shadow
Diocese de Dili > NOTÍCIAS > REFLEXÃO

Curhat IHA STATUS FACEBOOK…? PRECISA AGRADECE…!!

Reflexão Domingo Comum XXVIII, ANO C 2019

 

Ohin loron, Media Social (Medsos) Facebook sai fatin (meio) atu ema Curhat alias expressa qualquer sentimento político, sentimento domin, sentimento descontente, ofende, ódio, vingança, conta história luta tuir versão rasik, defama malu, pamer resultado serviço, pamer ajuda ema seluk, upload foto…nst.

Buat nebe atrai liu Netizen (Netizen=ema hotu nebe acesso no halo publicação ruma iha rede internet) nia atenção mak político sira nia publicação alias Curhat iha media facebook kona ba diferença interece ho estrategia política. Rame liu tan mak wainhira media ho apoiantes partido sira tolok malu, publica buat balu nebé la merece publica, conta história luta tuir versão rasik, dun malu otonomista no independista, luta nain no oportunista, traidor no lutador…nst. Se rai nee lulik duni, husik natureza mak julga ema ida-idak  tuir aat no diak nebe nia  halo ba rai nee,…ita la precisa antecipamente julga uluk ema.

Kmanek tebes wainhira ema hotu utiliza media social nudar meio hodi expressa hanoin positivo ba progresso desenvolvimento nação nian. Publica informação ruma nebe valioso ba ema barak laos hodi buka popularidade. Precisa ita tau iha consideração katak; processo libertação povo (estado) ida nian pertence ba ema hotu laos monopolio figura ida rua, grupo ida ou partido ida nian. Ema hotu nebe mate iha processo libertação mos pertence ba estado ida nee. Ita nobun nebé horas nee sei moris, precisa agradece no valoriza processo ukun rasik-an nebe realiza iha tempo naruk.

Furak tebes wainhira ita agradece ba Maromak ba saida mak horas nee ita iha tanto cargo político, tanto professional, tanto religioso no qualquer posição iha sociedade. Ema reconhece ita, ema sei hanoin ita, ema sei temi bebeik ita basea ba saida mak ita halo iha moris laos basea ba Status hira mak ita upload iha medsos hanesan Facebook. Buat boot nebe mak ita halo ba sociedade ida, sempre hahu husi buat kiik nebe dalaruma ita ladun tau iha consideração. Agradece ba Maromak ba buat hotu nebe ita hetan no keta haluha agradece mos ba buat nebe ita halo.

Salvação nee ita hetan deit iha Cristo Jesus. Lia ida nee mak sei fiar metin: ita mate karik hamutuk ho Cristo, ita sei moris mos hamutuk ho Nia. Ita laran metin nafatin karik ho Cristo, ita sei ukun mos hamutuk ho Nia. Ita dehan karik ita la hatene Nia,  Nia sei dehan mos katak Nia la hatene ita

Hanesan semana kotuk, leitura sira ba Domingo semana nee apresenta leitura mesak badak. Primeira leitura husi livro Liurai sira nian no Evangelho São Lucas haktuir kona ba ação caritativa Jesus cura (penyembuhan). Husi segunda leitura, São Paulo nia carta daruak ba Timóteo, foca liu kona ba sentido fidelidade (kesetiaan) ba Cristo. Maske Evangelho São Lucas nian semana nee badak maibé, iha Evangelho nia laran contem lia menon riku tebes. Ita precisa fo fatin iha ita nia fuan ba Jesus hodi rona nia lia fuan no simu Jesus nia futar isin iha Eucaristia.

Relato kona ba cura ba ema moras husi Samaria nee, so existe deit iha Evangelho São Lucas nian, liliu wainhira coloca iha contexto Jesus nia viagem ba Jerusalem. Iha viagem ikus, Jesus sei simu terus hodi mate iha Cruz ba ema nobun nia salvação.

Husi ema nain 10 nebe hetan cura moras lepra husi Jesus, nain ida deit husi Samaria mak fila hodi hatoo agradece ba Jesus. Nain 9 seluk nebe mai husi orígem judeu la iha ida mak fila hodi agradece ba Jesus.

Relato Evangelho nee provoca assunto 2: Primeiro; ema moras sira husu isin diak, no Jesus fo resposta hodi fo isin diak ba sira ou sira hetan isin diak. Segundo; Jesus mos fo isin diak (cura) ba ema Samaria nebe considerado nudar ema estrangeiro ba comunidade Judeu sira. Resultado husi evento nee, so ema Samaria-estrangeiro nee mak fila hodi hatoo agradece ba Maromak no Judeu nain 9 seluk lao lakon tiha sem informação.    

Jesus nia lia fuan hirak iha nee halo ita hakfodak/admira tan Nia louva ema Samaria-estrangeiro nee nia fidelidade eh gratidão; Jesus dehan: “o nia fiar mak salva o”. Los duni, backround husi resultado cura nebe Jesus halo ba ema Samaria nee, valor eh sentido boot liu fali ba moris nebe sei mai do que ba nain 9 nebe lao lakon la hetan ain-fatin, maske Jesus ho sira mesak Judeu.

Tuir mai, ita ba haree conteúdo mensagem husi São Lucas nia Evangelho nebe ita rona no acompanha iha Domingo semana nee.

a). Salvação tan fiar;  Ba ema Judeu sira, ema husi Samaria nudar ema estrangeiro (la inclui nudar povo escolhido). Maske nia ema laos judeu, hetan moras lepra, ema nebe marginalizado husi nia sociedade rasik Maibé, ema Samaria nee simu salvação tan nia fiar.

Afinal, ema hanesan nee mak simu graça pleanmente husi missão salvífica Jesus nian. Hanesan dalabarak, nudar relata iha Actos dos Apóstolos, São Lucas hakarak hatudu realidade ida katak; seolah olah Jesus hadomi liu mak ema estrangeiro do que ema judeu sira, Jesus haree liu mak ema marginalizado sira, hirak nebe moras no pecador. Too ponto ida nee, São Lucas hakarak expressa katak: ema judeu sira nia delek ao mesmo tempo ema sira nebe laos origem judeu nia laran nakloke ba salvação husi Jesus hakarak lori ita nobun ba compreende katak: missão salvação nebe Jesus lori, vale ba ema hothotu (universal). Simples liu ita bele dehan ema judeu nain sia nee orgulhoso (Foti-an) liu nudar tan sira pertence ba geração povo escolhido hodi haluha agradece ba diak (curativo) nebe sira simu.

Iha realidade, hatudu katak; quase ema seluk eh ema hirak nebe la pretence ba judeu mak simu Jesus ho fiar metin. Hanesan Evangelho haktuir ona katak; entre ema lepra nain 10 nee, ema ida deit mak fila hodi hatoo agradece. Infelizmente, ema judeu sira; liliu lider religioso sira ho matenek nain sira mak rejeita ulu-uluk Jesus. Maske nunee,  hanesan loromatan haroman ema hothotu, nune mos Maromak nia laran luak praticamente haraik nafatin ba ema hotu nebe simu ou la simu graça nee (Kerahiman Allah sungguh sukarela dan ramah tamah, dilimpahkan kepada semua orang, baik yang tahu maupun tak tahu berterima kasih!).

Exemplo concreto, ita bele halo comparção ba ema nain 9 nebe maske la fila hodi fo agradece ba Jesus maibé, isin diak nebe sira simu válido nafatin. Sira nia atitude gratidão la iha maibé, Maromak perdua hodi fo tempo nafatin ba sira atu bele consciente no hasai agradece ba Maromak tan diak hirak nee. Tan nee, mensagem principal nebe São Lucas hakarak hatudu mai ita mak; oinsa ita hatene agradece ba buat hotu nebe ita simu iha moris nee.

b). Sentido gratidão (Rasa terima kasih); sentido gratidão lolos, laos consiste iha ita nia ibun nebe pronuncia lia fuan OBRIGADO maibé, consiste iha ita nia expressão gratidão kona ba experiência no resposta diak ba ema ruma nia laran diak. Ema nebe sensível ba diak hotu iha mundo nee. Hatene fo agradece ba diak sira nebe nia simu. Hatene fo agradece tan iha experiência directa ba diak iha nia vida.

Ema nebe hatene fo agradece mak ema hirak nebe hasoru moruk no midar moris nee ho sentido de agradece ba Maromak. Ho lian Indonésia sentido de gratidão nee bele hakerek nunee:” Rasa terima kasih asli ini harus merupakan ciri otentik orang kristen Katolik. Sebab rasa terima kasih, seperti dimiliki Yesus sendiri dalam mengalami apapun dalam hidup-Nya, adalah suatu keutamaan yang sungguh berharga dan kita butuhkan!

Ho expressão iha leten, ita bele considera katak; sentido gratidão eh hasae agradece nee hanesan virtude ida (suatu keutamaan). Virtude nee tulun ita atu consciente nafatin katak buat hotu nebe diak mai husi Maromak deit;” Akhinya tahu berterima kasih kepada Tuhan atas pengalaman hidup yang baik dan menyenangkan, maupun yang berat dan penuh percobaan, – itulah rasa terima kasih kristiani sejati”.

Ikus liu, sentido gratidão halo ema aten brani hasoru desafio sira iha moris no hatene foti pontos positivo husi realidade sira iha moris nee. Nudar Cristão Católico nebe diak, precisa haburas no conserva nafatin sentido de gratidão ida nee iha qualquer situação, tan lalaok ida nee mak sai sinal diak oinsa ema ida fiar no moris tuir Jesus Cristo tuir dalan los.

Ba naiulun li-liu político sira atu tuur hamutuk (diálogo) hodi buka solução ba interece comum tanba ukun-an ida nee precisa conserva ba geração sira tuir mai. Agradece tan imi sei moris too horas nee, Keta halo be tan deit kaan ten poder, hakarak halibur riku soin mes-mesak, hakarak defende interece grupo partidário, hakarak assegura poder iha partido no iha cargo político, imi sacrifica povo nia moris no imi husik destruição ba geração futura. Diak nebe imi hahu ona iha passado, precisa conserva no husik hela ba gerção tuir mai atu nunee wainhira imi husik mundo nee, povo nafatin agrdece ba Maromak hodi temi bebeik imi nia naran do que povo haluha imi nia diak sira tan deit imi nia falhanço ida rua nebe horas nee seidauk resolve.

Labele sura saida mak ita halo ona ba rai nee iha status Facebook, husik ema seluk mak sura ita nia diak. Agradece nafatin atu continua halo diak liu tan. Cristão Católico nebe hatene agradece, sempre buka halo buat ruma ba ema barak nia diak. Assim seja e Bem Haja. (ignaslopes)

RONA MAROMAK LIAN… CUEK Tiha deit…???

REFLEXÃO DOMINGO COMUM XXVII, ANO C 2019

 

Salmista bolu atenção ba ita nobun atu la bele taka fuan ba Maromak nia Lia Fuan tenik: Ohin imi rona karik Na’i futar lia, Imi keta taka imi laran. Livro Habacuc mos bolu atenção ba ita hodi dehan:”Imi haré oin sá ema aat sira sei mohu lakon, ema di’ak sira fali sei moris tan sira laran metin nafatin”. Iha relato Evangelho ba Domingo semana nee (Lc 17, 5-10), São Lucas apresenta imagem foun ida kona ba ema fiar nain lobuk ida iha comunidade, balu comete pecado; tan situação nee considerado difícil oitoan (haree Versículo 1-4), então escolante sira husu ba Jesus:Na’i haboot ami nia fiar (Aumentai a nossa fé).

