shadow
Diocese de Dili > NOTÍCIAS > REFLEXÃO

“HAKBESIK MAI HAU IMI HOTU NEBÉ KOLE NO MORIS SUSAR, HAU SEI FO KMAN BA IMI”.

SIMU HAU NIA UKUN BA HODI BA NATI TUIR HAU, TAN HAU LARAN KMAUS NO HARAIK-AN; NO IMI SEI HETAN HAKMATEK … BASA HAU NIA UKUN MAMAR, HAU NIA NAHA KMAN” MAT 11, 28-29.

 

Maun alin sarani doben sira, Na’i Maromak ninia futar lia fuan domingo ida ne’e nian convida Ita atu ba reflete hamutuk kona ba KSOLOK. Ksolok lolos ida nebé ita ema hotu hakarak no sei hela ho ema nafatin ba nafatin. Hahu kedas ho ksolok ne’e ninia hun ka we matan nebé mak housi leitura sira be ita foin rona dehan mai ita katak mak MAROMAK RASIK. Maromak ne’e duni mak lori ksolok mai ita ema sira liu housi ninia presença no ninia ukun ho kbiit wa’in lolos.

Iha primeira leitura Na’i Maromak halo ita laran metin lolos iha moris ida nakonu ho ksolok be sai possivel wainhira Maromak mai hôrik ho ita no ukun ita. Wainhira ita hala’o moris ida ne’e ho Maromak no housik Maromak ukun ita, moris ida nune’e’e sei mósu duni iha ita leet, maibé la ho Maromak, ho fali ita ninia esforço de’it moris ksolok ita nian sei la tahan no sei lakon fila fali. Na’i Maromak dehan “imi haksolok ba… hananu iha ksolok ba, … liurai sei mai hasoru ó, Nia ema Santo, ema kbiit na’in. Nia sei halakon funu no buat hotu be hamósu funu, nia sei ukun housi tasi feto toó tasi mane, housi rai ulun toó rai ikun.” Ne’e katak Na’i Maromak mak ukun mundo rai klaran ne’e no ema hotu-hotu. Ba ema hotu nebé mak tau fiar iha nia sei hetan ksolok no hakmatek lolos iha sira ninia moris. Ksolok no hakmatek ida nebé sei hela metin nafatin ba nafatin iha ema sira ne’e ninia leet tamba Maromak mak ksolok no dame ninia hun.

Segunda leitura hanorin ita katak ksolok ida ne’e sei halo ita sente lolos moris ne’e ninia folin basa ksolok lolos ida ne’e so bele mai de’it  housi Maromak nebé moris ninia hun ne’e. Nune’e se Maromak halo ema sira be fiar iha nia hetan ksolok, ne’e katak Maromak halo mós ema sira ne’e hetan moris lolos ida. Moris ida nakonu duni ho ksolok lolos nian. Ida neé Na’i Maromak halo mai ita ema sira liu housi ita Na’i Jesus Cristo nebé Na’i Maromak iha ninia Espírito halo moris hias fila fali housi mate hodi halakon sala no mate. Tan neé mak ita mós sei hetan moris, Maromak sei haraik moris ida ksolok lolos mai ita. Iha Carta ba sarani sira iha Roma São Paulo hateten “Maun alin sira, Maromak ninia Espírito hôrik karik iha imi, laos sasan rai ne’e nian mak ukun imi, maibé Espírito mak ukun imi. Maromak nebé halo Jesus moris hias housi mate nia Espírito hôrik ho imi karik Nia sei haraik mós moris ba imi ninia isin mate.” Los duni maun alin doben sira, ita ema moris tamba Maromak ninia Espírito nebé hu mai ita ninia Isin mate ne’e.

Ita ema laos moris tamba material ruma maibé ita moris tamba Maromak ninia Espírito nebé hôrik iha ita. Iha moris loro-loron nian moris ksolok ida aparentemente de’it ne’e hamósu exgigência material barak tebes mak ita percisa hodi tulun ita ninia moris, hahu kedas housi uma, hatais, kareta, telephone, etcetera. Maibé ne’e hotu iha realidade la garante moris ksolok lolos ida hanesan ita rona ohin Maromak hakarak mai ita. Ita percisa mós moris tuir Espírito Maromak ninia hakarak nian nebé ita bele hare concreta iha relação moris nian be hari iha hadomi malu, respeita malu, tulun malu, rona malu, cuidado malu, perdua malu, laran luak ba malu no hahalok espírito nian wain tebes nebé ita percisa haklean iha ita ema sarani sira ninia moris hodi ho tan tulun material sira nian ita bele hetan duni moris ida KSOLOK NO HAKMATEK lolos nu’udar Maromak promote no hakarak mai ita. Ita ema be Maromak halo mai iha ita ninia-an isin no klamar neé buka hala’o moris ne’e iha ninia totalidade, katak moris iha isin no klamar lolos tuir Maromak haraik mai ita. Ita la moris de’it iha isin, ne imi haklamar de’it. Ita buka moris di’ak lolos iha isin no mós iha klamar.

  • Doben maun alin sira, iha Evangelho Na’i Jesus expressa ninia laran ksolok hodi hasae agradece ba Aman Maromak tamba Maromak hatudu segredo moris ksolok nian ba ninia povo iha ninia oan mane mesak Jesus Cristo ninia-an. Iha Cristo nebé hori mundo ne’e hahu mai kedas ona Nia Liurai, liurai rai hotu nian.

Iha Cristo neé ninia misterio terus, mate no moris hias nian Maromak revela ka hatudu ba mundo katak Maromak mak ukun mundo basa laiha tan buat ida iha mundo, neim buat at ida mak bele ukun mundo no bele ukun fali ema sira nebé fiar iha Maromak;

  • Ema hotu nebé fiar iha Cristo hetan moris ksolok no dame lolos nian. Moris ksolok no dame ida nebé sei rohan laek, hahu kedas ona iha rai klaran ne’e rohan laek ba hamutuk iha Maromak.

Tan ne’e maun alin doben sira, mai ita hotu nebé fiar iha Maromak no iha moris ne’e hakarak hetan nafatin moris ksolok no dame lolos nian ida ne’e hakbesik an ba Jesus Cristo nafatin no hametin ita-an iha moris hamutuk ho Jesus nafatin atu nune’e’e moris ida nune’e’e ita sei hetan duni hahu oras ne’e no ba nafatin.

Jesus rasik dehan :

“HAKBESIK MAI HAU IMI HOTU NEBÉ KOLE NO MORIS SUSAR, HAU SEI FO KMAN BA IMI. SIMU HAU NIA UKUN BA HODI BANATI TUIR HAU, TAN HAU LARAN KMAUS NO HARAIK-AN; NO IMI SEI HETAN HAKMATEK … BASA HAU NIA UKUN MAMAR, HAU NIA NAHA KMAN” MAT 11, 28-29.

 

 

Domingo Comum XIV,  Motael, 05 de Julho 2020, Pb.

“VINDE A MIM, TODOS OS QUE ESTAIS CANSADOS E OPRIMIDOS, E ALIVIAR-VOS-EI. TOMAI SOBRE VÓS O MEU JUGO, E APRENDEI DE MIM, QUE SOU MANSO E HUMILDE DE CORAÇÃO, E ACHAREIS ALIVIO PARA AS VOSSAS ALMAS, POIS O MEU JUGO É SUAVE E O MEU FARDO É LEVE” MAT 11, 28-29.

Caros irmãos, A palavra de Deus deste domingo de XIV convida nos a refletir juntos sobre a FELICIDADE. Uma verdadeira felicidade que todos nós queremos e procuramos sempre.  e que permaneça ema nós para sempre. Deus como fonte desta felicidade nos traz a felicidade e reina em nós com o seu poder.

Na primeira leitura Deus nos da a experança em uma vida cheia de alegria o qual será possível quando Deus veio habitar no meio de nós e reina em nós. Quando nós  vivemos a nossa vida com Deus e deixemos que Deus nos reine, aquela vida feliz já não é uma possibilidade mas sim é uma certeza. Uma vida contrário, quer dizer seim Deus, só com o nosso esforço a felicidade não permanecera em nós.

Deus nos disse “alegrai vos, exultai vos, O teu Rei vem ao seu encontro, Ele é Santo, todo poderoso. Ele ha de eliminar a Guerra e todas as causas da Guerra, Ele reinará em toda a terra.” Isto quer dizer Deus reina sobre os homens e sobre a terra. Todos aqueles que acreditam Nele terão a verdadeira felicidade e a paz. Estes permanecerão neles porque Deus fonte de alegria e da paz vive no meio deles.  

A segunda leitura nos ensina que esta felicidade nos faz sentir e compreender o verdadeiro significado  desta vida porque esta felicidade so vem de Deus que é a fonte da vida. Por isso quando Deus traz a alegria à aquele que acredita Nele significa Ele o dara a verdadira vida feliz. Deus realiza isto em nós atraves do seu filho Jesus Cristo que padeceu, morreu e ressucitou dos mortos pelo Espirito de Deus. São Paulo na sua carta aos Romanos disse que  “Irmãos se o Espirito de Deus habita em vós, as coisas deste mundo não dominaraão sobre vós, mas sim o Espírito de Deus. E se o Espírito d’quele que ressucitou  a Jesus dos mortos habita em vós Ele ha de dar igualmente a vida aos vossos corpos mortais por meio do seu Espirito que habita em vós.” Pois irmãos é verdade  que nós os seres humanos vivemos porcausa do Espirito de Deus que Ele mesmo soprou dentro de nós.

Nós não vivemos de nenhum material mas sim do Espirito de Deus que habita em nós. Na vida experimentamos que de facto para ter uma felicidade aparentemente nos é exigido o suportos dos materias, comecando por necessidades basicas tais como; comidas, roupas, casas, hoje em dia telefones, etcetera. Mas de outro lado também é verdade que isto tudo não garante a verdadeira felicidade como hoje nos diz a Palavra de Deus. Para viver a verdadeira felicidade e a verdadeira paz nós temos que viver Segundo a vontade do Espírito de Deus. Esta vontade nós podemos ver concretamente nas relações que criamos no amor, na paz, no respeito mutuo, em ajudar uns e outros, no perdão, em cuidar o outro, na Misericordia e muitas outras açcões do Espírito que nós precisamos praticar na nossa vida. Nós somos criados por Deus para uma vida feliz, não para sofrer. Portanto caros irmãos, vamos procurer viver o nosso ser como um homem na sua totalidade, quer dizer viver verdadeiramente no corpo e no Espírito ou na alma Segundo a vontade de Deus. Nós não podemos viver só no corpo, neim só no Espírito.

Caros irmãos em Cristo, no Evangelho Jesus expressou o seu sentido de alegria em ação de louvor a Deus Pai porque Deus revelou o segredo de UMA VIDA FELIZ ao seu povo em Jesus Cristo, que é o rei de toda a terra.

