shadow
Diocese de Dili > NOTÍCIAS > REFLEXÃO

HAU DEHAN TEBES BA IMI: EMA PUBLICANO NO FETO MORIS AAT SIRA NEBÉ IMI CONSIDERA NU’UDAR SALA NAIN SEI BA MAROMAK NINIA REINU ULUK LIU IMI. TAN JOÃO BAPTISTA MAI HASORU IMI IHA DALAN NEBÉ LORI BA JUSTIÇA, IMI LA FIAR NIA; MAIBÉ EMA SALA NAIN SIRA NE’E FIAR DUNI NIA HODI HAKRIBI SALAN, IMI FALI MAS QUE HARE TEBES NIA MAIBÉ LA HAKRIBI IMI SALAN HODI FIAR NIA Cf. Mt 21, 31-32

Maun alin doben sira, Na’i Jesus ninia futar  liafuan ne’e afirmação ida hasoru fuan toos nebé la haraik-an hodi hakribi salan, hasoru ita tamba ita ninia arogancia sira nebé dala wain la liberta ida maibé sulan hela ita metin iha orgulho no situação ida la hakmatek ninia laran. Husi afirmação ne’e ohin Jesus convida ita atu ita buka ho haraik-an tebes hakribi ita ninia salan sira hodi moris tuir justiça be sai mai ita ema sarani sira nu’udar dalan los, dalan maksoin nian.

Primeria leitura hanorin mai ita katak husik hahalok at sira sei lori moris ka maksoin mai ita, la husik hahalok at sira halo ita sei hetan mate. Basa so hahalok diak de’it mak lori moris, hahalok at nunca bele lori moris ba ema sira. Profeta Ezequial hatudu mai ita ema exemplo hahalok at ida nebé hetan iha ita ema sira ninia fuan toos atu reconhece ita ninia salan sira. Dala wain tebes wainhira ita moris ho fuan ida nune’e ita laos de’it ona justifica ita ninia-an hodi fo sala ba ema seluk maibé, to’o ponto pior liu tan ida mak fo mos sala ba fali Maromak be Lialos no Buat los hotu hotu ninia nain ne’e.  Maun alin doben sira, justifica-an ne’e hahalok ida nebé ita nu’udar ema hotu hotu halo maibé justifica-an ida nebé Maromak ninia futar liafuan convida ita tem que halo mak justifica-an ba iha lialos laos iha lia bosok nian. Husi primeira leitura nian ita rona haktuir mai ita katak:

Ita ema tenta justifica-an iha dalan sala nian hodi fo salan fali ba Na’i Maromak. Oinsa mak Na’i Maromak iha ninia hahalok sira bele salan fali? Nune’e karik Nia laos ona Maromak. Ita neon la compreende ita matan delek kona ba realidade ida ne’e. Ita ema haraik-an hodi reconhece-an nu’udar sala nain karik los liu, seim duvida basa ita ema sala nain por natureza. Ita ema sala nain ida mak fo fali sala ba Maromak ne’e hatudu liu tan de’it ita ninia salan no haboot liu tan de’it ita ninia salan sira basa wainhira halo sala tiha mak la hatene-an nu’udar ema sala nain hodi fo fali sala ba maun alin sira seluk no ba ida be lialos no buat los hotu hotu ninia hun ne’e hanesan de’it ita foti-an hasoru Maromak. Profeta Ezequil hatudu ita ema sira ninia salan boot ida ne’e maibé mos nia hatudu mai ita dalan hodi lao tuir atu labele hetan condenação ba ita ninia-an. Nia haktuir momos mai ita katak wainhira ita consciente no reconhece ita ninia salan sira, ita sei hetan Maksoin, sei hetan moris, maibé wainhira ita fuan to’os nafatin hodi la hakribi ita salan sira no fo fali salan bae ma seluk no ba Maromak ita sei hetan terus no sei mate tamba ita ninia salan ne’e. Nune’e hakribi salan mak dalan kmanek liu nebé nu’udar ema salan nain percisa lao tuir nafatin nafatin iha ita ninia moris tomak. Ita ema sala nain tamba ne’e iha hakribi salan mos ita tem que hakas-an atu sai mos ema hakribi sala nain hodi ita bele hetan moris iha ksolok rohan laek.

Segunda leitura hanorin ita katak atu ita bele sai ema hakribi sala nain ita percisa tau ita ninia-an hamutuk iha Cristo. Iha Cristo mak ita hetan kbiit hakribi sala nian. Iha prática haktuir mai ita iha ne’e katak salan dahuluk nebé ita precisa hakribi mak SALA FOTI-AN, SALA HAKARAK HAKARAK HABURAS IDEIA FAHE MALU NIAN, INTENÇÃO AAT HASORU EMA NO SALAN EGOISMO KA BUKA DIAK BA IDA-IDAK NINIA-AN DE’IT. Ita percisa hakribi salan sira ne’e hodi buka lao tuir de’it Cristo ninia hanoin no hanorin sira be hetan iha: LARAN KMAN NO LARAN LUAK, IHA DOMIN, IHA CARIDADE NO IHA FO KSOLOK BA MALU.

Iha ita ninia moris hamutuk ita buka hamoris mak Cristo ninia hanoin no hakarak hirak ne’e iha ita ninia le’et. Hodi hamoris moris ida nune’e ksolok no hakmatek lolos nian sei la kuran ba ita iha ita ninia moris.

Hateke mai realidade sociedade ohin loron nian be ita hotu hola mos parte ba, hamosu pergunta ida mai ita katak oinsa mak ita bele iha hanoin ida de’it hanesan Cristo hakarak, obstaculo sai boot tebes atu bele hetan moris ida nune’e, katak moris ida be sai ema hakribi nain sala nian, sai ema be la foti an, hakarak halo diak de’it, halo caridade barak no la sai individualista liu? Maun alin doben sira, aparentemente ita hare ba dificil duni atu moris nune’e tamba tentação sira no tamba carater moris contemporãnea nian, maibé mos ita fiar katak wainhira ita moris lolos nu’udar ema sarani ita la hetan impossibilidade ida atu moris nune’e basa ita hotu fiar iha Cristo ida de’it, nebé hanorin mai ita kona ba moris justo ida nune’e, Cristo ida de’it nebé fo força no kbiit mai ita atu fo sasin kona ba Maromak ninia hanoin, Maromak ninia hakarak no Maromak ninia Reino.

Evangelho ohin nian hanorin ita katak moris tuir Cristo ninia hanoin no ninia hanorin sira nune’e mak moris justo los liu. Iha moris justiça lolos nian ne’e ita la moris hodi hakas-an sai justo mesmesak maibé mos ita iha obrigaçcão atu tulun mos maun alin sira seluk moris justo iha sira ninia moris. Liu-liu hatudu iha tulun ema sira ou lori liu tan ema wain mak hakbesik ba moris ema sarani sira nian liu husi ita ninia testemunho moris sarani hodi nune’e wainhira sira halao moris ida tuir Cristo ninia hanoin no hanorin sira, sira mos bele hetan maksoin ba sira ninia moris. Amen.

 

Bidau, 27.09.20, DC ANO A, Pb.

ENTRE IBUN HO HAHALOK

Reflexão no Leituras DOMINGOCOMUM XXVI/Ano A/2020

Ez 18,25-28  Flp 2,1-11  Mt 21,28-32

 

Mahatma Gandhi hatete: Há riqueza bastante no mundo para as necessidades do homem, mas não para a sua ambição. Wainhiraema harohan atu hetan RIKU SOIN, maibé, Maromak haraik DEFEITO (kekurangan) atu ita prudente (neon nain) ba moris ne’e.

Wainhira ema harohan husu PODER atu ema hetan hahí iha rai, maibé Maromak haraik FRAQUESA (kelemahan) atu ita hatene-an nu’udar ema fraco nebé sempre depende ba Maromak. Ema sempre iha tendência husu no hetan buat hot-hotu atu bele goza moris, maibé, Maromak haraik VIDA atu ita bele goza buat hot-hotu. Los duni, ita ema nunca atinge mehi eh ambição hodi hetan buat hot-hotu, maibé, Maromak sempre fo resposta ba ita nia oração.

Problematica moris sempre halo ema ida-rua inseguro até sente Maromak la atende eh la rona ita nia hamulak, pior mak, wainhira ita enfrenta facto ne’e, ita nia fiar mós mihis ba dau-daun, até balu muda fiar ba religião seluk ou fila ba moris gentio ho objectivo atu hetan buat nebé sira husu ba Maromak. Na realidade, ema hirak nebé persiste no mantein fiar ida de’it too nia vida rohan, hirak ne’e mak considerado fiel ba ninia fiar.

Iha relato Evangelho semana ne’e, (Mateus 21,28-32), haktuir aman ida nebé husu ba nia oan nair rua atu ba serviço iha tos uvas. Ida uluk fo resposta positiva maibé, nia la halo tuir ninia lia fuan.

