Paróquia Atsabe

PAROQUIA ATSABE

ANO DE 2017

NO

PAROQUIAS

PADROERO

PAROCO/ QUASE-PAROCO

PROVISAO

TELP.

VIGARIO PAROQUIAL

PROVISÃO

TELP

05

ATSABE

São Jose

Pe. Arnaldo Frederico de Deus

14/2014

77259750

 

História badak

História dehan katak praticamente missão iha rai Atsabe hahu mais ou menus iha tinan sira 1930 to’o 1940 iha tempo Timor Português nian. Iha ne’e Atsabe pertence ba missão tolu nebe besik ba nia hanesan; Ermera, Bobonaro, Bobonaro (Maliana). Concretamente Atsabe iha missão sira ne’e nia pertence ba Missão Central Ainaro. Nune’e padre sira iha Ainaro mak toma conta hotu, tuir mai pertence fali ba Missão Bobonaro ka Maliana no depois mak pertence fali ba Missão Ermera nian hodi lao to mai agora ne’e hamrik mesak hanesan paróquia ida.

Cristandade iha Atsabe aumenta maibe depois de ocupação Japonesa nian diminui fila fali tamba falta de assistêcia husi Nailulik sira no barak mak mate tiha. Mas que nune’e ho tulun acção catequista sira nebe depois de prepara an tiha durante tinan hat iha sira nia estudo atu sai professores catequista no mos ho tulun catequista sira nebe oferece-an sai catequista tamba necessidade pastoral nian hodi tulun nailulik missionário sira. Sira ne mak ho sira nia colaboração tulun tebes ema barak converte-an fali hodi sai sarani. Sira mak la kolen hanorin doutrina ba sarani sira, visita sarani sira no fo assistência batismo nian ba ema sira nebe atu mate.  Iha catequista barak mak passa husi Atsabe ne’e, entre sira ne’e sira nebe liu uluk no conhecido iha sarani sira nia le’et mak catequista José da Silva ho catequista Samuel nebe hahu sira nia missão iha Atsabe ne’e iha tinan 1940.

Igreja iha Atsabe espiritualmente hahu kleur ona ho tulun missionário no catequista sira nian maibe em termos de edefício Igreja iha Atsabe foin mak hahu hari iha tinan 1938 to’o 1948 hodi hetan benção no inauguração. Igreja ne’e halo ho ideias modernas, única igreja nebe be tama iha sacristia, igreja sira seluk iha Timor ne’e laiha. Ninia altar moderno halo ho rin, colunas no linhas modernas, janela sira mos halo hotu ho tipo vitral. Igreja ne’e simples mas moderna.

Iha tempo ocupação japonesa nian, tamba funu igreja ne’e hetan estraga iha buat barak tebes. Tuir fali mai mak liurai Atsabe oan Dom Guilherme Maria Gonçalves ninia familia hola iniciativa atu hahu halo fali iha 1948. Iha momento neba padre balun mak mai fo iniciativa ida ne’e. Pode ser padre missionario sira iha Bobonaro nebe mai fo assistência bebeik iha Atsabe fulan tolu dala ida ne’e mak fo hanoin ne’e. Hadia hotu tiha iha duni tinan 1948 ne’e mak Igreja ne’e (uluk sira hanaran capelina deit) hetan benção no inauguração husi Bispo Diocese Dili nian Dom. Jaime Garcia Goulart iha tinan 1948 ho presença Governador Timor Português nian Senhor Oscar Ruas ho tan autoridade sira seluk.

Iha tinan mais ou menos 1956 igreja Atsabe muda fali ba hola parte iha missão Ermera nian. Hahu ba ne’e igreja Atsabe continua hola parte iha paróquia Ermera hanesan estação missionária ida to’o iha tempo Indonesia nian. Iha ona tempo Indonesia nian mak halo fali mudança balun ba igreja ne’e iha ninia altar no janela sira hodi sai fali hanesan ohin loron ita hare. Iha tempo ida ne mos mak sarani sira aumenta barak sai lalais deit ho tulun nailulik sira nebe liu husi Ermera iha tempo neba nian hanesan Pe. José Barbosa, Pe. Mário Belo, Pe. Domingos Alves, Pe. Domingos Soares da Silva no sira seluk tan. Número sarani sira nian nebe aumenta ba bebeik ne halo espaço igreja Atsabe nian mos la to’o ba sarani sira hotu. Nune’e durante tinan barak nia laran missa domenical sira celebra deit iha liur iha recinto igreja ne’e nian. Situação ida ne’e exige pároco no sarani sira atu halo igreja foun ida bo’ot liu nebe bele halibur sarani sira hotu. Iha suco sira mos durante tempo ida ne’e ida-idak hahu hari ninia capela sira rasik. Capela nebe hari hamutuk 13 tuir suco 12 nebe iha tau tan ho capela Malimea nian.

