Rádio Timor Kmanek

RADIO TIMOR KMANEK (RTK)

AM 1404 Khz – FM 98.5 Mhz

P.O. Box 354, Maloa – Dili,  Timor Leste

Tel. (670) 3312701,  3312704

E-mail: radio.trk@gmail.com; website: www.rtk.tl

 

Informação Básico

Rádio Timor Kmanek, Lian Nain Feto, hari iha loron 3 Fulan Março tinan 1994. Inaguração ba edifício foun RTK Foho  Maloa, iha loron 3 fulan Fevereiro tinan 1998, husi Dom Carlos Filipe Ximenes Belo,SDB no Governador Abilio Osório Soares. Fundador Radio Lian Nain Feto mak Dom Carlos Filipe Ximenes Belo,SDB. Direitor dahuluk ba RTK Maloa mak Pe.Domingos Sequeira Pr. RTK halao  missão nu’udar Rádio Católico ida ho carácter não-stock no não profit. Promove valor cultura povo Timor nian. RTK nia motto mak : Hakboka Timor lorosae nia murak mean liu husi anin. Tatoli liu husi anin iha frequência AM 1404 Khz no FM 98.5 Mhz. Capasidade transmiter : AM 1000 watts-AM 5000 watts no FM 1000 watts. FM 1000 watts ne’e, sosa husi Italia, hahu funciona iha tinan 2009. Área  cobertura   frequência AM haleu distrito sia iha Timor laran tomak no cobre mos to’o estrangeiru hanesan Rai Kupang, Atambua, Kefa, Ternate, Maluku-Indonsesia. Duração on air ba loron ida, hamutuk oras sanulu resin nen ( 16 horas ).

Base Legal operação ho frequência AM 1404 Khz, hetan carta licença husi  PRSSNI no 741-XX/1997. Frequênsia FM 98.5 Mhz, hahu halao operação iha tinan 2000, hetan carta licença husi Governo Timor Leste, iha loron 11 fulan Augusto 2003 husi Manager Managemen frequência Sra.Jesuina J.R de Sousa.

Misaun RTK iha tolu, missão ne’e halao liu husi programa radiofónica nebe hatur-an iha buat tolu importante be RTK halao loro loron hanesan: 1). Atu halao Apostolado. 02). Haklaken Lialos ba ema tomak. 03). Atu hametin Timor Lorosa’e nia cultura.

 

  1. Diretores Radio Timor Kmanek nian
  2. Domingos Sequeira ( 1996-1999)
  3. Adri Ola ( Nov 1999-May 2000)
  4. Juvito do Rego (Nov 2000-August 2001)
  5. Adri Ola (2001-2004)
  6. Venâncio Pereira S.j (2004)
  7. Bettencourt Nunes ( Leigo ona) (2005)
  8. F.X.Primus Djuki SVD (Oct 2006-Sep 2011)
  9. Domingos Bian (1 Sept 2011 – 8 Outobro 2014)
  10. Bento Barros Pereira (9 Outobro 2014 – )

 

