência hodi respeita lei no ema seluk nia liberdade no mos ema seluk nia direito iha sociedade.

               Controlo sosial iha círculo no âmbito juventude nian bele forma no haforsa percepção no hamosu iha ita nia consciência atu iha responsabilidade, direito no dever nudar sidadaun, atu hamoris iha juventude sira atitude crítico ba ambiente hodi respeita lei no ordem, hasae participasaun iha formulasaun ba política público, garantia tranparencia no justo  no mos facilidade atu acessu ba informasaun no edukasaun nebe integrado.

               Valor nacionalismo juventude nian sai nudar alicerce ba nasaun nebe completo no compreensivo liu iha processo desenvolvimento nasaun nian. Hare husi valor democracia nian, contem sentido ida nebe klean liu katak soberania nasaun nian iha sidadaun sira nia liman, liu-liu iha juventude sira nia liman. Sidadaun ida-idak iha liberdade no responsabilidade ba iha organizasaun governasaun nian, liu husi processu eleisaun nebe ita hili no fihir ita nia nai ulun sira atu ba tur iha parlamento no governu, hodi halo lei no executa rikusoin nasaun nian ba povu nia moris diak no desenvolve ita nia nasaun sai diak. Hare husi aspecto igualdade nian, sidadaun hotu-hotu iha direito no dever hanesan iha lei nia okos no sidadaun hotu-hotu iha mos obrigasaun  hodi cumpri lei no ordem nebe vigora iha nasaun la hare ba raça, cor, lian, relijiaun, strata social, etc.

               Iha democracia nian, iha era democracia no democratizasaun,  iha buat ida nebe importante no sai hanesan orgulho ba ita mak valor sira democracia nian nebe hanorin ema atu respeita ema seluk nia direito no ema seluk nia valor nudar ser humano eh nudar ema. Wainhira ita entende kona ba democracia ita tem que hatene no conhece profundamente saida mak democracia no nia valor ba ita nia moris hodi nune’e ita bele uza democracia tuir dalan lolos. Iha processu hirak ne’e, democracia fo êmfase mai ita mak atu respeita lei no ordem sira. Tamba democracia nee mos tama iha ámbito lei nian. Democracia hanorin ita atu moris tuir lolos constituição, atu promove no protege direitos humanos, fo valor  ba lei no justiça nebe independente, fo orientasaun mai ita atu tuir eleisaun hodi hili no fihir ita nia nai ulun sira ho livre, justo no direta, tanto legislativo, Presidencial no lider comunitaria sira,  fo liberdade mai ita atu expressa no hato’o ita nia hanoin no opinião pública, atu hili ita nia nai ulun sira nebe ukun eh governo ita iha governasaun ida  nebe aberta, tranparente no responsivo.

               Juventude nia papel no funsaun seluk nebe importante mos mak participa iha festa Democracia nasaun nian, atu sai futuro no viveiro ba lideransa hodi bele assume knaar no responsabilidade no mos sai autor no protagonista ba paz no desenvolvimento nasaun nian. Juventude mak autor ba dame, dame hahu husi fuan manifesta iha hahalok ka lalaok moris nian iha sociedade.  Atu  sai juventude exemplar ba ema seluk. Juventude mak lalenok ba labarik sira nebe sei kiik atu banati no moris tuir. Tamba iha nasaun nia laran, juventude mak ai-rin forte nebe tuba no tane nasaun nia futuro. Aman-inan sira sai hanesan conselheiro no educador ba juventude sira no labarik sira nebe idade husi tinan 16 ba kraik.

               Juventude sira tem que sai mata dalan ba dame, liu husi ação no atitude moris nian nebe iha ambiente dame nian iha sociedade Timor-Leste. Iha processu política nian, hanesan iha campanha eleitoral sira, juventude sira temque hatudu ka manifesta sira nia qualidade educativa hodi labele monu ba laço lider política sira nian nebe halo juventude  sai hanesan meios ba lider político sira hosi partido no Bloco sira atu tau juventude nudar autor ba conflito maibe juventude temque tau a’an nudar autor ba dame no autor ba desenvolvimento nasaun.

               Atu remata artigo ida ne’e, hau hakarak alerta no apelo ba hau nia maluk juventude sira, feto no mane atu matan moris neon nain nafatin, hodi  prepara a’an didiak nudar jerasaun foun nebe forte atu forma ita nia a’an ba harí’i ita nia nasaun no ita Igreja nebe forte no fiar nain iha Maromak. Jovem forte nasaun no Igrerja Forte. Muda ita nia a’an no hadook-an husi conflito, haburas democracia, hametin fiar iha Maromak, hadomi ita nia rai, liu-liu soberania nasaun nian.  Respeita ema seluk no respeita ita nia a’an, valoriza ita nia cultura, badinas estuda no hasae nafatin ita nia qualidade no capacidade intelectual hodi sai autor ba desenvolvimento no autor ba dame iha Timor-Leste. Juventude mak futuro no ai-rin nasaun nian. Hamoris espírito patriotismo no nacionalismo iha ita nia fuan hodi hateke ba kotuk aprende husi fraqueza no lição nebe ita falha iha passado no hakat ba oin ho matenek no aten brani atu muda no transforma Timor Leste sai diak no próspero liu husi democracia.

Konaba g7+: maka’as iha teoria, namlele iha praxis. Anotação pós debate TVe

Martinho G. da Silva Gusmão

Docente Filosofia Politica

 

Secretario geral g7+, Dr. Helder da Costa liu husi Televisão educativo (TVe) husu hau atu tuir debate konaba knar no acção g7+, organização intergovernamental husi Estado frágil sira. Hau ba nudar académico. Nune’e, hau ko’lia mos nudar académico.

Hatan ba hau nia analisa, Dr. Helder da Costa dehan, “hau mos uluk académico, agora hau mai tur iha ne’e laos atu lecturing maibe atu explica de’it lalaok … pragmático” g7+ nian. Hau la hatene Maun Helder nia sensação nudar académico. Maibe, liafuan hirak ne’e atu hatudu de’it katak liafuan “académico” ka “intelectual” ne’e desprezo (menjijikkan) ba politico sira. Claro katak Helder da Costa ninia devoção politica mak “pessoa eminente” sira hanesan Kay Rala Xanana Gusmão, Emilia Pires, Ramos Horta no Tomas Cabral. Tan ne’e, hau koko atu lakohi temi let ka ko’alia falso konaba “santissimo” sira ne’e. Tan ida ne’e bele sai hanesan “penistaan agama” ba Helder. Sa tan, iha kotuk nia hetan back up husi “religião maioria absulota” – AMP.

Ba hau, la iha eis-académico! Ema hotu-hotu nebe halao knar alto nível, nia tenki académico (Dr. Helder dehan nia hare an hanesan “tecnocrático” – significa académico ho qualificação técnico). La’os tur iha fatin aas, le surat tahan oan ida de’it mos la hatene; koalia mos bilan boot! Tan sa g7+ la hili hau nia vizinho iha Venilale naran Degu-tena ka Wono-loi atu sai secretario geral? Degu-tena ka Wono-loi ho Helder da Costa mai hotu husi Venilale. Maibe, Helder mak hetan fatin tan nia académico! Eis académico ne’e ema sira nebe halo rungu-ranga tiha, ka vota sala tiha mak hanoin tuir fali maibe halo tan sala foun fali (eis académico: uluk iha ulun atu hanoin, ohin loron ulun gripa tiha ona)! Wainhira Helder koko atu explica konaba g7+ ninia lalaok pragmática, nia koko atu hasai ninia subtilitas inteligendi – saida mak nia hanoin no hatene no halo atu ema seluk compreende. Nia halo hela the art of understanding possible!

Tan ne’e hau sente desgosto tebes se dehan “hau mai iha ne’e la’os atu hatoo lecture”! Aat ida nusa ne’e?! Tuir hau nia hare, experiencia, lalaok advocacy no diplomacia g7+ ne’e buat mesak kmanek no furak. Husi Dr. Helder nia explicação hau hare katak buat hotu mesak diak no sukses, tan nia hatoo ho logica, sistemática no estruturada. Dala ida tan, ne’e só académico mak hatene ko’alia hanesan ne’e!

