Juventude (Dejukdil)

DEPARTEMENTO JUVENTUDE CATOLIKA DIOCESE DILI

(DEJUCDDIL)

 

  1. INTRODUSAUN

DEJUCDDIL hahu harí hamutuk ho foinsae sira nebé didika no saran sira nia-an hodi tulun sira nia maluk foinsae sira seluk nia vida housi konflito situasaun politika nasaun Timor-Leste nian iha tinan 2006. Situasaun ema barak considera joven sira nu’udar autor ba krize 2006.

Housi parte kreda nian, Igreja buka dalan hodi halibur fila fali joven sira liu housi prezensa Cruz Joven Internasional in Timor-Leste. Tuir plano ne’ebé mak lolos ne’e ita nia nasaun visinho Australia mak simu Cruz Joven internatsional ne’e. Maibe  tamba domin boot ita nia Bispo Matebian Dom Alberto Ricardo da Silva ba joven sira hodi nune’e ho ninia sabedoria lalehan nian no domin nu’udar Aman nian, Dom Ricardo ho haraik-an husu ba komisaun Cruz Joven Internasional nian iha Australia, atu se bele karik Kruz Santa bele to’o iha Timor Leste,  hodi tulun sira atu hakuak fila fali sira nia FIAR sarani nian liu housi Cruz Joven Internasional. Cruz Joven International mos nu’udar dalan atu kria fali unidade entre joven sira ne’ebé ema considera hanesan author ba krize ne’e.

  • Historia Hahu (Oinsa Dejukddil Hahu)

Semana ida antes Domingo Ramos 2006 hanesan mos loron mundial joventude  nian iha loron 09 abril 2006, lokoraik ida Amo Venancio bolu liu housi telp deit, Amo Angelo Salsinha (momento ne’e sei frater hela), Madre Elsa FDCC, no Madre Lucia Pereira FMA. Liu housi telp ne’e Amo Venancio dehan deit katak Amo Bispo bolu ami nain tolu urgent. Iha loron tuir mai ami ida-ida hakat ba hasoru Amo Venancio ho diferensia loron  iha Diocese Câmara tuan Lecidere. Wainhira ami ba hasoru malu tiha ho Amo Venancio no Amo Domingos Soares, ami nain tolu komesa halao knar pastoral ida ne’e, hodi oinsa bele halibur foinsae sira iha tempo badak nia laran, housi bairo-bairo atu bele mai partisipa misa hamutuk ba foinsae sira ho Amo Bispo Dom Alberto iha Igreja Katedral. Grace a Deus ami konsega halibur duni foinsae iha momento ne’eba tuir orientasaun Amo Bispo nian, maski la fasil maibe ho esforsu-an ita hamutuk nian lori duni rezultado ne’ebe positive ba bairo konflito no fatin refugiados hodi hahu hanoin oinsa halo programa, animasaun no tu’ur hamutuk ho foinsae sira hodi fo hanoin ba malu kona ba sira nia moris no bele hahu no hari fila fali unidade, paz no domin iha ita nia rai. (situasaun tempo ne’eba).

 

  • Historia depois de Domingo Ramos no Vizita Cruz Joven

Nune’e Kruz Joven Internasional to’o mai iha Timor Leste iha loron 23 no fila-fali ba Australia iha 26 abril 2007. Hotu tiha eventu Kruz Joven Internasional nian ida ne’e. Komisaun sira husi kongresaun oioin : Ir. Marline, CB; Ir. Zelia OCAM; Ir. Kris, SSPS; Ir. Kris, Franciscan; Ir. Ervina, FDCC; Ir. Lucia, FMA; Fr. Alan, SVD; Pe. Henrique, Pr. Angelo Salsinha, no Ir Nico Lay, Pe. Domingos Soares ho joven wa’in bolu malu atu halibur hamutuk iha komunidade madre CB nian iha Bebora Vila-Verde Dili, atu halo pembubaran panitia.

