shadow
Diocese de Dili > NOTÍCIAS

DOM VIRGILIO: ITA KETA INUS KUAK LUAN TAN ITA NIA EMA SEIDAUK MATE

ITE;DILI(30/12/2020)Lia hirak ne’e Dom Virgilio do Carmo da Silva fo sai wainhira halo conferencia imprensa iha loron 30 de Desembro de 2020 hodi fo sai orientação no decisão sira kona ba oinsa atu Celebra missa 31 de Dezembro de 2020 kalan no loron 1 de Janeiro de 2021.

Dom Virgilio hatan ba pergunta jornalista nian kona ba pandemia COVID-19 ne’e realidade duni ou lae, Arcebispo afirma “ita iha nação ida nia laran, wainhira ita nia nai ulun sira fo sai mai ita katak sira iha factos ruma katak agora dadaun ita iha ameaça ba ida ne’e, diak liu ita tuir tanba laos de’it iha Timor, Ita nia ema Timor seidauk mate, ita nia inus kuak sei luan, maibe sei too duni iha Timor mak ema mate, ita ninia população nebe 1 ponto e tal milhões de’it nebe iha funu barak mak mate tiha ona, husi meio saida mak ita bele depende ita nia an, nação boot sira ne’e iha osan barak, ema iha equipamentos medico nian nebe diak hodi cura no prevene mos, sira sei foti liman, se Timor hakarak dehan mate tiha mak ita fiar, ita sei biban atu prevene ou pronto atu hakoi mate de’it, diak liu ita tuir”.

Liutan ne’e Arcebispo mos dehan “regra hirak nebe fo sai hodi hein mos orientação ou regra seluk nebe sei mai, ida ne’e ita halo tuir DECRETO GOVERNO nian nebe fo sai ona katak too dia 2 de Janeiro de 2021 no dia 3 ba oin sei iha orientação foun, nune’e mos Conferência Episcopal Timorense (CET), atu dehan mos katak Conferência Episcopal Timorense (CET) nian ne’e reativa fali de’it comunicado nebe fo sai iha 24 de Março de 2020”.

 “Desde inicio, ita hotu hatene katak Timor ne’e ninia meios atu conbate hasoru moras ou virus ida ne’e minimo tebes, ita ninia força mak iha prevenção, tanba ne’e, desde Março to’o mai agora, ita hakaas an atu halo prevenção, tanba ne’e iha situação ida ne’e, ita buka atu cumpre, biar dalabarak ita lakon ona pascencia, ita hotu hakarak celebra loron boot, liu-liu tinan foun ninian, ita hakarak despide tinan tuan no tinan foun, maibe ho realidade hanesan ne’e obriga duni ita atu coopera, colabora ba Timor nia diak, laos de’it ba ema ida ninia diak, apelo ne’e laos de’it ba sira nebe iha liur maibe sira nebe iha quarentena”. Dehan Arcebispo. (Leo)

 

MENSAGEM HUSI SANTO PADRE FRANCISCO BA CELEBRAÇÃO LORON MUNDIAL DAMEN BA DALA 54º

1º DE JANEIRO DE 2021

 

CULTURA HUSI TAU MATAN HANESAN PERCURSO DAMEN  NIAN

  1. Besik dadaun mai Tinan Foun, ha’u hakarak tebes atu apresenta ha’u ninia respeitosas saudações ba Chefes Estado tomak no Governo, ba responsáveis tomak husi Organizações Internacionais hotu, ba líderes espirituais no ema fiar nain husi religiões oi-oin, ba mane no feto hirak nebe ho vontade diak. Ba ema hotu ha’u formulo votos nebe diak liu, ha’u hein katak tinan 2021 halo humanidade progrede iha dalan fraternidade, justiça no damen nian entre ema hotu, comunidades tomak, povos no Estados tomak. Tinan 2020 marca ona ho crise sanitária boot Covid-19 nian, nebe transforma ona iha fenómeno plurissectorial no global ida, hadaet makaas tebes crises inter-relacionadas seluk hanesan climática, alimentar, económica no migratória, no provoca dadaun sofrimentos no incómodos nebe boot. Ha’u hanoin, ba dala uluk, sira nebe lakon ona familia ida ou ema ida nebe sira hadomi, maibe mos iha sira nebe laiha serviço. Ha’u hanoin iha modo especial ba médicos, enfermeiras no enfermeiros, farmacêuticos, investigadores, voluntários, capelães no funcionários tomak husi hospitais no centros de saúde, nebe prodigaliza ona– no sira nafatin halo ida ne’e – ho kolen boot no sacrifício, ba ponto husi sira balun nebe mate ona uainhira buka nafatin atu besik ba moras sira hodi ikus mai hamenus sira ninia sofrimentos ou salva duni sira nia moris. Ao mesmo tempo ha’u hatoo homenagem ba ema hirak ne’e, hafoun fali apelo ba responsáveis políticos tomak no ba sector privado atu foti duni medidas adequadas hodi garante acesso ba vacinas contra Covid-19 no ba tecnologias essenciais nebe necessárias hodi fo assistência ba ema moras sira no ba sira hotu nebe kiak liu no kbiit laek liu.[1]

Todan duni katak, iha sasin wain caridade no solidariedade ninia sorin, infelizmente hetan impulso foun kona ba formas oi-oin husi nacionalismo, racismo, xenofobia nune’e mos funu no conflitos hirak nebe kari dadaun mate no destruição. Acontecimentos hirak ne’e no mos sira seluk tan, nebe haktadak iha dalan humanidade nian iha tinan 2020, hanorin ita kona ba importância husi ita ninia tau matan ba ema seluk no criação atu ikus mai bele hari sociedade ida nebe alicerçada iha relações fraternidade nian. Tanba ne’e, ha’u hili hanesan tema husi mensagem ne’e « cultura husi tau matan hanesan percurso damen  nian»; cultura husi tau matan * atu fokit sai cultura indiferença, husi descarte no husi conflito, nebe ohin loron dala barak liu parece prevalece.

 

  1. Maromak Criador, huun husi vocação humana ba tau matan ninian

Iha tradições religiosas barbarak, existe narrativa hirak nebe sei refere ba origem husi ema, ba ninia relação ho Criador, ho natureza nomos ninia saseluk sira. Iha Bíblia, livro Génesis nian revela, desde hahu mai, importância husi tau matan ou husi custódia iha projeto Maromak nian  ba humanidade, destaca ona kona ba relação entre ema (’adam) no rai (’adamah) no entre maun alin sira. Iha narração bíblica criação nian, Maromak confia jardim «nebe iha Éden» (cf. Gn 2, 8) ba Adão nia liman ho knaar ida katak «nia haburas no tau matan» (Gn 2, 15). Ida ne’e significa, husi sorin ida, foti rai ne’e hodi kuda no, husi sorin seluk, tau matan nia no halo nia bele nafatin ho ninia capacidade atu sustentar moris.[2] Verbo sira «haburas» no «tau matan» descreve ba relação Adão nian ho ninia uma-jardim no hatudu mos ba confiança nebe Maromak deposita iha nia atu halo an hanesan nain no guardião ba criação hothotu. Nascimento husi Caim no Abel hamoris história ida husi maun alin, hanesan relação iha termos atu  tutela ou tau matan nebe ho negativamente hamoris husi Caim. Hafoin hamate tiha ninia maun Abel, Maromak husu ba nia, Caim hatan: «ha’u, duni,  mak tau matan ba ha’u nia maun?» (Gn 4,     9).[3] Com certeza! Caim mak «tau matan» ninia maun. «Iha narrações nebe antigas liu ne’e, riku tebes ho simbolismo nebe klean, haktuir tiha ona ba convicção atual husi buat hotu nebe inter-relacionado no tau matan nebe autêntico husi ita ninia moris rasik no husi ita ninia relações ho natureza ne’e mak inseparável husi fraternidade, justiça no husi fidelidade ba ema seluk»[4].

 

  1. Maromak Criador, modelo husi tau matan

Sagrada Escritura apresenta Maromak, além Criador, hanesan Ida nebe mak tau matan ninia  criaturas tomak, particular liu mak Adão, Eva no ninia oan sira. Caim rasik, biar nia hatuun ona ba nia maldição tanba de’it crime nebe nia comete ona, simu hanesan dom Criador  sinal ida ba proteção, ba ninia moris nebe hetan salvaguarda (cf. Gn 4, 15). Facto ida ne’e, ao mesmo tempo confirma ba dignidade inviolável husi ema, cria ba imagem no semelhança Maromak nian, manifesta mos plano divino atu preserva harmonia husi criação, tanba « damen  no violência labele hela metin iha fatin ida nebe hanesan»[5].

 

Ne’e mak recisamente tau matan ba criação nebe mak iha base husi instituição Shabbat nian, além atu regula culto divino, buka liu atu estabelece fila fali ordem social no solicitude husi ema kiak sira (Gn 2, 1-3; Lv 25, 4). Celebração husi Jubileu, uainhira sei completa ona tinan sabático nian ba dahitu, consente trégua ida ba rai, ba atan sira no ba endividados tomak. Iha tinan graça nian ne’e, sei tau matan liu ba sira nebe kbiit laek liu, oferece dadaun ba sira perspetiva foun husi moris, atu nune’e sei laiha tan naran necessitado ida entre povo (cf. Dt 15, 4). Nota diak ida mos mak tradição profética, iha nebe hamosu compreensão bíblica husi justiça nebe sei manifesta iha forma hanesan comunidade ida nebe trata ba sira nebe kbiit laek liu iha ninia leet. Hanesan ne’e duni mak particularmente Amós (2, 6-8; 8) no Isaías (58) continuamente hasa’e lian tanba de’it justiça ba ema kiak sira, nebe, husi ninia vulnerabilidade no falta husi kbiit, mak Maromak de’it mak rona, hodi tau matan ba sira (cf. Sal 34, 7; 113, 7-8).

  1. Tau matan iha ministério Jesus nian

Moris no ministério Jesus nian hola isin nu’u ápice husi revelação domin Aman nian ba humanidade ( Jo 3,16). Iha sinagoga Nazaré nian, Jesus manifesta ona Nia an hanesan Ida nebe Maromak consagra ona no haruka ona ba «haklaken Liafoun Diak ba ema kiak sira», «atu haklaken libertação ba ema dadur sira no, ba matan aat sira, ba recuperação matan aat sira nian; haruka iha liberdade dadur sira» ( Lc 4, 18). Ações messiânicas hirak ne’e, típicas husi jubileus, constitui ona testemunho nebe eloquente liu husi missão nebe Aman confia ona ba Nia. Iha ninia compaixão, Cristo hakbesik-An ba ema moras sira iha isin no espírito no haraik isin diak ba sira; perdoa maksalak sira no haraik ba sira moris foun ida. Jesus mak Bibi Atan diak nebe tau matan ba nia bibi sira (cf. Jo 10, 11-18;  Ez 34, 1-31); ne’e mak Samaritano Diak nebe inclina-An ba ida nebe kanek, trata husi sira ninia kanek no tau matan ba nia(cf. Lc 10, 30-37).

Iha ponto culminante husi ninia missão, Jesus sela ninia tau matan ba ita, oferece An iha cruz  no liberta dadaun ita nune’e husi atan sala nian no husi mate. Deste modo, ho dom husi ninia moris no ninia sacrifício, loke mai ita dalan domin nian no dehan ba ema idaidak: «Tuir Ha’u mai! O mos halo hanesan ne’e» (cf. Lc 10, 37).