Hau nia pergunta ba Dr. Helder da Costa iha debate mak ne’e: saida mak g7+ nia hanoin no hare konaba situação actual Timor-Leste ne’e? Saida mak g7+ dehan mai Timor: ita ne’e tama nafatin “Fragile state” ka sai ona? Husi explicação nebe secretario g7+ hato’o, hau sente katak nia koko atu ko’alia konaba “advocacy” no “diplomacy” iha rai liur, maibe la dun hatene saida mak mosu iha rai-laran! Iha debate nia laran mak hau “sadar”: afinal “fragile state” ne’e problema teoria nebe Timor-Leste estuda iha g7+, maibe iha praxis ita la’os lori solução mai Timor – ita mak sai fali problema nia hun no abut! Hau hanoin katak g7+ ne’e maka’as iha teoria, namlele iha praxis.

 

Statebuilding”: Maka’as iha Teoria

Iha sessões konaba “International Dialogue on Peacebuilding & Statebuilding” (2010), Helder da Costa husu hau atu ba ko’alia nudar académico Timor-oan (koalia grátis tan! La iha ampao hanesan académico internacional sira). Iha Comoro no Marconi hau ko’alia konaba conceito 3 nebe hakait malu: “State-building, Nation-building, Character-building”. Ikus mai, hau hare katak hau nia ideia balun konaba “Nation-building” no “Character-building” ba sena tama hotu iha “peace-building”. Nune’e, wainhira hare relatório sira konaba g7+, hau hare deit mak “state-building” (harii Estado) no “peace-building” (harii dame).

Saida mak “state-building” (harii Estado) ne’e? Iha Timor-Leste, Estado hatudu ba “órgãos de soberania” hanesan (1) Presidência da Republica, (2) Parlamento Nacional, (3) Governo no (4) Tribunais! Pelo menos too agora, Lei Inan RDTL temi mak sira ne’e. Ne’e duni, wainhira dehan “state-building, ne’e hatudu de’it ba oinsa mak hametin no hasae capacidade maquina Estado nian ne’e! Conceito “Maun Boot”, “Veterano”, “Funu-na’in” – sira ne’e la’os Estado. Maski sira sai ona “pessoa eminente” iha g7+, maibe sira la’os Estado. Bele sira mak duni sai Indonesia husi Timor, tiru malu maka’as ho TNI, mak ita manan funu no ukun rasik-an, maibe sira la’os Estado. Bispo no Padre sira mos la’os Estado.

Saida mak “fragile state” (estado frágil) ne’e? Liafuan “fragile” tenki hatudu katak PR fraku; PN rungu-ranga gaul habis; Governo hatudu ba Ministro sira be le surat la hatene no koalia gagu; Tribunais la hatene lei atu julga ema (to’o julga padre ida, maibe órgão judiciário la hatene katak iha duni lei no regulamento atu lori padre ida ba tribunal). Hodi liafuan seluk, ita nia Estado iha Timor-Leste hakarak hatais roupa mos de’it, maibe lakohi fase roupa foer. PR soe sala ba Governo no PN, PN+Governo lekar roupa foer ba PR nia leten, Tribunais kaer koruptor kelas teri sira, maibe ikan boot sira bele nani ba fatin hotu.

Hau nia problema: Ita iha liafuan “Orçamento Geral do Estado” (OGE). Osan barak atu halo maquina Estado nian bele lao. Ho osan barak liu husi OGE tinan-tinan, facilidade prado, pensão vitalícia, oportunidade ba rai liur hela de’it atu tuir conferencia, workshop no visita de trabalho … ninia resultado mak “fragile state”? Pergunta todan liu: ita nia Estado ne’e Fragil ka Forte? Diretamente ba g7+ nia secretario geral: saida mak Estado sira be Fragil iha Asia ho Afrika ko’alia konaba Timor-Leste? Claro, sira kala gaba hela ita mak ne’e! Tan, ita nia osan barak atu sustenta sira husi Asia ka Afrika no Caribia ninia custo hotu.

Hau nia conterrâneo “Venilale (brini-lale) anan” Helder da Costa halo explicação konaba “fragile state” halo hau compreende mos kedas! Wainhira nia halo explicação, significa nia halo “teoria”. Teoria nebe di’ak, wainhira ema ida explica halo ema seluk be rona ne’e hare ninia “compreensibilidade” (bisa memahami dengan jelas). Au-wai Helder da Costa ko’alia konaba g7+, ninia objectivo, missão no visão, plano acção, no new deal.

Hau tau fali pergunta: programa ka projecto “advocacy” saida mak g7+ lori mai atu bele hadi’ak relação politica iha Estado Timor-Leste nia laran? Oinsa sira nia analisa konaba relação entre PR no PN, PN ho Governo hodi lori ba Nação tomak?

Hau bele sala! Maibe, too agora hau la hare oinsa mak “figura eminente g7+” tuir Helder da Costa nia lista hanesan Kay Rala Xanana Gusmão, Ramos-Horta, Emilia Pires no Tomas Cabral buka atu resolve problema Estado nian. Xanana nonok mak barak (tempo tomak ba tasi laran, oituan liu mak mai rai-maran). Ramos Horta ko’alia mak barak. Emilia Pires halai mak barak. Tomas Cabral lao mak barak, la hatene halo lerek saida.

Nee duni “statebuilding” ne’e teoria mak makaas. Maibe, wainhira Timor-Leste tama nafatin iha “fragile state” nee hatudu katak ita nia prognosis no diagnosis ba “state of fragility” (hau fohin mak rona husi teoria Helder nian) furak los, kmanek oinsa nee! Maibe, too atu fo receita hodi kura moras mak la hetan. Timor “fragile” tiha ona, lao mos kudeuk no iis atu kotu ona iha “failed state” (estado falhado).  

 

Nationbuilding” (Peacebuilding): Namlele iha Praxis

Atu hateten lolos karik, hau la dun capta didiak saida mak Helder da Costa koalia kona “state of fragility”. Hau hetan confusão wainhira Secretario Geral MNEC fo ninia hanoin konaba “diplomacy” ba hamutuk ho “advocacy” (g7+). Iha sorin seluk, Maun Ato Lekinawa da Costa hatudu “praxis”: saida mak mosu iha Timor-Leste; liu-liu konaba povo nia moris iha ita nia rain rasik. Nia ko’alia bebeik konaba relatório CAVR, nune’e mos CVA. Keta haluha, katak ko’alia konaba “peacebuilding”, iha crise barak husi 1974-2018, Igreja Catolica mak sai fatin atu ema sira be terus no susar halai ba buka moris iha neba!

Ato Lekinawa nia posição hanesan atu dehan “thingking globally, acting locally”. Resposta husi g7+, tuir Maun Helder nian, hanesan fali “acting globally, no thingking locally”.

Saida mak Ato Lekinawa hatoo, la ses dok husi saida mak iha 2010 hau ko’alia iha Comoro no Marconi atu harii g7+. Agora, Ato Lekinawa mak “telat mikir”, ka, g7+ mak la iha “kemajuan”? Hodi liafuan seluk, hau ho Ato futu lia ida de’it: g7+ ninia praxis mak namlele karik! Hau hanoin Ato Lekinawa sei concorda ho hau nia statement katak g7+ ne’e tenki “thingking locally, acting locally, talking globally” (se lae ema dehan ita Timor-Leste mesak “big mouth”).

Tuir hau nia hare, g7+ seidauk fo solução konaba fenomenologia politica iha Timor-Leste. Hau hatudu sikun 3 nebe ema sira iha g7+ bele hatan ba!

Ida uluk (1), desorganização! Tuir saida mak hau hatene, g7+ ne’e hanesan organização intergovernamental husi rai sira fraku (fragile state). Nia ema sira mai husi membro Governo nian. Hau nia pergunta: se mak iha autoridade ka poder atu haruka membro governo ba neba? Primeiro Ministro mak manda ka qualquer ema ida bele ba no obriga Governo atu selu viagem tomak? Membro governo ida nebe? MNEC ka Ministro seluk?