Compara tok ho político sira nia promessa iha tempo campanha eleitoral no depois de kaer ukun, ne’e relevante los ho figura oan ida uluk ne’e. Ibun promete A, B, C,…. maibé, kaer tiha ukun, preocupa uluk mak expo Dubai, preocupa uluk mak lei imunidade, preocupa uluk mak porcento bla…bla…bla ho companhia manan nain projecto sira, ukun tiha, buka dalan oinsa atu aproveita regalias estado molok mandato remata…..depois promessa ida uluk koalia bar-barak iha tempo campanha, ne’e nu’udar meio ida atu hetan netik cargo iha instituição estado ou pelo menos hetan netik privilégio no pensão vitalícia.

Compara took ita rasik nia lalaok nu’udar Cristão Católico iha âmbito moris sarani nian. Sarani hira mak badinas ba hakneak tuir missa lor-loron ou loron Domingo sira? Sarani Católico hira mak haknaar-an iha serviço estado maibé, na realidade comete erro balu hanesan corrupção, colusão no nepostismo? Sarani hirak mak moris adultério (selingkuh) alias kama rua, kama tolu?

Compara took ita nia religioso hirak mak monu hodi la consegue fiel ba nia vocação too remata tan de’it circunstância balu?

Ita Católico hira mak semana-semana dere hirus matan maibé, hafoin sai housi portão Igreja, ita continua la moris tuir moris sarani nian?

Ao passo que oan ida seluk, wainhira rona nia aman nia ordem, nia fo resposta negativa maibé, ikus mai nia arrepende hodi ba halao duni serviço tuir ordem nia aman nian. Iha ai-knanoik ne’e, Jesus pretende atu halo distinção hahalok moris no lalaok housi ema fiar nain sira.

Na realidade, diferença entre moris fiar nain nebé hatudu iha liur ho moris sarani nebé hatudu duni housi fuan laran. Diferença principal ida ne’e mos reflecte ona iha primeira leitura (Ez 18,25-28). Liliu iha segunda leitura, ba sarani sira iha Filipo klean tebes hodi loke ita nia fuan sarani nian.”…. Buka tuir hadomi ida de’it, klamar ida de’it, hanoin ida de’it. Keta halo buat ruma hodi buka hasoru malu, eh hodi foti-an de’it; maibé, ho haraik-an, buka hanoin ema seluk boot liu imi an rasik; keta hanoin ida-idak buka de’it buka de’it sasan ba nia, maibé, hanoin buat nebé ema seluk hakarak. Buka tuir de’it Cristo Jesus nia hanoin”.

Ai-knanoik semana ne’e loke ita nia matan ba princípio moris ema nian iha Reino Lalehan, nebé Cristo hanorin. Talves Jesus nia crítica ne’e fo todan ba matenek nain sira iha altura nebá, iha momento hanesan; Jesus nia crítica ne’e mós endereça ba ita nobun ohin loron nu’udar Católico. Ne’e significa katak; ai-knanoik ne’e fo biban mai ita atu oinsa interpreta lalaok moris nu’udar sarani ba oras ne’e no mos ba aban bainrua nian.

Ita badinas reza, ita badinas ba missa, ita badinas fo esmola, ne’e la significa katak odamatan Reino Lalehan loke luan ona mai ita. Jesus hanorin fila-fila ona katak Cruz (sacrifício) mak facilita ita ba lalehan. Laos hafal de’it Bíblia hanesan ita nia irmão separado sira, ita automaticamente tama lalehan.

Cruz nia interpretação ba moris ohin loron nian mak sacrifício eh luta hodi cumpri saida mak kreda haruka no moris tuir Jesus nia doutrina sira. Ai-knanoik labarik nain rua nebé obedece no rejeita ba aman nia ordem, ne’e reflecte ita nia lalaokmoris sarani nian.

Mundo tecnologia nebé avanso makas teb-tebes, além de fo ninia impacto positivo, ao mesmo tempo lori mos impacto negativa wain ba moris sarani nian. Pior liu mak católico ira atu halo hodi padre (sinal Cruz) iha fatin público mos susar tebes. Tecnologia halo ita reza tereço mos sente hanesan ita lakon tempo tinan rihun ida nian, enquanto ita tur buti telemóvel no dada lia horas barak nia laran ita sente la rugi buat ida.

Maromak los duni paciente ba ita nia lalaok sira tan Maromak respeita ita nia liberdade humana maibé, ita nia liberdade ne’e mos nia limitação iha, wainhira ita nia obrigação mos exige nia fatin.Tanba ne’e mak amu lulik indonésio ida dehan: “Hidup beragama adalah suatu proses membaharui diri lahir batin menurut ajaran, namun juga dan terutama menurut teladan seluruh hidup Yesus”. Enquanto Mahatma Gandhi dehan: “O futuro dependerá daquilo que fazemos no presente”.

Nu’udar Católico, ita refere ba carta São Paulo ba sarani Filipo sira nebé nia (Paulo) hakerek housi comarca laran encoraja ita nobun hodi dehan: ”Maun alin sira: iha karik ksolok oan ruma iha Cristo, iha karik laran kman ruma iha caridade; bele simu netik tulun ruma housi Espírito Santo, iha karik hadomi no laran luak ruma, ne’e sa, imi buka hatoo hau nia ksolok hodi moris hamutuk ho neon no hanoin ida de’it; Buka tuir hadomi ida de’it, klamar ida de’it, hanoin ida de’it”. São paulo fo menon ne’e tanba nia hakarak ita hotu nu’udar sarani, precisa haraik-an hanesan Cristo no banati netik saida mak Cristo haruka no Kreda hanorin: ”Ele, que era de condição divina,não Se valeu da sua igualdade com Deus, mas aniquilou-Se a Si próprio. Assumindo a condição de servo, tornou-Se semelhante aos homens. Aparecendo como homem, humilhou-Se ainda mais, obedecendo até à morte, e morte de cruz”. Assim Seja e Bem Haja (Ignaslopes2020)

SASUKAT EMA NI’AN VS SASUKAT MAROMAK NI’AN

Reflexão & Leituras  DOMINGO 25º TEMPO COMUMANO A, 2020

 

Evangelho semana ne’e convida hikas ita nobun hodi descobre diferença boot entre lalaok mundo no lalaok lalehan. Semana tolu liu ba, ita reflecte hamutuk ona oinsa critério ou requesito sira atu cristão Católico ida bele merece iha Reino Lalehan. Nudar fiar nain, ema hotu nebé simu ona we baptismo iha Kreda Católica deseja tebes atu hetan fatin digno iha mundo seluk wainhira ita nia viagem iha rai ne’e too nia rohan.

Infelizmente iha rai ne’e, ema barak hakarak tama lalehan maibé, atu cumpri critério tama lalehan ne’e mak razão oi-oin los. Tanba ne’e mak Jesus dehan: Tan ema nebé hakarak soi nia moris, sei lakon moris ne’e, maibé, ema nebé lakon nia moris tan Ha’u, sei hetan fali.

 

Ita mos reflecte ona oinsa Maromak nudar criador ba universo, enquanto ita nudar parte ida housi criatura iha universo ne’e, Maromak cria ema hodi haraik kedas liberdade atu decide rasik andamento moris ne’e. Catecismo Igreja Católica número 1733 descreve: “Wainhira ita halo buat di’ak ruma, ita sei sai livre liu tan. La existe liberdade verdadeira, excepto verdadeiro liberdade ne’e expressa iha lalaok nebé di’ak no justo. Ema nia ecolha hodi la obedece (desobedecer) no halo aat, ne’e nudar abuso ba liberdade no lori individuo refere sai atan ba pecado (escravidão do pecado)”.

Semana kotuk,ita mos reflecte ona oinsa Jesus hanorin ita atu entende didi’ak lalaok fo perdão rohan laek ba ema seluk nebé halo aat hasoru ita. Maske iha relato Evangelho, matematicamente Jesus haruka ita fo perdão too hitu nulo dala hitu (70×7=490) maibé, concretamente Jesus hakarak refere liu ba caracter perdão sem limite. Ne’e significa katak moris nudar Católico afinal la fácil hanesan irmão separado sira nia princípio katak fiar de’it no Bíblia de’it, ema ida bele tama ona lalehan. Iha mundo Catolicismo, precisa tebes ita nia consistência hodi cumpri no moris tuir Jesus nia doutrina sira nebé Igreja Católica hatutan.

Perdão infinita (sem fim) nebé Jesus Cristo prefere ita aplica iha moris coincide kedas ho oportunidade graça nebé Maromak haraik mai ita hodi adere ba moris santidade. Maske oportunidade santidade ne’e loke luan maibé, ita ema rasik mak sempre desvia housi graça ne’e tan de’it orgulho pessoal, ambição ba poder, gosta halibur riku soin ba-an rasik no ba grupo partidário, uza dalan oi-oin hodi hetan osan; balu naok, balu falsifica documento hodi hetan osan facilmente, balu faan ai moruk falso, seluk buka aproveita situação hodi kaer ukun, fahe cargo político ba nia maluk……maske nune’e, na prática, ita balu dehan, nusa ema hanesan ne’e la mate lalais tiha?