 

  1. Cultura husi tau matan, iha moris husi seguidores Jesus nian

Obras misericórdia espiritual no corporal constitui núcleo husi serviço caridade Igreja primitiva nian. Cristãos tomak husi primeira geração pratica ona partilha hodi labele iha entre sira ema ruma nebe necessitado (cf. At 4, 34-35) no sira esforça atu halo ba comunidade uma hakmatek ida, nakloke ba situações humanas tomak, disposta atu ocupa husi sira nebe kbiit laek liu. Nune’e, sai ona buat nebe habitual nudar ofertas voluntárias ba fo han ema kiak sira, hakoi sira nebe mate no fo han oan kiak sira, katuas ferik sira no vítimas husi desastres, hanesan náufrago sira. No iha períodos sucessivos, uainhira generosidade husi ema fiar nain sira lakon ona buat oituan husi sira ninia ímpeto, Padres Igreja nian balun insiste ona katak propriedade nebe mak Maromak hanoin ba bem comum. Santo Ambrósio afirma ona  « natureza ne’e hahoris ona sasan barbarak ba ema nebe soin ba uso comum. (…) Portanto, natureza ne’e produz ona direito comum ida ba ema hotu, maibe ganância mak halo nia sai direito ida ba ema oituan de’it »[6].

Superadas perseguições husi primeiros séculos, Igreja aproveita ona liberdade hodi inspira sociedade no ninia cultura. «Necessidades husi época exige duni energias hirak nebe foun ba serviço caridade cristã nian. Crónicas históricas tomak relata ona exemplos barbarak husi obras misericórdia nian. Husi esforços conjuntos hirak ne’e, resulta ona numerosas instituições ba hakuran necessidades humanas hirak nebe oi-oin mos: hospitais, albergues ba ema kiak sira, oan kiak sira, lares ba labarik sira, fatin hakmatek ba ema lao rai sira, no seluk tan»[7].

 

  1. Princípios husi doutrina social Igreja nian hanesan base husi cultura tau matan nian

Diakonia husi origens tomak, hariku tebes husi reflexão Padres nian no animada, iha séculos naruk, husi caridade operosa nebe haroman didiak testemunhas husi fiar, halo fuan nebe pulsante husi doutrina social Igreja nian, proporciona dadaun ba ema hotu ho vontade diak nudar património kmanek ida husi princípios, critérios no indicações, husi nebe mak bele hasulin  «gramática» husi tau matan: promoção husi dignidade pessoa humana tomak, solidariedade ho ema kiak sira no indefeso sira, solicitude ba bem comum no salvaguarda ba criação.

 

* Tau matan hanesan promoção ba dignidade no direitos ema nian

«Conceito husi ema, nebe mosu ona no haburas ona iha cristianismo, ajuda atu promove desenvolvimento ida nebe plenamente humano. Tanba pessoa ne’e exige sempre relação no laos individualismo, afirma inclusão no laos exclusão, dignidade singular, inviolável no laos xploração»[8]. Pessoa humana tomak mak fim iha ninia an, no nunca mero instrumento ida hodi avaliado de’it husi ninia utilidade: cria atu moris iha conjunto família nian, iha comunidade, iha sociedade, nebe membros hotu mesak iguais iha dignidade. No husi dignidade ida ne’e deriva direitos humanos, hanesan mos dever sira, nebe fo hanoin, por exemplo, responsabilidade atu simu no tau matan ema kiak sira, moras sira, marginalizado sira, ita ninia «maluk, vizinho ou distante iha espaço no tempo»[9].

 

* Tau matan ba bem comum

Cada aspeto husi moris social, política no económica hasoru ninia realização, uainhira coloca ba serviço bem comum nian, ida ne’e mak «conjunto husi condições moris social nebe permite, tanto ba grupo sira nune’e mos membro idaidak, alcança diak liu no facilmente ba perfeição rasik»[10]. Por conseguinte ita ninia projetos no esforços tomak bele iha nafatin ho ninia efeitos kona ba família humana tomak, pondera dadaun ninia consequência sira ba momento presente no ba gerações hirak nebe sei mai. Buat tomak nebe loloos no atual seja buat hirak hanesan ne’e, iha nia mak hatudu ba pandemia Covid-19, perante ba saida mak «ita nafatin hela iha bero nebe hanesan, ema hotu kbiit laek no desorientados maibe ao mesmo tempo importantes no necessários, ita hotu hetan bolu atu hatan hamutuk»[11], tanba «laiha ema ida mak bele soi nia an rasik »[12] no laiha Estado nacional ida mak bele isola an hodi assegura bem

comum husi ninia população rasik.[13]

 

* Tau matan liuhusi solidariedade

Solidariedade ne’e exprime domin ba ema seluk husi maneira concreta, la hanesan sentimento mamuk ida, maibe hanesan «determinação firme ida no perseverante hodi empenha bem comum, ou seja, ba diak ema hotu nian no ema idaidak nian, tanba ita hotu verdadeiramente mesak responsáveis ba ema hotu»[14]. Solidariedade tulun ita atu hare ba ema seluk – biar hanesan ema, iha sentido lato, nune’e mos hanesan povo ou nação – laos hanesan dado estatístico ida, laos mos hanesan meio ida hodi usa no depois harahun tiha uainhira la folin ona, maibe hanesan ita ninia maluk, companheiro iha viagem, bolu atu participa, hanesan ita, iha banquete moris nian, ba saida mak ema hotu mak igualmente hetan bolu husi Maromak.

 

* Tau matan no salvaguarda criação

Encíclica Laudato si’ reconhece plenamente ba interconexão husi realidade criada tomak, destaca dadaun exigência hodi rona, ao mesmo tempo ba hakilar  husi necessitado sira no husi criação. Husi rona loloos nian ne’e no constante bele hamoris tau matan eficaz ida ba rai, ita ninia uma comum, no husi ema kiak sira. Propósito ida ne’e, hau hakarak hatuur katak «labele sai autêntico iha sentimento união ida nebe íntima ho buat moris seluk husi natureza, se ao mesmo tempo laiha fuan domin, compaixão no preocupação ba seres humanos tomak»[15]. Na verdade «damen , justiça no salvaguarda ba criação mak questões tolu nebe completamente kait malun, nebe sei labele haketak atu trata individualmente, iha pena atu monu fila fali iha reducionismo»[16].

 

  1. Bússola ba rumo comum ida

Nune’e, iha tempo ida nebe dominado husi cultura harahun nian no perante agravamento husi desigualdade sira husi nações tomak nia laran no entre sira[17], ha’u hakarak convida responsáveis tomak husi Organizações internacionais no husi Governos, husi mundos económico no científico, husi comunicação social no husi instituições educativas tomak nebe kaer ona iha «bússola» husi princípios iha leten hodi fo hanoin atu fo  rumo comum ida ba processo globalização nian, « rumo ida nebe verdadeiramente humano»[18]. Na verdade, ida ne’e habiban atu hadomi valor no dignidade husi ema idaidak, lao hamutuk no solidariamente em prol  ba bem comum, hakuran dadaun sira nebe terus tanba kiak, moras, escravidão, discriminação no conflito sira. Liuhusi bússola ida ne’e, ha’u husu ba ema hotu atu sai profetas no testemunhas ba cultura tau matan nian, atu ikus mai bele preenche desigualdades sociais barbarak. No ida ne’e sei possível de’it ho forte no generalizado protagonismo ida husi feto sira iha família no iha esferas sociais tomak, políticas no institucionais.

Bússola husi princípios sociais, necessária atu promove  cultura husi tau matan nian, folin mos ba relações entre nações tomak, nebe bele inspira husi fraternidade, respeito mútuo, solidariedade no observância husi direito internacional. Ba respeito ida ne’e, sei reafirma ba proteção no promoção direitos humanos fundamentais tomak nian, nebe mak inalienáveis, universais no indivisíveis[19]. Sei bele hanoin fali mos respeito ba direito humanitário, sobretudo iha fase ida nebe mak mosu mai, sem interrupção, conflitos no funu sira. Infelizmente, regiões barak no comunidades mak laos ona hanoin kona ba tempos hirak nebe sira bele moris iha damen  no segurança. Cidades oi-oin mak sai tiha ona epicentro ida ba insegurança: ninia habitantes tomak baruk ona atu nafatin iha sira ninia ritmos normais, tanba atacados no bombardeados ho indiscriminadamente husi explosivos, artilharia no armas ligeiras. Labarik sira labele estuda. Ema mane no feto sira labele serviço hodi sustenta famílias. Carestia nebe lança abut sira iha fatin hirak nebe uluk ne’e desconhecida. Ema sira ne’e obrigado tem que halai, husik ba kotuk laos de’it sira ninia uma, maibe ninia história familiar no abut cultural tomak. Causas husi conflitos mesak oioin, maibe resultado mak sempre hanesan: destruição no crise humanitária. Ita buka atu para no husu ita an: saida mak lori ona ba sente conflito hanesan buat ida nebe normal iha mundo? No, sobretudo, oinsa converte ita ninia fuan no muda ita ninia mentalidade hodi buka damen loloos iha solidariedade no iha  fraternidade? Dispersão hira ona husi recursos ba armas, em particular ba armas nucleares[20], recursos hirak nebe bele utiliza ba prioridades nebe significativas liu hodi ikus mai bele garante segurança ba ema tomak, hanesan promoção husi damen  no husi desenvolvimento humano integral, combate kiak, remédio ba carências sanitárias! Aliás, ida ne’e mos mak evidenciado husi problemas globais, hanesan pandemia atual Covid-19 no mudanças climáticas. Oinsa mak sei sai corajosa ho decisão atu cria «“Fundo mundial” ida ho osan nebe sei gasta iha armas no despesas militares seluk tan, atu bele elimina hamlaha no contribui ba desenvolvimento  países hirak nebe kiak liu»[21]!

 

8. Atu educa iha ordem ba cultura tau matan nian

Promoção husi cultura tau matan nian husu fila fali processo educativo ida, no bússola husi princípios sociais nebe constitui, ba ninia efeito, instrumento fiável ida ba contextos relacionados oioin entre nia. Propósito ida ne’e, ha’u hakarak atu fornece exemplos balun:

Educação ba tau matan nebe moris iha família, núcleo natural no fundamental husi sociedade, nebe sei aprende atu moris iha relação no iha respeito mútuo. Maibe família precisa coloca an iha condições hodi bele cumpre tarefa vital ida ne’e no indispensável.

Sempre iha colaboração ho família, ita iha mos sujeitos encarregados seluk husi educação hanesan escola no universidade no analogamente, iha aspetos loloos nian, sujeitos tomak husi comunicação social[22].

Ita hotu hetan bolu hodi transmite sistema ida husi valores nebe fundado iha reconhecimento ba dignidade ema idaidak nian, husi comunidade linguística idaidak, étnica no religiosa, husi povo idaidak no husi direitos fundamentais nebe deriva  ba nia. Educação constitui pilar ida husi pilares sociedades tomak nian nebe justas liu no solidárias.

Religiões em geral, no líderes religiosos em particular, bele desempenha papel insubstituível ida iha transmissão ba ema fiar nain sira no ba sociedade iha valores solidariedade nian, respeito ba diferenças, acolhimento no tau matan ba maun alin sira nebe kbiit laek liu. Ha’u fo hanoin, ba propósito ida ne’e, liafuan sira nebe Papa Paulo VI profere ona iha Parlamento Uganda nian iha tinan 1969: «imi labele tauk ba Igreja; nia fo honra ba imi, educa imi cidadãos honestos no leais, la fomenta rivalidades laos mos divisões, buka promove liberdade nebe loloos, justiça social, damen ; iha karik  preferência ruma ne’e mak ba kiak sira, educação ba kiikoan sira no povo, tau matan ba atribulados no desvalidos tomak»[23].

