Paróquia Ai-mutin

Paróquia São José Aimutin

 

NO PAROQUIAS PADROEIRO PAROCO/ QUASE-PAROCO PROVISAO TELP. VIGARIO PAROQUIAL PROVISAO TELP
04 AIMUTIN São José Pe. Emanuel Lelo Talok, CMF 28/2012 78086295

Pe. Yosep Markus Arkian, CMF

Pe. Ireneus Neonbanu, CMF

22/2009

12/2013

77547855

 

Paróquia São. José Aimutin antes sai paróquia nia hola parte ba iha paróquia Santa Maria Auxiladora Comoro, molok ida ne’e nia hola parte ba iha paróquia Motael. Sai quase paróquia iha tinan 2008 no depois sai paróquia iha loron 1 fulan Maio 2011. Paróquia ne’e ninia padroeiro mak São. José operário nebe ninia festa celebra tinan tinan iha loron 1 fulan Maio.

Paróquia São. José Aimutin adopta pastoral ida ho modelo Consílio Vaticano II nian, katak service hamutuk iha participação ativa no colaboração entre Nailulik no sarani sira nian. Concretamente iha contexto paróquia São. José entre Nailulik Claretiano sira ho sarani aimutin hamutuk tan ho clero, religioso/a no leigos sira hotu iha diocese Dili nia laran. Ida nee realiza iha Conselho Pastoral Paroquial S.  José Aimutin nian iha plano pastoral tinan 2014-2019. Plano ne halao iha seitor 10:

 

  1. Liturgia: Hani, hahi no hamulak
  2. Bíblia: haklean Maromak Futar Lia
  3. Fámilia: acompanha, haburas no hametin  domin no qualidade moris iha umakain sarani sira nian.
  4. Joventude: acompanha foin sae sira hodi haklean no hametin sira nia fiar iha Maromak.
  5. Labarik no Adolecente sira: acompanha sira iha sira nia cresimento nudar sarani.
  6. Ação caritativa:  tulun hodi hakbit ema kbiit laek no terus nain sira.
  7. Vida Religiosa:  Serviço hamutuk ho religioso/o sira hodi servi Maromak ninia povo.
  8. Catequese Sacramental: Haklean, haburas no hametin sarani sira nia fiar sai fiar ida adulto no qualidade iha comprensão no mos iha prática.
  9. Formação permanente: halao formação permanente ba sarani sira nia moris nudar sarani liu husi haklaken tema sira kona ba valores evangélicos no valores moris sarani nian iha sociedade.
  10. Economia,  Recurso humanu no Dezemvolvimento: atu hasae qualidade recursos humano no recursos económicos sarani no paróquia nian.

 

Estatística Paróquia nian:

  1. Ârea 15km2
  2. População 30,000
  3. Católicos 28,000
  4. Estação Missionária iha Rua: Lessibutak no Betufa (Bebonuk,  Tuti,  Faularan)
  5. Património: Kapela hamutuk iha 8: Lesibutak,  Tuti, Fomento 1, Fomento 2, Lurumata, Bebonuk,  Aimetilaran,  Kapela Mini Delta 1; Grutas iha 2: Aimetilaran 2, Lesibutak A,   Uma laku/Gruta Cruz Jovem 3: Sede,  Lesibutak A,  Faularan.
  6. Congregações iha 11: Canossianas,  HCarmelitas,  PRR, KYM,  ALMAs,  Escravas, Franciscanas Providência, CIJ, Filhas S.  Paulo,  CMF,  no FSGM.

 

Missa iha lian 4:

  1. Tetun
  2. Português
  3. Indonesia
  4. Inglês.

 

Oras missa lor-loron 06:15 AM iha Paróquia Aimutin,  iha capela Lesibutak no iha convento sira mos dader.
Lokraik tuku 18 iha capela seluk sira no  mos iha bairo mas que la iha capela, katak iha deit Gruta Cruz Jovem no Gruta Nain Feto.

Domingo missa iha paróquia dala hitu: iha centro,  capela Lesibutak,  Tuti,  Fomento 1 no Lurumata.