shadow
Diocese de Dili > NOTÍCIAS > REFLEXÃO

AFINAL JESUS LORI INSTABILIDADE MAI MUNDO?

Leitura no Reflexão ba Domingo Comum XX, ano C

 

Primeira Leitura         Jer.  38,  4-6.  8-10

Lia housi Livru Profeta Jeremias:

Iha loron hirak nebá, ema boot sira iha rai judá, dehan ba liurai: “ita sei oho mate tiha Jeremias, basá, ho nia lia fuan, nia hata’uk povo, halo neon nakraik soldado sira nebé sei hela iha cidade ne’e. Jeremias la buka povo, nia di’ak, maibé buka povo nia rahun aat.” Liurai Sedequias hatán ba sira: “Jeremias iha imi nia liman. Liurai la iha buat ida atu hateten hasouru imi”. Nune’e, sira kaer Jeremias; ho tali, sira hatún nia ba we-knuuk liurai oan Melquias nian, besik kadeia oin. We-knuuk ne’e, maran hela, iha de’it tahu. Jeremias tun ba, mout ita tahu laran. Ema ida husi rai Etiopia, naran Ebedmelech, serviҫo iha liurai nia uman, nia ba hasouro liurai, hodi dehan: “ami liurai, ema sira ne’e hahalok aat teb-tebes; haterus profeta hanesan ne’e la di’ak. Sira hatama tiha Jeremias iha we-knuuk. Iha nebá nia sei mate hamlaha,  basá, pão la iha ona cidade laran.  Nune’e, liurai hatán ba nia: “lori ho ema Na’in tolu ne’e ba hasai tiha  profeta Jeremias housi we-knuuk, keta halo nia mate”.

Maromak Futar Lia.

 

Salmo Responsorial                                                                                                                                                 Sal. 39(40), 2-3. 4-18

Refrão : Na’i, mai lalais sadia ha’u!!!  Repete-se

Ha’u tau laran ba Maromak:

Na’i, se tilun, rona ha’u lian.

Hasai ha’u klamar housi mate,

Hametin ha’u ain fukun,

Halo ha’u sama rai metin. Refrão

 

Nia tau knananuk foun mai ha’u ibun,

Hananu hahi ha’u nia Maromak

Ema wa’in sei rona ho haraik-an,

Sei tau neon ba Maromak. Refrão

 

Ha’u ema ki’ak folin la’ek,

Maibé, Maromak bali ha’u nafatin.

Maromak ha’u nia kbiit,

Na’i, mai lalais; Refrão

 

Segunda Leitura                                                                                                                                                                         Heb.  12,  1-4

Lia housi Carta ba sarani Hebreu sira :

Maun alin sira: houri uluk ema kbahen barak teb-tebes fo sasin kona ba fiar. Sira barak, sira hanesan kalohan ida nebé hale’u ita. Tan ne’e, sóe tiha ita naha, soe mos salan nebé hale’u ita, hodi halai hasoru ho aten brani funu nebé mosu ita oin. Foti matan hateke Jesus: nia mak hatudu dalan fiar nian, nia mak sei halo fiar ne’e boot to’o rohan. Jesus la simu ksolok nebé nia bele simu, maibé, nia simu cruz, la ta’uk cruz nia todan. Ne’e duni, oras ne’e, nia tur iha Maromak nia futar sorin kwanan. Imi hanoin Jesus ba, nebé terus hodi ema maksalak sira fatin. Nune’e de’it mak imi sei aten brani nafatin, nune’e de’it mak imi laran sei la taridu, imi neon sei la susar. Imi seidauk funu hasouro sala, to’o fakar ran.

Maromak Futar Lia.

 

Aclamação                                                                                                                                                                                          Lc. 12,  49

Refrão : Aleluia, Aleluia!!! Repete-se

Na’i ko’alia : Ha’u mai tau ahi ba rai-klaran,

Ha’u hakarak ahi ne’e han namkari iha rai. Refrão

 

Evangelho                                                                                                                                                                                     Lc. 12, 49-53

Na’i Jesus Cristo nia Evangelho nu’udar Sao Lucas haktuir:

Iha tempo nebá, Jesus lia tun ba escolante sira: “ha’u lori ahi mai mundo rai klaran. Ha’u lakohi buat seluk. Ha’u hakarak de’it atu ahi ne’e han duni. Ha’u sei hein hela atu simu baptismo ida. To’o oras ha’u atu simu baptismo ne’e, ha’u laran susar teb-tebes; imi hanoin katak ha’u mai fo dame ba mundo rai klaran? lae; ha’u dehan kedas ba imi katak lae; basá, hodi ohin ba oin, ema Na’in lima sei haketak malu iha uma laran: Na’in tolu. Aman sei haketak malu ho oan mane, oan mane sei haketak malu ho nia Aman. Inan sei haketak malu ho nia oan feto, oan feto sei haketak malu ho nia inan. Banin sei haketak malu ho feto foun, feto foun sei haketak malu ho banin feto”.

Lia Maksoyn.

 

Reflexão:

AFINAL JESUS LORI INSTABILIDADE MAI MUNDO?

 

               Wainhira Jesus moris iha rai Belém, Evangelho São Lucas haktuir katak; Anjo tatoli Lia Ksolok dehan: ”Glória ba Maromak leten aas ba, dame iha rai-klaran ba ema sira be Nai hadomi (Lc 2,14)”. Maibe, Evangelho São Lucas semana nee relata fali buat contrário ida nebe Jesus rasik mak pronuncia Lia Fuan kroat be hateten: ”Ha’u lori ahi mai mundo rai klaran. Ha’u lakohi buat seluk. Ha’u hakarak de’it atu ahi ne’e han duni…. imi hanoin katak ha’u mai fo dame ba mundo rai klaran?…lae…! lae..! laos dame maibé, conflito…”.

               Jesus nia lia kroat nee mos tatoli too mai ita nobun sarani zaman now……atu ita mos bele alerta (matan moris-neon nain) hodi entende Lia fuan nee atu ita habelun (bergaul) ho Maromak, rona no le Maromak nia futar lia fuan iha Bíblia ou livro leitura litúrgica sira, hakbesik-an ba Maromak ho esperança, no concretisa ita nia fiar liu husi simu Jesus nia futar Isin no Ran iha Eucaristia.

               Nudar ema, Jesus hasee (bolu) ema ho meio humano (dalan ema nian). Nudar educador nebe perfeito, Jesus hatene maneira nebe diak liu hodi revela Nia-An no hatoo Ninia doutrina ba ema sira nebe rona Nia. Dalaruma mos Jesus hatoo Ninia doutrina sira ho maneira no linguagem simbólica, halo ema la compreende até confusão no pior liu tan maluk balun interpreta literal deit saida mal Evangelho relata. Exemplo concreto mak ita lee iha relato Evangelho São Lucas nian iha Domingo semana nee.

               Tuir lolos, saida mak Jesus hakarak hanorin ba ita nobun basea ba Evangelho nee? Jesus hakarak convida ita atu matan moris neon nain. La bele passiva demais iha moris nee, la bele cuek (indeferença) ho moris nee, la bele buka diak deit iha moris nee. Halo netik buat diak ruma ba rai nee atu wainhira ita mate ema konta netik ita nia naran diakTanba nee mak Jesus dehan: “ha’u lori ahi mai mundo rai klaran”. Lia fuan lakan iha nee laos significa maldição ka confronto ruma hanesan acontece dadaun iha ita nia rai doben Timor Leste maibé, ahi lakan nee fo Naroman. Naroman nebe dada ema hotu nia atenção hodi hateke ba we matan naroman nee; Cristo. Ahi lakan iha contexto religioso (Catolicismo) significa presença Espírito Santo hodi haroman ita neon, hamos ita nia kan ten, ambição ba poder hodi endereça ita ba moris santidade tuir roman doutrina Cristinismo nian.

               Naroman nee tuir los sai hanesan murak mean ida nebe ema la bele cuek/indiferença nunee deit. Precisa haree ba ahi lakan nebe horas nee sunu dadaun ita nia fuan iha fatin hothotu. Sentido espiritual husi ahi nebe Jesus temi mak; Jesus nia presença iha mundo ho Ninia doutrina sira nudar murak mean ida nebe precisa ema simu ho reação positiva. Ita nobun nudar ema nebe simu ona Baptismo sai ona Cristão, la bele cuek ba Nai Jesus nia presença iha mundo nee, iha sociedade, iha comunidade, iha família hanesan ahi nebe lakan la nahas.

               Ema santo sira nebe ita hatene iha Igreja nia história no mos santo hirak nebe la consegue ema barak hatene, sira consegue moris nudar Cristão nebe durante sira nia moris tomak sempre halo sira nia moris lakan hanesan ahi Inan Jesus Cristo. Sira nia fuan hanesan Jesus nia fuan nebe lakan halo sira sai nia moris fo roman ba ema seluk be buka Maromak.

               Iha contexto Timor Leste nian, valor moris Cristão hahu mihis ba bebeik. Ema nia naran sarani iha certidão deit maibé, iha prática valor gentio mak dominante liu. Caso político sira ataca malu iha media social sai consumo diária sociedade, caso ema soe bebe quinto-canto hodi fo sala feto nebe comete caso nee enquanto mane nebe o isin rua quase livre no ignorado, caso grupo arte marciais hana malu tan razão rai nain no rai liur, grupo apoiantes partido tolok malu iha media social (Facebook) hodid efende sira nia lider partido, caso ema comete adultério (selingkuh sana-sini) tan deit iha poder no osan barak.

              Realidade hirak nee  mak contempla loloos ba mentalidade ema nian nebe desvia moris husi roman Evangelho Jesus Cristo nian. Ema Timor sente orgulho liu wainhira defende identidade arte marciais do que defende identidade hanesan Timor oan ou seja Sarani Católico. Político ida sente hetan vitória até orgulho wainhira nia hamonu ninia adversário político liu husi Media Social (Medsos), ex-veterano ida hare nia maluk veterano seluk matan la mos tanba kor partido la hanesan ou la hetan projeto husi estado. Too ponto ida nee, se mak sai vencedor hodi goza oportunidade independência ida nee?

               Afinal, iha oportunista lobuk ida mak helik-an iha partido histórico nia laran hodi aproveita no soran, iha mos oportunista balu nebe aproveita carisma lider histórico nian hodi aproveita sura osan ba bolsu enquanto husi sikun seluk, ema nebe merece goza ukun-an ida nee, tur sura (konta) istória iha media social deit. Pior liu no halo ita moe mak, Timor oan ida-rua nebe facilita prostituta sira tama mai hotel sira iha Dili, Timor oan participa iha transação droga iha Timor, balu facilita documento ilegal ba ema estrangeiro sira nebe tama mai hafuhu osan Dollar iha Timor, iha mos geração otonomista balu nebe infiltra ona iha partido político hodi soran lider histórico sira iha Timor. Medsos (Facebook) sai meio diak liu atu Timor oan tolok malu, defama malu até defama ita nia lider nacional sira tan deit partido la hanesan.

               Iha passagem tuir mai, Jesus dehan tenik katak: Ha’u sei hein hela atu simu baptismo ida. To’o oras ha’u atu simu baptismo ne’e, ha’u laran susar teb-tebes…imi hanoin katak ha’u mai fo dame ba mundo rai klaran? lae; ha’u dehan kedas ba imi katak lae; basá, hodi ohin ba oin, ema Na’in lima sei haketak malu iha uma laran….ho lia nee, Jesus hakarak hatete saida mai ita nobun….?? passagem ida nee, se ita interpreta por letra deit, nee significa Jesus laos lori dame ho domin maibé Jesus lori funu maibé,

               Se ita hakarak tuir Jesus, nee significa katak; ita mos pronto atu hili dalan nebe Jesus lao uluk ona. Além de Jesus hetan baptismo simbólico iha mota Jordão, Jesus mos ikus mai hetan baptismo sagrado iha iha Nia futar Ran rasik. Jesus nia baptismo termina ho Nia mate iha Cruz tutun. Ida nee mak lalaok kmanek, doutrina no Ninia disponibilidade hodi terus no mate iha Cruz tutun. Lalaok matan moris neon nain nee mak Jesus haksumik iha nia lia fuan wainhira tenik dehan:“ha’u lori ahi mai mundo rai klaran”. Ahi nebe Jesus lori nee hodi sunu ita nia fiar metin liu tan, hodi sunu ita nia kan ten ba poder, sunu ita nia ambição ba riku-soin, sunu ita nia vontade humana hodi hatene haraik-an iha moris provisório ida nee.

               Se ita  lee hodi contempla liu tan Evangelho Domingo semana nee, mosu pergunta eh dúvida oioin nebe halo ita confusão…saida mak ita bele compreende husi Jesus nia lia fuan tuir mai nee?; “imi hanoin katak ha’u mai fo dame ba mundo rai klaran? lae; ha’u dehan kedas ba imi katak lae;” nee significa katak; se mak hili Cristo, nee significa nia sei luta hodi enfrenta buat nebe Cristo la hakarak/rejeita. Ema Cristão Católico nebe los, la bele fiar oi-oin, la bele fiar ba mai, la bele fiar ema nia lia bosok sira, la bele fiar matan dook bosok ten sira, la bele fiar ema nia boatus sira, labele fiar promessa falsa sira, la bele fiar mehi SDSB sira. basá, Cristão Católico nebe fuan ru-rua, nia la merece sai Cristo nia emar. Nunee ita nia decisão hodi hili Cristo nudar maksoin, precisa/exige ema nia consistência entre sim ou não.

               Consistência iha âmbito ida nee significa; ema tem que haketak malu ho buat nebe la monu ba Cristo nia hakarak eh la condis ho Cristo nia doutrina sira. Lalaok ida nee bele acontece iha nebe deit, iha qualquer ambiente, situção no qualquer momento. Lalaok ida nee bele provoca inimizade (permusuhan), divergência de idea até confrontação ho ema sira inclui família rasik. Cristo la precisa ema nebe inconsisten ou la iha pendirian; ohin koalia ida, aban koalia seluk hodi buka simpatia enquanto iha nia laran haksumik hela interece balu. Iha qualquer situação precisa mantem nafatin ita nia identidade nudar Cristão Católico.

               Nee mak sentido fundamental husi mensagem Cristo nian iha nian nebe São Lucas relata iha Domingo semana nee. Mensagem nee hakarak sadik ita oinsa hatudu ita nia aten brani hodi moris lolos hanesan Cristão Católico nebe qualidade aas….la bele sai Cristão Fotocopi ou Católico NaPas-(ba missa wainhira Natal-Páscoa deit). Ita precisa haree Jesus hanesan ahi lakan nebe fo naroman no sunu ita nia fuan sarani nian. Ema nebe simu ona we Baptismo maibé, la moris hanesan sarani, nia sai parasita iha Igreja Católica nia laran. Iha âmbito político, lider ida la bele sai paracita (benalo) ou seja maupagador iha partido ida nia laran hodi aproveita cargo político, ou sai traidor nebe serviço iha institução estado maibé, iha intenção aat hodi cria desestabilidade. Ita precisa moris hanesan ahi lakan nebe haroman ema seluk no mos ita-an rasik. Segunda Leitura iha Livro Hebreu nian dehan momos: Foti matan hateke Jesus: nia mak hatudu dalan fiar nian, nia mak sei halo fiar ne’e boot to’o rohan”. Assim Seja e Bem Haja….. (ignaslopes).

DOMINGO COMUM XIX, ANO C

Maun alin sarani doben sira, Na’i Maromak ninia futar liafuan iha domingo ida nee fo hanoin no hanorin ita atu moris iha mundo ne’e laos hanesan ema neon laek no fiar laek maibe moris hanesan ema nebe matan moris, neon nain, fiar nain no laran metin hun nafatin iha buat hotu nebe mak ita hanoin, ita halo no ita hasoru. Ida ne’e katak halao moris ida concientemente, hatene didiak buat saida mak ita hakarak, ita hanoin no ita halo mai ita ida idak ninia-an rasik, ba ita nia familia no ba ema sira seluk hanesan Maromak nia oan ka hanesan sarani ida.