Ba ema hotu nebe empenha iha serviço populações tomak nian, iha organizações internacionais, governamentais no laos governamentais, ho missão educativa ida, no sira hirak nebe serviço, ba variados títulos, iha campo educação no pesquisa, hafoun ha’u nia encorajamento atu bele too ba meta husi educação ida «nakloke liu no inclusiva, diak tebes ba rona paciente, diálogo construtivo no compreensão nebe klean»[24].

Ha’u hein atu convite ida ne’e, dirige iha contexto Pacto Educativo Global nian, hasoru adesão ida nebe luan no oioin.

 

  1. Laiha damen sem cultura husi tau matan

Cultura tau matan, enquanto compromisso comum, solidário no participativo hodi protege no promove dignidade no ema hotu ninia diak, enquanto disposição ba interesse, hodi presta atenção, disposição ba compaixão, ba reconciliação no ba cura, ba respeito nebe klean no ba acolhimento recíproco,constitui dalan privilegiada ida ba construção damen  nian. «Iha partes barak mundo ne’e nian, halo falta percursos husi damen  nian nebe lori ba cicatriza ema sira nebe kanek, iha necessidade husi artesãos damen  nian nebe prontos atu hahoris, ho criatividade no ousadia, processos husi cura no encontro foun ida»[25].

Iha tempo ida ne’e, iha nebe bero humanidade nian, hatatan husi anin boot crise nian, lao nafatin ho dificuldade ba buka iha horizonte ida nebe hakmatek no sereno, dalan ba dignidade pessoa humana nian no «bússola» husi princípios sociais hirak nebe fundamentais bele  consente iha ita atu luku ho rumo ida nebe seguro no comum. Hanesan ema fiar nain, ita nafatin hateke loos ba iha Virgem Maria, Estrela do Mar no Inan Esperança nian. Ita colabora ba malun, hamutuk, ba fim ida hodi avança ba horizonte foun domin no damen, fraternidade no solidariedade, husi apoio mútuo no acolhimento recíproco. Ita labele monu ba tentação hodi desinteressa ho ema seluk, especialmente sira nebe kbiit laek liu, ita labele hatoman an hodi helik ita nia hateke[26], maibe empenha iha ita idaidak nia an lorloron ho buat nebe concretamente atu «forma comunidade ida ba deit maun alin sira nebe acolhe mutuamente no tau matan didiak ba ema seluk»[27].

 

Vaticano, 8 de dezembro de 2020.               

 

 

Franciscus

 

 

 

 

 

 

 

©Copyright – Libreria Editrice Vaticana

[1] Cf. FRANCISCO, “Vídeo-mensagem por ocasião da LXXV Sessão da Assembleia Geral dasNações Unidas”, (25 de setembro de 2020).

* A expressão «cultura do cuidado» aparece na encíclica Laudato si’: «o amor social impele-nos a pensar em grandes estratégias que detenham eficazmente a degradação ambiental e incentivem uma cultura do cuidado que permeie toda a sociedade» (n. 231). Veja-se também o número 229.

[2] Cf. FRANCISCO, Carta enc. Laudato si’ (24 de maio de 2015), 67.

[3] Cf. FRANCISCO, «Fraternidade, fundamento e caminho para a paz», Mensagem para a celebração do XLVII Dia Mundial da Paz (1 de janeiro de 2014), 2.

[4] FRANCISCO, Carta enc.  Laudato si’ (24 de maio de 2015), 70.

[5] Pont. Conselho «Justiça e Paz», Compêndio da Doutrina Social da Igreja, n. 488.

 

[6] De officiis, 1, 28, 132: PL 16, 67.

 

[7] K. Bihlmeyer – H. Tüchle, Church History, vol.1 (Westminster, The Newman Press, 1958), 373-374.

[8] FRANCISCO, Discurso aos participantes no Congresso promovido pelo Dicastério para o Serviço do Desenvolvimento Humano Integral, no cinquentenário da «Populorum progressio» (4 de abrilde 2017).

[9] FRANCISCO, Mensagem à XXII Sessão da Conferência das Partes da Convenção-Quadro das  Nações Unidas sobre as Mudanças Climáticas (COP22) (10 de novembro de 2016. Cf. Mesa Interdicasterial da Santa Sé sobre a ecologia integral, Em marcha pelo cuidado da casa comum; no V aniversário da «Laudato si’» (LEV, 31 de maio de 2020).

[10] Conc. Ecum. Vat. II, Const. past. sobre a Igreja no mundo contemporâneo Gaudium et spes, 26.

[11] FRANCISCO, Momento Extraordinário de Oração em Tempo de Epidemia (27 de março de 2020).

[12] Ibidem.

[13] Cf. FRANCISCO, Carta enc. Fratelli tutti (3 de outubro de 2020), 8; 153.

[14] São João Paulo II, Carta enc. Sollicitudo rei socialis (30 de dezembro de 1987), 38.

 

[15] FRANCISCO, Carta enc. Laudato si’ (24 de maio de 2015), 91.

[16] Conferência do Episcopado Dominicano, Carta past. Sobre la relación del hombre con la naturaleza (21 de janeiro de 1987); cf. FRANCISCO, Carta enc. Laudato si’ (24 de maio de 2015), 92.

[17] Cf. FRANCISCO, Carta enc. Fratelli tutti (3 de outubro de 2020), 125.

[18] Ibid., 29.

[19] Cf. FRANCISCO, Mensagem aos participantes na Conferência Internacional «Os direitos humanos no mundo contemporâneo: conquistas, omissões, negações» (Roma, 10 de dezembro de 2018).

 

[20] Cf. FRANCISCO, Mensagem à Conferência da ONU finalizada a negociar um instrumento juridicamente vinculante sobre a proibição das armas nucleares, que leve à sua total eliminação (23 de março de 2017).

[21] FRANCISCO, Vídeo-mensagem por ocasião do Dia Mundial da Alimentação de 2020 (16 de outubro de 2020). (Trad. Minha).

 

[22] Cf. Bento XVI, «Educar os jovens para a justiça e a paz», Mensagem para o XLV Dia Mundial da Paz (1 de janeiro de 2012), 2; FRANCISCO, «Vence a indiferença e conquista a paz», Mensagem para o XLIX Dia Mundial da Paz (1 de janeiro de 2016), 6.

[23] Discurso aos Deputados e Senadores do Uganda (Kampala 1 de agosto de 1969).

[24] FRANCISCO, Mensagem para o lançamento do Pacto Educativo (12 de setembro de 2019). (Trad. Minha).

 

[25] FRANCISCO, Carta enc. Fratelli tutti (3 de outubro de 2020), 225.

[26] Cf. ibid., 64.

[27] Ibid., 96; cf. FRANCISCO«Fraternidade, fundamento e caminho para a paz» Mensagem para a celebração do XLVII Dia Mundial da Paz (1 de janeiro de 2014), 1.

 

CET: 31 DE DEZEMBRO 2020 NO DIA 1 DE JANEIRO 2021, MISSA SEM PARTICIPAÇÃO DO POVO

COMUNICADO PASTORAL

 

CET: 31 DE DEZEMBRO 2020 NO DIA 1 DE JANEIRO 2021, MISSA SEM PARTICIPAÇÃO DO POVO

ITE; DILI – Moras CORONA ou COVID-19 pandemia ida nebé ninia virus hadaet ona ba mundo; quaze nação hotu-hotu hetan ona virus ne’e. No ita hotu hatene katak moras ne’e hadaet lais liu wainhira ema barak mak halibur hamutuk. Relaciona ho ida ne’e Conferência Episcopal Timorense (CET) halao conferencia imprensa iha loron 30 de Dezembro de 2020 hodi fo sai Orientação no decisão sira ba Amo lulik sira, Conventos, seminários, Comunidade religioso/a no sarani tomak katak:

  1. Husu ba Amo lulik sira atu bele le’e, cumpre e divulga DECRETO PAPAL sobre COVID-19.
  2. Tuir decreto ida ne’e duni, Amo Bispo sira decide katak celebração liturgica sira hotu iha 31 fulan Desembro kalan no loron 1 fulan Janeiro, laiha participação do povo.
  3. Sarani sira tuir celebração iha sira nia uma, bainhira missa liu housi rádio ou televisão; biar la simu comunhão eucarística maibé halo comunhão espiritual (formula mak fó sai tiha ona)
  4. Bai-bain ita hatene katak missa sem comunhão missa la completo maibé haré ba situação ida hanesan ne’e, tempo calamidade pública e mundial, uma Creda dispensa sarani sira housi comunhão eucarística no convida sarani sira halo comunhão espiritual.
  5. Atu evita perigo de contágio, husu ba amo lulik sira atu tuir rigorosamente orientação no decisão Amo Papa no conferência Episcopal Timorense (CET) nian ne’e.
  6. Amo lulik sira laiha dispensa kona ba sira nia obrigação sacerdotal, husu deit halo ho prudência.
  7. Ba conventos, seminários no Comunidade religioso/a bele halao celebração ba de’it membros comunidade nian.
  8. Orientação sira ne’e vigora desde data de publicação too mosu fali orientação seluk.

Iha tempo susar hanesan ne’e, ita halo buat nebé ita bele; buat nebé ita labele, ita husik iha Maromak nia liman no husu ba cidadão ida-idak atu hola responsabilidade ba povo hotu-hotu nia diak.

 

Dili, 30 de Dezembro de 2020

 

SAGRADA FAMÍLIA: JOSÉ, JESUS E MARIA

Maun alin sarani doben sira, celebração ida ohin nebé ita hanaran festa Sagrada família nian uluk knanain foti ita ninia neon ba hanoin no refelte kedas família Nazare nian, nebé família oan ne’e composto housi Sao Josè, Jesus no Inan Santa Maria. Sira ninia família kiik ida nebé hatudu nu’udar família ema nian, maibé família ema nian ida nebé Maromak horik iha nebá, la’os família ema nian baibain hanesan família bara-barak iha mundo ne’e nebé moris nu’udar família naturalmente de’it no la fo bibian ba Maromak atu moris iha sira ninia família tamba sira la conhece Maromak no tamba sira ninia família laran toos atu reconhece no simu Maromak nu’udar wé matan moris no força ba família ida ninia moris. Realidade mistèrio ida ne’e automaticamente lori ita nu’udar ema fiar nain ba refelete mos ita ninia família ninia moris. Ita ninia família moris ho Maromak ka ita nia família la hatene Maromak ou hatene hela Maromak maibé haluha no la fo biban ba Maromak atu horik iha ita ninia família hanesan sagrada família nazare nian. Ita ninia reflexão nebé klean ho tulun Maromak ninia futar Liafuan nian halo ita bele hatene ita ninia família ninia moris be oras ne’e lao dadaun sai klean liu tan hodi mos descobre buat di’ak no buat fraco ou salan ou dificuldade ou obstaculo sira moris família nian nebé oras ne’e ita hasoru hela dadaun.

 

Primeira leitura domingo ohin nian hatudu kedas ona exemplo família nebé iha ninia moris la’o iha mundo ne’e lao ho fiar metin ba Maromak, família Abraão nian. Família ida nebé comunica bebeik ho Maromak iha ninia moris tomak, la housi Maromak ses housi buat nebé nia halo ba. Nune’e mak Abraão tau ninia fiar metin iha Maromak no Maromak halo justiça ho buat kmanek oioin ba nia ho benção wa’in hetan família ida ksolok no iha oan ho beioan barak hanesan fitun sira iha lalehan. Família be tau fiar metin iha Maromak, obediente ba Maromak no lao hamutuk ho Maromak, Maromak haraik graça no bênção wa’in no Maromak rasik mak sei sai sira ninia Escudo ou Luto hodi satan hasoru buat aat sira. Nune’e maun alin doben sira ita compreende katak família nebé moris iha mundo ne’e la fiar iha Maromak no la’o dook housi Maromak família ne’e la hetan graça no bênção wain housi Maromak iha; paz, ksolok, domin, laran luak no laran maus nia laran.

