shadow
Diocese de Dili > NOTÍCIAS > OPINIÃO

IMACULADA CONCEIÇÃO : KOUS HO DOMIN

(Perspetiva Jornalistica ba Existência 80 anos Arquidiocese Dili)

Housi : Marta do Rosário Afoan, Lcs.

 

Haktuir iha Biblia Sagrada iha livru Genésis (1:1-26) katak wainhira Maromak hahu halo lalehan ho rai, Maromak cria mos buat kmanek oi-oin iha mundo nia laran nune’e Maromak cria ema mane ida tuir Nia ilhas atu tau matan ba  buat hirak nebé cria uluk ona no Maromak hare katak cria de’it ema mane ida ne’e la naton nune’e mak  Maromak hasai ruin knosen ida housi mane nian hodi halo ema feto ida atu bele hamaluk nia. Mane no feto ne’e mak naran Adão ho Eva nebé sai ema primeiro, nu’udar criatura Maromak nian iha mundo nebé ikus mai geração tutan ba tutan sai barak liu tan iha mundo ida ne’e  to’o ohin loron.

Housi ne’e ita bele comprende katak hahu housi Adão ho Eva nia presença iha mundo mak tutan mai to’o ohin loron ita  bele moris hodi goja buat kmanek sira be Maromak tau uluk ona iha mundo ida ne’e tuir ita nia hakarak nebé masque dala ruma la tuir mos Na’i nia hakarak.  Dehan nune’e tanba dala wa’in ita ema criatura nebé moris housi íis Na’i Maromak nian rasik haluha Maromak no nunca cumpri kna’ar hanesan criatura ida be simu  kna’ar atu tau matan ba criatura seluk no criatura be lori ilhas Maromak nian, atu  banati tuir Maromak nia moris. Los duni katak ita ema sempre halo sala contra Na’i  Maromak  nia ukun fuan sira iha iha ita nia moris lor-loron, ida ne’e acontece tanba ita lao hakat tuir criatura primeiro nia ain fatin nebé halo sala contra Na’i Maromak nia mandamento hodi han fali aifuan bando nian. Nu’udar concequênçia housi sala ne’e mak ita ema la perfeito hanesan criatura dahuluk, só Maromak de’it mak perfeito.  Maibe masque ita halo sala contra bebeik  Maromak nia mandamento sira, Maromak sempre hadomi nafatin ita hodi ikus mai haruka Nia Oan mane mesak mai  mundo hodi soy ita housi nakukun laran.

Liu tiha séclo barak nia laran depois de ema moris ba  sala ne’e, Maromak hakarak hatudu nafatin ninia domin rohan laek ba povo be Nia hili, ba criatura hotu-hotu be mesak ninian de’it hodi continua ninia obra salvação, hodi soy ninia povo housi terus fatin Egipto mai to’o ohin loron. Atu ninia Oan Mane Jesus Cristo mai iha mundo Maromak hahu ho hamoris feto ida naran Maria, moris iha cidade Nazare housi família simples ida nebé hadomi Maromak. Moris housi aman St. Joaquim no inan St. Ana nebé ho fuan boot hala’o kna’ar ho domin hodi servi Maromak no maluk sira. Tan ne’e ita venera St. Joaquim no St. Ana basá sira na’in rua hanorin no cuidado sira nia Oan (Na’in Feto Maria) hodi hasa’e ba Maromak. Maria hafoin sai feto ida nebé hadomi lolos Maromak hodi halo tuir Maromak ninia hakaran tomak.  Halo tuir hodi mos sai Jesus Cristo maksoyn nia inan no ema hotu nia inan. Tanba kedas ne’e mak santa creda housi moris hahu mai fiar iha Maria nu’udar inan ida, inan ida be hadomi santa igreja nu’udar Maromak hadomi,  inan ida nebé tanba kous mundo nia maksoyn nia concerteza moris la ho sala original. Nune’e igreja hanaran Maria Inan Sala Laek ka Inan ba kous la ho salan, Imaculada Conceição.

Imaculada katak laiha sala, Sala Laek, moos ou Pura. Conceição katak kous, nune’e inan Imaculada Conceição katak inan kous la ho sala. Naran Imaculada ne’e oferece ba Na’in Feto hanesan sentido omenagem no consagração Maria Jesus nia inan, Imaculada Conceição iha sentido hanesan mos Concepção Jesus, nebé ho  lian Latina dehan Conceptus significa “Aifuan” ou “Concepção”. Na’in Feto mak kous Jesus Maromak oan iha ninia knotak, nune’e Imaculada Conceição katak ko’us Jesus Cristo ho sala laek. Tan ne’e iha século XIX liu, Amo Papa Pio IX  formula titulo ida ne’e nu’udar dogma ka doutrina formal igreja catolica  nian. Iha tinan 1854 iha Lourdes, França bainhira Virgem Maria mosu ba labarik ida naran Bernadette Soubirous ho idade 14 Na’in Feto Virgem Maria hatudu an nu’udar Imaculada Conceição. Quando Bernadette husu ba Nia (Na’in Feto) katak Ita se? Nia hatan dehan “Ha’u mak Imaculada Conceição”.

Matenek na’in Direito Canõnica no Teologia Edson  Luiz Sampel mos hateten dehan tudo ser humano nasce com o pecado original, mas Maria gozou do privilégio da concepção pura, porque Ela estava predestinada a ser a mãe de Deus, isto é a mãe de Jesus. Ne’e katak  nu’udar  humano ema hotu sempre moris ho sala original nian maibe Maria goza previlégio ida housi Concepção pura nian tanba hili Nia sai hanesan inan Maromak nian, ne’e mak Jesus nia Inan.

Loron comemoração Na’in Feto Imaculada Conceição nian sempre comemora iha dia 8 de Dezembro nebé hakerek iha calendário liturgia  housi Papa Sisto IV iha  dia 28 de Fevereiro 1477. Atualmente sai hanesan festa ba mahein igreja católica hot-hotu nian, nune’e mos hahu iha tinan 1940 wainhira Arquidiocese Dili moris ona nu’udar Diocese, nia fo an kedas ba Maria Imaculada Conceição mak sai ninia mahein. Nu’udar creda Arquidiocese Dili fiar katak Inan Santa be Maromak ninia Inan rasik nia harohan sai rohan laek nakonu ho graça oi-oin. Nune’e mak oras ne’e Arquidiocese Dili halo ona tinan 80 iha loron 4 fulan Setembro 2020 liu ba no ita sei celebra hamutuk ninia festa iha loron 8 fulan Dezembro ne’e, nebé mahein ninia loron rasik.

Imaculada Conceição: “Kous ho domin” sai hanesan tema especial ba Arquidiocese Dili nebé celebra ninia  existência 80 anos nu’udar mahein uma creda arquidiocese Dili nian nomos mahein nação Timor Leste nian.  Tan ne’e hateten Imaculada Conceição “kous ho domin” tanba Na’in Feto kous ho sala laek ou kous ho moos, liu housi Espírito santo nia kbiit nebé haraik ba Na’in Feto no Na’in Feto halo tuir duni Na’I nia hakarak hodi simu graça nebé haraik ba Nia. Masque Na’in Feto la moris hamutuk ho mane (São José) maibe Na’in Feto laiha hanoin ida, laiha intenção ida atu estraga bebe ou Kosok-Oan nebé iha ona ninia knotak hanesan ema wa’in estraga iha cidade Dili laran ne’e, Na’in Feto kous halo tuir nafatin de’it mak Maromak nia hakaran. Na’in Feto sempre cuidado nafatin Kosok-Oan Jesus masque iha desafio oi-oin nebé Nia hasoru iha comunidade nia leet, Na’in Feto ho pacencia ho domin boot ba Maromak  simu  ou  halo tuir buat nebé mak Anjo hateten ba Nia, ikus mai Na’in Feto tur ahi iha balada han fatin de’it no sente katak fatin ne’e mak seguru duni ba sira atu hamahan an ba.  

Hakerek na’in hakarak haklean uitoan kona ba liafuan “Kous ho domin”. Ne’e katak simu realidade moris nebé iha ita nia an ho laran haksolok hodi tau matan, cuidado hodi la hanoin a’at ba ita ran rasik, tanba nia mos ema hanesan ho ita, nia mos criatura Maromak nian nebé precisa domin housi inan aman hodi tau matan no cuida didi’ak nia nune’e nia mos bele presente iha mundo tuir Maromak hakarak. Ita labele contra Maromak nia hakarak. Só domin mak bele motiva ema atu protégé, atu hamoris, atu acompanha no atu tulun ema iha moris ne’e.

 Na’in Feto ninia obidiencia ba Maromak no ninia sasin moris halo ita  bele descobre katak Na’in Feto iha fuan no domin nebé boot ba Maromak hodi halo tuir Maromak nia hakarak tanba Nia sente katak Nia ne’e íis moris Maromak nian nune’e temque simu buat nebé mak Maromak fo. Dala barak iha situação sira hanesan soe bebe be aumenta barak ne’e fo hanoin teb-tebes mai ita ida-idak tanto feto ou mane atu reflete ita nia hahalok sira nebé dala barak laiha conçiencia, dala barak laiha sentimento hanesan ema humana, dala barak hakarak riku soin mundo nian de’it, dala barak hakarak iha buat hot-hotu nune’e ikus mai halo buat hot-hotu tuir ema ida-idak nia hakarak, tuir ema ida-idak nia interese, tuir ema ida-idak nia gosto de’it hodi soe bebe mos arbiru de’it  hanesan buat folin laek ida.

KOUS HO DOMIN, ne’e liafuan simples tebes maibe ninia significado klean ba ita atu hatene no reconhece ita nia an didi’ak katak ha’u ne’e humana ida nebé íis moris Maromak nian hanesan mos ho bebe ou kosok oan nebé soe iha fatin-fatin. Tan ne’e Na’in Feto sai modelo ba inan hot-hotu iha mundo tomak nebé sai hanesan inan igreja nian, Na’in Feto sai inspirador ba ema hot-hotu (feto mane)  atu banati tuir Nia ain fatin nebé hatene hadomi, hatene fo atenção no  hatene cuida ema no  buat hotu nebé mak Maromak haraik ba Nia.