No misterio da salvação realizado por Cristo, Deus revelou ao mundo que:

  • Ele reina sobre os homens e sobre a terra, não existe mais nenhum outro poder domina os homens e a terra se não o de Deus;
  • Todos aqueles que acreditam em Jesus Cristo terão a verdadeira vida, verdadeira felicidade e verdadeira paz. Em Jesus Cristo isto já se começa em nós e será infinito junto de Deus.

Por isso caros irmão, todos nós que acreditamos em Deus e Seu Filho Jesus Cristo, todos nós que procuramos sempre a felicidade e a paz na vida, vamos nós aproximamo-nos sempre a Jesus Cristo e procurarmos viver sempre ao seu lado para que a verdadeira felicidade e a paz se encontrem na nossa vida agora e para sempre.

O próprio Senhor nos disse:

“VINDE A MIM, TODOS OS QUE ESTAIS CANSADOS E OPRIMIDOS, E ALIVIAR-VOS-EI. TOMAI SOBRE VÓS O MEU JUGO, E APRENDEI DE MIM, QUE SOU MANSO E HUMILDE DE CORAÇÃO, E ACHAREIS ALIVIO PARA AS VOSSAS ALMAS, POIS O MEU JUGO É SUAVE E O MEU FARDO É LEVE”

 

Domingo Comum XIV, Motael, 05 de Julho 2020, Pb.

Nietzsche ; Um político divide os seres humanos em: instrumentos e inimigos

Reflexão & Leituras DOMINGOCOMUM XIV, Ano A/2020

Zac 9,9-10, Salmo 144 (145), Rom 8,9.11-13, Mt 11,25-30

 

Um político divide os seres humanos em duas classes: instrumentos e inimigos (Friedrich Nietzsche). Porquena política, os dez mandamentos foram revogados. Senão, ia faltar político. Os políticos não conhecem nem o ódio, nem o amor. São conduzidos pelo interesse e não pelo sentimento (Philip Chesterfield).

Oras nee, ita nia rai Timor Leste hahú lao dadaun iha ambiente New Normal Life tanba Estado emergência mosla extende tan ona, Igreja activa fali ona actividade religiosa sira maske hetan lamentação husi entidade balu tanba ema ba Missa maibé la cumpri regra distância social no fase liman. Escola sira hahú husi ensino superior too ensino básico sira, balu hetan ona permissão husi Ministério Educação no hetan mos recomendação husi Ministério de Saúde atu reatica processo aprendizagem, pagamento Subsídio mos terminia ona (RAEOA foin hahú pagamento fulan Julho nee), maske iha processo pagamento nee, mosu lacuna oi-oin hanesan; fen-laen simu iha fatin ket-ketak, MSSI aluga kareta privado lobuk ida hodi tula osan no pessoa encarregado sira ba distritos enquanto ministério barak nia kareta operacional nebé tuir los bele uza gratuita hodi redus custo, entidade relevante ignora, ema hela iha kost mos simu hotu, feto mane foin namora mos de repente hetan ficha de família.

Iha âmbito política, Partido Khunto nia ritual no juramento sira hamosu polémica iha sociedadeli-liu iha Facebook enquanto Igreja Católica mos hatoo ona posição tan haré conselheiro Naimori utiliza objecto sagrado Igreja nian hodi haruka militante halo juramento, partido político balu condena acto nee tanba hamate ema nia liberdade de escolha iha estado democrático, iha âmbito saúde, ministério saúde seidauk fo ponto de vista relaciona ho juramento hemu ran nee; oinsa ita bele dehan ema ida nia ran nee saúdável ka livre husi moras aat sira?

Husi sorin seluk, partido CNRT continua considera oitavo (VIII) governo liderado husi PM Taur Matan Ruak de facto no partido Fretilin ho partido Khunto considera legal tanba preenche critério maioria-minoria. Enquanto iha biban hanesan, Avo Xanana Gusmão (presidnete CNRT) continua lao fo volta Timor Laran hodi halo ação caritativa. Secretário Geral partido Fretilin Mari Alcatiri iha âmbito hanesan; hetan ataque pessoal makas husi adversário político iha facebook, iha jornal, iha televisão tan desconfia katak nia ho Alarico Fernandes inclui figura balu tan, sira involve iha traição ba saudoso Nicolau Lobato nia mate liu husi operação skylight. Ataque seluk mak SG Mari Alkatiri simu suborno husi companhia conocophilips relaciona ho exploração mina iha tasi Timor, inclui polémica Ro Haksolok nebé too oras nee seidauk resolvido. Realidade nee han malu kedas ho Hubert H. Humphrey nia pensamento nebé tenik: “Errar é humano. Culpar outra pessoa é política”. Nee significa katak; se político sira lekar segredo no lança ataque pessaol iha media social hanesan Facebook, nee laos tanba nia atu fo hanoin diak estado maibé, nee tanba entidade refere iha intenção política. Se Timor Leste nudar estado de direito democrático, precisa considera funcionamento órgão judicial sira. Nee mak realidade no situação New Normal Life ala Timor Leste, nebé lalaok hirak descreve iha leten nee bele fo implicação negativa iha futuro.

Situação hirak nee, iha ponto ida, fo benefício ba ema balu maibé estraga mos ema seluk nia privacidade tan utiliza mediasocial hanesan facebook hodi julga no condena malu e pior liu tan caso hirak nee la consegue too iha tribunal maibé mout deit iha tribunal popular facebook no sai hanesan consume público ba ema hotu. Tanba nee mak Friedrich Nietzsche (filósofo) hakerek ditado ida nee: Um político divide os seres humanos em duas classes: instrumentos e inimigos.

Maibé, iha evangelho São Mateus nian, Jesus descreve Maromak hanesan belun diak ida nebé considera ema hotu iha dignidade hanesan. Ho termo seluk, ita bele considera Maromak hanesan ita nia teman curhat nebé sempre disponível hodi rona ita nia susar no terus sira. Tan nee mak ema Anónimo ida dehan: Quando você confia em Deus, você tem Paz. Jesus rasik justifica ditado nee hodi hatete:”Mai hamutuk ho Hau, imi tomak nebé kole no moris susar, tan Hau sei hakman imi nia kole”. Ita nia problema mak; iha Timor nee, político sira maioria Católico maibé, ida rua deit mak considera Maromak importante ba vida. Barak liu haré Maromak la importante, balu considera Igreja Católica mete política, seluk haré Igreja hanesan inimigo nebé fo ameaça ba nia poder. Husi sikub seluk, político balu precisa Maromak wainhira pensiun/reforma ona, balu finge besik amu Bispo sira hodi hasae sira nia fama política, balu uza objecto sagrado Igreja nian hodi desafia/habosok ema tuir sira nia partido, balu badinas missa wainhira eleição geral besik ona,……tanba nee mak ditado ida nee hatete: “Porquena política, os dez mandamentos foram revogados. Senão, ia faltar político”.

Jesus lia tun nunee: “Hau hahí Ita, Hau Aman, lalehan ho rai nia nain, tan Ita subar lialos hirak nee ba ema matenek no boot sira, maibé, Ita haklaken ba ema kiik sira”.Importante tebes atu ita reflecte Jesus nia oração; matenek no boot sira; nee significa katak ema matenek refere ba ema balu nebé iha capacidade atu organiza ou gere buat ruma nebé serve deit ba ninia interece. Balu périto iha gestão osan, maibé, gestão nee lucritivo liu ba nia-an (grupo, família ou partido), ou bele implica mos ba ema nebé esforço extra-ordinário até hetan cargo político iha insituição estado ho motivo laos atu servi estado maibé atu manan deit pensão vitalícia maske durante mandato la hatudu resultado serviço alta qualidade ou resultado zero.

Iha oração nee, Jesus mos temi netik ema kiik sira; nee refere liu ba ema kbiit laek sira, ema laran mos sira, ema hirak nebé hatene-an, ema nebé consideraa Maromak aas liu cargo polítca iha sociedade. Husi profundidade de coração, Maromak mak hatene liu se mak feil ba Nia no se mak iha interece. 

Nudar ema criatura, conciente ka lae? Ita sempre iha tendência ba mentalidade foti-an; gosta halo declaração katak nia mak halo ida nee, halo ida nebá; funda ida nee, funda ida nebá, amske na realidade ema hotu hatene hela ita halo saida ba sociedade, ita contribui saida ba bem comum. Arogancia halo ita haré Maromak la hetan, no hetan liu mak interece política, pior liu mak uza objecto sagrado religião nian hodi habosok ema tama partido no lori partido nia fama histórico hodi atinge privilégio, ambição politica no fo ksolok ba nia grupo partidário no ida pior liu mak helik iha figura nacional sira hodi buka cargo política no hariku-an maibé estado (povo) nafatin mukit tan deit costume aat hirak nee. Lalaok mundo hirak nee tuir los fo hela naha todan ida ba moris aban bain rua nian basá, iha mundo nee la iha buat ida mak permanente. Tudo é temporário. Wainhira ita sei dada iis, diak liu hakbesik ba Maromak hodi kasu tu-tuir tiha naha todan sira. Assim Seja e Bem Haja. (ignas2020)

CARGO LAOS OPORTUNIDADE MAIBÉ, RESPONSABILIDADE

Reflexão13º Domingo do Tempo Comum – Ano A

2Rs 4,8-11. 14-16a ;Sal 88, 2-3, 16-17. 18-19;Rom 6, 3-4. 8-11; Mt 10, 37-42

 

Lógica housi media social (tweeter) mak; Seguir e ser seguido por pessoas. Imagina se Jesus mak iha Ninia conta tweeter rasik, certamente seguidor sei incontável basá, hot-hotu hakarak tuir (seguir) no tama lalehan.Ponto de partido Evangelho semana ne’e mak oinsa ita tuir Jesus laos housi tweeter ka qualquer media social maibé tuir (seguir) Jesus liu housi media Evangelho (Sagrada Escritura) ho fidelidade no loyalidade tomak sem reserva; obidiência. A verdadeira liberdade desabrocha da obediência a Deus.

Ahok (ex governador Jakarta) dala ida hatete: “Cidadão ida-idak precisa loyal ba nação. Partido político nudar meio ida deit hodi contribui ba estado. La vale buat ida sei ita loyal ba partido maibé la iha valor ba povo”. Qualquer knaar nebé Católico ida assume iha sociedade, ne’e pertence ba realização obra missionária Jesus Cristo nian. Cristão Católico ida sai nudar saseluk escolantes Jesus nian iha tempo presente.

Fulan ida ne’e (junho 2020) atu termina, acontece mudança oi-oin iha sociedade timorense. Iha âmbito Timor Leste, Covid19 caso zero durante fulan junho no Estado emergência terceiro turno mos atu remata ona. Impasse política resulta mudança política iha estrutura governo de tal maneira que ikus mai situação Impasse Política,quaseatu hetan ona rohan maske processo balu político sira passa la tuir procedimento democrático maibé, buat nebé importante mak; povo deseja liu mak; Timor tenke lao ba oin. Presidente da República ikus mai fo posse ona ba membro governo foun hodi preenche vaga ministérios, vice ho secretaria de estado sira nebé vacum durante IP. Maioria MG sira nebé foin simu posse barak liu católico no ida rua mak talves religião seluk.