Halo Apostolado

  1. Programa Angelus: Programa ne’e programa espiritual ida nebe tatoli oração creda nian atu convida rona nain sira reza hamutuk ho nain feto hodi reflete mistério Maromak nia oan Mane halo an ba ema hodi mai moris hamutuk ho ita.
  2. Programa Asuwa’in Fiar Nain : Programa ne’e hato’o ba ouvintes sira, konaba história Beata no Beato, Martírio no Santo santa sira nian. Objectivo husi Programa ne’e nian maka atu halo atu ema sarani sira bele conhece sira nia santo patrono be sira ida idak lori naran ba ninia moris hodi mos apreende lição ruma husi santo sira nia história moris ne’e ba sira nia moris hanesan sarani.
  3. Programa Mahowen Dadersan : Kari fini diak no anin foun ba ouvintes RTK Lian Nain Feto liu husi reflexão dader loron ba loron molok hahu atividade loron nian. RTK oferece reflexão espiritual hodi habot espírito foun no haroman moris loron foun nian ho laran metin iha Maromak nia tulun nebe acompanha nafatin ema sira. Hahu atividade loron nian ho no hamutuk ho Maromak.
  4. Programa Lia Ksolok ba Moris ( LKBM) : Programa neé hato’o  refleção ba ronanain sira konaba mensagen husi Evanjelho lor-loron nian. RTK halao  programa nee hahu husi Segunda-feira too Sá Loron ida hatun dala tolu,  iha Dader, Meiu-dia no lorokraik.
  1. Rádio Drama Religioso: Programa ida ne’e ninia conteúdo mak apresenta acontecemento sira be haktuir iha Biblia no Evangelho ba rona nain sira iha forma rádio drama hodi halo rona nain sira hatene Maromak nia futar liafuan, comprende Maromak nia participação iha ita nia moris loro loron no ikus mai moris baseia ba Maromak ninia futar liafuan.
  1. Talk Show Religioso: Programa ida ne’e foti tema religioso balun hodi halo discussão liu husi anin RTK nian atu bele haklean no habot rona nain sarani sira nia conhecemento kona ba sira nia fiar no sira nia moris nudar Maromak ninia povo. Nune’e ikus mai sira bele moris autenticamente liu tan iha sira nia fiar sarani.
  1. Música Religiosa: Programa ida ne’e tatoli música espiritual ba ouvintes sira iha loron Domingo Na’i nian hodi acompanha ouvintes sira nia loron domingo. Objetivo atu halo ouvintes sira moris iha ambiente, paz, dame, domin, espiritualmente iha loron nebe sira descança husi atividade rotina sira. Nune’e mos atu lori nafatin Maromak nia presença ba ouvintes sira iha loron ne’e.
  1. Terço Lor-loron nian : Atu bele hahi nafatin Nain Feto nudar Mahein RTK nian no haburas liutan devoção sarani sira nian ba Nain Feto, loro-loron iha oras 18:00 RTK reza hamutuk ho ouvintes sira oração terço. Oração terço ne’e identico tiha ona ho RTK nia an. Ouvintes sira identifica RTK hanesan rádio ida nebe reza bebeik terço hamutuk ho ouvintes sira.
  1. Molok Rai Hakmatek : Programa ne’e ninia forma no konteudu hanesan oração ida, hanesan oração kalan nian molok taka loron ida. Hahu ho hanoin hikas fali ba moris loron ida nian hodi hasae agradecimento ida ba Maromak, ba diak tomak loron ida nian, husu perdão ba salan sira, no hasa’e an ba Maromak nia mahan iha descança kalan nian. Programa nee haktuir refleção ida be sai mos hanesan exame da conciência ema ida-idak be sei moris iha raiklaran, hein nafatin Maromak Nia tulun, ba kmanek loron aban nian.
  1. Lidun Uma Kain : Rúbrica konaba Família. Tatoli ba ouvintes no sarani sira konaba Familia ideal tuir Doutrina Social Creda Católica nian. Simu inspiração husi Documento Familiares Consortium Obra Papa João Paulo II, konaba Familia, Casti Cannubi, Pontificio conselho para a Família no documento sira seluk tan Doutrina Creda Católica nian hodi hato’o ba ouvintes sira nuudar convite ba família cristã sira, atu haburas nafatin sira nia fidelidade matrimonial, haburas unidade de amor iha moris família nian.
  1. Hafunan Fiar : Tatoli ba sarani sira, Refleção konaba Leitura sira Loron Domingo nian. Tatoli ba ouvintes sira iha loron Sábado no Domingo atu rona nain sira bele preparaan ho refelxão sira be hetan husi inpiriação leitura sira ne’e nune’e bele participa didiak iha missa dominical nian no prenche didiak loron domingo ne’e.
  1. Noticia Igreja Universal : RTK hato’o ba rona nain sira amu Papa ninia atividade no creda sira rai seluk nian iha mundo ne’e hodi halo ouvintes sira hatene didiak buat saida mak acontece iha igreja universal nia laran, halo sira tuir nafatin hanorin ukun nain sira creda nian, no halo sira moris hamutuk ho maluk sarani sira seluk hanesan familia boot ida deit, familia Maromak nian.
  2. Noticia Igreja Particular: RTK Hato’o ba rona nain sira  diocese Dili no diocese sira seluk iha Timor ne’e nia missão hodi halo ouvintes sarani sira hatene diak liu tan creda ninia testemunho atu nune’e ouvintes sarani sira mos bele participa ativamente iha moris creda nian.
  3. Transmissão Missa Domingo : Durante nee uza deit Igreja Catedral, tanba ita nia aparelo limitado tebes. Missa iha fatin seluk RTK sei grava deit Amu Bispo nia homilia hafoin mak hatun. Preve ona atu iha tempo oin mai transmissão direta ba missa sira halo mos iha paróquia sira seluk.

