shadow
Diocese de Dili > NOTÍCIAS > LETURA DIÁRIA > Domingo, XXXIII DO TEMPO COMUM

Domingo, XXXIII DO TEMPO COMUM

ANO A

 

Primeira Leitura                                                                Sab. 6,13-17

Lia housi São Paulo nia surat ba sarani sira iha Roma

Matenek nabilan kmook nafatin; leno nia an ba ema sira nebé hadomi nia, hatudu an ba ema hotu nebé buka nia. Molok ema atu hetan nia, nia hatudu an uluk tiha ba ema nebé hakarak nia. Ema nebé buka nia housi rai kmaus sei la kole, tan sei hetan nia tur hela iha odamatan. Di’ak tebes hanoin kona ba nia; ema nebé kalan la dukur tan nia, sei la hetan teni susar. Nia buka tuir ema nebé soy duni ba nia: Ho laran luak nia hatudu an ba sira iha dalan; ba hasouru sira iha buat hotu nebé sira hanoin atu halo.

Maromak Futar Lia.

 

Salmo Responsorial                                                                                                                                                             Sal. 62 (63), 2. 3-4. 5-6. 7-8

Refrão :  Ha’u nia Maromak,

                 ha’u klamar buka Ita! Repete-se

 

Na’i ha’u nia Maromak, ha’u buka Ita;

Ha’u klamar buka Ita nafatin.

Ha’u isin buka Ita, nu’u rai maran buka wé. Refrão

 

Ha’u klamar hahí Ita iha kadunan,

Haré Ita nia kbiit no glória.

Ita nia domin di’ak liu moris tomak;

Ha’u ibun la kole hahí Maromak. Refrão

 

Ha’u hanoin hetan Ita iha ha’u toba fatin,

Ha’u hanoin Ita iha hamulak loraik nian.

Maromak tahan ha’u nafatin,

Ha’u haksolok ho Maromak nia tulun. Refrão

 

Segunda Leitura                                                                                                                                                                                             1 Tes. 4, 12-17

Lia housi São Paulo nia surat ba sarani sira iha Tessalónica

Maun alin sira: Ami la kohi imi neon beik b alia nebé kona ba mate-bian sira, hodi hetan leet de’it hanesan ema nebé la hatene hein. Hanesan ita fiar katak Jesus mate no moris hias fali, ne’e ami hanoin tuir Na’I atu fila hikas, ita sei la la’o iha mate-bian sira oin. Tan, to tiha menon, Arcanjo sira sei hananu, korneta sei lian, ita Na’in rasik sei tun mai housi lalehan; uluk knana’in sei moris hias sira nebé mate ona iha Cristo. Hafoin, ita nebé sei moris, ita sei sa’e hamutuk ho sira ba leten aas, ba hasouru malu ho Cristo. Nune’e, ita sei ba hela nafatin ho Nia. Imi sei haksolok malu ho lia-fuan hirak ne’e.

Maromak Futar Lia.

 

Aclamação                                                                                                                                                                                                                 Lc. 21, 36

Refrão : Aleluia, Aleluia! Repete-se

Neon moris, hamulak nafatin,

atu imi bele ba hasouru Oan Mane.  Refrão

 

Evangelho                                                                                                                                                                                                               Mt. 25, 1-13

Na’i Jesus Cristo nia Evangelho nu’udar  São Mateus haktuir

Iha tempo nebá, Jesus dehan ba Escolante sira aiknanoik ida ne’e: “Reino lalehan nian, hanesan ho feto virgem na’in sanulu ne’e, na’in lima beik, lima seluk matenek, lori mina hamutuk ho áhi-oan. Tan mane ladauk mai, sira matan dukur hodi toba tiha. Kalan fahe rua, sira rona lian ida nune’e: ‘Manen mai ona ne’e, imi ba hasouru nia!’ Virgem sira hotu hadér hodi hadi’a sira nia áhi-oan. Sira nebé, dehan ba matenek sira: ‘Fo imi nia mina mai ami, tan ami nia áhi-oan mate.’ Maibé, sira nebé matenek, dehan: ‘Keta la to’o karik ba ami no ba imi, di’ak liu imi ba buka ema nebé fa’an, hodi sosa ba imi rasik.’ Wainhira sira ba sosa, manen to’o mai: Sira nebé hein hela, tama ho nia atu han iha casamento; sira taka tiha odamatan. Ikus mai, virgem sira seluk to’o mai, hodi dehan: ‘Na’i, Na’i, loke odamatan mai ami.’ Maibé, Nia hatán ba sira: ‘Ha’u dehan lós ba imi: Ha’u la hatene imi!’ Ne’e duni, neon moris, tan imi la hatene oras ka loron.”

Lia Maksoyn

Leave a Reply

Your email address will not be published. Required fields are marked *