 

Continua família Abraão ninia moris ne’e iha segunda leitura hatudu katak FIAR ba MAROMAK mak sai força no we matan moris ksolok, dame no domin nian iha família ida. Ho FIAR iha metin ba MAROMAK mak Abraão bele hasoru no ultrapassa problemas no dificuldade sira moris nu’udar família nian. To’o prova ida dificil liu iha moris mos nia ultrapassa hotu, oferece ninia oan mane Isac nu’udar sacríficio ba Maromak. Maibé ne’e mós nia hakat liu tamba nia perseverante iha ninia fiar no hari ninia família iha FIAR ba Maromak.

 

Ohin loron iha moris família nian problemas, dificuldades no provas hasoru família ninia moris mai uluk knanain housi família nia laran rasik hanesan: família be lao dook housi Maromak hodi sai indifrente kona ba Maromak no la hanourin oan sira kona ba Maromak no kona ba Creda ninia hanourin sira; família nebé la hatene rona malu, oan sira barak la rona inan aman be koalia ba sira no mos inan aman sira balun la haraik-an atu rona mos oan sira; família lakon iha moris família nian virtude sira sarani nian, oan sira la hatene respeita inan ho aman, inan aman sira desiste atu hanourin ou moraliza oan sira tamba oan sira ninia nakar no ulun toos; Laran luak ou Misericordia no lia mamar lakon iha ambiente moris família nian hodi domina fali mak Lia makas no hirus sira nune’e taka dalan ba domin, dame no ksolok iha família laran.

 

Doben maun alin sira, inan-aman no oan sira nebé ha’u hadomi iha ita nain Jesus Cristo. Evangelho hanourin mai ita katak problemas, dificuldades no provas sira hasoru família hanesan ita reflete hetan hamutuk dadaun iha leten atu bele ultrapassa ita percisa iha hakarak atu luta hasoru ho dalan fiar metin nafatin ba Maromak no purifica ita ninia família ho hahalok moris sira ema sarani nian nebé hetan iha Jesus Cristo ninia evangelho; tan mós ba fiar ne’e hasa’e ou oferece ba Maromak família ne’e ninia moris iha buat hotu-hotu, iha di’ak no mos iha aat hanesan sagrada família lori Jesus kosok oan mai oferece ba Maromak nu’udar lei Moises nian haruka; hanai hahí no agradece nafatin Maromak iha EUCARISTIA be sai wé matan moris ba ita ema no ba ita ninia família hanesan Simeão hahí hanoin Maromak loron kalan iha Maromak ninia uma hodi ikus mai agradece Maromak tamba Maksoin nebé Maromak haraik ba mundo. Ita tem que lori ita ninia família hakbesik los ba missa ou Eucaristia; halo ORAÇÃO mak sai instrument di’ak liu hotu atu hasoru buat tomak iha família ninia moris no atu kesi metin família ninia moris ba Maromak hanesan profeta Ana be servi Maromak liu housi oração ou harohan iha Maromak ninia uma. Ita mos percisa halo oração sai toman di’ak ka tradição ida iha ita ninia família nia moris, reza hamutuk no reza mesak mesak mos. Ita buka halo ida ne’e atu ita ninia uma mós sai uma oração nian hodi hadok buat aat hotu housi ita ninia família.

 

Evangelho fo hanoin tan mai ita katak wainhira ita ninia família la moris nune’e tuir Maromak ninia  hakarak, moris família nian sei moris nakonu ho contradição tamba ita la tidin ita ninia família nia moris iha fiar ba Maromak no la moris tuir Maromak ninia hakarak. Ita la tau Cristo ho ninia evangelho mak sai dalan moris ba ita ninia família. Nune’e surik mos sei sona borus ita membro família sira ninia moris nu’udar Simeão hateten ba Nain Feto “Surik ida sei sona borus o nia fuan hodi hafanu ema wa’in ninia hanoin no sira ninia fuan”. Ohin loron de maneira geral wainhira ita hare ba ita ninia família sira ninia moris lós duni wainhira ita la moris tuir Maromak ninia hakarak be hatur hela iha ninia ukun fuan 10 no iha Evangelho Cristo nian ita ninia moris nakonu ho contradição comum ida no surik sei sona duni ita hotu iha membro família ninia moris. Ida ne’e hatudu iha situação família ninia moris nebé:

 

Dificil iha atu rona malu, oan sira lakohi rona inan ho aman sai hanesan ai ida nebé moris abut laiha, sente abandonado, no lakon direão moris nian, lakon força moris nian basá família la tau matan. Housi sorin seluk dala balun inan ho aman sira mos la hatudu hahalok haraik an hodi rona oan sira nune’e dificulta liu tan oan sira nia moris; Ohin loron oan sira barak los ona mak la hamtauk inan ho aman hodi la respeita inan ho aman, la respeita autoridade sira, la respeita ema seluk to’o la respeita mos sira ninia an rasik; situação comum ne’e halo membro família nian sira hotu: aman, inan no oan sira, hotu hotu bele sente surik nebé sona borus ida idak ninia laran, lakon laran metin ba malu, lakon fiar ba malu no hanesan ne’e’e ikus mai lakon moris ksolok, domin no paz família nian.

 

Mas que nune’e iha loron ida ohin ita percisa agradece mós ba Maromak basa iha mos família barak tebes mak lao nafatin iha dalan perseverança de uma educação tradição no bom costumes sira ba iha família: hanourin ou koalia kona ba Maromak ba sira ninia oan sira; hanourin kona ba fiar no kona ba hadomi no tau laran metin lolos iha de’it Maromak; hanourin kona ba importancia housi oração iha ema sarani sira ninia moris hodi tau iha pràtica reza hamutuk kalan kalan iha oras determinada; hadomi Maromak ninia futar Liafuan be sai kbiit no wé matan moris nian ba família hodi reflete hamutuk Maromak ninia futar liafuan sira loro-loron. Hirak ne’e ita bele dehan tradição di’ak no bom costume ema sarani sira nian nebé nu’udar família Timorense e cristã percisa kuda no hamoris nafatin iha ita ninia família housi geração ba geração. Mai ita hotu hari ita ninia família iha Maromak oras ne’e no ba nafatin iha FIAR, DOMIN, NO LARAN METIN LOLOS DE’IT BA MAROMAK. Amen,

Bidau, DOMINGO SAGRADA FAMÍLIA, ANO B, 27.12. 2020,

POR: Pb.

Domingo Dentro da Oitava do Natal (ANO B)

Primeira Leitura     Sir. 3, 3-7. 14-17a ou 2-6. 12-14

Lia housi Livro Ben Sirá:

Na’i hahí aman sira iha oan sira nia oin; Na’i tahan inan sira nia ukun kona ba oan sira. Ema nebé hamta’uk nia aman, sei hetan perdua ba nia salan; ema nebé hahí nia inan, sei halibur soin barak teb-tebes. Ema nebé hahí nia aman, sei haksolok ho nia oan sira; wainhira nia hamulak, Na’i sei rona duni nia harohan. Ema nebé hahí nia aman, nia moris sei naruk. Ema nebé tuir Maromak futar-lia, sei fo ksolok ba nia inan. Ha’u nia oan, tulun ó nia aman, wainhira nia katuas; keta halo nia neon sala, wainhira nia sei moris. Maski nia neon la hanoin tuir ona, ó sei hanoin nia, keta hakribit nia, basá, ó foin sa’e. Di’ak nebé ó halo ba ó nia aman, Maromak sei la haluha. Nia sei kasu tebes ó nia salan.

Maromak Futar Lia.

 

Salmo Responsorial                                                                                                                                                      Sal. 127, 1-2. 3. 4-5

Refrão: Rahun di’ak ba ema sira nebé hamta’uk Na’i!

                Rahun di’ak ba sira nebé la’o tuir Na’i nia dalan!!! Repete-se

Rahun di’ak ba ema be hamta’uk Maromak,

no la’o tuir Na’i nia dalan!

Ó kosar-wén la turu leet ba rai,

riku-soy no ksolok sei horik ho ó! Refrão

 

Ó káben nu’u-malus nadiki iha uma laran;

Ó oan nu’u-bua nasare iha ó sorin. Refrão

 

Bensa ba ema be hamta’uk Na’i,

housi Sião Na’i hahí nia;

“Ó sei haré Jerusalém di’ak liu tan

wainhira ó sei moris”. Refrão

 

Segunda Leitura                                                                                                                                                                          Col. 3, 12-21

Lia housi São Paulo nia surat ba sarani sira iha Colosso:

Maun-alin sira: Imi, Maromak fihir ona, nu’udar ema santo no doben, imi sei laran luak, sei laran di’ak, sei haraik-an, sei laran maus, sei paciência ba malu. Imi sei terus malu, perdua malu, wainhira imi ida iha lia ruma hasouru nia maluk. Nu’udar Maromak perdua imi, nune’e mos imi sei perdua malu. Maibé, kmanek liu ida ne’e, hadomi malu. Basá, domin mak hahalok kmanek liu hotu. Ha’u hakarak Cristo nia dame, horik iha imi laran; Tan dame ne’e mak Maromak bolu imi atu sai isin ida de’it ho Cristo; hatudu ba Maromak imi nia laran di’ak. Husu barak Cristo futar lia-fuan horik ho imi, atu imi hatene hanourin malu, hatene fo lia di’ak ba malu ho neon. Ho laran tomak hananu ba Maromak hodi hatudu imi laran di’ak: Hananu dadolin, hananu hahí, hananu ho lia santo. Ko’alia ka halo buat seluk, imi sei halo hotu hodi Na’i Jesus naran; sei fo agradece ba Maromak Aman hodi Na’i Jesus naran. Feto sira,  sei  haraik-an iha laén sira oin; ne’e mak  lós  iha Maromak futar oin. Mane sira, hadomi imi nia káben; keta hateten lia króat ba sira. Oan sira, halo tuir aman sira, kona ba buat hotu. Basá, ne’e fo ksolok Maromak. Aman sira, keta fo terus imi oan sira, atu sira keta neon salan.

Maromak Futar Lia.