Afinal, comunidade fiar nain sira mos, sira la livre husi sira nia fraquesa no sira nia dificuldade iha convivência. Jesus Cristo convida nafatin ita iha Eucaristia (Missa), molok simu Jesus, ita precisa loke fuan hodi entende mensagem/lia menon nebe Jesus hatoo iha Evangelho Domingo semana nee.

Iha Evangelho haktuir katak; iha comunidade fiar nain sira, descobre hetan dificuldade perigosa 2 nebe fo ameaça ba harmonia no unidade.  Dificuldade dahuluk mak; iha comunidade nia laran ita hasoru nível idade husi membro comunidade sira nebe la hanesan. Balu idade sei kiik, balu hahu iha conhecimento ona no membro comunidade balu adulto ona.  

Lia fuan, hahalok no lalaok ema adulto sira dala barak influencia foin sae hirak nebe sei inocente monu ba pecado (Haré Mt 18,6-7 & Mc 9, 43).  Dificuldade daruak mak; fácil tebes mosu confusão/dificuldade, wainhira membro comunidade halo sala ba malu (Haré versículo 3-4).

Lalaok hira nee acontece duni iha ita nia experiência moris ho ema seluk iha sociedade. Nee realidade duni, ita la nega. Tanba nee mak escolante sira nebe enfrenta mos dificuldade hirak nee, husu ba Jesus atu haboot sira nia fiar. Ita nobun sarani Católico mos la escapa husi realidade nee. Ita mos precisa husu Maromak atu haboot ita nia fiar sai metin liu tan hasoru tentação sira, inclui mos tentação husi religião falsa sira hanesan Testemunha jeova, visão Cristã, Adventista Sabaticak, nebe tama sai uma hanesan heroi hodi influencia emania fiar.

Jesus nia resposta mak:”imi nia fiar boot karik hanesan modo musan ida, imi bele dehan ba ai-hun ne’e “ fokit o-an rasik housi ne’e, ba kuda o-an iha tasi laran nia sei tuir ”.

Jesus nia resposta nee laos espécie hanesan ameaça eh chamada de atenção maibé Jesus mos consciente katak; escolante sira fiar iha maibé, fiar nee seidauk metin didiak (fiar namlele hela). Tanba nee mak Jesus nia resposta nee sai hanesan convite ida eh solicitação ida atu escolante sira ho ema fiar nain sira hatene moris tuir sira nia fiar basea ba Maromak nia hakarak (Jesus nia hanorin).

Escolante sira nia fiar nebe frágil (namlele) la significa katak sira la iha possibilidade hodi haforte liu tan fiar nee. Sira iha ona fe, maibé, sira precisa haboot liu tan sira nia fiar nee tuir sira nia pedido ba Jesus. São Tiago iha nia carta sadik ema sarani nia aten brani hodi dehan: Fiar nebe la hatudu iha hahalok, fiar nee buat mamuk boot ida. Linguagem simples ema moderno nian dehan: ”Walk the talk: Halo tuir saida mak ita hatete”; la bele hanesan politico balu, koalia garganta paralon durante tempo campanha maibé kaer tiha ukun, la cumpri saida mak kaben boot iha campanhe, pior liu tan, lori povo nia naran hodi hais estado nia facilidade, goza regalias maibé, defende interece grupo ho asbung mak barak. Pior liu tan haluha sira nia identidade nudar Cristão (Católico) hodi aplica lalaok caridade.

Tuir mai, Jesus explica relação entre nai ho atan. Relação nai ho atan eh patraun ho mataros, hanesan nee, ita la dun hetan iha fatin barak, inclui mos iha ita nia rai. Timor Leste nia hirarquia tradicional mos quase semelhante ho judeu nian maibé, diferente iha aspecto balu. Jesus simplifica nia explicação hodi dehan: ita nee atan deit.

Ita fiar katak; Jesus nia lia fuan (hanorin/doutrina) sira sei lian eh metin nafatin iha apóstolo sira nia fuan no mos ita nia fuan husi tempo ba tempo, wainhira ita tatoli Evangelho (Lia Foun Diak) ba ema hotu. Nudar escolante, ita nobun precisa tau lia fuan Jesus nian nee iha laran katak; Tebes ita atan folin laek,ita halo de’it buat ne’ebe haruka halo”. São Paulo nudar hameno ba Timóteo, nia mos hameno ba ita nobun hodi dehan:”… Nia haraik mai ita aten barani, laran luak, neon matenek. Tan ne’e ó keta moe fo sasin kona ba ita Na’in,…”.

Jesus nia lia fuan sira hamosu pergunta/lia mahusuk, nebe horas nee mos precisa ita hatan eh fo resposta sinceiramente (secara jujur): será que ita halao ona ita ida-idak ou ita hothotu nia knaar nudar sarani Católico? Saida mak ita bele halo agora? Knaar saida mak ita sei halo iha tempo oin mai? Kbiit no força saida mak ita sei kaer hodi garante ita nia fiar?

Lia mahusuk (pergunta) sira nebe formula iha leten, ita sente todan oitoan no mos complicado maibé, ita nudar Cristão Católico, precisa coloca lia mahusuk hirak nee iha fuan, atu ita mos hatene haklaken ou hatudu testemunha moris nudar ema sarani maske fiar seidauk boot. Fiar precisa hatudu iha qualquer fatin no qualquer momento; nee mak obrigação ema Católico ida nian. Nudar Cristão ita la bele hatete:”hau halao ona hau nia dever/obrigação ou hau hakarak ema servi hau hanesan liurai”.

Lia mahusuk hirak nee válido ba sarani hotu, liliu ba hirak nebe sente-an hetan knaar husi Maromak. Exemplo hanesan ukun nain sira ho lider uma kreda nian sira. Nee significa saida? Significa, ita nia harohan sira, ita nia oferta sira, ita nia progresso fiar nian, ita nia experiência hametin fiar no ita nia dedicação ba Maromak tem de ser haboot ita nia fiar. Ita nia fiar la bele namlele hodi monu ba doutrina falso sira husi seita (sekte) testemunha jeova nebe tama sai uma fahe livro.

Ita precisa fiar Maromak laos hodi hetan posição diak, laos hodi sai popular, laos hodi hetan honra husi ema wain. Ita nia fiar precisa provas husi fiar ba Maromak no servi eh tulun ema hirak nebe precisa ita nia apoio. Servi hodi manan graça do que hein ema servi hodi manan glória.

Apóstolo sira ho lider hotu Uma Kreda nian lao iha linha ida nebe marca ona sira nia destino nudar servidor Maromak. Sira servi ona tuir Jesus nia haruka. São Paulo ba Timóteu hatete claramente katak: ”Rai metin  doutrina di’ak ne’ebe Na’i Maromak haraik mai ita, hodi Espiritu Santu ne’ebe horik iha ita”. Ita hirak be simu ona we baptismo, horas no iha nebe deit, precisa consciente nafatin hodi sai atan ba Maromak ita sai seervido ba maluk sira tuir Cristo hanorin:”Hadomi Maromak liu sasan hothotu no hadomi ema seluk hanesan ita-an rasik”.  Livro Habacuc mos bolu atenção ba ita hodi dehan:”Imi haré oin sá ema aat sira sei mohu lakon, ema di’ak sira fali sei moris tan sira laran metin nafatin”. (ignaslopes)

RIKU LA IHA NARAN

REFLEXÃO BA DOMINGO XXVI COMUM, ANO C

 

Oração Salmista Domingo Semana nee harohan:” Na’i tulun ema sira be ema fo terus Haraik ai-han ba ema sira be hamlaha, Fo liberdade ba sira be dadur”.

Santa Teresa de Ávila hameno ba ita nobun dehan: ”Oras nee Cristo la iha isin (físico), Ninia isin mak o; Cristo la iha liman-ain oras nee, Ninia liman-ain mak o; liu husi o nia matan mak Cristo hatudu Ninia domin ba mundo; o nia ain be hakat mak bele haktadak Cristo nia domin; o nia ibun be tenik mak expressa Cristo nia diak sira; o nia liman mak Cristo nia liman be haraik bensão ba mundo”.

Evangelho São Lucas Domingo semana nee, relata ai-knanoik ida maibé, se ita refelcte liu deit, ita sente hanesan provoca oitoan ita nia sentimento, sadik mos ema nia emoção kona ba Jesus nia impressão ba ema riku nomos ema kiak.

Maibé, wainhira Evangelho nee ita lee eh rona didiak ho hakmatek no nakonu ho fiar no princípio moris, então leitura Evangélica nee sei lori ita ksolok nebe rohan laek. Tan nee, Evangelho Domingo semana nee, precisa ita lee eh rona ho hakmatek, la iha presuposto (prasangka), maibé, precisa liu mak fiar ba Liafuan hirak nee nudar Lia Foun Diak (Boa Nova) basá, LÁZARO significa: “Maromak fo tulun”. Tanba nee mak ema kiak nee wainhira mate, nia bele tur hakmatek iha aman Abrão nia hitin. 

Ema riku nebe Jesus temi iha ai-knanoik nee mak; ema hirak nebe durante moris tomak, hanoin-an deit (self-centered) hodi haluha ema seluk nebe hetan susar iha nia sociedade. Ema riku nee hatais mesak furak, lor-loron han didiak deit. Iha nia moris, nia la kuran buat ida tan nia iha buat hotu. Nia la hanoin oinsa atu lolo netik liman hodi apoio ba ema seluk. Buat nebe importante liu mak hanoin uluk nia kabun. Precisa ita tau iha consideração katak; Bíblia Sagrada la temi ema riku nee nia naran. Nunee hodi justifica katak; keta ema riku nee mak ita hirak nebe rona dadaun Maromak nia lia fuan eh keta riku nee mak ita sira nebe sai ona sarani nee.

Buat nebe ita considera iha valor boot dalaruma ninia valor nee válido temporário (sementara) deit tan wainhira ita sei loke matan, ita haree sira importante tebes ba moris nee. Ema riku nudar ai-knanoik haktuir, nia la iha vontade atu servi Maromak nem precisa Maromak hodi guia nia moris. Nia so precisa mak satisfaz deit ninia necessidade sira iha rai nee, buka gosto deit, liliu ksolok mundo nian. Nunee, nia habelun-an iha ninia mundo rasik, nia husi Lázaro habelun ho nia moras sira. St. Vincent Palloti hatete lia murak ida nunee: Not the goods of the world, but God. Not riches, but God. Not honors, but God. Not distinction, but God. Not dignities, but God. Not advancement, but God. God always and in everything—Bukan harta duniawi, namun Tuhan. Bukan kekayaan, namun Tuhan. Bukan kehormatan, namun Tuhan. Bukan kemajuan, namun Tuhan. Tuhan selalu dan didalam segala sesuatu.

Ema riku nee conhece didiak oinsa Lázaro goza nia moris kiak durante vida tomak, maibé, ema riku nee finge la hatene ou linguagem moderna dehan nia hateke Lázaro la hetan. Nunee, riku nia lalaok nee reflecte lalaok ninian ba Maromak. Basá, ema riku nee tau matan deit ba nia-an hodi lakon consideração ba Lázaro ao mesmo tempo ba Maromak.

Ema kiak sira iha sociedade laos ema nebe lakon valor eh la iha dignidade maibé, ema hotu iha dignidade no ema hotu mak imagem concreta Maromak nian. Tanba nee, bele kiak rabat rai ba….bele riku perlente ba…ema hotu mak Maromak nia lalatak.

Wainhira, ema riku nee mate, nia hanoin katak nia sei goza lalehan hanesan iha rai nee, maibé, buat nebe acontece dook tebes husi ninia espectativa mundo nian. Nia fatin iha ahi laran nebe sunu la hotu rai…….Lázaro nebe hetan susar ona iha mundo nee, too ona nia tempo atu sente mos ksolok Reino Lalehan nian. Lázaro merece halibur hamutuk ho aman Abraão. Maske Evangelho haktuir kona ba diálogo badak entre ema riku ho Lázaro maibé, conversa nee la resolve saudades ema riku nian hodi ba hamutuk ho Lázaro iha fatin nebe Abraão horik ba.

