shadow
Diocese de Dili > NOTÍCIAS > LETURA DIÁRIA > Quinta-feira, XXVIII DO TEMPO COMUM

Quinta-feira, XXVIII DO TEMPO COMUM

 ANO A

 

Primeira Leirua                                                                                                                       Rom. 3:21-30a

Lia housi São Paulo nia Surat ba sarani sira iha Roma

Maun alin sira: ohin, Maromak nia justiça mosu ketak housi ukunfuan, maski ukunfuan no profeta sira fó sasin ba nia; ne’e mak Maromak nia justica housi fiar iha Jesus Cristo ba sira nebe fiar. Ema hot-hotu hanesan! Ema hot-hotu halo tiha sala no lakon ona Maromak nia glória. La selu buat ida, ema sai lós housi maksoin iha Cristo Jesus, nebe Maromak tau nu’udar buat karan hodi nia ran, nebe ema sei housi fiar; ne’e atu hatudu Maromak nia justiça, basá tan Maromak nia laran luak, nia fó perdua bas ala sira nebe ema halo tiha ona, atu hatudu iha tempo ne’e katak nia lós no nia halo lós sira nebe fiar iha Jesus Cristo.

Ne’e duni, tan sá gaba an? La bele! Tanba sá? Tanba hahalok? Lae! Lolós, tan fiar de’it. Basá ita hanoin katak ema ida sai lós housi fiar maski ketak housi hahalok ukunfuan nian. Maromak make ma judeu sira nia Maromak de’it? Nia la’os ema gentio nia Maromak mós? Los duni, nia gentio sira nian mós, basá Maromak mesak ida de’it no sei halo lós sira nebe simu tiha circuncisão tan fiar, no sira nebe la simu circuncisão tan fiar

Maromak futar lia.

 

Salmo Responsorial                                                                          Sal. 129(130): 1-2,3-4b,4c-6 (R.1)

Refrão: Na’i  laran-luak tebes no maksoin wa’in! Repete-se

Na’i, housi kle’an nakukun, ha’u bolu ita,

Na’i, rona ha’u lian ba.

Sée tilun mai ha’u, Na’i,

Hodi rona ha’u lian harohan nian.   Refrão

 

Ita hanoin karik ami nia salan,

Na’i, ema sé bele soi an?

Maibe, Na’i, iha ita iha perdua,

Tan ne’e, ami hamta’uk ita.  Refrão

 

Ha’u tau laran metin iha Na’i,

Ha’u klamar hein iha Na’i nia futar liafuan,

Ha’u klamar hein hela Na’i,

Liu fali sentinel hein rai-hun mutin.  Refrão

 

Aclamação                                                                                                                                                Jo. 14:6

Refrão: Aleluia, Aleluia, Aleluia ? Repete-se

Ha’u ne’e dalan, lialòs no Moris  hun, Na’i lia tun;

Ema ida la liu karik husi ha’u, nia la bele ba Aman Maromak.  Refrão

Evangelho                                                                                                                                                Lc. 11:47-54

Na’i Jesus Cristo nia Evangelho tuir São Lucas

Iha tempo neba, Jesus lia tuna ba, dehan: susar ba imi nebe hada rate profeta sira nian: maibe imi nia bei ala sira rasik mak oho sira! Nune’e imi fó sasin, hodi hakarak mós imi nia bei ala sira nia hahalok sira; basá sira mak oho, imi hada rate. Tan ne’e Maromak nia matenek dehan: ‘Ha’u sei haruka profeta no apóstolo sira ba sira; balun sira sei oho no balun, sira haterus.’ Maibe, Maromak mai husu conta housie ma otas ne’e nian kona ba profeta sira hotu nia ran, nebe nakfakar houri  mundo nia hahu, housi Abel nia ran to’o Zacarias nian, nebe ema oho iha Altar no Santuàrio nia leet. Tebes, Ha’u dehan ba imi, ema sira ne’e sei hatan kona ba buat hirak ne’e hotu. Susar ba imi, doutor ukun fuan sira nian, nebe hadau tiha chave matenek nian? Imi rasik la tama, no imi taka netik dalan ba sira nebe hakarka tama

Wainhira Nia sai housi neba, escriba no fariseu  sira hahu haksesuk maka’as ho Nia, hodi koko halo Nia ko’alia kona ba buat barak. Sira buka atu halo Nia sidi ho Nia liafuan atu nune’e sira bele du’u Nia.

Lia maksoin.

 

Leave a Reply

Your email address will not be published. Required fields are marked *