Buat nebe sai airin no sasukat mai ita atu halao moris ida nune’e mak ita nia fiar no buat nebe sai roman mai ita atu bele halo moris ida nune’e mak Maromak ninia futar liafuan rasik. Basa hodi fiar no hodi Maromak ninia futar liafuan ne’e mak ita bele conciente no hatene didiak duni moris be ita halao hela nee, halao nundar ema sarani ida. Hodi hatene halao moris ida oinsa no atu lori ba nebe? Seim dúvida halao moris iha mundo no lori ba to’o lalehan. Nune’e mos hodi fiar no Maromak ninia futar liafuan nee mak ita bele hare mos buat lalehan nian sira nebe ita labele hare, ita bele laran metin halao moris ne’e, laran metin iha Maromak nundar ita nia Nai no nundar tulun nain nebe bele halo buat hotu mai ita tamba domin. Iha segunda leitura ita rona haktuir mai ita, ita aman fiar nian Abraão ninia moris be sai exemplo kmanek liu hotu mai ita kona ba moris ida nebe halo Maromak ninia futar liafuan no fiar mak sai nundar fundamento iha moris ne’e. Abraão iha ninia relaçionamento ho Maromak nia rona nafatin Maromak nebe koalia ba nia no tau fiar ho laran metin lolos iha deit Maromak no moris tuir Maromak ninia hakarak sira. Maromak nebe bolu nia husi rai Ur, no promete ba nia atu haraik rai ida ba nia hodi halo nia derasan sira sai wain iha mundo rai klaran. Tamba ne’e mak Abraão husik ninia rai hodi lao tuir no halo tuir Maromak ninia hakarak sira tomak. To’o wainhira Maromak husu nia atu hasae ninia oan mane Isaac nundar buat karan ida mos, nia halo tuir hotu. Abraão reflete ninia moris ho base rona nafatin Maromak be koalia ba nia no nia halao ninia moris tau fiar no laran metin lolos deit ba Maromak. Ho ne’e  nia hari relação fiar ho laran metin nian ida ho Maromak laos iha tempo balun deit maibe dura iha ninia moris tomak.

Nundar sarani ita mos iha ita nia moris tomak masque experiência moris hari relação ho Maromak ne’e la hanesan maibe fiar no laran metin nebe ita iha ba Maromak tem que hanesan deit ho Abraão nian, katak iha buat hotu nebe ita hanoin, ita hakarak no ita halo ita buka uluk nanain rona ba Maromak nebe koalia nafatin mai ita hodi hatudu dalan moris nian no hodi hakbiit ita ninia moris, tuir mai ho fiar no laran metin lolos halo tuir nafatin Maromak ninia hakarak. Maromak mak sai fundamento, sai we matan no centro ba ita nia moris laos ita ninia esforço no luta moris nian , neim sasan sira mak sai fundamento, we matan no centro ba ita ninia moris.

Evangelho ohin nian  fo roman mai ita hodi halo ita hatene katak iha ita nia moris fiar no laran metin be ita hari ho Maromak ne’e la sempre lao los deit maibe iha mos obstáculo barabark nebe ita hasoru. Obstáculo sira ne’e dala barak liu buka atu hafraku, harahun no halakon ita ninia fiar no ita ninia laran metin ba Maromak. Nune’e Evangelho convida ita atu iha prátuca ita nia fiar no laran metin ne’e ita tem que moris iha matan moris no neon nain ninia laran basa iha mundo ne’e iha mos diabo ho ninia oan ema at sira nebe hakarak hamate ita ninia fiar no laran metin ne’e. Ida ne’e katak ita percisa cuidado, hametin no haburas nafatin ita nia fiar ba Maromak. Wainhira ita nia fiar no laran metin laiha ona mak ita nia moris sei tama iha nakukun ninia laran be hatudu iha moris ida nakonu ho desordem, nakonu ona ho inquietação ka la hakmatek, ita lakon paz, lakon mos domin. Tan ne’e nundar sarani lolos loro-loron no iha momento hotu hotu ita percisa buka cuidado hodi hametin no haburas nafatin ita nia fiar ba Maromak ne’e iha prática moris ema sarani sira nian nebe tidin-an iha Maromak ninia futar liafuan no hatudu-an iha hahalok sira caridade, tulun nain, laran luak, compaixao, comprende nain, domin nain no paz nain ninia laran iha buat hotu nebe ita hanoin, ita hakarak, ita koalia no ita halo.

Maun alin sira, wainhira ita hateke itoan fila ba kotuk hodi hare ita nia pratica moris iha fiar, laran metin no ninia obstáculo sira dala ruma ita bele descobre katak los duni iha sorin ida ita moris klean duni iha ita ninia fiar no laran metin duni iha Maromak maibe iha sorin seluk ita bele hetan mos katak ita la moris klean no la moris los ita ninia fiar no ita la tau laran metin lolos ida iha ita nia Maromak. Ita bele descobre mos katak obstaculo no tentação atu la moris metin iha fiar no laran metin ba Maromak ne’e iha tempo ida ohin loron nian sai boot liu tan. Tentação no obstáculo atu husik ita nia fiar no la moris laran metin tamba deit ita la rona Maromak be koalia mai ita, ita rona fali mak ema sira seluk nebe mai hanorin doutrina seluk contrário husi ita ninia fiar. Hanorin sira nebe la considera Maromak hanesan Maromak, la considera  Jesus Cristo hanesan Maromak ninia oan mane mesak be ita nia Maksoin, la considera inan Virgem Maria hanesan Maromak ninia inan, ao contrário considera fali Maromak ho Maromak ninia oan mane be Maksoin-salvador ne’e hanesan ema baibain ida deit nebe bele halo buat boot sira, la comprende papel Virgem Maria be ema baibain ida duni maibe tamba ninia disponibilidade simu Maromak ninia Oan mane Maksoin mundo nian iha ninia kanotak halo nia sai Maromak ninia inan mas que nia laos Maromak. Nia Maromak inan duni basa Maromak halo-an ba ema liu husi ninia knotak no nia mak kous Maromak ninia Oan mane mesak.

Maun alin doben sarani sira, doutrina falço no contrário sira nee iha ita nia leet atu koko hafraku no sobu ita ninia fiar, sobu no halakon ita nia laran metin ba Maromak. Sira sei hanorin duni nune’e hodi dehan katak: ita nia prática moris sarani sira nian iha ita nia realção ho Maromak no ho maun alin santo sira seluk be horik hamutuk ona ho Maromak ne’e sala hotu, dehan ita ninia prática cultural sira be hatudu ita ninia identidade sira nee mos salah hotu hodi hanorin fali buat seluk nebe mai hanesan ideologia deit, nebe la reconhece Maromak hanesan Maromak maibe minimiza Maromak hanesan deit ema baibain ida. Hanorin sala sira ne’e dehan tan katak fiar nee la percisa pática, iha deit fiar to’o ona, nebe la percisa tuir sacramento sira, la precisa reza, la precisa oferece ka tuir sacrifício misa, la percisa halo caridade, la percisa fo sasin moris sarani sira nian be identifica ita nundar sarani ida.

 

Maun alin sira, hanorin ida hanesan ne’e halo fiar nee sai hanesan mos ideologia ida deit. Oinsa mak ita bele comprende se fiar nee seim pática? Oinsa mak fiar ne’e ita la halao fali iha moris loro loron nian? Se la pática fiar nee sei sai hanesan ideologia ida deit nune ikus mai moris ksolok, paz, domin, laran luak no laran metin concreto nee ita la hetan to’o halo ita lakon tan moris rohan laek basa wainhira la prática ita nia fiar ita nunca bele hare hetan buat lalehan nian sira nebe invisivel mai ita, ita sei labele hateke ba Lalehan hanesan ita ninia destino último, ita nunca bele experimenta Maromak ninia maksoin be sai fonte moris rohan laek nian mai ita.

Maun alin doben consciente ba ita ida idak ninia moris iha fiar no iha laran metin nee to’o oras ne’e dadaun oinsa, obstáculo no tentação ba ita nia fiar no ita nia laran metin iha Maromak boot oinsa ne’e mai ita nundar sarani continua hakasan rona nafatin ba ita ninia Maromak be koalia mai ita loro-loron hodi moris klean no metin liu tan iha ita nia fiar liu husi prática concretamente dalan moris sarani nian nundar Na’i Maromak haraik mai ita hodi nune ita bele moris kedas ona iha mundo ne’e realidade invisivel lalehan nian, bele hetan kedas ona maksoin ba ita ninia moris no ikus mai moris ida nune’e bele sai completa ka nakonu lolos hamutuk ho Maromak iha lalehan. Mai ita cuidado diak liu tan ita nia fiar, pratica klean liu tan ita nia fiar, hamtein no haburas liu tan ita nia fiar ba Maromak Aman, Oan no Espirito Santo hodi fiar no laran metin ba malu ho maun alin sira seluk iha ita nia moris hamutuk nundar familia Maromak mesak ida deit ninia familia. Amen.

 

Becora, 11.08.2019, Pb.

MORIS HANESAN AVIÃO IDA; SE NIA PARA, NIA SEI MONU

Leitura & Reflexão Domingo XIX Tempo Comum-Ano C 2019

 

Primeira Leitura                       Sab. 18, 6-9

Lia housi Livro Sabedoria:

Na’i Maromak fo hatene sai kedas ba ita nia bei-ala sira kalan nebé Nia halo mate Egipto sira nia oan mane boot sira hotu. Nune’e, hatene tiha lolós katak sira fiar Maromak futar lia, sira bele laran metin liu tan. Na’i, Ita povo titu hela ema di’ak sira nia maksoyn no ema aat sira nia susar. Nu’udar Ita fo todan ba ami nia funu baluk sira, nune’e mos Ita bolu ami atu hela hanesan Ita nia emar, hodi hahí Ita. Ema di’ak sira nia oan hasa’e sub-subar sacrifício ba Maromak; sira hotu-hotu laran ida de’it, hodi hakotu lia ida nune’e: “ema santo sira sei hetan mos di’ak no aat hodi hananu tuir bein sira nia lisan”.

Maromak Futar Lia.

 

Salmo Responsorial                                                                                                                              Sal. 32(33), 1. 12. 18-19. 20. 22

Refrão : Rahun di’ak ba povo nebé hili Maromak ba nia Na’in!!! Repete-se

Ema di’ak haksolok iha Na’i

Ema laran mos hana’i Maromak.

Rahun di’ak ba povo nebé hili

Na’i ba nia Maromak;

Reino nebé, Maromak hili ba Nia liman rohan. Refrão

 

Maromak tau matan ba nia atan sarani,

Tau matan ba sira nebé hein Na’i nia domin,

Atu kasu klamar sira housi mate,

Hodi haraik moris iha susar laran. Refrão

 

Ita neon hein Maromak

Nia, ita kbiit, ita mahein.

Haraik Ita kmanek mai ami:

Na’i, ami hein Ita tulun. Refrão

 

Segunda Leitura                                                                                                                                                                Heb. 11, 1-2. 8-19

Lia housi surat ba sarani Hebreu sira:

Maun-alin sira: Fiar mak di’ak nebé ita sei hein hela. Fiar mak hatudu katak sasán sira nebé ita la haré, iha duni. Tan fiar, Maromak hili ita nia bein sira. Tan fiar, wainhira Na’i Maromak bolu Abraão, nia halo tuir de’it, hodi la’o ba rai nebé Maromak atu haraik ba nia. Nia tur iha ai-hun, hanesan Isaac no Jacob, nebé simu hamutuk ho nia liman rohan Na’i hakotu lia atu fó. Basá, Abraão hein tebes atu hetan cidade ida nebé hatuur iha rai metin; cidade ne’e, Maromak rasik mak hanoin atu halo, Nia rasik mak harí. Tan fiar, Sara mos, maski ferik liu ona, simu kbiit atu hako’us, basá nia fiar lia nebé Na’i Maromak hakotu ona, kona ba nia. Tan ne’e, housi ema ida de’it, maski nia katuas liu ona, moris ema barak teb-tebes hanesan fitun iha lalehan, hanesan rai henek iha tasi ibun. Sira hotu fiar to’o mate, la to’o hetan di’ak nebé Maromak hakotu lia atu fó. Sira haksolok hodi hateke de’it housi dook ba di’ak sira ne’e; sira dehan katak sira ema mai housi rai seluk ida, sira ema la’o rai iha mundo rai klaran. Ema sira nebé bele hateten nune’e, sira hatudu mai ita katak sira buka hela rai ida. Sira hanoin karik sira rain, sira bele fila fali ba. Maibé, lae! Sira buka rai ida be di’ak liu, rai ne’e lalehan. Nune’e, Maromak rasik la moe atu hela hanesan sira nia Maromak. Tebes duni, Na’i Maromak harí cidade ida ne’e ba sira. Tan fiar, Abraão saran Isaac ba mate, wainhira Maromak koko nia. Abraão nia oan mane mesak Isaac nebé atu saran ona ba mate, kona ba oan ne’e, Maromak hakotu lia ida, dehan: “Housi Isaac, sei moris ema nebé sei lori ó nia naran”. Abraão hanoin katak, Na’i Maromak bele halo mate, sira moris fali. Tan ne’e, nia simu fali nia oan, maibé, nia simu oan ne’e, hanesan sinal ida.

Maromak Futar Lia.

 

Aclamação                                                                                                                                                                                        Luc. 12, 40

Refrão : Aleluia, Aleluia!! Repete-se

Hadi’a nafatin imi laran, tan tempo nebé imi la dun hein

Mane Maksoyn hiit-An mai. Refrão

 

Evangelho                                                                                                                                                                                     Lc. 12, 32-48

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus lia tun ba Escolante sira nune’e: “Reino kiik keta ta’uk, basá, Na’i Maromak hakarak haraik Reino ba imi. Fa’an imi nia sasán hodi fó esmola. Imi halo ba imi hahalok nebé la bosan, halibur ba imi soin nebé la mohu iha lalehan. Iha lalehan, naókten sei la besik, mirai sei la han. Basá, iha fatin nebé ó halot ó nia soin, iha fatin ne’e mós ó sei tau ó laran. Kesi metin imi nia futu-kabun. Halo imi nia áhi oan moris nafatin. Imi sei moris hanesan ema nebé hein hela nia Na’in wainhira fila mai housi festa káben, atu bele loke kedas odamatan iha oras nia to’o mai. Rahun di’ak teb-tebes ba atan sira nebé hadér hela, wainhira nia Na’in to’o mai. Tebes, Ha’u dehan kedas ba imi: Na’i ne’e sei ba hatáis hodi haruka nia atan sira ba tur iha mesa. Hafoin, Nia sei fila housi sira leet hodi serbí sira. La dauk kalan boot, ka rai fahe rua ona, mak Na’i ne’e to mai karik, maibé, hetan nia atan sira sei hader hela. Tebes, atan sira ne’e sei hetan rahun di’ak duni. Imi rona didi’ak ida ne’e: uma na’in ida hatene karik tuku hira mak na’ok-ten atu mai, nia sei la husik na’ok nia uma laran. Imi mós haré didi’ak, basá, iha oras nebé imi la hanoin kona, Mane-Maksoyn sei hiit-An mai”. Pedro simu ba Jesus, dehan: “Na’i, Ita haktuir aiknanoik ida ne’e mai ami de’it, ka ba ema seluk mós?” Jesus lia tun ba nia: “Maibé, sê lós ema di’ak no matenek atu Na’i foti nia hanesan ulun ida atu fahe ai-han, tuir lolós oras, ba Na’i nia emar sira ida-idak? Atan nebé hatene halo nune’e, wainhira nia Na’in to’o mai; atan ne’e hetan di’ak duni. Tebes, Ha’u dehan kedas ba imi: Na’i sei halo atan ne’e ukun nia uma laran tomak. Maibé, atan ne’e keta hanoin karik iha nia laran: ‘Ha’u nia Na’in, kleur mak sei to’o’. Nune’e, nia baku atan mane no feto sira, nia han, hemu to’o lanu. Iha oras ne’e, nia Na’in sei to’o mai, iha loron nebé nia la hanoin kona, nia Na’in sei haketan nia, tau nia hamutuk ho ema aat sira”.