Iha Constituição RDTL nia laran, wainhira ita tuir convenção ruma ka organização internacional nian depois hetan “obrigação” atu assina convenção ne’e, PN mak ratifica no PN mak aloca osan ba. Hotu tiha PR mak promulga diploma. Hau la iha duvida katak ita tuir ona dalan ne’e – legalidade.

Hau nia problema: g7+ ne’e tama iha tutela ministério ida nebe? MNEC ka PM ka ministério seluk? Iha situação ida ne’e hau hare katak explicação husi Dr. Helder da Costa la convencido! Justificação husi Secretario Geral MNEC nian balar liu tan. Nune’e ba hau, atu hatene didiak “fragile state” ne’e g7+ mak sai modelo ba desorganização estado nian. Maski nune’e, PN aloca nafatin orçamento ba neba. Afinal osan ne’e bele usa atu harii Municipio ka Suku ka Aldeia ruma.

Tuir mai (2), desintegração! Saida mak g7+ discute ka ko’alia konaba “Estado” nia lalaok, sira la husu tuir saida mak Nação ida hasoru! Ita lalika ba dok – mai hare ita nia uma laran iha Timor-Leste no ita nia esforço iha Guine-Bissau. Hau orgulho katak ita ba resolve sira nia problema. Iha 1975, Nicolau Lobato hetan apoio husi Guine-Bissau atu lori “caso Timor-Leste” tama iha agenda “Comissão Nacional para a Descolonização” (CND). Guine-Bissau mos hakarak fo “jatah” atu Nicolau Lobato ba koalia iha Assembleia Geral ONU nian (tuir agenda, Julho 1975).

Tinan 40 resin, afinal sira la resolve sira nia problema uma laran! Desde que sira nia combatente balun oho tiha Amilcar Cabral, babeur sae sira to’o ohin loron la hotu rai. Será que ita nia combatente sira be mate iha funu laran nia ran mos lanu ita, nune’e “malisan Guine Bissau” mos sae ita? Wuallahu-alam!!!

Maibe, buat ida nebe hau nota momos katak ita matenek atu resolve Guine-Bissau. La hatene ita usa método saida. Maibe, tan sa mak ita labele resolve ita nia conflito interno rasik? Ita kala hobby ba tau kanuru tohar iha ema nia uma laran, maibe fila mai uma lori tama fali ema nia problema mai, laos ita nia solução. Ne’e mak hau hanaran desintegração. Helder da Costa gaba ita nia “advocacy” iha Guine Bissau. Hau mos haksolok. Maibe, g7+ taka ibun no taka matan wainhira hare problema nebe hanesan iha Timor-Leste.

Hau nia posição la subar: PR Lu-Olo declara eleição antecipada, hau mak critica hasoru nia. Maibe, wainhira PR la fo posse ba AMP nia ministro hau fo sala ba “negociação politica” nebe failha entre PR ho AMP. Ikus liu, wainhira PN vota contra viagem PR nian ba Vaticano, hau condena! Tan sa? Tan hau hare katak iha desintegração politica, maibe la sobu integração sosial iha Povo nia let.

Ikus liu (3), desorientação! Hanesan ita rona bebeik buat ki’ik boot PN dehan bebeik katak sira foti cartão mean ka verde tan “orientação” husi Maun Boot sira iha AMP. Vota hotu tiha mak mosu “impasse”, sira tuda rai rahun ba PR. Wainhira hau hakerek artigo konaba “Diplomacia” ho Vaticano, ema sira husi CNRT foti lia maka’as hasoru hau, too ataca hau nia personalidade. Maibe, tan hau nia artigo mos hetan apoio husi Povo, nune’e AMP desorientado. Sira loke fali agenda atu husu PR ba hasoru Amo Papa Francisco iha Vaticano. Deputado sira husi CNRT, inclui PPN Arão Noe hatudu oin “desorientado”.

Hau mak sente estranho: tan sa mak ema “eminentissimo” nebe sai “reverencia” ba AMP halo desorientamento ida fatal hanesan ne’e? Ita nia diplomacia no advocacia iha g7+ taka ibun, taka tilun no taka fuan. So what githu, lho!!!

Desorientação sai boot liu wainhira ita hare iha CNRT Media Center ka Fretilin Media Center … sira la ko’alia konaba Estado ninia lalaok no Nação nia moris, maibe koi sira nia partido nia husar. Lider partido sira la fo orientação nebe di’ak no furak, nune’e partido sira disorientado.

 

Conclusão hipotética

Hau sente biasa de’it se g7+ gaba “pessoa eminente” mak koko atu resolve “fragile state” iha processo “statebuilding” (harii Estado).

Maibe, wainhira temi konaba “peacebuilding”, ne’e hau la dun hare “pessoa eminente” sira nia oin. Iha conferencia Comoro, Mana Boot Emilia Pires ko’alia konaba “buying peace”, oinsa mak halo projecto no Estado tau “osan” hodi bele resolve problema refugiados, deslocados … no seluk tan. La hatene, osan hira mak fakar ba “buying peace”.

Ita nia problema mak ne’e duni, “peacebuilding” mai hamutuk ho liafuan “buying peace”. Husi ne’e mak hau hare katak “nation-building” no “character building” ne’e lakon. Tan sa mak hau nia conceito rua ne’e lakon tiha husi g7+ nia programa? Hau la hatene.

Hau sugere ba g7+ atu hanoin mos konaba “nation building” no “character building”! Ninia sasukat mak “uma Kreda” (Católica), no hau aumenta tan “interfaith dialogue” (hamutuk ho Protestante no Islam); “uso costumeiros” (lisan sira firaku-kaladi; dadi-tetum); instituição ba memoria nian (CAVR, Veterano), no seluk tan.

Hau hanoin, iha g7+ nia laran Timor-Leste ninia imagem kala hanesan lalenok nakfera. Hela furak wainhira g7+ mos hatama ema “eminente” sira husi Igreja Catolica hanesan Dom Carlos F.X. Belo, SDB no Bispo sira iha Conferencia Episcopal Timorense (CET), Lia-nain sira nebe hatene ko’alia konaba lisan no cultura, Veterano sira nebe sei iha fuan atu hanoin povo nia terus (la’os hanoin de’it sira nia projecto); sociedade civil (liu-liu sira nebe hakesi-an ho CAVR ka CVA). Sira ne’e mak sai componente no exponente ba “Nationbuilding” no “Characterbuilding”; ka usa g7+ nia liafuan “peacebuilding”. Nune’e, Timor-Leste hatudu duni ninia imagem ba mundo.

Keta haluha, Nationbuilding la hanesan ho Statebuilding!!!

LIDERANSA SIRA PRECISA IHA SENTIDO ÉTICO, CÍVICO NO SENTIDO DE ESTADO

               Ikus-ikus ne’e, líder sira lakon ona confiança husi povo tamba povo fo fiar ba sira maibé sira halimar demasiado ho povo nia confiança nebé povo fo ba sira liu husi eleição sira. Tamba mosu ona conflito de interesse ba poder hodi lakon ona sira nia figura iha povo aileba nia matan. Iha biban ida ne’e, hakerek nain hakarak elabora tema ida ne’e hare hosi observação geral nebé durante tinan ida ho balu ita hotu acompanha hamutuk situasaun política nebé acontece iha rai doben Timor Leste ida ne’e. Ita hare iha 2017 liu ba, governasaun nebé lídera husi Partido Histórico Fretilin la dura tamba ita dehan katak governu ida nebé minoria iha Parlamento hanaran governo frágil to’o ikus monu duni. Presidente República dissolve tiha Parlamento hodi convoca eleição anticipada atu hetan governo ida nebé forte no bele ukun to’o tinan lima atu bele lori moris diak ba povo no nasaun. Maibé realidade nebé agora daudaun acontece mak líder sira ida-idak iha interesse ba sira nia partido, liu-liu interesse atu hetan kadeira hodi ukun nian maibé laiha interesse ba desenvolvimento no estabilidade iha nasaun laran. Sira hakarak habokur sira nia an ho família hodi haluha tiha sira nia promessa hirak nebé halo iha campanha eleitoral. Depois de povo maioria fo fiar ba sira liu husi eleição parlamentar, simu tiha tomada de posse sai Deputado no membro governo nian sira haluha ona povo nebé lao kole, see udan, lao iha malirin laran, balu moras, balu idade liu ona hodi obriga-an lao ba centro votasaun hodi exerce sira nia voto confiança ba lideransa nasaun nian atu kaer ukun. Infelizmente (sayangnya) ita nia líder sira hetan tiha fiar, muda ona sira nia principio no promessa política nebé sira halo iha campanha ba povo sira. Ho ida ne’e mak ita bele dehan líder sira laiha sentido ético, cívico tamba koalia buat ida iha campanha maibé depois de campanha rezultado eleição sira nia partido manan tiha, sira hahu haluha ona povo hodi tau sira nia interesse privado, partido, família, no coligasaun liu fali interesse povo no nasaun nian.