Simplesmente ita  bele dehan obedece ba Maromak mak valoriza moris. São João Paulo II dehan “A questão sobre o valor da vida, sobre o significado da vida, faz parte do singular tesouro da juventude. Mais ainda, quando a juventude é testada pelo sofrimento pessoal, ou é profundamente consciente do sofrimento dos outros; quando se encontra face a face com o mistério do pecado e a iniquidade humana (mysterium iniquitatis). Ne’e katak  questão kona ba valor moris, kona ba significado moris ne’e hola parte unica ba rikusoyn moris juventude nian. Liu tan ida ne’e quando juventude ne’e  hamosu  nu’udar obstaclo sofrimento iha ninia moris pessoal ou profunda liu tan wainhira nia conçiencia mos ho ema seluk nia  sofrimento; bainhira nia hasoru direitamente ho mistério pecado nian no mistério ema nia hahalok a’at sira (mysterium iniquitatis). Jesus Cristo nia hanorin be dehan katak “ somente Maromak de’it mak di’ak, só Maromak de’it mak domin”. Halo ita consiente mos ho mistério moris ita ema nian sira iha leten. Halo ita descobre no comprende mos katak los duni masque dala barak ita sala bebeik hasoru Maromak ninia hakarak hodi la tuir maibe Maromak sempre di’ak nafatin ba ita, Maromak sempre iha domin nafatin ba ita liu housi nia Oan Mane mesak Jesus Cristo. Tan ne’e atu bele hadomi nafatin hanesan Maromak hodi hadomi Maromak no hadomi ema seluk hahu kedas housi concepção ema nian to’o mate ita precisa kesi ita-an  no tau fiar ho laran metin nafatin iha Maromak Aman, Oan no Espírito Santo, no lao hamutuk nafatin ho Na’in Feto nebé sai modelo hamtauk ba Maromak nian no mahein ba Maromak oan sira hotu de modo geral, no especificamente  ba creda Arquidiocese Dili be iha ona tinan 80 ne’e ba nafatin hodi nune’e ita htou bele moris nafatin iha domin lolos ida Inan nia, Aman nian no oan sira nian nu’udar família ida de’it, família Maromak nian.

REFERÊNCIA:

  1. BIBLIA SAGRADA ESCRITURA TESTAMENTO TUAN
  2. BIBLIA SAGRADA ESCRITURA TESTAMENTO FOUN
  3. https://www.mirifica.net/2019/07/25/santa-Ana-dan-santo-yoakim-orangtua-santa-perawan-maria-26-juli/ asesu iha loron 22 fulan Setembro tinan 2020
  4. http://g1.globo.com/jornada-mundial juventude/traduzindo/platb/2013/07/22/entenda-o-que-e-a-imaculada-conceicao-de-maria/ asesu iha loron 22 fulan Setembro tinan 2020
  5. https://www.dicionariodenomesproprios.com.br/imaculada/ asesu iha loron 22 fulan Setembro tinan 2020
  6. Union of Catholic Asian News 9 de Novembro de 1988
  7. São João Paulo II “Frases inspiradoras de São João Paulo II sobre o amor e o sacrifício” asesu iha loron 23 fulan Setembro 2020.

 

PÁGINA FAMÍLIA

“The perfect marriage is just two imperfect people who refuse to give up on each other” (Kate Stewart). Perkawinan bukan ikatan antar dua pribadi yang sempurna, tetapi sebuah wujud cinta dan komitmen antara dua pribadi yang tidak sempurna, dan keduanya berusaha memperbaiki ketidaksempurnaan mereka. <Não existe família perfeita. Não temos pais perfeitos, não somos perfeitos, não nos casamos com uma pessoa perfeita nem temos filhos perfeitos…>(Papa Francisco). Vida casal ne’e bele continua metin, quando laen kaben, ou fen kaben: 1)sente an hanesan ema nebé la perfeito, pessoa imperfeita (manusia yang tidak sempurna); 2)La hakiduk, tidak menyerah, never give up bainhira hasoru ho imperfeição (ketidaksempurnaan) nia maluk, maibé iha coragem atu luta hasoru desafio sa deit mak mosu. Bíblia Sagrada apresenta mai ita nubentes ou pasangan suami istri (pasutri) oinsá mak fen ho laen buka solução atu resolve família nia problema. Figuras bíblicas ne’e mak Tobit & Ana. Tobias mak sira nia oan mane (cfr. Tobias 2,1-14). Iha contexto ne’e Tobit considerado hanesan laen lalós (hanoin sala, hanoin lalós & hafoin Ana considerada hanesan fen nebé los, la sala – hamrik iha posição lós hodi fo consciência (#menyadarkan) nia laen kaben Tobit husi nia salan. Passagem haktuir nune’e: Bainhira hakoe tiha nia maluk ida nebé mate, Tobit fila ba uma haris troca hafoin nia sa’e ba uma andar leten hodi toba sadere nia ulun iha parede uma nian. Maibé nia la consegue taka matan tanba manas. Nia mós la hatene nem haré, manu lin ida tur iha tembok nia leten. Derepente manu lin hasai nia ten (foer) monu kona lós Tobit nia matan. Consequência fofoun haré la mós. Tobit ho nia família buka aimoruk iha fatin hothotu. Maibé quanto mais tau aimoruk, nia matan la diak bahkan sai aat ba beibeik, to’o ikus nia delek total. Tobit hanesan chefe família, esperança economia família monu, laiha ona força. Haré, Tobit nia condição hanesan ne’e ona no atu sustenta existência família nian liliu atu dapur iha nafatin; Tobit nia fen – Ana haknaar an fali hodi serviço makas. Nia borong serviço saida de’it. Sai to’os-atan; sai empregada iha ema seluk nia uma; cleaner, fase ropa, suku ropa; serviço feto saida de’it, Hana pronto atu halo ho finalidade atu sustenta família nia moris. To’o iha loron ida, depois de nia halo tiha nia serviço; iha ema riku ida nebé sente satisfeito ho nia resultado serviço nian; bele tanba compaixão (kasihan); patrão ne’e kala hanoin iha nia laran dehan uluk Tobit nia família ne’e diak; maibé tanba agora nia delek, então situação koalia oinseluk. Ana serviço la para husi dader to’o kalan. Tuir mai, ema rico ne’e além de selu nia kolen, oferece mós ba Ana bibi bokur ida hanesan presente, hadia, imbalan. Bainhira simu presente, Ana sente haksolok tebes. Nia hanoin ona, to’o uma, nia sei oho, hafoin tein, bifi, bafa, agua sal, sate. Pokoknya sei halo modo diak. Maibé, saida mak aconteceBainhira to’o, iha Tobit nia oin, bibi oan nebé Ana lori ne’e hamee, meee. Conflito hahú mosu. Tobit depois rona bibi hameeee, nia tensão sa’e kedas, laran manas; bibi ne’e mai husi nebé, nia husu. Hafoin Ana, koko explica ba Tobit. Husi ha’u nia kolen serviço. Iha ne’e mak ita bele hatene katak conflito, violência doméstica bele acontece iha uma laran bainhira pasutri la rona malu, la fiar ba malu, lakon confiança ba malu. Laen la fiar saida mak fen ko’alia. Mosu iha Tobit nia laran, la fiar, iha desconfiança. Tobit dehan la diak quando ita foti ema seluk nia rikusoin. Ba fó fali ba nia na’in. Ana esforça an atu explica detalhamente bibi ne’e mai husi nebé. Ita imagina tok, se ita sai hanesan Ana, reação saida mak ita sei foti… Serviço makas ona, laen la fo folin tan. Sudah banting tulang, maibé desconfia fali dehan na’ok rikusoin ema nian, aat liu mak desconfia katak presente hirak ne’e mai husi hasil selingkuh nian ho mane seluk. Sakit ida hanuxa. Claro ona katak isin moras tiha ona. Agora sentimento mak sofre fali. Kaben ida nebé mak iha pasciência, quando laen ruma nebé halo hanesan ne’e ba nia fen. Ana simu acusação sira ne’e hotu. Hafoin Ana koko atu fo-hanoin fali Tobit ho hanoin nebe lós. Hatur nia matenek (kebijaksanaan). Ana la ko’alia aat hasoru Tobit. Delek tiha ona, labele halo buat ida, ko’alia barak tan, acusa fali nia fen… biar perasaan terluka, maibé Ana la simu hasoru satan atu soe nia kaben. Tuir mai, Ana convida Tobit atu hanoin nia matenek, laran diak (suka beramal), ajuda ema seluk nebé uluk nia mós pernah halo ba ema seluk. Ana dehan:<bibi ne’e mai husi ema seluk nebé beramal ba ita. Hanesan uluk ó tulun ema seluk>. Husi Ana nia fo-hanoin ne’e mak Tobit converte an, hakribit nia salan sira liliu dun matak nia fen konaba resultado hirak nebé nia simu husi nia kosar-ben.

Lição balun: 1)Ita la’os sai cristão egoista (hanoin deit ita nia an – iha deit responsabilidade ba ita nia an deit. Maibé ita preciso sai sarani nebé iha responsabilidade ho ema seluk; 2)Ita precisa consciente katak ita ema imperfeito, tidak sempurna. Tanba ne’e mak Maromak bolu ita atu harí Unidade, iha família, iha comunidade iha mundo ne’e kedas ona, atu aban bainrua ita mós bele pertence iha família Maromak nian; 3)Cada família sei hasoru problema oioin, perante problemas hirak ne’e precisa tebes rona malu, perdua malu entre fen laen – atu bele buka solução hodi tahan família nia existência labele naksobu tuir Nai nia hakarak <Buat nebé Maromak tau hamutuk, ema labele haketak>(Mc 10,9). pftby

HA’U HAKSI’AK Ó, TANBA HA’U HADOMI Ó

Housi : Pe. Francisco da Costa

 

Oinsá mak bele haksi’ak malu <fo-hanoin ba malu> (*saling menegur) nu’udar maun ho alin iha comunidade ida, wainhira ita haré maluk ruma halo sala? Na’i Jesus Cristo nia Evangelho tuir versão São Mateus nian apresenta etapa tolu (cfr. Mt 18,15-18).