 

Fo sasin konaba Lialos

  1. Hakat ba Lialos: Programa ida ne’e programa investigativo nian. RTK liu husi ninia jornalista halo investigação ba problema comum ida hodi buka hato’o ba ouvintes sira lialos kona ba problema ne’e liu husi anin RTK nian.
  2. Programa Husi Fuan ba Hahalok : Programa ida ne’e programa pakote ida nebe lao iha ambiente educação cívica nia laran hodi tatoli valores democráticos nian ba ouvintes sira atu ouvintes sira mos iha conhecemento diak kona ba valores democráticos ne’e no bele tau iha prática moris ida nakonu ho respeito ba dignidade no direitos humanos Timor oan sira no ema hotu hotu nian.
  3. Programa Hakail Hanoin Murak : Programa nee halao loro-loron direta iha studio radio Timor Kmanek nian hodi discute hamutuk no hamosu hanoin foun sira liu husi diálogo interativo tuir anin RTK nian hodi bele hare ho matan crítica construtiva nian ba situação ka realidade moris be sociedade timorense enfrenta hela dadaun no fo hanoin solução nian ba malu.
  4. Programa Janela ba Knua sira : Programa ne’e transmitte ho hakarak atu hadia ita nia knua, hadia sociedade no nação. Povo iha knua moris diak, sociedade diak-nação mos diak. Programa nee elaboração realidade moris maluk sira nebe hela iha área rural, iha nivel aldeia, knua, suco, Sub-Distrito no Distrito sira ba público timorense tomak. Jornalista RTK, tun direitamente ba base, hodi hare no analiza, situação real povo nian iha base, liga ho programa desenvolvimento nebe realiza husi Governo Timor Leste. Programa nee, foti problema releventa sira iha área rural, lamentação no esperança população nian ba Estado no governo, no solução nebe Estado buka foti atu hadia povo nia moris.
  5. Dame Halai Hanesan Mota: Programa nee kari husi anin, liamurak oi-oin konaba reconciliação no kona ba paz ka dame. Crisi 2006 mosu, ema barak halai namkari, buka fatin hakmatek iha Igreja sira, Seminário sira, Centro PNTL no F-FDTL no fatin sira seluk tan. Situação ida hanesan ne’e naturalmente  halo ema buka hakmatek, nune’e programa ida ne’e mosu sai hanesan meio ida hodi cria conciêncialização ba povo atu simu malu fali no haburas dame,unidade, domin, fraternidade iha Timor Leste. Programa nee hahu ho naran Ita Mesak Timor Oan no iha tinan 2008, muda fali nia titulo ba Programa Dame Halai hanesan mota. Simu naroman husi Doutrina Social Igreja católica nian no homilía Santu Padre sira nian, ba loron mundial dame nian RTK continua promove Dame, ba sociedade timorense to’o oras ne’e.
  6. Talk Show: Programa ida ne’e foti tema actual balun relaciona ho sociedade nia moris hodi halo discussão liu husi anin RTK nian atu bele haklean no habot rona nain sira nia conhecemento kona ba sociedade nia moris nune’e ikus mai bele hamoris membro sociedade hotu-hotu ninia procupação no contribuição ba rai no ema Timor ninia dezenvolvimento iha buat hotu.
  7. Notícias: RTK hato’o notícia loro-loron liu husi revista de imprensa nebe halo resumo ba notícia loron ne’e nian no notícia completo nebe hato’o iha notícia diária. Notícias sira apresenta acontecemento sira nebe mak mosu iha sociedade nia le’et, no RTK buka atu hato’o acontecemento hirak ne’e ojetivamente hodi servi sociedade no creda Timor Leste.
  8. Entratenimento: Atu bele anima no fo ksolok ba rona nain sira RTK transmitte mos programa entratenimento sira hanesan músicas no drámas.

 

Haburas Cultura Povo Timor nian

  1. Programa Homan Lisan Timor : Nia Filosofia : Hun ida maibe sanak barak, povu ida maibe lisan oi-oin. Programa ida ne’e transmitte atu promove Cultura povo Timor nian liu husi RTK Lian Nain Feto atu nune’e Timor oan sira bele iha liu tan conhecimento diak kona ba cultura sira iha Timor Leste no haburas valores diak sira cultura ne’e nian.
  2. Programa Bua Malus : Nia filosofia : Feto sá-Umane, Uma fukun no lisan ida-idak lokmalu ho bua malus, hodi hametin unidade-fraternidade, fahe ksolok no susar, sente naha nia todan no kmaan. Bua Malus símbolo Cultura Povu Timor nian. Relaciona ho título nebe iha RTK halo especificação ba programa ne’e hodi fo liu atenção uluk nanain ba inan feto sira hodi valoriza dignidade feto Timor nian iha luta ba igualdade no dezenvolvimento feto Timor oan sira nian.