Wa’inhira hotu tiha sorumotu ne’e Irmas no padre sira balun fila ona ba sira nia fatin. Maibe. Pe. Angelo Salsinha, Ir. Nico Lay no Ir. Lucia Pereira, FMA, hein joven sira hodi ne’ebé tur hela iha sori-sorin, sira na’in tolu (3) koalia ho sira no hein katak sira mós atu ba ona, nune’e ami mós fila uma. Maibe saida mak mosu? Wa’inhira joven sira hatene katak ami atu husik ona sira, balun hahu ho matan been hodi husu ami atu labele husik sira mesak. Husu ami atu kria atividade ruma ne’ebé mak hatan ba sira-nia situasaun moris nian. Joven sira-nia esijensia halo ami sai angostia, ami hateke ba malu lahatene oinsá atu hatan sira, Ir. Nico, ne’ebé matan been fakar lais liu hahú hasai nia lensu hodi hamaran ninia matan been, hafoin finji dehan kosar loos liu, ahhh ! Dada i’is oituan nia husu fali ba joven sira imi kakarak atividade saida? Balun dehan musika ka banda tanba ami joven barak mak iha talento sira kona-ba musika maibe sasan laiha no fatin atu halibur malu mós perigu hotu…ami lahatene atu ba ne’ebé no se loos? Ir. Lucia, hatan : joven doben sira imi nia mehi a’as liu, imi bandidu ona keta halo ami sai bandidiu mós, eh! Maibé di’ak mak imi mehi, naran katak labele tau imi-nia an iha perigu… la tuda malu, la sunu ema nia uma, buka hakmatek an iha uma, depois loron ida se Maromak hakarak buat hirak ne’e Nia sira promote Pe. Angelo, hatan: sim se imi mai nafatin ita sei kria grupu-grupu, Sport, musika, dezeñu, etc….., no Ir, Nico, apoiu dehan loos duni imi mai de’it… ne’e gampang liu naran katak iha hakarak atu hari’i ita-nia Kreda no Nasaun Timor Leste. Hotu tiha sorumutu ne’e joven sira fila uma ho esperansa boot. Promesa ne’e halo iha fulan loron 26 de Abril 2006. Maibe bainhira mak kompri promesa ne’e?

Liu tiha fulan ida, Pe. Angelo, Ir. Nico no Ir. Lucia hanoin hamutuk hodi loke kursu Inglese. Joven sira ne’ebé atende kursu ne’e kuaze atus rua resin nune’e ami fahe grupu ha’at. Maibe fatin iha ne’ebé? Agradese ba bispo Diocese Dili, Amo Ricardo Da Silva, ba ninia domin ba joven sira, ho laran-luak nia hatan ho fuan ho laran hodi loke kursu ne’e iha ninia residensia rasik, agradese ba Amo Bispo ninia apoiu tomak. Maibé kursu englise ne’e de’it to’o ona? ( Ida ne’e hanesan programa ba dahuluk depois vizita Cruz Joven ).

Iha joven sira wa’inhira mak ho sira-nia viola a’at tur iha tasi ibun, iha Estrada ninin sira iha Dili laran. Nune’e iha fulan Novenbru 2007, joven balun sujere ba ami atu kria banda musical ba joven sira tanba joven sira maioria iha Dili laran interese ba musika. Nune’e ami nu’udar equipa ami tau idea hamutuk hafoin husu Sr. Younky K, ne’ebé mak iha esperiensia kona-ba musika no joven sira-nia kolaborasaun ami hahú halibur joven sira ne’ebé mak iha kakarak atu fahe sira-nia talentus musical ba Festa Natal 2007. Nune’e  ami hahú forma komisaun ki’ik ida hodi fahe serbisu, balun responsavel ba sound system, palku, dekorasaun, fahe konvite iha bairu-bairu. Atu prevene situasaun joven sira-nian hodi labele distuba Festa Natal ami deside hodi halo banda musical iha loron 23 de Dezembru 2007 ho tema: GABIAR 2007. Eventu ida ne’e halo iha largo Lecidere asiste husi: Bispo de Diocese Dili, Amo Recardo da Silva, Nuncio apostolika reprezenta Amo Papa Bento XVI nian iha Timor Leste,, Mgr. Leopaldo, Presidente da Republika, Dr. José Manuel Ramos Horta, Eis Presidente Fransisco Xavier Amaral (Avo Xavier) matebian. No joven DEJUKDDIL nian maka: Moreno, João povu, Paize, João Xefe, Julio Salsinha, Nino, Acung, Elvis, Borges, Dodo, Isaura, Eka.