Evangelista Mateus continua relata sobre processo oinsa Jesus fo knaar ba apóstolo sira hodi ba halao missão ao mesmo tempo, Jesus fo kedas ho critério ou requesito sira atu missão ne’e atinge ninia objetivo. MG foun sira assume ona knaar nudar governante hodi servi sociedade tuir princípio democracia; Bem Comum no justiça social. Nudar Jesus haruka escolante sira ba haklaken tuir critério nebé Jesus rasik descreve, nune’e mos governante sira nomeado hodi kaer pasta ministério ida tuir critério estado hodi garante desenvolvimento ba Timor Leste tomak tuir constituição. Tanba ne’e mak iha discurso, presidente da república Francisco Guterres hatete; “Cargo ne’e laos oportunidade maibé, responsabilidade (Governar o país não é apenas uma oportunidade, é sobretudo uma elevada responsabilidade colectiva e individual).

Jesus Cristo mai iha mundo hanesan maksoin housi Maromak Aman hodi soi ser humano. Nia halao ona knaar ne’e too rohan. Maibé, obra salvífica ne’e continua nafatin housi Ninia apóstolo sira too mai ita nobun nebé oras ne’e sai Católico. Relato Evangelho, Jesus fo descrição badak, forte no claro kona ba condição (syarat) wainhira halao missão. Nune’e mos governante ida precisa cumpri condição sira nebé vigora hodi garante bem comum no hadook-an housi tendência corrupção no servi deit família no partido. Vocação escolante sira nian mak lori ksolok Evangelho ba mundo tomak, ao passo que vocação político nian mak garante desenvolvimento nação Timor Leste.   

Jesus exige atu escolante sira (inclui ita sarani católico hotu) nebé hakarak duni atu tuir Jesus nia dalan atu hadomi Nia (Jesus) liu ita nia família até sira nia vida rasik. Jesus nia critério ne’e maske hetan reação/impressão negativa housi escolante sira inclui ita hotu ohin loron, tanba ne’e, evangelista João relata:“lia ne’e todan, se mak bele rona ne’e?” (Jo 6,60).

Dificuldade no laran todan nebé escolante sira enfrenta realmente bele entende tanba naturalmente se ema entende sala, ema hanoin dehan Jesus hanorin ita defama eh hatudu atitude desrespeito ba ita nia inan-aman. Maibé tuir lolos, critéria nebé Jesus tau hanesan sasukat mak se ita hadomi Maromak liu buat hotu, ne’e simboliza no concretiza mos oinsa ita nia domin ba inan-aman sira. Oinsa ita hadomi inan-aman, ne’e reflecte oinsa ita hadomi Maromak. Tanba ne’e mak iha relato Evangelho São João nian, sempre justifica Maromak mak Domin (Deus é Amos/Deus Caritas est).

Maske criador, Maromak nunca intervem vontade ema ida-idak nudar criatura. Maromak propõe deit domin (salvação) no fo oportunidade ba ema hodi escolha (opcional) hodi hakarak eh lakohi.  Tanba ne’e mak Maromak fo oportunidade ba ita hotu be sai católico hodi escolha. Nudar ema criatura nebé ao mesmo tempo católico, ita precisa tau iha consideração katak; precisa halo escolha no fo prioridade ba escolha ne’e. Aman ida escolha sai nudar chefe da família, ninia prioridade mak oinsa serviço hodi sustenta ninia família sira. Ema feto eh mane nebé escolha sai religioso, ninia prioridade mak oinsa servi comunidade liu housi instituição/ordem religioso nebé nia pertence ba. Político ida nebé pertence ba partido político ida no escolhido hodi kaer cargo estado, ninia prioridade mak oinsa servi ba Bem comum laos servi ninia lider partido nia hakarak tan nia tauk lakon cargo. Ita nia dignidade la boot liu estado nia dignidade.

Tanba ne’e mak, católico nebé di’ak, laos sukat housi oinsa nia hatene reza, badinas missa eh hafal Bíblia maibé, qualidade católico sukat liu housi ninia fidelidade ba Maromak no obdece ba kreda. Nune’e mos político ida nia qualidade sukat housi resultado serviço laos sukat housi oinsa nia consegue hetan pensão vitalícia.É todo aquele que, pelo baptismo, se identifica com Jesus, faz de Jesus a sua referência e O segue…tornar presente na história e no tempo o projecto de salvação que Deus tem para os homens.

Iha âmbito socio-política, dala barak governante ida dilema atu halo tuir ou leal nia patraun partido nia interece ka fiel ba ninia promessa política hodi halo netik buat ruma durante nia mandato? Nune’e mos sarani bai-bain ida nebé halao moris hanesan povo, nia livre escolha atu moris tuir mandamento Maromak ka fiar ba Maromak seluk? Factor hirak ne’e hotu housik hela livre escolha ba católico sira basá, qualquer escolha, ninia implicação mos sei mosu iha futuro. Nudar político, governante ida responsabiliza nia knaar perante estado, enquanto nudar sarani, ita responsabiliza moris ne’e iha Maromak nia futar oin.

Certamente, Jesus la garante katak iha opção nebé fo sempre mosu conflito de interece basá, ema iha nafatin liberdade hodi escolha; hakarak eh lakohi, simu eh rejeita, fiel eh trai, servi ka aproveita. Ne’e mak provas katak Maromak nunca intervem ema nia vontade maske nia criador. Iha mundo político mos ita la nega katak sempre mosu conflito de interece entre aproveita ka hatudu prestação serviço di’ak, halo tuir lider partdio nia hakarak ka servi estado nia interece? Livre escolha. Fidelidade ba Maromak mak provas kmanek liu hodi justifica ita nudar católico iha rai ne’e. Exerce deit qualquer cargo iha sociedade tuir ninia procedimento no regra sira, ne’e basta ona hatudu ita nia fidelidade ba Cristo.

Jesus, wainhira hanorin escolante sira, Nia rasik cumpri lia fuan sira iha Ninia lalaok to mate iha cruz. Tanba ne’e mak Jesus encoraj ita hodi dehan:” Ida nebé la simu nia cruz atu bele tuir Ha’u, nia laos Ha’u nian. Ida nebé buka deit nia moris, nia sei lakon moris ne’e; ida nebé lakon nia moris tan Ha’u, nia sei hetan moris”. Jesus hatudu ona oinsa nia loyal ba Maromak (laos loyal ba partido hodi hetan cargo) nebé hadomi.

Ohin loron, Jesus Cristo nia saseluk laos mak amu lulik, madre, bispo ho ema hotu nebé badinas misssa deit. Ema hotu nebé sente–an simu ona we baptismo, automaticamente hetan opção hodi cumpri Maromak nia mandamento no loyal ba Maromak. Ne’e significa katak; tanto político, religioso, chefe da família, negociante, cleaner, motorista, fincionário,…..nst, hot-hotu mak Cristo nia saseluk iha rai ne’e hodi servi malu iha sociedade no loyal ba Maromak. Se ida ne’e, ita cat’olico la brani, Jesus dehan: “Ida nebé la simu nia cruz atu bele tuir Ha’u, nia laos Ha’u nian”. Jesus encoraja comunidade kreda Católica tomak katak; “bem-aventurados sereis quando, por minha causa, vos insultarem, vos perseguirem e, mentindo, disserem todo o mal contra vós” (Mt 5,12)”. Maibé, ida nebé heli Ha’u iha ema seluk nia leet, Ha’u mos sei la hatene nia iha Ha’u Aman iha lalehan nia oin)”. Assim Seja e Bem Haja. (ignasoliveira2020)

KETA HAMATAN AMI SALA,…HAMATAN KREDA NIA FIAR

Reflexão & Leituras 12º Domingo do Tempo Comum – Ano A, 2020

Jer. 20, 10-13Rom. 5, 12-15Mt. 10, 26-33

 

Jeremias dehan: “Ha’u rona lia aat barak housi povo sira: ‘Iha fatin tomak ema laran susar! Foti lia hasoru nia! Mai, ita foti lia hasouru nia! Ema hotu nebe la’o di’ak ho ha’u, hein hela de’it atu haré wainhira Ha’u la’o sala dalan: ‘ keta nia husik ema bosok nia karik, atu ita bele hanehan nia; hanesan ne’e ita bele halo aat ba nia!’

Pela vossa grande misericórdia, atendei-me, Senhor.Assim como por um só homem entrou o pecado no mundoe pelo pecado a morte,assim também a morte atingiu todos os homens,
porque todos pecaram.O Espírito da verdade dará testemunho de Mim, diz o Senhor,e vós também dareis testemunho de Mim.Nós Te pedimos: fica ao nosso lado, apoia-nos quando ajudamos os outros
.

 

Semana kotuk, Cristo bolu hodi haruka apóstolo sira ba haklaken. Nee knaar ida nebé, iha Antigo Testamento mos Maromak concede ba profeta sira. Semana nee, ita continua hikas ambiente missão nebé Jesus tula ba apóstolo sira nia kbaas. Apóstolo sira fo resposta positiva hodi fo testemunha sinal sira husi Jesus hodi continua obra libertadora no salvadora husi Maromak iha Jesus Cristo. Cristo nunca bolu ita hodi sai condenador ba ita nia maluk ida-rua nebé monu ba sala ou lao sala dalan. Sarani kreda Católica nebé justo hatene separa saida mak diak, saida mak aat. Fo sasin buat diak atu dada ema wain ba dalan Maromak nian, laos share, comenta, trata, generaliza, partilha, defama hodi hamout ema nia dignidade.

 

Missão nebé apóstolo sira simu husi Jesus laos buat fácil no kamaan hanesan ema balu imagina maibé, basea ba história kreda Católica nebemoris no prevalece too ohin loron, liu no ultrapassa midar no moruk lobuk ida. Evangelista mos descereve katak durante década 80, império romano liliu imperador Domiciano (81-96) laran la haksolok no la fo tolerância ba Cristianismo.

Intolerância nee lalais deit transforma ba perseguição boot, iha nebé, ema hotu nebé la adora imperador maibé, adora fali Maromak Cristão nian iha território romano, sei duni no oho halo mohu tiha.

Comunidade nebé evangelista Mateus destina ninia evangelho possivelmente, comunidade cristã husi Antioquia Síria nian. Históricamentecomunidade identificado nudar grupo cristão ida nebé sensibilidade missionária forte tebes. Nunee evangelista nia relato semana nee atu demostra katak actividade missionária nudar imperativo (dever/obrigação)ida iha vida cristã nian hodi continua missão apóstolo sira. Nee significa katak ema hotu nebé pertence ba kreda Católica hetan knaar (obrigação)ba realização obra libertadora de Jesus. Hodi fo testemunhas kona ba “Reino lalehan”.

 

Infelizmente iha prática, comunidade sarani barak husik hela naha missão nee ba deit religioso sira, amu lulik sira, catequista sira, pior liutan, membro uma kreda lobuk ida nebé tama iha vida política hodi ukun comunidade, ignora no alergia ho menon evangelho. Membro kreda barak sai opositor ba kreda wainhira membro uma kreda liliu religioso ka nailulik ida rua monu ba tentação iha qualquer cisrcunstância.