 

Preferência Maromak ni’an la hanesan sasukat ita ema ni’an, Maromak la condena kedas ema ruma nebé ita considera mal educado eh comporta la di’ak maibé, Maromak fo nafatin oportunidade atu ema hotu nebé sente lao sees housi dalan Maromak atu livremente hakribi salan no fila ba Maromak. Tanba ne’e mak iha rai ne’e, maske ema barak comporta hahalok mal maibé, ema hirak hanesan ne’e sempre saudável no di’ak hela de’it, enquanto ema di’ak sira nebé, ita sei precisa sira nia contribuição iha rai ne’e, dalabarak liu mate lalais de’it. Dala ida tan, providência Maromak ni’an, la hanesan ho ema nia opção. Realidade lalehan, la hanesan ho realidade mundo.

 

Relato Evangelho semana ne’e (Domingo XXV, Ano A), se tuir sasukat mundo ni’an, Jesus comete injustiça tanba selu trabalhador sira la tuir sira nia horas serviço. Iha Timor karik, trabalhador sira sei kesar ona Jesus ba SEFOPE tanba toos na’in comete injustiça no selu ema nia salário la tuir horas serviço.

 

Na verdade, Maromak nia sasukat justiça ba ema, laos baseia ba ema ne’e moris iha mundo ne’e kleur ka lae? Laos refere ba nia halo di’ak dala hira, ema ne’e halo aat tenke mate lalais maibé, haré liu ba oinsa sa ita moris tuir Maromak nia dalan.

 

Iha Timor, políticamente, ema hotu hakarak hetan subsídio veteranos hodi hamosu veteranos falso rihun rahun, lobuk ida hakarak hetan consideração hodi inventa história luta ni’an maske na verdade nia la halo buat ida durante luta ba ukun rasik-an. Iha nível estado, cada governo nebé kaer ukun, prioridade uluk liu mak reestruturação cargo político housi nivel baixa too nível alto. Consequência mak, Tinan ruanulu ona, progresso desenvolvimento marca passo maske percentagem oitoan povo sente netik no barak liu, osan lakon ba bolso nebé la merece. Ema barak gosta buka dalan oioin atu hetan fama no hetan cargo maske capacidade precisa sukat hodi garante resultado.

 

Nune’e, semana ne’e, relato Evangelho fo mensagem mai ita nudar Católico katak Maromak nia lógica no ema nia lógica diferente. Mundo nia sasukat ba lalaok moris ho lalehan nia sasukat ba moris diferente tebes. Ema nia lógica aposta liu ba poder, domínio, triunfo no êxito nebe garante ba ita katak; moris sei hetan nia sentido se ita consegue sai vencedor, iha osan barak, sai conhecido iha ema barak nia leet, hetan fama no acesso fácil oi-oin iha sociedade, enquanto Maromak nia lógica hanorin katak saran moris ba Maromak liu housi servi ema seluk nebé precisa tulun

Too iha ponto ida ne’e, ita aposta ba parte ida nebé, ba Maromak ka ba mundo? Hanoin ba katak saida mak ita escolha agora, sei hetan implicação iha futuro? Jesus fo hanoin dala ida tan katak: ““ema nebé hakarak tuir Ha’u, sei haluhan nia-an rasik; simu nia cruz hodi tuir Ha’u”. Assim Seja e Bem Haja (ignas2020).

HA’U MAUN EH ALIN SALA DALA WA’IN HASORU HA’U KARIK HA’U SEI PERDUA NIA DALA HIRA? JESUS HATAN PEDRO DEHAN: O SEI PERDUA NIA DALA 70 DALA HITU (MT 18, 21-35)

Maun alin sira, haktuir katak iha moris hamutuk be sira halao iha comunidade ida sira moris hakmatek tebes nakonu ho ksolok no domin ninia laran. Maibé to’o loron ida, iha maluk ida nebé halo salan hasoru ninia maluk seluk, salan ida boot tebes nebé la facil atu hetan perdua housi ida nebé nia sala hasoru ba. To’o iha momento ida maun alin sira seluk nebé lakohi atu sira nain rua ninia relação continua nune’e hafoin de hakbesik tiha ba ida be halo sala ne’e no hatene katak nia arepende tebes ho neon no laran ninia salan no mós hakarak ho laran tebes husu perdão housi ninia maun alin be nia sala hasoru ba ne’e, maluk sira ne’e hakbesik-an ba koalia no hato’o mos ba maun alin seluk kona ba situação ne’e no sira ninia desejo atu maluk rua ne’e husu perdão, fó perdua no dame malu fila fali. Maibé sira la hetan buat nebé sira hakarak, kala tanba maluk ne’e ladauk iha condição atu fó perdão ba ida seluk nebé sala hasoru nia, nia hatan ba sira dehan, “lae, ha’u mak sei la fó perdão ba nia, ha’u laos Maromak. Housik ba ami ba mak hatan iha Maromak ninia futar oin iha loron ikus”.

 

Maun alin doben sira, història badak ida ne’e ilustra ita ninia realidade balun iha moris ita ema sarani ni’an be realmente ema sala na’in ida maibé mós Maromak bolu ba moris santo hamutuk iha Maromak liu housi perdão. Haré ba ilustração història badak ne’e ni’an hatudu katak iha moris ne’e dala balun nu’udar ema sarani housi sorin ida ita la hatudu ita-an nu’udar sarani tanba fuan laran tos atu fo perdão, la fó perdão tanba laran moras no pior liu tan justifica hahalok ida ne’e hodi compara fali ita-an ho Maromak be tau ona kbiit atu fó perdão ni’an iha ita nune’e husu ita atu fo perdão ba malu no housi sorin seluk hatudu ita-an hanesan sarani tanba reconhece ita ninia salan no fraquesa sira hodi hakribi no husu perdão housi Maromak no housi maun alin sira tan salan nebé ita halo. Maibé Maromak ninia futar liafuan nebé ita foin mak rona hamutuk dadaun la haruka ita atu moris iha ambiguidade ou moris iha oin rua hanesan ne’e ida. Na’i ninia futar liafuan husu ita atu moris lolós de’it nu’udar ema sarani ida iha dalan moris ema sarani nian, katak iha buat hotu iha moris ne’e ita buka rona hodi moris tuir lolós buat tomak nebé Jesus Cristo hanourin no haruka ita atu moris tuir.

 

Evangelho haktuir mai ita katak iha Pedro ho Jesus ninia conversa wainhira Pedro husu dehan katak ha’u nia maun e alin ka belun sira sala bebeik hasoru ha’u karik ha’u tem que perdua sira dala hira, perdua to’o dala 7? Jesus hatan ba nia katak laos dala hitu de’it, maibé fo perdua dala 70 dala 7. Ne’e katak laos perdua de’it dala ida ka dala rua ou màximo dala tolu maibé, tem que perdua bebeik, nafatin ba nafatin. Ema sarani iha ninia moris tomak tem que fo perdua nafatin ba nafatin, ida ne’e mak Jesus hakarak dehan mai ita. Hodi halo nune’e mak halo ita sai duni Maromak ninia oan, halo ita hola duni ilas Maromak ninian iha ita, basa ita fo perdão hanesan mós Maromak fo perdua mai ita.

 

Na’i Jesus ninia resposta lao nafatin iha linha ninia hanourin sira nebé iha fatin seluk nia hateten katak ó moris hodi halo oinsá ba ema, nune’e mós mak ema seluk nebé moris sei halo ba ó.

 

Maun ho alin sira, iha realidade fo perdão nafatin ka bebeik la facil mai ita, la facil mai ita laos tanba ita laiha kbiit atu fo perdão, ita iha kbiit atu fo perdua tan Maromak tau kbiit ne’e iha ita hotu ninia-an, maibé dala barak tebes la facil no ita la fó perdua ba maun alin eh ema seluk nebé sala hasouru ita tanba de’it buat sira nebé haktuir iha primeira leitura iha livro Ben Sira katak, tanba ita ninia rai hirus, tanba laran nakali no rai kunan. Haktuir momos mai ita iha livro ne’e katak hahalok tolu ne’e la di’ak, nune’e nu’udar ema sarani ita percisa housik tiha hahalok hirak ne’e hodi ita bele merece hetan mós perdão no laran luak housi Maromak no housi maun alin sira.

 

Hahalok rai hirus, laran nakali no rai kunan hasoru ema seluk ne’e sala no la di’ak tanba hadook ita housi Maromak ninia graça, tanba hahalok hirak ne’e hanesan de’it ho ita foti-an no hewai hasouru Maromak no hasoru Jesus Cristo rasik nebé hanourin ita atu fo perdão bebeik, pior liu tan fali mak foti-an no hewai wainhira ita hakarak sukat ita-an ho Maromak iha lalaok fo perdão ne’e. Hahalok hirak ne’e la di’ak tanba lori castigo, lori aat no lori mate mai ita hodi ikus mai halo ita lakon ita-an, lakon moris ksolok lolós iha moris rohan laek be hetan iha Maromak ninia reino. Housi primeira leitura Maromak laos husu de’it mai ita atu housik hahalok aat sira ne’e maibé husu mós mai ita atu iha moris buka pratica fali mak hahalok di’ak sira ema sarani sira nian be hatudu iha: fo perdua nafatin hodi bele mos hetan perdão Na’i nian; buka halo di’ak nafatin, keta hare ba at nebé ema halo hasoru ó nune’e ó bele hetan di’ak wa’in nafatin housi Na’i. Hodi moris halo nune’e mak ita moris tuir duni Maromak ninia ukun fuan tuir aliança ka promessa nebé ita halo an ba Na’i atu moris nu’udar ema mesak ninia oan doben sira de’it, Nia mak ita Na’i, Na’i ita nian no ita Na’i ni’an nafatin ba nafatin hanesan haktuir iha segunda leitura.