Etapa dahuluk, Se ó nia maluk halo sala hasoru ó, ba haksiak nia mesak deit (cfr. Mt 18,15). Iha passagem ida husi profecia Ezequiel hateten:“ó fó hatene karik atu nia sai housi dalan at, maibé, nia lakohi rona hodi sai housi dalan at ne’e, nia sei mate tan nia salan; maibé, ó sei soy ó nia moris”. Wainhira ó la haksi’ak ó maluk no husik liu deit maluk ne’e moris no mate iha sala laran, Maromak sei husu tusan ba ó, se ó la hateten ba ó nia maluk atu hasai nia housi salan” ( cfr. Ez 33,9).

Etapa daruak, nia la rona karik ó, bolu tan maluk ida ka rua atu sai sasin, atu nune’e bele resolve problema liuhusi ema nain rua ka tolu nia hakotu-lia (cfr. Mt 18,16); Iha livro Deuteronómio mós hateten nune’e: sasin housi ema ida deit la forte atu hateten katak ema ida comete pecado (halo sala); maibé ho presença sasin housi ema ida ka rua mak iha força atu hatudu katak ema ne’e sala duni. (cfr. Dt 19,15).

Etapa datoluk, se nia la rona nafatin lori ba Kreda, nia la rona Kreda (*bele dehan fila kotuk ba Kreda) então, haré nia hanesan ema gentio ka ema publikano (sala-na’in); ou haré nia hanesan ema nebé la hola parte iha Kreda (cfr. Mt 18,17). Iha ne’e mak halo ita compreende diak liutan katak Cristo haraik confiança no responsabilidade máxima ba Kreda liuhusi Apóstolo Simão Pedro (actual Papa nu’udar Sucessor Simão Pedro nian) atu perdua no la fó perdão ba maluk ruma nebé la rona Kreda. Evangelho hateten:“buat hotu nebe imi futu iha rai sei futu metin iha lalehan; buat hotu nebe imi kore iha rai sei kore mos iha Lalehan”. (cfr. Mt 18,18)

Acontece iha moris, ita balun brani maibé ita balun mós tauk atu haksi’ak malu. Ha’u brani haksi’ak ba maluk ida nia salan, tanba ha’u hadomi nia, ne’e hola parte iha <vertude caridade nebé Kreda hala’o nu’udar dever ida>(Deus Caristas Est, no.20). Ita fo-hanoin konaba sala nebé maluk ida halo la’os tanba ita rai ódio hasoru nia, maibé tanba nia ha’e ita nia maluk la’os ema leet ida; atu nia bele hetan salvação, no soy mós ita an. Iha fatin nebé hanesan, ita balun mós sente tauk tanba lala’ok ne’e (haksi’ak malu ou fo-hanoin malu) bele hamosu laran moras no sentimento moe ka problema seluk tan, se maluk ida la simu fó-hanoin (teguran) nebé ita hatudu ba nia. Maski todan maibé ida ne’e knaar boot ida nebé Jesus tula hela ba ita sarani sira nu’udar <Kreda moris nian> atu anuncia ho denuncia ba ema seluk no ita rasik nia conversão no salvação.

Nunee, haré husi:

1). Dimensão Pessoa Humana – dignidade hanesan ema continua folin masque monu beibeik ba sala. Necessita tebes ita nia coragem, seja forte e corajoso (1Crôn 28,20) atu haksiak, fo-hanoin. Fo-hanoin (teguran) ne’e importante la’os atu julga (*menghakimi) no condena (*menghukum) maibé atu nia bele hadia ou halós nia an. Ita hirak nebé simu teguran ne’e mós precisa reconhece no simu ho liman rua, fuan nakloke inclui simu ho hakraik an ita nia limitação (imperfeição) ba diak ita nian, hanesan Bispo Hippona hateten: <aceita tua imperfeição. É o primeiro passo para alcançares tua perfeição – simu ó nia imperfeição (ketidaksempurnaan). Ne’e mak passo dahuluk atu bele hetan ó nia perfeição (kesempurnaan)>.

2). Dimensão Relação Social – <o homem é essencialmente um ser social; com maior razão, pode-se dizer que é um ser familiar>. (cfr. frases de S. João Paulo II, papa). Se etapa dahuluk, ita ladauk convence nia; ita precisa tan ema seluk atu sasin katak nia sala. Sasin seluk ne’e mak sociedade. Sociedade ida composta husi família wain. Família mak célula (base) husi sociedade ida (cfr. frases de S. João Paulo II, papa). Nunee, indivíduo ida nebé horik iha sociedade nia leet, preciso hetan mós atenção husi sociedade (comunidade, família boot). Comunidade tem que corrige indivíduo ida nia atitude bainhira monu ba salan; hafoin simu hikas, se nia hakarak fila fali ba dalan di’ak. Iha sorin seluk, ita precisa matan moris neon nain mós, tanba sociedade ohin loron, ita compara karik hanesan careta saneamento nian (truk sampah) nebé gosta tula (halibur) no soe (fakar) fo’er. Fo’er nebé sira halibur mak hakarak <<atu halo at (imoralidades), atu naok (roubos), atu oho (assassínios), halo sala foer (adultérios), atu sai karakten (ambições desmedidas), no halo buat at sira (maldades) seluk hanesan lohi ema (fraudes), hahalok foer (devassidão), laran moras (inveja), lia-bosok (calúnia), loko an (orgulho) no hahalok beik mosu mai (falta de juizo)>> (cfr. Mc 8,21-22). Bainhira capacidade nakonu naresin ona, sira necessita fatin atu fakar, no dala barak, ema seluk mak sai hanesan vítima lixeira (korban tempat sampah). Atu hasoru ema hirak ne’e, São Pedro nia segunda carta aconselha ita:<sede sóbrios e vigilantes. O vosso inimigo (adversário), o diabo, rodeia como um leão a rugir, procurando a quem devorar. Resisti-lhe, firmes na fé!> (cfr. 2Pd 5,8-9a).

3). Dimensão Eclesial – hanesan cristão (Católico), reconciliação integral (isin-klamar) ita hetan iha Kreda nebé Amo Papa, Amo Bispo sira, Na’ilulik sira mak hala’o liu housi sacramento confissão, iha nebé bele haraik perdão hodi Nai Jesus Cristo nia naran (in nomine christi) ba maluk ida nebé hakarak converte an no fila ba dalan diak.

Seidauk tarde ba ita sira nebé la’o sala dalan, se ita hakarak hakribit salan hodi husu perdão ba Maromak, ba maluk sira (comunidade), natureza no mós ba ita an rasik.*** Um grande abraço! Pftby

 

Referências:

Bíblia Sagrada; Carta Ensíclica DEUS CARISTAS EST , sobre o amor cristão – Papa Bento XVI;

http://www.mensagenscomamor.com/frases_de_santo_agostinho_de_hipona.htm#ixzz3nCdGbXUh

http://www.mensagenscomamor.com/frases_papa_joao_paulo_2.htm#ixzz3nCcek3yF

AMIZADE NE’E LA’OS OPORTUNIDADE MAIBÉ RESPONSABILIDADE”

Pe. Francisco da Costa (pftby)

 

“Sai belun baibaim ne’e la susar. Maibé atu sai belun di’ak no lolós ne’e mak aifuan nebé kleur atu fo-fuan”(Aristóteles). Frase nee haroman ita atu compreende katak amizade ne’e responsabilidade ida; konaba ida ne’e Kahli Gibran dehan:“amizade la’os oportunidade maibé responsabilidade”. Amizade mak responsabilidade nebé ita oferece ba ita belun sira. Matenek nain barak define hodi fahe amizade nee ba oin tolu: 1)amizade tanba buka diak (prazer); 2)amizade tanba interesse & 3)amizade nebé lolós (BALDINI, 2000; FLEITAS, 2016; ROSS, 1987; SOUSA, 2014; WOLF, 2013). Então, se amizade nee responsabilidade significa nia haksoit liu prazer no interesse. Nee mak amizade lolós; amizade lolós exige tebes responsabilidade: atu hein, defende no protege nafatin ita nia belun, iha qualquer situação no condição (ksolok no susar), tempo no fatin nebé deit (sem fronteira & sem reserva). Marco Aurélio, imperador (filósofo) Roma nian, afirma katak ema sira moris mai atu tulun malu ida ho sira seluk. Amizade mak base nebé tane as comunidade nia naran. Tanba nia la han malu ho veneno sira: egoísmo no individualismo nian. Amizade significa partilha hamutuk, hariku laos buka diak ba an rasik maibé ba grupo (comunidade nia diak).

Iha Zaman now, sentido amizade lolós hahú monu, ho era globalização tecnologia nian (medsos). Dalabrak publicação sira iha media social (medsos), ita bele lé <hate speech> (expressão ódio nian, hatun malu, hafoer ema nia naran diak), iha mós <hoax> (notícia sira nebé nakonu ho lia-bosok). Fenómeno hirak nee halo ema rai ódio, vingança, desconfiança entre ida ho ida seluk, entre grupo ida ho grupo seluk. Atitude la gosta malu nee acontece mós iha grupo WA no mós FB nian. Nee tuir filósofo francês – Sartre (1905 – 1980), “ema seluk mak inferno (orang lain adalah neraka)”. Afinal belun lolós nee mak rikusoin bé folin liu soin sira iha mundo. Provérbio Latim hateten_“Homo homini socius” – ema mak belun ba ema seluk. Lia-murak ida nee mosu atu hatan ba provérbio (lia-murak seluk) nebé dehan “Homo homini lupus” – ema sai hanesan asu-fuik ba sira seluk. (Driyarkara (1913–1967). Moris nee sei fo ksolok bainhira ema ida iha belun barak ou ema barak habelun malu ho ema ida. Nação China iha expressão ida nunee, “iha belun ema nain 1.000 mos seidauk too, maibé iha karik funu-baluk nain 1 deit nee barak liu (Seribu teman masih kurang, satu musuh terlalu banyak”). Liafuan hirak nee hafanu ida atu hanoin tuir katak importante tebes ita iha belun,_“Companions is wealth”_ – belun mak rikusoin. Nunee, ita hakfodak bainhira escritor romano Plautus (254–184 a.C) hateten, “Ubi amici, ibidem opes” – iha nebé existe belun sira, iha nebá mos existe rikusoin (Di mana ada sahabat-sahabat, di sana ada kekayaan). Livro Ben-Sirá mos lia-tun:“Ema sê mak iha belun lolós, nia hetan rikusoin”(Sir 6,14). Dala ida tan, amizade (habelun malu) nee rikusoin, humanista holanda, Erasmo (1466 – 1536) mós afirma:“Felici multos habet amicos” – Rahun diak ba ema ida nebé iha belun barak. Além de nee, belun mak graça be Maromak haraik mai ita. Atu amizade nee buras, necessita tebes <<corectio fraterna – halo coreção ba malu>>. Oinsá mak bele fo-hanoin belun ida bainhira monu ba sala, Publius Syrus fo conselho:“Secreto amicos admone, lauda palam” (fo-hanoin ó belun sira subsubar, maibé hahí sira abertamente (iha ema barak nia oin). Belun ida sei halós ó bainhira ó lao sala dalan; laos sempre dehan ó lós hodi fo ksolok ba ó (asal bapak senang). Amizade nee comparada hanesan liman ho matan. Bainhira liman kanek, matan tanis, ou bainhira tanis, liman mak hamos matan-ben.