Lázaro, maske durante nia moris tomak terus ho ninia condição kiak maibé, certamente nia fuan besik ba Maromak. Realidade moris Cristão nian mos reflecte ba lalaok nee ou ita bele justifica katak; so ema kiak deit mak barak liu precisa Maromak nia tulun. Ema riku balu buka Maromak wainhira nia iha interece balu ou buka Maromak wainhira nia monu iha susar.

Ema kiak iha ai-knanoik nee, bele dehan nunca husik Maromak iha ninia condição kiak. Nia roupa be fofoer, hamlaha-hamrook, luta atu nia sobrvive nafatin, ninia isin be nakonu ho moras oioin, até asu sira mai lambe, nia mos horik iha ema riku nia uma tatis até hili hahan restu be monu husi mesa leten…irónico tebes.

Nunee, wainhira nia mate, anjo sira mai lori nia ba lalehan hodi bele sente ksolok hamutuk ho Abraão iha neba. Iha fatin neba, Lázaro mos bele sente furak oinsa moris iha Reino Maromak nian.

Diferença nebe ita bele haree entre Lázaro ho ema riku wainhira sira sei moris iha rai nee mak; wainhira sira sei moris iha rai klaran, la iha rai-horun (jurang pemisah) entre sira nain rua. Lázaro moris hanesan mendigo/pengemis ida iha ema riku nia odamatan liur, iha neba, ema riku nee bele lao tama sai hodi haree hela oinsa Lázaro toba terus hela iha nia uma tatis husi loron ba loron, ema riku nee mos iha possibilidade atu fo tulun tan sira besik malu hela maibé, saida mak acontece mak nee; ema riku nee fihir Lázaro la hetan.

Maibé, iha mundo seluk, iha Rai horun (abismo) ida nebe haketak lalehan ho inferno. Jesus utiliza imagem abismo nee hodi expressa fatin mamuk no luan, fatin naruk ida, nebe la bele liga ida ho ida seluk. Tanba nee mak iha Diálogo ai-knanoik nee, ema riku husu Abraão atu Lázaro hanoin netik nia:”Ha’u Aman Abraão, sadia atan ha’u! haruka netik Lázaro habokon nia liman fuan ba wé hodi halo malirin ha’u nánal, basá, áhi han ha’u maka’as tebes iha ne’e! “Abraão simu hodi dehan:“oan, hanoin ba, Ó nia di’ak ó simu ona iha ó nia moris tomak; Lázaro fali simu mak susar iha nia moris tomak. Oras ne’e Lázaro haksolok iha ne’e, maibé, ó fali hetan terus maka’as. Hafoin, housi ami ba imi mos, rai-horun naruk boot haketak ita. Ema ida hakarak karik liu ba imi, sei labele; imi ida hakarak hakatak mai ami, mos sei la bele! “”

Certamente, ema riku nee, durante nia moris tomak, nia rona bebeik profeta eh nailulik sira koalia kona ba oinsa fo tulun ba ema kiak sira. Buat nebe nia halo mak nee; nia la consegue tulun Lázaro nebe tanaat/tane liman iha nia uma tatis/odamatan oin. Profeta sira mos desde tempo uluk haklaken ona katak; Maksoin sei moris iha Belém, no kosok oan nee sei sai belun ba ema kiak sira no ema marginalizado sira (Is 61, 1-2).

Maibé ema riku iha la iha fuan no la tau matan ba nia maluk sira nebe precisa nia tulun. Profeta sira hanorin, Jesus mos hanorin maibé, ema balu deit mak hakarak rona hodi halo tuir iha moris. Talves, ema riku nee hanoin katak; nia iha posição diak ona nunee, nia la merece atu fo tulun ba ema kiak/marginalizado sira.

Iha ita nia nação Timor Leste, Lei Pensão Vitalícia sai tópico interessante, ema debate iha sociedade. Ema barak prefere halakon lei nee tanba ema balu hetan diak, iha momento nebe povo barak sei mukit hela. Maibé, ukun nain sira defende nafatin continuidade lei nee tanba, se halakon, então, sira nia dignidade mos sei lakon …irónico tebes.

Presidente Taur Matan Ruak rasik iha ninia descurso iha Parlamento Nacional dehan: lei Pensão Vitalícia hamosu paracita iha nação Timor Leste.

Capítulo 16, Evangelho São Lucas nian, laos deit koalia kona ba problema osan ho riku soin maibé, koalia mos kona ba relação entre ema ida ho ema seluk nebe ao mesmo tempo reflecte ba relação entre ema ho Maromak.

Mensagem principal liu nebe ita bele capta iha capítulo 16 Evangelho São Lucas nian mak: relação pessoal. Hodi ajuda/tulun ema seluk, ita forma ona ita nia personalidade nudar ema Cristão Católico nebe diak. Nunee, iha expressão ema indonésia nebe hateten:” Karena itu dengan memberi kita justru menerima! Apakah yang lebih berguna, lebih luhur serta mulia dan lebih berkenan kepada Allah daripada menjadi seperti Yesus yang menjadi mulia karena menghargai kaum miskin?”. Relaciona ho expressão nee, Santa Teresa de Calcutá dala ida hatete dehan:”Mãos que servem são mais santas que os lábios que rezam”.

Ita taka refelxão nee ho Santo Agostinho nia lia menon nebe hatete:” Take care of your body as if you were going to live forever; and take care of your soul as if you were going to die tomorrow—peliharalah tubuhmu seakan hendak hidup selamanya; peliharalah jiwamu seakan esok adalah kematianmu~St Agostinho”.  (Ignas lopes)

LABELE SERVI OSAN HO MAROMAK DALA IDA

Leitura no Reflexão ba Domingo XXV Comum, Ano  C

 

               Impasse política iha Timor Leste iha tinan tolu ikus ne’e hamosu vingança politica tama too sector hot-hotu iha estrutura esrado nian. Maske nune’e, povo baibain moris la nakdoko no ida rua nebé acompanha situação mak sente inflenciado.

               Buat nebé halo ita hanoin la too mak ne’e; lider política sira trata malu husi media social, sira lakon sentido diálogo, se kotuk ba malu, lekar segredo sira ba público, ida-idak konta ninia história tuir versão rasik no ikus mai halo povo sira dehan; afinal ukun nain sira nebé uluk sai mata dalan ba ukun rasik-an ida ne’e mesak kan ten poder, matan osan, fahe projecto ba malu, fo prioridade liu ba partido, recruta funcionário tuir partido. Pior liu mak sira nia hahalok ne’e hamihis povo nia sentido respeita ba sira.

               Poder no riku soin bele halo ema haluha-an tiha katak loron ida sira mate, buat hotu rai hanesan história deit. Precisa discerne didiak hodi tau saida mak prioridade ba povo no saida mak sai interece privado eh interece grupo/partido.

               Evangelho Domingo semana ne’e (Lc 16, 1-13) relato naruk oitoan no mos la fácil ba ita atu compreende klean conteudo husi mensagem Evangelho ne’e. Atu entende didiak ita precisa hanoin hakmatek hodi compreende lia menon Evangelho ne’e ho fiar metin. Pelo menos, lia menon principal nebé ita bele hetan husi reflexão Evangelho Domingo semana ne’e mak ne’e: ita nudar ema fiar nain, precisa hatene no hakarak duni valoriza no utiliza valor husi riku soin mundo ho riku soin lalehan prudentemente banati tuir Jesus nia doutrina sira. Jesus rasik hanorin dehan: ”Atan ida la bele servi patrão Na’in rua : basá, nia servi ida hodi husik ida seluk, eh nia sei hadomi ida hodi hewai ida seluk. Imi la bele servi Na’i Maromak hodi servi mos osan!” // Nenhum servo pode servir a dois senhores; ou há-de aborrecer a um e amar o outro, ou dedicar-se a um e desprezar o outro. Não podeis servir a Deus e ao dinheiro.» (Lc 16,13).

                Saida mak Jesus dehan, bele considera hanesan lia fuan kroat basá, Jesus halo comparação kona ba tesoreiro (bendahara) nebé la sincere (la jujur) alias bosok ten:” “Anak-anak dunia ini lebih cerdik terhadap sesamanya dari pada anak-anak terang” // É que os filhos deste mundo são mais sagazes que os filhos da luz, no trato com os seus semelhantes». (Lc 16,8).

               Iha ai-knanoik ne’e, Jesus hakarak convida ita hodi bele hamoris sentido nebé lolos kona ba relação entre moris iha mundo rai klaran no moris aban bainrua iha Lalehan. Jesus haree iha sociedade judeu altura neba no mos sociedade ohin loron katak; ema iha tendência no matenek buka segurança, certesa (kepastian) no garáncia ba futuro moris iha rai klaran ne’e. Exemplo: wainhira ema ida halibur osan eh rai osan barbarak iha banco, nia hanoin dehan nia futuro garantido ona…..ba Jesus, ida ne’e seidauk seguro 100%

               Jesus prefere liu mak; ema iha hanoin diak hodi tulun ema seluk nebé precisa ou halo netik lalaok diak ka serviço caritativa ruma. Jesus nia preferência ida ne’e atu encoraja eh fanun ema nia hanoin katak; hahalok diak ne’e assegura ona condição hakmatek ba klamar iha loron ikus.

               Ema bele deit hetan osan barak eh rai osan rihun ba rihun iha banco maibé, hakas-an ba atu keta sai atan ba riku soin temporário (sementara) ne’e. Se ema coloca Maromak nia hakarak nudar centro ba moris, certamente ema sei hatene fahe soin balu ba ema seluk tanto materialmente, tanto espiritualmente. Basá, Maromak hakarak nia emar hotu moris ksolok no moris naton (la kuran buat ida).

               Sarani barak durante ne’e considera-an katak; sira cumpri didiak ona sira nia dever nudar Cristão ba Maromak. Sira confia katak; liu husi serviço oioin nebé sira submete iha moris. Ba Maromak, ida ne’e seidauk suficiente hodi justifica ita nia relação diak ho Maromak wainhira sarani ida la justifica fiar ne’e ho hahalok caridade sira.

               Tanba ne’e mak São Tiago apóstolo dehan: Fiar nebé la hatudu iha moris, fiar ne’e buat maten boot ida: Assim como o corpo sem alma está morto, assim também a fé sem obras está morta (Tg 2,26). Passagem Bíblica São Tiago ne’e hakarak fanun ita nia consciência hodi hatudu hahalok diak ruma hodi justifica ita nia fiar ba Maromak. Fiar ho hahalok mak bele kesi metin relação diak entre ema ho Maromak.

               Ema precisa serviço makas hodi fahe tempo ba moris no mos fahe tempo ba Maromak. Maneira fácil atu habelun ho Maromak mak oração hafoin aplica mos acto caritativo ruma iha vida lorloron. La bele preocupa demais ho osan hodi haluha fo tempo ba Maromak. Nudar sarani ema precisa conscinte katak; ema por natureza, ser social nebé sempre precisa mos ema seluk nia tulun/apoio. Ho presença ema seluk nian ne’e, sarani ida precisa esforço-an hodi hetan felicidade (ksolok) no prosperidade espiritual iha rai no mos iha lalehan. Ne’e laos predicção maibé, ne’e dever absoluta ida hodi hariku sarani ida iha aspecto espiritual; tanto iha mundo no mos iha moris aban bainrua nian.