 

Mai maun alin doben sira, ita buka halao moris ne’e iha buat hotu rona no halo tuir nafatin Na’i Jesus Cristo ninia Evangelho no tuir nafatin aliança nebé ita iha ho Maromak. Ita husu Nain Feto Virgem Maria ninia tulun atu tulun ita bele hadook an housi rai hirus, laran nakali no rai odio nebé facil tebes ita halo iha moris ne’e hodi reconhece nafatin ita ninia salan no fraquesa sira, fo nafatin perdua ba malu no halo di’ak nafatin hodi fó sasin moris ida nu’udar Maromak oan lolos.

Amen.

 Becora, 13 de Setembro 2020, Pb.

“Mais vale perdoar do que remediar”

Reflexão & Leituras  DOMINGO23º DO TEMPO COMUMANO A 2020

Ema nebé hatene perdão, nia ema forte, ema nebé la hatene perdão, nia ema fraco. Mahatma Gandhi dehan: “O fraco nunca pode perdoar. Perdão é um atributo dos fortes.

Capítulo 18 Evangelho Mateus nian, Biblista sira considera nudar: “discurso eclesial” basá, apresenta catequese ida housi Jesus kona ba experiência Jesus nia caminhada iha comunidade nia leet. Mateus Evangelista haluan ho forma significativo instruções nebé apresenta housi Evangelista Marcos kona ba vida comunitária (cf. Mc 9,33-37. 42-47). Naturalmente, escrito São Mateus nian endereça ba comunidade judaica sira. Iha comunidade ne’e existe tensões entre grupo oi-oin iha sociedade relacionado ho convivência: iha maluk balu nebé julga nai ulun sira iha kot-kotuk, balun hakarak sai ema boot hodi ocupa fatin importante sira, balun comporta la di’ak hodi abuso poder no escandaliza povo kiak no frágil sira, maun alin balu ofende malu hodi hatete-aat maluk seluk, balu explora hodi cobra osan housi ema seluk nebé hetan serviço tanba ninia organização mak recomenda, seluk susar tebes atu fo perdão ba ninia maluk nebé halo erro ruma.

Atu hatan ba vários problemas hirak ne’e mak relato Evangelho Mateus nian hatur Jesus nia princíppio doutrinário kona ba sentido perdão hodi hatete: ““o maun eh alin sala hasoru o karik, ba haksiak nia mesak deit, iha nia oin. Nia rona o karik, o manan nia. Nia la rona o karik, ba bolu tan ema ida eh ema rua, atu lia ne’e bele lao los tan ema nain rua eh nain tolu sira nia lian.””… «Se o teu irmão te ofender,vai ter com ele e repreende-o a sós. Se te escutar, terás ganho o teu irmão. Se não te escutar, toma contigo mais uma ou duas pessoas, para que toda a questão fique resolvida pela palavra de duas ou três testemunhas”.

Ponto importante iha ne’e mak perdão no amor (Domin); Mateus nia relato hatudu katak Jesus pretende forma comunidade fiar nain ida nebé hatene funu hasoru-an rasik hodi adere ba lalaok perdão. Iha Antigo Testamento ita rona lei ida nebé dehan matan troca matan, tilun troca tilun maibé, iha Novo Testamento Jesus hafoun mentalidade ida ne’e hodi adere liu ba Perdão diálogo. Atu alcança ideal ne’e, lalaok importante nebé precisa foti hanesan fundamento mak simplicidade (kesederhanaan) no Humildade (haraik-an).

Situação política iha Timor Leste, lider histórico sira fila kotuk ba malu hodi provoca impasse política rohan laek iha Timor. Pandemia Covid19 mosu mai piora liu tan situação política IP ida ne’e. Fukun housi ne’e mak la iha simplicidade no humildade entre líderes sira nebé mai housi partido diferente no interece política la hanesan. Tanba ne’e mak Vinicius de Moraesdehan: “Quem não perde perdão não é nunca perdoado”. Lider histórico sira nebé antes tinan 20 liu ba fo liman ba malu hodi lori Timor too ukun-an ikus mai fila kotuk ba malu tan deit interece política la hanesan. Ida-idak mosu mai ho sira nia arogancia hodi dun malu no conta história. Sira haluha katak, perdão no diálogo mak bele fo solução ba prosperidade nação Timor Leste.

Iha figura balu nebé contribui ba impasse ida ne’e, oportunista lobuk ida aproveita situação ne’e hodi hetan lucro, oportunista balun de repente sai defensor do partido, oportunista seluk sai defensor ba figura. Balu aproveita lider carismático Xanana Gusmão hodi hetan cargo política, seluk fali aproveita partido histórico hodi manten poder durante tempo naruk.

Jesus nia doutrina semana ne’e, soke ita nia ambição hodi fo perdão ba malu no tane rai Timor Leste nia progresso nebé lori povo ba prosperidade basea ba mehi naruk luta nian.

Fulan rua ba kotuk, mosu polémica juramento hemu ran nebé halo deputado LR condena amu Martinho ho Amu Maubere. Na realidade, sugestão ho crítica ida rua nebé nailulik rua ne’e hatto ba nai ulun sira, ninia motivo laos atu kaer ukun maibé, contribui hanoin baluk ruma hodi loke ukun nain sira nia fuan ba rai Timor. Tanba ne’e mak Evangealho relata: “…Maibé, nia la fo karik tilun ba sira, ba fo hatene ba Santa Kreda: Nia la fo karik tilun ba Santa Kreda, haré nia hanesan ema gentio eh hanesan ema publicano. Hau dehan tebes ba imi: buat hotu nebé o hametin iha rai, sei hametin mos iha lalehan; buat nebé o hakore iha rai, sei hakore mos iha Lalehan”.

Religioso ida halo reflexão hodi dehan: “Na realidade, a Igreja é uma realidade divina e humana, onde coexistem a santidade e o pecado”. Ne’e significa katak nai lulik sira mesak ser humano nebé bele mos iha pecado maibé, wainhira em nome de Igreja, sira halo crítica, ne’e hodi tulun governante sira la bele desvia housi naturesa ukun basá, poder too ponto ida bele halo ema haluha-an. Tanba ne’e mak atu ema hotu fo liman ba malu cria paza no harmonia tuir doutrina Cristo nian, Jesus prefere sentido perdão no domin atu se mak sala tenke haraik-an confessa nia sala, se mak los la bele ulun boot hodi sai fali oportunista iha estado ida nia laran. Maioria Governante mesak Católico maibé, talves laos hot-hotu praticante no hatene pratica moris humildade. Di’ak liu remediar do que cura. Assim Seja e Bem Haja. (Ignas2020)

FIAR DEIT BELE TAMA LALEHAN?…..LAE! CRUZ MAK CHAVE BA LALEHAN

Reflexão & Leituras 22º Domingo do Tempo Comum – Ano A 2020

Jer 20,7-9 Salmo 62 (63) Rom 12,1-2 Mt 16,21-27

 

Ema barak hakarak tama lalehan maibé, atu cumpri critério tama lalehan ne’e mak razão oi-oin los. Tanba ne’e mak Jesus dehan: Tan ema nebé hakarak soi nia moris, sei lakon moris ne’e, maibé, ema nebé lakon nia moris tan Ha’u, sei hetan fali.

Deus nos deu a liberdade para que possamos escolhê-lo livremente e fazer o que é verdadeiro, bom e belo. “A liberdade é o poder, radicado na razão e na vontade, de agir ou não agir, de fazer isto ou aquilo, praticando assim, por si mesmo, acções deliberadas”(CIC ,1731).

Catecismo Igreja Católica número 1733 descreve: “Wainhira ita halo buat di’ak ruma, ita sei sai livre liu tan. La existe liberdade verdadeira, excepto verdadeiro liberdade ne’e expressa iha lalaok nebé di’ak no justo. Ema nia ecolha hodi la obedece (desobedecer) no halo aat, ne’e nu’udar abuso ba liberdade no lori individuo refere sai atan ba pecado (escravidão do pecado)”.

Semana ne’e, Evangelho convida ita nobun nu’udar Cristão Católico hodi descobre “loucura da cruz”; basá, tuir fiar Católico, Cruz nu’udar acesso ba verdadeira vida no vida plena (nakonu/completa) ho Maromak nebé Maromak rasik oferece liu housi dalan domin (caminho do amor) no dalan Cruz (dom da vida (cruz)).