Iha âmbito cristão, Nai Jesus mak mestre nebé hanorin amizade lolós. Nia bolu nia Apóstolo sira inclui ita hotu BELUN laos atan (Jo 15,12-17). Honra boot mai ita ema bainhira Jesus, ho domin considera, respeita no bolu ita ida-idak Ninia belun. Jesus hakarak mós atu ita fo-fuan domin iha ita nia amizade. Jesus mak ita nia belun diak no lolós; Nia laos koalia deit, maibé Nia hatudu iha hahalok too saran nia An tomak hodi comprova oinsá Nia domin ba ita; laiha domin nebé boot liu, Ida nebé saran Nia An ba Nia belun sira (Jo 15,13)***. Obrigado Jesus, hau belun diak no lolós.***✍️Um grande abraço_ pftby

HAKARAK FORMA GOVERNU, HATENE LAI NIA REKIZITU BAZE

Mestre Pe. Júlio Crispim Ximenes Belo, Drs., MDpri.

(Jurista no Akadémista)

 

  1. INTRODUSAUN

Elaborasaun ne’e, mosu, ho objetivu atu fo esplikasaun ruma kona-ba rekizitu baze atu forma Governu, ne’ebé, ita-nia Asembleia Konstituente, hodi povu Timor-Leste nia naran, konsagraonaiha art. 106.º no art. 85.º, al. d) CRDTL.

Atu bele entende, profundamente, rekizitu baze ba formasaun Governu, presiza análize ida kona-ba rekizitu materiál no formál siratuirmai nee:

 

  1. REKIZITU MATERIÁL NO FORMÁL BA FORMASAUN GOVERNU

            Ko’alia kona-ba prosesu inisiál ba formasaunGovernu, ninia baze mak iha CRDTL art. 106.º n.º 1 ne’ebé hateten Primeiru-Ministru(PM) indijita hosi partidu mais votadu ou hosi aliansa partidu sira ho maioria parlamentar no nomea hosi Prezidente Repúblika(PR), rona partidu polítiku sira-ne’ebé hetan asentu iha Parlamentu Nasionál (PN).Espresaun ne’eenkarna rekizitu materiál no formálsira hanesan tuirmai ne’e:

            Primeiru, ko’alia kona-ba rekizitu materiál, kondisaun ne’e liga ho konteúdu ka esénsia legál hodi forma Governu. CRDTL liuhosi art. 106.º n.º 1 konsagra rekizitu materiál-hipotétika (disjuntiva) rua, dezignadamente, “partidu mais votadu” ou “aliansa partidu sira” no, rekizitu materiál-kategóriku mak “maioria parlamentár”.Rekizitu kondisionál rua temi ona, konsidera nu’udár kondisaun hipotétika-disjuntiva tanba sujeita ba partikula konektiva “ou” (ida eziste ona, seluk la uza ona, ou, se “partidu mais votadu iha ona”, la uza ona aliansa partidu sira). Konseitu ka nosaun “partidu mais votadu” iha espresaun referida, bele kompreende tuir ninia kompreensaun nu’udar “partidu polítiku” (PP) mais votadu, ou bele mós entende tuir ninia ekstensaun “koligasaun partidária” (KP) mais votada, ho supozisaun ida katak, eleisaunbele rezulta PP ou KP mais votadu.Nosaun “maisvotadu” ihaespresaun referida, em contrário sensu, rezultakonseitu “menos votadu”, katak, PP ka KP ida makhetanona“MAIS VOTADU”, PP ka KP sira-selukkonsidera nu’udár“MENUS VOTADU”. Ideia “mais votadu” ne’e bele mosuho forma “maioria simples”, “maioria absoluta” ou “maioria kualifikada”[maibé tenke respeitarekizitu materiál-kategóriku “maioria parlamentár”(maioria absoluta ka maioria kualifikada)]. Iha situasaun ne’ebé difisil atu sustenta ezisténsia governasaun ho “maioria simples” (katak, laihasegurança no serteza jurídicatanba la hetan “maioria parlamentár”), CRDTL liuhosi art. 106.º n.º 1, loke dalan ba “aliansa partidu sira”. Konseitu ne’e, refere ba aliansa, akordu ka koligasaun partidária pós eleitorál, ho rekizitudeterminante mak maioria parlamentár (maioria absoluta ou maioria kualifikada) maibé, tenke respeita princípio da justiça no princípio da legitimidade democrática(ne’ebé lejitimidade demokrátika ne’e hetan hosi rezultadu eleisaun). Bele dehan katak, PP ou KP “mais votadu” mak iha direitu atu konvidaPP ka KP“menos votadu”balunatumaihamutukhodihetan“maioria parlamentár” ne’ebé seguru (maioria absoluta ou maioria kualifikada) ba sustentabilidade governasaun.

Nu’udár esplikasaun adisionál, iha diferensa entre KP pré-eleitorál no Aliansa Partidu (AP) pós-eleitorál. KP pré-eleitorál ninia objetivu atu hetan asentu iha PN no hetan kualidade “mais votadu”, nune’e PP ida, se tama ona iha KP ida, la beleintegratanihakoligasaun, simultaneamente, ho KP sira-seluk [Lei n.º 2 /2016 de 3 de Fevereiro, art. 9.º n.º 3]. Enkuantu, AP pós-eleitorál ninia objetivu mak hodi asegura “maioria parlamentár” bazeia ba rezultadu eleisaun (respeita legitimidade demokrátika). Nune’e, ideia ba KP pré-eleitorál mak “tama iha koligasaun nia laran”(nu’udár manifestasaun hosi princípio da justiça no princípio da legitimidade democrática)no ideia ba AP pós-eleitorál mak “la’o hamutuk” ho KP ka PP balun (ne’ebé hetan ona asentu iha PN) hodi asegura “maioria parlamentár” (nu’udár manifestasaun hosi princípio da segurança jurídica hoserteza jurídica no princípio da legalidade democrática).

            Segundu, ko’alia kona-ba rekizitu formál sira, ideia ne’e liga ho kompeténsia no dever sira-ne’ebé manifesta iha aktu tolu, nomeadamente, “indijitasaun”, “audisaun” no “nomeasaun” ne’ebé bele esplika hanesan tuirmai:

Primeiru, aktu indijitasaun PM konsidera nu’udár kompeténsia própria hosi PP ka KP mais votadu ho maioria parlamentár ou aliansa partidu sira ho maioria parlementár ne’ebé manifestaprincípio da justiça, princípio da segurança jurídica ho certeza jurídica, princípio de legitimidade democrática no princípio da legalidade democrática.

Segundu, aktu audisaun ne’ebé hetan iha espresaun “rona partidu polítiku sira-ne’ebé hetan asentu iha Parlamentu Nasionál (PN)”[uza termu asentu tanba bankada ladauk forma]. Aktu ne’e konsidera nu’udár kompeténsia ka dever pasivu PR atu konfirma “maioria parlamentár” ne’ebé seguru ba sustentabilidade governamentál. Tanba sá mak pasivu? Tanba PR hein “informasaun” hosi PN kona-ba maioria parlamentár liuhosi eleisaun meza parlamentár. Nune’e, rekizitu ne’e rasik exigeACTOS PARLAMENTARES” (PN nu’udár sujeitu ativu) hodi “hatudu” formalmente liuhosi meza PN katak, maioria parlamentár ne’ebé iha (ka foun), seguru atu sustenta Governu nia vida [tanba iha sistema semi-prezidensiál, GOV moris no sustenta hosi PN, la’os hosi PR]. Tanba ne’e mak akontese, antes nomeia PM, PR hein lai eleisaun Prezidente Parlamentu Nasionál (PPN) nu’udár konfirmasaun ka kálkulu ida ba sustentabilidade governamentál iha futuru [Regimento do Parlamento Nacional (RPN) art. 16.º n.º 3].Hanesan informasaun adisionál, LEGALMENTE PN MAK “KONFIRMA” MAIORIA PARLAMENTÁR, LA’OS PP KA KP SIRA MAK BA FO HATENE BA PR KATAK IHA ONA MAIORIA PARLAMENTÁR.

Terseiru, nomeasaun PM hosi PR. Preenxe ona presupostu materiál sira ne’ebé temi ona no presupostu-formál “indijitasaun” no “audisaun”, PR bele konkretiza ona ninia kompeténsia própria atu halo nomeasaun [konjuga ho CRDTL art. 85.º al. d)] ba PM. Actus nomeasaun ne’e, realiza liuhosi Dekretu PR (atu iha validade jurídika) no tenke publika iha Jornal da República (atu iha efikásia jurídika) [CRDTL art. 73.º]. Hetan ona validade no efikásia jurídika, Governu Konstitusionál formadu ona liu hosi nomeasaun PM no, PM bele propoen ona membru Governu sira-seluk hodi kompleta prosesu formasaun Governu. Nune’e,  prosesu tuirmai mak nomeasaun membru Governu sira-seluk hosi PR, sob proposta PM[CRDTL art. 106.º n.º 2].