 

Tema central ba Evangelho semana nee mak expressão “não temais//“ keta ta’uk…”. Expressão nee repete dala tolu iha texto Evangelho semana nee (cf. Mt 10,26.28.31). expressão “ keta ta’uk…” nee mos mosu frequentemente ona iha antigo Testamento nebe dirigi ba israel (cf. Is 41,10.13; 43,1.5; 44,2; Jer 30,10) ou dirigi ba profeta ida (cf. Jer 1,8).

Nudar continuação leitura seman kotuk, Evangelho ho lalaok hanesan, relata nafatinsobre discurso missão nian.

Evangelista Mateus apresenta hikas catequse de continuação ida kona ba escolha (hili), chamamento (bolu), no envio (haruka). Apóstolo 12 representa (povo Cristão Católico) hot-hotu hodi anuncia Reino Lalehan. Antigamente profeta sira hetan perseguição husi liurai sira iha atura nebá tan profeta sira renuncia hahalok injusto balu. Jesus nia tempo enfrenta situação hanesan perante injustiça romano sira no grupo religioso judeu sira, Ohin loron kreda continua hasoru desafio husi político ida rua nebé alergia ba kreda nia existência.

Quanto mais ho progresso avanço tecnologia informática hanesan media social (facebook ho whatsapp) hamosu sarani/político id falso oioin iha rede nee hodi defama nailulik ida rua nebé monu ba sala. Pior liu tan mak ex-seminarista ida rua nebé uluk hetan tiha matenek husi tatis instituição kreda nian mos harame momento nee hodi expreesa sira nia sentimento descontente balu iha figura ida rua nebe monu. Nee mak desafio nebé hola parte iha missão profetica kreda Catolica nian. Evento humano hirak nee hotu nunca bele sai impedimento ba kreda Católica hodi continua missão profética nebé Cristo haruka. Pecado humano no acto imoral sira nebé ema comete, natruralmente iha ninia procedimento legal hodi resolve; laos hot-hotu rame-rame condena figura refere ho defamação oioin. Ema hot-hotu sempre la sees husi sala nebé circunda. Nailulik ida rua nebé monu la sai hanesan sasukat universal hodi fo culpa kreda Católica nudar insituição religiosa iha mundo nee. Ema hotu nebé simu we batismo iha kreda Católica, nafatin hetan obrigação sai profeta Jesus Cristo perante qualquer situação, tuir regra vigorada; laos rame-rame condena no defama ema nia privacidade hanesan los fariseu sira nebé lori Maria Madalena ba ba condena iha Jesus nia oin.

Os santos tenham os seus passados, enquanto os pecadores tem os futuro. Esperança cristã fo biban atu ema hotu nebe monu ba sala hetan fali recuperação dignidade humana perante misericórdia Divina. Tanba nee mak Jesus encoraja ita hotu hodi tenik: ”keta ta’uk ema sira, basá, la iha buat ksumik ida nebé sei la hetan; la iha buat ida nebé ema sei la hatene. Lia hirak nebé ha’u dehan subar ba imi, imi sei haklaken ba ema tomak; Lia nebé imi rona daudaun, imi sei ba haklaken ba uma-ka’in tomak. Keta ta’uk sira nebé, oho isin, maibé, la bele oho klamar. Ta’uk liu-liu ida nebé bele halakon imi nia klamar, no isin iha inferno”.

Iha contexto missão nebé evangelista Mateus apresenta, assegura hela coragem ida katak; Maromak sempre presente (Hau sei horik ho imi too mundo nia rohan), liu husi tulun kbiit Espírito Santo nia proteção hodi supera sentimento tauk no laran taridu (medo e a angústia) nebé reulsta husi degradação moral otas nee nian. Jesus encoraja comunidade kreda Católica tomak katak; “bem-aventurados sereis quando, por minha causa, vos insultarem, vos perseguirem e, mentindo, disserem todo o mal contra vós” (Mt 5,12). Jesus bolu sarani hotu hodi continua lori menon Evangelho nian (Boa Nova) ba sociedade liu husi testemunha da vida nebé hakesi ita-an ho Maromak. La bele sente desesperado perante realidade nebé indica katak membro uma kreda liliu figura ida rua nebé hetan knaar ministério kreda nia monu ba sala hodi generaliza lalaok nee ba kreda tomak; keta hamatan ba ami sala maibé hamatan deit ba kreda nia fiar. Pessoa ida rua nebé comete erro al significa katak Igreja Católica tomak monu basá, ema hotu nebé simu we baptismo bafatin comprometido no fier ba Maromak nia Mandamento maske dala barak sala bebeik hasoru mandamento nee.

Jesus fil-fila encoraja ita nobun atu la bele tauk no hakiduk perante desafio nebé pras nee kreda hasoru basa Jesus Cristo rasik dehan: ”Keta ta’uk sira nebé, oho isin, maibé, la bele oho klamar. Ta’uk liu-liu ida nebé bele halakon imi nia klamar, no isin iha inferno…[hanoin ba katak Hau sei horik ho imi too mundo nia rohan]…(Maibé, ida nebé heli Ha’u iha ema seluk nia leet, Ha’u mos sei la hatene nia iha Ha’u Aman iha lalehan nia oin)”.

 

A Palavra libertadora de Jesus não pode ser calada, escondida, escamoteada; mas tem de ser vivamente afirmada com palavras, com gestos, com atitudes provocatórias e questionantes. Viver uma fé “morninha” (instalada, cómoda, que não faz ondas, que não muda nada, que aceita passivamente valores, esquemas, dinâmicas e estruturas desumanizantes), não chega para nos integrar plenamente na comunidade de Jesus.Bendito sejas, Senhor do universo, que perscrutas os rins e os corações. Em todo o tempo livraste o pobre do poder dos maus: salvaste Isaac, Moisés e o teu Povo, vigiaste o teu Filho e os apóstolos.Nós Te confiamos a nossa causa e as de todos os infelizes. Nós Te pedimos: fica ao nosso lado, apoia-nos quando ajudamos os outros.Assim Seja e Bem Haja. (ignasoliveira2020)

JESUS HARAIK KBIIT BA ESCOLANTE SIRA ATU DUNI SAI ESPÍRITO AT SIRA NO FO ISIN DIAK BA MORAS SIRA

Maun alin sarani doben sira,

 

Iha domingo ida ohin Na’i Maromak ninia futar liafuan nebé ita foin mak rona uluk nana’in nia hatudu-an mai ita nu’udar Maromak ida nebé presente nafatin iha ita ema sira nia leet iha historia tomak ita ema sira nian. No iha historia ne’e Nia hatudu-an nu’udar Maromak nebé preocupa nafatin ho ema sira no sempre hakarak diak ba ita ema sira be ninia criatura rasik. Nune’e’e mak nu’udar iha primeira leitura ita rona Nia lia tun housi ninia profeta Moises mai ita dehan “Imi koko no haré ona buat hotu nebé ha’u halo ona ba imi housi soi imi housi at sira tomak…Nune’eé houri ohin ba oin, imi rona duni ha’u lian karik, imi rai didiak duni ha’u nia lia hakotu (aliança) hodi halo tuir imi sei sai ha’u nia riku soin ida, reino sacerdote nian no nação santa ida iha povo hotu nia leet.

 

Maun alin doben sira, primeira leitura Na’i Maromak koalia los mai ita povo no rai Timor nian nebé hatudu iha historia katak houri uluk kedas sai povo ida ninian, povo ida nebé ho ninia tulun hetan maksoin housi ema liman besi asu nian, ema hakarak at sira nian no housi moras at oioin, liu liu soi ita housi moras at COVID 19 nebé oras ne’e halakon ona ema barak ninia moris. Oras ne’e dadaun ita moris iha ambiente Liberdade nia laran, mas que nune’e’e ita percisa tau atenção duni atu Liberdade ida ne’e halo ita la lao dook fali housi Maromak, la halo ita haluhan fali Maromak, la halo ita nega fali buat tomak nebé Maromak halo ona mai ita nu’udar povo no mos nu’udar nação ida. Manan sa lerek se ita hetan tiha Liberdade ita haluhan fali Maromak, se ita iha buat hotu hotu naton no naresin mai ita ninia moris maibé ita laiha Maromak iha ita ninia moris. Nu’udar povo no nu’udar nação ida Maromak nian.

 

Maun alin sira rona tuir ba ninia futar liafuan nebé ohin haktuir mai ita, nu’udar povo Maromak nian los duni mai ita buka atu sai nafatin ninia povo liu housi Rona nafatin Maromak no halo tuir ninia liafuan ho ninia ukun fuan sira hotu, hodi nune’eé ita sai nafatin Maromak ninia riku soin ida, reino sacerdote nian ida no nação santa ida iha rai no povo sira hotu nia leet. Concretamente ha’u hanoin ita ba halo tuir Maromak ninia futar liafuan ne’e liu housi: Rona no respeita malu, la hakarak-at ba malu, la rai odio ba malu, la hatete at malu, la lori lia falsu k alia bobar hodi hamonu malu, maibé hakarak diak deit hanesan Maromak hakarak diak deit mai ita, tulun malu deit no fo perdua ho paz ba malun deit hanesan Maromak ninia oan sira, hanesan Maromak halo tiha ona mai ita ida-idak no mai ita hotu.

 

Maun alin doben sira. Wainhira haré mai ita ninia situação rai laran be oras ne’e ita lao hela dadaun ho dificuldade oioin ho buat salak barbarak no haré mai buat sira be recentemente acontece iha ita ninia comunidade paroquial be ema at sira mai harahun ilas Na’in Feto Maromak nia Inan nian nebé tuir ha’u haré tamba ema at sira lakohi ita hahi hana’i Maromak nia-inan loron kalan, lakohi ita hahai hana’i Maromak ho LIAN MAKAS, Maromak ninia futar liafuan iha segunda leitura bolu duni ita nia atenção atu ita buka haré ba ita ninia moris hodi hadia buat barak iha ita ninia moris, hahu kedas housi ita ida idak ninia-an, ba toó maun alin sira no too ba ita ninia ukun na’in sira rai ida ne’e nian. Ne’e katak ita buka ho haraik-an hakribi ita ninia salan sira hodi ba dame malu lolos duni ho ita-an, ho ita ninia maun alin sira iha vida comunidade ka social nian no dame malu nu’udar lideres Maromak ninia povo nian. Ita sei halo duni ida ne’e atu ita bele hetan PAZ no Maksoin mai ita-an no ba ita rain nafatin ba nafatin.