Iha Antigo Testamento, ita foti figura profeta Jeremias nebé coloca ninia moris tomak ba serviço Maromak nian. Iha ninia tempo, nia mos enfrenta dificuldade oi-oin housi ukun nain sira, matan dook sira, hodi halo Jeremias sente sofrimento, a solidão, a perseguição…maske nune’e, Jeremias continua acolha (simu) Maromak nia ordem hodi moris tuir dalan Maromak nian.

Atu fortifica fiar sarani nian, São Paulo iha Segunda Leitura convida sarai hotu hodi oferece moris ne’e ba deit Maromak loron ba loron durante vida tomak. Paulo garante katak sacrifício boot liu nebé  Maromak prefere mak dalan Cruz laos poder político, laos pratica fiar gentio nian nebé haré aniamal nia aten, laos mos cria media ka instituição social atu servi sociedade maibé, afinal hodi servi interece partidária, grupo, família no kolegas. Paulo pretende hanorin ita hodi oferece vida tomak ba Maromak nia providência hodi hetan dalan ba moris rohan laek. Paulo aponta ideia knake ida atu ita nobun moris iha lógica mundo nian hodi aprende halo discernimento ba saida mak Maromak planeia ba mundo nia di’ak basá, ita nia decisão hodi simu ou rejeita dalan Maromak nian sempre iha implicação iha loron ikus.

Tanba ne’e mak tuir descrição Catecismo Igreja Católica nebé contempla ba Bíblia Sagrada descreve katak Maromak cria ema maibé, Maromak haraik mos liberdade ba ema hodi escolha saida mak di’ak eh la di’ak ba nia moris. Ho expressão seluk, ita dehan Maromak la controla ita hanesan remote controloe televisão maibé, Maromak cria tiha ita, housik nafatin ita ho liberdade tomak atu simu Maromak nia proposta salvação. Tanba ne’e mak Jesus hatete claramente; ema nebé hakarak tuir Ha’u, sei lori nia Cruz hodi lao tuir Ha’u. Cruz iha sentido ohin loron mak desafio oi-oin nebé sarani ida enfrenta wainhira realiza nia fiar ba Maromak.

Jesus avisa ba escolante sira inclui hotu nebé simu ona we baptismo iha kreda Católica iha relato Evangelho katak dalan lolos ba moris laos liu housi triunfo (vitória) mundo nian hanesan riku soin no poder maibé, tenke liu housi dalan domin no graça moris nian too mate se ne’e necessário duni (o caminho da vida verdadeira não passa pelos triunfos e êxitos humanos, mas passa pelo amor e pelo dom da vida (até à morte, se for necessário). Dalan Cruz ida ne’e mak Jesus fo hatene ba escolante sira atu hakat tuir wainhira hakarak hetan moris lolos tuis Maromak nia vontade.
Semana kotuk, Pedro lori comunidade sarani nia fatin confessa ona katak Jesus mak Messias Maromak Oan. Basea duni ba confissão ida ne’e mak Jesus edifica Ninia Kreda (é sobre essa fé – diz Jesus – que a Igreja será edificada); Semana ne’e, Jesus haklean liu tan sentido housi tuir Ninia messianismo mak filiação divina. Ne’e refere ba Reino Lalehan nebé nu’udar fatin ba ema fiar nain hotu nebé moris tuir Ukun Fuan Maromak nian. Tanba ne’e mak Jesus dehan: “ema nebé hakarak tuir Ha’u, sei haluhan nia-an rasik; simu nia cruz hodi tuir Ha’u. Tan ema nebé hakarak soi nia moris, sei lakon moris ne’e, maibé, ema nebé lakon nia moris tan Ha’u, sei hetan fali”.

Ne’e significa katak atu tama lalehan, fiar deit seidauk too. Maske irmão separado (protestante) sira hamosu doutrina katak fiar deit tama ona Reino Lalehan, Jesus hanorin katak fiar deit la too. Atu justifica ida ne’e, apóstolo Tiago dehan Fiar nebé la hatudu iha hahalok, fiar ne’e buat maten ida (a fé se prárica é morta). Catolicismo contempla ba Jesus nia doutrina hanorin katak atu tama Reino Lalehan, precisa ultra passa housi desafio oi-oin nebé mosu iha moris ne’e. Desafio no tentação hirak ne’e mak Cruz nebé Jesus refere iha nia Doutrina.

Nune’e, semana ne’e, relato Evangelho fo mensagem mai ita nu’udar Católico katak Maromak nia lógica no ema nia lógica diferente. Ema nia lógica aposta liu ba poder, domínio, triunfo no êxito nebé garante ba ita katak; moris sei hetan nia sentido se ita consegue sai vencedor, iha osan barak, sai conhecido iha ema barak nia leet, hetan fama no acesso fácil oi-oin iha sociedade, enquanto Maromak nia lógica hanorin katak saran moris ba Maromak liu housi servi ema seluk nebé precisa tulun (A lógica de Deus aposta na entrega da vida a Deus e aos irmãos; garante-nos que a vida só faz sentido se assumirmos os valores do Reino e vivermos no amor, na partilha, no serviço, na solidariedade, na humildade, na simplicidade. Na minha vida de cada dia, estas duas perspectivas confrontam-se, a par e passo…)

Too iha ponto ida ne’e, ita aposta ba parte ida nebé, ba Maromak ka ba mundo? Hanoin ba katak saida mak ita escolha agora, sei hetan implicação iha futuro? Jesus fo hanoin dala ida tan katak: ““ema nebé hakarak tuir Ha’u, sei haluhan nia-an rasik; simu nia cruz hodi tuir Ha’u”. Sei haluha nia-an ou “renunciar a si mesmo” significa; soe dook egiosmo, orgulho, comodismo, auto-sufuciência domina ita nia vida no impede ita nia haraik-an hodi simu Cruz tuir Jesus. Desafio boot nebé ohin loron sarani enfrenta mak ne’e, susar tebes atu moris tuir Maromak nia Ukun Fuan maibé, hot-hotu hakarak tama Lalehan. Assim Seja e Bem Haja (ignas2020)

IMI DEHAN HA’U SE????

Maun alin sarani doben sira nebé ha’u hadomi iha ita Nai Jesus Cristo,

Pergunta ida ne’e Jesus halo mai ita ida idak iha Momento ida ne’e no percisa fo resposta pessoalmente ida. Naí Jesus ninia pergunta ne’e pergunta ida nebé exige mai ita alem de resposta pessoalmente maibé mos exige resposta sincera ida kona ba ita ninia confissão ba Jesus ne’e hanesan se? Iha ne’e atu los liu ita la percisa hare ba ema seluk ninia resposta mak ita fo resposta, maibé ita percisa fo resposta ida mai duni housi ita ninia fuan no laran.

Simão Pedro iha ninia resposta ba Jesus be dehan “ITA BOOT MESIAS, MAROMAK NIANIA OAN” resposta ida housi fuan ho laran no mai housi Maromak. Ninia resposta nu’udar resposta lolos ida nebé hetan confirmação housi Jesus Cristo katak los duni buat nebé o dehan ne’e los. Jesus confirma Simão Pedro ninia afirmação tamba nu’udar Nia rasik dehan katak resposta ne’e mai housi Aman Maromak.

Maun alin doben sira, Jesus Cristo Maromak. Ita ema sarani sira hatene momos ida ne’e. Ne’e lialos ida nebé labele nega hanesan ema sira nebé la hatene lolos no la hatene didiak Jesus Cristo hanourin fila fali buat seluk mai ita katak Jesus Cristo ne’e laos Maromak, nia ema conhecido ida deit, ou personagem famosa ida nebé ninia hanourin sira diak tebes no influencia mundo. Jesus Cristo laos hanesan ema sira ne’e ninia hanourin maibé Jesus Cristo ne’e Maromak ninia Oan Mane duni nebé mai moris iha mundo hodi liu housi ninia terus mate no moris hias soi ema tomak housi lia bosok no sala ho mate ninia ukun. Ita hatene katak Jesus Cristo Maromak tamba uluk nanain nia rasik mak confirma LIALOS ida ne’e nu’udar ohin nia hatan ba Simão Pedro, tuir fali mai ita hatene didiak no lolos katak nia Maromak tamba NINIA LIAFUAN NO HAHALOK SIRA BE wainhira sei moris iha mundo ne’e nia koalia no halo;

Hanourin atu ema bolu Maromak Aman no hadomi Maromak liu sasan hotu hotu ho Hadomi ema seluk hanesan ita nia an rasik, tau matan ba ema kiak no ema sira be hamlaha hodi fo ksolok no fo hahan ba sira, halo ema mate sira moris hias fali no ema moras sira hetan fali isin diak, ita dehan ho liafuan badak katak SOI EMA NO MUNDO tomak housi diabu ninia ukun, housi terus, susar no mate, haraik ba ema no mundo maksoin. Maluk doben sira ne’e laos hahalok ema baibain ida maibé ne’e hahalok MAROMAK NIAN. NO SO JESUS CRISTO MESAK DEIT MAK BELE halo ida ne’e, nune’e JESUS CRISTO MESIAS MAROMAK ninia OAN DOBEN DUNI.