 

Oinsa mak líder ida iha sentido ético cívico no sentido Estado?

               Uluk liu, Timor oan hotu la nega lideransa sira nia luta ba independência Nacional nebé sira rasik mak sai fundador ba nasaun ida ne’e nian. Sira hamutuk ho Timor oan tomak iha lian ida deit no hanoin ida deit mak ita hodi hetan vitória liu husi eleição consulta popular nebé ONU liu husi UNAMET realiza iha 30 de Agosto 1999. Rezultadu ida ne’e mai husi processo boot ida nebé ita resiste iha tempo naruk ida nia laran too ikus ONU mos fo apoiu mai ita hodi realiza ita nia mehi liu husi consulta popular. Ida ne’e hatudu katak ita hotu iha espírito nacionalismo no patriotismo. Ita liberta-an ona husi nasaun seluk hodi moris livre hanesan nasaun independente ida. Ida ne’e Timor oan hotu nia contribuisaun no colaborasaun. Iha processo luta ne’e nia laran ita iha interesse ida deit, objetivo ida deit no fim ida deit mak UKUN RASIK AN. Ita la hanoin atu sae prado, simu osan pensaun husi estadu, pensaun vitalisia, osan terceira idade, etc. Ita nia mehi mak UKUN RASIK AN (Independencia).

               Ita triste wainhira ita hetan ona ukun rasik an, ita nia mehi ida uluk sai oin seluk liu fali. Nakfilak-an fali ba buat seluk hodi sura kole, buka diak deit no haluha ema seluk. Ita nia líder sira hahu fahe malu ona tamba conflito de interesse ba cadeira hodi lori nakukun no sofrimento mai povo no nasaun ida ne’e. Desenvolvimento paradu, povo moris iha situasaun económica ida nebe karun, estrada sira la hadia, eskola barak aluno sei tur iha rai, edificio escola nian laiha condição nebe diak atu estudante sira tuir processo aprendizagem ho diak tamba osan laiha atu hadia escola. Povo barak halerik ba bee mos, hemu udan been, hemu bee mota. Buat hirak nee mosu tamba ambisaun nai ulun sira nian lakohi tuir hamutuk hodi resolve problema hodi halao desenvolvimento. Sira hadau malu ukun hodi lori nasaun ba crise no conflito.

               Hahu husi tinan 2006 to’o agora 2018 povo moris iha situasaun crise política no económica nebé afeta povo nia moris. Líder ida-idak hanoin deit ba nia an, ba nia partido hodi halakon no hamihis tiha sentido de Estado nebé uluk sira iha, iha sira nia an. Hanoin mak atu hadau poder ba malu, conflito de poder, contradição ideológica hodi tau povo nia moris iha risco, instabilidade, crise, no violência.  Sira grupo kiik oan ida nia interesse maibé lori nasaun ba crise política, sira partido ida ka rua nia ignorância lori nasaun ba crise económica. Ho nune’e mak ita hanaran sira lideransa laiha sentido ético, cívico no sentido de Estado. Laiha hanoin nebé construtivo maibé hanoin nebé destrutivo no conflito de poder. Timor ida nee la lao ba oin maibe lao iha fatin hetok lao tan ba kotuk mak iha. Ita nia nasaun tama iha nasaun falhado no nasaun conflito de poder no conflito de interesse. Ita nia nasaun ida ne’e líder sira halo hanesan kareta nebé at lori ba oficina (bengkel) ohin sobu tiha hadia, monta fali, aban at lori mai sobu fila fali. Ita laiha mudansa. Líder sira hanoin mak hamosu impasse política, hanoin mak hafahe, hanoin mak sobu hanoin mak harahun deit. Laiha hanoin atu tur hamutuk, laiha hanoin atu desenvolve nasaun sai nasaun desenvolvido hanesan nasaun sira nebe sira uza osan estado no osan povo nian hodi ba vizita. Líder sira hanoin mak hadau ukun ba malu. Iha termo latina dehan: “divide et impera” hafahe tiha hodi ukun. Sira mak harí tiha, sira hafahe tiha no hari fali hodi ukun. Ida ne’e mak daudaun líder sira prática iha Timor. Ita precisa líder sira nebé hadomi povo no nasaun, ita precisa líder sira nebé iha sentido ético-cívico no sentido de estado boot liu interesse pessoal no partidário. Timor-Leste precisa líder nebé hakoak povo ka líder sira nebé iha gesto afetivo katak hadomi povo hodi lori povo sai husi conflito, tau interesse nacional as liu interesse partido no grupo nian. Líder nebé iha espírito domin, dame no espírito nacionalismo forte. Iha lian português dehan nune’e: “Como começar a ser um líder ético? O primeiro passo é contratar as pessoas certas. Neste ponto, a recomendação é escolher candidatos não por causa de sua experiência e conhecimento, mas por causa de seus valores e paixão. Leve em conta que, com treinamento e prática, uma pessoa pode obter praticamente qualquer aptidão; No entanto, é impossível ensiná-lo a sentir emoção por seu trabalho e muito menos a se comportar como um bom ser humano. Um profissional pode ser criado em poucos meses ou alguns anos; uma pessoa leva uma vida inteira para treinar. Líder sira nebé antigo precisa hatudu exemplo nebé diak mai ami geração foun sira, labele educa geração foun ho conflito de interesse, labele educa ami ho sistema divide et impera. Ne’e laos líder diak, ne’e líder nebé aban bairua lista negra iha Historia Timor nian, tamba hatudu exemplo nebé la diak mai ami geração foun sira atu imita. Rai hela história la diak ba nasaun no povo.