Lia Maksoyn.

 

 

Reflexão :

MORIS HANESAN AVIÃO IDA; SE NIA PARA, NIA SEI MONU

Maluk Cristão sira….certamente balu pernah sente ona oinsa sae avião. Bai-bain, molok avião atu semo (take off/lepas landas), iha avizo ida nebé dehan: ba passageiro sira nebé ami respeita, bem vindo iha avião Air Timor. Chefe ba ita nia voo (penerbangan) ida nee mak capitão Carlito Araujo. Avião ida nee completa ona ho odamatan 2; ida iha parte oin no ida seluk iha parte kotuk. Avião ida nee mos completo ho janela emergência; 2 iha cabina parte oin no 2 seluk iha cabina parte kotuk.

Passageiro sira nebé ami respeita, basea ba regulamento avião nian, pramugari sira sei fo exemplo oinsa bele utiliza cinto (sabuk) de guarda, oinsa bele loke.

Ami mos sei hanorin oinsa uza pelambung wainhira avião tun emergência iha be leten ou tun iha tasi laran.

Essência husi aviza ou informação hirak nee hotu mak; atu prepara passageiro sira wainhira mosu acontecimento ruma nebé ema la espera. Maibé, wainhira ita observa didiak lalaok passageiros sira wainhira rona aviza nee, certamente ema balu deit mak rona sério ba avizo nee, passageiro balun la tau atenção tanba sira toman/costuma ona ho aviza hirak hanesan nee, tan sira rona bebeik ona.

Iha leitura Evangélica Domingo semana nee, Jesus ita bele compara hanesan pramugari ida nebé explica kona ba ponto importante balun nebé relaciona ho ita nia avião da vida (pesawat kehidupan) nebé ita hot-hotu hola parte nudar passageiro iha avião refere nia laran.

Jesus nia Lia Fuan murak nudar alerta ida ba ema hotu atu matan moris neon nain ba novidade nebé mosu maibé, ita la espera. Jesus convida ita nobun atu matan moris neon nain, laos iha situação nebé halo ema tauk maibé matan moris neon nain iha Fé no Esperança.

Moris nee lao bebeik ba oin hanesan ponteiro relógio ida nebé dulas la para. Nunee, ita nia vida mos lori dadaun ita ba fragilidade isin nian nebé ita la escapa. Ba ida nee, ema budhista sira hatoo sira nia analogia ida dehan;”Wainhira ita moris mai, mundo haksolok no ita tanis tan nee, esforço-an ba atu wainhira ita mate, mundo tanis, ita haksolok”.

Dala barak ita sente moris nee hanesan laloran boot ida nebé tun sae-tun sae hela deit. dalaruma ita sente moris nee valor boot duni, dala balu mos ita sente moris nee bai-bain deit, moris nee hanesan deit. Ema hedonista (ema nebé buka gosto deit) sira dehan: Moris nee dala ida deit tanba nee, diak liu goza tiha kedas tanba quando ita mate hotu ona. Ba ema fiar nain sira, tau convicção (keyakinan) ida dehan: Moris nee graça ida tanba nee, halo moris nee didiak tuir Maromak haruk basá, se ita hatene halao moris nee didiak, maske moris dala ida deit mos natoon ona tanba liu tiha mundo nee, ita sei hetan moris rohan laek iha Cristo Jesus. Dinâmica moris hirak nee halo de tal maneira que ema lobuk moris lakon esperança.

Amu lulik ida hatoo nia experiência nunee: iha tinan 2005 liu ba, nia sae avião Adam Air husi Batam; distrito ida iha Sumatra neba atu ba Jakarta. Iha momento neba, clima la dun diak tanba udan boot, anin boot no kalohan falun metin. Maibé, compahia Adam Air obriga atu voo (penerbangan) ba loron nee, tem que halao duni. Wainhira avião semo ona too altitude nebé determinado, avião nee sente hanesan semo iha fatin deit tanba nia la bele atu semo tama kalohan no anin nebé boot. La kleur deit avião semo badak fali hodi hentan força hafoin semo aas fali hodi too lalais fatin destinado. Passageiro sira hotu inclui mos amu lulik nee sente hanesan fuan atu monu sal-sala tanba avião semo nakdoko no tun sae hela deit……….

Reflecte ba momento hirak hanesan nee, ita bele foti lição ruma husi neba. Habadak lia, ita bele dehan; ho duração moris nebé frágil no badak nee, Maromak hakarak hanorin ita atu fo valor ba moris nee basá, moris nee iha valor boot iha Maromak futar oin.

Moris nee graça ida nebé valor boot tebes husi Maromak. Maromak halo moris nee hanesan mistério boot nebé ema la hatene tuir wainhira mak nia atu remata. Ba ida nee, Jesus sempre bolu atenção hodi hanorin katak; matan moris-neon nain basá, ita la hatene wainhira mak Nai too mai. Iha Ai-knanoin Evangelho Domingo semana nee, Jesus rasik hakarak revela factus ida katak ita nia mate bele mosu mai iha qualquer tempo.

Ida nee laos significa Maromak atu tau laço ba ita hanesan ema naok ten nebé mai naok maibé, Jesus hakarak justifica deit katak; ida nebé mak hadau ita nia moris mak mate nee rasik (pecado) laos Maromak. Maromak mak buat hotu nebé moris nia hun no abut.   

Tuir los, Maromak lakohi atu ema hetan mate (monu ba pecado) maibé, dalaruma ita rasik mak hakarak monu ba nakukun mate nian. Iha relato Evangelho kona ba Lázarus nia mate, ita bele haree passagem nee nudar exemplo ida oinsa Maromak hakarak ema hotu hetan moris. Wainhira rona katak Lázaro mate ona liu loron tolu, Jesus tanis ba nia belun Lázaro. Ita bele husu; tansa Jesus tanis ba Lázaro nebé mate ona? Nudar ema, Jesus tanis ba Lázaro tanba Nia hatene katak: hori uluk kedas Maromak lakohi atu ema hetan mate.

Ita bele husu tenik; se nunee, tansa ema tem que hasoru realidade mate nian? São Paulo hatan hodi dehan: ”Upah maut adalah dosa (Rom 6:23), tetapi karunia Allah ialah hidup yang kekal dalam Kristus Yesus, Tuhan kita. Melalui Yesus, Allah menganugerahkan kehidupan kekal bagi kita//É que o salário do pecado é a morte; ao passo que o dom gratuito que vem de Deus é a vida eterna, em Cristo Jesus, Senhor nosso”. Nee significa katak: Maromak haraik moris nee nudar graça eh dom gratuita ida maibé, pecado mak halo ema tem que hasoru mistério mate nian.

 

Incertesa (ketidak pastian) iha moris nee, tuir los la bele sai hanesan ameaça ida ba moris nee. Ita precisa utiliza moris nee ba lalaok diak sira. Ita mos consciente katak; ema hot-hotu nem ida mak hakarak hasoru realidade mate nee. Ita mos la hatene los será que ita sei hetan nafatin oportunidade hodi halao moris nee diak liu tan iha loron aban? Buat hot hotu mistério hela deit. São Paulo dehan; bah hau, Moris mak Cristo no mate nee sorte ida.

Amu lulik ida hatoo tan nia experiência ida katak; fulan hirak liu ba, nia ba celebra missa matebian iha capela ida hodi hanoin senhor ida nebé mak foin mate. Família sira haktuir katak; senhor nee foin simu Sacramento Matrimónio no la kleur deit nia mate de repente. Iha momento nee, nia ba halo exercício (latihan/olahraga) hafoin nia fila mai uma, iha kalan nee kedas nia mate nunee deit. Ita la imagina oinsa Família nee sente triste ho senhor nee nia mate nebé sira nunca hanoin atu acontece nunee.  

Ita la hatene será que ita sei hetan nafatin realiza ita nia plano sira iha mundo nee hotu tiha mak ita foin bele mate? Maibé, ita hotu iha oportunidade/biban hodi fiel no responsável ba moris lor-loron, hanesan atan nebé ita rona iha Evangelho Domingo semana nee.

Iha ai-knanoik ida iha tempo uluk, haktuir katak; palhaço/badut (ema nebé halo cómico iha teatro sira) ida horik iha palácio liurai nian ida. Ninia knaar principal mak halo cómico atu halo liurai ho ninia convidado sira sente haksolok no hamnasa iha festa boot sira. Liurai sempre contente ho lalaok cómico sira nebé nia apresenta. Badut nee sempre apresenta cómico nebé oi-oin deit.

Iha loron ida, palhaço nee comete falhanço boot ida nebé obriga nia tem que hetan condenação ba mate. Nia ema kaer toman halo sala ho Liurai nia oan feto. Molok hetan condenação mate, Liurai bolu palhaço nee hodi hateten: ”hau hanoin hikas ona teatro cómico sira hotu nebé o halo ona ba hau. Hau mos hanoin hetan oinsa o sempre halo hau haksolok ho cómico hirak nee. Tan nee, hau hakarak atu o hili rasik maneira oinsa hau bele condena o ba mate”.
Rona tiha nee, palhaço nee hanoin oitoan hafoin hatan ba liurai dehan: ”Nai liurai, ita laran kmaan karik, hau hakarak mate wainhira hau idade ona. Agora la bele oho lai hau. Rona tiha pedido nee, liurai sente cómico no hamnasa kumu kabun, too ikus liurai cancela tiha castigo nee hodi haruka palhaço nee servi nafatin iha liurai nia palácio.

Ita hotu certamente hakarak wainhira katuas-ferik tiha lai mak foin bele mate/husik mundo nee. Maibé, ita la hatene será que ita sei hetan nafatin biban hanesan nee? Eh keta aban dader ita mate ona karik?

Ita nobun iha nee nudar Maromak nia servidor/manu ain. Iha Evangelho Jesus hatete: ”Rahun di’ak teb-tebes ba atan sira nebé hader hela, wainhira nia Na’in too mai. Atan nebé hatene halo nunee, wainhira nia Na’in to’o mai, atan ne’e hetan di’ak duni// hamba-hamba yang didapati tuannya berjaga-jaga ketika ia datang”. Hamba yang setia dan bertanggung jawab tidak akan takut soal kapan tuannya itu akan datang. Hamba yang tidak setia melihat itu sebagai sebuah kemalangan, tetapi hamba yang setia melihat saat itu sebagai waktu yang baik”. Atan nebé matan moris neon nain sempre hein wainhira mak nia Nia too mai. Bele iha dader, bele iha kalan, bele iha kalan fahe rua ou bele iha qualquer tempo.

Liu husi reflexão Domingo semana nee, ita hotu hetan chamada de atenção hodi horik nafatin iha sentido matan moris neon nain (vigilância). Precisa mos ita reflecte Santa Teresa de Calcuta nia lia murak nebé dehan: Maromak laos bolu ita hodi hetan sucesso maibé, Maromak bolu ita hodi sai fiel// Kita tidak dipanggil untuk menjadi sukses, tetapi untuk setia”.

Ita termina reflexão nee ho conlusão badak ida hodi dehan: Moris Cristão nudar avião ida. Se ita para, ita sei monu//”Hidup Kristiani adalah seperti sebuah pesawat. Jika anda berhenti maka anda akan jatuh“. Assim seja e Bem Haja. (ignaslopes).

 

 

RIKU IHA MUNDO-KIAK IHA LALEHAN

(Leitura no Reflexão ba Domingo Comum XVIII-Ano C 2019)

 

Primeira Leitura      Co. (Ecle) 1, 2; 2, 21-23

Lia housi Livro Eclesiastica:

“Sasán furak no kmanek ema nian – hateten Coeleth – sasán furak no kmanek wain ema nian, furak no kmanek leet de’it!” Ema bele serviço ho ulun, bele serviço ho matenek, bele serviço to’o rohan: nia sei husik nia riku-soin ba ema nebé la tau liu liman ba serviço ne’e. Serviço ida ne’e, kmanek leet de’it. Serviço ida ne’e, susar boot ida. Ne’e duni, ema ida ne’e, nia badinas karik ba, nia matenek boot karik ba, nia fakar kosar-wén iha rai-klaran karik ba, nia hetan sá ida lós ho buat hirak ne’e hotu? Loron-loron nia hetan mak neon-sala iha nia moris tomak. Ninia badinas sai naha boot ida. Kalan mós, nia laran la metin, la hakmatek. Buat hirak ne’e hotu, kmanek leet de’it, furak leet de’it”.

Maromak Futar Lia.

 

Salmo Responsorial                                                                                                                                           Sal. 94(95), 1-2. 6-7. 8-9

Refrão : Ohin imi rona karik Na’i nia lian, Imi keta haksumik imi laran!!! Repete-se

Mai hananu haksolok,

Mai haklaken ita nia kbiit maksoyn.

Hakbesik ba Na’I hodi fó agradece;

Hananu haksolok ba ita Na’in. Refrão

 

Mai, tuku-tur ba rai,

Hana’i Maromak be hakia’ak ita.

Na’i, ita nia Maromak;

Ita nia povo, Nia bibi oan. Refrão

 

Rona Na’i nia lian,

Keta haksumik imi laran,

Hanesan uluk iha rai fuik maran,

Imi aman sira koko Ha’u,

Maski sira hare kmanek oin-oin Ha’u halo ba sira. Refrão

 

Segunda Leitura                                                                                                                                                                    Col. 3, 1-5. 9-11

Lia housi São Paulo nia surat ba sarani sira iha Colósso:

Maun-alin sira: imi moris hias ona ho Cristo! Tan ne’e, imi sei tau matan de’it ba sasán leten nian. Cristo moris hias, iha lalehan, tur iha Aman Maromak sorin kwanan. Imi nia laran sei monu de’it ba lalehan nia di’ak. Keta hadomi sasán rai-klaran ne’e nian. Imi nia moris subar hela iha Maromak, hamutuk ho Cristo, tan imi mate tiha ona ho Cristo. Wainhira Cristo hiit-An fila hikas mai, imi nia moris sei sai kmanek lolós hanesan Cristo nian. Basá, Cristo imi nia moris hun. Ne’e duni, halo susar imi nia laran nebé hakarak tuir rai nia lisan áat. Katak: moris áat, sala fo’er, lisan áat sira, hanoin áat, karak-ten. Salan sira ne’e halo ema hanesan adora lulik. Imi be soe tiha ona imi nia ema tuan ho nia hahalok áat sira, imi sira ne’e keta lohi malu! Imi, ema foun ona, ema foun nebé hafoun-an nafatin tuir Maromak nia ílas atu bele sai ema matenek lolós. Oras ne’e, la iha ona grego ka judeu; la iha ona ema simu circuncissão ka ema la dauk simu circuncissão; la iha ona atan ka ema la atan ona. Cristo mak iha, Cristo mak tomak, Cristo mak hôrik iha ema hotu-hotu.

Maromak Futar Lia.

 

Aclamação                                                                                                                                                                                           Lc. 21, 36

Refrão : Aleluia, Aleluia!! Repete-se

Neon moris, hamutuk nafatin,

Atu imi bele hasouru Mane Maksoyn. Refrão

 

Evangelho                                                                                                                                                                                      Lc. 12, 13-21

Na’i Jesus Cristo nia Evangelho nu’udar São Lucas haktuir:

Iha tempo nebá, housi ema lubun sira leet, ema ida dehan ba Jesus: “Mestre, dehan ba ha’u nia maun atu fahe liman-rohan ba ho ha’u”. Maibé, Jesus hatán ba nia: “Belun, sê mak foti Ha’u ba Juíz? Sê mak haruka Ha’u atu fahe imi nia sasán?” Hotu tiha, Jesus lia tun ba sira hotu: “Imi loke matan haré: Keta kaan sasán naran-naran de’it! Laós ema nebé iha soin barak mak hetan moris naruk!” Hafoin, Jesus haktuir aiknanoik ida ne’e: “Ema riku ida nia toos maka’as teb-tebes. Ema ne’e, tur hanoin iha nia laran nune’e: ‘Ha’u sei halo sá lós, atu bele halot ha’u nia ai-han wa’in ne’e?’ Hafoin dehan: ‘Ha’u ba halo nune’e: Ha’u sei ba sobu hotu, ha’u nia armazém sira, hodi fali armazém boot; iha nebá, ha’u sei halot ha’u nia trigo no sasán hotu. Hafoin, ha’u sei dehan ba ha’u nia klamar: ‘Klamar, ó iha buat barak, halot hela ba tinan barak. Descansa hodi han hemu hakmatek’. Maibé, Maromak hatán ba nia: ‘Laran makerek! Kalan ne’e duni sira sisi ó atu saran ó nia klamar. Buat nebé ó halibur hela, hela ba sê lós? Nune’e mós, ema nebé halibur hamutuk riku-soin ba nia an rasik, maibé, ki’ak hela iha Maromak Futar oin”.