Segunda leitura hanourin ita momos katak ‘Buat hotu mai housi Maromak, moris ho Maromak no fila fali ba Maromak.’ Iha ita nain Jesus Cristo mak ita hatene katak buat hotu mai housi Maromak, moris ho Maromak no fila fali ba Maromak. Iha mistério salvação ka Maksoin nian Jesus hatudu claramente ida ne’e duni hodi halo ita compreende katak ita mai housi Maromak no tamba ne’e mak Maromak la housik ita moris terus susar iha pecado nia laran to’o mate ba diabu ninia ukun, maibé Maromak hanoin ita, Maromak hadomi no soi fila fali ita hodi lori ita hotu fila fali ba Maromak. Nune’e mak iha historia humanidade nian Maromak ninia oan mane mos haraik-an mai moris hamutuk ho ita ema sira hodi soi ita hotu nebé FIAR iha Nia.

Cristo ninia presença iha mundo hatudu iha primeira leitura nu’udar ukun nain ida nebé Aman Maromak tau iha mundo atu fo kbiit moris nian ba ema, atu hakonu ema hotu be horik iha familia Maromak nian ho LARAN DIAK. Hodi halo nune’e Maromak estabelece ninia ukun ba ema iha rai tomak. Ukun ida ho LARAN LUAK, ukun ida laos fo sala no castigo ema maibé FO PERDUA NO SOI EMA HOTU be hakribi salan hodi RONA, MORIS TUIR NO FIAR METIN NAFATIN IHA NIA. Amen.

Bidau, XXI DOMINGO TC-ANO A, 2020

Por: Pb.

JESUS NE’E OBJECTO POLÍTICA DE’IT?

Refelexão & Leituras  Domingo 21ºdo Tempo Comum – Ano A, 2020

 

Susar tebes atu ema riku ida tama iha Reino Lalehan, Fácil liu kuda buru ida hakat liu housi daun leet. Ba Maromak buat ida la susar. Susar tebes ukun nain haré hetan povo nia susar hanesan be mos, estrada, saúde, educação maibé, fácil liu sira hateke borus mak oportunidade regalias housi estado. Jesus laos sai ona sasukat atu político halo diak ba povo maibé, figura Jesus sai hanesan objecto político atu povo hili sira nia partido.Ignoram Scripturam, Ignoram Cristi Est.

Semana ne’e, Evangelista lori ita nobun ba região Norte Galileia nian. Geograficamente, região ne’e situada besik mota Jordão nia ulun iha rai Cesareia Filipe.

Históricamente, Cidade ida ne’e Liurai Herodes Filipo mak construi iha tinan 2-3 antes Cristo hodi fo honra ba Cesar Augusto. 

Semana ida rua ba kotuk, ita acompanha ona oinsa Jesus fo volta território Palestina hodi haklaken Ninia doutrina. Housi viagem haleu ne’e, ita nudar fiar nain descobre katak Jesus nia missão Salvífica laos pertence de’it ba povo Israel maibé, pertence ba ema hotu nebé, simu Maromak nia proposta salvação iha Jesus nia Hanorin sira.

Maibé, molok hakat too salfação refere, Jesus mos convida ita hodi experimenta destino de Cruz.

Jesus prova Maromak nia misericórdia iha Cruz tutun. Ita nobun nebé baptizado sei hetan prova eh tentação laos ona Cruz concreta hanesan Jesus leva iha tinan rihun ba kotuk maibé, Cruz ne’e ho forma seluk tanto housi liur (exterior) no housi mos ita-an rasik (interior). Jesus nia cruz inicial mak wainhira Nia tenke enfrenta desafio ba Ninia missão housi fariseu ho doutor lei sira perante povo judeu nia interece ba salvação messiánica.

Liu tiha fulan hirak Jesus haklaken Reino Lalehan, Jesus justifica Ninia proposta kona ba Reino Lalehan la hetan resposta positiva (não é acolhida) housi ema balu. Grupo kiik ida de’it nebé composto housi apóstolo ho povo simples balu mak simu Jesus nia haklaken. Tanba ne’e mak Jesus husu ba sira kona ba Jesus nia personaliade.
Wainhira Jesus husu escolante sira nia hanoin kona ba Ninia personalidade, ne’e laos atu hodi sukat Jesus nia popularidade perante sociedade judaica altura nebá (Não se trata, tanto, de medir a sua quota de popularidade) maibé, Jesus hakarak confirma ba apóstolo sira katak opção tuir Jesus no aposta Reino Lalehan laos atu hetan popularidade maibé, sei hasoru desafio oioin. Talves tanba versículo ne’e mak mak Santa Teresa de Calcutá iha ninia ditado popular reflecte katak; Maromak bolu ita laos hodi hetan sucesso maibé, bolu hodi Fiel ba Nia.

Evangelista Mateus nia relato, acrescenta tan confissão São Pedro katak Jesus mak Maromak Oan hafoin Jesus confia missão kreda nian ba Pedro. Confissão de Pedro lori paradigma importante rua ba ita nudar sarani. Paradigma ida uluk mak caracter Cristológico nebé centraliza ba definição Jesus nia identidade iha Pedro nia confissão. Paradigma segunda sublinha liu ba caracter mais eclesiológico nebé centraliza iha Igreja liu housi Jesus nia posse ba Pedro nudar chefe da comunidade eclesial: “Também Eu te digo: Tu és Pedro; sobre esta pedra edificarei a minha Igreja e as portas do inferno não prevalecerão contra ela. Dar-te-ei as chaves do reino os Céus: tudo o que ligares na terra será ligado nos Céus, e tudo o que desligares na terra será desligado nos Céus / / Hau dehan tenik ba o; o Pedro, iha fatuk ne’e, Hau sei harí Hau nia Igreja; inferno la iha kbiit atu foti liman hasoru Nia. Hau sei fo Reino Lalehan ba o ukun: buat nebé o futu iha rai, sei futu mos iha lalehan; buat nebé o kore iha rai, sei kore mos iha lalehan”».

Versículo 13-16, ita haré Jesus interroga discípulo sira oinsa ema seluk nia haré  kona ba Jesus nia figura hafoin oinsa discípulo sira nia haré sobre Jesus .
Afinal ema sira iha altura nebá, nafatin haré Jesus hanesan de’it ho figura profeta sira antes hanesan João Baptista, Jeremias, Elias ou profeta seluk ruma nebé mosu ona iha passado. Ne’e significa katak maske Jesus lao fo volta hodi haklaken Doutrina maibé, sira la consegue haré (Capta) Jesus nia novidade sira, originalidade nudar realização (pemenuhan) housi Maromak nia promessa katak Messias sei mai.

Sira reconhece Jesus apenas too de’it ema nebé Maromak envia mai mundo ho missão ida hanesan profeta antigo sira. Ao passo que Pedro ho fuan boot confessa katak Cristo mak Messias Maromak nia Oan.

Precisa ita tau iha consideração katak situação socio político Palestina iha altura nebá cria circunstância ida que povo precisa tebes presença Messias ida ho figura hanesan liurai David ho força armada completo hodi duni sai colónia Romano housi Palestina. Provavelmente circunstância ida ne’e mak halo povo em comum, inclui apóstolo balu excepto Pedro nebé considera figura Jesus hanesan de’it ho profeta sira.

Iha altura nebá, prespectiva ema nia ba Jesus apenas nudar ema diak, justo, generoso nebé rona Maromak nia apelo sira hafoin comunica apelo ne’e ba povo liu housi ninia hahalok sira, hanesan profeta sira halo ona (versículo 12-14). Tanba ne’e mak ema barak inclui escolante sira la consegue contempla figura Jesus ho novidade hirak nebé Jesus actua hanesan Messias. Nune’e mos apóstolo sira nia opinião quase comum, nem halo distinção oiotan ho ema seluk. So Pedro mak sente representa comunidade ou grupo escolante sai porta-voz hodi declara Jesus nudar Messias Maromak oan.

Pedro nia confissão ne’e significa Jesus mak Cristo (Messias) nebé sai hanesan libertador ba Israelita sira durante ne’e sira hein. Messias nebé sai hanesan enviado Maromak nian, sei oferece salvação definitiva.

Liu tiha confissão Pedro nian representa povo kiak no oprimido ne’e, Jesus mos fo kedas resposta imediata ida tan Pedro nia expressão fé ne’e laos meramente humana maibé, divina. Talves Pedro confessa ida ne’e ema nome de comunidade sarani iha altura nebá maibé, Jesus considera expressão

ne’e dom de Deus (“não foram a carne e o sangue que to revelaram, mas sim o meu Pai que está nos céus”). Pedro ho escolante sira tama iha categoria ema kiak sira, ema simples, ema hirak nebé aberto/nakloke ba Maromak katak sira iha coração disponível hodi acolhe dom da graça no proposta salvação nebé Jesua anuncia.

Grupo escolante ho ema fiar nain sira nebé haré Jesus ho maan fiar nian, representa ema hirak nebé disponível ba Maromak, sai hanesan contraposição ba grupo elite sira hanesan fariseu ho doutor lei sira nebé la precisa Jesus até que haré Jesus nia doutrina hanesan ameaças ba sira nia posição no privilégio iha sociedade nebá.