               Sai líder ne’e tenki iha conviçao ida katak ita atu lidera nasaun no povo ida hodi lori povo no nasaun ne’e ba diak, progresso, harmonia no prosperidade. Tamba ne’e mak atu sai líder diak tenki iha sentido de estado. Laos cria bebeik impasse política hodi lori interesse grupo kiik ida nian ba tau as liu fali interesse comum ka interesse nacional. Iha português dehan nune’e: Tornar um líder é para líderar todo cidadão na harmonia e paz. Mas é a partir dessa decisão que se tornar líder transforma-se em um fato. Ser líder não depende de cargo. Depende de um estado de Ser. Pensar como líder, falar como líder, agir como líder, ter hábitos de um líder, aprender sobre líderança e ensinar sobre o conceito de líderança. A decisão se torna resultado quando a determinação sustenta essa decisão pelo tempo que for necessário, até que o resultado tenha condições de se manifestar em nosso contexto de vida. Determinação é perseverança. E perseverança leva ao sucesso! Para se tornar líder é importante saber ser líderado e permitir que os outros líderem; esse é um conceito de líderança completo. A todos os momentos de nossa vida estamos alternando os papéis de líderar e ser líderado. Em casa somos líderes. Em frente a nossas mães podemos ser líderados. Com nossos filhos, líderes. No trabalho, líderados. Mas com nosso melhor amigo somos líderes de novo. Todos sabem ser líderes. Pois líderança nasce do princípio de tomar a iniciativa pensando no bem-estar dos envolvidos. Líder hetan poder husi povo atu ukun povo laos ukun partido ka grupo. Líder sira hetan confiança husi povo atu representa povo iha parlamento no governo. Laos líder hetan confiança husi povo atu representa nia partido no nia família, nia an rasik iha parlamento no governo. Líder sira ne’e modelo hanesan ne’e la soi atu sai líder diak ba nasaun no la soi atu ukun. Timor Leste precisa líder sira nebé iha sentido ético-cívico no sentido de estado. Laos líder sira nebé cria impasse política no hamosu crise política no economica hodi lori povo ba susar beibeik. Lori povo ba hamlaha, halerik ba estrada, bee mos, etc….Imi liberta ona pátria, Maibé povo imi seidauk liberta tamba imi sei iha interesse pessoal ba cargo no posição boot liu do que interesse comum hodi liberta povo husi kiak no mukit. Hahu husi 2006 to’o 2018 ne’e crise política no económica mosu laos buat seluk buat leet, Maibé tamba deit hotu-hotu hakarak tur hotu iha cadeira ho ignorancia no ambição sira. Maski ita seidauk prepara-an didiak intelectualmente no políticamente. Ita iha mehi atu kaer ukun nebé hanoin atu lídera. Maibé ita nia iis la to’o hodi lori povo sai husi kiik no mukit tamba ita nia capacidade sei too deit iha sae PRADO no simu hahi husi povo bolu ita: SUA EXCELÊNCIA, DISTINTO DEPUTADO. Maibé ita laiha política ida nebé diak hodi gere nasaun nia riku no soi hodi lori povo sai husi susar laran. Ita haré legislatura hirak liu ba mos hanesan deit, iha campanha sira dehan hasai povo husi kiak no mukit, agora kareta PRADO METAN-MUTIN tau ona ba kareta privado. Será que modelo ida hanesan ne’e mak líderansa diak ka? Modelo ida hanesan ne’e mak iha patriotismo no nacionalismo? Modelo ida ne’e mak bai-bain ema povo kbiit laek iletrado sira hanaran líder laiha sentido ético-cívico no sentido estado. Líder arrogante no ignorante tamba hanoin ba sira nia diak hodi haluha povo nebé moris iha situasaun no crise económica nia laran. Oin sá mak bele sai líder diak ba nasaun Timor Leste? Atu sai líder diak ita precisa prepara-an antes. Sediakan payung sebelum hujan. Laos sae tiha líder foin aprende atu lídera. Lídera buat nebé kiik mak bele lídera buat boot. Lídera uluk ita nia-an mak bele iha mehi atu lídera ema seluk no lídera sociedade nomos nasaun.

Hakerek nain naran: Agostinho Piedade

Hela fatin: Município Same-Manu-fahi

Email: agusbabo3108@gmail.com

“Sacramento Politico”

Martinho G. da Silva Gusmão

Docente Filosofia Politica

 

Memoria ba Centenário (tinan 100) Mgr. Martinho da Costa Lopes

 

Iha 11 de Novembro 2018, ema oituan de’it mak hanoin hetan katak Administrador apostólico, Monsenhor Martinho da Costa Lopes halo tinan 100 ba nia moris. Nia Martinho moris iha Laleia, 11 de Novembro de 1918. Dom Carlos F.X. Belo SDB hakerek netik oituan iha ninia FB. Foinsae sira husi paroquia Becora convida hau atu ko’alia konaba ba loron massacre Santa Cruz, 12 de Novembro de 1991. Hau “secara halus” lori sira nia hanoin ba Dom Martinho Lopes no Nicolau Lobato. Artigo ida ne’e hakarak atu hatur hikas pensamento konaba ema na’in 2 ne’e iha historia ukun-an ba Timor-Leste.

 

Ita nia problema boot: ema ida ka rua iha Fretilin no CNRT ko’alia bebeik “hasai batina mak halo politica”. Hau la dehan partido Fretilin ka CNRT, maibe ema ida ka rua! Hare didiak: ema sira be ko’alia ne’e mesak Timor-oan no dala ruma sira mos sarani católico karik! Wainhira ko’alia nune’e, sira hanoin katak sira defende Igreja Católica? Lae! Sira hakarak atu elimina Igreja Católica husi historia Timor-Leste, atu nune’e sira bele ko’alia avontade katak sira mak funu-na’in, sira mak aswain mesak iha Timor-Leste. Sira hanoin sira sarani di’ak atu defende Igreja nia doutrina? Lae! Sira hanoin katak ita sai inimigo ba malu? Lae! Igreja Catolica la halo inimigo ba ema ida, sa tan sarani rasik! Igreja Catolica nia inimigo mak “diabo”. Biblia hanorin katak Diabo mai hanorin doutrina mesak furak maibe lasu ema atu contra Maromak rasik (nune’e Adão ho Eva monu ba pecado original; Caim oho nia alin Abel); Diabo mai koko Jesus Cristo atu hakneak no tuku tur ba rai hodi adora ukun nain sira nia “poder” (Mateus 4, 1-10; Marcos 1, 13; Lucas 4, 2). Too Diabo mak habosok Pedro (Bispo? Padre?) no tama iha Judas nia laran atu sai “traidor” (koruptor) hodi saran Jesus Cristo ba mate! Nune’e, S. Paulo ko’alia momos kedas “O Deus da paz há-de esmagar Satanás debaixo dos vossos pés, muito em breve” – “Semoga Allah, sumber damai sejahtera, segera akan menghancurkan Iblis di bawah kakimu” (Roma 16, 20).

 

Nudar padre, nudar sarani, nudar Timor oan, ita lalika hakruk no tauk ba Diabo! Ita harohan atu sira nebe hateten at Igreja, hatun Padre ka Bispo sira nia naran hodi hafoer, … S. Paulo dehan “muito em breve” (segera akan) rahun, iis no dodok, ka tama ICU iha Hospital Guido Valadares.

 

Saida mak “Sacramento politico”?

Iha Igreja Católica ita hatene sacramento hitu (7): baptismo, eucaristia, crisma, reconciliação (kasu salan), unção (mina ba moras), ordenação (sai na’ilulik) no casamento. Ho liafuan bada, sacramento katak sinal graça nian atu ema bele hare ho matan no koko iha moris mistério Maromak nian nebe haksumik-An nudar mistério ba ita ema nia matan no nia moris.

 

Saida mak “sacramento politico” (SP)? Conceito SP la’os sacramento dawalu (8). Husi liafuan “politica” ita tenki dehan katak sarani tomak nudar cidadão ida labele soe ketak moris husi politica. Politica la’os partido ninia custa. Bispo sira no Padre sira nebe moris iha Timor-Leste, sira cidadão Timor labele husik hela politica. Hanesan Nicolau Lobato dehan, “Não deve haver nesta terra neutros no processo político que ora está a decorrer. Porque não há homens apolíticos numa conjuntura como esta …” (Labele mosu iha rai ne’e ema sira be neutro iha prosesu politico nebe lao namanas hela. Tan la iha ema ida mak apolítico iha conjuntura ida ne’e … 1974/ 1975 nian). 

 

Igreja Catolica iha Timor-Leste hakesi nia-an ho politica rai Timor nian, atu halo promoção konaba Ema nia moris di’ak, justiça, damen no bem comum (Concordata 2014, artigo 1º n. 2). Ida ne’e tuir kedas saida mak Estado halo, “promover a edificação de uma sociedade com base na justiça social, criando o bem-estar material e espiritual dos cidadãos” (CRDTL, artigo 6o alínea e]). Ne’e duni iha liafuan rua mak hanesan “justiça” no “bem comum” (Igreja Catolica nia hanorin)/ “bem-estar” (Estado nia knar).