Nune’e, mensagem principal husi relato Evangelho nebé São Lucas haktuir ba ita iha Domingo semana ne’e mak:

Primeiro: atu ita nudar Cristão Católico hetan nafatin kbiit no perseverança (ketekunan) wainhira hasoru desafio sira iha moris sarani nian.

Segundo: atu sarani ida-idak esforço-an no utiliza ninia riku soin sira iha rai ne’e hodi hametin diak liu tan relação ho Maromak liliu tulun ema hira nebé moris kuran liu (os necessitados).

Terceiro: Se se deit mak iha soin barak, precisa consciente nafatin katak: ita ema laos nain lolos (dono absoluto) ba riku soin sira iha rai ne’e maibé, Maromak mak hakbiit ema ne’e hodi hola parte iha mundo ne’e. Nune’e, riku soin oi-oin iha rai ne’e merece ba ema hotu hodi goza laos ema eh grupo balun deit bas’a, ne’e injustiça contra regra natural.

Atu sarani hotu bele halao lalaok hirak ne’e, sarani ida-idak hetan bolu eh convite hodi determina rasik lalaok moris tuir liberdade nebé Maromak tau iha nia kbaas. Empresário ida precisa tau iha consideração katak: oinsa nia bele buka maneira atu ema hotu hetan acesso ba ninia resultado serviço. Nune’e mos ema Cristão Católico ida precisa brani hodi tuir Nia Jesus nia ain fatin, atu ikus mai nia merece Maromak nia laran luak. Iha reino Lalehan, responsabilidade ho graça Maromak nian, sei fo deit ba ema hirak nebé perseverante no hatudu duni fidelidade ba doutrina Jesus Cristo nian durante iha rai ne’e. Assim Seja….. (Ignaslopes)

PERDÃO MUDA MUNDO

Reflexão Domingo Comum XXIV, Ano C 2019

 

Anecdota ida; Wainhira Nelson Mandela (Ex-Presidente África do Sul) sei cumpri hela castigo iha prisão, nia hetan tortura no tratamento aat husi guarda prisional ida. Iha momento ida, guarda prional nee mi iha kopu mak obriga Nelson Mandela hodi hemu.

Wainhira Nelson Mandela sai tiha Presidente, escolto sira ba buka tuir guarda prisão nee nia paradeiro hodi lori ba hasoru Presidente Neslon Mandela iha palácio presidente.

Quando policia sira too iha nia uma, guarda nee hanoin ona katak ninia viagem iha mundo nee too duni ona.

Nelson Mandela simu guarda prisão nee hanesan convidado de honra (tamu kehormatan) hodi han hemu hamutuk hafoin Nelson Mandela dehan; hau la rai ódio ba saida mak o halo ba hau. Buat nebe o halo dalaruma tanba o seidauk compreende saida mak hau halo.

Anecdota Nelson Mandela nian nee hanoin mai ita hodi entende sentido lolos husi Maromak nia misericórdia (Laran luak) ba humanidade. São João Paulo II iha nia documento papal (“Reconsiliatio et Paenintentia”, 1984) hateten katak: ai-knanoik kona ba oan nebe lakon (Filho Pródigo), nudar istória domin (misericórdia) nebe ita la bele imagina husi domin aman ida nian ba nia oan sira; aman nee mak Maromak rasik.

Sagrada Escritura em princípio sai nudar matadalan ba felicidade ba ita nia moris. Iha primeira leitura Domingo semana nee revela katak:  Maromak desmente ho desastre hirak nebe Maromak nia emar sira enfrenta.

Iha segunda leitura São Paulo esclarece katak; Jesus mai hodi salva eh liberta ema sala nain (pecador). Iha Evangelho, São Lucas introdus mai ita nobun kona ba Aman Maromak nia laran luak (Amor e Misericórdia de Deus Pai) nebe expressa Nia laran luak nee sem limite; liliu ba ema sala nain sira nebe hakribit sala.

 Imagem nebe Jesus apresenta hodi hanorin liu husi ai-knanoik kona ba Aman ho nia oan nain rua nee, oitoan ka barak reflecte kona ba ita sarani nia experiência moris, tanto pessoalmente, tanto colectiva iha ita nia relação iha ambiente, iha família no sociedade.

Iha Jesus nia lia menon sira nebe consiste iha ai-knanoik “oan nebe lakon/Filho Pródigo”, riku tebes ho valor moris sarani nian. Iha neba reflecte kona ba sentido arrependimento ema nian no Maromak nia resposta domin/misericórdia husi parte Maromak.

Backround ou motivação kona ba decisão oan nebe lakon (Filho Pródigo)  hodi fila ba nia Aman nia uma, laos tanba nia lakon respeita ba nia aman maibé, ninia experiência wainhira nia husik hela aman nia uma, hela dook husi aman, nia monu ba nível moris nebe pior liu atan sira iha nia aman nia uma. Nia dignidade monu no hahan fahi nian mos nia han mos lakon. Nee mak experiência moruk wainhira oan nee hasees-an husi aman.

Ai-knanoik nee hatudu degradação dignidade ema nian nebe estranho tebes! Sentido mukit no kiak nebe hamonu dignidade ema nian. Buat nebe oan mane nee hatudu iha ninia experiência, indica sinal arrependimento (penyesalan), nebe ikus mai sai conversão (pertobatan) ba nia pecado. Oan mane nebe fila ba nia aman nia uma, laos hatudu ninia sinceridade (kejujuran) no generosidade (ketulusan) ba nia hahalok nebe la diak, maibé, nia fila tanba nia sente falta ai-han ba moris.

Hodi fo resposta ba oan nebe lao ba rai dook no oan lakon nebe ikus mai fila fali, Jesus iha ai-knanoik nee hakrak hatudu domin, laran luak (misericórdia) Maromak nian nebe kmanek. Lalaok aman hodi simu fali nia oan, expressa característica profunda husi aman ida nian hodi simu fali oan nebe halo sala ona. Iha relato Evangelho haktuir katak;” Nia sei dook hela,, nia aman hare ona nia. Nia aman hanoin nia teb-tebes, halai ba hasouru nia, hako’ak nia, re’in  nia”.

Tuir mai, aman haruka nia emar sira atu fo hatais roupa foun ba oan nee, hodi recupera fali nia dignidade nudar oan nebe aman hadomi. Aman hakarak hatudu katak; maske oan nee halo sala maibé, wainhira nia fila ona, aman haluha ona nia sala hirak nee.

Husi nee, ita bele nota katak afinal Maromak nia maneira hodi considera ema la hanesan ho ema nia lalaok considera ema nebe comete sala. Aman nebe laran luak, simu hikas fali oan nebe hamohu tiha nia riku soin sira. Evangelho relata claramente katak: aman nee la hirus eh haksiak oan nee tan hahalok hirak nebe nia comete ona. Aman nee mos la haksiak nia oan mane seluk nebe crítica nia tan simu fali alin nebe halo sala ona, hamohu tiha aman nia riku soin sira nebe fahe ba alin nee.

Hodi hatan ba crítica oan mane boot nebe fiel nee, aman hatete:”Ha’u oan, ó horik  loron-loron ho ha’u. Sasán tomak ha’u nian ó nia mos. Maibé, ita sei halo festa duni, ita  sei  haksolok  duni, basá, ó nia  alin  ida  ne’e  mate  tiha  ona, moris  fali, lakon  tiha  ona, mosu  fali”//” ‘Filho, tu estás sempre comigo, e tudo o que é meu é teu. Mas tínhamos de fazer uma festa e alegrar-nos, porque este teu irmão estava morto e reviveu; estava perdido e foi encontrado.’»” (Lc 15,32).

Hodi simu fali oan nebe fila ona, nee la signidica katak aman la considera oan mane boot nebe sempre fiel ba nia. Lalaok nee reflecte directamente ba ema nia hahalok nebe gosta julga ema seluk nebe comete sala. Ema sempre ciume (cemburu) ba malu wainhira ema nebe halo sala maibé, sira sei existe nafatin iha mundo nee ou hetan posição diak nafatin iha socedade. Ema haluha tiha katak; wainhira Maromak husik ema ruma nebe comete hahalok aat atu nia moris nafatin atu molok nia mate, nia bele consciente hodi fila laran ba Maromak.

Ho ai-knanoik nee, Jesus hakarak convida ita nobun hodi haré no reflecte no mos decide oinsa ita cria relação diak ho Aman Maromak. Além de nee, ita mos precisa cria relação diak ho ema seluk hodi reflecte ba sentido Maromak nebe laran luak (misericordioso). Ita precisa haré Maromak iha ema seluk nia presença atu nunee, ema seluk mos bele haré Maromak nia misericórdia iha ita. Ita precisa consiera ema sleuk hanesan Maromak considera.

Maromak la haré ba medida pecado ema nian maibé, Maromak haré liu oinsa ema arrepende husi fuan laran hodi fila ba Maromak no hatudu perdão ba ema seluk nudar Maromak perdua ita nia pecado sira.

Reação husi oan mane boot nebe hirus eh protesta nia aman, ita bele compreende nudar expressão ema nian. Nia fiel ba nia aman, responsável, halao nia knaar didiak, maske nia lain husik hela nia aman hodi lao ba rai dook gasta mohu riku soin sira too monu ba sala.

Oana mane boot proteste tanba nia aman trata nia alin diak liu fali nia nebe fiel ba aman. Tanba nee mak nia dehan ba nia aman:”Tinan  hira ona mak ha’u serbi ita, ha’u halo tuir nafatin nia hakaran. Maibé, ita la dauk fo bibi oan ida mai ha’u atu halo festa ho ha’u nia belun sira; ita nia oan ida ne’e  halakon tiha  nia soin ho feto aat sira, nia foin to’o mai, ita óho kedas  ba nia  karau oan bokur ne’e”.

Lalaok ai-knanoik Evangelho nee, fo mos imagem simples kona ba ema nia convivência iha sociedade, iha família, iha ambiente/bairro. São João Paulo II iha nia documento papal (“Reconsiliatio et Paenintentia”, 1984) hateten katak: ai-knanoik kona ba oan nebe lakon (Filho Pródigo), nudar istória domin (misericórdia) nebe ita la bele imagina husi domin aman ida nian ba nia oan sira; aman nee mak Maromak rasik.

No wainhira  oan nee fila, nia haraik ba oan nee, graça perdão nebe rohan laek. Ba foin sae sira, iha missa wainhira Papa João Paulo II mak preside iha tinan 2002, Papa hatete:“Kita semua ini bukan merupakan kumpulan atau jumlah kelemahan-kelemahan dan kesalahan-kesalahan saja, melainkan kumpulan atau jumlah kasih Allah Bapa  kepada kita, dan juga merupakan kemampuan kita untuk menjadi gambaran Putera-Nya”. Pertobatan dan pengampunan hanya mungkin apabila timbul dari dan disertai kasih sejati!

São João Paulo II, wainhira sei moris, nia rasik concretiza ona lalaok misericórdia nee ba Mahmet Ali Agca nebe tenta atu oho nia iha Vaticano Roma. Papa ikus mai fo perdua ema nee hodi visita directamente Mahmet iha komarka Roma……Assim Seja e Ben Haja (ignaslopes)

DOMINGO XXIII TC.A.C 2019

Maun alin sarani doben sira Nai Maromak ukun fuan sanulu hetan ninia centro mak iha Maromak no iha ita ema sira. Iha Maromak ho ema sira ninia moris, moris ida nebe Hahu mai husi Maromak, ema halao no sei hetan rohan laek iha fila fali Maromak. Moris nee halao iha no ho ukun ida nebe hanarn domin. Ukun domin nian nee iha sanulu hanesan ita hatene nebe habadak ba “Hadomi Maromak liu sasan hotu hotu no hadomi ema seluk hanesan ita ninia an rasik”.

