shadow
Diocese de Dili > NOTÍCIAS

Sexta – Feira, V Semana Tempo Quaresma (ANO A)

Primeira Leitura                     Jer. 20. 10-13

Lia  housi Livro Jeremias nian:

Ha’u rona ema barak nia liafuan kro’at: “Buat hotu hata’uk ita! Kesar nia ba! Ita la’o ba kesar nia!” Ha’u belun sira hafuhu hela ha’u atu haré ha’u hakat sala, hodi dehan: “Ita lohi nia karik, ita sei manan nia!” Maibé Na’i hamutuk ho ha’u hanesan asuwa’in mak’as ida. Ha’u nia funu baluk sira sei monu lakon. Sira sei moe boot liu, tamba sira lakon. Sira susar rohan laek ema sei la haluha. Na’u buat hot-hotu nian, nebé koko ema di’ak, hodi hare borus ema fuan no laran; ha’u sei haré kastigo nebé ita sei haraik ba ema sira ne’e, tamba ha’u saran ha’u nia lia ba Ita. Hananu ba Na’i; hahí ba Na’i tan Nia tulun ema kiak sira nia moris hasoru ema áat sira liman.

Maromak Futar Lia.

 

Salmo Responsorial                                                                                                               Sal. 17(18). 2-3ª, 3bc-4, 5-6, 7 (R. Cf. 7)

Refrão : Iha neon susar laran, ha’u harohan ba Na’i,  Nia rona ha’u lian!!! Repete-se

Na’i ha’u nia biit, ha’u beran,

Ha’u Mahein, ha’u heli-an fatin,

No ha’u nia maksoin. Refrão

 

Ha’u nia Maromak, ha’u fiar Ita tulun,

Ita mak ha’u nia Mahein, biit no Maksoi!

Ha’u harohan ba Na’i, hahí Nia,

Nia soi duni ha’u housi ha’u nia funu baluk sira. Refrão

 

Laloran amte nia hadulas ha’u

Wé áat tun maka’as hata’uk resin ha’u.

Hani áat bobar ha’u,

Mate káer metin h’au iha nia dai laran. Refrão

 

Iha ha’u nia terus laran,

Ha’u harohan ba Na’i:

Hakilar ba ha’u nia Maromak.

Housi Nia Templo, Nia rona duni ha’u lian,

Ha’u lian hakilar to’o Nia futar tilun. Refrão

 

Aclamação                                                                                                                                                                                 Jo. 6. 63c, 68c

Refrão : Na’i hahalok Ita futar liman, boot no kmanek tebes!! Repete-se

Na’i, Ita nia futar liafuan sira mak espírito no moris.

Ita iha liafuan moris rohan laek. Refrão

 

Evangelho                                                                                                                                                                                     Jo. 10. 31-42

Na’i Jesus Cristo nia Evangelho nu’udar São João haktuir:

Iha tempo nebá, judeu sira káer fatuk atu tuda Jesus. Tan ne’e, Jesus lia tun ba sira, “Ha’u hatudu ba imi hahalok di’ak barak, nebé Aman Maromak nian. Tan hahalok ida nebé lós mak imi hakarak tuda Ha’u?” Juseu sira hatan ba Nia: “La’os tamba hahalok nar-naran di’ak ruma mak ami hakarak tuda ó; tamba lia áat hasouro Maromak, tan ó, ema ida, halo-An Maromak”. Jesus hatan ba sira: “La hakerek nanis iha imi nia lei: ‘Ha’u dehan, imi mak maromak?’ Lei hanaran sira, ‘maromak’, sira nebé Maromak hato’o Nia futar lia, livro santo ita la bele halakon. Kona ba Ha’u be Aman maromak hili, hodi haruka mai mundo, imi hateten; ‘Nia hateten áat Maromak’ tan Ha’u dehan, ‘Ha’u Maromak Oan!’ Ha’u la halo karik Ha’u Aman nia serbisu, imi lalika fiar Ha’u. Maibé, Ha’u halo karik, maski imi lakohi fiar Ha’u, fiar hahalok sira ne’e ba atu imi bele hatene didiak hodi fiar katak Aman hamutuk ho Ha’u, Ha’u hamutuk ho Nia”. Ne’e duni, sira buka káer fali Nia, maibé Jesus haksumik tiha housi sira leet. Hafoin Nia fila hikas ba Jordão sorin balu ba, ba fatin nebé dala uluk João fó Baptismo. Nia hela kle’ur iha nebá. Ema barak ba hasouro Nia hodi hateten; “Lós duni, João la halo milagre ida, maibé buat hotu nebé nia dehan kona ba ema ne’e, lós”. Sira barak iha nebá, fiar Jesus.

