shadow
Diocese de Dili > NOTÍCIAS > LETURA DIÁRIA > Terça-Feira, XXV SEMANA DO TEMPO COMUM

Terça-Feira, XXV SEMANA DO TEMPO COMUM

Ano A

 

Primeira Leitura                                                                                                                                                                            Esd. 6:7-8,12b,14-20

Lia housi Livro Esdras nian

Iha loron hirakneba, Dario, liurai Pérsia nian, hakerek ba ulun sira iha provincial occidental be hela iha mota Eufrates nia sorin balun ba, hodi fó ordem nune’e: “ Imi husik ema boot Judá  nian ho katuas sira judeu sira nian atu hari templo Maromak nian. Sira hari fila fali templo ne’e iha nia fatin uluk. Ida ne’e mak ha’u nia hanourin oinsá mak imi sei serbisu hamutuk ho katuas sira judeu sira nian kona ba hari fila fali templo Maromak nian; imi sei selu iha oras lolós ema sira ne’e hodi osan housi imposto nebe simu housi povo be hela iha provincial occidental Mota Eufrates nia sorin balun ba, atu nune’e, katuas sira judeu sira nian, hala’o didi’ak nafatin sira nia serbisu hodi tulun housi liafuan profeta Ageu no Zacarias, Ido nia oan. Sira halo hotu duni templo tuir Maromak Israel nia no tuir  ordem liurai Ciro no Dario nian. Templo ne’e hotu iha loron ruanulu resin tolu, fulan Adar nian, iha tinan ba dala neen liurai Dario nia ukun. Israel nia oan sira – Na’i lulik sira, levito sira, no sira hotu nebe fila mai sira rain – ho ksolok boot tebes celebra  festa dedicação templo Maromak nian. Atu hala’o festa dedição templo ne’e nian, sira hasai karau vaka atus ida, bibi malae aman atus rua, bibi malae kiik atus háat; atu hamos Israel tomak nia salan, sira hasa’e mós bibi, timur sanulu resin rua, tuir uma-kain ida-idak Israel nian. Hafoin, foti Nai’lulik sira tuir ida-idak nia klase, no foti levitas sira tuir ida-idak nia grupo, atu hala’o knar sagrado iha Jerusalém, tuir lisan nebe hakerek nanis ona iha livro Moisés nian.

Ema sira uluk be moris-dadaur iha rai seluk celebra páscoa iha loron sanulu resin háat, fulan ba dala uluk nian. Na’ilulik no levitas sira simu hamos-an hamutuk sira ne’e hotu mós ona, sira bele hasa’e sacrifício bibi oan Pascóa nian tan ema desterrado sira hotu, tan Maluk Na’ilulik sira seluk no tan sira-an rasik.

Maromak nia futar Lia.

 

Salmo Responsorial                                                                                                                                              Sal.121 (122):1-2,3-4a,4b-5 (R.cf.1)

Refrão Ho ksolok, ita sei la’o ba Na’i Nia uma! Repete-se

  • Ha’u haksolok, wainhira ema dehan mai ha’u:

          “Ita la’o ba Na’i Nia Uma”.

          Ami tau ona ain

          Iha ó odamatan, Jerusalém.  Refrão

 

  • Jerusalém, cidade be hari metin,

          hari metin no kmanek tebes!

          Atu suku sira hotu sa’e ba,

          Suku hotu Na’i Nian. Refrão

 

  • Tuir lisan Israel nian,

          Atu haliban Na’i Nai naran,

          iha neba, iha tribunal justiça nian

          tribunal uma kain David nian.  Refrão

 

Aclamação                                                                                                                                                                                                        Lc. 11:28

Refrão Aleluia, Aleluia! Repete-se

                  Rahun di’ak ba sira nebe rona Maromak Nia futar lia,

                  hodi moris tuir.  Refrão

 

Evangelho                                                                                                                                                                                                        Lc: 8:19-21

Na’i Jesus Cristo nia Evangelho tuir São Lucas

Iha tempo neba, Jesus nia inan ho Nia maun-alin sira mai buka Nia, maibe sira la bele hakbesik ba Nia tanba ema lubun boot. Ema sira fó hatene ba Nia: “Ita nia inan no maun alin sira hamriik iha liur hodi hakarak haré Ita.”

Lia maksoyn

Leave a Reply

Your email address will not be published. Required fields are marked *