Atu halo ida ne’e exige mai ita atu uluk nana’in ita pessoalmente, comunalmente no mos geralmente nu’udar nação ba dame malu uluk liu ho Naí Maromak, ho Jesus Cristo nu’udar dame na’in no nu’udar Maksoin lolos ema no rai klaran nian, no ba dame malu ho Naín feto Jesus Maromak ninia inan nebé ita falta respeito ba. Hodi dame malu nune’eé mak ita sei bele hetan duni dame lolos  no maksoin ida rohan laek mai ita-an no mai ita ninia rain Timor Leste ho tulun Naín Feto Timor nia Liurai Feto ninian. Oinseluk dame ita sei la hetan, maksoin ka moris diak ita sei la hetan.  

 

Doben maun alin sira, iha Evangelho Jesus bolu ita hotu hotu atu sai ninia apostolo. Aposolo dame, domin, perdão nian, apostolo laran luak no tulun na’in nian ba ema no ba rai hotu hotu, liu-liu ba ema sira nebé seidauk hatene Cristo no ba ema sira nebé hetan terus no susar tamba moras oioin, tamba situação política, social no economia nebé la favorável ba sira. Jesus convida ita atu sai apostolo nune’eé hahu kedas ho hahalok kmanek ida, HAHALOK HAROHAN NA’IN NIAN. Atu bele halao lolos knar apostolo nian ne’e ka fo testemunha lolos nu’udar Jesus ninia escolante ne’e ita tem que HAROHAN NO HAROHAN NAFATIN loro-lorn iha ita ninia moris tomak. Hodi halo nune’eé  mak ita foin bele iha kbiit hodi husu no fo perdão, fo dame no simu dame, hadomi no simu domin, sai laran luak no hetan laran luak, no sai tulun na’in no simu tulun wa’in basa Oração mak força nebé bele hakbiit ita wainhira ita nia kbiit la too ka kuran, oração halo ita hamutuk nafatin ho Maromak. Tanba ne’e maun alin sira wainhira ita la harohan ita labele hetan buat nebé ita hakarak, susar mosu wa’in liu tan, dificuldade sai todan liu tan no ita labele halao didiak ita ninia knar nu’udar sarani ka apostolo ida Cristo nian. Apostolo ba paz, ba perdão, ba laran luak no ba tulun na’in hodi tulun maluk sira sira seluk liu liu sira nebé moras atu bele hetan fali isin diak, no sira nebé lao iha nakukun laran atu bele hetan fali naroman iha moris ne’e.

 

Maun alin sira mai hamutuk nu’udar escolante Cristo nian ita fo nafatin testemunho moris sarani nian  nune’e hodi halo ema hotu bele hetan Maksoin ka hetan moris diak hanesan Maromak hakarak. Amen.

 

Becora, 14 de Junho 2020

Pb.

SER POLÍTICO É TORNA-SE SERVIDOR DO POVO NÃO DITADOR AO POVO

11º Domingo do Tempo Comum – Ano A

Ex. 19, 2-6; Rom. 5, 6-11; Mt.  9, 36-10, 8

Na política, os dez mandamentos foram revogados. Senão, ia faltar político.Os políticos não conhecem nem o ódio, nem o amor. São conduzidos pelo interesse e não pelo sentimento.Liu housi processo hein naruk ida, finalmente, governo concretiza duni nia promessa subsídio 100 dóllares (ba fulan rua) ba povo lobuk nebé identificado no alistado. Maske laos Timor oan hotu simu subsídio ne’e devido regra de subsídio ne’e rasik (ema/familia ho rendimente 500 dóllares ba leten la iha direito), enquanto iha fatin balu, emahela iha kos no ema nebé rendimento boot (simu tan pensão vitalícia) mos naran tama iha lista beneficiario simu subsídio maibé, importante promessa governo ne’e realiza maibé……?????? se bele depois de pagamento, reverifica fali dados beneficiário sira.

Estado (Governo) fo subsídio ne’e nu’udar aliança/promessa no responsabilidade estado ba povo perante pandemia covid19. Maski iha ninia processo, falun lacuna no motivo político-económico lubuk, desta vez estado concretiza duni promessa hodi taka povo nia lamentação sira ao mesmo tempo hakmaan netik naha crítica ba governo nebé oras ne’e mosu diferença idea política oi-oin.

Housi sikun seluk, molok no depois de acontece reestruturação ba membro governo (VIII governo) no destituição mesa presidência do Parlamento nacional, deputado housi partido balun koalia ibun garganta paralon dehan sei halais (acelera) projecto lei de Anti Corrupção. Liu tiha momento balu depois de kaben boot ida ne’e, mosu fali mak projecto lei defamação nebé no fundo, no fundo impede ema la bele halo crítica ba político sira.

Juramento ba cargo estado nia resultado mak ne’e; wainhira resultado serviço zero, halo lei hodi protege-an housi crítica. Estado de direito democrático sai tiha fali estado ditadura. Ukun rasik-an ida ne’e hafoer tiha ho mentalidade ditadura nebé haksumik iha projecto de lei defamação. Político nebé prudente tem que fuan boot simu crítica hodi hadia ukun nebé lalos. Político nebé justo hatene hatudu qualidade serviço nu’udar resultado ukun basá, molok assumi cargo ne’e, figura refere jura ona ba Maromak (juro por Deus), ba Lei inan (cumprir e fazer cumprir a lei) no ba nia dignidade rasik (juro por minha honra). Se povo crítica governante ne’e laos defamação maibé, ne’e mos nu’udar sasin/testemunha ida hodi fo sinal katak; buat balu lalos iha governação político refere. Governante refere la cumpri promessa eleitoral. Povo sai vítima tanba fo tiha votos, político acelera fali mak nia interece ho partido nia interece.

Estado Emergência 3oturno horas ne’e sei vigora hela. Maske nune’e, EE terceira vez ida fo ona flexibilidade ba Igreja hodi reativa hikas actividade religiosa sira, reativa hikas processo aprendizagem iha situação política incerteza ida (troco de ministros), felxibilidade iha actividade económica inclui loke fronteira terrestre nu’udar política governo hodi normaliza economia, felxibiliidade iha âmbito sira seluk tan.

Iha Indonésia, governo hanaran maneira ne’e ho naran NEW NORMAL LIFE (Nova Vida Normal); ne’e significa maske número infecção iha nação Indonésiaregistado aumento cada loron maibé, por razão económica governo Indonésia koko atu hadame malu ho covid19 atu estado la bele monu ba falhanço nebé boot liu tan. Maneira atu hadame povo ho surto ne’e mak continua mantem nafatin regras médicos nu’udar recomenda housi organização mundial de saúde (WHO). Iha Timor Leste, graças a Deus caso infecção zero ona maibé situação política halo de tal maneira que comunidade la cumpri ona medidas preventivas sira hanesan uza máscara, fase bebeik liman, distância social,,,,nst.Por exemplo iha mercado tradicional sira distância social quase que la aplica, durante povo forma simu subsídio, iha parte foho mak aplica regra distância social enquanto iha Dili laran, regra ne’e hanesan la vale.

Quinta feira (depois de Domingo Santíssima Trindade) semana ne’e, ita celebrafesta Corpo e Sangue de Cristo. Bai-bain Igreja Católica Timor Leste (li-liu Disocese Dili), costume halo procissão Corpo e Sangue de Cristo nu’udar manifestaçãoexterior da Fé. Maibé, tinan (2020) ne’e procissão Corpo e Sangeu de Cristo halao ho maneira seluk; procissão haleu cidade Dili acompanha ho udan. Sarani lobuk ida participa hodi lao tuir procissão ne’e, balu lao ain, balu hakneak hodi halo oração wainhira karete nebé tula Santíssimo passa housi sira nia bairro.

Tuir sasukat fé Católica,  Corpo e Sangue de Cristo nu’udar expressão fiar hodi recorda bebeik sacrifício maksoin housi Cristo desde quinta feira Santa too ohin loron. Ita reflecte kona ba riku-soin Eucaristia nian no ita hola parte iha haklaken liliu sai serviço nain Evangelho iha Seara de Deus. Tanba ne’e mak semana ne’e, ita reflecte presença constante Maromak nian iha mundo liu housi Cristo nia saran-An ba ita nia moris no salvação.

Cristo nia saran-An ba mate no ita nia acto celebra bebeik Eucaristia (missa) nu’udar tada katak; Maromak nia intervenção iha história moris ema nian realiza uluk liu, housi profeta sira nebé Maromak haruka no ikus liu conclui ou hetan ninia plenitudeiha Jesus nia presença iha rai ne’e hodi fo sasin lolos sobre Maromak nia bondade (Diak).

Tanba ne’e mak iha Primera leitura Domingo XI semana ne’e iha livro Êxodo apresenta aliança entre Maromak ho ema atu hametin laço de família. Maromak hili povo ida-Israel (ita nobun ohin loron nu’udar Israel foun), atu Maromak confia hela Missão ida atu fo sasin ba povo seluk katak povo fiar nain existe nu’udar sinal ida katak Maromak horik hela iha fatin hot-hotu no iha rai-rai sira.

Evangelho ho modo hanesan, relata mos kona ba discurso da missão. Evangelista Mateus apresenta catequse ida kona ba escolha (hili), chamamento (bolu), no envio (haruka). Apóstolo 12 representa (povo Cristão Católico) hot-hotu hodi anuncia Reino Lalehan.

Nu’udar ita hatene, apóstolo 12 nu’udar pionero (mata dalan) no continuador missão Jesus nian nebé tenke lori convite salvação no libertação nebé Maromak halo ba mundo liu housi Jesus. Ita hotu nebé simu ona we baptismo iha kreda Católica mos simu dever hodi sai continuador missão Jesus nian ne’e, nebé ita simu nu’udar liman rohan (herança) fiar housi apóstolo sira. Político sira mos Maromak hili liu housi povo nia votos eleitoral (Voz Populi vox Dei) atu liberta povo housi kiak laos politico mak hariku-an uluk no hariku uluk nia família ho grupo.

Relativa ho missão ne’e, São Paulo iha nia carta ba sarani Roma sira, nia sugere atu comunidade sarani fundamentalmente nu’udar klibur ema lubun nebé Maromak hadomi. Klibur sarani ne’e nia missão (kna’ar) mak fo sasin kona ba Maromak nia domin refere ba ema seluk katak; Maromak nia domin ne’e rohan laek (eterno), la bele quebra (inquebrável), gratis (gratuito) no absolutamente único. …. Maibé, Maromak hatudu nia domin mai ita nune’e: Cristo mate tan ita, wainhira ita sei hela nu’udar sala nain. Oras ne’e, ita hatudu ita laran mos housi Nia Futar Ran, housi Nia rasik, ita sei soy ita-an housi hirus Maromak nian.

Precisa ita tau iha consideração katak iniciativa kona ba aliança entre ema ho Maromak, sempre hahu uluk housi Maromak nia vontade própria. Maromak mak inicialiu housi Moises nu’udar intermediário entre Povo ho Maromak. Aliança nebé Maromak propõe ne’e implica realidade ida nebé envolve história tomak povo Israel nian. Ne’e significa katak aliança ne’e laos válido deit iha passado maibé, aliança ne’e implica passado, presente no ba futuro.