Lia Maksoyn.

CONSUMIDOR BE’E MOS DURANTE PERIODO ESTADO EMERGÊNCIA SEI HETAN SUBSÍDIO

DILI 1 Abril 2020 (DCAD) – Ministério Obras Pública (MOP) liu husi Direção Geral Água no Saneamento (DGAS) decide fo subsídio bee mos ba consumidor sira durante Periodo estado emergência. Tarifa bee mos ne’e sei válido deit ba cliente sira nebé uja ona contador be’e husi Direção Geral Água no Saneamento (DGAS).

“hau nia técnico sira oras ne’e serviço hela iha terreno tuir política Governo nian Ministro Obras Pública declara ona katak iha periodi Estado de Emergência ami sei la produz factura ba consumidores nebé mak durante ne’e selu hela tarifa be’e, dehan Diretor Geral Água no Saneamento Gustavo da Cruz relata assunto ne’e ba jornalista sira depois participa sorumutu Conselho Ministro nian quarta ne’e iha Centro Convenção Dili”.  

Gustavo da Cruz reforça mos tan katak iha Dili husi 14 mil consumidores be’e mos ne’e quase 4% mak selu. Ba município sira nebé selu mos mak hanesan Liquiça, Bobonaro no mos Suai. Tanba ne’e durante periodo Estado Emergência nian ne’e sira sei la selu. Ba comunidade sira nebé mak sei uja be’e possu hau fo ona orentação ba hau nia parseiros sira iha cada município atu apoio comissão iha Municipal hodi hare ba necessidade ruma quando comunidade uja posso. (Alin/Leo)

CONSELHO MINISRTO APROVA PROJETO DELIBERAÇÃO ORÇAMENTAL FULAN ABRIL IHA ÁMBITO REGIME DUODECIMAL

DILI 1 abril 2020 (DCAD) – Ministra Finanças em exercício Sara Lobo Brites apresenta Projeto Deliberação Governo orçamental ba fulan-Abril iha ámbito regime Duodecimal hetan aprovação iha reunião Conselho Ministro iha quarta ne’e, iha Centro Convenção Dili.

Projeto Deliberação Governo nebé apresenta husi Ministra Finanças em exercício kona ba tetu orçamental ba fulan-Abril iha ámbito regime Duodecimal, ho valor total USD 114.887.000, la inclui empréstimo. Deliberação ida ne’e prevé despeza relaciona ho aquisição ba ai-moruk no equipamentos sira hodi hatan ba COVID-19, pagamento ba pensão no pagamento ba arrendamento no ba instalação husi missão diplomata sira. No ida ne’e prevista mós iha deliberação, suspensão ba despeza, durante vigéncia Estado Emergência, hodi bele halo redução, mak hanesan despeza ne’ebé relasiona ho viagem locál sira no viagem estrangeiro, organização husi formação, seminário no mós manutenção ba veículo sira.

Ministro Negócio Estrangeiro no Cooperação apresenta projeto deliberação, ne’ebé hetan aprovação husi Conselho Ministro, hodi bele hala’o assinatura ba contrato, entre Governo Timor-Leste no Programa husi Nações Unidas ba Dezenvolvimento (PNUD), hodi hola aimoruk no equipamentos médico sira, relaciona ho virus COVID-19. (Alin/Leo)