Lia Maksoyn.

 

 

Reflexão;

RIKU IHA MUNDO-KIAK IHA LALEHAN

Sasan furak no kmanek ema nian, furak no kmanek leet deit!… nia hetan saida los husi buat hirak nee hotu? Jesus dehan: Laós ema nebé iha soin barak mak hetan moris naruk! Se mak hakarak resin sasan oi-on husi liur, nee tanba nia mamuk husi laran (Pe Leo scj). Tanba nee mak São José Maria Escrivá (Fundador: OPUS DEI) hatete lia murak ida nunee: “Laos ita hotu bele sai riku, sai matenek, sai conhecido maibé, ita hotu hetan bolu ba santidade”.

Domingo semana ida nee, ita hanai no agradece ba Maromak basá, Ninia Futar Lia Fuan lori ita nia atenção oinsa la bele fo importância deit ba sasan mundo nian maibé, precisa mos fo importância ba sasan lalehan nian (moris santidade).

 Livro Eclesiástica (Coelet) iha primeira leitura hamosu lia makhusuk/pergunta nebé dehan:”sa lerek mak ema hetan liu husi ninia esforço sira be nia halo?// “Apa faedah yang diperoleh manusia dari segala usaha yang dilakukannya?” ”, São Paulo iha segunda Leitura aconselha sarani Colossense sira dehan:”… imi sei tau matan de’it ba sasan leten nian… Imi nia laran sei monu deit ba lalehan nia diak. Keta hadomi sasan rai-klaran nee nian. Imi nia moris subar hela iha Maromak, hamutuk ho Cristo, tan imi mate tiha ona ho Cristo”.

Jesus Cristo rasik iha Evangelho São Lucas nian, convida ita Cristão Católico nobun hodi hanoin didiak riku-soin be ita hetan iha rai nee. Jesus hamosu pergunta ida dehan: ”Buat nebé ó halibur hela, hela ba se los?”. Iha Evangelho nia rohan Jesus bolu atenção forte liu tan hodi dehan:”…, ema nebé halibur hamutuk riku-soin ba nia-an rasik, maibé, ki’ak hela iha Maromak futar oin”.” 

 Iha leitura tolu (Primeira-Segunda leitura no Evangelho), ita la hetan impressão eh ordem ruma atu ita desvaloriza riku soin iha rai nee, nem hodi hadook-an tiha husi buat hirak nee. Basá, ema nudar criatura Maromak nian, sempre precisa no iha direito atu hetan sasan (material) atu bele sustenta moris ho digno. Maibé, furak no kmanek liu wainhira sasan nebé ita hetan iha rai nee, halo ita hatene kmanek oinsa Maromak nia glória.

Ema iha ou hetan riku soin barak nudar rezultado husi nia kosar ben, nee la bandu nem contrário ho Maromak nia vontade. Maibé, riku soin be horik iha rai nee, precisa utiliza ba ema hotu nia necessidade tuir dalan nebé kmook. Jesus, iha ai-knanoik nebé haktuir iha Evangelho São Lucas; hanorin doutrina ida hodi sai hanesan mata dalan eh bukae atu ita bele moris nudar ema liliu nudar Cristão Católica. Moris nudar Maromak nia emar nebé hatene haré ema seluk hanesan maun alin tan Cristo nia moris hias iha graça espírito Baptismo nian. Labele kaan ten resin ba sasan basa Jesus dehan: Laós ema nebé iha soin barak mak hetan moris naruk!

Jesus laos bandu atu ema esforço-an serviço hetan riku soin barak, maibé, Jesus fo hanoin nafatin atu ema la bele sai ema nebé kaan ten resin ba riku soin, hakarak hetan mesak, hakarak bou riku soin ba-an rasik, hakarak ukun mesak, hakarak hadau poder, hakarak nia partido mak diak deit, hakarak nia grupo arte marciais mak diak liu. Iha ita nia sociedade, existe maluk Cristão Católico lobuk ida mak  sai corruptor, sai mafia, sai distribuidor droga, sai agente ba tráfico humano, sai broker hodi facilita ema estrangeiro tama mai barbarak iha Timor, inclui mos comete iha ação crime oin-oin nebé cria desordem iha sociedade no pior liu tan hatun imagem Timor Leste hanesan nação foun.

Santo Padre Francisco iha nia mensagem tinan 2015 crítica sociedade ohin loron hodi dehan:”Numa sociedade embriagada pelo consumo, prazer, abundância, luxo, aparência e narcisismo, Jesus nos chama a um comportamento sóbrio, simples, equilibrado, linear, capaz de entender e viver o essencial”.

Jesus deseja katak; riku soin nebé ita iha; sai hanesan sasukat diak atu ita mos hetan riku soin iha Maromak futar oin. Atu hetan riku soin iha Maromak nia futar oin, ema precisa tau mos importância ba Reino Lalehan atu ita nia moris aban bainrua (Moris klamar nian) hetan mos diak. Tanba nee mak; Jesus iha Ninia Evangelho bolu atenção hodi dehan: “Buat nebé ó halibur hela, hela ba se los? Nune’e mos, ema nebé halibur hamutuk riku-soin ba nia an rasik, maibé, ki’ak hela iha Maromak futar oin”.

Se ita reflecte didiak relato Evangelho semana nee, liliu Nai Jesus nia ai-knanoik kona ba ema riku ho nia armazem (gudang), ita bele compreende realidade balu iha moris nee. Tuir lolos, riku soin nebé ema hetan atu facilita ema nia moris maibé, iha cidade Dili por exemplo; afinal kareta motor barak demais too impede tiha movimento ema nian. Agarafamento/kemacetan halo funcionário estado barak la serviço efectivo, estudante barak tama escola tarde, inclui mos acidente tráfico nebé loron ba loron acontece bebeik. Ema sosa motor eh kareta tanba orgulho pessoal (bangga diri) laos tanba necessidade. Se tanba necessidade karik, maibé, depois desvia tiha utilização nee. Exemplo; família ida sosa motor ida ho intenção atu facilita fen, lean no oan sira la bele tarde ba missa maibé, realidade nebé ita haré mak; laen tulan deit fen ho oan sira mai too portão Igreja hafoin laen lori fali nia motor eh kareta nee hodi fila ba uma.  Too momento sira hanesan nee, ita bele hanoin, será que riku soin hanesan kareta eh motor fo benefício/valor ba ema nia moris sarani? Eh keta loron sábado, Domingo ho loron férias sira, foin sae (jovem) barak nadodon ba santuário Ramelau hodi hasai foto tau iha facebook deit?

Iha sorin seluk, ema barak mos lamenta ho agarafamento (kemacetan) tráfico. Maske nune’e, produção kareta motor tinan ba tinan aumenta liu tan no ema rihun ba rihun mos hakarak nafatin sosa produção hirak nee. Jesus simplesmente fo imagem kona ba situação ohin loron liu husi ai-knanoik kona ba ema riku; ninia colheita sira tina-tinan aumenta too fatin la suficiente atu tau. Nune’e, ema riku ne’e hanoin atu hari’i fatin foun nebé boot liu tan atu nune’e, riku soin sira bele tau iha neba hodi sustenta nia moris ba tempo naruk. Nee nudar expressãp ida husi ema nia kaan ten nebé rohan laek. Ohin hakark ida nee, aban hakarak ida neba. Até kaben nain sira mos ohin gosta feto ida nee, aban gosta tan ida neba. Fen sira mos haré novidade nee, sira mos halo aksi balas dendam maibé kuitadu, oan sira banati hahalok diak saida husi mentalidade nee?

Afinal, maneira hanoin, atitude no lalaok hanesan nee Jesus considera hanesan lalaok beik nian. Se riku soin hirak nee fo ksolok ba nia-an deit, nee so fo ksolok durante nia moris deit. Riku soin refere la garante continuidade moris no ksolok iha mundo seluk.

Aban bainrua iha Maromak Futar Oin, sasukat no lalaok diferente ho mundo nian sasukat. Se ita hanoin deit diak ba an rasik, Jesus haré katak nee hanoin beik no kloot. Hanoin hanesan nee halo ema habosok-an deit ho imaginação nebé la fixo. Riku soin nee loron ida sei mohu nune’e deit maibé, graça Maromak nian sei horik ba nafatin. Precisa ita recorda nafatin Jesus nia lia menon iha Evangelho be tenik: ”Buat nebé ó halibur hela, hela ba se los? Nune’e mos, ema nebé halibur hamutuk riku-soin ba nia an rasik, maibé, ki’ak hela iha Maromak futar oin”. Ema hanoin katak; hodi harí uma andar boot sira, furak, naroman, nudar kmaenk rohan laek. Nee pensamento nebé falha iha Maromak nia Futar Oin; Basá, buat hirak nee dura kalan ida deit (alias loron baluk deit).

Ema Católico nebé simu we baptismo, precisa coloca Cristo nudar centro ba nia moris. Ba ida ne’e, matenek nain fiar nian balu hatete:” É Inutil ter Cristo nos lábios e o mundo no coração//la iha folin wainhira temi Cristo iha ibun no tau liu mundo iha fuan”. Tuir los, tau Cristo iha fuan no coloca mundo iha ibun deit.

Wainhira ita kaan bei-beik hodi halibur riku soin sira bar-barak, nune’e ita nia klamar mos kiak-krekas ba bebeik. Nune’e ita la hamrook ona ba sasan lalehan nian. Mundo ohin loron lori dadaun Cristão Católico sira barak mak monu tama iha onda/arus ida nee. Papa Francisco iha ninia homília wanhira visita America Latina hateten:”mundo ohin loron halo ema halibur riku-soin bulak rai too haluha tiha Jesus Cristo”.

Mai ita nobun contempla no reflecte mensagem semana nee hodi hamoris fali sentimento hamrook ba moris santidade iha Maromak Futar Oin. Hadook-an bebeik husi kaan resin ba riku soin, interece privado, interece partido, interece grupo, soe tiha egoismo, hapara corrupção, hadook-an husi droga, la bele involve tráfico humano, hakribi aborto, nee significa katak; ita halibur dau-daun riku soin iha Maromak nia oin. Utiliza ita nia riku soin sira didiak hodi descobre Maromak nia glória. Ba ida nee, Papa Francisco dala ida tan iha nia mensagem hatete nunee: ”Cristão mak ema ida nebé hanoin no halao moris tuir Maromak nia hakarak iha Espírito Santo//O Cristão é uma pesoa que pensa e age de acordo com Deus, de acordo com o Espirito Santo”. Nee duni, Maun alin sira: Imi moris hias ona ho Cristo! Tan ne’e, imi sei tau matan de’it ba sasan leten (lalehan) nian. Assim Seja e Bem Haja. (Ignaslopes).

TELEFONE HO MAROMAK (Leitura no Reflexão Domingo Comum XVII-Ano C 2019)

Primeira Leitura                     Gén 18, 20-32

Lia housi Livro Génesis:

Iha loron hirak nebá, Maromak lia tun nune’e: “Lia hasouru Sodoma no Gomorra todan teb-tebes, tan sira salan boot teb-tebes!… Ha’u sei tun ba hodi haré to’ok lia nebé to’o mai Ha’u tuir ka la tuir sira nia hahalok. La tuir karik, Ha’u sei hatene”. Iha oras ne’e, ema Na’in tolu nebé tama iha Abraão uman, husik tiha Abraão, hodi la’o ba Sodoma. Abraão sei hamriik hela iha Na’i nia oin. Nia hakbesik ba Na’i hodi hasa’e lia nune’e: “Ita Boot sei oho ema di’ak hamutuk ho ema áat? Keta iha karik ema di’ak lima-nulu iha cidade laran! Ita sei hanoin atu oho tebes sira hotu? Ita sei la haraik perdua ba cidade ne’e tan ema di’ak lima-nulu nebé tur iha cidade? Tebes, Ita sei la halo ida ne’e: Oho ema di’ak hamutuk ho ema áat, halo sira rua hetan rahun áat hanesan! Ida ne’e Ita sei la halo duni. Raiklaran nia juíz sei la halo justiça?” Na’i hatán ba nia: “Ha’u hetan karik ema di’ak lima-nulu iha cidade Sodoma, Ha’u sei perdua cidade ne’e, tan ema di’ak sira ne’e”.

Abraão hasa’e lia nafatin nune’e: “Ha’u barani hasa’e nafatin ha’u lian ba Ita, maski ha’u la folin liu rai-rahun no áhi-kdesan. Keta hela karik ema na’in lima, atu halo lima-nulu. Tan de’it ema na’in lima, Ita sei halakon cidade tomak?” Na’i lia tun, dehan: “Ha’u hetan karik ema di’ak hat-nulu resin lima iha nebá, Ha’u sei la halakon cidade”. Abraão dala ida tan hasa’e lia, dehan: “Keta iha de’it hat-nulu karik!” Na’i hatán: “Tan sira hat-nulu, Ha’u sei la sobu rahun cidade”.

Abraão hasa’e teni lia: “Ha’u Na’in, keta hirus! Tan atan ha’u hasa’e lia dala ida tan: “Keta iha de’it ema di’ak tolu-nulu iha nebá?” Na’i simu hodi dehan: “Ha’u hetan karik iha nebá ema di’ak tolu-nulu, Ha’u sei la sobu rahun cidade”. Abraão husu teni: “Atan oan sei aten barani atu hasa’e lia ba Ita: “Keta iha de’it ema di’ak rua-nulu karik?”. Na’i simu, dehan: “Tan ema di’ak rua-nulu ne’e, Ha’u sei la harahun cidade”. Abraão hasa’e teni lia: “Na’i, keta hirus atan oan: ha’u sei hasa’e lia dala ida ne’e tan: “Keta iha de’it ema di’ak sanulu iha nebá?”. Na’i lia tun, dehan: “Maski nune’e, Ha’u sei la sobu rahun cidade”, tan sira sanulu ne’e”.

Maromak Futar Lia.

 

Salmo Responsorial                                                                                                                   Sal. 137(138), 1-2ª. 2bc-3. 6-7ab. 7c-8

Refrão : Na’i, wainhira ha’u harohan ba Ita, Ita rona nafatin ha’u lian!!! Repete-se

Na’i, ho laran luak ha’u hananu ba Ita

Tan Ita rona ha’u lian.

Iha Anjo sira oin, ha’u sei hahí Ita,

Sei hana’i iha Ita kadunan. Refrão

 

Ha’u sei hananu ba Ita domin no laran di’ak,

Tan Ita nia neon di’ak tebes.

Ha’u harohan ba Ita, Ita rona ha’u;

Ha’u moris hetan íis foun. Refrão

 

Ita liman soy ha’u,

Maromak sei hato’o nia kmanek mai ha’u.

Na’i, Ita laran luak rohan laek;

Ita la hakribit sasán nebé Ita haki’ak. Refrão

 

Reino hotu nia ulun sei hahí Ita,

Wainhira rona Ita lian,

Sira hahí Ita kmanek,

Tan Nia kbiit boot tebes. Refrão

 

Segunda Leitura                                                                                                                                                                          Col. 2, 12-14

Lia housi São Paulo nia surat ba sarani sira iha Colósso:

Maun-alin sira: Tan baptismo, imi hakoi-an tiha ona ho Cristo, imi moris hias ona ho Cristo, basá, imi fiar Na’i Maromak kbiit, kbiit nebé halo Cristo moris hias housi mate. Imi mate ona, tan imi nia salan sira no tan imi ema gentio, la dauk simu circuncissão. Maibé, Na’i Maromak halo imi moris hias ona hamutuk ho Cristo. Na’i Maromak perdua tiha ona imi nia salan hotu-hotu; Na’i Maromak les tiha ona surat nebé hakerek hela ita nia salan sira. Surat ne’e mak halo ita susar iha lei nia oin. Maibé, Na’i Maromak halakon tiha ona surat ne’e, hodi hedi tiha Nia iha Cruz.