O que é que significa Jesus dizer a Pedro que ele é “a rocha” (o nome “Pedro” é a tradução grega do hebraico “Kephâ” – “rocha”) sobre a qual a Igreja de Jesus vai ser construída? As palavras de Jesus têm de ser vistas no contexto da confissão de fé precedente.

Saida mak ita nudar sarani Católico bele entende kona ba Pedro wainhira Jesus tenik nia nudar fatuk (fatuk inan)? Pedro iha tradução greda nebé adapta housi lain hebraica “Kephâ” katak fatuk (rocha). Fatuk ne’e duni mak Jesus sei edifica comunidade sarani (Igreja) no buat aat sei la destroi kreda ne’e too tempo nia rohan. Pedro nia confissão representa iha hotu nebé simu Cristo nudar Messias. Saida mak Pedro koalia, lori ema hotu nia fatin hodi afirma Jesus nia identidade.

Tanba ne’e mak too ohin loron so Igreja Católica de’it mak única instituição mais antiga nebé iha sucessão completa hahú kedas housi Pedro mai too Papa Francisco.

Se ema ruma mosu mai koalia rebo-rebo kona ba Jesus de’it hodi haluha tiha kreda nebé Jesus institui (edifica) iha tempo nebá, hirak ne’e hotu mesak bosok ten. Se grupo ruma mosu mai halo campanha kona ba Jesus hodi la considera Nossa Senhora (Jesus nia inan Maria), hatene ba katak hirak ne’e doutrina falsa. Jesus Maromak duni no ema duni. Tanba nia Maromak duni, então poder nebé nia haraik ba Pedro nudar chefe da comunidade no Pedro nudar fatuk inan, ne’e puramente legal-histórico. Jesus ne’e ema (mane) duni, então certamente nia tenke moris mai rai ne’e housi inan ida hanesan mos ser humano em comum.

Infelizmente, sarani católico balun oras ne’e facilmente monu ba ema nia promoção bosok sira liu housi media social hanesan facebook. Infelizmente catóico sira oras ne’e haré figura Jesus laos hanesan Messias maibé, apenas hanesan figura artista ida nebé ema uza Jesus nia foto hodi halo tatoo, halo pintura artística de’it.

Infelizmente político balu nebé mai ho origem sarani, uza objecto sagrado Jesus nian hodi harí partido, habosok no hatauk ema ho imagem sagrada sira atu apoiantes hili sira nia partido até haluha tiha katak Jesus ne’e expressão concreta housi Maromak nebé ita la haré.

Foin sae sira sablon camisola Jesus nian hodi hatudu de’it estilo de vida (life Style). Businessman sira aproveita publica Jesus nia imagem ho objecto sagrado sira ho fim económico laos fim da fé.

Pergunta atu ita reflecte mak ne’e; liu tiha tinan rihun rua, ohin loron ita haré figura Jesus hanesan saida? Assim Seja e Bem Haja…. Ignoram Scripturam, Ignoram Cristi Est (ignas2020)

SALVAÇÃO BA EMA HOTU

Domingo XX  do Tempo Comum – Ano A 2020

 

Eis o que diz o Senhor:«Respeitai o direito, praticai a justiça,porque a minha salvação está pertoe a minha justiça não tardará a manifestar-se.
Iha sabedoria popular ida nebé tenik: ”sofrimento nee nudar provas ida nebé kaman tebes; enquanto provas nebé realmente todan liu mak wainhira ema sente iha poder atu halo buat hotu”.

Afinal salvação nia característica mak Universal significa ema hotu bele alcança salvação nee wainhira nia simu convite graça husi Maromak hodi fiel ba Nai ida deit. Maromak hadomi ema ida-idak nudar Ninia oan (criatura) hodi conivda sira ba banquete (han hamutuk) iha Reino Lalehan. Tan nee mak iha primeira leitura, Maromak garante moris foun ida bapovo judeu hodi hetan salvação plena. Por wnquanto, salvação refere laos destina deit ba povo israel maibé, ba destina mos ba ema feto eh mane nebé aceita hodi fiar no halo tuir lei nudar comunidade povo Maromak nian.

Iha Evangelho haktuir realização profecia husi profeta Isaías nudar primeria leitura relata iha semana nee.Jesus iha relato Evangelho hatudu momos oinsa Jesus sai adversário político ba fariseu ho doutor lei sira tan sira sempre recusa atu simu Reino nebé Jesus haklaken. Semana nee haktuir katak Jesus tama iha região ida naran Tiro no Sidon. Região nee considerado nudar rai pagã nian maibé, Jesus ba neba hodi justifica katak rai pagã sira mos merece ba Maromak nia acolhimento.

Perante grandeza fé feto Cananeia  nebé foti lia hasoru Jesus atu ninia oan feto hetan cura ba moras aat ida. Nudar provas husi Maromak nia misericórdia no universalidade salvação de Deus, Jesus dehan: “Feto, o nia fiar boot duni. O seihetanbuatnebé o hakarak”. Hahúbaloron nee, niaoanfetohetankedasisindiak.Nee significa katak salvação nebé Maromak promote, sei haraik ba ema hotu feto no mane sem excepção.

Segunda Leitura justifica liu tan katak Maromak nia misericórdia nee derrama ba ema hot-hotu nudar Maromak oan. Nee significa graça salvação nee endereça mos ba ema hotu nebé laos judeu. Make povo Israel rejeita no sarani sira ohin loron lobuk ida mos baruk rona Maromak nia Lia Fuan, Maromak respeita nafatin ema ida-idak nia escolha ba vida.

Profeta Isaías hateke dook liu mai oin hodi afirma katak Maksoin sei mai iha tempo ida. Nai lia tun nunee: “buka halo tuir ukun, buka moris tuir justiça, basá, Hau nia Maksoin besik ona. Hau justiça besik mosu ona. Tempo nebé sei mosu nee, sei caracteriza ho salvação no justiça.

Promessa Maromak nia hatoo bebeik ho maneira hanesan husi profeta sira husi tempo ba tempo; “A “justiça” foi pregada e anunciada, vezes sem conta (com estas mesmas palavras ou com outras semelhantes), por todos os profetas de Israel…”

Too ohin loron mos maneira nee la muda so que problema mosu wainhira maneira haklalken justiça nee soke los makaer ukun sira nia interece. Ita sei lembra deputado LR nia crítica ba Igreja iha fulan hirak liu ba relaciona ho polémica juramento. Maske ikus mai, fundador KHUNTO; sr Naimori halo conferência imprensa aberta hodi husu desculpa maibé, ita fila ba ditado popular iha leten nebé tenik; “…enquanto provas nebé realmente todan liu mak wainhira ema sente iha poder atu halo buat hotu”. Político ida sente bele halo buat hot-hotu tuir sira nia hakarak wainhira kaer poder iha liman. Hanesan Jesus crítica atitude fariseu ho doutor lei sira, ohin loron nai lulik sira iha kreda Católica continua deit knaar profética nee hodi halo ema hotu conhece deit Jesus nudar Maksoin laos atu hadau ukun.

Tanba nee mak religioso ida halo reflexão hodi dehan:” ….A salvação que Deus vai oferecer não se destina apenas a Israel, mas também aos estrangeiros. Trata-se de uma espantosa revolução no universo religioso do Povo de Deus”. Tanba salvação nee ba ema hotu liliu hirak nebé sai ona sarani, nee mak ministros da Igreja sira fo hanoin atu moris tuir justiça no tuir Maromak nia ukun fuan maske ida rua monu maibé, knaar profético nee naturalmente precisa fo hanoin bebeik.

Ohin loron ita moris iha era ida nebé nakonu ho contradições. Iha sorin ida, mosu ema lobuk nebé hatoo idea diak ba sociedade no mosu mos contra argumento ho interece la hanesan. Media social sai fatin kmook hodi expressa idea beik no idea matenek sira. Pior liu mak politico sira mos aproveita media nee hodi hatoo idea política. Wainhira Media social desordem ona mak foin atu mosu lei discrimina defamação nebé hamosu pro-contra iha sociedade.

Ema ohin loron halo competição hodi oinsa halibur riku soin, halibur fen kiik bar-barak, halibur laen kiik bar-barak too haluha oinsa atu halo tuir ukun fuan nudar sarani. Media sira lor-loron fo sai notícia oi-oin hodi muda mos sarani sira perspectiva kona ba Maromak, kona ba cultura, kona fiar, kona relação social, no seluk tan. Perante realidade hirak nee mak kreda Católica continua sai nafatin portador no liman ain Cristo nian hodi haklaken nafatin salvação Cristo ba sarani sira no ba ema hotu nebé simu mensagem graça nee. Tanba nee mak santa Teresa de Calcutá dehan: “Maromak la bolu ita sai sucesso maibé, hodi sai fiel”.

o texto Evangelho convida-nos a ter sempre presente que a misericórdia de Deus não abandona nenhum dos seus filhos, mesmo aqueles que numa determinada fase da caminhada rejeitam as suas propostas. Deus respeita sempre as opções livres dos homens; mas não desiste de propor oportunidades infindáveis de salvação, que só esperam o “sim” do homem.