 

Iha “politica” husi kedas filosofo Sócrates, Platão no Aristóteles to’o ohin loron, matenek nain hare no kaer liafuan “justiça” nudar sasukat. Iha Biblia, ita rona Profeta Miqueias dehan, Maromak la husu buat seluk buat let ba ita ida-idak maibe mak ne’e de’it: “hatudu hahalok justiça (praticares a justiça), hadomi liu mak buat be fiar ba malu (amares a lealdade), no hakat ho haraik-an iha Maromak Futar Oin (andares humildemente diante do teu Deus” (6, 8). Jesus Cristo rasik dehan ho lian maka’as “Wainhira ó nia justiça mak la di’ak liu doutor Lei sira no fariseu sira nian, ó sei la tama Reino Lalehan” (Mateus 5, 20). Na’i Jesus Cristo hanorin duni: “… ukun fuan lolos nian mak justiça, laran sadia, no fiar metin ba malu” (Mateus 23, 23).

 

Oinsa ho “sacramento”? Fiar sarani nian, tuir S. Ireneu nia liafuan katak “Gloria enim Dei vivens homo, vita autem hominis visio Dei” (Adversus Haereses, IV.20.7) – Gloria ba Maromak leten aas ba sei hatudu iha ita ema nia moris, no ita ema nia moris sei foti aas/ tane metin wainhira hatudu Maromak nia Futar-Ilas. Ireneu hato’o liafuan ne’e atu fo hanoin konaba mistério incarnação: liu husi Na’i Jesus Cristo nia moris iha rai ne’e, ita hare Maromak nia Futar-Ilas – “Verbum caro factum est” – Maromak FutarLia nakfilak ba ema no horik hamutuk ho ita (João 1, 14). Nudar sarani, loro-loron ita halo oração Angelus. Iha misa loron Natal nia, ita rona liafuan ne’e!

 

Iha Natal 1974, Nicolau Lobato hatoo nia liafuan katak ita sarani celebra loron “Redenção” (Maksoy nian) hanesan loron “Libertação” (ukun rasik-an) nian. Wainhira ita hanoin hikas Maromak nia Gloria iha Lalehan leten aas ba, ita mos haksolok tan loron ne’e ita hare paz iha rai klaran ba ema laran di’ak sira. Atu bele hetan ksolok ida ne’e, ita labele kahor moris ne’e ho sasan partido nian. Hases tiha lai partido, ita hotu moris hamutuk iha fiar ida de’it, néon ida de’it. Tan ne’e ita hananu, Gloria in excelsis Deo, et in terra pax hominibus bonae voluntatis.

 

Saida mak Nicolau Lobato hanoin no hatoo ne’e mai husi ninia fiar nudar sarani católico! Ema hotu hatene katak nia líder revolucionário no carismático ida nebe fiar metin duni ba Maromak, no moris tuir nia fiar católica.

 

Nune’e, Sacramento Politico katak sarani ida-idak nudar cidadão Timor banati tuir lia-menon Amo Papa Francisco nian liu husi Bispo sira katak, “o primeiro, a vossa contribuição como consciência crítica da nação; o segundo, movida por entranhas de misericórdia, a Igreja inteira sai em missão; e, enfim, exprimir a Boa Nova da salvação nas línguas locais” (cfr., discurso do Papa Francisco aos Bispos da Conferencia Episcopal de Timor-Leste, em visita Ad limina Apostolorum, 17 de Março de 2014).

 

Consciência critica da nação

Uluk knana’in, Amo Papa Francisco husu atu Bispo sira no Amo-Lulik sira hamutuk ho sarani sira atu hatudu-an nudar “consciência crítica da nação”! Ne’e katak, Bispo no Padre sira hamutuk ho ninia sarani matenek-na’in sira labele taka matan, taka néon no taka fuan ba Nação nia moris. Fanu nafatin ita nia matenek, matan moris nafatin ba ita nia rain, néon nain nafatin ba ita nia Povo.

 

Liafuan “critica” la hanesan ho “insulta” ka hateten at. Matenek na’in sira hanesan Immanuel Kant hanorin konaba filosofia nudar “Tribunal … the critique of reason … the power of reason” (cfr., Critique of Pure Reason, “Preface” Axii); F.G.W. Hegel hanorin katak wainhira ema ko’alia husi kalohan leten no la sama iha rai leten, nia “uncritically” (hanoin la kritiku) moris namlele; ema matenek tenki hanoin “necessarily dialectical” (labele hases-an husi dialektika); Karl Marx ko’alia konaba “ideology critique”.

 

Tan sa mak ema ida ka rua iha Fretilin no CNRT nia laran tur la metin no toba la dukur, wainhira hau hakerek artigo ruma ka ko’alia iha media TV sira? Hau hanoin nudar sarani be halo politica, sira tauk ba sira nia consciência rasik no hamaten sira nia fuan no néon. Sira tauk ba Maromak nia Futar Lia nebe uluk sira rona nudar Povo baibain, agora sira sente-an hanesan “maromak rai klaran”. Hanesan São Jeronimo dehan, consciência hanesan néon badasuk oan ida nebe la lakon husi Adão nia peito maski Maromak duni sai ona nia husi Paraiso. São Boaventura dehan consciência ne’e naroman ida nebe Maromak tau iha ema nia intelecto. Atu besik liu, São Tomas de Aquino dehan, “bonum fascendum, malum vitandum” – katak buat diak ita halo, buat aat ita soe (STh. I-II. 92, 2).

 

Mgr. Martinho da Costa Lopes dehan dala ida, katak, “… somos muito inclinados para o esquecimento de maneira que se não houver qualquer que venha lembrar, oportuna ou importunamente, a questão provável de Timor-Leste eu creio que pouco a pouco iria deixar de ficar no ouvido e acabaríamos por esquecer tudo” (23 de Outubro de 1984). Ita hotu hakarak liu atu haluha-rai ka haluha-an nune’e ita lakohi ka la iha ona buat ruma atu hanoin tuir, iha biban ka la iha biban ruma, lalaok Timor-Leste nia moris hau fiar katak neneik no bebeik buat hotu sei too de’it iha tilun no sei haluha mohu deit. Dom Martinho hanoin katak, iha politica no iha luta ba ukun-an, aswain sira buka nafatin atu “sensibilizar” (fo hanoin nafatin ho fuan laran) konaba Povo nia terus no susar.

 

Liafuan nebe Dom Martinho Lopes ko’alia, hanesan los saida mak Nicolau Lobato ninia “sensibilizar”, katak Timor oan sira aten barani, funu-na’in aswain sira nudar “Um povo que surge do desumano sistema colonial” (Povo ida be hamrik hikas husi sistema kolonial nebe desumano); “Um povo que renasce das cinzas do esquecimento” (Povo ida be moris hikas husi akudesan haluha nian); “Um povo que retoma a consciência de si mesmo” (Povo ida be kaer hikas consciência konaba nia an rasik).

 

Dom Martinho Lopes no Presidente Nicolau Lobato (sai husi Escola Soibada), futu-lia ida de’it – POVO mak luta, POVO mak hanoin, POVO mak moris, POVO mak mate.

 

Ema lubuk oan ida tama iha Partido politico, hanoin katak sira mak maromak; sira mak bele halo buat hotu-hotu, halo ona lalehan ho rai, no buat hotu ema hare no mos la hare. Wainhira iha Partido laran mak líder no militante hanoin nune’e, então sira sei halo nafatin odio no vingança ba “consciência critica da nação”. Nune’e, sira haketak consciência POLITICA ho consciência MORAL. Tan ne’e mak iha Partido nia laran ema lakohi rona Dom Martinho no Presidente Nicolau? Wualahu-aalam (se mak hatene)?

 

“Entranhas misericórdia … Igreja inteira sai em missão”

Politica beik no maubengo sira mak dehan, “Amo sira la ba halo missa no hare sarani sira mai fali mete politica”. Tuir hau nia hanoin, ema sira laos luta nain. Sira la hatene katak husi kedas Nicolau Lobato no Xavier do Amaral, Povo fiar katak lori Amo sira, lori batina mutin sira mak funu ne’e la’o ba oin! Nicolau Lobato ko’alia momos kedas katak, la iha ema ida mak “neutro” ka “apolítico”. Timor oan hotu, ema tomak be moris iha Timor mak luta ba ukun-an. Ne’e katak, “batina mutin” mos la ses husi politica.