 

HORARIO TRANSMISSÃO

JANUARY-DECEMBER 2017

TIME MON.

DY

TUES.

DY

WENS.

DY

THURS.

DY

FRI.

DY

SAT.

DY

05.55-06.00 Opening Tune 
06.00-06.30 Angelus

AFN

Angelus– AFN Angelus

AFN

Angelus

AFN

Angelus

AFN

Angelus

AFN

06.30-07.00 MHD MHD MHD MHD MHD MHD
07.00-07.15 MORNING NEWS
07.15-08.15 HFBH HFBH HFBH HFBH HFBH HFBH
08.15-09.15 BM BM BM BM BM BM
09.15-09.30 RI RI RI RI RI RI
09.30-10.50 HHM HHM HHM HHM HHM HHM
10.50-11.00 Announcements and Advertisements
11.00-12.00 FM-SLRC/PPRC FM-RGE FM-CNRY FM-JAZ/BLUES FM-HPH/DISC FM-CLC
12.00-12.15 Angelus/

LKBM

Angelus/

LKBM

Angelus/

LKBM

Angelus/

LKBM

Angelus/

LKBM

Angelus/HF
12.15-13.45 IHAD-SMS

TT

IHAD-SMS

PR

IHAD-SMS

ING

IHAD-SMS

ESP

IHAD-SMS

INA

IHAD-SM (MIX)
13.45-14.15 RD RD(®) MR RD MR RD®
14.15-15.15 TS TS© TS TS© TS LUK
15.15-16.00 HLT HLT/HBL HLT HLT/HBL HLT HLT/HBL
16.00-16.15 REVISTA DA IMPRENSA
16.15-17.00 COMDIO COMDIO COMDIO COMDIO COMDIO COMDIO
17.00-17.45 JBKS LUK JBKS LUK JBKS HF
17.45-18.00 Announcements and Advertisements
18.00-19.00 Angelus, Rosary, Short Sermons, The Saints, Church Announcements, etc.
19.00-19.15 EVENING NEWS
19.15-20.00 DHM DHM DHM DHM DHM DHM
20.00-21.30 IHAD-Phone-in IHAD-Phone-in IHAD-Phone-in IHAD-Phone-in IHAD-Phone-in IHAD-Phone-in
21.30-21.45 Announcements and Advertisements
21.45-21.55 Evening Prayer/Molok Rai Hakmatek
21.55-22.00 Epilog, Closing Station

NOTES:

  1. AFN: Asuwa’in Fiar Nain                                                          14. LUK: Lidun Uma Kain
  2. MHD: Mahowen Dadersan                                                    15. JBKS: Janela Ba Knua sira
  3. HFBH: Husi Fuan ba Hahalok                                                16. HF: Hafunan Fiar
  4. BM: Bua Malus                                                                         17. DHM: Dame Halai Hanesan Mota
  5. HHM: Hakail Hanoin Murak                                                   18. IHAD-pi: Request by phone in
  6. FM: Favorit Music                                                                   19. MRH: Molok Rai Hakmatek
  7. LKBM: Lia Ksolok ba Moris                                                    20. RI: Revista de Imprensa
  8. IHAD-s: Sms request                                                               21. HBL: Hakat Ba Lialos.
  9. MR: Musica Religiosa                                                              22. SLRC:Slow rock, RGE: Reage   
  10. RD/RD(s): Radio Drama /Radio Drama (religiosa)             23. CNRY:Country ,JAZZ: Jazz, MIX: Mix, RLG: Religiosa                                                                                   
  11. TS/TS©: Talk show/Talk show (convidado)                          24. PPRC:Pop rock,Blues,Disco,CLC:Clasic 
  12. HLT: Homan Lisan Timor                                                       25. PR: Porto, ESP: Espanha, ING: Ingles
  13. COMDIO: Comição da Diocese                                             26. TT: Tetum, INA: Indonesia                                                                                                                                                                                                                                                                                                                                                                                                                                                 

Dili, 05 de Janeiro de 2017. Director RTK, Pe. Bento BARROS PEREIRA.