Maromak Futar Lia.

 

Aclamação                                                                                                                                                                                              Lc. 11, 9

Refrão : Aleluia, Aleluia!! Repete-se

Husu ba, imi sei simu.

Buka ba, imi sei hetan.

Tuku odamatan ba, odamatan sei nakloke. Refrão

 

Evangelho                                                                                                                                                                                         Lc. 11, 1-13

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus hamulak hela iha fatin ida. Hotu tiha, nia Escolante ida, hasa’e lia ba Nia: “Na’i, hanourin ami hamulak hanesan João Baptista mos hanourin nia escolante sira”. Jesus lia tun ba sira: “Imi hamulak dehan nune’e: Ami Aman, tulun ami hahí Ita naran. Halo Ita nia Reino to’o mai ami. Haraik ai-han loron-loron nian mai ami, atu ami bele moris. Haraik perdua mai ami salan, nu’udar ami perdua ba ema halo áat ami. La bele husik ami monu ba tentação”. Jesus lia tun teni ba sira: “Imi iha karik belun ida, iha kalan boot, imi ba karik nia uma, hodi hateten ba nia: Belun, fo netik pão fuan tolu mai, basá, ha’u belun ida foin to’o mai housi dook. Ha’u la iha liu buat ida atu fo han ba nia. Belun ne’e bele hatán housi uma laran nune’e: Keta mai book ha’u! Odamatan taka metin ona; Ha’u ho ha’u oan sira, ami toba hotu ona. Ha’u la bele hader atu fo buat ruma ba ó. Tebes, Ha’u dehan ba imi: Ema ne’e la bele hader atu fo pão tan sira belun malu, maibé, nia sei hader tan nia hakarak toba hakmatek. Tan ne’e, nia sei hader atu fo buat nebé nia belun hakarak. Ha’u mos dehan ba imi: Husu ba, imi sei simu! Buka ba, imi sei hetan duni! Tuku odamatan ba, oadamatan sei nakloke ba imi! Basá, ema hotu nebé husu, sei simu. Ema nebé buka, sei hetan. Ema hotu nebé dere odamatan, odamatan sei nakloke ba sira. Ema sê mak nia oan husu pão, fo fatuk ida? Nia oan husu karik ikan ida, fo samean ida? Nia oan husu karik manu-tolun ida, fo sakunar ida? Ne’e duni, maski imi ema áat, imi hatene fo buat di’ak ba imi oan sira; nune’e mos, imi nia Aman Lalehan sei haraik Espírito Santo ba sira nebé husu Espírito Santo ba Nia”.

Lia Maksoyn.

 

 

Reflexão :

 TELEFONE HO MAROMAK

               Progeresso tecnológica ida nebé ohin loron facilita tebes ema halo comunicação mak telemovel. Ho aparelho ida nee, habak distância comunicação entre ema ho ema. Progresso seluk hanesan media Social (Medsos) mos contribui mais fácil ba humanidade iha processo comunicação tanba bele halo voice call ho video call. Aspecto negativo husi tecnologia mak tendência ema nian hodi hasees-an husi Maromak. Husi aspecto religioso, oraação amk meio fácil no gratuito nebé facilita comunicação ema ho Maromak. Comunicação ida nee naturalmente gratuita (gratis) alias la uza pulsa. De facto, precesa tecnologia desvia ema husi comunicação gratuita ida nee. Falhanço nee laos mosu husi tecnologia nee rasik maibé, mai husi ema nebé utiliza sala liberdade. São Gregório husi Nazianze hatete; iha buat principal tolu (3) nebé Maromak hakarak husi ema hotu nebé simu ona Sacramento Baptismo; (a). Fiar nebé metin, (b). Koalia sai Lia los no (c). Hamate-an. Evangelho Domingo semana nee, Na’i Jesus Cristo convida ita nobun nudar Cristão Católico hodi compreende no respeita sentido oração iha ita nia moris.

Nudar haktuir iha São Lucas nia relato katak; Jesus reza daudaun, nudar exemplo no modelo ba ita sarani sira atu banati tuir. Iha Jesus nia maneira halo oração, iha neba ita bele haré relação no comunicação diak entre Jesus ho Aman Maromak iha Espírito Santo. Ita nudar Cristão Católico, precisa halo oração bebeik basá, oração mak maneira comunicação ao mesmo tempo oração mak sinal hodi prova ita nia fiar ba Maromak.

               Oração laos atu obriga Maromak halo tuir ita nia vontade ka hakarak sira. Oração nebé autêntico mak lalaok ida nebé nakloke no husik ita-an atu Maromak nia vontade eh Maromak nia Espírito mak habook ita nia moris. Ho oração, halo ita sai escolante nebé fiel ba Jesus, no hamutuk ho Jesus, Nia halo tuir Aman Maromak nia vontade (Providência Divina).

São Lucas Domingo semana nee, hatoo kona ba ORAÇÃO nebé hafahe ba parte 3 atu ita bele contempla hanesan:

(a). Kona ba oração AMI AMAN (PAI NOSSO; Lc 11,1-4);

(b). Kona ba PERSEVERANÇA (ketekunan) iha ORAÇÃO; Lc 11, 5-6).

(c). Kona ba resultado ORAÇÃO; Lc 11, 9-13.

               Escolante sira husu ba Jesus oinsa sira bele halo oração ho fuan tomak no perseverante ba Maromak. Jesus hatudu exemplo oração hamutuk (comunal) ema Cristão verdadeiro nian. Iha oração AMI AMAN nee, Jesus hakarak hanorin katak; Maromak nudar AMAN ida nebé tau matan ba oan sira no fo duni saida mak oan sira precisa iha moris, Aman nebé fo perdão no liberta oan sira husi tentação aat.

Oração hamutuk; escolante sira, Jesus bolu atenção hodi halao moris hanesan Jesus nia escolante lolos. Laos moris nudar individuo ou particular maibé, responsabiliza malu nudar ema fiar nain.  Oração mos nudar  oração Apostolo, tan nee oração laos nudar meio hodi chatting ho Maromak nudar HAU maibé hase Maromak nudar AMI/ITA, nebé consciente ba interece comum. Oração nebé diak precisa basea ba princípio solidadriedade, subsidiaridade no relação amizade ho ema seluk.

               Impossível ita reza sério se oração nee ba ita-an rasik deit. Nee significa katak Reino Maromak nia seidauk too mai basá, ita hamulak ba Aman Maromak katak; halo Ita nia Reino too mai ami, laos halo Ita nia Reino too mai hau mesak deit. Liu husi telemóvel ita bele hatoo informação privado ou colectivo. Iha oração Ami Aman, ita hatoo informação colectivo (informação hamutuk).

Pão eh ai-han lorloron nebé ita husu ba Maromak laos ba loron ohin deit maibé, ita precisa ai-han ba moris lor-loron nian too aban bainrua. Ita mos husu perdão ba Aman Maromak tan sala sira nebé ita halo bebeik iha moris nee. Tan Maromak laran diak, ita hetan duni perdão Maromak nian liu husi Amu lulik sira iha Sacramento Confessa/Reconciliação. Atu perdão nee kmanek liu tan, ita nudar Cristão precisa mos fo perdão ba ema ruma nebé halo aat mai ita.

Evangelho Domingo semana nee, hakarak hatur sentido laos falhanço moral nian deit maibé, aspecto material mos precisa tau iha cristão sira nia atitude; significa laos ita precisa fo perdão deit maibé, fo tulun mos ba ema nebé precisa ita nia tulun. 

Nee mak sentido fundamental husi oração AMI AMAN be Cristo hanorin. Oração nee nudar lia harohan (pedido) ba ita ema kiak sira (kiak tan halo sala bebeik iha Maromak futar oin). Oração nee precisa ita harohan bebeik laos wainhira ita precisa deit maibé, harohan nee precisa continua too Maromak bolu ita fila ba mundo seluk.

               Certeza husi Maromak nia laran luak (Misericórdia); Ai-knanoik kona ba ema ida nebé ba dere odamatan iha kalan boot hodi husu tulun ba nia belun nebé foin mai husi viagem dook. Iha ai-knanoik nee, Jesus hakarak explica kona ba caractarística oração verdadeira, ai-knanoik nee so hetan deit iha Evangelho Lucas nian. Iha neba ita rona katak; fo-foun uma nain rejeita hodi fo tulun ho razão oioin nebé baibain mosu iha comunidade, maibé, ikus mai uma nain nee disponibiliza hodi tulun duni nia belun nebé mai dere odamatan iha kalan boot. Nunee, se ita ema koko aplica lalaok nee, certamente Aman Maromak iha lalehan sei loke matan ba ita nia oração sira nebé ita hatoo ho intenção lubu-lubuk nee. Maromak la taka matan ba ema sala nain nia lalaok basá, Aman Maromak laran luak duni (misericordioso) hodi rona ita nia hamulak. Ho Maromak buat hotu hetan certesa basá, Maromak nee consistente iha Ninia promessa sira. tanba nee mak Jesus hatete iha Evangelho katak; tuku ba, odamatan sei nakloke.

Nee mak provas ida katak; sucesso husi ita nia hamulak eh oração laos depende ba ita nia capacidade hodi formula oração maibé, barak ou oitoan, kleur ou lais, badak ou naruk, nee depende ba Aman Maromak nia laran luak no ema nia disponibilidade husi ema hodi husu eh dere odamatan Maromak nian. Maromak nia laran luak nee ita Cristão Católico so bele simu wainhira ita consciemte duni katak ita nia pecado halo ita kiak tebes iha graça Maromak nian. Ita nudar Aman Maromak nia emar eh oan doben sira, precisa hatene diak no aat saida mak ita halo ona ba Maromak liliu ba ita nia maluk sira. Assim Seja. (Ignas Lopes)

 

KAER TELEMÓVEL VS KAER TERÇO

Leitura no Reflexão ba Domingo Comum XVI-Ano C 2019

 

Primeira Leitura                  Gén 18, 1-10ª

 

Lia housi Livro Génesis:

Iha loron hirak nebá, Na’i mosu ba Abraão besik ai carvalho Mambré. Iha oras rai manas liu, Abraão tur hela iha oadamatan.

Abraão foti matan, haré ema Na’in tolu, hamriik hela iha nia oin. Haré tiha sira, Abraão ba hasouru sira. Hafoin, Abraão hakru’uk to’o rai, hodi hasa’e lia ba sira dehan: “Na’i, ha’u hetan karik di’ak iha Ita futar oin , ha’u husu atu Ita keta liu de’it, maibé, tama mai tur witoan iha atan nia uma. Ha’u sei ba hola wé witoan atu fase Ita ain. Tur hola mahan witoan iha ai-hun ne’e. Ha’u

sei buka ai-han ruma; hola tiha mak Ita bele tuir Ita dalan. Tan ne’e, mak Ita liu hous Ita atan oin”. Ema sira ne’e hatán: “Di’ak, halo tuir ó hateten”. Abraão ba kedas buka Sara iha uma laran, hodi dehan ba nia: “Ba lori lalais farinha luhu tolu mai atu halo pão ruma”. Abraão halai ba kaer karau vaka oan ida, sei nurak no bokur liu. Hafoin, Abraão fó karau ne’e ba atan ida atu oho be te’in. Hafoin, Abraão lori mai manteiga foun ho susu-wén no mós na’an karau oan be te’in ona. Nia tau hotu iha sira Na’in tolu oin; Abraão hamriik besik sira iha ai-hun. Sira Na’in tolu hahú han. Hafoin, sira husu ba Abraão: “Ó nia kaben Sara iha nebé?” Abraão hatán. “Iha nebá, iha uma laran”. Sira ne’e ida dehan ba nia: “Liu tinan ida, Ha’u sei fila mai housi ne’e, ó nia kaben Sara sei hetan oan mane ida”.

Maromak Futar Lia.

 

Salmo Responsorial                                                                                                                                                   Sal. 14(15), 2. 3. 4. 5

Refrão : Na’i, sê mak bele hela iha Ita kadunan? Repete-se

 

Ema nebé buka moriss tuir dalan lós,

Buka moris tuir justiça,

Buka hanoin de’it lialós. Refrão

 

Ida nebé la foti lia bosok,

La halo aat ba ema seluk,

La hakribi nia maluk. Refrão

 

Ida nebé la moris aat,

Maibé, halibur ho sira nebé hamta’uk Maromak,

La soe lia nebé hakotu ona. Refrão

 

Ida nebé la hein atu selu nia kolen,

La kohi hatatan ema laran kmaus:

Ema ne’e sei la monu. Refrão

 

Segunda Leitura                                                                                                                                                                         Col. 1, 24-28

Lia housi São Paulo nia surat ba sarani sira iha Colósso:

Maun-alin sira: Iha oras ne’e daudaun, ha’u haksolok, basá, ha’u terus tan imi. Ha’u tau mai ha’u an rasik Cristo nia terus, tan Cristo nia isin lolon mak Kreda. Ha’u sai Cristo nia Na’ilulik, basá, Maromak haraik knaar ne’e mai ha’u: atu haklaken Maromak nia lia-fuan ba imi. Lia-fuan nebé Maromak subar hela ba tempo no otas uluk nian, maibé, ohin loron, Maromak fo hatene ona ba sarani sira. Maromak hakarak fo hatene ba sira oin sá mistério ne’e nia kbiit wa’in teb-tebes ba gentio sira: Cristo iha imi nia leet hodi fo laran metin, atu imi hetan glória. Ami haklaken Cristo, wainhira ami ko’alia ba ema hotu-hotu hodi hanourin sira ho ami nia matenek tomak atu lori sira hotu ba kmanek nebé Cristo haraik mai.

Maromak Futar Lia.

 

Aclamação                                                                                                                                                                                          Lc. 10, 42

Refrão : Aleluia, Aleluia!! Repete-se

Iha buat di’ak ida de’it.

Tebes, Maria hili ona kmanek ne’e. Refrão

 

Evangelho                                                                                                                                                                                     Lc. 10, 38-42

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus tama tiha iha knua ida. Feto ida, naran Marta, simu Jesus iha nia uman. Marta iha alin feto ida, naran Maria. Maria tur besik Jesus nia ain, hodi rona hela Jesus ko’alia. Marta fali serviço maka’as iha uma laran. Tan ne’e Marta hateten, hodi hasa’e lia ba Jesus: “Na’i, Ita la haré katak ha’u alin ne’e husik ha’u kaer mesak serviço? Dehan ba nia, mai tulun ha’u!” Jesus lia tun ba Marta: “Marta! Marta! Ó hanoin buat barak, ó la’o kole ba buat oi-oin. Maibé, buat ida de’it mak lós liu. Maria hili ona buat di’ak ne’e. Di’ak ne’e, ema ida sei la hasai housi nia”.

Lia Maksoyn.

 

 

Reflexão :

KAER TELEMÓVEL VS KAER TERÇO

Aman sadia ami basá, ami:

  • Enche pulsa ba telemóvel barak liu fali tau osan ba caixa esmola.
  • Kaer telemóvel barak liu do que kaer Terço”.
  • Le chat iha facebook barak liu do que le Bíblia”.
  • Koalia Telefone mak barak liu do que visita família”.
  • Loke ibun koalia bobar do que “hakneak” koalia ho Maromak.
  • Selfie foto barak liu do que haré Jesus nia imagem iha Sacrário.

Oh Aman perdua ami. Basá,….

  • Ami sosa pulsa 1 dollar sente la too maibé ami tau esmola 1 dollar boot demais.
  • Tulun ami atu ba oin, ami bele limite kaer telemóvel hodi fo biban ba kaer terço.
  • Halo ami aprende hamate-an hodi simu ami nia Cruz…hodi tuir Jesus.