 “Deus escreve direito por linhas tortas”. Do mal, Ele é sempre capaz de retirar o bem (se os judeus – com a sua mentalidade fechada aos estrangeiros e com a sua mentalidade de que a salvação era uma proposta exclusiva, só a eles destinada – tivessem aderido em massa ao Evangelho, dificilmente teriam aceite que a proposta de salvação se tornasse universal). Assim Seja (Ignas).

KETA TA’UK! HA’U DUNI MAK NE’E

Domingo Comum XIX/Ano A/2020

1 Rs 19,9a.11-13a  Rom 9,1-5  Mat 14,22-33

 

Em Jesus, o Deus do amor e da comunhão vem ao encontro dos discípulos, estende-lhes a mão, dá-lhes a força para vencer a adversidade, a desilusão, a hostilidade do mundo. Os discípulos são convidados a reconhecê-l’O, a acolhê-l’O e a aceitá-l’O como “o Senhor”.

Santa Teresa de Calcutá dehan: Maromak bolu ita hodi sai fiel (setia) la’os bolu ita hodi sai sucesso ou quanto mais atu hetan cargo político. Primeira Leitur haktuir sobre profeta Elias iha foho Horeb. Iha duni foho ne’e mak Elias hetan experiência kona ba sentido housi fe (fiar) ba Maromak. Anin hu maka’as maibé, Maromak la horik iha nebá. Rai nakdoko, Maromak la mosu iha nebá, mosu mai anin anin mamar ida, afinal Maromak horik iha nebá. Atu completa narração ne’e, São Paulo iha segunda leitura ho ninia característica afirma:  nia pronto hetan maldição no sees housi Cristo, naran katak ninia povo fiar ba Cristo hodi hetan salvação. Jesus halo completo andamento ne’e tomak hodi afirma: ”aten brani, Ha’u duni, keta ta’uk”. Ne’e mak lia fuan coragem halo ita povo sarani sente laran hakmatek.

Iha livro liurai sira nian, se ita halo comparação entre capítulo 18 ho 19 iha nebá, ita conesegue haré capítulo 18 relata Elias nia sucesso ao passo que capítulo 19 hatudu Elias nia desesperado (kekecewaan/putus asa). Capítulo 18 ne’e hatudu Elias iha topo sucesso nian maibé, capítulo 19 lori Elias ba leet insucesso hodi expressa iha; lamentação no desesperado. Ne’e experiência moruk profeta boot ida iha Antigo Testamento hanesan mós experiência fiar nakdoko nebé São Pedro experienta tuir relato Evangelho semana ne’e.

Sentimento desesperado klean, ida ne’e mak experiência moruk apóstolo boot Novo Testamento; São Paulo, nu’udar nia expressa iha nia carta ba sarani Romano sira.

Sentimento “ta’uk” nebé escolante sira enfrenta iha tasi Genesaré laran, em princípio parecida (atu hanesan) ho relato kona ba profeta Elias ho apóstolo Paulo nia situação. Ne’e la’os sentimento ta’uk fundamental maibé, ne’e nu’udar experiencia nebé sempre acontece iha ita nia vida sarani nian.

Conteudo principal housi relato Evangelho semana ne’e mak; Jesus nia escolante sira nebé hasoru anin boot iha tasi laran no hetan tulun no salvação housi Jesus. Jesus nia poder divinia mosu iha momento Nia la’o iha tasi leten.

No Jesus fo biban ba Pedro hodi koko la’o iha tasi leten. Pedro realiza Jesus nia convite hodi la’o iha tasi leten ba hasoru Jesus.

Maibé, tan deit ninia fiar nebé namlele no ta’uk naresin, Pedro atu mout sal-sala tama tasi. Jesus lolo liman hodi salva Pedro hafoin Jesus fo menon ba Pedro ho escolante sira seluk, inclui mós ita nobun nu’udar Cristão Católico ohin loron katak; iha qualquer tempo no situação Jesus sempre salva Ninia ema fiar nain sira.

Desde Igreja Católica hahú too ohin loron, Igreja Católica sempre ebfrenta desafio oioin, Papa, Bispo, sacerdotes ho religioso no sarani Católico sira sempre hasoru desafio hanesan funo, incêndio, doutrina falsa, perseguição, manipulação,…..maibé, too minuto ne’e, graças a Deus kreda Católica nafatin sai mata dalan ba sarani sira tan Espírito Santo sempre horik iha kreda Católica tuir Jesus rasik dehan katak; Ha’u sei hôrik ho imi too mundo nia rohan.

Jesus nia atitude iha relato semana ne’e, hakarak justifica no fo coragem katak qualquer desafio nebé kreda Católica hasoru, maske perigo tebes sei la hamout ró nebé Cristo horik ba; Igreja Católica.

Iha história naruk kreda Católica nian iha mundo ne’e, Kreda ne’e hanesan ro nebé hasoru rejeição (penolakan), distúrbio, perseguição, controvérsa, ameaças housi parte hot-hotu desde tinan rihun rua resin.

Maibé, Igreja Católica nafatin continua moris no hakat ba oin hodi salva no lori ema fiar nain sira ba hetan salvação iha Jesus Cristo. Tanba ne’e mak perante desafio oi-oin nebé kreda Católica enfrenta, Jesus nia lia fuan; “kea ta’uk” sempre sai hanesan naroman ba sarani católico hot-hotu.

Iha mundo ne’e, por natureza ita hetan salvação housi Cristo. Iha tasi sorin, iha mundo nia sikun seluk, iha continente seluk, too mundo ne’e remata mós, Igreja Católica sei nafatin enfrenta desafio hirak ne’e. Maibé, cada desafio nebé ameaça kreda Católica nia existência, sei lakon rasik.

Iha contexto Timor, liu tiha tinan 19 restaura independência, mosu religião protestante ho seita oi-oin nebé buka atu desfia sarani sira liu housi loke curso, loke escola, loke asrama, loke akun facebook hodi fahe sira nia doutrina ho objectivo atu dada sarani Católico sira muda fiar maibé, graças a Deus, sarani católico barak mak sei fiel nafatin ba kreda Católica. Iha contexto política, partido balu, lider histórico balu, uza igreja nuda meio hodi atinge ambição política, obriga ema halo juramento, uza simbolo Igreja iha bandeira partido, uza objecto Igreja nian ba ritual arte maricias no meios oioin tan maibé, hirak ne’e hotu halo Igreja Católica forte liu tan iha Timor Leste no iha mundo.

Se ita nu’udar kreda Cristo nian, tanto comunidade tanto pessoal, wainhira enfrenta desafio hirak ne’e, ita precisa nafatin mantem fiar ba Cristo hodi rona-Lé bebeik Nai nia Lia fuan iha Bíblia no iha celebração Eucarística sira. Nu’udar Pedro mout sal-sala ba tasi klean maibé, tan deit rona Cristo nia Lia Fuan, nia hetan tulun. Pedro nia sentimento ta’uk no dúvida  representa ita nia condição fiar nu’udar sarani iha otas ne’e.

Wainhira ita nia fiar hetan tentação oi-oin, ne’e la significa katak ita atu husik fiar ne’e eh lae maibé, ne’e nu’udar exame ida hodi halo ita hatene consecuência housi ita nia fiar ba Cristo.

Ita la bele haluha katak; ita nia moris sarani ne’e compara hanesan ita hala’o dadaun viagem ho ro iha tasi luan nebé sempre hasoru desafio oioin. Desafio hirak ne’e mosu mai iha ita nia ro fiar nian. Anin boot, laloran boot, rai lakan, mosu housi sor-sorin hodi imprede ita ia viagem ba Jesus Cristo. Maibé, buat nebé halo kreda Católica forte mak Jesus sempre horik ho Ninia kreda too mundo nia rohan, tan ita tau fiar no husu perdão ba Nia. Jesus sempre la’o iha desafio hirak ne’e nia leten hodi supera desafio hirak ne’e perante povo sarani nebé fiel ba Cristo.

Perante desafio hirak nebé oras ne’e mosu hodi destroi Igreja Católica, Jesus mosu iha kreda nia leet hodi sai hanesan capitão eh nahkode hodi guia povo sarani ba salvação. Cristo nia futar isin no futar lia fuan mak ai-han nebé bele assegura ita durante viagem iha rai ne’e.

O Evangelho deste domingo é, antes de mais, uma catequese sobre a caminhada histórica da comunidade de Jesus, enviada à “outra margem”, a convidar todos os homens para o banquete do Reino e a oferecer-lhes o alimento com que Deus mata a fome de vida e de felicidade dos seus filhos. Estamós dispostos a embarcar na aventura de propor a todos os homens o banquete do Reino? Temós consciência de que nos foi confiada a missão de saciar a fome do mundo? Aqueles que são deixados à margem dessa mesa onde se jogam os interesses e os destinos do mundo, que têm fome e sede de vida, de amor, de esperança, encontram em nós uma proposta credível e coerente que aponta no sentido de uma realidade de plenitude, de realização, de vida plena? Assim Seja e Bem Haja (Ignas2020)