Ideia ne’e, kontém rekizitu formál rua, nomeadamente, “proposta” PM no “nomeasaun” PR ne’ebé manifesta princípio de interdependência dos poderes [CRDTL art. 69.º] nu’udár ninia matéria. Rekizitu rua referidu, sujeita ba neksu hipotétiku-kondisionál ne’ebé rezulta konsekuénsia rua: 1) PR só bele realiza nomeasaun kuandu iha proposta hosi PM; no 2) Termu “proposta” rasik rezulta subentendimentu ida katak, PR bele utiliza ninia “esfera da liberdade”, ho fundamentu profundu, hodi aseita ou rejeita respetiva proposta. Karik PR aseita ona, acto aseitasaun ne’e mós tenke liuhosi Dekretu PR ida, ne’ebé publika iha Jornal da República, hodi iha validade no efikásia jurídika (CRDTL art. 73.º)]. Hetan ona validade no efikásia jurídika, PR bele ona hakat ba acto fo tomada de posse ba membru Governu sira. Depois, husitomada de posse neemembro Governu sira bele hala’o ona sira-nia mandatu konstitusionál ho responsabilidade no subordina ba Konstituisaun no Lei sira [Princípio primado da Lei (CRDTL art. 2.º n.º 2)].

 

KONKLUZAUN

            Bazeia ba esplikasaun kona-ba rekizitu materiál no formál sira bá formasaun Governu, bele kompreende REKIZITU BAZE nu’udár konjuntu hosi rekizitu materiál no formál, hipotétiku no kategóriku, konsagra iha CRDTL art. 106.º, ne’ebé enkarna prinsípiu fundamentál Direitu hodi kria (forma) no sustenta ezisténsia Governu nu’udárórgaun soberania estaduál.

 

BOA LEITURA NO MELHOR SUCCESSO

 

REFERÉNSIA:

CUNHA, Paulo Ferreira. Direito Constitucional Aplicado, Viver a Constituição, a Cidadania e os Direitos Humanos. Quid Juris: Lisboa, 2007.

GOUVEIA, Jorge Bacelar. Direito Constitucional de Timor-Leste. Gráfica de Coimbra, LDA.: Coimbra, 2012.

MIRANDA, Jorge. Manual de Direito Constitucionál, Vol. II, Tomo III e IV. Coimbra Editora: Coimbra, 2010.

MIRANDA, Jorge. Manual de Direito Constitucionál, Vol. III, Tomo V, VI e VII. Coimbra Editora: Coimbra, 2010.

PEREIRA, António Pinto. Princípios Gerais de Direito, 1.ª Ed.. Coimbra Editora: Coimbra, 2013.

VASCONCELOS, Pedro Carlos Bacelar. Constituição Anotada, República Democrática de Timor-Leste. Empresa Diário do Minho, Lda.: Braga, 2011.

JOVEN EUCARÍSTICO

(Perspetiva Jornalistica ba Ano Eucarístico iha Creda Timor Leste)

Housi : Marta do Rosário Afoan, Lcs

 

Desde inicio wainhira Maromak cria ema moris mai iha mundo ida ne’e, direito iha ema ida-idak ninia an existe kedas, direito ida ne’e kait kedas ho liberdade ema nian. Katak liberdade atu moris, liberdade atu hili religião, liberdade atu escola no liberdade seluk-seluk tan, no liberdade hirak ne’e tem que hala’o didiak tuir ninia dalan sira hodi banati tuir hanesan Maromak oan.

Mundo ohin loron ho desenvolvimento ciência no tecnologia nebé acompanha mos ho descobremento nebé ema mos la escapa housi ninia influencia sira, bele mos halo ema iha liberdade atu hili saida mak nia hakarak ho ninia objetivo mak haksolok iha loron aban nian, iha rai ne’e no iha reino lalehan nian.

Realidade nebé mosu hodi la sees housi influencia ciência no tecnologia mundo ne’e mos nakonu ho ema nebé  mai housi kor oi-oin, raça oi-oin, religião oi-oin, bele atu matenek ka beik, atu kiak ka riku maibé sempre nafatin iha coridor ida de’it katak ema laos atu moris de’it ho aihan isin nian maibé moris housi Maromak nebé sai hun ba critura tomak. Loos duni, tuir fiar sarani nian, Maromak sempre hadomi nafatin ita hodi haruka Nia Oan Mane mesak Jesus Cristo mai mundo atu salva ita iha momento saida deit no iha nebé  deit mak ita monu iha tentação aat nia laran, presença Jesus nian sempre iha nafatin liu housi dalan oi-oin, dalan salvação nian.

Religião católica ninia hanorin sira sempre fiel nafatin ba Maromak liu housi Jesus Cristo  nebé  iha Eucaristia no fiar ba Maromak ne’e mos hatudu liuhousi santo no santa sira hotu ninia intercessão,  tan ne’e mak igreja católica hanaran igreja universal nebé  ho nia uma lisan boot iha Roma. Igreja católica nia fukun principal mak Maromak nu’udar mahalo lalehan no rai no buat hotu iha rai klaran ne’e, ninia Oan Mane Mesak Jesus Cristo mak salvador unico nebé halao plano salvifico Maromak nian iha mundo, no obra salvação ne’e naklakan no buras ba bebeik to’o ohin loron iha kbiit Espírito Santo nian nebé lakan nafatin ba nafatin. Housi obra Santíssima Trindade nian ne’e hahoris mos iha uma creda laran apostolo sira no santo, santa sira, ho ninia figura eminente ba fiar ne’e mak amo papa iha Roma hodi halekar nafatin fiar sarani nian ne’e ba mundo tomak liuhousi ninia saseluk sira ba fatin-fatin, atu nune’e missão Jesus Cristo nian metin nafatin iha ema ninia fuan ho caracter católico, apostolico tuir banati nebé Cristo housik hela no haktuir iha Evangelho sira liu housi celebração Eucaristia.

Celebração Eucaristia mak sai hanesan fonte no fukun uma creda cristão católica nian nebé  fo significação klean ba ema nia moris kona ba fé sarani ninian,  tan ne’e mak presença Eucaristia hanesan celebração kona ba fé ema cristão católica nian hodi hatene klean kona ba Maromak liu housi biblia iha liturgia.

Timor Leste ninia população sira desde uluk kedas maioria mesak ema católico nebé  fiar ba Jesus Cristo Maromak nia Oan, maibé ohin loron Timor ukun an tiha começa existe  religião oi-oin  hodi halo sarani balun la fiel  ba sira nia religião original lolos nian. Masque ho laço oi-oin kona ba religião nian nebé mosu bar-barak iha comunidade nia leet maibé ho Maromak nia tulun liu housi Baptismo nebé  ita simu tiha ona iha uma creda nia laran, ida ne’e mak sei soy ita housi laço sira ne’e no ida ne’e sai hanesan símbolo nebé  ita hakesi an ona ho Maromak.

Na realidade ita hare iha contexto nação Timor Leste nia laran kona ba joven sira nia participação iha uma creda liu-liu kona ba celebração Eucaristia nian ita hare maximo masque sei iha ema ida ou rua mak haluha ona buat ida be naran baptismo ne’e iha nia an rasik hodi muda nia identidade ba fali religião seluk nebé  ikus mai ko’alia contra buat be uluk nia simu tiha ona. Hahalok ida ne’e hatudu katak fé sarani nian começa mihis tanba monu ona ba ema nia laço hodi hakarak sai riku, hakarak iha uma luxu, hakarak iha buat hotu nebé  diak deit maibé lahatene katak buat hotu be iha mundo ne’e mate sei la lori.

Relaciona ho buat hirak ne’e hotu maka assembleia pastoral arquidiocese Dili hili tema ba tinan 2020 nian mak Cristão Eucarístico nebé  ho nia sub tema dehan hodi Cristo ho Cristo iha Cristo ba Aman Maromak. Ho tema ida ne’e maka hakerek na’in hakarak foti tópico específico liu kona ba presença foinsa’e sira nian iha celebração Eucarístia nian, nebé  sai hanesan Joven Eucarístico, katak joven nebé  ativa nafatin iha uma creda, joven nebé  ativa nafatin iha atividade saida deit mak uma creda hala’o, joven nebé  hatene cumpri lei (dotrina) uma creda nian, joven nebé  hatene hala’o nia missão hanesan ema católico no joven nebé  hatene atu Hahí no haNa’i nia Maromak.

Wainhira ko’alia kona ba Joven Eucarístico ne’e, katak joven nebé  envolve an hanesan ema Eucarístico. Ne’e katak joven nebé badinas ba missa hodi simu comunhão, joven nebé  badinas reza terço lor-loron, joven nebé hatene haklaken Maromak nia liafuan ba ema seluk, joven nebé hatene haraik an, joven nebé hatene paciência, joven nebé la sai problematico no joven nebé  hatene atu hamoris sacramento sira.

Hanaran Joven Eucarístico tanba joven ne’e hatene didi’ak nia an hanesan ema católico no reconhece nia an katak nia ne’e Maromak nia ís moris tanba ne’e mak joven temque iha sentimento ba Maromak nia domin, neon nakloke ba Maromak nia presença no cumpri didi’ak kna’ar joven nian hanesan ema cristão  hodi participa iha santa missa. Tanba intimo housi santa missa mak Eucaristia ou Santissimo nebé Jesus horik ba.