Subsidiu husi Quarto Governu Institusional, tulun ida ba foin-sa’e sira hodi dezenvolve sira nia talent musika nian iha tinan 2008. Departamentu Juventude Katólika ba dahuluk fahe Instrumentu musical bola ba volleyball no football ho kamiza sira ba joven sira iha parokia hotu-hotu. Sr. Clare no Pe. Angelo nu’udar responsvel ba projetu ida ne’e, sira fahe instrument  musika ne’e ba parokia hot-hotu.

Toka door/musista sira dahuluk iha DEJUKDDIL, sira sai ami nia liman ain iha apostoladu tomak, agradese ba sira-nia saran an : Abouk, Piting, Gembel, Aze Plur, Paize, Ephen, Cesar, Simao, Atino, Ajito ho Ina. Atu follow up ba banda hirak ne’e, ami bolu fali Sr. Youngky. Ideas mosu barak liu. Objectivu hodi kria festival musical ida ne’e mak hasa’e joven sira-nia dignidade nu’udar pesoa umana tanba krizi 2006 hafoer juventude nia naran katak : Joven sira mak autór ba krize. Ikus mai Sr. Yongky hasai duni naran ida JOVENS SUPER STAR ne’e.

  • Esperiensia dahuluk hodi forma equipa ba Joven Super Star (JSS 2008)

Dala barak ema husu ami oinsá imi bele inventa buat ida bolu Joven Super Star? Atu hala’o buat boot hanesan ne’e presiza kbi’it no osan mak bele halo. Loos duni, ema nia komentariu sira pravoka ami atu halo buat di’ak liu ba joven sira-nia di’ak, rekere husi ami formador/a sira atu haluha an. Sr. Youngky K. Ho nia familia ho esforzu boot hodi lori idea ne’e ba oin ho sira nian sakrifisiu boot.

 

  1. Divisaun Primeiro iha Dejukddil
    • JSS 2008

Atu tama ba final tenki tuir KARANTINA. Kestaun boot mak joven sira ne’e hela iha ne’ebé? DEJUKDDIL seidauk iha office no fatin atu tur de’it laiha. Joven sira feto no mane lubuk ida, seidauk konta tan komisaun sira.

Se depende ba kbi’it umanu ne’e imposivel atu realiza, maibé ba Maromak buat hotu di’ak basá iha ne’ebé ema hanoin imposivel Nia halo posivel. Nune’e Joven mane sira toba iha Kuzina ida iha DEJUKDDIL ne’ebé agora halo fali sala ba Computer (IT). Entre sira iha mós joven sira difisente (matan delek) sira Union Blind BAND. Sira toba hamutuk, komik liu mak matan di’ak sira hetan lalais fatin atu toba maybe hirak ne’ebé matan a’at hamriik hein atu ema ruma lori sira ba toba iha kulisaun maski iha rai de’it. Tanba Me. Lucia, haluha katak entre sira iha mós Blind Union Band, nia hahú siak sira, tanba sá mak imi hamrik de’it no la ba toba iha oras hanesan ne’e? Difisente sira hatan, madre, ami la hare’e ne’e! Sira ne’ebé hare’e lori ami ba toba! Madre Hakuak tiha sira no tulun sira lori ba kulisaun depois hein too sira toba hotu hafoin nia fila ba komunidade kuaze tuku 12:00 kalan. Sira tein iha ne’ebé? Agradese ba Amelia, Emedia, Amin, Sinta no joven feto sira ne’ebé saran sira nia tempu hodi serbi sira nia maluk joven.