 

Aclamação                                                                                                                                                                                 Col. 3. 15ª-16ª

Refrão : Aleluia, Aleluia!! Repete-se       

Cristo nia dame haksolok imi;

Nia futar lia fuan hela iha imi. Refrão

 

Evangelho                                                                                                                                                                                       Lc. 2, 22-40

Nai Jesus Cristo nia Evangelho nu’udar São Lucas haktuir:

Iha tempa nebá, wainhira to’o loron sira purificação nian, tuir lei Moisés nian, Maria ho José lori Jesus ba Jerusalém atu hasa’e Nia ba Nai, hanesan hakerek nanis iha lei Maromak nian; “Oan mane hotu be moris uluk (primogénito) sei hasae ba Nai”. No sira atu hasa’e mos nudar buat karan, hanesan dehan nanis iha Nai nia lei, manu lakateu par ida eh manu falur kiik-oan rua. Maibé, hela iha Jerusalem ema mane ida naran Simeão; ema laran mos no harohan nain ida, nebé hein hela ksolok Israel nian. Espírito Santo iha hela nia. Hato’o tiha ona ba nia housi Espírito Santo, katak, nia sei la mate uluk, wainhira seidauk haré Nai nia Maksoin. Halori housi Espírito, Nia mai uma Kreda. Wainhira aman sira lori tiha Labarik-Oan Jesus mai, atu halo tuir lolós buat nebé lei haruka  nanis kona ba Nia, Simeão simu tiha Labarik-oan iha nia liman laran, fo agradeçe ba Maromak, hodi dehan : Nai, oras ne’e, bele husik Ita atan ne’e ba ona ho dame, tuir Ita nia lia-fuan, basá, ha’u matan sira haré tiha ona Maksoin, nebé Ita haraik tiha ona ba povo hotu nia di’ak: Roman atu fo naroman ba gentio sira, no glória Israel nian, Ita nia povo”. Nia aman ho nia inan hakfodak tiha kedas ho buat nebé dehan kona ba nia oan Jesus. Simeão fo tiha benção ba sira hodi dehan ba Maria, Nia inan: “:Labarik-oan ne’e’ iha ne’e, atu harahun no atu salva ema barak iha Israel, no atu sai sinal lia la tuir malu nian; surik ida sei sona borus ó no ó klamar. Atu fó hatene sai tiha hanoin sira be subar-an hela iha ema barak sira fuan”. Iha mos nebá, Profeta Feto ida, Ana, Fanuel nia oan feto, housi uma-kain Aser nian. Nia tinan barak liu ona no moris nu’udar kaben-nain iha tinan hitu nia laran, liu tiha nia tempo foin-sa’e nian, no sai tiha faluk to’o tinan walu-nulu resin haat. Nia la hadook-An housi Uma Kreda, hodi hahí Maromak kalan-loron ho hadera-an no ho harohan sira. Nia mos mosu duni iha tempo nebá, hahu agradece Maromak no koalia kona ba labarik-oan nee, ba sira hotu nebé hein hela Jerusalem nian libertação. Halo tuir lolos hotu buat sira nebé Nai nia lei haruka nanis atu halo, sira fila hikas ba Galileia, ba nia sidade Nazare nian. Nune’e, labarik-oan ne’e boot ba daudaun, hakbiit-An ba daudaun, hakonu-An daudaun ho matenek, no Maromak nia graça hamutuk ho Nia.

Lia Maksoyn.

Sábado, Loron daruak Oitava Natal nian (ANO B)

Santo Estêvão, Primeiro Mártir

 

Primeira Leitura                      Act. 6. 8-10, 7. 54-59

Lia housi livro haktuir Apóstolo sira nia hahalok:

Iha loron hirak nebá, Estêvão iha graça no kbiit nakonu, halo buat foun no milagre oi-oin iha povo nia leet. Maibé, ema balun housi grupo sinagoga nian be hanaran Libertos, housi Cirene, housi Alexandria, housi Cilícia no Ásia, sira mai haksesuk malu ho Estêvão, maibé sira la tahan nia matenek no Espírito Santo nebé nia hodi ko’alia. Rona tiha nia liafuan sira, sira laran hirus teb-tebes hodi hatatan nehan hasouru Estêvão. Maibé, nia nakonu ho Espírito Santo hodi hateke metin ba Lalehan, haré hela Maromak nia glória no Jesus hamriik hela iha Maromak Nia sorin kuana. Nia dehan: “Haré ba!. Ha’u haré Lalehan nakloke no Oan mane Maksoi hamriik iha Maromak Nia sorin kuana”. Rona tiha liafuan hirak ne’e, sira hakilar no taka tiha sira tilun. Hafoin, hamutuk tau liman ba nia hodi dada sai nia housi cidade; iha tiha liur, sira ho fatuk tuda mate nia. Sasin sira tau Estêvão nia hatais sira iha foin sa’e ida, naran Saulo, ne’e nia oin. Wainhira sira tuda hela nia, Estêvão harohan hodi dehan: “Na’i Jesus, simu ha’u espírito ba”. Hafoin, hakneak tiha hodi hakilar ho lian maka’as; “Na’i, keta tau todan sala ne’e nian ba sira”. Dehan tiha ne’e, nia iis kotu.

Maromak Futar Lia.

 

Salmo Responsorial                                                                                                             Sal. 30(31). 3cd-4, 6, 8ab, 16b-17 (R. 6ª)

Refrão : Na’i, iha Ita liman, ha’u saran ha’u klamar!!! Repete-se

Ita fatuk inan ha’u heli-an-fatin nian,

Baki metin ha’u maksoyn nian.

Basá, Ita ha’u kbiit no ha’u hôrik fatin,

Tan domin ba Ita naran, dada ha’u no lori ha’u. Refrão

 

Iha Ita liman ha’u saran ha’u klamar;

Maromak laran lós, soi ha’u.

Ha’u sei hahí no haksolok ho Ita laran-luak,

Tan Ita haré ha’u nia susar. Refrão

 

Ha’u moris iha Ita liman;

Soi ha’u ba, housi ha’u funu baluk

No ema áat sira liman.

Halo nabilan Ita futar oin ba Ita atan;

Na’i, ho Ita laran di’ak, soi ha’u ba. Refrão

 

Aclamação                                                                                                                                                                              Lc. 117. 26ª, 27b

Refrão : Aleluia, Aleluia!! Repete-se

Kmanek ba Ida be mai hodi Na’i nia naran!

Na’i Maromak mak ita nia roman. Refrão

 

Evangelho                                                                                                                                                                                     Mt. 10. 17-22

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus dehan ba sira: “Matan moris ho ema sira. Sira sei lori imi ba tribunal no baku imi iha sira nia sinagoga laran. Sira sei kesar imi ba emboot no liurai sira tanba Ha’u, atu imi fó sasin ba sira no gentio sira. Maibé wainhira  sira saran imi, keta hanoin resin kona ba sá mak imi sei hatan, eh ko’alia oinsá; iha oras nebá sei haraik ba imi atu dehan sáida. Basá la’os imi mak ko’alia, maibé imi Aman nia Espírito mak sei ko’alia liu housi imi. Maun sei saran nia alin ba mate, aman sei saran nia oan; oan sira sei foti liman hasouru aman sira hodi oho sira. Ema hotu sei rai kunan hasouru imi tan Ha’u nia naran; maibé ema nebé hamriik metin to’o rohan sei hetan maksoyn.

Lia Maksoyn.

HORI ULUK KEDAS LIAFUAN IHA NANIS, LIAFUAN MAROMAK NANIS, MAROMAK HALO SASAN HOTU HODI NIA, LA HODI NIA BUAT IDA LA MORIS. NIA MAK MORIS NAIN, MORIS NEE MAK EMA NIA NAROMAN, NAROMAN NABILAN HELA IHA NAKUKUN LARAN, NAKUKUN LA SIMU NIA (Cf. JO 1, 1-4).

Maun alin sarani doben sira nebé hau hadomi iha ita na’in Jesus Cristo, Naroman to’o ona mai, Ksolok be ita hein to’o ona mai, dame nain too ona mai, ukun nain lolos to’o ona mai. Nia mak Jesus Kosok oan be moris iha Belem, David ninia cidade, Nia, Na’i Maromak ninia oan, Maksoin ema nian, rai klaran nian no kriatura hotu-hotu nia maksoin. Rai hotu lakan nabilan tamba kosok oan ne’e mak Maromak-Maksoin be tun mai rai, mai moris hamutuk ho ema, atu soi ema sira no atu soi rai klaran tomak. Iha kosok oan ida ne’e Maromak hatudu ninia domin rohan laek ba ita ema sira hanesan uluk no fo hatene sai nanis ona ba ita ninia beiala sira housi geração ba geração, katak loron sei to’o mai, feto virgem ida sei kous no tur ahi oan Mane ida, oan ne’e sei sai boot no nia mak sei tur iha ninia aman David nia trono hodi ukun. Ida ne’e mak oras ne’e acontece, mosu no hahu dadaun ona iha ita le’et. Maromak halo tuir lolos kedas ninia promessa hodi hahu soi ona ita ema sira iha kosok oan ida ne’e nebé foin moris, hodi nearas hafalun no hatoba hela iha balada han fatin kiik ida.

Maun alin sarani doben sira,

Primeira leitura halo fo tada mai ita katak buat boot nebé oras ne’e acontece no mosu dadaun iha ita le’et halo ita haksolok tebtebes basa ita hare no hatene ona katak Kosok Oan ida be foin moris ne’e maksoin ida ita nian, criatura tomak nian. Nia mai atu ukun ita tuir dalan justiça nian, ukun ita iha paz, domin, perdão, ksolok no laran luak nian. Ne mak halo ita haksolok, mundo no rai klaran tomak haksolok, hamutuk ho anjo lubun boot iha lalehan ita hananu haksolok hahí hanai Maromak ba ninia domin no ba acontecemento boot liu hotu iha ita ema sira ninia história ne’e, Maromak tun mai rai hodi moris hamutuk ho ema no soi ema sira, lori dame, domin, ksolok no laran metin ba ema hotu.

Segunda leitura halo ita compreende lolos katak maksoin be foin moris ne’e laos ema baibain ida, laos ukun nain baibain ida, maibé nia MAROMAK rasik mak tun mai rai. Kosok oan ne’e Naí Maromak ninia oan mane mesak nebé haruka mai mundo, hola isin ida hodi moris hanesan ita ema atu soi ema no rai klaran tomak. Uluk liu ba Maromak koalia hoi ta beiala sira liu housi profeta sira, maibé ba ita ohin loron Maromak koalia mai ita hodi ninia oan mane rasik, Jesus Cristo. Nia mai moris iha rai klaran hodi koalia diretamente ho ita no realiza hahalok maksoin nian diretamente mai ita nudar ita ema sira testemunha no hatene iha tinan rihun rua resin nia laran ona; ema delek bele hare, ema diuk bele rona, ema monok bele koalia, ema ain kodeik bele lao, ema hamlaha Nia fo han, ema moras nia fo isin di’ak no ema mate nia halo moris hias fila fali. Ba ema hotu nebé fiar hodi lao tuir nafatin kosok oan ida be moris ona mai ita ne’e maksoin nee sei sai rohan laek ba sira, basa Maromak ita ninia maksoin horik ona iha ita leet.

Iha evangelho São João fo tada mai ita katak Jesus Maromak nebé mai halo-An ba ema hodi moris hamutuk ho ita ne’e, Nia rasik Maromak, Nia mak Maromak ninia Futar liafuan, hodi Nia mak Maromak halo buat hotu, Nia mak buat hotu hotu ninia nain no moris nia hun. Nia mosu mai nudar NAROMAN IDA be nabilan iha nakukun laran atu ema hotu nebé hare hodi fiar iha Nia sei hetan moris lolos, moris nudar roman ninia oan sira. Ema hotu nebé simu Nia no fiar iha Nia, Nia haraik kbiit atu sai Maromak oan.