Evangelho ohin nian Jesus hanorin ita atu kona ba ukun fuan uluk liu be dehan Hadomi Maromak liu sasan hotu hotu. Nai Jesus dehan “Ema se mai buka hau maibe la husik hadomi aman ho inan, kaben, oan, alin, maun no moris. La bele sai hau nia escolante. Ema se la lori ninia cruz lao tuir hau, labele sai hau nia escolante”. Maun alin doben sira, buat nebe Nai Jesus dehan la katak ita labele hadomi ita nia aman inan, bin feton, maun  alin, kaben no oan sira, maibe ao contrário buat nebe nia dehan nee katak ita tem que hadomi no hadomi lolos sira maibe ita percisa hadomi nai Maromak liu sira hotu. Ita nia domin la para deit iha sira maibe tem que lori to’o ba iha hadomi lolos mos Nai Maromak. Cristo ninia liafuan ne’e nia dehan no convida ita atu moris tuir iha contexto Maromak ninia ukunfuan hadomi Maromak liu sasan hotu hotu ne’e. Wainhira ita ninia domin para deit iha ema sira, la to’o iha hadomi mos Na’i Maromak ita ninia domin ne’e sei la nakonu ida, loron ida sei maran fila fali basa la hetan ninia abut iha Maromak be domin ninia hun ne’e, maibe wainhira ita ninia domin hahu husi ema no lori ba to’o iha hadomi mos Nai Maromak domin ne’e sei la maran, sei nakonu nafatin basa ita hakat to’o iha domin ninia hun be mak Maromak rasik.  Segunda leitura S.Paulo hanorin ita atu moris tuir ukun fuan boot liu daruak nian “Hadomi ema seluk nundar ita-an rasik. Iha ninia carta ba Filemon, Paulo husu atu Filemon bele simu Onésimo nundar alin ida laos ona nundar atan ida. Hare malu nundar maun ho alin hamoris no haburas ksolok lolos ida iha ita nia an, ita nia familia no ita ninia sociedade basa ita nia hahalok ida nune’e tidin-an iha domin, hetan ninia razão iha domin lolos. Wainhira ema hadomi malu lolos nundar maun ho alin nee katak ema hadomi ninia-an rasik, basa ninia maun alin nee mos mai husi Maromak, mesak Maromak ninia criatura be hanesan mos ho nia. Na’i Maromak husu ita hadomi malu tuir ninia ukun fuan domin nian atu nune’e domin nee la menus, la maran no la mohu iha ita, maibe buras nakonu no naresin nafatin ba nafatin iha ita nia moris tomak.

Iha ita nia experiência moris nian dala barak mos mak ita experimenta moris ida la tuir Maromak ninia ukun fuan ida nee. Ita rejeita, la simu ita nia maun alin sira tamba sira salan hasoru ita, tamba riku soin, tamba laran moras, tamba rai odio no sira seluk seluk tan. Buat hirak nee lori ita ba halao moris ida nakonu ho terus no terus leet deit nia laran. Maromak bolu nafatin ita atu husik dalan moris ida hanesan nee hodi fila fali ba dalan moris ksolok nian be hari iha moris ida metin tuir ukun fuan domin nian, hadomi maun ho alin ka ema seluk nundar ita ninia an rasik.

Maun alin doben sira, Nai Maromak ninia ukun fuan ne’e mak expressão clara, real no concreta ninia hakarak mai ita ema sira. Iha primeira leitura haktuir katak laiha ema ida mak hatene Maromak ninia hakarak no Maromak ninia hanoin. So Maromak rasik mak fo hatene mai ita ninia hanoin no ninia hakarak sira. Nia halo ida ne’e liu husi ninia revela-an ba ema sira hotu nebe hatudu iha história ita ema nian iha ita ninia relação ho Maromak no ho maun alin sira. Maromak ninia hanoin no ninia hakarak mak ida ne’e atu ita hotu moris iha domin lolos ba Maromak no ba maun alin ka ema seluk. Ninia hanoin no hakarak ne’e realiza sai nakonu lolos to’o rohan laek iha ita Nain Jesus Cristo nebe fo ninia-an terus to mate iha Cruz atu soi ita hotu no atu nune’e ema bele hatene domin lolos nee mak ida oinsa liu husi moris lao tuir lolos Jesus Cristo iha buat hotu. Nai Maromak husu atu ita hotu moris tuir no hanorin tutan ba ema hotu to’o mundo nee nia rohan hadomi Maromak no hadomi ema seluk nundar ita-an rasik nafatin ba nafatin. Amen.       

Bidau, 08.09.19, Pb.

TUIR JESUS…!! TODAN DEMAIS?

Leitura no Reflexão DOMINGO COMUM XXIII-Ano C 2019

 

Primeira Leitura        Sab. 9, 13-19 (13-18b)

Lia housi livro Sabedoria:

Ema sé mak bele hatene Maromak nia hanoin? Ema sé mak bele hanoin kona Na’i nia hakaran? Ita ema nia hanoin namlele; ita nia matenek ábut laek. Isin lolon dodok ida ne’e halo todan klamar; horik fatin rai ne’e nian hanesan klamar be hanoin buat oin-oin. Susar atu hatene buat hira-hirak iha rai leten; ho haka’as-an mak ita hetan buat nebe iha ita nia liman. Se mak bele hetan buat nebe iha lalehan? Na’i, ita boot la haraik karik neon naroman, ita la haraik karik ita Espiríto Santo, ema sé mak bele hatene ita nia hanoin? Nuné mak ita haloos ema horik rai sira dalan, hodi hanorin ema sira tuir ita hakarak.

Maromak Futar Lia.

 

Salmo Responsorial                                                                                                                         Sal. 89(90), 3-4. 5-6. 12-13.  14-17

Refrão : Na’i houri uluk kedas Ita boot ami mahan!!! Repete-se

Na’i, Ita Boot bele fila ema sira ba rai rahun,

Hodi dehan: “ Ema oan sira, imi fila”

Na’i, iha Ita Boot futar oin

Tinan rihun ida, nu’udar loron horik-seik be liu ona. Refrão

 

Na’i, Ita lori sira,

Sira la’o liu, lais hanesan  mehi rai-hun mutin;

Hanesan du’ut matak dader’

Namlaik loraik. Refrão

 

Na’i, hanorin ami sura ami loron,

Atu hetan fuan matenek.

Na’i, fila hi’as mai bainhira los?

Bainhira Ita sei hanoin ita atan sira? Refrão

 

Tulun ami lalais ho Ita laran luak,

Atu ami moris ho ksolok!

Hatudu ita boot laran di’ak

Atu ami kosar-wen hetan folin. Refrão

 

Segunda Leitura                                                                                                                                                                 Flm. 9b-10, 12-17

Lia husi São Paulo nia surat ba Filemon:

Doben: ha’u, Paulo, katuas ona, oras ne’e, dadur hela tan Cristo Jesus, ha’u husu ba ó  atu tulun Onésimo, ha’u nia oan nebé haki’ak iha terus laran. Ha’u haruka nia ba ó; nia nu’udar ha’u fuan rasik. Ha’u hakarak duni nia hela hamutuk ho ha’u, iha ó nia fatin atu tulun ha’u terus, tan Evangelho. Maibé, la hodi ó nia hakarak ha’u la bele halo buat ida: atu buat di’ak nebé ó halo, tan ó nain rasik hakarak halo ho laran di’ak ema ida la obriga.  Nia kala dook tiha oituan housi ó; maibé ó simu fali nia hela nafatin ho ó, la’os hanesan atan oan, maibé liu fali atan, nu’udar alin doben ida. Nia mai ha’u nune’e duni: oinsa tan fali ba ó la’os de’it tuir ema moris, iha mos Maromak futar oin. Ne’e duni, ó haré duni katak ita Na’in rua hamutuk tebes, ne’e sá, ó simu nia ba, nu’udar ó simu ha’u-an rasik.

Maromak Futar Lia.

 

Aclamaҫão                                                                                                                                                                                          1 Jo. 4, 12

Refrão : Aleluia, Aleluia!! Repete-se

Ita hadomi malu, Maromak horik ho ita,

Nia domin boot duni iha ita, Refrão

 

Evangelho                                                                                                                                                                                     Lc. 14, 25-34

Na’i Jesus Cristo nia Evangelho Nu’udar São Lucas haktuir:

Iha tempo nebá, ema lubun boot tuir Jesus. Nia fila ba sira, hodi dehan:“Ema sé  mai buka Ha’u, maibé la husik hadomi aman-inan, kaben, oan, alin maun no moris, la bele sai ha’u nia escolante. Ema sé la lori nia Cruz la’o tuir ha’u, la bele sai ha’u nia escolante. Imi nebe ida mak, atu halo uma aas ida, la tur uluk hodi hare osan iha eh lae atu halo to’o rohan? Keta halo be, foin hahu hari, kbiit la iha atu halo to’o rohan; hafoin; ema sira be hare, hahu hamoe nia, hodi dehan: ema ne’e hahu hari, maibé la bele halo to’o rohan! Liurai ida nebé mak ba funu hasoru liurai seluk, la tur uluk lai hodi hanoin, nia bele eh lae, ho de’it soldadu rihun sanulu funu hasuru ida nebé mai hasoru ho soldadu rihun rua-nulu? Haré ba la bele, ida seluk sei dook hela, haruka ona manu ain ba husu dame. Nune’e mos imi nebe la husik nia riku soi, la bele sai ha’u nia Escolante”.

Lia Maksoyn.

 

 

Reflexão :

TUIR JESUS…!! AFINAL TODAN DEMAIS?

Ema latina sira dehan: SALUS VESTRA IN MANUS VESTRA; o nia salvação iha o nia liman rasik tanba Cristo mak dalan moris nian, então ita hatene oinsa atu hakbesik ba Jesus liu husi ita nia disponibilidade rasik. Kmanek liu wainhira ita moris banati tuir Cristo nia lalaok no hanorin sira. Ita ema nia hanoin namlele; ita nia matenek ábut laek. Isin lolon dodok ida ne’e halo todan klamar. Moris Hanesan du’ut matak dader’ Namlaik loraik.

Mundo oras nee fácil tebes fo acesso ba ema hotu. Uluk ema hamlaha precisa processo naruk hodi tein hahan maibé ohin loron instan (fácil & lalais), precisa deit minuto 3-5 hodi dan pop mie (Loke, tau be manas, hein too minuto 3, bele han ona). Nee exemplo ida husi mundo instan. Lalaok instan  nee neneik-neneik hanorin ema atu rejeita qualquer forma insegurança no sentido sacrifício. Nee significa katak buat nebe fácil halo ema la kohi moris iha terus, lakohi halo sacrifício iha moris, pior liu tan lakohi terus iha moris hodi entende sentido Cruz (sacrifício/terus). Ema buka dalan corta hodi atinge ninia mehi. Ukun nain ida buka dalan terik hodi kaer ukun too baruk, hodi riku lalais, hodi bele hetan riku soin barak tan.

Evangelho São Lucas Domingo semana nee, apresenta requésitos (persyaratan) balu nebe ema precisa cumpri, wainhira hakarak sai Jesus nia escolante. Persyratan eh requisitos hirak nee, balu Jesus temi claro no directamente ba ema hirak nebe rona Nia maibé, requesitos balu mos Jesus apresenta liu husi ai-knanoik sira.

Requesito absoluto (syarat mutlak) hodi sai Jesus nia escolante lolos iha 4 mak hanesan:

(1). La bele kesi-an metin ho família (Lc 14, 26).

(2). Riku soin (Lc 14,33).

(3). Pronto simu terus/sacrifício (Lc 14, 27).