Iha tan joven lubuk ida mak fo an serbi ba DEJUKDDIL hanesan:

  1. DEJUKDDIL Putri Band : Ika, Agus, Nona, Ofi, Maia, Jessica.
  2. Banda Feto ida tan : Aming, Amaku, Anaza, Celeste, Aming Plur.
  3. Iha mos Banda Putra D’PATRIS : Pyank (nebe relijiaun seluk, maibe ativa ho hakarak mai aprende, joven ida ne domin boot tebes ba DEJUKDDIL), Ajanu Akoku, Aming, Simao no Inu.
  • DTC

Hare’e  husi eventu JSS ida ne’e efikaz no hatan ba joven mane no feto sira-nia hakarak duni. No Joven sira husu atu kontinua atividade ida ne’e atu bele sira nafatin. Maibé sira ne’ebé lahatene musika loron-loron mai iha Departamentu atu satia ami, halo saida ba sira? Duni sira fila ba sira nia uma ka husik sira tuir iha Departamentu husi dader to’o kalan?

Nu’udar responsavel ba joven sira haree katak la to’o de’it musika presiza buka dalan atu loke kursu komputador 2009, dalan atu manan foin-sa’e sira ba Kristu. Ami tane liman tun sa’e atu hetan Computer ruma maibé lahetan. Ikus liu Ir. Lucia hasoru Sra. Gloria ho ninia esforsu nia hetan duni computer iha governu Australia no husu 40 computer ba joven sira, no ikus liu iha fulan Juñu 2009, Computer to’o iha Timor, Nune’e loke kursu computer (IT) no Office, durasaun fulan tolu (3). Fatin ne’e hanaran DEPARTAMENTU JUVENTUDE KATOLIKA DIOCESE DILI, TRAINING CENTER, responsavel dahuluk mak Antonio Parlan hafoin troka ho Elizario (Abouk) joven ne’ebé kleur iha Departamentu, no to’o agora sei hala’o kna’ar ne’e. Agradese ba Trainer dahuluk sira : Azu, Azita, Etelvina, Andre, Fr. Joao Jesuita, Leila no Damazio.

Tanba ne’e ikus nu’udar equipa ami Diocese Dili nian hodi ida ne’e mak halo duni Kongresu Juventude Diocese Dili nian iha fulan Setembru loron 23-27 iha GMT Dili, ho 500 joven partesipante husi parokia no grupu kategoria sira. No tema ba Kongresu ne’e mak : “JOVEN AUTOR BA DESENVOLVIMENTO NASAUN NO KREDA” ho Maromak Nia futar liafuan ne’ebé mak akompaña : “Susar ba Hau Se Hau La Haklaken Evanjelu” (1 kor 9, 16).

Hatudu momos katak ne’e joven sira ne’ebé mak hetan formasaun humana no espirital iha Diocese Dili nia mahan. Ne’ebé mak Amo Bispo Diocese Dili, Dom Alberto Ricardo da Silva no ho equipa tomak mak nu’udar konsileira ba atividade JSS no DTC nian. No ho respeita tomak tau-ninia laran-metin ba Presidente Juventude no Manager JSS no DTC nian hodi lori ba oin.

Ida ne’e mak istoria badak JSS no DTC. Wainhira Ir. Lucia remata nia misaun iha DEJUKDDIL iha tinan 2011 liu ba, matan ben barak mak monu, fraternidade ne folin liu. Maibé Maromak kontinua hadomi joven sira, hodi haraik tan mai ami. Me. Angelita Gomes FMA (ho Madre nia prezensa hodi funda tiha Oratorio DEJUKDDIL hamutuk ho Ir. Nico Ikus mai, mosu tan Divizaun foun oin-oin iha DEJUKDDIL mak hanesan:

  1. DEJUKDDIL Arte
  2. Oratorio
  3. JHN
  4. MJK
  5. Campus Ministry.

 

  1. PROGRAMA NE’EBÉ DEJUKDDIL HALA’O ONA TO AGORA
    • Programa no atividade ne’ebé iha 2006

Programasaun ne’ebe ami konsega halao iha tinan 2006 nu’udar tinan FE-‘Ita nia liafuan hanesan lampada ba hau nia ain, No naroman ba hau nia dalan’ (Sl 119,105)

Iha tempo ne’eba ami seidauk iha plano diak ba foinsae sira, tamba momento ne’e mos ita seidauk iha ekipa ou strutura  permanente ba foinsae diocese nian, ne’ebe ami ekipa halao ami nian servico depende deit ba situasaun ne’ebe relasiona ho situasaun krizi iha tempo ne’eba.