Doben maun alin sira, evangelho tulun ita atu reflete iha Natal tinan ida nee nian katak liu tiha tinan 2000 ona mak Maromak halo-an ba mane hodi hola isin ida no mai moris hamutuk ho ema sira iha rai klaran, ita barak mak simu no fiar duni iha ita nain Maromak ne’e, maibé mos iha maun alin barak mos mak sei lao dook hela Naromak be mosu mai rai klaran ne’e, seidauk simu no fiar iha ita nain Jesus Cristo. Wainhira reflete ba ita ida idak ninia relação moris fiar nian ho ita nain Jesus Cristo karik ita buka hatene took, iha testemunho moris nian ita sai lolos ona naroman nia oan ka ao contrario ita sai fali nakukun ninia oan, katak ita moris tuir lolos Cristo ninia hanorin sira ka ita moris tuir fali de’it mak ita ninia hakarak rasik; iha buat hotu be ita hanoin, ita hakarak, ita koalia no ita halo moris lolos duni iha fiar no laran metin ba Jesus Maromak, ka ita sedauk tau fiar no laran metin lolos ba nia be buat hotu ninia nain, moris nia hun no Maksoin lolos ne’e; ita lao hamutuk ho Cristo be buat hotu hotu no moris ninia nain no hun nee ka iha halao ita ninia moris iha rai klaran nee ita hakas-an mesmesak hela no lao dook los hela housi Nia?

Ita ninia celebração Natal ne’e convida ita atu hamoris fila fali ita ninia moris sarani nian be; simu no fiar Maromak maksoin be mai moris iha mundo hodi soi ema no rai klaran tomak no halo ema hotu sai Naroman ninia oan, katak sai Maromak ninia oan sira nune’e ksolok, dame, no domin lolos nian sai nudar roman rohan laek nebé hakonu ita ninia moris no dura ba to’o rohan laek.  Nune’e maun alin doben sira, mai ita lori ba malu, dame, domin no ksolok nebé oras nee ita simu ona housi Jesus Kosok maksoin ba ita ninia familia, ba ita nia maun alin sira no ba ema ho criatura hotu hotu. Amen.

 

Mutudare-Dili, 25.12.20, Ano B, Por:Pb.

“LIA-FUAN MAK NAROMAN LOLOS ”

Iha tinan 1914, acontece funu entre Alemanha (Alemanha), Inglaterra ho França. Iha fulan Dezembro, li-liu iha kalan Natal, soldado sira housi força armada nação hirak ne’e, ida-idak abrigo metin iha sira nia subar fatin tan udan tun makas iha kalan nakukun ne’e. Soldado sira sente saudades ka rindu tebes hodi halibur hamutuk sira nia família iha kalan Natal ne’e. Sira hanoin fali katak se la acontece funu karik, então kalan ida ne’e, sira sei halibur hamutuk ho família sira iha uma hodi celebra hamutuk Natal, ba missa hamutuk, festa hamutuk no haksolok hamutuk. Iha sorin seluk, soldado Inglaterra nian lobuk be hetan tiru no kanek todan, toba hakilar-halerik hela iha abrigu fatin ne’e. Comandante  mos tuur tanis no triste hela tan iha kalan Natal ne’e, nia la bele hamutuk ho família no oan sira tan agora nia halo hela funu.

Iha kalan boot ne’e,Teki-tekil, housi parte soldado Inglaterra nian haré Naroman kiik ida mosu sae neneik iha parte soldado Alemanha nian. Tan saudades tebes ba família no ba festa Natal, soldado Alemanha nian ida halo tiha presépio kiik oan ida no sunu lakan lilin ida iha presépio ne’e nia laran hodi foti sae ba leten. Foti dau-daun presépio kiik ne’e, soldado ne’e mos hamrik neneik housi nia subar fatin hodi hatudu-an ba soldado Inglaterra nian. Soldado ne’e la tauk mate no nia hamrik lao ba oin hodi hananu música; kalan Natal. Música Natal ne’e doko tebes soldado Inglaterra sira nia fuan no sira nia saudades.

Tuir mai, soldado Inglaterra nian ida mos foti nia trombeta hodi hu acompanha música kalan Natal nebé soldado Alemanha ne’e hananu dau-daun. Rona tiha música ne’e, soldado sira hotu hamrik no lao sai housi sira nia subar fatin hodi hananu hamutuk, hakuak malu, tanis tan sira la bele ba Missa no la consegue celebra Natal iha sira ida-idak nia uma maibé, celebra de’it iha funu laran. Lalaok ne’e mos, soldado inimigo sira imita tuir hodi hananu música hanesan tuir sira nia língua. Sira celebra Natal simples de’it iha situação funu ne’e, hodi haluha lai sira nia odio malu, sira nia vingansa ba malu entre força Alemanha ho Inglaterra.***

 

Maromak nia futar Lia Fuan iha Festa Natal tinan ne’e, sani ita hotu nudar Cristão Católico atu oinsa ita bele simu Naroman nebé lakan nabilan iha Nakukun laran. Too ponto ida ne’e, ita rasik mak bele decide ita hakarak simu Naroman ko continua mout ha nakukun rohan laek?

São João Evangelista bolu hikas ita hotu atu ba conhece clean liu tan Jesus Cristo nudar Naroman be haroman nakukun mundo nian. Leitura sira  Natal 24 no 25 nian mos sei ajuda ita loke ita neon, ita fuan ba Nai Jesus Cristo nudar NAROMAN no maksoin ita sarani nian.

 Istória badak ne’e, motiva ita hodi reflecte hamutuk katak sentido Natal la hela de’it iha situação di’ak nia laran maibé, iha situação funu mos ema bele celebra loron Natal naran katak fiar iha Cristo nudar Naroman na moris ema nian. Iha funu laran, ema sente moris ne’e iha nakukun laran. Nune’e’e,  ema mehi hodi hetan naroman iha nakukun laran. Mehi hetan naroman ne’e mak; wainhira ema hotu moris iha paz hodi hasees-an husu funu. Moris iha unidade wainhira interece política la hanesan. Natal bolu ita nobun ba saudades ka kerinduan hodi hanoin Jesus Cristo nia Natal. Natal bolu ema ba moris iha dame laran, housik funu, housik odio malu ba kotuk hodi foti Naroman dame nian tau ba oin. Foti Jesus Cristo tau iha fuan nudar centro dame no fiar nian. Haré Jesus Cristo nudar lalenok hodi haroman ita nia-an hanesan ema fiar nain.

Ita tama dadaun ona iha ambiente celebração festa Natal Nai nian. Nune’e’e, iha leitura sira, Maromak nia lia-fuan sai hanesan naroman hodi leno ema tomak nebé belit no hamout–an iha nakukun sala nian. Provérbio Português ida dehan; O ERRO É HUMANO ou Manusia tidak pernal terlepas dari kesalahan. Erro ka defeito técnico ne’e normal; Por exemplo; kaer motor la cuidado soke tun sae, motor aat lalais, maibé, erro ka falhanço ida lori ema ba pecado ne’e mak la normal tanba hasees-an housi Maromak nia graça; por exemplo ema kaben nain sira selingkuh tun sae, governantes balu comete actos corrupção, oportunista sira sai paracita ba estado, diferença política, hamihis respeita malu, nst, ne’e mak pecado lolos.

Mensagem murak ba Natal tinan ne’e mak; Haré Kosok oan Jesus hanesan Naroman dame ba mundo.  

La iha dame, ksolok na rahun di’ak karik iha tempo ohin loron, ne’e tan ema barak seidauk aprende haraik-an hodi hatene lolos maksoin Jesus Cristo. Iha Bíblia Antigo Testamento nian, Maromak la housik povo Israel lao mesak iha dificuldade laran, li-liu iha deserto laran nebé maran dekor; be atu hemu de’it mos araska, rai uut semo ba mai, ai-horis hun ida mos la iha, Wainhira Povo Israel sira sai housi Egipto hodi mai too rai Cana/Palestina, Maromak acompanha povo ida ne’e iha loron no mos kalan.

Iha kalan wainhira povo lao, Maromak haroman sira nia dalan atu sira la bele monu ba nakukun nia ukun, li-liu housi povo gentio sira be la tau fiar no confiança iha Maromak Israel nian.

Nudar sarani ba otas ohin loron nian, ita hatene katak; konta ho Nai Maksoin kosok oan, ita moris ona iha Naroman laran. Nune’e’e, sarani nebé moris iha naroman laran mak ema sira nebé hatene cria situação damen ba nia-an, ba nia família, ba nia sociedade, hodi moris iha hakmatek, damen no ksolok.

Lia fuan Dame facil tebes ema temi maibé, dificil tebes atu ita aplica iha moris. Iha discurso público sira, ita nia governantes sira mos sempre convida ema hot-hotu atu moris iha dame laran.  Wainhira hatto mensagem Natal, ema hotu sempre deseja Natal nakonu ho dame.

Maromak nia Nailulik sira mos sempre hatete bebeik atu sarani hotu moris iha dame no tolerância. Maibé, lia fuan mak lia fuan; ema ida rua de’it mak halo tuir. Situação nune’e’e mos acontece ona iha tempo João Baptista nian: wainhira João Baptista fo hatene povo tomak katak; Hadia Nai nia dalan, Haloos Nai nia dalan terik”.

Ohin loron são João Baptista nia saseluk mak amu lulik sira; amu sira mos hakilar bebeik maluk sarani sira maibé, housi número maioria católico ne’e, oitoan de’it mak housik tempo atu rona. Barak liu, preocupa ho isin nia hakarak. Loos duni katak ita hotu mehi ba moris iha dame laran hodi fihir Jesus Cristo kosok-oan hanesan espelho naroman no dame nia hun hodi nune’e’e, ita bele moris iha ambiente dame nia laran. Maibé, realidade contrário ida mak ema barak nunca haraik-an hodi hasees tiha hahalok nakukun nian hanesan; corrupção, adultério, violência domêstica, hadau malu poder, kan ten poder, loko-an, cria situação desordem no ambiente la hakmamtek ba maluk seluk nebé mehi ba moris dame nian. Tuir lolos, Lia-fuan dame kosok-oan Jesus Cristo nian mak Naroman  lolos ba ita ema nia lalaok sira.

Ba mentalidade corrupção, adultério, violência, odio malu no oho malu sira ne’e hotu, livro ben Sirac bolu atenção dehan;”keta ulun toos resik hodi hamtauk Maromak no keta hakbesik-an ba Maromak wainhira o nia fuan la fo ba Maromak”(sir 1,28).

Sarani barak dehan fiar Maromak maibé, nunca hatudu fiar ne’e iha hahalok testemunha nian. Iha família ida, dala ruma fen ho oan sira mak ba missa maibé, laen antar fen ho oan sira too odamatan boot Igreja de’it hafoin fila fali. Sai sasin katak halo tuir de’it Maromak nia hakarak no banati tuir Jesus Cristo nia doutrina sira. São Tiago dala ida tan bolu teni mai ita;”Fiar nebé la hatudu iha hahalok/ testemunha, fiar ne’e laek”.

Profeta Isaias mos la kole hodi koalia bebeik kona ba Cristo nudar Naroman hodi dehan;”povo be tur iha nakukun laran, Naroman boot ida mosu ba sira.(Is 9,1).  Nudar Cristão Católico, ita nia laran metin ba loron ikus mak Jesus Cristo nudar Naroman be halo-an ba ema hodi sente mos susar no moruk, malirin no manas ema otas horas ne’e nian.

Nune’e’e, Cristo moris nudar kosok-an ida hodi sai los nudar ema. Maromak, liu housi Jesus Cristo, hakarak nakfila mundo nia fuan no muda mos ema nia mentalidade hodi sai hanesan naroman oan basá Cristo rasik mak Naroman nia we-matan. Ba realização plano salvação ne’e, liu housi kosok-oan nia Natal, Maromak bolu tenik ita hot-hotu atu colabora no participa mos iha plano oinsa lori Naroman ba mundo iha ita nia vida hodi transforma mundo nia fuan sai Naroman nia horik fatin.

Ohin loron ita brani no esperto tebes hodi fo sasin kona ba nakukun do que  fo sasin naroman nian. Ita fasil liu tolok malu, ita fasil liu jura falsu temi Maromak naran, ita halo presépio laos hodi hanoin Jesus Cristo maibé, ita halo presépio hodi sai fatin hemu tua no sai fatin toca música festa nian.