Depois de tinan barak nia laran hola parte iha paróquia Ermera nia laran Diocese Dili decide foti Atsabe nia estado husi estação missionária sai ba quase paróquia. Atsabe sai quase paróquia hamutuk ho Letefoho dala ida iha 23 Agosto 1993. Atsabe sai quase paróquia ho ninia padroeiro mak São José no Letefoho ho ninia padroéira mak Nossa Senhora do Carmo. Tamba sai quase paróquia dala ida deit territorialmente considera ida deit ho naran quase paróquia de Letefoho-Atsabe ho ninia quase pároco mak Pe. Domingos da Silva Soares nebe antes ne’e halao knar nudar vigário paroquial paróquia Ermera nian. Tinan ida tuir mai kedas, iha 16 Julho 1994 Diocese Dili foti Quase paroquia Letefoho-Atsabe sai paróquia ho Pe. Domingos da Silva Soares mak hanesan pároco. Decisão ida ne’e automâticamente halo Letefoho sai ona paróquia no Atsabe sei hela nafatin hanesan quase paróquia iha paróquia Letefoho nia conta.

Iha Pe. Domingos da Silva Soares ninia tempo ne’e mak hahu mosu hanoin ba hari igreja foun ida. Hanoin ida ne’e manteim nafatin hodi mos halo ona preparação sira ba construção igreja foun ne’e. Preparação no realização ba mehi ida ne’e hetan nafatin suporta no continuação husi pároco sucessor sira hanesan Pe. Adriano Ximenes no Pe. Arnaldo Frederico de Deus ho sira nia vigário cooperador sira to’o ikus mai hari duni igreja foun ida.

Depois de independência, quase de Atsabe continua hetan assistência husi paróquia de Nossa Senhora do Carmo Letefoho. Iha tinan 2002  diocese de Dili tau nailulik Stefani Renato  missionário italiano nian ida iha Atsabe hodi colabora ho pároco paróquia Letefoho nian contimua halo preparação ba sai paróquia. Padre Stefani Renato to’o iha Atsabe 11 de Janeiro 2002. Nia sai vigário paroquial ba paróquia Letefoho no quase paróquia Atsabe hodi hela permanente iha Atsabe. Entre preparação sira be halo hodi prepara ba sai paróquia nian tuir exigência husi diocese Dili ida nebe importante liu mak tem que halo uluk residencia paroquial ba padre nebe sei serviço iha Atsabe. Residência foun hahu halo iha fulan Maio tinan 2000 no remata iha 29 de Agosto 2003. Loron tuir mai  30 de Agosto 2003 husi Dom. Basilio do Nascimento Bispo Diocese Baucau no Dili nian. Inauguração no benção ba paróquia ne’e marca mos ho celebração eucaristia hodi fo crisma ba sarani sira hamutuk 500. Iha missa ne’e Dom. Basilio do Nascimento hateten residência mak hotu ona ne’e, halo fali igreja foun ba, hotu mak Atsabe bele sai paróquia. Nune’e iha loron ne’e kedas padre Renato hamutuk ho Mestre Angelino Monteiro sira ba sukat kedas Uma Creda foun nebe atu hahu halo ne’e ninia naruk no ninia luan (40m x 20m). Hahu ba ne’e Padre Stefani Renato colabora fali ba hari Uma Creda ne’e ho mehi ida atu Atsabe sai paróquia lalais depois de halo hotu tiha Uma Creda ne’e.  Nune’e ho serviço hamutuk Pe. Stèfani Renato no pároco paróquia Letefoho nian hamutuk tan ho sarani sira nia tulun iha tinan 2003 amu Bispo Diocese Dili no Baucau nian Dom. Basilio do Nascimento foti estação missionária de Atsabe sai ba quase paróquia de São José Atsabe ho Carta Decrêto número 02/2003.  Iha mos tinan ne’e duni mak estação missionária de Atsabe consegue hari hotu residência paroquial ida. Infelizmente depois de fulan balun nia laran Pe. Stèfani Renato hamutuk ho senhor Calisto Gomes Pereira, Responsável ba construção residência paroquial no membro conselho pastoral paróquia nian ida hetan acidente ida Riamori, Letefoho nune husik is hodi hakat liu ba moris rohan laek hamutuk ho Maromak iha Reino Lalehan. Sira hetan desastre careta iha Riamori, Letefoho iha 6 Outobro 2003 iha oras 19.30 htl. Iha desastre ne’e mate mak padre Stefani Renato, Senhor Calisto Gomes Pereira no Senhora  Luciana, kanek mak mestre João husi Atsabe hotu no labarik ida husi Lauana, Senhor Luciana nia oan. Acontecemento ne’e halo paróquia Letefoho ho Quase paróquia Atsabe triste tebes. Mas que nune’e serviço sira kona ba construção igreja foun ne’e halao ba oin nafatin ho liderança pároco paróquia Letefoho Pe. Adriano Ximenes nian hodi continua mai to’o pároco sucessor Pe. Arnaldo Frederico de Deus ho ninia vigário cooperadora Pe. Helio Fernandes nia tulun to’o consegue halo hotu wainhira Pe. Arnaldo Frederico de Deus sai pároco Atsabe nian.