Atividade ne’ebe ami halao iha tempo ne’eba mak hanesan;

  • Misa Domingo Ramos iha katedral dia 09 de abril 2006, halibuir joven sira housi bairo konflito no fatin refugiados hodi ba tuir misa hamutuk ho Amo Bispo Dom Alberto Ricardo da Silva.
  • Pastoral tama sai bairo no camps refugiados, hamutuk ho PNTL comunitario.
  • Kursu lingua ne’ebe ami halao iha residensia Amo Bispo nian,(responde ba ejijensia foinsae sira nian iha situasaun ne’eba).
  • Peregrinasaun ba Ramelau
  • Idea husi Amo Bispo hodi hari presepio gigante iha lecidere
  • Sarau cultural ba tempo Natal
  • Programa no atividade ne’ebé iha 2007

Programa no atividade iha tinan 2007 mak hanesan:

  1. 2007 Tinan Esperanca-‘Nudar Hau hadomi imi, nune’e mos imi sei hadomi malu’. ( Jo 13,34 )
  2. Forma strutura Dejukddil housi Padre Angelo
  3. Kongreso joventude
  4. Cruz joven Lospalos-Maubisse
  5. Peregrinasaun 10 anos Nain Feto Ramelau
  6. Discipleship-training; workshop ba konesementu bibliku, kristologia, teologia pastoral, metodologia relijaun nian, Marialogia, Saun Paulo nia misaun no praktika haklaken evangelho ba bairo sira.
  7. Kurso IT no Lingua
  • Programa no atividade ne’ebé iha 2008

Tinan 2008 hanesan Tinan Caridade-‘Imi sei simu kbiit Espiritu Santo nian,nebe sei tun mai imi no imi sei sai hau nia sasin’. ( At 1,8 )

Programa no atividade iha tinan 2008 hanesan:

  1. Jovens sira hamutuk 160 pesoa ba tuir WYD/JMJ iha Sidney-Australia
  2. Fo bolsa estudo ba jovens hamutuk ema 100 komposto feto no mane, sira hodi ba tuir kurso vocasional treinamento no formasaun iha Centro treinamento Don Bosco-Comoro, durante tinan ida hahu Outobro 2008 to’o Outobro 2009
  3. Preparasaun ba Mini kongreso no Kongressu Juventude Katolika Diocese Dili
  4. Hetan apoio husi governo hodi distribui banda musical no ekipamentos desporto liu husi subsidi projeito Kreda no Governo.
  5. Pasca cup
  6. Konserto JSS ba dahuluk halibur foinsae sira husi parokia no grupo oin-oin iha Diocese Dili nia mahan.
  7. Formasaun Moral, Evaluasaun no Bible sharing
  • Programa no atividade iha tinan 2009:
  • Proseso mini kongreso no kongressu joventude katolika diocese dili,23-27 de septembro 2009
  • Proseso naran husi FOSKA DILI ba DEJUKDDIL no hahu forma ekipa hodi halo Estatuto DEjukddil nian.
  • Programa no atividade iha tinan 2010-2011;

Ami kontinua programasaun ne’ebe iha ho organizado no diak liu tan, durante tempo ne’e ami focus makas liu mak ba formasaun moral spiritual liu husi seksaun DTC no JSS.

  • Programasaun no atividade iha tinan 2011 to’o 2016;

Iha tinan tuir mai ami hahu loke tan divisaun seluk hanesan Arte, Oratorio, JHN, MJK no CM hodi responde Jovens sira nia nesecidade tuir tempo.

 

Pascoa Jovem 2017