MOP PROCESSA ONA PULSA $15 DÓLARES BA CONSUMIDOR ELECTRICIDADES

DILI 1 Abril 2020 (DCAD)  – Ministro Obras Pública (MOP) Salvador Soares dos Reis Pires hateten “Oras ne’e ami produz hela Hotline ida no husi Hotline ne’e rasik Ita nia cliente sira sei mensagem sira nia número registo prepago nian ba iha Hotline ne’e automaticamente sira simu pulsa $ 15.00 Dolares no ida-idak sei enche número pulsa ba contador prepago nian iha ida-idak nia uma. Salvador Soares dos Reis Pires sublinha tan katak Intenção ida ne’e atu contribui ba hamenus propagação moras Covid 19 nebé mak oras ne’e ita hasoru daudaun, atu nune’e hamenus movimentação iha tempu estado de emergência ne’e” haktuir Ministro Obras Pública (MOP) Salvador Soares dos Reis Pires iha Centro Convenção Dili quarta ne’e.

Ministro Obras Pública (MOP) Salvador Soares dos Reis Pires afirma tan katak oras ne’e ami produz dadaun hela TOKEN atu nune estabelecimento ida HOTLINE ho ita nia operador telecumicação ita bele anuncia mais cedo mais possível. Orçamento sira ne’e mai husi rendimento EDTL ho montante hamutuk $ 2.4 milhões halo execução husi tarefa ne’e. (Alin/Leo)

Quinta – Feira, V Semana Tempo Quaresma (ANO A)

Primeira Leitura                       Gen. 17. 3-9

Lia  housi Livro Genesis:

Iha loron hirak nebá, Abraão monu taka oin ba rai. Hafoin Maromak lia tun ba nia nune’e: “Ne’e Ha’u Nia moruk ho ó: ó sei sai povo wa’in sira aman. Ó nia naran la’os teni Abrão; maibé Abraão mak ó nia naran, tan Ha’u sei halo ó sai nação barak sira nia aman. Ha’u sei halo ó bei-oan sira sura la bele; povo sira nia hun ba ó; housi ó sei sai liurai sira. Ha’u sei halo moruk ho ó ho ó nia bei-oan sira, housi derasaan ba derasaan. Moruk ne’e sei metin nafatin atu Ha’u sai ó nia Maromak no mós ó nia bei-oan sira nia Maromak, sira nebé tuir ó. Ha’u sei fó ba ó, hafoin, ba ó nia bei-oan sira mós, rai nebé ó tur hanesan ema la’o rai, rai Canaã tomak, atu sai ó nian nafatin. Ha’u mak sai Maromak ema hot-hotu nian”. Maromak lia tun teni ba Abraão: “Ó sei moris tuir Ha’u nia moruk, ó ho ó nia bei oan sira, housi derasan ba derasan”.

Maromak Futar Lia.

 

Salmo Responsorial                                                                                                                        Sal. 104(105). 4-5, 6-7, 8-9 (R. 8ª)

Refrão : Na’i hanoin nafatin Nia lia moruk!!! Repete-se

Hanoin Na’i, hanoin Nia biit,

Buka nafatin Nia futar oin.

Hanoin kmanek sira be Nia halo ona,

Ninia buat foun di’ak sira,

No liafuan sira housi Nia futar ibun. Refrão

 

Imi, bei-oan sira housi Abraão, Nia atan,

Imi, be Nia doben Jacob nia oan sira,

Na’i mak ita nia Maromak,

Nia liafuan mak lei iha rai-klaran tomak. Refrão

 

Na’i hanoin nia lia moruk,

Liafuan be Nia hakotu ba derasaan rihun ba rihun,

Moruk be Nia halo ona ho Abraão,

Juramento be Nia halo ona ho Isaac. Refrão

 

Aclamação                                                                                                                                                                              Sal. 94(95). 8ab

Refrão : Hahí ba Ita, Jesus Cristo, Liurai glória rohan laek nian!! Repete-se

Ohin imi rona karik Na’i nia lia,

keta taka imi fuan. Refrão

 

Evangelho                                                                                                                                                                                        Jo. 8. 51-59

Na’i Jesus Cristo nia Evangelho nu’udar São João haktuir:

Iha tempo nebá, Jesus lia tun ba judeu sira nune’e: “Tebes, tebes duni, Ha’u dehan ba imi: ema se halo tuir Ha’u nia liafuan, nia sei la mate. Judeu sira hatan ba Nia: “Oras ne’e ami hare katak demónio iha duni ó laran. Abraão mate tiha ona; profeta sira mós hanesan, maibé ó fali dehan: ‘ema se halo tuir ha’u nia liafuan, nia sei la mate’. Ó kala boot liu fali ami aman Abraão nebé mate tiha ona? Profeta sira mós mate ona? Ó hakarak sai sé lós?” Jesus dehan teni ba sira: “Ha’u hahí karik Ha’u-An rasik, Ha’u nia hahí ne’e la folin buat ida. Ha’u Aman mak hahí Ha’u, Nia be imi hateten: ‘Nia ami nia Na’i Maromak!’ Maibé imi la hatene Nia. Ha’u mak hatene Nia. Ha’u dehan karik Ha’u la hatene Nia, Ha’u mos bosok-ten hanesan imi. Maibé Ha’u hatene Nia. Ha’u halo tuir Nia liafuan. Abraão, imi aman, haksolok hodi hanoin atu haré Ha’u nia loron; lós duni, nia haré ona loron ne’e hodi haksolok”. Judeu sira hateten ba Nia: “ Ó seida’uk iha tinan limanulu, ó haré ona Abraão?” Jesus hatan ba sira: “Tebes, tebes duni, Ha’u dehan ba imi; molok Abraão mosu, Ha’u iha”. Nune’e sira káer fatuk atu tuda Nia. Maibé Jesus helik-An tiha hodi sai housi templo.

Lia Maksoyn.

CONSELHO MINISTROS APROVA PROJETO DECRETO LEI NEBE APRESENTA HUSI MOP

DILI 1 Abril 2020 (DCAD)  – Comselho Ministros aprova projeto Decreto Lei tolu (3) nebe apresenta husi Ministro Obras Pública kona ba Entidade Reguladora ba Bee no Saneamento I. P (ERAS I.P),  Decreto Lei ba transforma Direção Água e Saneamento sai empreza pública Be’e “Be’e Timor-Leste” (BTL, E. P), no Decreto Lei ba controlo de qualidade Água para consumo humano.

Ministro Obras Pública Salvador Soares dos Reis Pires hafoin remata sorumutu iha Centro Convenção Dili quarta nee ba jornalista hateten, “ohin MOP mai apresenta diploma tolu importante hanesan Decreto Lei ba transforma direção Água e Saneamento sai empreza pública “Be’e Timor E.P”, ida kona ba Decreto Lei para atu estabelesse Entidade Reguladora ba Bee no Saneamento, no ida ikus kona ba Decreto Lei ba controlu de qualidade Água para consumo humano.

Salvador Soares dos Reis Pires reforça mos tan katak Decreto Lei rua kona ba transforma Direção Água e Saneamento sai empreza pública Be’e “Be’e Timor-Leste” (BTL, E. P), no Controlo de qualidade Água para Consumo Humano atavez tulun husi Governo Português no sira nia empresas naran Água Portugal mak fo tulun hodi estabelece Dekreto Lei rua ne’ebe ami apresenta.

Salvador Soares dos Reis Pires acressenta tan katak Agora daudaun ne’e ita halo hela estudo oinsa atu desenvolve capacidade institucional ba setor be’e rasik relevante ho sira nia serviço importante hanesan fornecimento ne’ebe qualidade no sustentável ba saúde pública no Ikus liu desenvolvimento ba setor económico iha ita nia rai.

Empresária Pública ne’ebe ami apresenta nia sistema administrativa hanesan ho EDTL nian ne’ebe ami apresenta atu eleva qualidade fornecimento serviço iha setor be’e, regula no supervisiona, atu nune’e ita nia fornecimento be’e ne’e mais saudável ba público no sustentável liu. (Alin/Leo)

GOVERNO APROVA PRIMEIRO ALTERAÇÃO EXECUÇÃO REGIME DUODECIMAL

DILI 1 Abril 2020 (DCAD)  – Conselho Ministros halao sorumutu iha Centro Convenção Dili quarta nee hodi aprova projeto Decreto Governo nebe apresenta husi Ministra Finanças em Exercício Sara Lobo Brites kona ba alteração dahuluk ba Decreto Governo número 1/2020, loron 15 janeiro kona ba execução orçamental iha regime duodecimal iha tinan finaceiro 2020 nian.