 

Tuir Nicolau Lobato nia hanoin, ema sira be mosu mak derepente kokorek no kokotek tolun la iha ne’e mesak “reaccionário” no “oportunista”. Nia dehan katak sira ne’e mak “procuram entrar no jogo sem se comprometerem, são os que tentam mover outros para o barulho, para a luta política e se põem detrás dos bastidores a observar a cena, a ver para que lado verga a balança e, depois do trabalho feito, se reclamam ruidosamente o direito de também dividir o bolo” (koko tama iha jogo nia laran maibe lakohi halo kolen-an, sira ne’e mak dudu ema seluk atu ba halo barulho, ba luta politica no hamrik iha kotuk hodi hateke tun sae lalaok sira, hare took sasan sira ne’e halis ba ida nebe, nune’e wainhira ema servisu kolen hot ona, sira mos mosu mai hodi sisi halo lian maka’as paralon sira nia direito atu fahe lisuk bolo/ dosi). Ne’e nia hatoo iha manifesto FRETILIN, 20 de Setembro de 1974 (iha foto Xanana Gusmão hamrik iha Nicolau Lobato nia sorin).

 

Dom Martinho da Costa Lopes hateten, “Não podia ficar silencioso perante a violação dos direitos humanos. Foi a minha missão defender este povo pobre, marginalizado e sofredor” (Hau labele duni taka ibun metin wainhira iha hau nia oin mosu violação ba direitos humanos. Hau nia missão duni atu defene POVO kiak ida ne’e, marginalizado no terus nain). Tan sa iha tempo nebe la iha manu inan mak kokorek ka manu aman mak kokotek (sengaja hau hakerek terbalik), atu hakilar Dom Martinho Lopes lalika loke ibun ka mete politica, no haruka nia ba halo missa de’it? Tauk-ten no ikun tuuk, los ka lae? Agora mak kokorek no kokotek, los ka lae? Nicolau Lobato dehan duni, funu hotu tiha mak “reaccionário” no “oportunista” sira mak atu haklalak husu fahe dosi (20.11.1974).

 

Hau hanoin Dom Martinho Lopes hatur ona Igreja Catolica ninia missão, katak “Quando nós arriscamos por um ideal estamos prontos a sofrer tudo, ate própria morte” (Wainhira ita hatama-an iha risco laran tan mehi ida, ita hotu pronto duni atu terus ba buat hotu, to’o mate). Lae, uluk nee maubengo no maubeik sira tauk mate. Sira tauk foti risco. Sira tauk Dom Martinho Lopes loke ibun. Sira manobra atu hasai Dom Martinho. Agora, mehi ukun-an ne’e to’o ona mak sira mosu mai haruk Batina Mutin labele halo politica. Wainhira terus no susar mosu ona … ka eleição iha odamatan ona mak loro-loron misa la falta.

 

Wainhira mosu massacre iha Kraras, Viqueque (1982) … ema hotu tauk mate, ema tomak nakdedar no subar meti-metin iha uma laran, Dom Martinho da Costa Lopes mak hamrik iha TNI/ ABRI nia oin hodi dehan “… em virtude da missão profética, que me assiste, sinto-me na necessidade imperiosa de denunciar ao mundo inteiro, como fiz esta tarde, o genocídio que se está praticando em Timor para que, ao morremos, o mundo saiba ao menos que morremos de pé” (… iha roman missão profética nian, nebe hau kaer iha liman, hau sente labele duni halai husi knar boot ida ne’e atu haklaken ho lian-maka’as ba rai tomak, hanesan hau halo loraik ida ne’e, konaba ba genocídio nebe ema sira halo iha Timor atu nune’e, ita hotu mate karik, mundo tomak hatene katak ita mate iha ain-leten/ mate ho aten brani hamrik).

 

Ne’e hanesan saida mak Nicolau Lobato dehan, “a última bala é a minha vitoria” (kilat musan ikus liu hau manan)? … ka dehan ba nia belun escola Padre Alberto Ricardo da Silva (bispo) “Quando souber da minha morte, reze uma missa por minha alma” (wainhira rona lia konaba hau nia mate, reza hela misa ida ba hau nia alma). Hanesan los wainhira Mau-Koli mate iha Maubisse, 1974, nia hare fo fuan tomak katak POVO ki’ik sira bele “… deu o seu sangue pela sagrada causa da libertação do nosso povo” (fakar nia ran ba knar lulik atu halo libertação ba povo rasik).

 

Hau sente liafuan hirak ne’e mak hanaran “entranhas misericórdia”, hare ba POVO nia terus, hare ba POVO nia halerik … Bispo no Amo-lulik sente iha fuan laran too kabun laran “necessidade imperiosa de denunciar” (hamrik metin duni ho knar boot atu haklaken).

 

Boas Novas nas línguas locais

Ikus liu, Bispo no Padre sira hanesan Apostolo sira uluk la lori bukae eh kohe, la iha osan ka buat seluk tan. Dom Martinho dehan “Não temos dinheiro. A nossa força é apenas a razão, a justiça e Deus” (1986) – Ami la iha osan. Ami nia kbiit mak razão de’it, justiça no Maromak.

 

Wainhira Papa Francisco dehan ba Bispo sira atu haklaken Evangelho iha “línguas locais”, ne’e la’os de’it iha Fataluku ka Makasae, Waima’a ka Nau-eti, Tetum ka Bunak, Mambae ka Kemak, Baikenu ka Galolen … no “língua materna” barak iha Timor-Leste. Amo Papa temi liafuan “justa hermenêutica” lori hatudu katak, “línguas locais” ne’e hatudu ba liafuan sira mai husi POVO/ SARANI nia moris. Sira rona Evangelho, ikus mai sira hatan ho knanuk katak “liu husi rai fuik ema halerik, liu husi nakukun ema tanis”. Iha misa laran ka halo procissão iha dalan boot sira, ita rona POVO/ SARANI hananu ho liafuan sira “terus”, “tanis”, “hamlaha”, “hamrok”, “moras”, … to’o “mate”.

 

Karl Marx dehan buat furak tebes: “Religious suffering is at the same time an expression of real suffering and a protest against real suffering. Religion is the sight of the oppressed creature, the feeling of heartless world, and the soul of soulless circumstances. It is the opium of the people” (Sofrimento religioso iha biban hanesan hatudu sofrimento real no protesto hasoru sofrimento real. Religiao ne’e fatin ba ema terus nain sira, fatin sentimento nian ba mundo nebe fuan laran lakon ona, klamar ba moris be klamar la iha ona. Nia hanesan opio ba povo). Ema nebe la kaer kona livro Marx nian, maibe mangame paralon ko’alia konaba religiao la hatene katak Mundo ne’e fo terus no susar barak ba POVO. Wainhira sira la hetan ona POLITICO sira mai defende ka tulun sira iha terus no mate nia larna, POVO halai ba RELIGIÃO. Marx “defende” Povo no Religião! La’os hamaten religião.

 

Molok Marx, filosofo seluk naran Edmund Burke ko’alia ona konaba “political value of religion” – katak, ema hotu nebe halo politica hakarak de’it buka atu hadau poder (ho dalan hotu-hotu), maibe wainhira hetan tiha ukun sira lakohi hola responsabilidade konaba oinsa mak “uso do poder” ne’e, sai fali “abuso do poder”. NAÇÃO no POVO nia moris la depende ba ESTADO nia PODER, maibe liu-liu responsabilidade oinsa mak halao knar ukun rai ne’e.

Loron ida, molok atu husik hela Timor, Dom Martinho hateten katak, POVO/ SARANI tomak koko atu “viver na esperança para resistir” (moris iha esperança nia laran hodi resiste). Nia bolu nafatin ninia sarani sira atu “vamos vivendo essa esperança, porque o catolicismo é uma religião de esperança” (mai ita hamoris esperanca ida ne’e, tan fiar katolika nian hanesan religião esperanca nian). Nia dehan ida ne’e iha Lecidere, 4.10. 1983 – ikus mai, nia husi Dili, 12 de Maio de 1983 duni.