Amen.

Na’i sê mak bele hela iha ita kadunan? Ida nebé la foti lia bosok, Ia halo aat ba ema seluk, Ia hakribit nia maluk. Esudante matebian João Bosco Colo Batan nebé ema oho iha Jogjakarta-Indonésia halo Timor oan barak inclui ninia maluk estudante indonésio sira sente triste. Pior liu mak, liu husi media social, ita bele desconfia katak motivo husi Bosco nia mate nee tanba arte marciais. Motivo seluk nebé halo ita hanoin la too mak; desconfia katak matebian Bosco nee maluk Timor oan seluk mak oho fali. Tuir boatus nebe espalha no seidauk confirmado katak; motivo seluk husi assassínio (pembunuhan) nee, além de arte marciais, mak problema osan.

Será que wainhira matebian hanesan Bosco mate tiha, problema remata ona? Lae? Ida nee sei hamosu tan ódio no vingança ba tempo naruk. Prémio saida mak ita hetan wainhira ita oho ema ida tan deit nia la pertence ba ita nia grupo? Valor saida mak ita hetan wainhira ita defama ema husi partido seluk tan deit nia la pertence ba ita nia partido?

Amu Papa Francisco tinan 2 rua liu ba wainhira visita America Latina, iha Homília hateten; “Ohin loron ema hadau malu halibur riku soin too haluha tiha Jesus Cristo”. Iha contexto Timor Leste nian, político sira hadau malu ukun, arte marcial sira hadau malu recruta ema hodi hatudu massa (quantidade membro), povo inocente sira hadau malu caixão.

Evangelho São Lucas semana nee convida ita nobun hodi halo balanço entre isin lolon nia precisa no klamar nia precisa (ORA et LABORA). Evangelho haktuir kona ba Marta ho nia alin Maria iha Betânia besik Jerusalém. Enquanto iha primeira Leitura Abrrão ho haraik-an acolhe (simu) bainaca nain tolu nebé lao liu husi nia barraca. Leitura rua nee nia lalaok principal hakarak justifica kona ba obrigação ita ema precisa rona bebeik Maromak nia Lia fuan no aplica iha moris liu hosi acolhemento ba ema hirak nebé ita haré precisa duni ita nia acolhimento. 

São Lucas nia lia menon (Mensagem) indica ka endereça ba ema hot-hotu la fihir ba ema balu deit maibé, lia menon nee hatoo ba se deit, iha nebé deit no wainhira deit.  Iha história nee mos afirma katak; laos perfeição iha prática hahalok diak mak importante liu maibé, capacidade hodi distingue saida mak essencial/importante/necessário/ ba ita, ida nee mak importante liu nebé Maria hili tan Maria hatene Rona Maromak nia Lia Fuan.

 Iha Evangelho mos ita rona rasik Jesus dehan:”«Marta, Marta, andas inquieta e perturbada com muitas coisas; mas uma só é necessária. Maria escolheu a melhor parte, que não lhe será tirada// Marta, Marta, engkau kuatir dan menyusahkan diri dengan banyak perkara, tetapi hanya satu saja yang perlu. Maria telah memilih bagian yang terbaik, yang tidak akan diambil dari padanya” (Luk 10:41-42)”.

Maria nudar Jesus nia escolante escolha/hili buat nebé importante liu hodi simu nia bainaca (tamu). Maria fo laran tomak. Nia la reserva buat balu iha nia fuan tomak. Maria presente totalmente iha encontro ho Jesus nee.

Presença bainaca (Jesus Cristo) nee mak sai Maria nia centro atenção. Figura Marta ho Maria nian sai hanesan figura modelo rua, formato rua, maneira rua nebé dala barak ita enfrenta nudar posição no lalaok iha moris lorloron.

Jesus bolu atenção ba Marta hodi dehan:”Maria hili buat nebé kmanek liu iha nia moris”. Ita nia mundo tecnológica ohin loron halo ita sai mayat bergerak (cadáver móvel-pocong) tanba ema ida-idak tau telemóvel nudar centro atenção do que halo interacção ho ema ruma nebé koalia dadaun iha ita nia oin. Ema lao iha estrada hakruuk liu ba ecrã telemóvel do que haré sinais transito sira. Iha missa laran mos ema sei cek status Facebook do que rona explicação ou leitura sira.

Iha experiência moris loro-loron, existe actividade oi-oin nebé ema precisa ou tem que halo hodi bele supera problema oi-oin nebé ema hasoru no bele atinge mehi ba moris diak. Maibé, iha sorin seluk, precisa mos tempo balu nebé ita precisa duni fo biban oitoan ba Maromak iha oração, buka fatin hakmatek no hanoin (contempla) Maromak nia diak sira atu nuné, ita nudar ema fraco bele supera dificuldade oi-oin nebé mosu la nahas. Atitude Maria nian perante Jesus, ita bele haré oinsa ita atende ita nia bainaca sira iha convivência loro-loron. Oinsa ita servi bainaca sira nebé mai liu husi ita nia fatin. Abraão hatudu exemplo ba ita iha Primeira Leitura.

Tanba nee mak Evangelho Domingo hatudu mai ita oinsa, ita bele distingui ka coloca lalaok nebé monu liu ba Maromak nia laran do que lalaok nebé sai hanesan sensasi deit atu ema haré ita. Político ba sai conhecido tanba defende mate-an sira nia partido, balu defende figura central iha partido, objecto husi sira nia política mak povo nia diak. Maibé se ita haré didiak, ita bele nota katak; político hirak nee iha motivo rua deit; ida defende tanba nee pertence ba sira nia vocação nudar política. Motivo seluk mak tauk lakon cadeira, então tem que defende mate bandeira hun hodi atrai atenção público (povo) no atenção lider partido (Alias Asal Bapak Senang).

 Precisa ita recorda fila fali buat nebé Jesus hatete ba Marta nudar menon ida mos ba ita nobun; Jesus lia tun ba Marta: “ Marta! Marta! Ó hanoin buat barak, ó la’o kole ba buat oin-oin. Maibe , buat ida de’it mak los liu. Maria hili ona buat di’ak ne’e. Di’ak ne’e, ema ida sei la hasai housi nia”. Lalaok hanesan mos Abraão hatudu wainhira nia atende ema nain tolu nebé viagem liu husi nia hela fatin. Iha neba, ita bele contempla oinsa Abraão hatudu ninia maneira keramahtmahan (hospitalidade) ba ema nain tolu nebé nia la conhece maibé nia respeita nafartin sira.

Iha Evangelho, Jesus hakarak sublinha liu lalaok nebé hanaran Hospitalidade. Iha experiência lorloron, so rona deit mak termos Hospital nudar fatin ema ba trata saúde ou ba baixa hodi hetan tratamento saúde nebé efectivo. Hospitalidade nebé Jesus pretende hanorin liu husi visita ba Betânia mak lalaok nebé ema Indonésia hanaran keramahtamahan (hospitalitas/hospitalidade) wainhira ita atende bainaca ruma nebé mai visita ita nia hela fatin.

Afinal, chave ba hospitalidade (acolhemento) ou keramah tamahan Cristão nian mak laos consiste iha dilema entre actividade (Activo) ho contemplação (Passivo) maibé, consiste iha merecimento; oinsa atende ema bainaca ho digno hafoin presta atenção hodi rona sa mensagem mak bainaca nee tatoli mai ita. Laos bainaca koalia mesmesak, uma nain preocupa ho buti telefone, cek status facebook nebé desvia bainaca nia objectivo visita ou pior liu tan uma nain preocupa mesmesak ho nia atende telemóvel ou buat seluk ruma.

            Ita ema consciente ou lae, sempre iha desafio eh barreira balu iha ita nia–an rasik. Iha possibilidade boot enfrenta rasik ita nia problema sira. Nuné, ita tau atenção barak liu ba ita nia problema rasik. Ita indiferença eh cuek ho ema seluk nia condição. Ema seluk nee, estranho ba ita. Habadak lia, ita dalaruma atende ema la diak, dalaruma ita halo atendimento nebé hatudu demais atu ema seluk haré. Fo ajuda ema ruma, bolu media halo cobertura, hasai foto posting iha Facebook ou instagram. Halo cerimónia boot ruma nebé atrai ema seluk nia atenção maibé, haluha tiha fo atenção ba ema nee nia objectivo visita humanamente.

Iha relato Evangelho, Marta bele aprende no sente moris lição moris be klean. Tuir lolos, prepara deit cafe simples ruma ba Jesus, sei vale liu no monu ba Jesus nia laran do que preocupa demais até ho nia alin protesta malu tan iha Jesus nian oin. Político sira gosta trata malu iha media social hodi atrai povo nia simpatia maibé, sira haluha katak; ninia qualidade serviço, ninia credibilidade nudar político laos sukat husi status faceook maibé, hatudu ba povo liu husi cumpri promessa no garante qualidade serviço.

Se lae jovem sira ohin loron dehan garganta paralon, koalia kaben boot.  Maria atenção liu hodi rona Jesus nia hanorin basá, nia hatene katak maneira nee mak merece liu. Nudar político precisa defende duni ho fuan laran saida mak povo precisa. Laos tanaat povo nia voto liu husi satatus facebook. Tanba nee mak Jesus fo hanoin ba Marta hodi dehan;” “ Marta! Marta! Ó hanoin buat barak, ó la’o kole ba buat oin-oin. Maibe , buat ida de’it mak los liu. Maria hili ona buat di’ak ne’e. Di’ak ne’e, ema ida sei la hasai housi nia”. Hakbesikbebeik ba Maromak iha oração tuir fiar sarani nian, halo ita hatene haraik-an hodi servi ema seluk no fo glória ba Maromak.

Lalaok Maria nian nee tulun Marta hodi compreende lalaok digno oinsa sai Jesus nia escolante (ema nebé fiar Jesus). Escolante lolos mak hirak nebé hakmatek hodi rona no halo tuir saida mak mestre (Jesus) hanorin. Laos preocupa liu ho telemóvel, laos preocupa liu ho SDSB, laos siik mehi tun sae. Pior liu tan tau esmola 25 centavos maibé, protesta atu Uma Kreda halo tuir deit nia hakarak tanba ninia 25 centavos oan nee.

 Maromak tau ita iha mundo, Maromak fo ona hanoin atu ita Moris tuir saida mak Maromak hakarak. Rona no atende didiak ema seluk mos sai hanesan condição eh syarat ida atu ita contempla Maromak nia diak sira. Maria hili ona buat nebé diak liu ba nia. Oinsa ho ita sira seluk nebé, seidauk hili buat diak nebé Maromak prepara mai ita? Keta ita hili telemóvel no trata malu iha media social mak diak liu? Seja Louvado Nosso Senhor Jesus Cristo…..para sempre seja Louvado a Sua Mãe Maria Santíssima. (Ignaslopes) 

DEFENDE PARTIDO OU POVO?

Leitura no Reflexão ba Domingo Comum XV, Ano C 2019

 

Primeira Leitura                 Deut. 30, 10-14

Lia housi Livro Deuterónomio:

Iha loron hirak nebá, Moisés dehan ba povo nune’e: ”Ó sei rona ó Na’in nia lian, ó nia Maromak; ó sei tuir nia hakaran no Nia ukun-fuan nebé hakerek tiha ona iha livro lei nian. Ho neon no laran tomak, ó sei fila ba Na’i, ó nia Maromak. Basá, ukun-fuan nebé nebé ohin ha’u fó ba ó, la todan resin ba ó, la susar ba ó. Ukun-fuan ne’e la rai iha lalehan, atu ó bele hateten: ‘Sé mak sei sa’e to’o lalehan, hodi ita nia fatin, atu ba hola livro lei nian, atu ita bele rona no moris tuir?’ Ukun-fuan ne’e mós la rai hela iha tasi-balu, atu ó bele dehan ‘Sé mak sei hakur tasi, atu ba hola livro ne’e, hodi ita nia fatin, atu ita bele rona no moris  tuir ukun-fuan ne’e?’ Basá, lia ne’e besik hela ó: nia iha ó nia ibun, iha ó bele moris”.

Maromak Futar Lia.

 

Salmo Responsorial                                                                                                                        Sal. 68(69), 14. 17. 30-31. 36ab-37

Refrão : Imi sira be ki’ak, buka Maromak, imi sei hetan moris!!! Repete-se

Na’i, ba Ita ha’u hasa’e ha’u nia hamulak,

Tan Ita domin, mai tulun ha’u.

Na’i, rona ha’u, tan Ita nia laran di’ak;

Tan Ita laran luak, see tilun mai ha’u. Refrão

 

Na’i, ha’u ema ki’ak, folin laek,

Ha’u hein Ita tahan ha’u.

Ha’u sei hananu hahí Maromak naran,

Ho laran ha’u sei haklaken Maromak beran. Refrão

 

Ema laran susar, rona mai hodi haksolok;

Buka Maromak, imi laran hetan iis foun.

Maromak rona ema ki’ak,

La hakribit ema moris susar. Refrão

 

Maromak soy Sião,

Sei harí fali cidade Judá.

Maromak nia emar sei simu nu’udar liman rohan iha nebá,

Sei moris ema nebé hadomi Maromak. Refrão

 

Segunda Leitura                                                                                                                                                                          Col. 1, 15-20

Lia housi São Paulo nia surat ba sarani sira iha Colosso:

Maun-alin sira: Jesus Cristo mak Na’i Maromak nebé ita la haré Nia futar ílas. Nia mak uluk liu criatura hotu-hotu. Tan Nia, Nia, Na’i Maromak haki’ak sasán tomak iha lalehan no rai, sasán nebé ita la hare, katak Anjo sira nebé tur iha trono, sira nebé ukun, Anjo sira nebé liurai, sira nebé liurai oan. Hodi Jesus Cristo, tan Jesus Cristo, Na’i Maromak haki’ak sasán tomak. Jesus Cristo uluk liu sasán tomak. Hodi Jesus Cristo, sasán tomak moris nafatin. Jesus Cristo, Kreda nia ulun, Kreda, Cristo nia isin lolon. Nia mak ulun, Nia mak uluk liu sasán hotu nebé moris hias. Ne’e duni, Nia uluk liu sasán hotu. Tan Na’i Maromak hakarak, rahun-di’ak tomak hela iha Nia. Wainhira Na’i Maromak dame fali ho ema, hodi Jesus Cristo nia ran fakar iha Cruz, Na’i Maromak hodi Cristo hakarak mós dame malu ho sasán hotu-hotu iha rai no iha lalehan.

Maromak Futar Lia.

 

Aclamaҫão                                                                                                                                                                                           Jo. 14, 23

Refrão : Aleluia!! Repete-se

Ema nebé hadomi Ha’u, sei rai Ha’u nia lia-fuan;

Ha’u Aman sei hadomi nia, ami sei hamutuk ho nia. Refrão

 

Evangelho                                                                                                                                                                                     Lc. 10, 25-37

Na’i Jesus Cristo nia Evangelho nu’udar São Lucas haktuir:

Iha tempo nebá, doutor lei nian ida hamriik hodi husu ba Jesus, atu koko Nia: “Mestre, ha’u sei halo sá, atu bele hetan moris rohan-laek?” Jesus hatán ba nia: “Iha lei hakerek sá ida? Sá mak ó haré iha nebá?” Doutor ne’e simu dehan: “Ó sei hadomi Na’i, ó nia Maromak, ho neon ho laran tomak, ho ó nia kbiit, ho ó nia hanoin tomak; ó sei hadomi ó nia maluk nu’udar ó-an rasik”. Jesus lia tan ba nia: “Ó hatan lós duni. Halo ida ne’e duni, ó sei hetan moris”. Maibé, tan nia hakarak souri an, nia hateten ba Jesus: “Maibé, sê mak ha’u nia maluk?” Jesus simu hodi dehan nune’e ba nia: “Ema ida tun housi Jerusalém ba Jericó. Ema ne’e mosu iha naok-ten sira liman. Naok-ten sira ne’e, hadau tiha nia sasán, baku tasak nia didi’ak; hafoin, sira tuir sira dalan, husik hela ema ne’e, besik atu mate. Sacerdote ida liu housi nebá: Haré tiha nia, sacerdote ne’e liu daudaun. Liu housi nebá, Levi nia oan ida: Levita ne’e mós, haré tiha ema ne’e, liu daudaun. Maibé, ema la’o rai ida housi Samaria, to’o besik ema ne’e, haré tiha, hanoin nia teb-tebes. Nia hakbesik ba ema ne’e, tau mina ho tua ba kanek sira, lori ba knuan ida, hodi haré didi’ak nia. To’o aban, Samaritano ne’e hasai osan rua fó ba uma na’in, hodi hateten ba nia: “Haré nia didi’ak! Buat ruma nebé ó lakon ho nia, ha’u fila mai sei selu hotu. Tuir ó hanoin, sira na’in tolu ne’e, ida nebé mak maluk ho ema nebé monu iha na’ok ten sira liman?” Doutor ne’e hatán: “Maluk mak ida nebé hanoin nia”. Jesus hatán ba nia: “Ba! Ó mós halo nune’e”.