Liu husi Carta comunicado nee relata katak Alteração ida nee atu fo dalan hodi realiza actividade normal ba Estado nioan no iha mos possibilidade ba execução husi despeza pública sira too limite nebe mak fixa ona iha Orçamento Geral Estado uluk nian no estabelece conjunto ida hodi salva guarda no garante gestão ida nebe prudente ba dotação orçamentais. Ho nunee decreto Governo ida nee aprovado ona no preve conjuntu husi execução ba regime duodecimal, no iha possibilidade hodi resolve conjunto husi constragimentos nebe impede ona Estado hodi cumpre integralmente ninia obrigação hanesan resposta ba situação atual husi emergência provoca husi pandemia COVID-19 no crise económica nebe relaciona ho situação sira.

 Ministra Finanças em Exercício Sara Lobo Brites apresenta mos projeto Governo ida nebe aprova husi Conselho Ministro refere ba alteração dahuluk husi Decreto Governo Número 3/2019, loron 17 março kona ba execução husi Orçamento Geral Estado ba tinan 2019. Alteração nee atu fo dalan hodi realiza despeza nebe iha relação ho prevenção no combate ba COVID-19, ho urgência no ho agilidade, hanesan despeza nebe relaciona ho serviço aviação no ho contribuição sira hodi organização internacionais antes verifica ba efetiva prestação serviço ka entrega ba bens sira. (Alin/ Leo)

PASSAGEIROS BALUN IHA QUARENTENA HATUDU SINTOMAS COVID-19

DILI 31 Março 2020 (DCAD) – Diretora geral protreção Saúde Odete da Silva viegas hato declara oras nee daudaun entre passageiro sira nebé cumpre hela sira nia Periode de incubação nee hahu loron primeiro até 14 dias iha quarentena balun hahu hatudu duni sintomas Covid-19. No pessoal de saúde foti kedas medidas urgência hodi transfere kedas suspeito nebé iha sintomas Covid-19 ba iha Hospital Guido valadares ba fatin isolamento hodi hasai amostra para ita bele hare katak resultado nee positivo ka negativo.

“ita hotu hatene katak função husi Quarente nee fatin ida nebé ita atu halo observação ba ema sira nebé mai husi paises afectado, maibé se ema sira nee laiha sintomas mos ita hatama sira ba iha quarentena. Maibé ita hatene katak Periode de incubação nee hahu loron primeiro até 14 dias. Tanba nee durante loron hirak nee nia laran tama iha quarentena nee sira bele desemvolve sira nia sintomas karik iha isin manas no mear.

Tuir Diretora geral protreção Saúde Odete da Silva viegas declara katak Oras nee iha duni passageiros ida ou rua maka hatudu sintomas covid-19 hanesan mear no isin manas. No oras nee pessoal saúde sira muda kedas ba iha Hospital Guido valadares fatin isolamento nian hodi hasai amostra para ita bele hare katak resultado nee positivo ka negativo. dehan Diretora geral protreção Saúde Odete da Silva viegas iha Centro Convenção Dili terça nee”.

Diretora geral protreção Saúde Odete da Silva viegas afirma mos katak Timor-Leste too oras ida nee graças a Deus sei manteim nafatin ho ida nebé negativo. Teste sira nebé liu daudaun hatudu katak nain 10 negativo no ita mos sei hein teste nebé mak sei sai tan iha aban ou bain rua no ita espera katak ida nee sei negativo nafatin. (Alin/Leo)

‘SAMES’ DECLARA MEDICAMENTO E EQUIPAMENTO DE SAÚDE HAHU MENOS

DILI 31 Março 2020 (DCAD) – SERVIÇO AUTÓNOMO DE MEDICAMENTO E EQUIPAMENTO DE SAÚDE (SAMES) terça nee iha comunicado da emprença declara ba público katak stok medicamento e equipamento de saúde  hanesan luvas, máscara, equipamentos protecção pessoal hanesan roupa, óculo, chapeo no botas no Item sira seluk nebe liga ho prevenção Covid-19 nian oras nee daudaun limitado teb-tebes no menus ba bebeik.