Iha loron 1 fulan Maio tinan 2014 amu Bispo diocese Dili nian Dom. Alberto Ricardo da Silva foti quase paróquia de São José Atsabe sai nudar paróquia liu husi Carta Decrêto número 02/2014 ho naran Paróquia de São José Atsabe no Pe. Arnaldo Frederico de Deus mak sai nudar pároco ba dahuluk. Pároco foun nebe antes ne’e assume hela knar nudar pároco paróquia Letefoho nian tuir mai continua deit ninia serviço be nia halo nanis hela ona ba construção igreja foun ne’e hodi halo remata iha kedas tinan tuir mai, tinan 2015.

Igreja foun paróquia de São José Atsabe nian ne’e tuir mai simu benção husi Administrador Apostólico Diocese de Dili no Bispo Diocese de Baucau nian Dom. Basilio do Nascimento no inauguração husi Ministro de Estado, Coordenador dos Assuntos da Administração do Estado e da Justiça e Ministro da Administração Estatal, DR. Dionisio Babo Soares nebe representa Governo Timor Leste be fo mos tulun ba halo hotu igreja ne’e iha loron 5 fulan Setembro tinan 2015 iha presença Bispo Diocese Maliana Dom. Norberto do Amaral, autoridade municipal, autoridade local no povo sarani sira hotu be mai husi suco 13 iha Atsabe ne’e nia oin. Benção no inauguração ba igreja foun ne’e hahu ho eucaristia nebe Dom. Basilio do Nascimento mak preside no continua ho festa no almoço confraternização no festa ba ema hotu nebe participa iha loron histórico ba paróquia Atsabe nian ne’e.

 

Comunidade sira iha Paróquia São José Atsabe

Paróquia São José Atsabe hamrik cobre território tomak posto Atsabe nian. Nia iha suco sanulu resin rua no cada suco sai hanesan comunidade sarani sira nian ida ou rua hamrik ho ninia capela rasik. Nune’e Paróquia São José, Atsabei sura hamutuk iha comunidade sanulu resin hat tamba iha suco rua mak fahe tiha sira nia comunidade sai rua. Entre comunidade hirak ne’e hotu, comunidade Nossa Senhor do Rosário de Fátima, Lação mak sai hanesan Estação Missionária. Comunidade ida ne’e sai Estação Missionária ba comunidade sira parte weste nian mak hanesan comunidade Lação ne rasik, Atara, Obulo, Laubonu Si rui ho Laubonu Bia bote, Batumano no Malimea. Comunidade sira ne’e ho sira ida-idak ninia mahin rasik nebe sira tau naran ba sira nia comunidade:

  1. Comunidade Sagrada familia, Leimea
  2. Comunidade Nain Feto Imaculada Conceição, Baboe-leten
  3. Comunidade Nossa Senhora das Gaças, Baboe-kraik
  4. Comunidade Santo Estévão, Parami
  5. Comunidade São José, Laclo
  6. Comunidade Nain Feto graça barak liu-Nossa Senhora das Graças, Malabe
  7. Comunidade São Pedro Apóstolo, Tiarlelo
  8. Comunidade Coração Imaculado de Maria, Laubonu
  9. Comunidade Nossa Senhora de Fátima Laubonu Bia bote
  10. Comunidade Santo António de Lisboa, Batumanu
  11. Comunidade Nossa Senhora do Rosário de Fátima, Lação (Estação minionária)
  12. Comunidade Nossa Senhor Auxiliadora, Obulo
  13. Comunidade Sagrado Coração de Jesus, Atara
  14. Comunidade São João Batista, Malimea

 

Visão no Missão

 Visão : Ema sucesso hodi sai diak iha isin no Klamar, Família metin iha fé, Esperança no Caridade, sociedade moris iha hakmatek no dezemvolvida.

Missão : Sarani hotu organiza nia moris iha fé  Esperança no Caridade, luta nafatin ba oin to’o hetan fuan no kuda fini diak iha geração otas ba otas, iha Família, Paróquia no Sociedade tomak.

 

Atividade sira ne’ebe fo apoio ba missão no visão ida ne’e nian hodi moris, mak:

  1. Pastoral Prática
  • Pastoral Vocacional
  • Visita Família
  • Visita moras
  • Encontro Grupos
  • Encontro comunidades
  1. Missa / Eucaristia
  • Misa diária iha Paróquia loro-loron
  • Missa diária rotativa ba comunidades
  • Missa Padroeira ba comunidade sira nian
  • Missa hodi halo sacramento
  • Missa no promessa ba grupo categoriais sira
  • Missa ba tinan casamento nian ( 10, 20, 25 no 50 anos ).
  1. Doutrina
  • Doutrina prática atu reza loro-loron
  • Doutrina atu simu Sacramento
  • Doutrina social Igreja nian
  1. Educação Formal
  • (Educação) Tulun hanorin Religião iha escola sira
  • (Saude) Apoio fo formação saude
  • (Agricultor)
  • Economia
  1. Educação non formal
  • Agricultor prática
  • Usa tempo ba serviço
  • Economia prática
  • Saude prática
  • Creatividade hodi haforça capacidade be iha ona
  1. Educação (formação) Familia foun
  • Doutrina cristã
  • Sacramento
  • Médico
  • Creativo iha vida social
  • Vida económica
  • Ukun fuan 10 familia nian

 

Paroquia hakarak haforsa-an ho:

  1. Pároco no Vigario Cooprador
  1. Konselho paroquial nudar airin paróquia nian
  • CPP + Catequistas
  • CAP
  • CEP
  1. Religiosas: comunidade religiosas existe iha Paróquia
  1. Vocacional ba Consagrada
  • Mane : Seminário Diocesano no Seminário Religiosos Mission’arios
  • Feto : Religiosas Missionárias
  1. Economia mai hosi Sarani
  • Esmola
  • Documento Igreja nian
  • Contribuição cristã
  • Celebração sacramental
  1. Equipa Formadores
  • Área educação Fé cristã
  • Área Pastoral
  • Área Saude
  • Área Agricultura
  1. Sarani participa ativamente iha Paroquia.

 

POPULAÇÃO

 Total : 21.505

  • Mane                                        : 10.820
  • Feto                                          : 10.685
  • População nebe sarani ona : 19.022
  • IslãO                                        : 6
  • Protestante                             : 292
  • Gentio                                      : 319
  • Chefe Familia                         : 4.373 familias
  • Comunidades                         : 13 comunidades

 

População iha suco ida-idak

No.

Suco

Feto

Mane

Total

1.

Malabe

858

818

1.676

2.

Tiarlelo

265

291

556

3.

Baboe Leten

731

751

1.482

4.

Baboe Kraik

1.181

1.185

2.366

5.

Batumano

525

573

1.098

6.

Laclo

710

739

1.449

7.

Obulo

1.251

1.251

2.470

8.

Parami

987

998

1.985

9.

Laubono

363

369

732

10.

Leimea Leten

1.143

1.151

2.294

11.

Atara

1.391

1.295

2.686

12.

Lação

1.315

1.396

2.711