Ho nune’e mak joven mos precisa hakbesik an ba uma creda hodi rona Maromak nia liafuan sira, koko hakmatek iha minutu ida ou rua nia laran hodi ko’alia netik uitoan ho Jesus  liu housi oração no simu Jesus nia futar isin, ida ne’e mak ema hanaran joven eucarístico. Atu reforça ideia ida ne’e maka Padre Manuel Morujão wainhira realiza IV Congresso Eucarístico Nacional iha tinan 2016 iha Fatíma hateten quem não é eucarístico não é cristã.  Porque a Eucaristia é Cristo, que deu esta ordem aos seus seguidores: «Fazei isto (ou seja, celebrai a Eucaristia) em memória de Mim». Ne’e katak se mak laos eucarístico nia laos cristã. Tanba Eucristia ne’e mak Cristo, nebé  fo ordem ba Nia maktuir sira dehan: «Halo ida ne’e (ou iha celebração Eucaristia nian) hodi hanoin Ha’u». Ida ne’e fo hanoin mai ita atu hala’o nafatin ita nia papel hanesan ema católico nian iha ita nia moris lor-loron, kna’ar católico nian temque ativa nafatin, hamanas no hamoris nafatin fé católico nian liu housi dalan participa missa hodi simu Jesus nia futar isin no ran iha comunhão nian. Sarani católica ninia nesecidade basíco ba klamar nian mak ba missa hodi hasoru Na’i Jesus nebé  horik iha Eucaristia laran no rona Na’i Maromak nia futar liafuan sira tanba liu housi dalan Eucaristia mak bele salva ita housi  espírito aat nian. 

Espírito aat ne’e mak hahalok nebé  lakohi moris tuir Na’i Maromak nia hakarak  hodi sai  joven nebé  gosta halo problema, gosta droga, gosta abortu, lakohi ba missa, lakohi reza. Hahalok sira ne’e mosu tanba  espírito aat mak domina hodi halo buat hotu tuir hakarak rasik,  tan ne’e atu labele monu lalais ba atetude aat sira ne’e precisa cumpri nafatin kna’ar sarani nia hodi sai hanesan joven eucarístico nebé  hatene hahí no haNa’i nia abut, hatene agradece Na’i Maromak, hatene obiedece, hatene perdua no hatene hadomi Jesus liu housi Eucaristia nebé  celebra iha santa missa.

São João Crisóstomo (349-407), nu’udar doutor Igreja nian ida hateten “A Eucaristia dá-nos uma grande inclinação para a virtude, uma grande paz e torna mais fácil o caminho para a santificação”. “Deu-se todo não reservando nada para si”. “Não comungar seria o maior desprezo a Jesus que se sente ‘doente de amor’” (Ct 2,4-5). Ne’e katak  “Eucaristia fo tendência boot ba ita kona ba virtude, paz no dame nebé  boot no hatudu dalan nebé  facil ba ita kona ba santificação nian”. “Hala’o buat hotu  la rezerva buat ida ba Nia An”. La simu comunhão sei sai ema nebé  despreza boot ba Jesus nebé  sente hanesan ‘moras ba domin’”. (Ct 2,4-5).

São João Crisóstomo nia ideia fo hanoin mai ita sarani cristão atu hakbesik an nafatin ba Eucaristia hodi sai ema eucarístico nebé  moris tuir Maromak nia hakarak tanba ita moris iha mundo ida ne’e iha ita nia hun no abut rasik mak Maromak.

 

Referência:

“TEM QUE HADOMI MORIS TANBA NE’E PRESENTE IDA HOSI MAROMAK”

Housi : Marta do Rosário Afoan, Lcs

 

               Biblia Sagrada antigo testamento hanorin  katak wainhira Maromak halo tiha lalehan ho rai  no hakonu mundo ho buat hot-hotu nebe mesak furak, Maromak halo mos ema atu utililiza no horik  ba. Maromak considera ita ema nu’udar criatura kmanek liu tanba ne’e maka  Maromak tau confiança ba ita ema ba buat hotu nebe Nia cria ona iha mundo ida ne’e.    

               Bibilia Sagrada haktuir klean liu dehan Maromak cria ema primeiro mak Adão ho Eva. Hosi  sira ikus mai ema sai barak liu tan iha mundo ida ne’e ho kor, raça, religião no buat seluk tan nebe diferente tebes maibe ita nia abut no ita nia hun ida deit mak Na’i Maromak. Ita bele compriende daudaun ita ema nia hun no ita ema ninia kna’ar iha mundo ida ne’e hosi buat nebe hakerek iha livro Genesis iha capitulo 1:26-31 hateten, Uluk nana’in, Maromak halo lalehan no rai. Tuir, Maromak dehan: “Ita halo ema nu’udar ita ilas, tuir Ita klalatak, atu nia ukun ikan iha tasi laran, manu sira iha aas, balada dian no sira be fuik, samea no buat na’in hotu nebe dolar iha rai”. Maromak halo duni ema tuir Nia ilas; halo tebes ema tuir Nia klalatak. Maromak halo ema mane no feto. Maromak haraik rahun diak ba sira dehan: “Imi sai buras no wain ba, moris nakonu iha rai, hodi ukun rai-klaran! Imi ukun ikan iha tasi laran, ukun manu sira semo iha lalehan! Imi ukun mos balada sira hotu moris iha rai-klaran”.

               Maromak ninia hakarak no hahalok ida ne’e hatudu domin lolos ho ema nu’udar criatura aas liu hotu. Los duni katak Maromak hadomi tebes ita ema nune’e maka moris nebe Maromak haraik mai ita ne’e hasoru ho buat oi-oin hodi halo ita moris la kuran no ita uza gratuitamente. Buat hirak ne’e hotu hatudu Maromak nia domin boot tebes nebe ita labele sukat no ita labele tetu.

  1. Iha biban ida ne’e hakerek na’in hakarak foti tópico kona ba MORIS tanba moris ne’e furak, moris ne’e unico, moris ne’e folin, moris ne’e oportunidade, moris ne’e simples, moris ne’e deficil, moris ne’e nakonu ho desafios, moris ne’e sempre la perfeito, moris ne’e badak, moris ne’e livre, moris ne’e problema, moris ne’e força, moris ne’e esforço, moris ne’e terus, moris  ne’e cuidado, moris ne’e esperiencia, moris ne’e mehi, moris ne’e promesa tanba ne’e moris sempre especial.
  2. Hanoin katak se wainhira Maromak la cria ema moris iha mundo ida ne’e maka ita ema sei la sente, la hare ba buat furak mundo ne’e nian nebe Maromak cria uluk ona no agora daudaun geração ba geração moris livre iha uma comum ida. Uma ida nebe nakonu ho ema be mai hosi Maromak criador ema feto no mane nebe  ohin loron hakonu mundo. Hanesan Maromak hateten ba Abrão dehan imi sei sai wain liu tan hanesan rai henek iha tasi no fitun iha lalehan.

               Liga ba ita nia contexto Timor Leste, ita hare ba realidade hatudu katak iha  ita nia leet, ita mai hosi raça oi-oin. Masque nune’e ita hotu ne’e mesak Maromak nia oan de’it. Ita nia moris hun ida deit, Na’i ida deit mak Maromak. Moris nu’udar ema Timor oan hatudu Timor oan sira, moris hamutuk iha hela paz nia laran. Moris nu’udar povu no nação, Timor Leste foin halo tinan 17 maibe nação sira seluk sente orgulho ba nação Timor Leste tanba iha mudança boot iha processo dezenvolvimento nian compara ho nação sira seluk, maibe ita la sente katak iha mos mudança boot ida ba iha ema Timor ida-idak ninia moris nebe oras ne’e daudaun halo ema balun nebe hela iha cidade Dili sente triste boot tanba iha fatin-fatin sempre ita rona no hare rasik ho matan kona ba ema soe bebé. Hahalok ida ne’e la hatudu espirito  moris nu’udar criatura Maromak nian. Hahalok ida hanesan  moris ida be halo ho identidade nu’udar Timor oan no Maromak oan.

               Ita moris nu’udar ema Timor oan iha nação democracia maibe democracia laos atu halo estraga no soe bebé nebe sala laek  iha sikun-sikun sira, precisa hatene katak moris ne’e sempre iha sentidu ida, moris ne’e sempre iha folin boot liu riku soyn mundo nian hanesan matenek na’in Bastaman (2007:43) hateten “yang mengartikan bahwa makna hidup adalah hal-hal yang dipandang penting, benar, dan didambakan, memberikan nilai khusus serta dapat dijadikan tujuan hidup seseorang”.  Katak sentidu moris ne’e hanesan buat sira nebe sai importante los no necesita liu, fo duni valor especial no bele sai objetivu moris ema ida nian.  

               Constituição Républica Democrático Timor Leste (RDTL) nian iha artigo 29 ko’alia kona ba Direito ba Moris, iha aliña um nebe dehan katak labele viola ema ida nia vida. Ida ne’e katak keta oho ema. Se wainhira isin rua karik labele hanoin atu halo abortu tiha bebé ne’e, wainhira bebé moris  mai karik labele hanoin atu buti mate tiha bebé ne’e no labele hanoin atu soe bebé ne’e tanba bebé ne’e laos buat aat ida maibe bebé ne’e ema ida. Nune’e mak ita hatene katak soe ka oho bebe ne’e crime.

               Hosi moris creda nian, na’i ulun igreja católica iha Timor Leste  nian sempre fo hanoin nafatin ba inan aman, sempre fo hanoin nafatin ba joven feto no mane no sempre ko’alia bebeik ba público atu cuida no labele estraga ou soe bebé nebe mak iha tanba  se wainhira hanoin atu estraga ou soe bebé ne’e contra ona Na’i Maromak nia ukun fuan 5 nebe dehan keta oho no keta halo sala foer. Arcebispo Metropolitan Dili nian Dom Virgilio do Carmo da Silva SDB, hanesan bibi atan ba Arquediocese Dili nian sempre dehan bebeik katak “hanoin uluk mak halo laos halo tiha mak foin hanoin.  Labele dehan atu koko tanba vida ne’e nunca bele koko, antes atu halo buat ruma tem que hanoin uluk liu atus ida mak foin bele halo liu-liu kona ba buat ida ne’e. Se karik monu ona iha situação sira hanesan ne’e laos atu ba soe bebé maibe entrega ba iha congregação sira nebe disponível atu simu labarik sira”.

               Ne’e duni ita joven feto no mane precisa rona, precisa atenção, precisa iha comprenção, precisa hatene an, precisa neon nakloke no precisa participa iha atividade igreja nian atu nune’e bele aprende diak liu tan hodi muda fila fali ita nia hahalok aat sira nebe durante ne’e ita halo ona. Fiar katak liu hosi uma creda nia hanorin sira ho ita Na’i Jesus Cristo nia tulun maka buat hotu sei lao tuir fiar lolos nia dalan. Boa sorte ba ita hotu.