 

Boas Novas (Liafoun Diak) ba Povo Timor mak “esperança”. Hanesan São Paulo dehan, “De facto, foi na esperança que fomos salvos” – Sesungguhnya dalam harapanlah kita semua diselamatkan (Roma 8, 24). Tan ne’e mak filosofo marxista ateu Ernst Bloch dehan katak religião Católica (Cristão) hanesan religião esperança nian – “Dove c’é la speranza, ivi la religione” (iha nebe mosu esperança iha neba religião moris). Dom Martinho Lopes haklaken katak catolicismo ne’e hatur iha esperança nia leten.

 

Nicolau Lobato dehan, A madrugada de 25 de Abril de 1974 teve repercussão direta nos destinos do nosso Povo. A madrugada de 25 de Abril abriu ao nosso Povo um novo horizonte – um horizonte de esperança (dader-san nakukun 25 Abril 1974 hamosu lian-foun mai los kedas ba ami nia POVO nia destino. Dadersan nakukun 25 Abril loke ba ami nia POVO horizonte foun ida – horizonte esperança nian).

 

Lorosae tun ba loro-monu, husi tasi-feto ba fali tasi mane TIMOR néon ida de’it, laran ida de’it, mehi ida de’it, lian ida de’it: UKUN RASIK-AN. Se mak lakohi tau liman fuan iha luta ba UKUN-AN, nia la hatene halo politica maibe hadau de’it mak poder.

 

Klak-Fuik, Becora

1918 – 11 de Novembro – 2018

HEROÍSMO NÃO É NEGÓCIO

Texto produzido por Pe. José Maia.

Docente  Bioética em ISFIT

(Email:pejemaia@gmail.com)

 

               Negócio é um emprendimento lucrativo que beneficia algumas pessoas ou grupos específicos. Heroismo é outra coisa. Quero sustentar neste texto que heroismo não é negócio.          

               Herói é uma figura arquétipa, personagem modelo, que reúne, em si, atributos necessários para superar, de forma excepcional, um determinado problema. O heroísmo que resulta em autossacrifício chama-se martírio. Três pontos são necessários para o heroísmo: o ideal, o sofrimento e a sublimidade. O ideal não é qualquer ideia, mas é uma ideia movida pelo amor e pela doação: “Ninguém tira a minha vida de mim, mas eu a dou por minha própria  vontade” (Jo10.18);  o sofrimento é o que toda a pessoa passa neste “vale de lágrimas”, e que terá de superar, sem lamúrias de estar passando por tribulações, sem de pena  de si mesmo, tudo suportando com olhar fixo no fim último (ideal) com a esperança da vitória, suportando tudo o que der e vier, para uma finalidade, e a sublimidade é voltada para o além, elevado para o alto.

               Para podermos entender, e ter o cenceito certo do que é um herói de verdade, é muito simples, basta saber as características do verdadeiro heroísmo: é o atitude pela qual o homem enfrenta qualquer infortúnio ou um enorme sofrimento. Quando se diz que alguem é um herói, reluz com uma “luminosidade” especial, algo que sai da boca e toca o fundo da alma. O que é um herói? Herói é aquele que colocado diante de um alto dever, o cumpre até o fim! As palavras herói e heroísmo possui uma grandeza sagrada.

               Segundo GUEDES, Gustavo (2013, p.5), citado Corrêa de Oliveira Plínio de 1967, não há coisa mais adequada para conferir nobreza à alma do que o sofrimento; e não pode haver nobreza para a alma sem sofrimentos. Citou também MONTFORT (1989), “sem a cruz a alma se torna vagarosa, mole, covarde e sem coração. A cruz a torna fervorosa e cheia de vigor. Quando nada sofremos, na ignorância permanecemos. Temos inteligência quando bem sofremos”.

               Um heroi é uma pessoa que, diante de uma situação dificil, consegue agir como ninguém mais conseguiria. Há muitos exemplos de herois que são conhecidos de todos nós, sejam de livros, ou revistas que lemos, ou de filmes e até pessoas reais que conseguem agir de maneira corajosa em determinadas situações de risco.

               Heroísmo é combater o egoísmo. O problema é que alguns heróis não buscam de fato resolver o problema dos outros.  A motivação deles pode ser duvidosa; eles podem fazer seus atos heroícos por motivos egoistas, por quererem fama, ou para resolverem sua própria situação. Mesmo que tenham motivos que não são egoistas, muitos deles de fato não resolvem a situação de verdade.

               Jesus é um pouco diferente do que esses herois. Ele é, na verdade, o nosso único verdadeiro herói. Jesus diz: “Ninguém tira a minha vida de mim, mas eu a dou por minha própria  vontade” (Jo10.18). Jesus não precisava ter dado sua vida pelo ser humano, mas fez isso única e exclusivamente por amor. E ao fazer isso ele resolveu o problema do ser humano.

 

No Contexto de Timor-Leste

               Quem foi, é e será herói do nosso país de Timor-Leste? Esta perguanta parece-me uma pergunta provocativa e desafiadora para cada um de nós analizar, refletir e meditar.

               Estamos numa crise de paradigma para determinar a nossa vocação e a vocação do nosso país. O caminho mais fácil para encontramos a saída é através da metodologia de ver, julgar e agir.

               O verbo ver, nos ajuda a descobrir a nossa sociedade. Duas realidades mais importantes que precisamos saber são os sinais de vida e de morte do povo timorense. O que leva o povo timorense à morte são: as violências, drogas, tráfico de pessoas, corrupções, ignorâncias, abortos, suicídois e outros. O que leva o povo timorense à vida são: as crianças felizes, familias saudáveis, comunidade harmónica, comida suficiente, trabalho digno, etc.

               O verbo julgar, nos ajuda a entender qual é a vocação e a vontade do país de Timor-Leste. A vocação e a vontade do país Timor-Leste é colocar encima de tudo: o sentido coletivo de nacionalismo, unidade nacional, interesse comum e bem estar. Não é o interesse e a vontade de qualquer partido político.

               O verbo agir, nos ajuda a eliminar as causas de morte em todas as áreas. Por um lado, as necessidades básicas do povo: comida, vestuário, morradia e outros. Por outro lado, qualidade da educação, saúde, acesso a estrada, informação, formação especializada, formação integrada, campo de trabalho, etc. Quem vai fazer? O governo através do Estado: a tarefa do Estado é fazer uma boa administração. 

               Dentro desses três verbos, existem outros que provocam e desafiam o nosso horizonte. Esses verbos são: o verbo fugir, administrar e enfrentar. Timor-Leste e seu povo está na escolha dessas opções.

               O verbo fugir, indica quando cada um de nós procura se esconder da responsabilidade; o verbo administar, indica quando cada um de nós só faz os que as outros pessoas dizem, so para ficar bem com todo mundo. Não fazemos o que nós sabemos, mas fazemos o que não sabemos e o verbo enfrentar, indica quando cada um de nós possui firmeza, coragem, vontade, senso crítico e bravura em qualquer das dificuldades que nos desafiam.

               A vocação de cada um de nós como timorense no tempo atual é o chamado ao enfrentamento. Isso mesmo. A nossa busca é o fervor que queima o coração, a fazer da melhor forma possível todos os projetos a nós confiados pelo cidadãos timorenses.

               Alguns disseram que, religião e cultura são os obstáculos para o desenvolvimento.  Eu pessoalmente gostaria de afirmar o contrário: o individualimo, egoísmo, partidarismo, arrogância e outros pecados são os obstáculos para o desenvolvimento. A humildade, autoestima, autoconfiança, disposição, inteligência, honestidade, lealdade, são os caminhos para o desenvolvimento do Timor-Leste.  

               Todos os timorenses que se responsabilizam até ao fim pelos projetos que assumem e que lhes foram confiados pelo povo e pela pátria, são os verdadeiros heróis. Portanto heroísmo defenitivamente não é um negócio. É um valor que engrandece a nossa identidade.