(4). Pronto simu desafio no exigência sira (Lc 14, 28-32).

Sarani ohin loron considera terus (sacrifício) nudar lalaok negativo ida nebe precisa hasees tiha husi ema nia moris. Maibé Jesus fo sentido katak terus (sacrifício-Cruz) bele hanorin ema hatene depende no agradece ba Maromak. Ema otas nee nian entende sala katak se Maromak nee domin nain no ema nebe fiar nain, automaticamente Maromak tenke hasees nia husi terus no susar sira.

Igreja Católica basea ba Jesus nia hanorin nebe tenik katak:”Ema nebe la lori nia Cruz, nia la merece tuir Hau” (Mt 10,38). Nee significa katak ema hotu tanto kiik-tanto boot, tanto riku-tanto kiak, sei koko moris terus iha rai nee hodi hatene Maromak nia diak oinsa.

Cruz nudar dalan terus nebé ema (sarani sira) tenke hasoru molok ba too Jesus. Terus balu mosu tanba ema nia desejo rasik, terus balu mosu hodi prova ema nia fiar, terus balu mosu nudar realidade nebe ema la bele sees husi neba.

Santo Agostinho hanorin tipo Cruz Nai nian nebe precisa ita hatene; (1) Cruz físico no (2) Cruz Espiritual. Cruz físico refere ba ema nia paixão (nafsu) sira nebe iregualar (tak teratur) nebe relativo ho ema nia senso (tocar, sentir, visão,…etc), iha nee inclui kedas oinsa ema kaan kaer ukun, ema kaan halibur osan ba futuro tuir dalan ilegal, ema respeita malu tuir kor partido, tuir kor grupo, tuir cor família,…etc.

Enquanto Cruz espiritual, tuir Santo Agostinho hanorin katak; tuir Jesus nia haruka (doutrina) nudar assunto nebe precisamente ita tenke tau atenção; significa ita tenke hatene controla saida mak expressa iha Cruz físico nian hanesan menciona iha leten. Basá, criz espiritual bele halo ema controla kaan ten sira, necessidade iregualar sira, hatene haraik-an, simplicidad, respeita, bem comum, inclui mos ema nia hanoin aat ba ema seluk nebe la tuir ita nia vontade pessoal tanto iha sociedade nunee mos iha mundo político.

Jesus nia pergunta ba ema ida-idak nebe decide hakarak tuir Nia mak:”o pronto duni ona atu tuir Hau (Jesus)?” manan sa lerek wainhira o decide atu sai Hau (Jesus) nia escolante? Sai Hau (Jesus) nia escolante mak folin boot liu eh o nia laran kmaan (disponibilidade) mak dignidade aas liu? Ba se se deit, kiak eh riku, boot eh kiik, hetan cargo boot eh la iha serviço – ema hotu-hotu tem que foti decisão claro no hanesan.

Bele, disponível no hakarak duni selu valor aas (sacrifício) hodi tuir Jesus? Experiência hatudu katak; bai-bain quando ita hahu harí eh halao buat ida ou participa iha programa ruma, ita sente semangat los, entusiasmo forte, contente,…Maibé, liu tiha tempo ruma…ita hahu baruk ona, lakon esperança, entusiasmo menos, no seluk tan. Pergunta ba ita mak nee: nudar Católico, será que ita bele mantem posição, persistente no entusiasmo nafatin hodi sai Jesus nia emar ba qualquer situação? Hanoin ba Jesus nia lia fuan be hateten: “Ema nebe hakarak tuir Hau, sei loru nia Cruz hodi lao tuir Hau”. Se mak mantem posição, se sei manan.

Iha ai-knanoik nebe São Lucas apresenta iha Evangelho Domingo semana nee, tanto ema nebe atu harí torre aas ou ema nebe marca estrategia hodi ba halo funu, precisa halo calculação no considera mos risco hirak nebe sei mosu, molok foti decisão definitiva.

Nudar Jesus nia emar, precisa hatene katak; atu tuir Jesus exige fidelidade (kesetiaan) ida ba Jesus, nebe tem que tau iha prioridade. Em princípio, wainhira ita simu Jesus nia personalidade, automaticamente ita hakarak duni hulan mos Nia Cruz! Nunee, lalaok hirak nee hotu significa saida ba ita nia existência? Significa saida ba ita nia moris, significa saida ba ita nia knaar nudar Jesus nia escolante, nudar sarani, nudar Cristão Católico nebe simu ona we baptismo?

Ohin loron, ita moris iha sociedade pluralismo; significa ita hasoru situação oi-oin deit, cultura foun tama iha ita leet, religião mosu oi-oin ho figura ONG, partido bar-barak, grupo oioin, ema raça oi-oin,…situação ida nee hamosu desafio oi-oin, exigência bar-barak, no ikus mai lori ema ba hadau malu posição social, estatuto diak, popularidade, osan, riku soin, gosto, no iha tempo hanesan provoca mos ema compete, hadau malu poder, gap kiak-riku no injustiça.

Então, iha situação hirak hanesan nee mak, Cristão Católico sira hetan bolu atu banati tuir Jesus Cristo nia hahalok ho Ninia doutrina sira, nunee ita bele foti decisão claro ba hahalok no ba ita nia moris. Jesus rasik hateten: Ema sé la lori nia cruz la’o tuir ha’u, la bele sai ha’u nia escolante. Ida nee mak desafio boot ba Católico hotu. Ita haree fali ba kotuk, saida mak ita halo ona nudar sarani Católico? Dalabarak ita hakarak hili hotu kedas lalaok oi-oin iha ita nia sociedade. Nudar Cristão Católico, tuir los ita hili dalan ida deit mak Jesus Cristo nia exemplo moris no Ninia doutrina.

Lalaok Cristão nian nee hamosu perigo lobuk ida, ita sai ema nebe la iha decisão fixo ou la iha princípio (pendirian tidak tetap), sai oportunista; exemplo ema muda tun-muda sae husi partido ida ba partido seluk tanba buka poder no posição, muda religião husi ida ba ida seluk tanba ema fahe osan. Ita nia fiar nakdoko ba mai tanba ema seluk fácil influencia ita nia moris, ita fácil buka buat nebe fo gosto do que buat nebe exige sacrifício. Buat hirak nee halo ita la consegue moris tuir Jesus nia lalaok. Ita sai fiar nain Católico maibé, hahalok hanesan gentio, fiar roh-rohan deit, sai sarani maibé la brani simu consequência, hahalok la tuir fiar Cristão Católico nian. Dom Basílio ba hahalok hirak hanesan nee hatete: ohin loron ema sarani, sarani nafatin maibé, naok, naok nafatin, missa, missa nafatin maibé, corrupção, corrupção nafatin, kama, rua, kama tolu nafatin.

Liliu ba foin sae sira, importante teb-tebes atu hetan educação no hetan convite hodi foti decisão no hili tuir dalan los! Tansa? Tem que nunee? Tanba felicidade lolos laos temporário ou sementara deit, maibé, permanente no dura too tempo naruk. Felicidade eh ksolok nee, ita bele atinge wainhira ita halo buat ruma nakonu ho comitmento, esforço, consistência tuir lalaok moris Jesus nian.

Felicidade eh ksolok rohan laek ema Cristão Católico ida sei atinge duni wainhira, nia hakas-an hodi halo tuir decisão no escolha moris sarani nian. Decisão ida nee mak oinsa ita nia moris banati tuir saida mak Cristo haruka. Tanba nee mak ema religioso sira hateten: para ser feliz de verdade, é preciso, primeiramente e essencialmente, ter uma vida espiritual bem estruturada. Não estruturada em uma mera crença ou religião cheia de regras e proibições, mas etrutura na verdadeira esséncia da vida…quotação nee significa; Felicidade rohan laek ba moris nee, laos tanba ita halo tuir taka matan deit ba regra sira nebe religião estabelece maibé, felicidade eh ksolok rohan laek nee hetan wainhira ita hatene comporta no compreende sentido essencial moris nee tuir Maromak nia hakarak iha Jesus nia hanorin sira.

Atu sai Jesus nia escolante lolos, ita precisa hatene no brani atu simu dificuldade sira nebe ita hasoru iha moris nee. Sai Católico autêntico, sarani ida la bele sai ema oportunista, la bele buka diak deit hodi fo todan ba ema seluk maibé, sarani ida precisa moris adulto iha nia fiar no hatene simu eh halo sacrifício iha moris. Dala ida tan Jesus rasik hatete:Ema sé la lori nia cruz la’o tuir ha’u, la bele sai ha’u nia escolante”.

Tanba nee mak, atu sai Cristão Católico diak eh sai seguidor Cristo nian, ita precisa sai adulto iha fiar basá, ita nia Salvação mai husi Maromak. Problema oinsa atu atinge salvação nee, ita tem que hatene colabora ho Maromak, hatene halo sacrifício no hatene conduz moris nee iha Maromak nia mahan. Iha situação no condição moris iha sociedade nebe deit, Jesus haruka: “Foti decisão ba!” Jesus convida ita nobun hodi sai nia manu-ain eh sai escolante autêntico (asli)

Iha relato Evangelho São Lucas nian justifica katak; Jesus la tolera nem compromi ho ema nebe iha ibun hakarak sai escolante maibé, laran la fo ba Jesus, moris la tuir Jesus nia hanorin. Ba ida nee, Papa Francisco dala ida hateten; “Pecador sim – traidor não”; lia fuan nee significa katak; ema moris sempre monu ba sala ho comete pecado maibé, kmanek liu tan atu ema la bele sai traidor. Sai Cristão Católico precisa ema hirak nebe iha comitmento ba nia moris tomak. Hadook-an husi kaan naresin ba material rai klaran nian, haluha tiha hahalok uluk nian hodi hahu moris foun, tau neon ba família no hatene pratica hahalok caridade tuir dalan Cristão nian (Cf Lc 9, 57-62; 14, 26-33).

Sarani nia laran kmaan (disponibilidade) hodi lori rasik nia Cruz lao tuir Jesus, maske liu husi dalan oi-oin, sacrifício bar-barak, desafio reb-rebo, Jesus fo aten brani ita hodi dehan: ”Jikalau seorang datang kepada-Ku dan ia tidak membenci bapanya, ibunya, isterinya, anak-anaknya, saudara-saudaranya, laki-laki atau perempuan, bahkan nyawanya sendiri, ia tidak dapat menjadi murid-Ku”//«Se alguém vem ter comigo e não me tem mais amor que ao seu pai, à sua mãe, à sua esposa, aos seus filhos, aos seus irmãos, às suas irmãs e até à própria vida, não pode ser meu discípulo (Luk 14:26)”.

Ita ema nia hanoin namlele; ita nia matenek ábut laek. Isin lolon dodok ida ne’e halo todan klamar. Moris Hanesan du’ut matak dader’ Namlaik loraik. Lia fuan Bíblica nee, endereça directamente ba ita nobun nebe sente-an simu ona we baptismo iha Igreja Católica, hakarak lori rasik Cruz tuir Jesus ka lae? …….Seja Louvado Nosso Senhor Jesus Cristo…Para sempre Seja Louvado a Sua mãe Maria Santíssima. (ignaslopes)

NARAN BOOT vs HARAIK-AN

Reflexão ba Domingo Comum XII-Ano C 2019

 

                    Wainhira o naran boot liu, o sei haraik-an liu; nunee deit mak Nai Maromak sei hadomi o…..ema hotu nebé foti an, Na’i Maromak sei hatun nia, ema nebé haraik an, Na’i Maromak sei foti nia. Iha cultura rai hot-hotu nian, Cerimónia convívio ou han hamutuk sai nudar lalaok diak ida hodi hametin relação familiar ou relação amizade entre membro família sira ou entre membro grupo sira. Iha momento han hamutuk nee, bele facilita ema atu hametin liu tan unidade, kesi metin liu tan laço familiar. Evangelho São Lucas Domingo semana nee hatudu, oinsa Jesus utiliza momento han hamutuk (convívio) ho lider grupo Fariseu ho Escriba hodi hanorin Doutrina domin ba sira.