 

Referência:

LEI CONSUETUDINÁRIA IHA ORDENAMENTO JURÍDICO TIMORENSE

(Análize ida kona-ba Direito Costumeiro Timor nian)

 

João Manuel da Costa Sarmento

Formado iha Filosofia, Alumni STFK Ledalero-Flores

Actual Estudante iha Faculdade de Direito – UNTL

 

  1. INTRODUÇÃO

               Hanoin kona ba plano atu legisla Lei Costumeira ka Lei Consuetudinária, iha biban dahuluk, autor koko atu tetu didiak posição housi Lei no Costume iha ita nia ordenamento jurídico tanto housi compreensão doutrinal no mos housi entendimento legal. Ko‘alia kona ba compreensão doutrinal, ordenamento jurídico timorense rasik adota Pluralismo Jurídico ne‘ebe reconhece Lei no Costume liu housi classificação nu’udar Ius Scriptum no Ius non Scriptum, enquanto, housi entendimento legal, Constituição da República Democrática de Timor-Leste (CRDTL) rasik ho ninia previsão iha Código Civil Timorense (CCT) no Lei sira seluk considera buat rua ne’e ida-idak tuir sira nia fatin.

 

  1. LEI NO COSTUME TUIR COMPREENSÃO DOUTRINAL (PLURALISMO JURÍDICO NO DIREITO COSTUMEIRO)

               Ordenamento Jurídico timorense rasik adota doutrina Pluralismo Jurídico ne’ebe la limita revelação direito ba de’it Lei positiva ka Direito Escrito (Ius scriptum), maibé considera mós convicção, uso no valor constante social sira nu’udar Direito não Escrito (Ius non scriptum). Concepção ne’e hatudu katak ordenamento jurídico timorense la redutível ba entidade criadora estatal de’it (monizmu jurídiku), maibé permite mos entidade não-estatal sira hodi cria no aplica direito iha ordenamento jurídico ne’e nia laran (Júlio CRISPIM, 2017). Housi entendimento ne’e ita compreende katak costume rasik sai nu’udar ius non scriptum  ne‘ebe mai housi entidade não estatal.

               Ko‘alia kona ba Direito Costumeiro Timór nian, buat ne’e rasik consiste housi conjunto de regras ne’ebe regula relação costumeira sira basea ba uso – prática social retirada sira ne’ebé la acompanha ho sentimento ka convicção sira iha ninia obrigatoriedade jurídica — no ba costume — prática social constante observada ho sentimento ka convicção sira ne’ebe juridicamente obrigatório (A. Santos JUSTO, 2009). Uso no costume iha Timór rasik ka’it malu ho fiar no tradição pluralística ne’ebé mai housi norma costumeira oioin sira hanesan: tetum, fataluku, makasa’e, uaimua, galolen, mambae, bunak no sira seluk. Tradição sira ne’e contingentemente lori papel ne’ebe igual ho Lei iha ita nia ordenamento Jurídico.

 

  1. LEI NO COSTUME TUIR ENTENDIMENTO LEGAL

               Código Civil Timorense consagra Lei nu’udar fonte imediata ba direito (art. 1.º n.º 1 CCT: As leis são fontes imediatas do direito). Termu “imediata“ significa katak Lei mak sai fonte direta iha revelação direito nian.

               Tuir mai, CCT compreende Lei nu’udar disposição genérica sira ne’ebé mai housi órgão estadual competente sira (art. 1.º n.º 2 CCT: Consideram-se leis todas as disposições genéricas provindas dos órgãos estaduais competentes). Ideia “consideram-se leis todas as disposições genéricas“ hatudu carácter universal-abstrato housi Lei, enquanto, ideia “provindas dos órgãos estaduais competentes“  refere ba legitimidade formal-procedimental-constitusional (princípio da legalidade) ba formação ka revelação Lei (ka Dekretu-Lei), ne’ebé involve órgão estadual competente sira — Parlamento Nacional, Governo, Presidente República no Tribunal — liu housi processo ka pressuposto hanesan tuir mai: iniciativa (art. 97.º CRDTL), elaboração (art. 92.º, art. 95.º, art. 96.º no art. 115.º n.º 2 alínea a CRDTL), aprovação (art. 95.º CRDTL), promulgação (art. 85.º no art. 88.º CRDTL), publicação até vigência (73.º CRDTL no nia previsão art. 4.º CCT). Falta processo ka pressuposto ida de’it, ita sei la considera nu’udar Lei (ka Decreto-Lei).

                Ko‘alia kona ba custume, CRDTL reconhece no valoriza (simu) norma no uso costumeiro sira iha ordenamento jurídico timorense (art. 2.º n.º 4: O Estado reconhece e valoriza as normas e os usos costumeiros de Timor-Leste que 
não contrariem a Constituição e a legislação que trate especialmente do direito costumeiro), enquanto, CCT consagra norma no uso costumeiro sira nu’udar fonte direito nian ba ordenamento jurídico timorense (art. 2.º : as normas e os usos costumeiros que não contrariem a Constituição e as leis são juridicamente atendíveis).

               Iha elemento ka nota importante sira ne’ebé ita bele dada housi art. 2.º n.º 4 CRDTL: primeiro, ideia O Estado reconhece e valoriza as normas e os usos costumeiros que não contrariem a Constituição e a legislação que trate especialmente do direito costumeiro refere ba proibição absulota ba uso no costume contra legem sira (Costume sira-ne’ebé la la’o tuir CRDTL no Lei) no, reconhecimento no valorização ba costume secundum legem sira (sira-ne’ebé mak la kontra ita-nia CRDTL no Lei) nu’udar fonte direito. Segundo, tanba iha reconhecimento no valorização ba Costume nu’udar fonte direito, ideia “a legislação que trate especialmente do direito costumeiro” necessariamente refere ba norma adjetiva (la’os norma sustantiva) — norma sira-ne’ebé iha carácter procedimental ka processual hodi aplica no atende norma no uso costumeiro sira iha processo tomada de decisão ka revelação direito nian — tanba, ordenamento jurídico ita nian considera norma no uso costumeiro sira hanesan ho lei.

 

  1. LEI CONSETUDINÁRIA: NORMA ADJETIVA LA’OS SUSTANTIVA

               Baseia ba compreensão doutrinal no entendimento legal sira-ne’ebé autór explica ona, ita bele dehan katak, uso no costume sira iha Timór lori papel ne’ebé contingentemente hanesan ho norma ka Lei sustantiva ida—norma sira-ne’ebé regula hahalok hosi kada indivíduo, consoante direito no obrigação ida-idak nian iha sira-nia relação jurídica (aquela que regula a conduta dos indivíduos, estabelecendo e distribuindo obrigações e direitos às partes da relação jurídica). Nune’e, se iha plano atu forma Lei Costumeira ida ba Timór, Lei ne’e necessária norma adjetiva ida— norma acessória hodi halo processo aplicação Lei sustantiva sira: define procedimento sira-ne’ebé operador direito, juíz no advogado sira adota (um acessório às normas substantivas, pois orientam a aplicação dessas: definem os procedimentos que devem ser adotados pelos operadores do direito, os juízes e os advogados, ao aplicarem o Direito no caso concreto), tanba, norma no uso costumeiro sira rasik, sai ona Lei sustantiva ne’ebé liga direta ho hahalok ema ka sociedade ida-nian.

 

  1. CONCLUSÃO

                 Hanoin kona-ba explicação sira-ne’ebé autor hato’o tiha ona, iha nota ka elemento sira-ne’ebé ita bele dada nu’udar conclusão: primeiro, liuhosi entendimento doutrinal no legal ita compreende katak, ordenamento jurídico timorense considera tantu Lei no mos costume nu’udar fonte revelação direito iha ita-nia ordenamento jurídiko Lei nu’udar fonte escrita no custume nu’udar fonte não escrita. Segundo, norma no uso custumeiro timorense rasik consiste housi cultura oioin — ho natureza populacional no territorial. Terceiro, nune’e, revelação Lei Consuetudinária timorense rasik loloos ne’e labele encarna ba norma sustantiva ida-ne’ebé “acumula“ norma ka uso costumeiro sira hotu, maibé sai nu’udar norma procedimental ka processual ba aplicação uso no norma costumeira sira iha ordenamento jurídico timorense.

 

BIBLIOGRAFIA

SOARES, António e CRISPIM Júlio (cs.), Lições de Direito Reais Timor-Leste. Universidade de Porto Editora, Porto, 2017.

JUSTO, A. Santos, Introdução ao Estudo do Direito, Coimbra Editora, Coimbra, 2006.

GRACIA, Gustavo Pilipe Barbosa, Introdução ao Estudo do Direito, Teoria Geral do Direito, Didática Diferenciada, 3.ª Edição, Método Editora, São Paulo, 2015.

INFLUÊNCIA FACEBOOK BA ESTUDANTE SIRA

Husi : Marta do Rosário Afoan, Lcs.

 

               Média social sai hanesan meius ida ba ema hotu uza hodi hato’o, fahe, hatutan no halekar informação ba malu liu husi comunicação entre ema ida ho ema ida, entre ema ida ho ema barak kona ba buat saida de’it  mak acontece iha ema ida-idak nia moris lor-loron nian. Facebook mós hola parte nu’udar média social ida nebé ho tulun internet nian facilita comunicação ba malu, cria no  refórça relação ema sira nian.

               Tuir história katak iha tinan  2004, facebook hahu mósu husi Havard iha universidade Americana nian hahu uza iha ensino superior. Iha 2005, MySpace, mósu tan ho naran SNS (Social Networking Sites ) hodi concorre ho facebook. Iha 2006, facebook ultrapassa husi fronteira Americana nian, hodi hatama an iha empreza sira, estudantes ensino superior sira no nakloke ba  comunidade sira hotu lalais liu no sai boot ba bebeik. Ohin loron facebook sai nu’udar rede social nebé ho linha rede boot no ema hamutuk milhões mak uza ativamente facebook  iha mundo hotu.  Ida ne’e sai hanesan fórma ida ba ema  uza atu conecta ho maluk seluk atu buka lalais informação, nomós funciona hanesan centro ida ba contacto nian.  