 

Referência passado liga direta ba processo libertação housi escravidão (atan) iha rai exipto/Mesir;(“vistes o que Eu fiz no Egipto//…Imi haré tiha ona sá mak Ha’u halo ba ema sira Egipto nian,…”). Maromak guia povo ne’e marcha liu housi rai fuk maran (deserto) ho domin tomak; (“como vos transportei sobre asas de águia/… no oin sá Ha’u lori tiha imi, iha manu makikit nia liras leten)….bolu no cuida too comunhão ho Maromak rasik;(“e vos trouxe até Mim/…hodi lori imi mai to’o Ha’u”). Lalaok hirak ne’e hotu resulta compromisso nebé Maromak assumi ho povo Israel perante aliança Sinai nian.

Implicação presente refere ba oinsá Maromak (Javé) convida Israel hodi aceita (simu) estabelecimento laço privilegiado (especial) comunhão de familiaridade. Atu ideal ne’e acontece, Maromak husu ba povo Israel atu rona Nia (Maromak) Lian no guarda (cuida/moris tuir)  “aliança” (os mandamentos de Deus são as exigências com que o Povo se deve comprometer).

Implicação futura refere ba; se israel aceita compromete-an ho Maromak iha aliança ida, Maromak sei oferece ba povo ne’e (ohin loron inclui ita nu’udar sarani), relação especial nebé halo Israel (ita nobun) sai povo eleito Maromak nian, Reino de sacerdote no nação santa ida. Entre povo hotu iha rai, Israel mak sai povo eleito hodi manten relação única. Hanaran mos Reino de Sacerdote basá, povo ida ne’e mak fo sasin hodi halo Maromak ema hatene presente iha rai ne’e. Ikus liu nação santa basá, separado housipovo seluk hodii dedica exclusivamente ba serviço Javé (Maromak) nian.

Ho reflexão ne’e, ita entende katak; “aliança” hola parte iha projecto de salvação housi Maromak ba ema hotu. Israel (ita sarani nu’udar Israel foun) mos hetan convite hodi desempenha (hakna’ar) papel importante iha processo ne’e. Se ita aceita/simu, hodi hola parte/toma responsabilidade, ita cumpri tuir dalan hirak nebé indica iha Mandamento sira. Se político simu responsabilidade hodi halao (desempenha) kna’ar estado, hatene ba katak ne’e responsabilidade ida laos opotunidade hodi aproveita ukun, goza regalias quinto-canto no goza facilidade estado no ikus liu hetan tan pensão vitalícia.

Ita sai povo escolhido hodi hatudu sinal presença Maromak nian ba povo sira seluk. Maromak hili/bolu/convida ita laos ona privilégio maibé, serviço ou responsabilidade ida, nebé concretiza missão profética: ser um sinal vivo de Deus no mundo. Nune’e, sentido fundamental housi libertação Êxipto significa: a libertação do Egipto não se resume em fazer sair um povo da escravidão para a liberdade: a caminhada que Jahwéh começou com este Povo no Egipto aponta para o compromisso com Deus e com os homens; aponta para a construção de um Povo que não só conquista a sua liberdade mas se torna testemunha de Deus, sinal de Deus, sacerdote de Deus no meio do mundo.

Iha âmbito religioso, Mandamento mak kesi aliança entre ema ho Maromak. Iha contexto político, Lei (Constituição) mak regula/futu povo no político nia atitude iha estado ida nia laran. Infelizmente, político iha Timor Leste, maske maioria Católico (Israel Foun), simu posse jura ba Maromak, ba Lei, ba povo maibé, wainhira exerce função, fura regulamento hot-hotu tuir interece partido, interece grupo, interece maun boot, interece bin boot, interece fundador? Hodi hamosu naran furador.

Nu’udar Maromak hakarak povo hotu hetan diak no atinge salvação, nune’e mos político precisa luta ba properidade, justiça no paz ba estado ida ne’e. Desgraça mak político sira gosta aproveita ukun hodi naok no fahe projecto ba malu no ikus liu hetan tan pensão vitalícia, moris completo ona maibé, naran dois no isin dodok.

Ita Moris iha tempo ida que difícil; covid19 ataca housi sorin ida, situação política (hadau malu poder) iha sorin seluk. Maibé, nu’udar fiar nain ita precisa tau esperança nafatin katak Maromak horik ho ita too tempo nia rohan maske governante aproveita regalias too mandato nia rohan, resultado serviço zero. Comprimisso perante juramento ba lei ne’e buat formal ita hodi taka falta no atinge ambição escondida iha processo fahe ukun ba malu.

Finalmente, ita too iha reflexão nia rohan. Atu taka ita recorda hikas Evangelho semana ne’e, nebé taka ho justificação Jesus nian be tenik; Imi simu degraça tiha de’it. Imi sei fo degraça de’it ba.Ne’e significa katak proposta salvação nebé Maromak oferece ne’e graça ida nebé fo gratuitamente (gratis) nu’udar dádiva (pemberian) housi Maromak nu’udar sinal domin Maromak ba mundo. Tanba ne’e, Cristo bolu no haruka ita hanesan apóstolo atu sasin mos graça ida ne’e gratuita ba ema hotu. Ne’e significa, serviço ba reino lalehan la bele lamenta no sura kolen basá, Maromak hatene;”o trabalhador merece o seu salário”.

Político sira precisa aprende housi lalaok ne’e; ser político é torna-se servidor do povo não ditador ao seu própri povo.Nu’udar Maromak kesi aliança domin ho ema liu housi mandamento, nune’e mos politico nia kna’ar kesi ba cosntituição. Laos cria tan lei oan sira nebé atu taka falta incapacidade durante encarrega kna’ar política. Se político ida halao serviço brilhantemente, alta qualidade, resultado concreto, impossível nia povo atu fila halo crítica. Crítica mosu tanba mosu lacuna balu lalos iha político ida nia governação. Kna’ar política laos dádiva housi fundador partido maibé, ne’e obrigação moral ida nebé povo fo liu housi votação (povo vota gratuitamente) no governante simu kna’ar hodi servi laos hodi halo contente pemilik partai (Asal Bapak Senang) tanba laos bapak mak vota ba o maibé povo mak vota no precisa exerce cargo ne’e tuir nia regra no tane dignidade estado (povo).

Nu’udar Mandemento futu aliança entre Maromak ho ema, nune’e mos constiutição futu político hodi servi ba bem comum (laos asal bapak senang hau hetan cargo, too mandato hotu hau manan pensaão vitalícia alias corrupção legal). Tuir São Paulo; a história da salvação é uma incrível história de amor….iha contexto política Timor, cargo política é uma confiança de amor do povo não é uma dádiva do partido. Políticos não conhecem nem o ódio, nem o amor. São conduzidos pelo interesse e não pelo sentimento.Político que nasce torto, morre torto.Assim Seja Bem Haja. (Ignasoliveira2020).

MAROMAK IDA DEIT IHA PESSOA: AMAN, OAN NO ESPÍRITO SANTO.

SOLENIDADESANTÍSSIMA TRINDADE /Ano A/2020

Êx 34,4b-6.8-9; 2Cor 13,11-13; Jo 3,16-18;

 

Papa Francisco dehan: Com a Santíssima Trindade, Pai, Filho e Espírito Santo podemos ser fermento de comunhão e misericórdia.Liu tiha Solenidade Pentecoste (a descida do Espírito Santo à Nossa Senhora e os apóstolos), Domingo semana ne’e, Cristão (Católico) tomak celebra hikas solenidade Santíssima Trindade. Ba ita sarani Católico, Santíssima Trindade ne’e mistério boot ida iha fiar Catolicismo nebé ita la consegue entende ho kakutak ema nian (humana). Leitura sira sei tulun ita hodi loke neon hodi compreende no fiar tuir óculo Bíblia Sagrada nian. Housi ne’e, ita bele fiar no moris tuir doutrina Católica ba Santíssima Trindade. Padre Raniero Cantalamessa hatete: “O Pai é, na Trindade, aquele que ama, a fonte e o princípio de tudo; o Filho é aquele que é amado; o Espírito Santo é o amor com o qual se amam”.

Tan fe Cristão (Catolicismo) nebé ita simu, ita bele  iha convicção ida katak; ita nia história moris ho universo ida ne’e, hahú no remata iha Domin Aman, Oan no Espírito Santo. Expressão ne’e significa katak maromak laos Ser ida nebé Mes-mesak maibé Ser ida nebé comunhão perfeita (Uno e Trino= Um Deus em Pai, Filho e Espírito Santo).

Nune’e, saida mak Bíblia Sagrada ho Catecismo Igreja Católica koalia sobre Santíssima Trindade?

Compêndio Catecismo Igreja Católica explica ho maneira ida ne’e: “mistério central housi fé no housi moris cristão mak mistério Santíssima Trindade. Cristão sira simu baptismo iha Aman, Oan no Espírito Santo naran” (CCIC, 44).

Liu tan Compêndia Catecismo da Igreja Católica explica katak; Igreja (Católica) exprime ninia fiar trinitário hodi confessa katak Maromak ida deit iha pessoa tolu: Aman, Oan no Espírito Santo. Pessoa tolu ne’e ho natureza Maromak mesak ida deit (Monoteismo) basá, ida-idak idêntico ba plenitude (kepenuhan) housi única no indivisível natureza divina. Sira realmente distinta entre sira housi relação ida ho ida seluk nebé la bele haketak malu; Aman hahoris Oan, Oan hahu-An housi Aman no Espírito Santo mai housi Aman no Oan (o Pai gera o Filho, o Filho é gerado pelo Pai, o Espírito Santo procede do Pai e do Filho) (CCIC, 48)”.

Ita nu’udar Cristão Católico nu’udar fiar na’in ba religião nebé fiar Maromak ida deit (monoteismo). Ita fiar ba Maromak ida maibé laos Maromak nebé mes-mesak (Solitario). Oinsa Maromak ne’e bele hadomi se nia mes-mesak. Maromak bele expressa domin ne’e sofisticado (perfeitamente) wainhira domin ne’e expressa iha pessoa trindade ne’e. Hanesan mos Família ida nebé iha laran composto housi Aman, Oan no Fen Kaben. Hanesan mos comunidade ida nebé composto housi ema lobuk ida laos composto housi ema mesak ida deit.

Iha Antigo Testamento hakerek: “Na’i, Na’i, Maromak nebé laran luak tebes, la hirus lalais, hadomi la bosok” (Êx 34,6). Maromak nu’udar Domin, hatudu-An ba Mosies no ba ita nobun hodi hasé ita nu’udar belun. Nune’e, Maromak hatudu identidade nu’udar Na’i ba ita hodi hatene katak Maromak nakonu ho Domin, we=matan graça, fiel ba Ninia promessa absolutamente,

São Paulo ba sarani sira iha Corinto hakerek: “Na’i Jesus Cristo nia graça, Maromak nia domin, Espírito Santo nia tulun malu hela hamutuk ho imi hotu (2Cor 13,13). Importante tebes atu ita tau atenção basá, São Paulo temin pessoa tolu ne’e; Pai, Filho (Jesus Crsito) no Espírito Santo tu-tuir malu nu’udar união ida. Nune’e, se ita reza (hamulak), ita comunica ho Pessoa tolu ne’e. Formula oração hanesan ne’e, afinal hahu ona desde tradição Antiga Igreja nian.