                    Conteúdo principal husi Jesus nia hanorin nee mak:  “…ema hotu nebé foti an, Na’i Maromak sei hatun nia, ema nebé haraik an, Na’i Maromak sei foti nia”//Barangsiapa meninggikan diri akan direndahkan, dan barangsiapa merendahkan diri akan ditinggikan”//”…todo aquele que se exalta será humilhado, e o que se humilha será exaltado» (Lc 14,11).

                    Jesus fo hanoin ita atu hatene halao moris nee iha sentido haraik-an. Jesus aconselha ita atu; wainhira ema convida ita ba festa karik eh convida ba encontro boot ruma karik, lalika buka tur iha fatin nebé diak. Diak liu koko tuir regra haraik-an atu nunee, wainhira ema boot (autoridade) ruma participa karik, ema sei la muda ita ba fatin kotuk. Iha Timor no iha fatin seluk, wainhira iha encontro boot ruma, ema sempre prepara fatin adequado ruma ba nai ulun ho bainaka especial sira no mos fatin ba convidade seluk. Iha nai ulun ida rua nebé hatene ona nia fatin iha nebé maibé, finge tur tiha iha fatin nebé inapropriado. Iha mos ema balu nebé la hetan convite maibé, buka dalan rasik hodi ba tur iha fatin nebé preparado ba convidado sira.

                    Jesus mos hanorin lalaok haraik-an ba ita atu, wainhira participa iha evento boot sira, diak liu hili fatin simples ho hanoin ida katak; iha possibilidade ema convida ita ba tur iha fatin nebé prepara duni mai ita. Jesus mos hanorin lalaok nee atu ita lalika finge haraik-an hodi buka popularidade iha ema barak nia leet. Se ita hatene ona ita nia fatin mak nebé, ita la precisa finge tur haksumik-an hodi  halo ema seluk preocupa. Jesus hanorin ho lia fuan todan maibé, Jesus mos tau consideração ba regra (ética) convivência iha sociedade ida nia laran. Significa; ética nebé estabelece iha sociedade, precisa conserva nafatin hodi regula ema nia lalaok. Iha context Timor, Timor oan iha costuma tau consideração aas no respeita ba naiulun sira. (Adat istiadat  yang  baik harus dihargai dan  dipelihara).

                    Iha Evangelho Domingo semana nee, Jesus mos hakarak fo lição murak ba ita katak; convívio nebé haktuir iha Evangelho kona ba: Han hamutuk iha mundo, laos refere deit ba moris iha mundo nee maibé, refere mos ba sentido: Han hamutuk iha mundo iha lalehan (Ceia celestial) nebé Jesus rasik mak sei sai hanesan uma nain. Segunda Leitura justifica ida nee hodi hateten: ”Imi hakbesik ba foho santo Sião, ba Maromak moris nia ciadade. Imi hakbesik ba Jerusalem lalehan. Imi hakbesik ba anjo rihun ba ruhun  nebé halibur ba festa

                    Iha neba, situação coloca em ordem (teratur), ética, no lalaok haksolok hamutuk ba ema hotu nebé simu convite. Iha neba, precisa mos ema nebé lalaok diferente ho ema hirak nebé hetan convite iha han hamutuk mundo nian. Exemplo concreto nebé ita observa iha sociedade mak; quando Igreja convida ema 500, participa deit 50 maibé quando festa casamento ruma mak festa nain convida 50, la kleur deit ema 500 mak lalin malu ba participa até, ema importante (convidado) sira mos la hetan fatin. Significa ema fo importância liu ba han hamutuk iha mundo do que tau interece ba Han hamutuk lalehan nian.  

                    Iha Convívio Lalehan, Aman Maromak, liu husi Jesus Cristo convida ema hot-hotu atu hola parte iha neba tuir lalaok eh regra nebé Jesus rasik hanorin ona. Se semana kotuk, Jesus hanorin kona ba tama lalehan liu husi odamatan kloot, então semana nee, Jesus convida nafatin ita ho lia menon atu ita participa tuir lalaok haraik-an nian. Jesus nia hanorin sira mak sai hanesan sasukat eh regra atu oinsa ema bele hola parte iha cerimónia han hamutuk lalehan neba. Basá, sentido haraik-an nebé Jesus hanorin hodi dehan: “…ema hotu nebé foti an, Na’i Maromak sei hatun nia, ema nebé haraik an, Na’i Maromak sei foti nia”//Barangsiapa meninggikan diri akan direndahkan, dan barangsiapa merendahkan diri akan ditinggikan”//”…todo aquele que se exalta será humilhado, e o que se humilha será exaltado» (Lc 14,11);

                    Nee significa katak; iha Reino Lalehan, laos ba ema boot deit, laos ba ema ukun nain deit, laos ba ema osan barak sira, laos ba ema riku nia oan deit,…maibé, Reino Lalehan nee ba ema hotu nebé haraik-an hodi moris tuir Doutrina nebé Jesus Cristo hanorin. Nunee, iha lalehan, ema hot-hotu hanesan. La iha ida mak boot liu ida seluk. Iha Maromak nia futar oin, ema hot-hotu nebé consegue hakat liu ona husi odamatan kloot (moris iha sacrifício) sei hetan dignidade/derajat nebé hanesan.

                    Iha mundo nee, ema sempre compara ida ho ida seluk; ida nee riku liu, ida neba kiak liu, sira neba laos ita nia grupo, hirak nee laos ita nia maluk partido, nia ema badinas, neba ema baruk, nee matenek, neba beit,…no seluk tan. Mentalidade hanesan nee la vale iha Maromak nia Reino; iha neba, hot-hotu simu roman hanesan deit iha graça Maromak nian.

                    Ema nebé hatene haraik-an iha Maromak nia futar oin, no ita precisa reconhece-an katak; ita sei dook no seidauk perfeito atu hetan santidade nebé ita mehi no Maromak propõe. Ema hot-hotu sala nain (pecador), tanba nee, precisa esforço-an hodi sai perfeito hanesan Aman lalehan. Santo eh Santa sira laos moris mai hetan kedas dignidade nee maibé, sira mos ema sala nain nebé consegue ultrapassa susar no terus oi-oin iha mundo nee. Ema matenek nain balu refere ba ida nee hodi dehan:”Every Saints has their past and every sinners have their Future//Os Santos tenham os seus passado e os pecadores têm o futuro… Portanto, sede perfeitos como é perfeito o vosso Pai celeste.» Mt 5,48”. Agora, pergunta ba ita mak nee:Beranikah kita dalam menghadap Tuhan dalam perjamuan makan dalam Kerajaan Allah itu mencari dan memilih tempat yang terhormat melebihi lain-lainnya?”.

                    Reino Lelehan nebé Jesus estabelece ne’e, laos foin mak atu hahu iha tempo sira sei mai nee maibé, Reino nee estabelece tiha ona agora no iha nee (Hic et Nunc/aqui e agora). Jesus nebé moris hias sae ba lalehan no haruka ona Espírito Santo mai mundo, Nia mak sei lidera Ninia Reino nee. Ita nudar membro Igreja/Uma Kreda nia emar, halibur mutuk iha Cristo iha união ida deit, ita precisa participa bebeik iha evento han hamutuk Cristo nian (Eucaristi/Missa) hodi prepara-an ba evento han hamutuk Lalehan nian (Banquete celestial) nebé rohan laek.

                    Wainhira marca presença no celebra Eucaristia (missa) nudar cerimónia han hamutuk, ita precisa toma atitude fiel, obedece, haraik-an, doutrina, ordem no exemplo moris Nai Jesus nian. Jesus hatudu lalaok hirak nee iha simplicidade (kesederhanaan).

                    Iha Missa eh cerimónia han hamutuk nee, ema hotu simu ai-han ho sabor nebé hanesan deit. Hot-hotu simu hanesan; la iha ema ida mak simu dala rua ou liu. Nune’e, ita bele prefere lalaok nee hodi observa katak: será que iha ema balu nebé ita descobre hetan ema ruma nebé simples liu Jesus Cristo?

                    Talvés madre Teresa de Calcutá moris simples maibé, nia banati tuir Jesus nia lalaok. Hahalok no lalaok moris nebé obedece no haraik-an iha iha Maromak nia futar oin, hetan valor ass no digno liu tan iha Maromak futar oin iha nee no iha lalehan. Atu atinge mehi nee, ita precisa haree no banati tuir ema diak barak iha ita nia sociedade. Maromak hadia fatin ba ema kiak/haraik-an sira (Sl 67)…Lalehan sadia…rai sei tane…..Bem Haja (ignaslopes).

DOMINGO XXI TEMPO COMUM

Maun alin sarani  doben sira, oras nee ita iha ona domingo XXI tempu comum nian tuir tinan liturgia nian. Nai Maromak ninia futar liafuan domingo ohin nian fo hanoin mai ita kona ba Maromak ninia reino be folin boot no wain tebes mai ita sira hotu nebe fiar iha Na’i Maromak. Nune’e ita percisa kaer metin Maromak ninia Reino ne’e liu husi halao moris ida be tuir duni reino ne’e ninia hanorin sira.

Maromak ninia reino ne’e katak klibur ema sira nebe fiar iha Maromak hodi moris hamutuk ho Maromak ne’e. Na’i Maromak rasik mak ukun klibur ida ne’e. Iha reino ida ne’e moris ita halao no ita hetan tuir Maromak ninia hakarak no iha Maromak ninia mahan. Moris ida nebe tidin-an iha domin, iha paz no iha justiça.

Primeira leitura fo hatene mai ita katak Maromak ninia reino ne’e Na’i Maromak rasik mak hari, nia rasik mak hamoris ho moris ida rohan laek tebes. Ida ne’e katak Na’i Maromak mak hari ka estabelece iha ita leet, domin, paz no justiça ida dura to’o rohan laek, laos ita. Ita percisa deit halao moris ida iha duni domin, iha paz no iha justiça nia laran. Nune’e mak ita rona profeta Isaias haklaken mai ita Maromak ninia futar liafuan nebe hateten “Hau mai atu halibur hamutuk povo hotu hotu, ema tomak ho lisan oioin. Sira hotu sei hare Hau kbiit. Hau sei halo buat foun ida, husi sira leet hau sei hili sira balun hodi haruka sira ba haklaken ba ema sira nebe ladauk hatene hau naran no ladauk hatene hau nia kbiit”. Iha pratica moris concreta tuir roman ninia futra liafuan ne’e claro katak domin, paz no justiça sai sasukat no criteria mai ita atu bele moris iha Maromak ninia reino, basa Maromak ukun ema sira iha ninia reino ho duni domin, ho paz no ho justiça. Wainhira ita la pratica moris ida nune’e nee katak ita la moris iha Maromak ninia reino, ita moris lolos duni iha Maromak ninia reino wainhira ita pratica moris ida hanesan nee nebe tuir Maromak ninia hakarak duni, nebe Maromak rasik hanorin nanis mai ita hotu hotu. Nai Maromak ninia ukun ida hanesan nee ba ema no rai hotu hotu laos ba deit ema ou grupo balun, tamba nee mak Maromak hakarak nanin atu hili hodi halao ka lori ninia ukun nee ba hotu hotu liu husi ita sira nebe fiar ona iha Nia nundar ita ninia Maromak hodi moris tuir no moris hamutuk ho Maromak. Moris ida oinseluk husi nee katak la fiar no la hamutuk ho Maromak baibain ita hanaran moris aat ka lisan at hanesan haktuir mai ita iha segunda leitura. Lisan at lori ba terus, lori ba mate, hasai ita husi Maromak ninia reino. Lisan diak be hatudu iha domin, paz no justiça lori ita ba unidade ho Maromak no ho maun alin sira, lori ita ba moris ida rohan laek iha ita nia klibur hamutuk nundar Maromak ninia povo be Nia rasik mak hamoris no ukun. Segunda leitura convida ita atu ita tem que husik lisan at hodi haburas mak lisan diak ita ema sarani sira nian be heta ninia abut iha domin, iha paz, iha justiça, iha laran maun no laran mamar, iha hatene perdua no hakarak diak deit.

