Historia

Diocese de Dili hari iha loron 4 September 1940 hodi haketak-an husi Diocese Macau ho Bulla Sollemnibus Conventionibus,  husi amu Papa Pio XII. Bispo ba dahuluk diocese Dili nian mak Dom. Jaime Garcia Goulart.

Iha lorn 12 de Outobro 1989 Amu Papa Santo João Paulo II mai visita Timor Leste hodi celebra hamutuk eucaristia iha Taci Tolu.

Iha loron 4 September 1990 Diocese celebra tinan ba dala 50.

Iha loron 30 Novembro 1996, forma husi diocese Dili nia laran diocese foun Baucau nebe composto husi paróquia Manatuto, Baucau, Viqueque, Laga, Lospalos

Iha loron 1 Fevereiro 2010, forma tan husi diocese dili nia laran diocese foun ho naran Diocese Maliana. Diocese ne’e composto husi paróquia Liquiça, Atabae, Balibo, Maliana, Bobonaro, Zumalai, Suai, Fohorem.

Iha loron 15 fulan Agosto 2015 hamutuk ho diocese Baucau no Maliana Creda Timor Leste celebra tinan 500 evangelização iha Timor Leste.

Iha loron 4 September 2015 Diocese celebra tinan ba dala 75

 

Bispo sira nebe ukun ona diocese Dili:

Dom. Jaime Garcia Goulart (12 Outobro 1945 – 31 Janeiro 1967)

Dom José Joaquim Ribeiro (31 Janeiro 1967 – 22 Outobro 1977)

Dom. Martinho da Costa Lopes ( Administrador Apostólico, 1977 – 1983)

Dom. Carlos Filipe Ximenes Belo, S.D.B. (Administrador Apostólico, 21 Março 1988 – 26 Novembro 2002)

Dom. Basilio do Nascimento (Administrador Apostólico, 26 Novembro 2002 – 27 Fevreiro 2004)

Dom. Alberto Ricardo da Silva (27 Fevereiro 2004 – 9 Fevereiro 2015)

Dom. Basilio do Nascimento (Administrador Apostólico, 9 Fevereiro 2015 – 30 Janeiro 2016)

Dom. Virgílio do Carmo da Silva, S.D.B. (30 Janeiro 2016 _ atual Bispo)

Diocese Dili oras ne’e dadaun hatur-an iha superfície Território (Km2) 4755.23 Km2 ho total população residente hamutuk ema nain 617,898. Husi número ne’e católicos hamutuk iha ema nain 585, 958.

Diocese Dili iha ninia total paróquia hamutuk 30 no centro pastoral 224. Nailulik diocesano iha 53. Husi ne’e padre foun sira nebe ho idade ordenação foin halo tinan lima mai kraik iha nain 21. Superiores provincial regional sira iha 9, nailulik religioso sira nebe simu provisão husi diocese iha 23. Hamutuk total padre sira nebe ativos iha diocese Dili iha 85.

Diocese Dili iha candidatos nailulik hamutuk 2014. Husi número ne’e nain 142 frequenta hela escola média, 29 estudante filosofia, 26 teologia no 16 halao hela pastoral.