 

Relato Evangelho São João, apresenta conversa entre Jesus ho Nicodemos; Jesus dehan:“Maromak hadomi teb-tebes mundo…….”(Jo 3,16). João Evangelista hakarak afirma katak; ema nebé la hadomi ou la conhece domin, nia la conhece Maromak basá, nu’udar Papa Emérito Bento XVI hakerek iha ninia encíclica tenik; Deus Caritas Est (Deus é Amor). Liu tan Bento XVI hakerek:Para quem tem fé, todo o universo fala de Deus Uno e Trino.

 

Nu’udar sarani Católico, ita hatene no fiar katak Maromak hadomi tebes ita. Tan Maromak mak Domin, ema nebé hadomi, nia horik iha Na’i no Na’i horik ho nia. Aman Maromak hadomi Oan (Jesus Cristo) hamutuk ho espírito Santo hadomi hikas ita nobun. Maibé, Maromak sei hadomi ita wainhira ita mos hadomi ema seluk (laos ema housi ita nia partido, ita nia grupo, ita ia família). Basá, Maromak presente iha ema ida-idak. Tan ne’e, se ita hadomi (tulun/ajuda) ema nebé pertence deit ba ita nia grupo partidário ou grupo arte marciais ou grupo koran, Maroamk hatene hela katak ne’e laos domin. Ba ida ne’e, padre Joãozinho explica:“Deus não é solitário, Deus é solidariedade! Deus é Pai, é Filho e é Espírito Santo, Deus é família: é Pai e Filho, Ele é o Espírito que existe entre o Pai e o Filho. Deus é Pessoa. A Trindade não é uma composição de três indivíduos, mas de Três Pessoas e pessoa se dá na relação, ou seja, o Pai é pai porque tem filho, o Filho é filho porque tem Pai e os dois são pai e filho porque tem uma paternidade filiação garantida pelo Espírito que há entre os dois. Isso é a Santíssima Trindade, uma relação de amor: o Pai é o amante, o Filho é o amado e o Espírito Santo é o amor do Pai e do Filho”.

Tanba ne’e, atu ita hahi-adora Santíssima Trindade tuir lolos, laos hahi deit Maromak nebé mes-mesak maibé, nu’udar união ida reciprocamente entre Aman, Oan no Espírito Santo. Hahi-adora Santíssima Trindade nu’udar expressão disponível hodi fo honra no hadomi ita nia maluk sira, se se deit, basá, Maromak Trindade nebé ita adora, Nia mos presente iha ita nia maluk sira.

Tansa tenke nune’e? Tan Maromak Trindade nu’udar we-matan (fontes-sumber) relação no comunicação entre ema hotu. Maromak Trindade nu’udar realização moris Trindade nebé dinámico. Movimento de comunicação ida, relação domin. Tanba, Catolico ida qualidade fiar provado housi modelo moris trinitario dinámico significa; hadomi malu iha união Aman, Oan no Espírito Santo. Ne’e mak modelo comunicação nebé hatudu unidade no fidelidade iha comunidade eclesial hotu.

Iha Santíssima Trindade, ita aprende oinsa ita bele cria unidade entre família, suco, povo no religião. Trindade hanorin ita oinsa ita bele unifica hanoin diak sira nebé divergente li-liu hahú ho forma sociedade ida nebé kaer ba modelo Trindade no laos basea ba cor política quabto mais relação familiar deit.

Maske mistério Santíssima Trindade susar tebes atu ita sura ho matemática kakutak nian maibé, naroman fiar nian, tulun tebes ita hodi entende no fiar Maromak ida deit iha pessoa; Aman, Oan no Espírito Santo. Iha liturgia (Missa), ita rona bebeik formulação ne’e: Na’i Jesus Cristo nia graça, Maromak Aman nia domin hamutuk ho Espírito Santo hela ho imi (ita).Moris lor-loron mos hafurak ho presença Trindade wainhira ita reza; Hodi Padre, hodi Filho no hodi Espírito Santo. Kmanek tebes wainhira ita nia ibun temi formulaoração ne’e hodi hanoin Maromak ida deit nu’udar comunhão ida iha Igreja Católica.

Padre Joãozinho explica liu tan katak: “A nossa compreensão do Mistério da Trindade é muito mais o ser compreendido por este mistério, ou seja, estar mergulhado no mistério por uma ação de fé que procura refletir, uma fé inteligente, mas ao mesmo tempo, uma fé vivida, testemunhada”.

Nune’e, ita conclui reflexão ida ne’e hodi entende ho matan fiar nian katak; Santíssima Trindade ne’e nu’udar mistério fiar nebé boot iha história Cristianismo nian. Entre hirak ne’e hotu, ita agradece nafatin ba Maromak; Aman, Oan no Espírito Santo tan, Nia domin be horik nafatin ho ita housi tempo ba tempo. Jesus rasik confirma lia fuan ne’e hodi fo laran metin (esperança) ba apóstolo sira katak; Hau sei horik ho imi too mundo nia rohan.

          Nune’e, saida mak ita precisa halo hodi hola parte iha Santíssima Trindade nia moris? Buat nebé importante mak, ita nu’udar sarani Católico, precisa comporta didiak, halao moris tuir doutrina Trindade nu’udar Jesus hanorin nanis hodi tau fiar metin ba Maromak Santíssima Trindade sem condição. Assim Seja e Bem Haja. (IgnasOliveira2020)

PENTECOSTE:Hakmatek hela ho imi!…..Timor Leste.

SOLENIDADE PENTECOSTE Ano A/2020

Act 2,1-11  1Cor 12,3b-7.12-13  Jo 20,19-23

 

Na’i, haraik Espírito Santo Mai ami atu hafoin hikas rai.Papa Franciso afirma: “Não há democracia com fome, nem desenvolvimento com pobreza, nem justiça na desigualdade“.

Drama política iha Timor hamosu confusão no hamoe mos imagem Timor Leste iha mundo. Pentecoste halo ita simu Espírito Santo atu sai sasin Cristo nian (Moris tuir Mandamento no Moris tuir Constituição) atu ema hotu sai cidadão diak no sai sarani diak ba sociedade no mundo.

Pentecoste origem husi lian Grega (Yunani) nebé significa; quinquagésimo (ba dala 50). Número nee refere ba loron 40 depois da ressurreição no loron 10 depois da ascensão do Senhor (Jesus hiit-An sae ba Lalehan). Iha relato Evangelho, Jesus dehan: ”Hakmatek hela ho imi! Nu’udar Aman Maromak haruka Ha’u mai, nune’e mos, Ha’u haruka imi ba!”. Mensagem Jesus haruka nee refere ba se? ita hotu hetan responsabilidade ba ordem ida nee.

Evangelista João relata katak: “…uma nebé Apóstolo sira hela ba, odamatan taka metin, tan sira ta’uk Judeu sira“.Perante situação tauk ida nee mak de repente Jesus mosu hodi tenik:” ”Hakmatek hela ho imi!”. Perante terror no liu tiha saudação hakmatek ida nee, Jesus fo kedas serviço seluk ida atu apóstolo sira (inclui ita hotu) atu la bele paralisado/parado. Knaar nee mak missão Evangelizadora Kreda nian nebé hahu tinan rihun rua liu ba too oras nee. Missão ida nee, hetan ninia fortificação iha tempo Pentecoste (a descida do Espírito Santo). Tanba nee mak, momento pentecoste, considerado hanesan; o nascimento (instituição) da Igreja pela primeira vez.

Iha nee, ita sei ba reflecte ponto tolu relativo ho Mensagem Pentecostal semana nee.

Primeiro: Jesus necessita Kreda (Igreja) ida.

Nudar São Paulo afirma iha ninia carta sira (Ef 1,23; 1Cor 12,12). Kreda mak Cristo nia isin! Lia Foun diak nebé Cristo haklaken ona, Kreda mak sei continua hatutan ba mundo tomak. Nudar seman hirak ba kotuk, Evangelho relata ona katak Jesus sei fila ba Aman hodi prepara fatin hafoin sei mai fali hodi lori ema hotu nebé fiar iha Nia. Tanba nee mak wainhira Nia fila, Nia precisa continuidade husi Ninia missão salvadora. Continuador nee mak Kreda (Igreja Católica). Atu Kreda keta sente lao mes-mesak, Jesus promete atu haruka Espírito Paráclito hodi fo aten brani. Paráclito nee mak semana nee ita celbra iha solenidade Pentecoste (a descida do Espírito Santo). Kreda mak se? Kreda makita nobun nebé simu ona baptismo, balu fan modo iha mercado, balu sai governantes, balu sai professional, balu sai técnico, balu sai político no lobuk ida mos iha hela comarca. Hirak nee hotu mak kreda nebé Cristo tau fiar hela ba no hetan acompanhamento husi Espírito Santo.

Segundo: Kreda (Igreja) mos precisa Cristo. Ema ruma nebé sai mensageiro necessita mensagem nain hodi justifica mensagem be nia lori haklaken nee. Mensageiro precisa ordem hodi haklaken tutan. Ordem nee mos precisa autoridade nudar base legal ou força ida hodi concretiza ordem nee. Tanba nee mak nudar Cristo necessita Kreda, Kreda mos precisa Cristo nudar we-matan (sumber/fontes) husi mensagem. Sem Cristo, Kreda la iha base (we-matan) evangelização. Tanba nee mak maske Jesus ba maibé, Espírito Santo horik nafatin ho kreda atu Evangelho bele halekar too mundo nia rohan.

Terceiro: critério necessário nebé Kreda tenke cumpri mak halao Cristo nia ordem. Ba sarani sira, hodi Aman, hodi Oan no hodi Espírito Santo, Hau sei horik ho imi too tempo nia rohan. Nudar Jesus fiel ba Aman, nunee mos kreda fiel ba Cristo. Nee significa, Igreja so bele realiza missão ida wainhira fiel ba ordem Jesus Cristo. Tanba nee mak Igreja nunca bele halo tuir vontade ema qualquer ida nian.

Atu kreda iha capacidade (autoridade) hodi halao ordem Cristo nian, Jesus haraik Espírito ida ba mensageiro sira. João Evangelista relata:Jesus húu íis ba sira, dehan: “Simu Espírito Santo ba! Evangelista lori hikas ita nobun ba recorda citação iha Antigo Testamento nebe hakerek:” “O Senhor Deus formou, pois, o homem do barro da terra, e inspirou-lhe nas narinas o sopro da vida e o homem se tornou um ser vivente”// Ketika itu Tuhan Allah membentuk manusia dari debu tanah dan menghembuskan nafas hidup ke dalam hidungnya; demikianlah manusia itu menjadi makhluk yang hidup(Gén 2,7).

