Cáritas Diocesana

CARITAS DIOCESANA DIOCESE DILI

Caritas Diocese Dili serviço hahu hodi servi comunidade sira iha fulan Agosto 1976. Serviço ida ne’e hahu ho naran Delegatus Social (Delsos). Amo Bispo Dom. Martinho contacto ho Amo Bispo Sulama iha diocese visinho Atambua hodi hahu serviço social ida ne’e. situação todan bolu atenção uma creda nian atu tulun ema wain nebe hamlaha no sai refugiados iha rain rasik, balu halai ba liur tanba funu nia hahalok.

Oras ne’e Caritas Diocesana Diocese Dili iha ona tinan 40 (2016).

 

  1. Visão

Atu Timor oan sira moris nakonu ho matak malirin (prospriedade). Iha comunidade nia let fo fatin ba vuneravel sira atu labele hela iha kotuk maibé hotu-hotu hamutuk bele contribui ba dame, serviço makas hodi aumente ninia capasidade hodi bele foti nia rain hosi moras, kiak no beik tuir uma kreda nia hanorin.  

 

  1. Missão
  • La’o hamutuk ho ema vuneravel sira, ema abandonado sira hodi tulun sira la bele lakon esperança ba moris ne’e.
  • Atu ema nebe kuran tulun hetan inspiração no barani luta hodi hasai an husi kiak no mukit laran.
  • Foti dignidade ema hotu nian, liu-liu marginalizado sira iha mundu ida nebe materialismo mak domina hodi integra fali sira ba domin comunidade nian no domin Aman Maromak nian.
  • Hatudu katak Maromak mak domin, no ita hotu mak sai sasin ba domin ida ne’e hodi serviço no servi malu nafatin.

  1. Objetivo

 

  • Atu paroquia ida-idak husi cooperação Caritas Diocese Dili nian bele tau matan ba ema vulnerável sira iha sira nia paroquia.
  • Atu vunerável sira bele hetan dalan hodi tulun an, no ikus mai nia mos iha atenção boot ba ema vunerável seluk.
  • Respeito tebes ema vulnerável sira hodi mos mantein ligação direta ho sira
  • Atu Caritas Diocese Dili nudar instituição eclesial ida la bele depende deit ba doadores, maibé buka atu sustenta an ho kbiit nebe iha tuir necessidade rai laran.

 

  1. Grupo Tarjeto
  • Kiak iha saude: HIV/ SIDA, TB, Leproso.
  • Eco farm. Ida ne’e liga ho desastre naturais, mudansa climática, malnutrição.
  • Faluk, orfanato, deficientes no sira nebe ema husik hanesan tráfico humano.
  • Pastoral social ekonomia hodi tulun povo sira poupa ba sira nia future. Iha ne’e hahu ho crédito união (CU).

 

Diretores sira Caritas Diocesana Diocese Dili nian

10 Diretór: Leão da Costa (1976-1981)

20 Director: Pe. Jose Alvaro Monteiro (1982-1987)

30 Director: Amo Leão da Costa (1988-1993)

40 Director: Pe. Francisco Barreto (1996-2000)

50 Director: Senhor Rogerio dos Santos (2000-2004)

60 Director: Me. Idalia, H. Carm (2005-2009)

70 Director: Pe. Evaristo da Costa (2009-2010)

80 Director: Pe. Adriano Ola Duli (2011-2015)