Presépio muda nia função sai centro halibur malu hemu tua nian. Ita nia governante balu mos brani tebes halo corrupção hodi naok ita nia maluk sira nia direito maske iha tempo campanha garganta los combate corrupção, cria campo de trabalho, ita seluk buka hasees-an wainhira rona Maromak nia manu-ain ou amu lulik sira koalia kona ba Naroman.

Hahalok laek hirak ne’e la seluk la leet dada ita ba sai mensageiro ou manu ain diabo nian  do que sai manu-ain Maromak nian. Ba mentalidade sira ne’e hotu, livro ben sirac bolu atenção ba sarani ohin loron nian dehan;”keta ulun toos resik hodi hamtauk Maromak no keta hakbesik-an ba Maromak wainhira o nia fuan la fo ba Maromak”(sir 1,28). Sarani barak dehan fiar Maromak maibé nunca hatudu fiar ne’e iha hahalok testemunha nian. Sai sasin katak halo tuir de’it Maromak nia hakarak no banati tuir Jesus Cristo nia doutrina sira. São Tiago dala ida tan bolu teni mai ita;”Fiar nebé la hatudu iha hahalok/ testemunha, fiar ne’e buat mamuk ida”.

Durante fulan Dezembro nia laran, iha fatin barak, ema hotu, hahu housi kiik too boot  koalia no temi bebeik lia fuan Natal. Natal tinan ida ne’e mos sai kmanek liu tan tanba ema wain hafutar presépio ho música Natal termasuk musika nebé laos Natal nian. Presépio sira mos mesak rebo-rebo ho lampu pisca-pisca inclui tan atributo Natal sira seluk. Nune’e’e, ambiente Natal sente animado tebes. Situação hanesan ne’e fo kesan ka impressão ida katak iha Natal tinan ne’e, ema hotu sente Naroman Jesus Cristo nian leno tebes ema nia moris. Tanba ne’e mak são Paulo iha nia carta ba Tito hakerek dehan:”Maromak nia rahun di’ak mosu mai ona, lori maksoin ba ema hothotu (Tit 2,11). 

Iha fulan Dezembro ne’e nia laran mos, Cristão iha fatin hot-hotu iha lalehan okos ne’e, sente Naroman boot ida hafalun sira nia moris be kmanek. Maromak kosok-oan ninia solidariedade ho ita ema, hanorin atu brani moris hamutuk iha damen no domin nia laran. São Paulo dala ida tan hahisik lia murak iha nia carta ba Tito dehan;”basá, Maromak nia graça mosu ona, hodi lori maksoin ba ema tomak, no hanorin ita  buat hotu nebé ita sei halo atu housik buat hotu nebé la lori ba Maromak no housik tiha hakarak aat mundo ne’e nian hotu. Ita sei ukun an hodi moris di’ak no hamtauk Maromak iha mundo ne’e.// Karena kasih karunia Allah yang menyelamatkan semua manusia sudah nyata.Ia mendidik kita supaya kita meninggalkan kefasikan dan keinginan-keinginan duniawi dan supaya kita hidup bijaksana, adil dan beribadah di dalam dunia sekarang ini (Tit 2,11-12).

Maibé, durante fulan Dezembro  tinan ida ne’e, ita mos rona notícia ka berita triste bar-barak housi Televisão ho Rádio nomos housi jornais sira katak acontece corrupção, violação sexual, violência domêstica, funu, adultério ka selingkuh, aborto, oho malu, naok sasan, acidente tráfico no desastre wain tan iha sikun mundo nian inclui ita rain Timor Leste.

Maske ita hotu mehi ba situação dame no hakmatek laran, hodi konta ho Maromak nia tulun iha Naroman kosok-oan Jesus nian, maibé, factos lobuk ida iha realidade hatudu katak ita nia maluk sarani balun sei hadulur-an metin hela iha domínio nakukun nian, governantes balu hola feto rua too tolu, seluk tan ba passa fim de semana iha Bali-Indonésia ho osan estado nian.

Ffoin sae barak seidauk hetan campo de serviço, feto aat sira lalin-an housi nação barbarak mai buka osan dollar iha Timor liu housi actividade prostituição, Droga tama mai Timor hamesan sasan mercado sira. Estudante feto barak isin rua cedo de’it. Mane kabe nain sira barak liu contamina virus HIV/AIDS tanba ba toba arbiru ho feto aat sira nebé hetan moras AIDS. Buat pior liu nebé ita Timor halo ba ita nia nia maluk Timor oan seluk mak odiu malu too oho malu tan de’it ita nia grupo la hanesan, tan de’it ita nia partido ideologia diferente, tan de’it ita nia interece rasik hodi haluha katak ema seluk nebé ita hanoin aat ba ne’e mesak ita nia maluk sarani de’it, mesak ita nia Católico maluk de’it nebé precisa moris di’ak no hetan Naroman Maromak nian.

Dala ruma Ita sente bangga wainhira ita hakanek ka oho ema seluk maibé ita haluha katak ita nia moris ne’e sementara de’it. Reflecte ba realidade hirak ne’e hotu, Maromak liu housi kosok-oan Jesus, bolu ita hotu hodi hakribi nakukun sala mortal nian hodi loke fuan ba Naroman kosok-oan nian iha Natal ida ne’e.

Natal sei sai hanesan lia fuan mamuk ida enquanto iha prática; ita sei funu malu nafatin, político sira sei pormessa falssa nafatin, lider sira sei se kotuk ba malu nafatin. Ita haluha ita nia identidade katak neon ida laran ida fiar iha Maromak ida de’it no mos neon ida laran ida mesak Timor oan de’it.

Natal hanorin ita atu hatene taka liman husu tulun Maromak nian hodi fo netik Naroman maksoin nian, leno ita fuan, hodi muda hahalok odio no oho malu nian, violência nian, li-liu corrupção no adultério nian. Ba hahalok hirak ne’e, profeta Isaias husu ba Maromak hodi hateten;”Ita halakon sira nudar dadur, Ita silu tohar ema aat sira nia oe be hakanek povo nia kabas”(Is 9,3). Dala ida tan  livro ben sirac nian bolu tenik ita nobun  dehan;”keta ulun toos resik hodi hamtauk Maromak no keta hakbesik-an ba Maromak wainhira o nia fuan la fo ba Maromak”(sir 1,28).  Se ita nia ulun mamar hodi cria siutação dame-hakmatek maka ita mos colabora ona ho Maromak hodi sai Naroman nia oan no fihir Jesus kosok-oan hanesan Naroman nia hun lolos.

Durante tempo Advento ita hananu tane liman ba Maromak dehan: MAI….!  MAI……! NAI JESUS! LALAIS HIIT-AN MAI, RAI NE’E MATE MALIRIN, AMI KLAMAR LAKON NIA MANAS…….MAUN ALIN LA HADOMI, RAI NE’E LA IHA DOMIN. Durante Advento ne’e, Ita mos rona ona são João Baptista nia lia fuan be dehan: HADIA NAI NIA DALAN-HALOOS NIA DALAN TERIK. Horas ne’e, mai ita festeja Kosok Oan Jesus nia aniversário ne’e.

Lia murak ba ita nudar bukae Natal ba ita sarani nia moris mak;

  • Haburas unidae no Nacionalismo iha ita sarani nia leet atu ita mos sente festa Natal ne’e hanesan Naroman be haroman ita nia moris tomak.
  • Mai hafoun fila fali ita nia espérito dame nian nudar lia murak be kosok-oan Jesus lori mai ita ida-idak nia fuan.
  • Hadomi Maromak liu sasan hot-hotu, nomos hadomi ita nia maluk sira hanesan ita hadomi ita nia-an rasik iha Naroman maksoin nian.
  • Governantes sira hasees-an housi mentalidade corrupção no hadau malu poder hodi hamoe nia-an ho família sira nomos hafoer Igreja Católica nia naran.
  • Tan ne’e, Natal nia sentido klean la bolu ita ba hasae gloria ba Maromak iha lalehan as ba maibé, kosok oan nia moris lori mos paz mai ema mundu rai klaran. Basa hahalok aat sira nebé horas ne’e buras iha Timor no problema seluk tan nebé mosu iha ita rai, sai hanesan sinal ida katak ita laos naroman oan maibé nakukun nia oan.

Ba ida ne’e, salmo Domingo uluk nian mos hahisik aten brani mai ita nobun ho lia fuan murak ne’e: ”Nai, ami Maromak, halo ami fila, hatudu ita futar oin mai ami, ami hetan maksoyn”. Salmo ida ne’e hetan liu tan ninia rohan iha Salmo seluk nebé dehan: RAI ULUN-RAI IKUN HARÉ ONA MAKSOIN, MAROMAK NIA MAKSOIN. Feliz Natal ba ita hotu…………!  (Ignasoliveira)

 

 

Evangelho:

“Nai Jesus Cristo nia Evangelho nudar são João haktuir” (JO 1, 1-18)

Hori uluk kedas,  Lia Fuan iha nanis; Lia-Fuan horik nais hamutuk ho Maromak; Lia Fuan Maromak nanis. Houri uluk kedas Nia horik hamutuk ho Maromak; Maromak halo sasan hotu hodi Nia! La hodi Nia, buat ida la Moris: Nia mak moris nia nain! Moris ne’e mak ema nia naroman! Naroman nabilan hela iha nakukun laran, maibé, nakukun la hatene Nia! Mane ida mosu mai, Maromak mak haruka: nia naran João, nia mai nudar sasin ida atu fo sasin kona ba naroman. Lia Fuan mak naroman loloos, naroman ida be mosu iha rai klaran; leno ema hothotu. Nia horik duni iha rai klaran; rai klaran Nia mak hakiak, maibé, rai klaran la hatene Nia! Nia mak buka Ninian rasik, maibé, Ninian sira la simu Nia! Maibé, ema sira be simu Nia no fiar nia naran, Nia haraik kbiit atu sai Maromak oan! Ema sira ne’e laos moris housi ema nia raan, laos moris tuir ema nia isin nia hakarak, maibeé, sira moris housi Maromak. Lia Fuan ne’e halo-An tiha ba mane, Nia moris duni hamutuk ho ita!  Ami haré tebs nia naroman, naroman ida be oan Mane mesak, simu housi nia Aman. Nudar oan Mane mesak ida kmanek  no loos tebes! João fo sasain kona ba Nia, dehan: “ema ida ne’e ninian mak hau hateten nanis ona: Ema ida nebé sei mai tuir hau, Nia uluk liu tihahau, basá, Nia moris uluk liu hau!” Los duni, housi Ninia di’ak barak tebes, mak ita simu di’ak oioin tutuir malu. Basá, maske ukun fuan mai housi Moises, graça no lia loss mai housi Jesus Cristo. Ema ida la dauk haré Maromak: Oan Mane mesak horik ho Maromak Aman, Nia de’it mak haklaken Maromak mai ita!

Lia Maksoin.