Diretor Executivo Serviço Autónomo de Medicamento e Equipamento de Saúde (SAMES) Santana Martins hatoo preucupação hirak nee iha edificio SAMES atu parte governo bele foti lalais medidas hodi resolva stok MEDICAMENTO E EQUIPAMENTO nebe agora menos ba bebeik.

“Iha biban ida nee SERVIÇO AUTÓNOMO DE MEDICAMENTO E EQUIPAMENTO DE SAÚDE (SAMES) hakarak fo sai ba público katak SAMES sei atende deit pedido sira nebe mai husi facilidade essencial sira nebe fo assistência saúde iha serviço nacional de saúde hanesan Hospital Guido Valadares, hospital referal sira no mos serviço Municipal de saúde no centro isolamento no quarentena ba Covid-19 nian no serviço Laboratium nacional de saúde, hodi nunee bele assegura proficional de saúde sira nebe fo assistência direta ba iha paciente sira. No pedido hirak nebe mak ami temi tem que atravessa liu husi Direção Nacional Farmâcia e Medicamentos (DNFM) iha Ministério de Saúde hafoin halo verificação no haruka ba iha SAMES hodi processa tuir prosedur nebe durante nee lao hela.

Diretor Executivo SAMES nee reforça tan katak hahu agora SAMES sei la atende pedido sira nebe mak submete mai iha SAMES ho razão katak ita laiha duni ona Stok suficiente hodi fahe ba ema hotu. No ba programa prevenção sira seluk hanesan dijefektan, husu atu entidade ida-idak bele uja maneira hanesan uja Baiklin no be hodi bele uja ba necessidade uma kain nian ka instiuição ho maneira sira nebe próprio. Ba serviço ida nee Ministério de saúde sei orienta oinsa bele produz dijefektan  rasik tuir procedimento.

Diretor Executivo SAMES declara Stok medicamentos no produtos medicamentos sira nebe mak agora daudaun iha SAMES hanesan categoria aimoruk ninian ita iha deit 364 item mak regista iha base de dados SAMES nian. No husi 364 item nee oras nee daudauk disponivel iha armagem maka 330 item. (Leo/Alin)

Quarta – Feira, V Semana Tempo Quaresma (ANO A)

Primeira Leitura  Dan. 3. 14-20, 91-92, 95

Lia  housi Profecia Daniel nian:

Iha loron hirak nebá, Nabucodonosor, liurai Babilónia nian, hateten ba klosan Israel na’in tolu: “Los duni ka la’e, Sidrac, Misac no Abdénago, imi la hahí hana’i ba ha’u nia maromak; imi mós la adora estatua osa mean nebé ha’u haruka hari? Di’ak, oras ne’e rona tiha trombeta, flauta, cítara, lira, harpa, saltério, gaita ho buat oi-oin be lian, imi sei hakru’uk hodi adora estátua nebé ha’u haruka halo. Imi lakohi karik adoa nia, ema sei so’e kedas imi iha ahi lakan boot nia laran. Maromak nebé lós mak sei hasai imi housi ha’u liman?” Sidrac, Misac, ho Abdénago hatan ba liurai Nabucodonosor: “Liurai, ami hanoin katak lalika hatan ba ó kona ba buat ne’e. Ami nia Maromak nebé ami hahí hanai bele karik hasai ami housi ahi lakan boot nia laran no mós housi ó nia liman, Nia sei hasai duni ami. Maski nia la halo karik ne’e, ó hatene kedas ona, ami sei la hahí hana’i ó nia maromak; ami mós sei la adora ilas osan mean nebé ó haruka hari”. Nune’e, Nabucodonosor hirus teb-tebes. Nia oin nakfilak tiha iha Sidrac, Misac ho Abdenágo sira oin. Nia haruka tau ahi halo manas maka’as liu bai-bain dala hitu. Nia fó ordem ba nia emar funu-na’in sira nebé forti liu atu futu Sidrac, Misac ho Abdénago hodi so’e sira ba ahi lakan boot nia laran. Tuir mai, Nabucodonosor hakfodak, hamriik lalais, husu ba nia emar sira: “Ita la so’e sira na’in tolu futu metin?” Sira hatan: “Lós duni, liurai”. Nia simu hodi dehan: “Maibé ha’u hare ema na’in háat la kesi, la’o ba mai iha ahi laran; la terus buat ida; ida háat ne’e hanesan Maromak sira nia oan”.