Lia Maksoyn.

              

Reflexão:

DEFENDE PARTIDO OU POVO?

 

               Wainhira ano lectivo foun atu hahu dadaun ona? Haktuir katak; candidato universitária ida husi Papua atu ba Java hodi continua nia estudo. Wainhira tama tiha ona Roo laran, nia foin hakfodak katak; ninia pasta ho carteira nebé tau osan ema naok tiha ona. Naok ten ruma kal foti ona osan ho roupa nee wainhira nia tur dukur iha ro laran. Estudante Papua nee tur tanis deit ona tan nia la hatene atu halo saida.

               Iha estudante nee nia sorin, tur mos lider partido político ida nebé halao mos viagem ba Jakarta hodi halo consolidação. Rona tiha acontecimento nee, político nee fo coragem ba estudante nee hodi dehan katak; nia sei sugere ba managemento hodi aumenta tan agente segurança atu nuné labele mosu tan ema naok ten iha Roo laran no passageiro sira bele sente seguro liu tan.

               Iha fatin seluk, amu lulik ida mos sae Roo nee. Wainhira nia rona acontecimento osan lakon nee, amu lulik nee doko ulun hodi fo maldição ba naok ten nee. Amu nee mos encoraja estudante Papua nee katak nia sei reza ba estudante nee. Além de amu nee, senhora muçulmana ida mos hatais completo atributo Islam nian, iha hotu Roo nia laran. Haré estudante nee tanis tan nia osan lakon, senhora nee mos hanoin hetan kedas nia oan feto iha Jawa nebé quase idade hanesan ho estudante sorte aat nee. Tuir mai, senhora muçulmana nee hakbesik ba menina Papua nee hodi hamaus nia, hafoin fo Pop Mie. Wainhira too iha ponticais Jawa, senhora nee fo envelope ida ho osan oitoan iha laran ba menina nee ho lia menon katak:”oan, nee hau fo osan oitoan atu tulun o nia estudo”, hafoin senhora nee lori menina nee ba too iha kost molok nia fila. Senhora muçulaman nee ema diak ida.*

               Amarás ao Senhor teu Deus de todo o teu coração, e de toda a tua alma, e de todas as tuas forças, e de todo o teu entendimento, e ao teu próximo como a ti mesmo. Lucas 10,27

               Domingo semana nee, ita rona evangelista São Lucas haktuir ai-knanoik furak ida kona ba ema Samaria nebé laran luak. Molok nee, Evangelho relata katak, matenek nain lei nian ida (escriba) mai hasoru Jesus hodi husu condição oinsa bele hetan moris rohan laek. Jesus la fo resposta ba pergunta nee maibé, tan haré katak ema nee matenek nain ida, então Jesus husu fila fali nia kona ba saida mak nia lee no hatene ona husi lei judeu nian.

               Tuir mai, escriba nee hatan ba Jesus hodi recita fali livro Deuteronómio Capítulo 6, versículo 4-5 nebé dehan:” Escuta, Israel! O Senhor é nosso Deus; o Senhor é único! Amarás o Senhor, teu Deus, com todo o teu coração, com toda a tua alma e com todas as tuas forças”. Escriba nee mos recita fali tan livro Levítico 19,18:” Não te vingarás nem guardarás rancor aos filhos do teu povo, mas amarás o teu próximo como a ti mesmo. Eu sou o Senhor”. Citação rua nee bele resumo ba mandamento boot liu nebé hateten; Hadomi Maromak liu sasan hothotu no hadomi ema seluk hanesan ita-an rasik. Cita tiha capítulo husi livro rua nee, escriba nee hanoin Jesus atu louva nia maibé, afinal Jesus hatete ba nia:”ba no moris tuir buat nebé o temi ona, o sei hetan moris”.

               Nu’udar ema matenek, escriba ida nee mos buka maneira oinsa atu coloca no justifica nia-an nudar ema inteligente. Nuné, nia husu tenik ba Jesus; se mak hau nia maluk sira? dala ida tan Jesus la fo kedas resposta imediata maibé, Jesus haktuir ai-knanoik kona ba ema Samaria nebé laran luak ba ema judeu kanek todan no agonia hela tanba ema ataca nia iha dalan klaran. Ai-knanoik haktuir katak; iha ema nain tolu mak hare/hetan ema sorte aat nee. Ida uluk, nebé liu husi fatin neba mak nailulik ida nebé kalan-loron servi Maromak iha templo. Tanba nia knaar lulik nee, nuné nia so bele haré ema nee kanek nuné deit maibé, nia la kona ema nee basá, nee la saudável ba nia hodi servi Maromak (cf Nm 19,11-16). Ema segundo nebé haré ema nee mak Levita ida. Levita nee mos haré ema nee maibé, nia hasees-an tiha hodi lao liu deit tanba ema nee isin lolon mesak ran.

               Ema terceiro nebé haré ema kanek nee, ema Samaria ida nebé halao dau-daun ninia viagem. História hatudu katak; iha altura neba, Ema Judeu, sira ho ema Samaria inimigo ba malu. Ema Samaria mos adopta lei Moises nian maibé, sira mos iha opção rasik hodi tulun ema nebé precisa tulun. Tanba nee mak; wainhira ema Samaria hanesan ai-knanoik haktuir, nia fo tulun nafatin ba ema Judeu nebé kanek todan maske ema nee inimigo. Nia hasae ema nee ba nia kuda camelo, hasae didiak nia, hafoin fo ai moruk ba nia. Tuir mai, ema Samaria nee mos lori ema kanek nee ba losmen eh fatin aluga nebé besik hafoin promete atu selu hotu kedas ema kanek nee nia tusan.

               Iha ai-knanoik nia rohan, Jesus husu tenik ba escriba nee hodi dehan; entre ema nain tolu nee, se mak sai belun lolos? Ho firme escriba nee hatan ba Jesus; “ema nebé laran luak nee mak sai belun lolos”. Hafoin Jesus hatan kedas;”ba no halo tuir hanesan nee”.   

               Ai-knanoik nee interessante tebes ba ita nobun. Basá, horas nee ema barak gosta koalia mak barak maibé, la hatudu nia lia fuan iha hahalok moris. Maske Cristão hot-hotu hatene katak hadomi Maromak no maluk sira nudar ukun fuan principal maibé, problema mak sarani barak hatene kona ba ukun fuan nee maibé, barak liu la consegue halao iha moris. Horas nee balu ate sai indiferente (cuek) deit ho sira nia fiar nee. Balu foin hanoin hetan Maromak wainhira monu iha susar nia laran. Seluk tan fiar liu mehi do que fiar iha Maromak nia providência. Foin sae barak defende grupo arte marciais forte liu do que defende família, Político balu uza povo nia naran hodi ganha poder no hetan regalias estado ba necessidade privada ho partido do que bem comum. Matan naklosu ba facilidade estado, haluha tiha promessa tempo campanha. Promete campo de trabalho ba ema hotu maibé, kaer tiha ukun loke deit oportunidade ba partidário ho família uma laran. Moris Cristão nian nebé lolos precisa fo sinal (provas) iha realidade, laos husi capacidade hodi hatene lei caridade deit maibé, precisa mos capacidade hodi prática eh aplica lei caridade (hukum cinta kasih) nebé Jesus haruka.

               Nuné, pergunta escriba nebé dehan; “se mak hau nia maluk sira?” sai hanesan questão principal nebé Cristão ida-idak hasoru iha moris. Ita laos hatene deit se mak hau nia maluk maibé problema mak oinsa ita sai maluk ba ema seluk iha ita nia comunidade. Ema Samaria iha Evangelho nee hetan louva husi Jesus tanba fo-an hodi tulun ema judeu nebé tuir los nia inimigo. Jesus iha perícope Evangelho nee hakarak expressa deit katak nia mak bom Samaritano nee. Jesus mak ema seluk nebé fo nia-an ba humanidade tomak nebé hetan terus tan pecado.

               Sai ema ba ema seluk (to be man & women for others) mak vontade Maromak nian nebé haktadak ba ema ida-idak. Maromak mak domina seres vivos sira hotu iha mundo nee hodi coloca selo (meterai) domin iha ema ida-idak nia fuan. Selo domin nee halo desenvolve iha domin no ita hetan kbiit hodi hadomi Maromak no hadomi ita nia maluk sira. Selo nee mos mak tulun ita hetan progresso hodi sai ema ba ema seluk eh ita nia maluk sira.

               Iha primeira leitura husi livro Deuteronómio ita rona ona oinsa Moises bolu atenção eh consciencializa povo Israel sira katak Maromak nia futar lia fuan sempre horik iha ema nia fuan..  Tanba nee mak Moises fo hanoin katak povo sira precisa rona Maromak nia lia fuan no kaer metin Lia Fuan nee ho fuan no laran tomak. Maromak nia Lia Fuan besik duni ho ema katak horik iha ibun laran no fuan hodi bele aplica iha moris.

               São Paulo iha segunda leitura justifica ba sarani Colossense sira katak; buat hot-hotu cria iha Cristo no ba Cristo. Se mak Jesus Cristo refere? Nia mak plenitude Maromak nian. Jesus Cristo mak Ilas husi Maromak nebé ita la haré. Jesus dehan; “se mak haré Hau, nia haré Hau Aman”. Jesus mak mane ulun. Jesus kmanek liu criatura sira seluk. Hodi Jesus mak buat hotu mosu. Jesus uluk liu buat hot-hotu no buat hot-hotu mosu tanba Nia. Iha Jesus hori paz (dame) entre ema ho Maromak liu husi ran nebé Jesus fakar iha Cruz tutun.

               Evangelho Domingo semana nee, bolu ita nia atenção hodi bele hafoun-an iha Cristo atu ita bele rona no halo tuir buat nebé ita rona. Jesus hakarak ita imita nia lia fuan nebé hatuur iha ai-knanoik nee. Lei caridade laos buat nebé horik iha ibun deit maibé, precisa prática iha moris nudar Cristão Católica. Laos rona deit maibé, rona hodi halo tuir atu nuné, ita bele sai ema ba ema seluk (to be men & women for others). Ita harohan ba Maromak atu tulun ita realiza mehi sai ema ba ema seluk. A pior coisa que pode acontecer a um ser humano é ele se enclausurar dentro do próprio ego. É viver alheio ao sofrimento do próximo. É viver apenas para sua própria satisfação.” Assim seja e Bem Haja. (ignaslopes).

HALIBUR RIKU SOIN LALEHAN NO MUNDO?

Liurai Alexandre Magno toba hela iha kama leten ida, wainhira nia atu mate dau-daun ona, nia bolu no halibur hotu nia jeneral sira no hato’o hela lia menon tolu ba dala ikus nunee:

  1. Ema nebé leba hau nia kaisaun tenke doutor sira nebé di’ak liu hotu iha mundo.
  2. Hau nia riku soin hotu nebé halibur durante moris (osan, osan mean, sasán luxo sira) tenke kari no halekar iha dalan husi uma too ba rate.
  3. Hau nia liman tenke husik tabele sai husi caixão atu ema hotu bele haré.

Jeneral ida, hakfodak ho lia menon ne’e hodi husu explicação. Liurai Boot Alexandre explica nunee:

  1. Hau hakarak doutor sira nebé di’ak liu mak lori hau nia caixão atu hatudu katak bainhira O nia oras to’o atu mate maske doutor nebé matenek liu hotu mós sei labele salva o nia moris.
  2. Hau hakarak riku soin hotu halekar iha dalan atu hatudu katak buat hotu nebé ita hetan iha mundo sei husik hela iha mundo.
  3. Hau hakarak liman husik tabele sai husi caixão atu hatudu ba ema hotu katak ita moris mai iha mundo ho liman mamuk no sei husik hela mundo ho liman mamuk.

Liurai Alexandre hatutan: “ita nia riku soin boot liu iha mundo mak tempo. Ita bele produz riku soin barak durante ita nia moris iha mundo maibé, ita sei la bele aumenta naruk liu tan ita nia tempo. Ita bele buka no halibur hotu sasán mundo nian maibé, bainhira tempo too mai, HOTU ONA.”

Vivemos muitas vezes como se Deus não nos escutasse. Não conseguimos enxergar as bênçãos que o Senhor derrama em nossas vidas, ou quando as vemos, elas parecem não ser suficientes. Primeira Leitura,  Profeta Isaías descreve katak; Maromak cria ema hodi hetan ksolok ho Maromak. São Paulo iha Segunda Leitura justifica; ita nobun nudar fiar nain ba Cristo, la bele confronta malu ho lalaok sira mundo nian. São Paulo aconselha atu diak liu ita muda lalaok nudar ema foun (o homem novo-manusia baru) nudar Cristo ba maluk sira seluk. Iha fali Evangelho, São Lucas fo hanoin ita katak; Jesus hatudu ita nudar ema Cristão nebé sai nia manu ain (Utusan Tuhan) ba rai-rai.

Evangelista Lucas nia leitura fo reflexão; ita nudar Cristo nia escolante automaticamente sai nudar manu ain Jesus nian. Ita hetan bolu oinsa no too iha nebé ona ita consciente ho ita nia dever nudar Jesus nia manu-ain. Nudar Jesus nia escolante verdadeiro ita tenke sai manu-ain forte tuir ida-idak nia dalan no posição iha sociedade hodi fahe Lia Foun diak nu’u Jesus haruka.

Ita precisa haré ida-idak nia-an ba situação no ita nia knaar nudar seguidor Cristo nian. Saida mak ita halo ona cumpri knaar nudar manu-ain Cristo nian? Ba tuir Missa iha Domingo deit tan tauk tama inferno? Reza deit molok han no molok toba? Participa iha oração grupo bairro nian deit? hirak nee deit too ona hodi justifica knaar sarani nian? Nee hotu parte kiik ida husi ita nia dever nudar Cristo nia manu-ain. Se ita confia-an ona ho lalaok kiik hirak temi iha leten, nee significa katak ita seidauk cumpri knaar loloos nudar manu-ain Cristo nian. Nee significa ita buka salva-an deit hodi haluha tiha maluk sira seluk.

Afinal Jesus hatete claro ona katak:”toos boot maibé, serviço nain oitoan deit”. Jesus hatutan liu tan; ”Hatene ba katak Hau haruka imi hanesan bibi malae ba iha asu fuik sira leet”. Ema hirak nebé conhece Cristo no hakarak los atu hetan salvação barak maibé, ema hirak nebé Cristão (Católico) loloos oitoan deit. Será que ita consciente ona hau nia knaar nudar Cristo nia manu-ain? Será que simu simu Sacramento Baptismo ho Sacramento sira seluk ba interece privado deit?

Cristão (Católico) barak hanoin katak; ema hirak nebé sai Cristo nia manu ain mak amu Bispo, padre sira, madre sira, catequista sira, nomos sarani balu nebé ho iniciativa rasik hakarak participa iha grupo categorial. Tuir los, ema hotu nebé simu ona baptismo iha Igreja Católica iha obrigação participa hodi haklaken Lia Foun Diak hanesan escolante 72 nebé Jesus haruka ba haklaken além de apóstolo 12. Ita fiel ona ba vocação ida nee ka lae?