25 Desembro, Missa Natal-Rai hun mutin

Primeira Leitura              Is. 9, 2-7 ou 1-6

Lia housi Livro Profeta Isaías:

Iha loron hirak nebá, povo be la’o iha nakukun laran, haré naroman boot ida. Ba ema sira be tur iha nakukun laran, naroman boot ida mosu ba sira. Na’I, Ita mak halo nia di’ak sai wa’in, Ita mak halo nia ksolok sai boot. Ema sira ne’e laran ksolok iha Ita futar oin, nu’udar sira haksolok tebes wainhira sira hahe ba malu riku-soin funu nian. Basá, Ita halakon sira nia dadur, Ita silu tohar ema áat sira nia óe be hakanek povo nia kabás, hanesan iha loron Madian nian. Ema sei sunu  hotu botas funu nian, ema sei sunu hotu hena sira be ran hakonu: buat hirak ne’e, sei sai áhi-étun. Basá, kosok-oan ida moris ona mai ami, Oan-Mane ida to’o ona mai ami. Oan ne’e mak kaer óe. Ema hanaran Nia “Lia-na’in boot! Maromak kbiit wa’in! Aman, tinan ba tinan! Dame na’in!” Nia ukun sei boot, Nia dame sei la lakon iha David nia trono, iha David nia reino. Nia mak ho hahalok lós nian, sei halo David nia reino metin nafatin. Houri ohin ba oin nafatin, Maromak kbiit wa’in mak sei halo ida ne’e.

Maromak Futar Lia

 

Salmo Responsorial                                                                                                                                                         Sal. 95, 1-3; 11-13

Refrão : Ohin moris ona ita Maksoyn, Jesus Cristo ita Na’in!!! Repete-se

Hananu ba Na’i knananuk foun ida:

Rai-klaran toman hananu ba Na’i!

Hananu ba Na’i, hahí nia futar naran! Refrão

 

Kalan-loron hawelok Ita Maksoyn!

Iha povo leet hananu nia kbiit:

Tatoli ba nação tomak buat di’ak Nia halo. Refrão

 

Lalehan ho rai haksolok ba!

Tasi namuruk ho buat hotu iha laran!

Rai klês no ai-horis sei bok-an:

Ailaran tomak haksolok hananu! Refrão

 

Hakasolok iha Na’i futar oin,

Nia mai tesi lia ba mundo.

Nia sei tesi lia lós ba ema,

Tesi lia hanesan ba povo sira. Refrão

 

Segunda Leitura                                                                                                                                                                            Tit. 2, 11-14

Lia housi São Paulo nia surat ba Tito:

Oan doben sira: Maromak nia rahun-di’ak mosu mai ona, lori Maksoyn ba ema hotu-hotu. Maromak nia rahun di’ak hanourin ita atu hatene hamta’uk, atu husik dalan áat, atu hatene moris tuir justiça no fiar, ohin loron, wainhira ita sei hein tempo kmanek ikus nian, no wainhira ita sei hein hela Jesus Cristo, ita nia Maksoyn, ita nia Maromak boot nia loron. Jesus Cristo saran-An ba mate tan ita, atu hasai ita housi buat áat hotu, atu halibur ba Nia, povo ida ninian rasik, povo ida badinas teb-tebes kona ba hahalok di’ak.

Maromak Futar Lia.

 

Aclamação                                                                                                                                                                                        Lc. 2, 10-11

Refrão : Aleluia, Aleluia!! Repete-se

Ha’u haklaken ba imi ksolok boot tebes ida: Ohin moris ona ita

Maksoyn, ita Na’in Jesus Cristo. Refrão

 

Evangelho                                                                                                                                                                                           Lc. 2, 1-14

Na’i Jesus Cristo nia Evangelho nu’udar São Lucas haktuir:

Iha tempo nebám ordem mai housi César Augosto, atu arola ema hotu-hotu. Arolamento ida ne’e mak uluk liu, wainhira Quirino mak emboot iha rai Síria. Ema hotu-hotu, ida-idak ba fó naran iha nia cidade rasik. Tan José kona ba uma-kain David, nia mos husik cidade Nazaré iha Galileia atu sa’e ba Judeia, ba David nia cidade naran Belém, atu tau naran ho nia kaben Maria. Maria besik atu tur ona áhi. Wainhira sira sei iha Belém, Maria nia loron atu tur áhi to’o daudaun. Nia tur-áhi duni, nia Oan mane. Maria haneras no hatoba Nia iha balada han-fatin, basá, la iha fatin oan ida ba sira, iha uma laran. Iha fatin nebá, iha bibi-atan balun; sira toman ona kalan-kalan toba iha rai luan, atu hein bibi. Maromak nia Anjo mosu ba sira; Maromak nia roman nabilan iha sira leet; sira hakfodak teb-tebes. Anjo dehan ba sira: “Keta ta’uk, basá ha’u lori lia foun ida mai imi; Lia ne’e sei haksolok imi hotu-hotu. Ohin, iha David nia cidade, moris ona ba imi, Maksoyn ida, nia mak Messias, katak: “NA’I”. Sinal atu hatene hetan Nia, mak ne’e: “Imi sei hetan Kosok oan ida ho neras toba iha balada han-fatin”. Teki-tekil, libur hamutuk ho Anjo ne’e, Anjo rihun ba rihun, hananu hodi hana’i Na’i Maromak, hateten: “Hawelok Maromak iha lalehan tutun! Hakmatek iha rai-klaran ba ema sira be Maromak hadomi!”.

Lia Maksoyn.

OHIN IHA DAVID NINIA CIDADE MORIS ONA BA IMI MAKSOIN IDA, NIA MAK MESSIAS, KATAK NA’I (LC 2, 11)

Maun alin sarani doben sira nebé hau hadomi iha ita nain Jesus Cristo, Naroman to’o ona mai, Ksolok be ita hein to’o ona mai, dame nain too ona mai, ukun nain lolos to’o ona mai. Nia mak Jesus Kosok oan be moris iha Belem, David ninia cidade, Nia, Na’i Maromak ninia oan, Maksoin ema nian, rai klaran nian no kriatura hotu-hotu nia maksoin. Rai hotu lakan nabilan tamba kosok oan ne’e mak Maromak-Maksoin be tun mai rai, mai moris hamutuk ho ema, atu soi ema sira no atu soi rai klaran tomak. Iha kosok oan ida ne’e Maromak hatudu ninia domin rohan laek ba ita ema sira hanesan uluk no fo hatene sai nanis ona ba ita ninia beiala sira housi geração ba geração, katak loron sei to’o mai, feto virgem ida sei kous no tur ahi oan Mane ida, oan ne’e sei sai boot no nia mak sei tur iha ninia aman David nia trono hodi ukun. Ida ne’e mak oras ne’e acontece, mosu no hahu dadaun ona iha ita le’et. Maromak halo tuir lolos kedas ninia promessa hodi hahu soi ona ita ema sira iha kosok oan ida ne’e nebé foin moris, hodi nearas hafalun no hatoba hela iha balada han fatin kiik ida.

Maun alin sarani doben sira,

Buat boot nebé oras ne’e acontece no mosu dadaun iha ita le’et halo ita haksolok tebtebes basá ita hatene katak Kosok Oan ida be foin moris ne’e maksoin ida ita nian, criatura tomak nian. Nia mai atu ukun ita tuir dalan justiça nian, ukun ita iha paz, domin, perdão, ksolok no laran luak nian. Ne mak halo ita haksolok, mundo no rai klaran tomak haksolok, hamutuk ho anjo lubun boot iha lalehan ita hananu haksolok hahí hanai Maromak ba ninia domin no ba acontecemento boot liu hotu iha ita ema sira ninia história ne’e, Maromak tun mai rai hodi moris hamutuk ho ema no soi ema sira, lori dame, domin, ksolok no laran metin bae ma hotu. Ida ne’e kata mos Nia tun mai hodi ukun ema sira no soi ema sira nafatin. Primeira leitura haktuir mai ita katak “Nia mak kaer Oe ukun nian, ema hanaran nia Lia-Nain boot! Maromak kbiit wain! Aman tinan ba tinan! Dame Nain! Nia ukun sei boot, Nia dame sei la lakon. Nia sei ukun ho hahalok los nian/ho justiça, nune’e ninia ukun sei metin nafatin ba nafatin”. Leitura ne’e fo hatene mai ita momos katak kosok oan ne’e laos ema baibain ida, laos ukun nain baibain ida, maibé nia LIA NAIN BOOT, NIA MAROMAK, NIA AMAN. Katak kosok oan ne’e revelação Aman Maromak nian, Nia Maromak nebé tun mai rai. Ninia hahalok sira mesak hahalok Maromak nian nebé soi ema no halo ema sira be fiar iha Nia bele realiza mos hahalok maksoin nian nebé nia halo, hodi ikus mai halo ema hotu hotu sai los iha sira ninia hahalok nune’e bele hetan moris dame, moris ksolok no nakonu ho domin lolos nian, moris ida nune’e sei too ba rohan laek tamba Nia.

Segunda leitura fo hanoin mai ita katak atu ema sira hotu bele moris los, bele sai badinas iha hahalok di’ak no los, hodi moris nakonu ho dame, domin, ksolok, perdão, laran luak no laran maus ba malu, laran metin no fiar metin nia laran hodi ba to’o moris rohan laek, ita Nai Jesus Cristo fo ninia-An atu terus fodik ba ita, to’ó mate iha Cruz no liu loron tolu moris hias fila fali. Cristo ninia terus, Cristo ninia mate no Cristo ninia moris hias mak soi ita basá housi nebá nia halo ita hetan duni fali moris foun ida, moris ida nebé sai los iha hanoin, iha liafuan no iha hahalok, moris ida nebé nakonu ho domin, paz, justiça, laran luak no perdão, laran metin no fiar metin ba Maromak nafatin hodi hatene no bele fahe moris graça ida ne’e nian ba ema hotu hotu.

Doben maun alin sira, mistério Na’I Maromak halo-An ba mane hodi mai hola isin ida hanesan ita no moris hamutuk ho ita mak sai início moris ida nune’e nian, katak início ba moris graça, moris maksoin no moris rohan laek nian.

Tan ne’e maun alin doben sira, oras ne’e ita hatene momos ona katak Maromak ukun nain kbiit tomak nain, dame nain, justiça nain iha ona ita leet, moris lolos ida nebé ita hotu hakarak ninia nain no we matan iha ona ita le’et. Buat sira nebé durante ne’e ita buka iha ita ninia moris mak iha ona ita leet basá ninia nain mak tun mai horik ona iha ita leet nudar maksoin ne’e. Ita buka dame, hakbesik ba Nia ita sei hetan dame, buka iha fatin seluk ita sei la hetan; ita buka justiça hakbesik ba Nia, iha Nia justiça sei naresin mai ita, iha fatin seluk ita sei la hetan justiça lolos; ita buka ksolok, hakbesik ba nia basá nia mak ksolok hun lolos, ita sei labele hetan ksolok iha sasan sira nebé ita iha naresin, hirak ne’e sei fo ksolok loron balun de’it, ksolok lolos sei hetan de’it iha Jesus be mai moris ho ita ne’e; ita buka perdão, ita buka laran maus, laran luak, buka sucesso, buka inteligência, buka sabedoria, buka paciência, buka fiar, buka laran metin, buka buat di’ak sira hotu, hakbesik ba nia ita sei hetan basá nia mak buat hirak ne’e hotu ninia nain no nia we matan; ikus liu ita bele compreende katak ita buka maksoin iha buat hotu hotu no iha moris ne’e, so ba nia de’it mak ita hakbesik hodi hetan, basá nia mak maksoin lalehan no rai nian, iha fatin seluk ita nunca sei hetan.

Ita ninia hakbesik-An Maksoin moris nian hahu kedas ona ohin kalan ne’e iha ita ninia tuku tur hodi hahí, hanai no adora nia iha presépio be nia haktoba-an ba ne’e, hodi mos simu graça no bênção tomak nebé nia lori mai ita no ba mundo tomak. Amen.

 

Taibessi, 24.12.20, Ano B, Por:Pb.