Nabucodonosor foti lian dehan nune’e: “Di’ak tebes, Sidrac, Misac ho Abdénago sira nia Maromak; tan haruka Nia Anjo atu hasai Nia atan sira nebé fiar Nia. Sira la halo tuir liurai nia ordem hodi hasusar sira nia isin lolon atu labele hahí hana’i ba nar-naran maromak seluk nebé la’os sira nia Maromak”.

Maromak Futar Lia.

 

Salmo Responsorial                                                                                                                         Dan. 3. 52, 53, 54, 55, 56 (R. 52b)

Refrão : Ami hahí, hawelok Ita nafatin!!! Repete-se

Na’i, kmanek wa’in ba Itaboot,

Ami aman sira nia Maromak.

Kmanek wain ba Ita naran boot no santo tebes;

So’i simu hahí no glória ba nafatin. Refrão

 

Kmanek wa’in ba Ita

Iha tempo santo Ita glória nian;

So’i simu hahí no glória ba nafatin.

Kmanek wa’in ba Ita trono liurai nian,

So’i simu hahí no glória ba nafatin. Refrão

 

Kmanek wa’in ba Itaboot

Be hatene borus rai horun sira;

Hatodan-An iha querubim sira fohon,

So’i simu hahí no glória ba nafatin.

Kmanek wa’in ba Itaboot iha Lalehan,

So’i simu hahí no glória ba nafatin. Refrão

 

Aclamação                                                                                                                                                                                             Lc. 8. 15

Refrão : Glória ba Ita, Na’i,  Maromak moris Nia Oan Mane!! Repete-se

Ksolok ba sira nebé rona Maromak Nia liafuan ho neon no laran hodi fó fuan,     

tan sira laran metin. Refrão

 

Evangelho                                                                                                                                                                                       Jo. 8. 31-42

Na’i Jesus Cristo nia Evangelho nu’udar São João haktuir:

Iha tempo nebá, Jesus lia tun ba judeu sira be fiar ona Nia: “Imi halo tuir nafatin karik Ha’u nia liafuan, imi Ha’u nia escolante duni; imi sei hatene lialós; lialós ne’e mak sei fó liberdade ba imi”. Sira hatan ba Nia: “Ami Abraão nia bei-oan; ami la’os ema ida nia atan. Oinsá ó hateten: ‘Imi sei hetan liberdade?’” Jesus hatan ba sira: “Tebes, tebes duni, Ha’u dehan ba imi; ema hotu nebé halo sala, nia sala nia atan. Atan la hela nafatin iha uma. Ne’e duni, Oan Mane fó karik liberdade ba imi, imi sei hetan duni liberdade. Ha’u hatene katak imi Abrão nia bei-oan, maibé imi hakarak oho Ha’u tamba Ha’u nia liafuan la tama iha imi. Ha’u dehan buat nebé Ha’u hare ona iha Ha’u Aman, imi halo buat nebé imi rona hateten housi imi aman”. Sira hatan ba Nia: “Ami Aman Abraão!” Jesus hateten teni ba sira: “Imi Abraão nia oan karik, imi sei halo hahalok be nia halo. Maibé la’e, imi buka buka oho Ha’u, Ha’u be dehan ba imi lialós nebé Ha’u rona housi Maromak. Abraão nia hahalok la’os nune’e! Imi halo imi nia aman nia hahalok!” Sira hateten ba Nia: “Ami la’os oan la tuir lei; ami iha Aman ida de’it mak Na’i Maromak!” Jesus hatan ba sira: “Na’i Maromak imi nia Aman karik, imi mós iha domin mai Ha’u, tan housi Maromak mak Ha’u mai. Tamba Ha’u la mai housi Ha’u-An rasik; Nia mak haruka Ha’u mai”.

Lia Maksoyn.