Wainhira hare mai realidade moris ita sarani sira nian iha rai klaran no iha Timor Leste ne’e ita bele dehan mas que jeralmente ita hotu sai ona Maromak ninia povo ka Maromak ninia oan maibe dala balun ita ninia hahalok moris la hatudu moris ida Maromak ninia reino nian, ita hatudu fali mak lisan at sira nebe hadok ema husi Maromak ninia reino no harahun ita ema ninia an rasik fali. Ita ninia lisan at sira hanesan: Violência, rai hirus no ódio, laran moras, la hatene halo caridade, halaok ema kbiit laek sira ninia moris, haburas lia bosok no lia falço no seluk seluk tan nebe ita labele temi hotu iha nee hanesan ladainha ida be lori ema ba susar laran.

Evangelho fo hanoin mai ita katak los duni obstáculo moris nundar ema sarani nee boot tebes, obstaculo sira nee comcerteza mak ita nia lisan at sira nebe la tuir Maromak ninia hakarak no ninia hanorin sira. Mas que nune’ebe nundar sarani ita percisa luta hasoru obstaculo sira nee ho fiar metin no ho laran metin hodi rona nafatin Maromak ninia hanorin sira no moris tuir nafatin ninia hakarak sira. Hodi fiar no laran no hodi halao moris ida nune mak ita sei garante nafatin Maromak ninia reino horik duni iha ita leet, iha ita ida idak ninia-an, familia, bairo, sociedade no iha ita rain.  Nain Jesus encoraja ita atu Ita labele husik Maromak ninia reino be haraik tiha ona mai ita iha Ita Nai Jesus Cristo nee lakon leet deit husi ita leet maibe luta nafatin atu moris iha Maromak ninia reino nee loron kalan iha ita ninia moris hodi nunee mak ita sei la lakon Maromak ninia reino ne’e maibe ita sei hola parte nafatin iha moris ida be hetan iha Maromak ninia reino nee oras nee no ba nafatin.

Mai ho Maromak Espirito Santo ninia tulun liu husi ninia futar liafuan ohin nian ninia roman ita buka atu husik ita nia toman at sira hodi haburas mak toman diak sarani sira nian iha ita leet hodi hametin no haburas moris Maromak nian iha ita leet. Amen.

 

Bidau, 25 de Agosto de 2019, Pb.

ODAMATAN LALEHAN KLOOT…..Maksud ?

Reflexão ba Domingo XXI Tempo Comum, Ano C 2019

 

Ema barak hakarak tama lalehan maibé la kohi cumpri critério atu tama lalehan nian. Iha Jesus nia viagem ba Jerusalém liu housi aldeia sira, iha dalan klaran, ema teki-tekil husu ba Nia: ”Na’i, ema oitoan deit mak sei hetan salvação?”. Jesus hatan:”hakas-an ba hodi tama liu housi odamatan kloot ne’e!”. Fundamento principal housi Jesus nia doutrina iha Evangelho São Lucas ne’e mak; se mak sei hetan salvação? no oinsa bele hetan salvação ne’e?  

Los duni, ita nudar Cristão Católico ita precisa husu: Hetan Salvação ne’e significa saida?  Nudar Cristão Católico, se ita hakarak hetan salvação, ita precisa confessa eh coloca Cristo nudar ita nia maksoin (Salvador). Jesus rasik dehan Hau mak Dalan, Lialos no Moris (Jo 14, 6)…….ema nebé la liu husi Hau, nia sei la bele ba too Aman.  Católico ida precisa matan moris neon nain ba doutrina falsa husi seita (sekte) jeová nebé tama sai ema nia uma hodi haklaken Jesus maibé sira la fiar nem considera Jesus nudar Salvador (Maksoin). Fahe Bíblia nebé sira muda tuir sira nia versão.

Jesus precisa ema nebé nia fiar metin (consistência) hodi haree Jesus hanesan único dalan Salvação nian (Eu sou a porta das ovelhas Jo. 10,7). Iha passagem Evangélica sira, Jesus hatete nanis: Hau Mak Dalan Lialos no Moris……… «Eu sou o Caminho, a Verdade e a Vida. Ninguém pode ir até ao Pai senão por mim (Jo. 14,6).

Ita precisa hatene lolos Reino Lalehan saida mak Jesus institui dau-daun iha mundo ne’e. Salvação nudar viagem naruk iha moris ne’e, iha neba ita precisa conhece didiak no hadomi Maromak. Ao mesmo tempo conhece no hadomi mos ema seluk hanesan ita-an rasik. Simu realidade terus hodi sente valor moris, significa la bele buka diak deit maibé, koko tok moris simples eh moris terus tuir ema seluk nebé la consegue atinge nível moris hanesan ita. Ema nia moris sai foer tan pecado. Maibé, iha percurso moris nee, ema hotu husi qualquer religião deseja ou seja sente saudade ba moris depois de mate, saudades atu hetan fatin merece iha lalehan, saidades atu haré directa Maromak,  saudades atu hasoru família no parente hirak nebé mate kleur ona. Realidade hatudu katak; impedimento boot ida mak pecado. Pecado halo ema dook tebes husi Maromak, ema barak hakarak tama lalehan maibé la kohi cumpri lalehan nia critério. Que pena!!

Ho linguagem moderna bele dehan: viagem moris Cristão nian precisa ho maneira transformativo. Será que iha viagem moris ne’e, ita iha ligação bebeik ho Maromak ho ita nia maluk sira nebé lori ita ba transformação? Significa será que ita nia moris ne’e basea ba Maromak nia doutrina no exemplo moris sira nebé Jesus hatudu ona?

Iha Evangelho relata katak: ema ruma husu ba Jesus: Nai, ema oitoan deit mak sei hetan rahun diak (Salvação)? Nune’e, tuir ema ne’e nia hanoin, nia sublinha liu ba quantidade – ema barak ou oitoan (quantidade das pessoas que vão ser salvos). Maibé, Jesus nia resposta hatudu katak; buat nebé importante  laos quantidade – ema barak ou oitoan. Jesus tau interece liu ba ema moris tuir condição ka requesitos nebé Jesus hatoo atu bele tama iha Reino Lalehan ka lae? Condição ida ne’e mak oinsa ema consegue tama Reino Lalehan liu housi odamatan kloot.

Odamatan kloot nee siginifica saida? Jesus nia intenção ho lia fuan odamatan kloot mak; transformação hahalok (Revolução mentalidade) no hahalok moris.

Jesus la interece ho quantidade (total ema hira) nebé sei hetan salvação, maibé, oinsa ema bele hetan salvação nee. Iha assunto rua (2) nebé precisa ita tau atenção: caso negativo no caso positivo. Atu hetan salvação iha Cristo, la precisa ita tem que hola parte iha suco, raça, tradição ou instituição ruma, inclui mos povo escolhido Judeu-Israel nebé Jesus rasik pertence ba. Decisão pessoal no princípio moris diak nebé tuir Maromak nia hakarak iha moris loro-loron mak lori ema ba atinge salvação; «Entrai pela porta estreita; porque larga é a porta e espaçoso o caminho que conduz à perdição, e muitos são os que seguem por ele. Como é estreita a porta e quão apertado é o caminho que conduz à vida, e como são poucos os que o encontram! (Mt 7, 13-14)».

O tema bíblico dos “dois caminhos”ilustra a necessidade de escolha com que o ser humano se confronta, ao acolher o Evangelho. A imagem da porta estreita sugere as exigências e os riscos que o seguimento de Jesus comporta. O 4.° Evangelho explicita o tema, referindo-o a Cristo, Caminho (Jo 14,6-11) e Porta (Jo 10,1-10).

Nee mak sentido husi lia fuan odamatan kloot, basá, consequência husi ema nia escolha ka decisão moris nebé Jesus koalia mak todan no dificuldade nebé ema hasoru wainhira decide atu moris bantai tuir Jesus nia hanourin sira. prazer eh gosto folin laek hirak nebé ema hetan liu husi odamatan luan,  nia característica la permanente maibé, temporário ou sementara deit. hahalok odamatan luan  nian praticamente contra ona Maromak nia vontade. Tanba nee mak ninia lalaok la dura too tempo naruk. Exemplo concreto ita bele haré iha história ema nian katak; ema corruptor sira ikus mai hetan pena prisão, ema nebé comete droga eh distribui droga iha nação balu hanesan Indonésia ikus mai hetan pena de morte, ema hirak nebé comete adultério/selingkuh ikus mai harahun uma kain no oan sira abandonado, feto sira nebé prática aborto tanba qualquer motivação ikus mai sente inferior durante moris tomak. Odamtan luan refere liu ba hahalok aat sira, basá, ema fácil liu comete hahalok aat hirak hanesan: adultério/selingkuh kiri-kanan, droga, aborto, corrupção, funu, violação sexual, tráfico humano…etc. precisa tau iha consideração katak;

Housi sorin seluk, ema hirak nebé sacrifica-an hodi tama liu husi odamtan kloot, los duni wainhira ita hahu tenta liu husi dalan nee, difícil duni maibé, wainhira tama ona too neba ho esperança, odamatan lalehan nian sei loke luan liu tan ba ema nebé consegue ultrapassa ona husi odamtan kloot nee, sei hetan ksolok rohan laek basá, sira terus uluk ona molok hetan ksolok nee. Ema Indonésia dehan: Berakit-rakit ke hulu, berenang-renang ke tepian. Bersakit-sakit dahulu-Bersenang-senang; significa moris nee, ema precisa liu husi terus mak foin ba hetan ksolok no hakmatek rohan laek.

Realidade iha ita nia moris mak; político sira hakbesik-an ba uma kreda wainhira besik Eleição, corruptor uza osan nebé nia naok hodi sustenta família, sosa sasan luxo hodi hatudu ninia dignidade ba ema seluk maibé, wainhira monu ba susar, nia tane liman ba ema seluk, reza la para rai. Tanba nee mak Jesus dehan; cada ema precisa luta hodi liu husi daln kloot eh daun kuak. Daun kuak mak ita nia comprimissio atu moris tuir regra sarani nian. Moris tuir ukun nain nebé hatene servi, moris hanesan políticio nebé hanoin duni interece comum laos reclama hela deit.

Maromak cria ema no fo kedas ho liberdade. Ema criatura rasik mak determina no decide saida mak diak ba nia-an. Maibé, afinal ema nudar ser nebé pecador (sala nain) no precisa hetan salvação. Jesus Cristo, Maromak Oan, sai ona ema hodi salva humanidade tomak. Jesus Cristo sacrifica-an iha mundo nee hodi simu, trata, tolok, defamação, hotar, terus too mate iha Cruz. Nee mak lalaok nebé Jesus temi odamatan kloot iha relato Evangelho Domingo semana nee. Tama liu housi odamatan kloot significa ita nia disponibilidade hodi halo transformação ita nia hahalok katak; luta ba moris no halo tuir doutrina Jesus Cristo nian. Assim seja e Bem Haja. (ignaslopes)