Lia Foun Diak (Evangelho) nebé precisa haklaken nee,  precisa concretiza iha sasin moris ba ema seluk. Praticamente, ita ida-idak basea ba ita nia situação rasik, precisa participa hodi haklaken no lori dame ba ita nia maluk sira seluk. Nudar escolante verdaderio Jesus nian, uluk liu, Jesus laos haruka ita hodi ba harii uma mesak andar no luxo maibé, Jesus haruka ita ida-idak hodi constroe Maromak nia emar sai soceidade ida nebé moris dame  no halo ema hotu bele sente Maromak nia diak liu husi lalaok moris justo. Ida nee mak tos (seara/ladang) nebé Jesus pretende koalia iha nia Evangelho.

Amu Papa Francisco nebé sai Papa iha situação problemática hanesan agora nee, sempre convida no motiva Cristão Católico sira tau atenção especial ba ema kiak no kiik sira. Papa ida nee mai husi continente América do Sul, iha neba, maioria povo ema Cristão, maibé, Maromak hili nia hodi ukun iha continente nebé uma andar rihun ba rihun, Igreja mesak andar no furak maibé, laran hahu mamuk ona. Iha neba, ema kiak mos barak ba bebeik. Papa haré katak iha mundo nee, injustiça demais liu ona. Dala ida iha homília Papa dehan: ema kiak sira nudar portão (lokar/odamatan boot/pintu gerbang) ba lalehan.

Hasoru progresso no modernismo mundo horas nee, ita nia Papa Francisco hakarak hatudu valor boot husi moris simples nebé ema la bele haluha. Papa Francisco rasik aplica duni moris simples nee iha ninia governação papal hodi opta liu ba ema kiak sira. lalaok nee fo sinal katak; ita mak Maromak nia manu ain. La bele halibur deit mak riku soin maibé, precisa halibur mos riku soin lalehan nian. Reflect fila fali história badak Alexandre Magno nian iha leten. Ita taka refelexão Domingo semana nee nian ho lia murak tuir mai: São João da Cruz nos ensina: “Quanto mais te apartas das coisas terrenas, mais te aproximas das celestiais e mais te achas em Deus.”

 

Vivemos muitas vezes como se Deus não nos escutasse. Não conseguimos enxergar as bênçãos que o Senhor derrama em nossas vidas, ou quando as vemos, elas parecem não ser suficientes. Para termos as bençãos, devemos buscar o Deus das bençãos, se buscarmos o Senhor de todo o coração vamos encontrá-lo. Mas, quando bebemos da fonte do Amor Eterno, as respostas vêm em nossa mente e coração. Não existem limites para Deus. Ele é alfa e o ômega, o princípio e o fim de tudo. Assim seja e Bem Haja. (IgnasLopes)

DOMINGO XII TC. ANO C-2019

Maun alin sarani doben sira, ema sira dehan hau Se? Nai Jesus ninia pergunta ba apostolo sira. Pergunta ida hanesan ne’e pergunta kona ba identidade ema ida nian. Iha ita nia moris identidade mak sai hanesan buat dahuluk liu iha afirmação ema ida ninia an hodi halo ema seluk hatene kona ba ema ne’e se ida. Nune’e comcerteza Jesus ninia pergunta be halo ne’e pergunta be exige  resposta afirmativa ida kona ba Jesus ninia-An.Resposta afirmativa ne’e mai husi experiência de vida ida nebe halao hamutuk ho Jesus Cristo ka koko iha Jesus Cristo. Balun rona deit kona ba Jesus, balun hare Jesus ninia hahalok sira, balun moris no halo hamutuk ho Jesus Maromak ninia obra maksoin nian iha ema sira nia leet. Nune’e mak resposta nebe dehan fo kona ba Jesus ne’e claro sai tuir  ema ida idak ninia experiência ho Jesus.

Leitura sira ohin nian liu liu Evangelho apresenta mai ita afirmação diferentes husi ema sira nia experiênciakona ba Jesus Cristo ninia-an. Ema sira nebe hatene Jesus liu deit, rona deit ema koalia no hare buat nebe Jesus halo sira dehan katak Jesus ne’e João Baptista, Elias ka profeta ruma mak moris hias fali. Maibe Apostolo sira be moris hamutuk ho Jesus Cristo iha buat hotu nebe Jesus halo no koalia sira afirma liu husi Pedro dehan katak Jesus ne’e Maromak nia Oan, Maksoin ema no rai klaran nian “Ita bo’ot Maromak ninia oan Mane, Messias mundo nian”.Maun alin sira, mas que resposta oioin maibe ninia resposta nebe los ida deit, basa Jesus ne’e ida deit. No tuir fiar nebe ita ita, ita hatene katak resposta los ne’e mak Cristo Jesus ne’e Maksoin, Maromak nia Oan. Resposta ida ne’e hatudu revelação Maromak nian mai ita ema sira kona ba ninia-An be bele halo hotu hotu, no sai salvador ema no mundo tomak rai klaran nian.

Maun alin doben sira ita afirma ita nia fiar iha Jesus Cristo nundar Maromak ninia Oan, ita nia maksoin. Ne’e tem que claro ba ita sarani sira.  Ba ita sarani católico Jesus ne’e Maromak Oan-Maksoin ema no buat hotu nian. Jesus Cristo laos lider carismático ida, laos ema famosu ida iha mundo, laos político sucesso ida, laos mos lider famosu grupo ida nian, laos presidente ka orador, no laos artista famosa ida. Jesus Cristo Maromak ninia oan. Nia Maromak nia oan tamba ninia moris revela momos ida nee’ mai ita. Ninia moris fo moris ba ema, fo isin diak ba ema, halo ema mate sira hetan fila fali moris, ema hamlaha no hamrok sira hetan aihan hodi la hamlaha no hamrok tan, ema diuk sira rona, ema neon susar sira haksolok, etcetera. Testemunho moris ida hanesan ne’e mak sem duvida hatudu duni mai ita katak Jesus ne’e Maromak oan, ita fiar metin duni iha Nia katak Nia Maromak Ona, ita nia Maksoin. Nia halo ita hotu hetan maksoin hodi sai mos Maromak ninia oan sira  liu husi ninia terus, mate no moris hias. Hodi ne’e nia halo ita sai ida deit ona ho Maromak no ho maun alin sira.

Maun alin sira, hau hanoin ita nain Jesus Cristo de propósito halo pergunta ida ne’e atu afirma liu tan Maromak ninia-AN no ninia hahalok boot sira be halo hodi soi ema no rai klaran tomak nafatin ba nafatin to’o mundo no tempo nia rohan. Ida ne’econcretamente ita hare hetan iha Jesus Cristo ninia moris rasik. Iha Jesus Cristo mak realiza promessa Maromak nian nebe dehan sai mai ita iha primeira leitura katak “Hau sei haraik ba David nia uma kain no mos ba ema sira tur iha Jerusalem NEON DIAK NO LARAN KMAN ATU HAMULAAK”. Maromak hatudu ninia neon diak iha Cristo Jesus no haraik neon diak ba ita ema sira liu husi Jesus Cristo. Maromak hanorin ita hamulak iha Jesus Cristo, halo ita bolu Maromak ita Aman-ABBA. La hodi Cristo ita labele iha neon diak no badinas hamulak, ho Cristo no iha Cristo mak Maromak kuda neon diak no laran kman nee iha ita nia moris atu ita bele hatene moris lolos nundar Maromak oan. Sai laran diak ba ema hotu hotu no harohan nafatin ba Maromak atu labele lakon Maromak ninia graça, atu horik hamutuk nafatin ho Maromak, nune’e ho Maromak ninia tulun ninia emar ka oan sira bele moris hamutuk sai ida deit iha ninia familia. Familia ida deit moris iha dame, domin no ksolok nia laran.

Segunda leitura hanorin ita katak iha Jesus Cristo ita hotu mesak Maromak ninia oan, maun alin ida deit iha familia boot Maromak ninian. Iha familia ida ne’e laiha grupo ida diak liu grupo sira seluk, laiha ema atan no laiha ema riku, laiha ema metan ka mutin mak diak liu, laiha beik ka matenek mak diak liu. Buat nebe iha mak ida ne’e mesak maun ho alin deit. Ita nia maun alin ida deit iha Maromak ne’e tem que ultrapassa ita ninia diferença sira be ohin temi no sira nebe ita labele temi hotu iha ne’e. Katak ita la nega diferença sira ne’e maibe ita moris nafatin diferença sira ne’e nundar maun ho alin no la halo diferença sira ne’e sai sasukat ba ita nia moris atu diak liu ka lae. Buat nebe sai sasukat ba ita nia moris tenki mak Jesus Cristo. Jesus Cristo nebe bele soi ita, bele halo ita nia diferença sira la boot liu ita nia fiar ba Maromak, ita nia domin, ita nia laran metin ba malu, ita nia paz no ita nia ksolok ba Maromak no ba maun alin sira.

Mai ita hametin liu tan ita nia fiar iha ita nia Nai Jesus Cristo hodi halao ita nia moris nundar maun alin iha familia boot Maromak nian ho laran metin lolos. Amen.

 

Bidau, 23 de Junho 2019, Pb.

JESUS HANESAN HO ARTISTA?

Domingo Comum XII-Ano C 2019

 

Degradação boot ida iha fiar Cristão (Católica) ohin loron mak; ema hatene Jesus Maromak maibé, la precisa cumpri saida mak Jesus hanorin. Balu fali considera Jesus hanesan figura importante ida entre figura sira seluk iha mundo nee. Balu tan haré Jesus hanesan modelo de vida maibé, laos sasukat ba comportamento. Iha fatin balu, ema comercializa Jesus nia naran ba interece económica (Business). Artisa no foin sae balu tara Cruz hanesan estilo de vida (Life Style) deit. Intelectual balu considera Jesus nia level hanesan ho figura Che Guevara.

Sarani balu conhece liu Cristiano Ronaldo ho Lionel Messi do que buka conhece Jesus Cristo. Pior liu Católico balun hatene didiak informação artista sira nian liu fali informação kona ba Jesus Cristo nebe Creda Católica haklaken. Político balun haré Jesus nia mandamento ho Igreja nia regra sira hanesan tropeço (batu sandungan) ba sira nia interece política. Pior liu tan mosu profeta falso oioin hari Igreja ho objectivo económico até hatete aat didiak Igreja Católica. Nee mak realidade husi mundo moderno nee. Ba ita sarani Católico nebé sei fiel,  Rahun diak ba ita nobun nebe hatene Jesus nudar Messias.

Base fundamental husi convicção Cristão Católico hatete; Jesus mak Maksoin no Messias prometida. Iha Evangelho Lucas Domingo semana nee, Jesus lao hamutuk ho nia apóstolo sira halao dadaun viagem ba Jerusalém. Tuir São Lucas, Jesus ba Jerusalém hodi halao eh cumpri Ninia missão salvífica. Nunee iha oportunidade determinado ida nee, Jesus hatoo pergunta ba nia apóstolo sira; Ema dehan, HAU nee se los?-pergunta nee horas nee dadaun Jesus mai ita idaidak. Tuir ita nia convicção, Jesus nee se?

Rona tiha resposta balun kona ba oinsa ema nia comentário ba Jesus nia personalidade, tuir mai, Jesus husu directamente ba apóstolo Pedro. Lori apóstolo sira seluk nia naran, Pedro hatan ba Jesus; ITA MAK MESSIAS HUSI MAROMAK.

Ema judeu sira nia compreensão kona ba Messias oioin deit. Bali entende Messias nudar liurai, balu compreende Messias nudar profeta, balu dehan Messias nee lider boot ida nebe iha poder makas, no compreensão seluk tan. Husi nee seidauk iha identificação fixa kona ba conceito Messias. Pedro nia lia hatan ba Jesus nee loos ona maibé, Jesus precisa explica klean liu tan ba sira. 

Precisa ita consciente katak; afirmação kona ba identidade Jesus nudar Messias laos mosu deit iha altura neba, amibé, ohin loron mos polémica kona ba identificação Jesus nudar Messias ho Ninia papel continua coloca iha questão.

Oficialmente ita nobun fiar duni Jesus maibé, será que ita nia fé nee iha sentido tebes ka lae? Jesus nee se los ba ita? Jesus nee ba ema barak importante ka lae?

Ita nia fé dala barak liga liu ho visão ba sistema sira, ideologia sira, instituição sira no situação política sira. Iha âmbito Igreja nian mos, existe ema balu nebe considera nia relação mesmesak ho Jesus sem partilha fiar nee ba ema seluk. Jesus nee Messias ba nia mesak deit.

Pedro nia resposta ba Jesus nee iha sentido saida? Jesus hateten katak; Ninia horik iha mundo, Nia mai nudar Messias ba ema hothotu. Jesus nia identidade Messiánica nee supera buat hotu sem limite. Jesus Messias ba sociedade tomak iha mundo rai klaran. Iha sentido ida nee mak ita foin entende katak Jesus nee Messias ba pessoa hothotu iha mundo nee.

Aparentemente, Jesus nudar Messias nebe funda mundo tomak nudar Igreja ida. Laos harii igreja hanesan kios sira hodi identifica-an tuir vontade deit hafoin coloca igreja nee nudar Igreja nacional, igreja continental, igreja ema mutin sira nian, igreja ema metan sira nian, igreja cultura sira nian, no identificação seluk tan nebe rebo rebo tuir ema nia hakarak deit. Iha altura neba, ema nia haree ba Jesus diferente ba malu. tansa mosu nunee? Tanba; 

  • Nudar Judeu, Jesus laos moris husi suku Levi (suku nailulik sira nian).
  • Jesus laos político.
  • Jesus fo atenção ba mundo político basá, knaar iha mundo impossível bele realize se Jesus la iha interacção ho situação política.
  • Jesus dala barak liu, halao Ninia missão iha área Cafarnaum, Galileia; laos Jerusalem.
  • Jesus fahe tempo barak liu ho ema moras sira, ema pecador sira inclui mos ema hirak nee considerado folin laek iha sociedade.
  • Vida no lalaok Jesus nian nudar cumprimento husi execussão Lia Foun diak nebe Jesus haklaken.
  • Jesus laos haklaken reino político  hanesan David maibé, Jesus haklaken  reino Maromak nian nebe justo no prospero ba ema hotu. Moris no lalaok sira nudar lalaok saran-An tomak ba ema seluk nia diak.

Ho ida nee, Jesus nia identidade nudar Messias mak; saran Nia moris tomak ba ema seluk nia interece. Justificação nebe Jesus hatoo kona ba nia identidade lolos nebe revela ba Jesus nia apóstolo sira be dehan; “ema nebe hakarak tuir Hau, nia sei nega nia-an lori nia Cruz lorloron hodi tuir Hau”(Lc 9,23). Jesus nia afirmação nee se ita interpreta ba linguagem lorloron sei sai hanesan nee;”Se hau lakon hau nia moris ba Cristo, hau sei hetan fila fali moris nee”.

Jesus nia pergunta ba nia apósotolo sira iha tinan rihun rua resin liu ba nee, sei rona hela nia eco/getaran too ita nobun iha século ida nee; tuir ita nia hanoin JESUS ne, se los? Jesus loloos nee hakarak hatene sentido husi Nia personaldade ba ita idaidak nee oinsa? Ita nia fiar ba Jesus too iha nebe ona? Oinsa ona? Ba oin, ita nia fiar nee sei sai oinsa? 

Tuir imi nia haree, Hau nee se los? Pergunta ida nee nudar exame ida ba ita Cristão Católico tomak nebe coloca Jesus nudar centro fiar nian. Ema Católico ida hatene oinsa fo resposta ba Jesus nia pergunta nee. Hanoin ba katak; São Paulo iha nia carta ba sarani Gálatas sira dehan; Maun-alin sira; imi hotu mesak Maromak oan, tan imi fiar Jesus Cristo. Basa, imi hotu ne’ebe simu Cristo nia baptismo; hafutar-an rasik hodi Cristo. Assim Seja e Bem Haja. (IgnasLopes)