               Presença facebook  servi no facilita tebes ema ida-idak atu bele moris iha mundo globalização hodi descobre buat foun kona ba mundo, maibé liu-liu bele halo ema conhece malu di’ak liu tan. Hanesan bai-bain ita hotu hatene katak facebook mós hola parte hanesan meio importante ida ba ita nia moris tanba bele facilita ita hodi hetan no fahe informação ba malu iha qualquer fatin nebé ita horik ba. Tuir ninia funsão uza facebook importante liu mak atu haklean ita nia conhecimento kona ba lalaok mundo globalização moderno nian nebé ohin loron avansado teb-tebes. Uza facebook la’os atu chating ba malu de’it, la’os atu  conhece malu de’it liu husi foto nebé tau iha ida-idak ninia pájina maibé precisa hatene katak importante liu uza facebook atu bele hatene informação kona ba acontecimento saida de’it nebé acontece iha mundo nacional no mundo internacional no uza facebook atu bele aprende buat di’ak ruma nebé bele fó vantagen di’ak ba ita nia moris. Infelizmente dala barak liu ita hetan ema uza facebook hodi tolok malu, trata malu, edit ema nia foto áat arbiru de’it no hatún  malu. Hahalok ida ne’e hatudu katak ita seidauk bele atu hakat tuir mundo moderno nian no seidauk hatene uza facebook tuir ninia funsão no ninia importância.

               Haré ba realidade nune’e mak hakerek na’in considera katak tópico kona ba “Influência Facebook ba Estudante Sira” sai  importante atu acentua iha ne’e hodi fanu hikas maluk facebooker sira nebé  seidauk hatene utiliza didi’ak facebook, especialmente ba estudante sira tanba estudante sira  mak uza liu. Estudante sira mak sai fini no rikusoi nação nian  nomós sai  nu’udar geração foun nebé precisa aprende no hatene uza didi’ak hodi fó valór ba sira nia moris tanba média social facebook ohin loron  sai hanesan moras ida nebé bele da’et lalais ba ema, hanesan matenek na’in Kirkpatrick (2011:19) dehan, “As ideias no Facebook têm a capacidade de passar rapidamente por grupos e de tornar muitos indivíduos conscientes de algo quase em simultâneo, espalhando-se de uma pessoa para outra e daí para muitas com uma facilidade única como um vírus ou meme.” Katak ideia sira iha Facebook ho nia capacidade nebé  la’o lalais tebes husi grupo no halo  individu sira consciente ba buat balun ho lalais de’it, naklekar husi ema ida ba sira seluk no fó mós ba ema barak ho facilidade única hanesan vírus ou meme.

               Liga ba realidade nebé acontece iha ita nia nação Timor Leste, nebé mak foin ukun-an iha tinan 2002 maibé los duni katak moras facebook nian hahú da’et ona iha ema ida-idak nia fuan, tanto atu joven feto-mane, inan-aman no labarik sira mós começa moris tuir ona mundo globalização nian hodi envolve an iha rede social nian. Hanesan ita hotu assiste ba buat nebé mak mosu iha ita nia leet, dala barak liu ita uza facebook hodi tolok malu, trata malu arbiru de’it no barani uza ID falsu hodi trata ema seluk no trata lider politico sira liu husi média social. Relaciona ho ne’e, iha estudante timor oan sira ida ou rua mós halo. Sira uza facebook la tuir ninia função hanesan estudante ida nebé lolos uza facebook hodi  aprende no hatene conhecemento foun, hodi fahe informação no conehecimento nebé iha. Iha realidade  geral ita nia estudante sira  iha Timor ne’e dala barak liu kaer ona telefóne maka sira sei la halo atividade seluk, sira sei la kaer caderno atu estuda, sira sei la preocupa ho TPC (Trabalho Para Casa) nebé educadór sira fó, sira garantia liu tempo hodi hatudu an tuir facebook.  Estudante sira nu’udar geração foun nação nian  precisa uza lolós média social facebook, twiter, whatsapp sira, uluk nana’in la’os atu hatudu an maibé atu aprende no halo tuir buat nebé mak di’ak no buat nebé mak fó valor ba sira nia moris rasik ba sira nia futuro no ba nação nia moris no futuro.

 

REFERÊNCIA:

SAI JOVEN MISSIONÁRIO IHA TEMPO ATUAL

(Perspetiva Jornalistica Ba Ano Missionário Juvenil Iha Creda Timor Leste)

Husi : Marta do Rosário Afoan.  Lcs.

 

               Concílio Vaticano II iha ninia documento sira ko’alia mós kona ba Atividade Missionário Creda Católica nian iha missão haklaken evangelho ho lian Latina hanaran “Ad Gentes” katak “Ba ema-rai hotu. Documento ne’e fó sai nu’udar comitmento ida husi igreja católica hodi lori Evangelho ba ema hotu. Hahalok ida ne’e sai nu’udar missão fundamental  creda nian ida no  mós reafirmação hahalok evangelização no caridade nian ba sira nebe ladauk hetan Cristo iha sira nia moris. Iha contexto ita nia creda no rai Timor nian ita bele dehan alvo evangelização mak jovem sira basá jovem sira mak sai modelo ba  futuru nação no futuru uma creda nian.  Ne’e sai tuir buat nebe amo Papa são João Paulo II  wainhira mai visita Timor Leste (Dili-Tasi tolu) iha tinan 1989 nebe dehan jovem mak masin no naroman mundo nian. Haré ba realidade jovem ohin loron nian diferente teb-tebes ho jovem tempo uluk nian. Jovem uluk nian fó sira nia  vida tomak  ba mehi ida áas iha sira nia rai no igreja, maibe jovem ohin loron nian ladun interese ba vida ida mak sira monu lalais liu ba lasu mundo globalização nian hodi hatama an ba iha vida moderno wainhira sira rasik seidauk pronto hasoru moris nune’e. Ida ne’e  halo sira sai baruk ten liu tan hodi la preocupa ba buat nebe folin ba sira, preocupa liu fali ba buat nebe mak laiha folin. Por ezemplo; wainhira jovem feto ka mane ida quando kaer ona telefone iha liman, nia sei la halo atividade seluk tanba nia sei focus ba de’it telefone nebe iha nia liman no pior liu tan wainhira sira ba missa iha igreja laran mós barani buti nafatin telelfone.  Jovem sira precisa moris tuir Papa João Paulo II ninia afirmação iha leten ne’e.  Atu bele nati tuir ida ne’e dalan mak  moris tuir Evangelho no haklaken Evangelho ne’e. Ho de’it nune’e mak jovem bele sai masin no naroman ba mundo hodi fo folin ba nia moris. Sua santidade Papa Francisco  convida ita atu halo ida ne’e hamutuk. Nune’e nia dehan “Juntamente com os jovens, levemos o Evangelho a todos” katak hamutuk ho jovem sira ita lori Evangelho ba ema hotu.

               Nune’e diocese Dili mós iha hanoin no fó importáncia boot ba jovem sira hodi hili tema pastoral diocese Dili nian ba tinan ida ne’e mak “Joventude Missionário”. Tema ne’e conserteza sei salva jovem sira no dada fila fali jovem sira nebe hamout an iha hela nakukun  laran atu bele participa iha atividade evangelização nian nebe sei fo folin ba sira nia moris no halo sira descobre lolós moris ne’e nia folin, liu-liu moris nu’udar jovem católico ida hodi  bele mós sai fali  apóstolo ba jovem seluk..  Nune’e  nu’udar jovem ou foinsa’e temque  haka’as-an buka atu hatene hili buat nebe mak di’ak no lós ba ita nia moris ka ita nia futuru selae ema nia liafuan nebe dehan hili lós salva moris no hili sala hela de’it naran ne’e bele sai tuir fali.

               Pessoalmente ha’u hanoin tema ida ne’e interesante teb-tebes tanba  wainhira ita implementa ona sei lori ita jovem barak envolve an iha atividade igreja nian hodi sai hanesan jovem missionário. Jovem missionário ninia kna’ar lolós mak sai hanesan evangelizador/a hodi haklaken Maromak Nia liafuan sira ba ema seluk  liu husi fahe esperiencia kona ba fiar iha  Evangelho nian liu husi animação oi-oin hodi bele fó ksolok ba ema seluk.  Matenek na’in Wellaine Queiroz mos fó ninia hanoin kona ba jovem missionário  hodi dehan katak sai  jovem missionário ne’e sempre iha hanoin atu haklaken kona ba Jesus Cristo iha qualque fatin sira nebe ema hela dook, ho contente no esprança atu motiva nafatin ema seluk nebe laiha  sentidu atu moris, hatudu naroman lialós nian ne’e mak Jesus rasik.

               Participação jovem missionário iha tempo atual ita haré máximo teb-tebes tanba maioria jovem barak mak envolve an iha atividade igreja nian, hanesan foin daudaun ita haré ba realidade nebe fó sai iha média social sira kona ba participação  Jovem Missionário nian ita haré furak tanba  jovem sira sempre participa ho contente, ho haksolok, liu husi reza, hananu, no consola ema seluk nebe sente triste, sai evangelizador/a ba ema seluk, convida ema seluk atu ativa nafatin iha igreja. Liga mós ba realidade ne’e iha fulan hirak liu ba  igreja católica liu husi atividade Obra Pontifícia da Infância e Alolescência Missionária (OPIAM) nian halo mós socialização  hamutuk ho jovem sira hodi  realiza atividade  missionário nian iha municipio Covalima. Ida ne’e facto nebe hatudu katak atividade Jovem Missionário nian começa buras ona liu husi ita nia kiik oan sira nebe la’o hamutuk ho madre-padre sira  hodi la’o ba fatin-fatin visita ita nia maluk sira seluk no mós fahe esperiencia fiar kona ba Maromak Nia liafuan di’ak ba comunidade sira nebe mak la hakbesik an ba ita nia hun ka ita nia abut rasik mak Na’i Maromak.

Referencia: