shadow
Diocese de Dili > NOTÍCIAS

Segunda-Feira, XVIII Semana iha Tempo Comum (ANO A)

Primeira Leitura                       Jer. 28. 1-7

Lia housi Livro Jeremias nian:

Iha tinan nebá nia laran, iha tinan ba dala háat Sedecias nia ukun nu’udar liurai Judá nian, iha fulan lima, Ananias, Azur nia oan, profeta housi Gabaon, hateten nune’e ba Jeremias, iha Na’i nia Templo, iha sacerdote sira no povo hotu nia oin: “Na’i Lalehan no rai nian, Maromak Israel nian dehan nune’e: “Ha’u ba harahun liurai Babilónia nia ukun. Liu tiha tinan rua, Ha’u sei halo sasan hotu Templo nian lori fila hikas mai iha fatin ne’e, nebé Nabucodonosor, liurai Babilónia, hasai tiha housi ne’e hodi lori ba Babilónia. Ha’u sei halo mós Jeconias, Joaquim nia oan, liurai Judá nian, fila hikas mai fatin ne’e, no dadur sira hotu Judá nian nebé ema lori Babilónia – Na’i dehan – basá, Ha’u sei harahun liurai Babilónia nia ukun”.

Nune’e, Profeta Jeremias hatan ba Profeta Ananias, iha na’ilulik sira no povo tomak nia oin nebé halibur iha Na’i nia Templo. Profeta Jeremias dehan nune’e: “Nune’e duni! Na’i sei halo duni nune’e! To’ok Na’i bele halo tuir liafuan hirak nebé ó si’ik tiha ona hodi Na’i Nia naran, no bele lori fila hikas housi Babilónia ba fatin ne’e sasan Na’i nia Templo nian no dadur sira hotu. Maibé, rona didi’ak liafuan hirak nebé ha’u dehan ba ó nia tilun no povu tomak nia tilun: Profeta sira nebé uluk liu mai ita, Uluk liu mai ha’u no uluk liu ba ó, sira haklaken ba nação barak no ba reino kbiit wa’in sira, funu, hamlaha no moras. Maibé, profeta nebé haklaken rahun di’ak be sei mai, ema bele hatene lolós nia hanesan Na’i Nia manu-ain lós, wainhira buat sira nebé nia haklaken mosu tiha ona”.

Nune’e, profeta Ananias hasai tiha jugo housi profeta Jeremias nia kakorok, harahun tiha hodi dehan iha povo tomak nia oin: “Na’i dehan nune’e: hanesan ne’e duni, mak iha tinan rua nia laran, Ha’u sei harahun ukun Nabucodonosor, liurai Babilónia nian, hodi hasai tiha nia housi nação hot-hotu nia oin’” Nune’e, profeta Jeremias la’o tiha.

Wainhira profeta Ananias harahun tiha jugo nebé hasai housi profeta Jeremias nia kakorok, Na’i lia tun ba profeta ne’e nune’e: “Ó ba hateten ba Ananias nune’e: ‘Na’i dehan: Ó harahun tiha jugo ai nian ida, maibé, Ha’u sei halo iha nia fatin jugo besi asu nian ida, basá, Na’i Lalehan no rai nian, Israel nia Maromak ko’alia nune’e: Ha’u tau jugo besi asu nian ida iha nação sira ne’e nia kakorok, atu sira bele serbi Nabucodonosor, liurai Babilónia nian. sira sei hakru’uk ba nia. Ha’u sei saran ba nia balada fuik sira hotu”.

Profeta Jeremias dehan teni ba profeta Ananias: “Ananias rona ba! Na’i la haruka ó. Ó mak lori povo ne’e hodi fiar iha lia bosok. Tan ne’e, Na’i dehan: “Ha’u hasai ó housi rai ne’e; ó sei mate duni iha tinan ida ne’e nia laran, basá, ó haklaken funu hasouru Na’i. Profeta Ananias mate duni iha fulan hitu tinan nebá nia laran.

Maromak Futar Lia.

 

Salmo Responsorial                                                                                                                                      Sal. 118(119). 29, 43, 79-80, 95, 102 (R. 68)

Refrão : Na’i, hanourin Ita lei mai ha’u!!! Repete-se

Hadook ha’u housi dalan áat,

Haraik graça mai ha’u hodi tuir Ita hakaran.

Keta hadook ha’u ibun housi lialós,

Na’i, ha’u fiar iha Ita liafuan no Ita lei. Refrão

 

Mai to’o iha ha’u, sira be hamta’uk Itaboot,

Sira be moris  tuir Ita ukunfuan.

Ha’u sei la laran susar no mós la moe,

Tan ha’u fuan hatene Itaboot Nia lei. Refrão

 

Sala na’in sira hafuhu ha’u atu halakon ha’u,

Maibé, ha’u neon metin iha Ita orden.

Ha’u la hadook an housi Ita hakaran,

Housi dalan nebé Ita hanourin ona mai ha’u. Refrão

 

Aclamação                                                                                                                                                                                                                            Mt. 4. 4b

Refrão : Aleluia, Aleluia!! Repete-se

Ema la moris de’it ho aihan, maibé ho liafuan sira nebe

Sai housi Maromak futar ibun. Refrão

 

Evangelho                                                                                                                                                                                                                      Mt. 14. 13-21

Na’i Jesus Cristo nia Evangelho nu’udar São Mateus haktuir:

 Iha tempo nebá, rona tiha katak ema oho ona João Baptista, Jesus sa’e ba ró ida hodi ba mesak iha rai fuik maran; maibé hatene tiha ne’e, ema lubun boot husik cidade sira hodi la’o tuir buka Nia. Tun housi ró hodi haré ema barak ne’e, Nia hanoin teb-tebes sira hodi fó isin di’ak ba sira nebé moras.

Loraik daudaun ona, escolante sira hakbesik ba Nia hodi dehan: “Fatin ne’e rai fuik, no kalan besik ona; haruka ema sira ne’e ba ona, atu sira bele sosa aihan iha knua sira”. Nune’e Jesus dehan ba sira: “Sira lalika ba; imi rasik fó han ba sira”. Sira hatan ba Nia: “Ami iha de’it pão fuan lima no ikan rua”. “Lori sira mai”, Nia dehan. Hafoin Nia haruka ema lubun boot tur iha du’ut leten. Nia káer pão fuan lima no ikan rua ne’e, foti matan ba Lalehan hodi fó bensa. Tuir mai Nia silu pão sira ne’e hodi fó ba escolante sira; hafoin sira fahe ba ema lubun boot. Sira hotu han to’o bosu; baluk sira nebé resin, sira tau ba luhu sanulu resin rua nakonu! Ema sira nebé han hamutuk mane rihun lima, la sura feto no labarik sira.

Lia Maksoyn.

DOMINGO COMUM XVIII/Ano A/2020

Is. 55,1-3  Rom 8,35.37-39  Mat 14,13-21

 

Caros irmao em Cristo. Acabamos de ouvir a palavra de Deus que nos convida em primeiro lugar a reconhecer o amor infinito de Deus, o seu acompanhamento e a sua fidelidade para conosco. Em Segundo lugar Ele nos convida a regressarmos a Ele para viver na verdadeira liberdade.

A primeira leitura da nós o testemunho sobre como Deus acompanhou o seu povo, encorajou e o salvou da escravidão.

Antes de mais, a leitura que nos é proposta revela o “coração” de Deus: o seu amor, o seu cuidado, a sua preocupação com a situação de um Povo que vive na miséria, no sofrimento, na desolação. Deus não fica, nunca, indiferente à sorte dos seus filhos; mas está continuamente atento às suas necessidades, à sua fome de vida, à sua sede de felicidade. Os crentes podem estar seguros de que, à mesa desse banquete onde Deus os reúne, encontram o alimento que os sacia, a mão que os apoia, a palavra que lhes dá ânimo, o coração que os ama.

A reflexão deste texto convida-nos, antes de mais, a descobrir este Deus providente, amoroso e dedicado e a colocar toda a nossa existência nas suas mãos. Convida-nos também a sermos testemunhas deste Deus no meio dos nossos irmãos: têm de encontrar nos nossos gestos e palavras esse “coração” amoroso de Deus que os apoia, que lhes dá esperança, que os ajuda a recuperar a dignidade e o gosto pela vida, que lhes mata a fome e a sede de justiça, de fraternidade, de amor e de paz.

Se é verdade que Deus não cessa de nos oferecer a salvação, também é verdade que nós, os homens, nem sempre acolhemos a oferta que Deus nos faz. Muitas vezes escolhemos caminhos de egoísmo e de auto-suficiência, à margem do “banquete” de Deus. Na leitura que nos foi proposta, há um apelo a não gastar o dinheiro naquilo que não alimenta e o trabalho naquilo que não sacia. Corresponde a um convite a não nos deixarmos seduzir por falsas miragens de felicidade (os bens materiais, a ilusão do poder, os aplausos e a consideração dos outros homens) e a não gastarmos a vida a beber em fontes que não matam a nossa sede de vida plena e verdadeira.

Para acolher os dons que Deus oferece, é preciso desinstalar-se, abandonar os esquemas de comodismo e de preguiça que impedem que no coração haja lugar para a novidade de Deus e para os desafios que ele lança.

A segunda leitura é um hino ao amor de Deus pelos homens. É esse amor – do qual nenhum poder hostil nos pode afastar – que explica porque é que Deus enviou ao mundo o seu próprio Filho, a fim de nos convidar para o banquete da vida eterna.

Sabemos que todos nós vivemos mergulhados numa realidade de pecado; mas a bondade de Deus nos oferece de forma gratuita e incondicional, a salvação que chega a nós os homens através de Jesus Cristo. O Espírito Santo é que nos dá a força para acolher esse dom, para renunciar à vida do egoísmo e do pecado e para ascender a uma nova situação – a situação de “filho de Deus”.

Caros irmão, Acolher a salvação que Deus oferece, identificar-se com Jesus e percorrer com Ele o caminho do amor a Deus e da entrega aos irmãos não é, no entanto, um caminho fácil, de triunfos e de êxitos humanos; mas é um caminho que é preciso percorrer, tantas vezes na dor, no sofrimento e na renúncia, da opressão, do egoísmo e da injustiça. Apesar das barreiras que é necessário vencer, das nuvens ameaçadoras e dos mil desafios que, dia a dia, se põem ao crente que segue o caminho de Jesus, o cristão pode e deve confiar no êxito final. Porquê? É a esta questão que Paulo procura responder nestes versículos que nos são hoje propostos.

Para Paulo, há uma constatação incrível, que não cessa de o espantar: Deus ama-nos com um amor profundo, total, radical, que nada nem ninguém consegue apagar ou eliminar. Esse amor veio ao nosso encontro em Jesus Cristo, atingiu a nossa existência e transformou-a, capacitando-nos para caminharmos ao encontro da vida eterna. Ora, antes de mais, é esta descoberta que Paulo nos convida a fazer… Nos momentos de crise, de desilusão, de perseguição, de orfandade, quando parece que o mundo está todo contra nós e que não entende a nossa luta e o nosso compromisso, a Palavra de Deus grita: “não tenhais medo; Deus ama-vos”.

Descobrir esse amor dá-nos a coragem necessária para enfrentar a vida com serenidade, com tranquilidade e com o coração cheio de paz. O crente é aquele homem ou mulher que não tem medo de nada porque está consciente de que Deus o ama e que lhe oferece, aconteça o que acontecer, a vida em plenitude. Pode, portanto, entregar a sua vida como dom, correr riscos na luta pela paz e pela justiça, enfrentar os poderes da opressão e da morte, porque confia no Deus que o ama e que o salva.

 

O Evangelho apresenta-nos Jesus, o novo Moisés, cuja missão é realizar a libertação do seu Povo. No contexto de uma refeição, Jesus mostra aos seus discípulos que é preciso acolher o pão que Deus oferece e reparti-lo com todos os homens. É dessa forma que os membros da comunidade do Reino fugirão da escravidão do egoísmo e alcançarão a liberdade do amor.

Antes de mais, o texto convida-nos a reflectir sobre a preocupação de Deus em oferecer a todos os homens a vida em abundância. Ele convida todos os homens para o “banquete” do Reino… Aos desclassificados e vivem à margem da vida, aos que têm fome de amor e de justiça, aos que vivem no desespero, aos que têm permanentemente os olhos nas lágrimas de tristeza, aos que não têm pão na mesa nem paz no coração, Deus diz: “quero oferecer-te essa plenitude de vida que os homens teus irmãos te negam. Tu também estás convidado para a mesa do Reino”.

A narração que hoje nos é proposta tem um inegável contexto eucarístico (as palavras “ergueu os olhos ao céu e recitou a bênção, partiu os pães e deu-os aos discípulos” levam-nos à fórmula que usamos sempre que celebrámos a Eucaristia). Na verdade, sentar-se à mesa com Jesus e receber o pão que Ele oferece (Eucaristia) é comprometer-se com a dinâmica do Reino e é assumir a lógica da partilha, do amor, do serviço. Celebrar a Eucaristia obriga-nos a lutar contra as desigualdades, os sistemas de exploração, os esquemas de açambarcamento dos bens, os esbanjamentos, a procura de bens supérfluos… Quando celebramos a Eucaristia e nos comprometemos com uma lógica de partilha e de dom, estamos a tornar Jesus presente no mundo e a fazer com que o Reino seja uma realidade viva na história dos homens.

O problema da fome no mundo não se resolve recorrendo a programas de assistência social, de “rendimento mínimo garantido” ou de outros esquemas de “caridadezinha” (que em Timor ainda ha autoridade que a considera como minimizar a dignidade humana, que para nós muito estranho); mas resolve-se recorrendo a uma verdadeira revolução das mentalidades, que leve os homens a interiorizar a lógica de partilha como Jesus fez. Os bens que Deus colocou à disposição dos seus filhos não podem ser acumulados so por alguns; pertencem a todos os homens e devem ser postos ao serviço de todos. É preciso quebrar a lógica do capitalismo, a lógica egoísta do lucro, e substitui-la pela lógica do dom, da partilha, do amor. Sem isto, nenhuma mudança social criará, de verdade, um Timor e um mundo mais justo e mais fraterno.

 

Motael, 02 de Agosto de 2020, Domingo XVIII-Ano A, Pb.

IMI HARÉ FO HAN BA SIRA

DOMINGO COMUM XVIII/Ano A/2020

Is. 55,1-3  Rom 8,35.37-39  Mat 14,13-21

 

Maromak lia tun nune’e: “Imi hotu nebé hamrook, mai wé-matan; imi la iha karik osan, mai de’it nune’e……Ema la moris de’it ho Pão, Maibé, ho liafuan tomak Nebé mai housi Maromak. Tan ne’e, ha’u fiar metin katak mate ka moris, anjo sira ka Na’i-ulun sira, ohin ka aban, aas ka klean, naran criatura seluk ida, la bele haketak ita hosi Maromak nia Domin nebé hatudu ona iha Na’i Jesus Cristo.

Relato Evangelho Haktuir katak Jesus halo milagre ba pão fuan lima ho ikan pedaço rua hodi fo han ema rihun lima liu too pão ne’e sai naresin tan. Evangelista sira tanto Marcos, Lucas no João mos hakerek relato hanesan kona ba Jesus fo han ema wain ne’e. Evangelista sira halo relato ne’e depois de João Baptista Herodes oho tiha ona. Situação iha altura nebá halo de tal maneira que pvoo precisa tebes lider ida ou bibi atan ida hodi guia no horik ho sira. Tanba ne’e mak Jesus nia milagre nakfilak pão fuan lima ba ema rihun lima resin nu’udar sinal ida katak Nia mak figura lider nebé sira precisa no Jesus sei guia sira tuir dalan domin ni’an la’os dalan funu. Jesus nia ação milagrosa ne’e mós nu’udar sinal prefiguaração ida katak iha reino lalehan, ema hotu sei bosu la nahas.

Rona tiha katak Herodes oho tiha ona João Baptista, Jesus buka dalan atu hasees-An tiha lai ba fatin ruma. Nia sae tiha ba ro kiik ida:“Jesus sa’e mesak ba ró, hodi ba fatin fuik. Maibé ema lubun boot nebé hatene, housik tiha cidade hodi tuir Nia. Tun tiha housi ró, Jesus haré ema lubun boot ida. Hanoin teb-tebes sira, hodi fo isin di’ak ba sira nebé moras”. Jesus  nia compaixão ne’e nu’udar expressão divina ida katak Maromak deseja tebes atu tau matan ba Ninia emar sira isin no klamar tomak. Iha ne’e, Jesus habosu sira ho Lia Fuan (Evangelho/doutrina) no cura sira nia moras no hamlaha liu housi milagre multiplicação pão.

Rona, Lé no contempla tiha Jesus nia milagre iha Evangelho semana ne’e, certamente ita sira otas ne’e husu; tansa Jesus la halo tan milagre ba ema sira nebé ohin loron barak sei halerik ba hamlaha no buka hela lider diak ida atu ukun rai ne’e?

Afinal, wainhira enfrenta situação ema hirak nebé kuran hahan, Jesus la directamente halo kedas milagre hodi pamer Ninia kbiit divina dw maneira halo mosu kedas pão ho ikan hodi fo han ema maibé, Jesus husu uluk ba nia escolante sira; saida mak sira iha hodi fahe ba ema wa’in ne’e; escolante sira dehan ba Jesus: “Haruka ona ema sira ne’e fila ba sira nia knuan, atu ba sosa hahan. ”Maibé Jesus simu ba sira: “Lalikan; imi haré fo han ba sira”. Housi processo buka hodi halibur ai-han ne’e mak sira consegue recolha deit pão fuan lima no ikan rua. Housi buat nebé limitado ne’e, tan sira silu fahe hanesan mak ikus mai fohan ema wain hetan hotu sira nia parte hodi han too bosu.

Tempo ohin loron mos Maromak continua hamatan Ninia emar sira ho lalaok hanesan. Nu’udar Jesus husu escolante sira atu fohan ema wa’in, nune’e mos oras ne’e, Jesus continua husu ita (Cristão Católico-simu ona we-baptismo) fohan eh fahe saida mak ita iha ba ema sira nebé ohin loron sei hamlaha ou kuran tebes buat barak iha moris ne’e.

Nune’e mosu tan pergunta; ita sei bele fo culpa ba Maromak tan sa la fo han ema sira ohin loron kiak, hamlaha  quinto canto ne’e? Ita haré estilo de vida sociedade ohin loron; ema barak buka halibur osan hodi la bele kuran ai-han, politico sira buka assegura poder hodi hetan rendimento housi osan estado, fahe projecto, fahe poder ba partidário sira, religioso balu haluha ona sira nia espiritualidade pobreza hodi monu ba tendência moris luxo too haluha tiha katak sociedade precisa moris justo no hot-hotu hetan tratamento hanesan iha estado ida nia laran. Ita hare no rona iha notícia sira katak nação barak iha planeta ne’e (maior parte continente áfrica ho ásia balu) sei moris susar enquanto iha continente sira hanesan Europa no Ámerica sorin balu, ema começa ona aloca osan bilião ba bilião hodi halo pesquisa oinsa ema bele ba too planeta Mars. Será que too ponto ida ne’e, ita husu Maromak halo milalgre nafatin hodi fo han ema sira hamlaha iha rai ne’e, enquanto ema balu, grupo balu, companhia balu, partido balu hetan moris diak tan deit explora recurso rai ne’e ba interece rasik?

Sociedade ohin loron, ema começa trata animal sira hanesan ema, enquanto iha sikun balun, ema explora ema hodi hariku-an no grupo ou partido? Continente Africa ho Ásia sorin balu sai exemplo oinsa povo moris kiak iha nação nebé riku tebes ho recursos naturais sira. Timor maske rai kiik no riku mos ho mina maibé, tan sa ukun-an tinan 20 ona, governante sira riku matak wainhira mandato remata pois simu tan pensão vitalícia enquanto povo eleitor sei susar tebes atu aceeso be mos. Acesso estrada, acesso electricidade, iha netik osan oitoan hodi halo netik uma taka baluk ida eh sosa netik fos saka ida rua ba tempo naruk.

Resposta mak ne’e, ita sira nebé iha netik buat ruma, fahe netik ba hirak nebé precisa ita nia apoio. Oinsá ho sira nebé riku maibé, hateke ema kiak sira la hetan? Oinsa ho político sira nebé dehan povo mak fo confiança sai governante maibé, too mandato hotu sira riku maibé, povo nia nível prosperidade mukit nafatin? Oinsa ho religioso sira nebé oras ne’e moris diak liu fali povo sarani? Evangelho semana ne’e ita rona; ”Maibé Jesus simu ba sira: “Lalikan; imi haré fo han ba sira”.

Reflecte ba realidade ne’e, ita nu’udar Cristão Católico nebé baptizado, saida mak ita halo ona nu’udar milagre ba ita nia sociedade? Too ponto ida ne’e, político sira mos talves la brani fo resposta. Resposta nebé ita hotu acompanha mak pulsa electricidade 30 dólares ba fulan rua, subsídio 200 dólares ba fulan rua nebé nakobu ho lacuna (flahanço técnico) no conflito de interece, subsídio ba pessoa linha frente sira nebé hamosu polémica tan hirak nebé fora de linha frente simu subsídio boot liu hirak nebé luta iha linha frente, no ida nebé atraido liu housi situação ne’e mak político sira buka hatun malu, hadau malu poder hodi assegura poder, fahe poder ba malu até acto política balu contrário ho regulamento (Lei) em vigor.

Covid19 hanorin ona buat lubuk ida ba ita nu’udar Timor oan. Wainhira Estado emergência implementa empresário estrangeiro sira taka sira nia loja eh companhia abandona trabalhador Timor oan, sira repatria ba sira nia rain enquanto Timor oan ho Timor oan mak buka dalan hodi fo tulun malu. Lalaok ne’e ita bele provas housi existência grupo apoio humanitário lobuk ida, Paróquia sira iha Diocese tolu, partido politico balun, esposa do Presidente da República, nebé fahe ai-han ba ema lubuk nebe hetan impacto directa housi covid19 no implementação Estado de Emergência durante fulan rua resin. Apoio humanitário hirak ne’e, maske mai housi entidade oi-oin maibé, mesak Timor oan deit, enquanto companhia estrangeiro sira nebé mai buka moris iha Timor, taka tiha sira nia empresa hodi fila ba sira nia rai too remata mak sira mai continua sira nia empresa.

Simplesmente, lalaok hirak ne’e ita hanaran ação caridade tanba ita nia sentimento solidariedade nu’udar ema no nu’udar Timor oan. Ne’e significa ita iha disponibilidade hodi fahe maske ita mos menos hela. Buat nebé extraordinário housi grupo solidariedade sira durante tempo Estado Emergência ne’e mak sira arisca sira nia vida no tempo hodi buka halibur ai-han necessidade básica hafoin distribui hikas ba família sira nebé identificado mais vulnerável economicamente. Housi sorin seluk, covid19 mos sai hanesna oportunidade diak ba político sira hodi assegura no hamonu malu iha âmbito poder. Fahe poder ba partidário sira nebé serviço ba partido, balu halo cobrança ba ema hirak nebé hetan cargo tan recomenda housi partido, seluk aproveita situação hodi hetan lucro housi subsídio 200 dólares no subsídio ba pessoa linha frente sira. Too iha ponto ida ne’e, ita nu’udar Católico hatene ona distingue (Membedakan) ação solidariedade nebé mak iha valor moral no ida nebé mak lao iha valor moral. Los duni, ita atu halo diak ba ema ne’e la fácil maibé, obrigação sarani fanun nafatin ita hodi halo netik buat ruma ba ema sira nebé precisa tan Jesus dehan: “imi haré fo han ba sira”.

Iha âmbito global, ita haré, nação barak fo importância liu ba business fábrica kilat (neclear), balu sosa, balu hasubar nuclear/atom hodi antecipa funu, enquanto povo iha nação hirak ne’e lobukida sei moris kiak hela. Imagina se osan fábrica kilat no sosa kilat mak utiliza hodi halo uma eh fo netik hahan ba ema kiak sira, certamente, reduz ona número hamlaha no redus mos exploração excesso (belebihan) na natureza. Iha contexto Timor, se osan pensão vitalícia mak uza hodi canaliza be mos ba comunidade, certamente problema be mos sei la hetan tan lamentaçào housi povo. Périto ou seja economista balu nebé fo improtância liu ba economia Macro hodi ignora tiha economia Micro. Nação barak (liliu continente África no Ásia) nebé riku tebes ho recursos naturais maibé, povo continua moris iha pobreza tan deit ukun nain sira nebé kaan ten hakarak han mes-mesak no nação boot sira nebé iha kbiit economia manipula preço recursos naturais iha mercado global. Tanba ne’e mak Papa Emérito Bento XVI dehan; mundo ohin loron; ema hadau malu halibur riku-soin too haluha tiha Maromak. Ema hadau malu atu halibur riku soin too haluha tiha katak wainhira mate too mai, ita sei fila ba rai rahun ho isin lolon tanan deit no ema seluk mak sei fahe no hadau malu ita nia riku sira nebé durante ne’e ita halibur bulak rai.

Então, nu’udar Evangelista João relata katak labarik ida mak iha pão fuan lima no ikan rua, ne’e nu’udar nu’udar símbolo ida katak perante Maromak, ita nu’udar buat kiik oan ida nebé precisa fahe housi saida mak ita iha maske limitado. Sentimento solidariedade mak sai hanesan mensagem principal housi Jesus ba ita sarani sira. Tanba ne’e mak Jesus dehan: “imi haré fo han ba sira”. lalaok kiik hirka ne’e maske la muda mundo maibé, halo netik buat ruma ba mundo liu housi caridade hirak ne’e; sim ba ema barak acto ne’e folin laek maibé, ba Maromak, ne’e folin boot liu hotu.Maske kiik maibé Bíblia dehan; até fuuk lahan mos sei sura hotu. Ne’e mak caridade nia valor iha Maromak nia futar oin. Desgraça boo mak wainhira lider hanesan Xanana halo visita hodi fahe apoio necessidade básica maibé, representante povo balu dehan fali Xanana buka votos. Ate Bispo Maliana dehan deputado/a ne’e blaar hela.

Característica sarani ida mak ita nia sentimento solidariedade basá, Jesus rasik mos sente no hatudu lalalok ne’e;… Jesus haré ema lubun boot ida. Hanoin teb-tebes sira,(…).

Menon ikus liu housi Evangelho semana ne’e  mak: “… Kaer tiha pão fuan lima ho ikan rua ne’e, foti matan ba lalehan, hodi haraik bença. Hafoin, Nia silu fahe tiha fo ba Escolante sira atu fahe ba ema sira ne’e. Sira hotu han to’o bosu.” Lalaok housi Jesus nia expressão ne’e mak ohin loron, para além de ita pratica iha moris caridade nian, oraçãao ne’e mos repete bebeik iha celebração Eucaristia (Missa) wainhira tama iha rito de elevação no consgração. Iha missa ita simu comunhão housi hostia pedaço kiik ida maibé, ne’e too ona hodi habosu klamar no hakonu saudades hasoru Maromak ba loron ida nian. Nu’udar Cristo fo han ema rihun iha relato Evangelho, nune’e mos Cristo sei nafatin fo han ita iha loron ikus too naresin. Saida mak ita fahe iha rai ne’e, sei halibur hamutuk nu’udar ita nia tesouro (murak mean) ou cofre iha lalehan atu loron ida, fila hikas mai ita. Nu’udar música nebé ema hananu; Buat nebé o halo mai hau, ema seluk sei halo ba o. Se o halo diak, ema seluk mos sei halo diak; se o halo aat, ema seluk mos sei halo aat. Se o ukun diak, povo sei hahí, se o ukun nakonu ho aproveita, povo sei haluha o wainhira o mate. <Assim Seja e Bem Haja (ignas2020)>

XVIII DOMINGO TEMPO COMUM (ANO A)

Primeira Leitura                          1 Is. 55. 1-3

Lia housi Livro Profeta Isaías:

Maromak lia tun nune’e:  “Imi hotu nebé hamrook, mai wé-matan; imi la iha karik osan, mai de’it nune’e.  Imi sosa hodi hemu tua no susu-wén, lalika lakon osan. Tan sa imi lakon ba buat nebé laos ai-han?  Fo imi nia kolen nia folin ba buat nebé la halo bosu? Buka rona ha’u, imi sei han buat nebé di’ak; imi sei koko hahan mesa furak de’it. Rona didi’ak ha’u, mai buka ha’u; rona mai, imi nia klamar sei moris. Ha’u sei halo moruk rohan laek ida hamutuk ho imi, ho kmanek la iha rohan; kmanek nebé hakotu ona ba David”.

Maromak Futar Lia.

 

Salmo Responsorial                                                                                                                                                               Sal. 144(145), 8-9. 15-16. 17-18

Refrão : Na’i, hamamar Ita liman, hodi haraik ai-han mai ami!!! Repete-se

Na’i, ha’u dehan: 

Maromak laran di’ak no kmaus,

la rai hirus, perdua nafatin.

Maromak laran di’ak ba ema tomak,

hadomi nafatin criatura tomak. Refrão

 

Ema tomak tau matan hodi hein Maromak;

Maromak haraik ai-han kalan loron;

Na’i, hamamar Ita liman,

hodi haraik ai-han ba criatura sira. Refrão

 

Maromak la’o tuir los Nia hanoin,

hatudu laran di’ak ba criatura sira;

Maromak besik ba sira nebé harohan,

ba sira nebé harohan tebes. Refrão

 

Segunda Leitura                                                                                                                                                                                                 Rom 8, 35. 37-39

Lia housi São Paulo nia surat ba sarani sira iha Roma:

Maun-alin sira:  Ema se bele haketak ita housi Cristo Nia domin? Neon susar ka terus, ema duni ka hamlaha, molik ka susar, eh surik karik? Maibé, iha buat ne’e hotu, ita brani liu tan Ida nebé hadomi ita. Tan ne’e, ha’u fiar metin katak mate ka moris, anjo sira ka na’i-ulun sira, ohin ka aban, aas ka klean, naran criatura seluk ida, la bele haketak ita housi Maromak nia domin nebé hatudu ona iha Na’i Jesus Cristo.

Maromak Futar Lia.

 

Aclamação                                                                                                                                                                                                                              Mt 4, 4b

Refrão : Aleluia, Aleluia!! Repete-se

Ema la moris de’it ho Pão, maibé,

ho lia-fuan tomak nebé mai housi Maromak. Refrão

 

Evangelho                                                                                                                                                                                                                       Mt 14, 13-21

Na’i Jesus Cristo nia Evagelho nu’udar São Mateus haktuir:

Iha tempo nebá, rona tiha katak ema oho ona João Baptista, Jesus sa’e mesak ba ró, hodi ba fatin fuik ida. Maibé, ema lubun boot nebé hatene, husik tiha cidade hodi tuir Nia. Tun tiha housi ró, Jesus hare ema lubun boot ida. Hanoin teb-tebes sira, hodi fo isin di’ak ba sira nebé moras. To’o loron kraik, Escolante sira besik ba Jesus, hodi dehan:  “Fatin ne’e rai-fuik, loron mos monu daudaun ona. Haruka ona ema sira ne’e fila ba sira nia knuan, atu ba sosa hahan.” Maibé, Jesus simu ba sira:  “Lalikan; Imi hare fo han ba sira.” Sira hatan ba Jesus: “Ami iha de’it pão fuan lima no ikan rua.” Jesus dehan teni: “Lori mai.” Jesus haruka ema sira ne’e tur hotu iha du’ut. Kaer tiha pão fuan lima no ikan rua ne’e, foti matan ba lalehan, hodi haraik bensa. Hafoin, Nia silu fahe tiha fo ba Escolante sira atu fahe ba ema sira ne’e. sira hotu han to’o bosu. Sira halibur baluk hotu nebé resin, tau iha luhu sanulu resin rua to’o nakonu. Ema sira nebé han, mane de’it besik rihun lima, la sura feto no labarik oan sira.

Lia Maksoyn.

Sábado, XVII Semana Tempo Comun (ANO A)

Primeira Leitura              Jer. 26. 11-16, 24

Lia housi Livro Jeremias nian:

Iha loron hirak nebá, na’ilulik no profeta sira dehan ba ulun sira no povo tomak: “Ema ne’e tenki mate tan nia siik kona ba cidade ne’e, nu’udar imi hotu rona ho imi nia tilun rasik.” Nune’e, Jeremias dehan ba ulun sira no povo tomak: “Na’i mak haruka ha’u mai atu ha’u siik hodi ko’alia hasouru templo ne’e no hasouru cidade ne’e, hanesan imi rona tiha ona. Ne’e duni, imi buka fila imi nia hahalok ba di’ak, imi rona didiak Na’i, imi nia Maromak, Nia lia tatoli hodi moris tuir, atu Nia keta haruka todan nebé Nia haklaken hasouru imi. Kona ba ha’u, ha’u iha imi nia liman; halo mai ha’u buat nebé di’ak liu no lós liu tuir imi. Maibé, imi sei hatene lolós katak, imi fó karik mate mai ha’u, imi sei simu konta kona ba ema sala laek ida nia ran, imi sira be iha cidade ne’e no povo tomak cidade ne’e nian.”

Tan ne’e, ulun sira no povo tomak dehan ba na’ilulik no profeta sira: “Ita la bele fó mate ba nia, basá, Nia mai hodi Na’i, ita Maromak nia naran, atu ko’alia mai ita”.

Jeremias simu tulun housi Aican, Safa nia oan, nune’e nia la monu ba povo nia liman atu sira oho nia.

Maromak Futar Lia.

 

Salmo Responsorial                                                                                                                                             Sal. 68(69). 15-16, 30-31, 33-34 (R. 14c)

Refrão : Tan Ita laran di’ak, rona ha’u, Na’i!!! Repete-se

Na’i, hasai ha’u housi tahu iha nebé ha’u mout ba,

Soi ha’u housi sira be rai kunan hasouru ha’u;

Keta husik atu laloran sira dada ha’u,

Ba tasi naruk iha nebé ha’u bele lakon. Refrão

 

Na’i, ha’u kiak no folin laek,

Ha’u hein Ita nia tulun;

Ho knananuk ha’u sei hahí naran ha’u Maromak nian,

Hodi agradece, ha’u sei hahí Ita naran boot. Refrão

 

Haraik-an sira, rona no haksolok ba,

Buka Na’i, imi fuan sei hetan fali ksolok;

Na’i rona ema kiak sira

No la fila kotuk ba sira be ema hanehan. Refrão

 

Aclamação

Refrão : Aleluia, Aleluia!! Repete-se

Rahun di’ak ba sira nebé ema duni tan hadomi justiça,

basá reino lalehan sira nian. Refrão

 

Evangelho                                                                                                                                                                                                              Mt. 14. 1-12

Na’i Jesus Cristo nia Evangelho nu’udar São Mateus haktuir:

Iha tempo nebá, liurai Herodes rona kona ba Jesus nia naran boot. Herodes dehan ba nia emar sira: “Tebes, ema ne’e João Baptista nebé moris fali ona! Tan ne’e nia iha biit atu halo milagre sira.”

Herodes kaer duni João hodi futu nia ho corrente no hatama nia iha kadeia tanba Herodiades, nia alin Filipe nia káben; basá João dehan ba nia: “ O la bele hola nia.” Herodes hakarak oho João maibé nia ta’uk povo basá povo haré nia nu’udar profeta. Maibé iha loron nebé Herodes halo tinan, Herodes nia oan feto dansa iha ema hotu nia oin hodi fó ksolok ba Herodes. Tan ne’e, nia hakotu lia ho juramento atu fó ba fetoran ne’e buat hotu nebé nia husu. Hodi nia inan nia liafuan, nia hatan: “Fó mai ha’u João Baptista nia ulun iha bikan boot ida.”

Liurai neon susar, maibé tanba nia juramento no nia bainaka sira, nia haruka ema atu tesi João nia ulun iha kadeia laran hodi lori mai. Sira lori ulun mai iha bikan hodi fó ba fetoran nebé fó fali ba nia inan. João nia escolante sira mai foti nia isin hodi ba hakoi; hafoin sira ba fó hatene ba Jesus.

Lia Maksoyn.

COMISSÃO PERMANENTE NAFATIN FUNCIONA PN IHA TEMPO RECESSO

DILI 30 Julho 2020 (DCAD) – Vice Presidente Parlamento Nacional Maria Angelina Lopes Sarmento hateten, representante povo iha Uma Fukun Parlamento Nacional aban hahu recesso no ninia terminação iha 14 Setembro 2020. Tuir Vice Presidente Parlamento Nacional ne’e katak Comissão permanente nafatin baseia ba regimento nebé funciona iha tempo recesso, iha composição sira fahe tuir proporcionalidade ba acento parlamentar iha bancada ida-idak ni’an.   “Comissão permanente nafatin baseia ba regimento nebé funciona iha tempo recesso, iha composição sira fahe tuir proporcionalidade ba acento parlamentar iha bancada ida-idak nian. Tanba ne’e mak número total membros ba comissão permanente ne’e iha 31 e depois kona ba wainhira mak funciona la descreve claro iha regimento. Maibé tuir experiência sira tinan  legislatura sira ba kotuk ni’an deputado sira normalmente halo reunião plenária housi comissão permanente nian cada semana rua-rua mai iha plenária. Karik  membro permanente sira la marca presença nia substituente sira tem que substitui no ida ne’e obrigatório ba sira hotu atu participa, karik iha assunto urgente ruma la precisa tem que hein to’o 15 dias mais bele cada semana comissão permanente bele funciona, haktuir Vice Presidente Parlamento Nacional Maria Angelina Lopes Sarmento iha Palacio do Governo quinta(30/07) semana ne’e.

Vice Presidente Parlamento ne’e mós sublinha tan katak, cada bancada depende ba proporsionalidade bancada ida-idak ni’an.

 “hanesan PLP iha cadeira 8 hetan deputado na’in 2, maibé meja do parlamento hanesan presidente, vice sira  ho secretária da meja ne’e automaticamente faz parte ba comissão permanente. Ha’u la lembra iha lista ne’e horiseik (29/07) le’e sai bancada Fretilin iha número nebé boot liu, bancada kiik sira mós faz parte hotu hanesan bancada PUDD ho Frente Mudança/UDT, deputado ida-idak hola parte iha comissão permanente, tenik Vice Presidente”.

Projeto deliberação prorrogação periodo funcionamento Parlamento Nacional too 30 Julho. Tanba ne’e iha loron 15 Julho la consegue recesso tanba iha agenda importante balu nebé sei pendente.

“deputado sira hatene ona tanba halo tiha ona resolução ida nebé prolonga hosi dia 15 de Julho dada  to’o dia 30 de Julho, então deputado sira hotu hatene ona tanba resolução ne’e menciona kona ba prolonga ka adia data recesso nian emves de hala’o requisito los, oras hanesan ne’e ami recesso ona, dehan Angelina”. (Marta & Alin S’Gama)

Sexta-Feira, XVII Semana Tempo Comun (ANO A)

Primeira Leitura                         Jer. 26. 1-9

Lia housi Livro Jeremias nian:

Wainhira Joaquim, Josias nia oan, hahu ukun Judá nu’udar liurai, Na’i lia tun ba Jeremias nunen’e: “Na’i ko’alia nune’e: ‘Ó ba, hamriik iha Na’i nia templo oin, hodi ko’alia ba Judá nia emar sira nebé mai iha Na’i nia templo hodi takrabat ba rai, hateten liafuan hotu nebé Ha’u haruka atu dehan ba sira, la bele mós halakon liafuan ida. Sira hakarak rona karik no ida-idak hakribi nia hahalok áat, nune’e, Ha’u sei la haruka todan nebé Ha’u hanoin hamonu iha sira leten tan sira nia hahalok áat sira. Ne’e duni, ó dehan ba sira katak Na’i ko’alia nune’e: Imi lakohi rona karik Ha’u, tuir lei nebé Ha’u haruka ona ba imi, imi lakohi tuir karik profeta sira nia liafuan, sira be serbi Ha’u, nebé Ha’u haruka ona ba imi, maibé imi lakohi rona, Ha’u sei halo templo ne’e hanesan Ha’u halo ba Silo, no Ha’u halo cidade ne’e nu’udar hun malisan nian ida ba povo tomak mundo rai-klaran nian.”’

Na’ilulik sira, profeta sira no povo tomak rona Jeremias ko’alia liafuan hirak ne’e iha Na’i nia templo. Uanhira Jeremias haklaken hotu tiha buat hotu nebé Na’i haruka nia atu hato’o ba povo tomak, nai’lulik sira no profeta sira tau liman ba nia hodi dehan: “Ó tenki mate; tan sá hodi Na’i nia naran ó hanourin katak templo ne’e sei sai hanesan Silo, cidade ne’e sei sai rahun, no povo mós sei mohu?” Povo tomak halibur hale’u Jeremias iha Na’i nia templo.

Maromak Futar Lia.

 

Salmo Responsorial                                                                                                                                                              Sal. 68(69). 5, 8-10, 14 (R. 14c)

Refrão : Na’i, tan Ita laran-luak tebes, rona ha’u!!! Repete-se

Barak liu fali ha’u nia fúuk,

Sira be rai kunan folin laek hasouru ha’u;

Tós liu fali ha’u ruin sira,

Sira be duni ha’u la tuir justiça. Refrão

 

Na’i, tan Ita, ha’u terus liafuan áat sira,

No nakukun taka ha’u oin.

Badinas ba Ita uma tolan tiha ha’u,

Monu mai ha’u leten,

Liafuan áat hasouru Ita boot. Refrão

 

Na’i, ha’u harohan ba Ita boot,

Tan Ita domin mak tulun ha’u.

Na’i rona ha’u, iha oras Ita graça nian,

Tan Ita laran di’ak, mai tulun  ha’u. Refrão

 

Aclamação

Refrão : Aleluia, Aleluia!! Repete-se

Maromak Nia liafuan hela ba nafatin.

Ne’e mak liafuan di’ak nebé haklaken tiha ba imi. Refrão

 

Evangelho                                                                                                                                                                                                                     Mt. 13. 54-58

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus fila ba nia rain. Nia hanourin iha sinagoga, halo ema hotu hakfodak hodi dehan: “Nia matenek ho nia biit hodi halo milagre hirak ne’e mai lós housi nebé? Nia laos badaen ai nia oan? Nia inan nia naran la’os Maria, no mós nia maun alin nia naran la’os Tiago, José, Simão ho Judas? Nia feton la hela hamutuk ho ita? Ne’e duni, buat hirak ne’e hotu, Nia hetan lós housi nebé?” No sira lakohi simu Nia. Maibé Jesus dehan ba sira: “Iha ita nia rai de’it no iha nia uma rasik mak ema heuuai profeta ida.” Nia la halo milagre barak iha nebá, tan ema sira la fiar.

Lia Maksoyn.

Quinta-Feira, XVII Semana Tempo Comun (ANO A)

Primeira Leitura                        Jer. 18. 1-6

Lia housi Livro Jeremias nian:

Na’i lia tun ba Jeremias nune’e:”Ó hamriik ba hodi tun ba badaen sanan rai nia uma; iha nebá, Ha’u sei halo ó rona Ha’u liafuan sira.” Ha’u tun duni ba badaen sanan rai nia uma, ha’u hetan nia serbisu hela. Uanhira vasu nebé nia halo sei laduun di’ak, hanesan tahu nebé iha badaen sanan rai nia liman, ho tahu ne’e nia halo vasu seluk ida, tuir ida be nia hanoin ba di’ak liu. Hafoin, Na’i lia tun mai ha’u nune’e: “Uma kain Israel nian, bele Ha’u sei halo ba imi hanesan badaen sanan rai halo? – Na’i dehan.

Hanesan tahu iha badaen sanan rai nia liman, nune’e mós imi iha Ha’u liman, uma kain Israel nian”.

Maromak Futar Lia.

 

Salmo Responsorial                                                                                                                                                     Sal. 145(146). 2abc, 2d-4, 5-6 (R. 5ª)

Refrão : Ksolok ba ida be hetan tulun housi Maromak Jacob nian!!! Repete-se

Ha’u klamar, hahí Na’i,

Sei hahí nafatin iha ha’u moris tomak;

Ha’u sei hananu ba ha’u Maromak

Uanhira ha’u sei moris. Refrão

 

Imi keta laran metin iha biit na’in sira,

Iha ema sira be la bele soi imi;

Sira husik sira nia espírito hodi fila ba rai,

No sira hakaran mós lakon.  Refrão

 

Ksolok ba ida be hetan tulun,

Housi Maromak Jacob nian,

Hodi tau neon iha Na’i, nia Maromak,

Nebé halo lalehan no rai;

Tasi no buat hotu nebé hôrik iha nia. Refrão

 

Aclamação

Refrão : Aleluia, Aleluia!! Repete-se

Loke, Na’i, ami fuan atu simu futar liafuan housi

Ita Oan Mane. Refrão

 

Evangelho                                                                                                                                                                                                                     Mt. 13. 47-53

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus dehan ba ema lubun boot: “Reino lalehan nian hanesan dai ida nebé ema soe ba tasi hodi dada ikan sira, kiik no boot. Nia nakonu ona, hakail na’in sira dada ba tasi ibun; tur tiha, sira hili ikan di’ak sira hodi tau hamutuk iha lafatik; ikan nebé áat, sira soe tiha.

Sei sai mós nune’e uanhira mundo to’o ona nia rohan: anjo sira sei mosu hodi haketak ema áat sira housi ema di’ak sira. Hafoin sira sei soe ema áat sira ba ahi lakan manas: iha nebá sira sei tanis no ruun nehan.”

“Imi rona lolos buat hirak ne’e hotu?” Sira hatan: “Ami rona.” Na’i dehan tan ba sira: “Tan ne’e, escriba sira nebé matenek kona ba reino lalehan nian hanesan uma na’in ida nebé hasai buat foun no tuan housi nia rikusoi.”

Hanourin hotu tiha ho aiknanoik sira ne’e, Jesus husik rai nebá.

Lia Maksoyn.

GOVERNO APROVA PROJETO DECRETO LEI ORGÁNICA MINISTÉRIO ASSUNTOS PARLAMENTARES NO COMUNICAÇÃO SOCIAL

DILI 29 JULHO 2020 (DCAD) – Iha Sorumutuk Conselho Ministros ni’an iha loron Quarta, 29 Julho 2020 iha Palácio do Governo Dili ne’e, Governo aprova projeto Decreto Lei kona ba Orgánica Ministério Assuntos Parlamentares no Comunicação Social, nebé apresenta housi Ministro Francisco Martins da Costa Pereira Jerónimo.

“Kona ba leí orgánica MAPCOMS ne’e ohin aprova ona, aprova humano laiha ida mak contra no la iha ida mak comentário negativo, nebé ninia processu ne’e di’ak hotu no ha’u hanoin ida ne’e sai ona ba regra basico para atu ita bele implementa iha tempo badak nia laran depois de pública iha jornada pública dehan Ministro Assuntos Parlamentares no Comunicação Sociál Francisco Martins da Costa Pereira Jerónimo depois reunião Conselho Ministros quarta (29/07) semana ne’e iha Palácio do Governo Dili”.

Tuir Ministro Assuntos Parlamentares no Comunicação Sociál Francisco Martins da Costa Pereira Jerónimo MAPCOMS ninia posição nafatin defende interesse Jornalista sira nebé iha Front Line ba covid-19.

“ha’u halo submissão nafatin no ha’u halo ligação hotu ona no ikus liu iha Ministério Finanças nia liman. Ha’u husu ba Jornalista  Front Line sira lalika tauk tamba ne’e imi nia direito haktuir Francisco Martins da Costa Pereira Jerónimo”.

Tuir Ministro Finanças Fernando Hanjam relaciona ho Jornalista sira nia subsídio katak, nia parte simu ona housi MAPCOMS lista, no nia parte garantido katak ho aprovação Lei Orgánica Ministério Asuntos Parlamentares no Comunicação Social (MAPCOMS) ni’an ohin iha Conselho Ministros ne’e bele ona haré enquadramento legais no fim cobre sira ninia direito iha tempo badak.”(Leo S’mauS)

GOVERNO NOMEIA FLORENTINO SOARES BA CARGO PRESIDENTE CONSELHO DIRETIVO ANPM

DILI 29 Julho 2020 (DCAD) – Governo liu housi reunião Conselho Ministros ni’an iha Quarta-feira (29/07) semana ne’e, iha Palácio do Governo Dili hodi aprova nomeiação ba Florentino Mateus Soares Ferreira ba cargo nu’udar Presidente Conselho Diretivo ba Autoridade Nacional Petróleo no Minerais (ANPM), ba mandato tinan haat. ANPM actua hanesan instituição reguladora ba setór sira no indústria petróleo no recurso mineral.

Tuir informação nebé DCAD acessso katak, Florentino Mateus Soares Ferreira antes ne’e assume hela nia cargo nu’udar Diretor Comercial Conformidade iha Timor Resources. Além ne’e mós Florentino Mateus Soares Ferreira enquadra an mós iha equipa Negociação Tratado Fronteira Marítima nebé lidera housi Chefe Negociador Fronteira Marítima Kay Rala Xanana Gusmão.

Governo liu housi reunião Conselho Ministros halo nomeiação ba Florentino Mateus Soares Ferreira ba cargo nu’udar Presidente Conselho Diretivo ba Autoridade Nacional Petróleo no Minerais (ANPM), ba mandato tinan haat ho razão hodi troca Presidente Sessante Gualdino do Carmo da Silva nebé ninia mandato termina ona iha loron 30 fulan Junho. (Leo S’mauS)