Citação Antigo Testamento nee, hetan ona ninia plenitude iha Jesus nia afirmação promessa hodi haruka Espírito Santo tuun ba apóstolo sira ho Nain Feto nudar comunidade kreda ida uluk liu (Igreja inicial/antiga).

Iha relato Evangelho São João nian, Jesus hatete: “Simu Espírito Santo ba! Ba ida nebé imi perdua nia salan, nia sei hetan perdua ba nia salan; ba ida nebé imi la perdua nia salan, nia sei la perdua ba nia salan”.

Ita precisa atento ba mensagem husi Jesus nee basá, wainhira Nia mosu ba apóstolo sira, Jesus hatete: ”Hakmatek hela ho imi!”.Wainhira Jesus moris mai iha rai (Natal), anjo sira proclama:” ““Glória a Deus no mais alto dos céus e na terra paz aos homens, objetos da benevolência (divina)” (Lc 2,14). Paz aos homens nee mak sai hanesan objectivo principal Jesus nia presença iha rai. Atu paz nee la bele iha deit Israel mak Jesus haruka ita hotu (Sarani/Kreda) lori paz nee ba mundo tomak.

Além paz nee halekar ba mundo tomak, Paz nee mos precisa estabelece entre ema ho Maromak liu husi sacramento Confessa. Tanba nee mak Jesus hatete ba apóstolo sira tenik:” Ba ida nebé imi perdua nia salan, nia sei hetan perdua ba nia salan; ba ida nebé imi la perdua nia salan, nia sei la perdua ba nia salan”. Tanba sa tenke confessa? Tanba ita nia relação paz ho Maromak kotu ho ita nia atitude pecado’ la halo tuir Maromak nia mandamento.

Então, ho presença Espírito Santo nebé ita celebra iha solenidade Pentecoste, atu fo coragem no hamoris fila fali povo sarani nia sentido tauk no desesperado perante ausência Jesus nian. Nee mak paráclito nebé Jesus promete hodi kreda continua hamoris missão evangélica. Além de missão nee, Jesus mos fo kbiit ba apóstolo sira hodi fo perdua ba ema nia pecado. Los duni, nudar pecador, ema la iha kbiit atu perdua ema seluk nia sala maibé, ho Cristo nia autorização kreda liu husi sacerdote no bispo sira bele perdua ema nia pecado.

Critério atu reativa hikas ita nia relação ho Maromak nee mak kreda estabelece sacramento Cofessa (reconciliação) nudar “conditio sine qua non”(requésito obrigatório) nebé ema (pecador) precisa cumpri hodi arrepende ninia pecado perante Maromak.

Atu taka, maske oras nee estado emergência terceira vez vigora hela, maibé, governo fo ona flexibilidade ba Igreja ho escola sira hodi reativa hikas actividade sira. Covid19 maske Timor caso zero maibé iha mundo liliu nação vizinha Indonésia ema sei mate nab-naban. Pentecoste halo ita hetan hikas ita nia espírito no vontade hodi reativa hikas ita nia moris iha sociedade maibé, precisa matan moris nafatin ba ita nia saúde tanto físico, tanto espiritual. Nudar Espírito Santo lori paz, ita harohan atu paz nee bele halo político sira lolo liman ba malu hodi governa rai nee tuir dalan constituição laos dalan premanismo.

Papa Francisco iha Ninia missa hatete: ”o Espírito liberta os espíritos paralisados pelo medo. Vence as resistências. A quem se contenta com meias medidas, propõe ímpetos de doação. Dilata os corações mesquinhos. Impele ao serviço quem se desleixa na comodidade. Faz caminhar quem sente ter chegado. Faz sonhar quem sofre de tibieza. Esta é a mudança do coração”.

Político sira maioria nudar sarani Católico precisa sai testemunha Jesus Cristo nian iha sociedade laos sai fali testemunha ba figura político ida rua nian. Tanba nee mak Jesus hatete: ”.. «Ides receber uma força, a do Espírito Santo (…) e sereis minhas testemunhas» (At 1, 8).”

Que o Espírito mude os corações e as vicissitudes e dê paz à Terra Santa!). Assim Seja e Bem Haja. (IgnasOliveira2020)

ASCENSÃO,…. JESUS ABANDONA & FO PROMESSA MAMUK…?

Ascensão não é despedida, mas uma presença através de sinais.”Nu’udar imi haré Nia sa’e daudaun ba lalehan, Jesus ida ne’e duni mak sei fila fali mai!”.Kreda mak Cristo nia liman-ain, Kreda mak Cristo tomak, Katak, Cristo, Ida be haberan hotu iha ema hot-hotu.

Domingo VII Tempo Páscoa relembra nu’udar Dia mundial da Comunicação. Comunicação significa ação de transmitir uma mensagem e, eventualmente, receber outra mensagem como resposta. Acerta kedas ho solenidade ascenção do Senhor (Jesus Hiit-An sa’e ba lalehan). Jesus fo hela missão ida atu apóstolo sira (ita hotu nu’udar cristão católico) atu transmite mensagem Evangélica além de liu husi oração no liliu hatudi husi lalaok caritativa sira hanesan tulun ema hirak nebé precisa. Igreja no grupo humanitário lobuk ida realiza ona durante época Estado de Emergência (EE). Haré fali tensão política rai laran, falta de comunicação política, halo situação runngu-ranga iha orgão estado maske EE segundo turno sei vigora hela. Evangelho João Capítulo 17 sai hanesan oração sacerdotal Jesus Cristo nian. Oração ida nebé Jesus hamulak hodi saran ba Aman iha Lalehan. Ita lee didiak oração ne’e, hafahe ba parte tolu: 1). Oração refere ba Jesus rasik (Jo 17, 1-5). 2). Hamulak ba Escolante (Apóstolo) sira (Jo 17, 6-19). 3). Hamulak ba ema hotu nebé fiar iha Cristo (17, 20-26). 

Jesus nia oração nu’udar guia de comunicação entre ema ho Maromak. Oração Ami Aman (Pai Nosso) mak oração principal husi Jesus. Oração ne’e halo resumo oinsá ita hahi adora Maromak ao mesmo tempo hatoo ida nia pedido ba Maromak nu’udar Aman ida. Ne’e significa katak iha mundo, ita utiliza telemóvel ho meios comunicação hodi tatoli no simu informação. Iha âmbito religioso, oração mak meio comunicação nebé viável liu hodi facilita processo comunicação ida ne’e. Iha âmbito político, ukun nain sira uza fali facebook hodi trata malu.

Tuir los, Maromak hatene ona saida mak ema precisa maibé, se necessidade ne’e ita la proclama sai, ne’e significa ita la precisa. Tan ba ne’e mak oração sai hanesan meio viável. Jesus nia oração ne’e mós loke ita nia horizonte sobre sentido fundamental husi acto de comunicar (comunicação).

Iha primeira parte, Jesus nia oração molok simu terus, ne’e nu’udar forma ida husi oração universal ba Ninia-An rasik (Jo 17,1-11a):“Pai, é chegada a hora. Glorifica teu Filho, para que teu Filho glorifique a ti (…) Agora eles reconheceram que todas as coisas que me deste procedem de ti. (…) Por eles é que eu rogo. (…) Tudo o que é meu é teu, e tudo o que é teu é meu.

Ita fila ba Ascenção do Senhor (Jesus Hiit-An sa’e ba Lalehan). Humanamente, belun sira, escolante sira, kolega sira, nebé dook husi nia mestre amado, sempre hela ho saudades. Jesus anticipa ona momento ida ne’e hodi hatete katak; Nia ba prepara fatin hodi fila hikas mai lori sira ba fatin nebé Jesus horik ba (Leitura sira semana kotuk). Nia ba maib’e, sei haruka paráclito ida mai hodi fo esperança.Celebração Ascensão do Senhor marcada ho louvor pascal, ho esperança compromisso atu evangeliza.

Ascensão Jesus ba lalehan mak sinal Jesus nia vitória sobre mate (morte), nebé ita sempre celebra iha tempo sira páscoa nian. Ascensão Jesus nian ne’e mós sai nu’udarita nia motivo de louvor no esperança, baapóstolo sira (inclui sarani nobun) horseik no ohin.

Jesus ba maibé, husik hela missão ida ba Ninia escolante sira (Missão de Evangelização). Jesus dehan: “ Kbiit iha lalehan no rai fo tomak mai Ha’u. Ne’e duni, imi ba hanorin Nação hotu-hotu, sarani sira, hodi Aman, hodi oan no Espírito Santo sira naran, no hanorin ba sira hodi halo tuir buat hirak hotu nebé Ha’u haruka. Ha’u hela ho imi nafatin, to’o tempo ikus”. Mensagem ne’e significa katak discípulosira (ita hotu) la bele “ficar parados”, hodi hateke de’it ba lalehan, problema hotu resolvido. Lae!, Jesus nia mensagem ne’e, fo hela serviço ida ba ita hotu nebé sai sarani. Perante Covid19, lalaok Evangelização, ema barak halao ona liu husi apoio humanitário husi grupo oi-oin ba comunidade afeitado sira iha Dili laran. Ne’e mak Evangelização lolos, tuir contexto socio-político ohin loron. Evangeliza mundo tuir óculo realidade ohin loron nian.

Igreja Católica mós halo ona apoio caridade ne’e tuir paróquia sira (Diocese tolu), nu’udar parte ida husi Evangelização. Covid19 muda buat barak iha sociedade. Jesus fo nafatin esperança ba ita hotu nebé tau fiar iha Nia.  Igreja Católica ho grupo voluntário sira evangeliza ona liu husi apoio humanitária sira. Governo mós fo laran metin ba povo ho osan 100 dólares nu’udar parte ida husi Evangelização maske too oras ne’e, promessa ne’e nia data sei malahuk (incerteza) hela.

Papa Francisco refere ba carta São Paulo ba Éfeso hatete: “Somós membros uns dos outros” (Ef 4,25): das comunidades de redes sociais à comunidade humana”.Desta vez, Papa bolu atenção ba ita nia atitude wainhira utiliza Media Social (Facebook). Facebook tuir los sai nu’udar nstrumentos atu ita habelun ho ema barak maibé, na realidade, Facebook sai tiha fatin hodi kari promessa mamuk, halo propaganda, lekar ema nia privacidade, tarata malu, no pior liu tan, político sira mós utiliza media social hodi buka popularidade liu husi promoção ninia partido nebé na realidade so buka kadeira hodi aproveita estado.

Ita reza ba Timor nia unidade, ita reza ba ema nia mudança de mentalidade, ita reza ba político sira nia kaan ten atu sai ema diak ba ema seluk iha sociedade. La bele sai fali paracita ba estado Timor, la bele sai fali oportunista perante Covid19. La bele sai fali político sem princípio hodi hetan cargo estado. Jesus sa’e ba lalehan significa, nia fo fiar ba ita hotu hodi gere moris ne’e ba sociedade ida nebé próspero. Gere estado ba bem comum laos bem partidária, quanto mais bem das famílias.Sejamós testemunhas do Senhor, através da vivência da unidade! Assim Seja e Bem Haja (ignasoliveira2020)