shadow
Diocese de Dili > NOTÍCIAS > LETURA DIÁRIA > Quarta -Feira, XXXII DO TEMPO COMUM

Quarta -Feira, XXXII DO TEMPO COMUM

ANO A

 

Primeira Leitura                                                                           Sab. 6:1-11

Lia housi livro Sabedoria

Liurai sira, rona mai: Imi buka hatene didiak ba; ukun na’in sira rai dook sira nian; aprende didiak ba: imi hotu be ukun ema ua’in, imi hotu be haha-an tan iha povo ua’in, sée tilun didiak mai, basá, imi simu biit housi Na’i; simu ukun housi Maromak leten áas; Nia sei haré lós imi nia hahalok no buka hatene lós imi nia hanoin.

Imi, nu’udar ministro Nia reino nian la ukun lolós, la halo tuir lei, no mós la halo tuir Maromak Nia hakaran, Nia sei mosu ba imi teki-tekir ho Nia kbiit, basá, Nia justiça be lós liu hein hela sira be ukun povo. Ida be kiik liu sei hetan perdua no sadi’a, maibe, biit na’in sira sei simu justiça maka’as. Na’i hot-hotu nian, la hakiduk iha ema ida nia oin, la ta’uk iha ema boot nia oin, basá, Nia mak hakiak ida be kiik no ida be boot, hodi tau matan ba sira hotu hanesan mas que sei tesi lia maka’as ba sira be ukun povo.

Ne’e duni, ba imi uku na’in sira, mak ha’u hato’o ha’u nia liafuan sira ne’e, atu imi hanourin an matenek hodi la monu iha sala. Basá, sira nebe moris tuir hahalok santo Na’i sei hatene sira nu’udar santo, no sira nebe simu matenek housi buat santo hirak ne’e, sei hetan tulun. Imi buka rona didiak ha’u nia liafuan sira, buka tebes ho laran ba, atu imi sai matenek.

Maromak Futar Lia

 

Salmo Responsorial                                                                                                                                                       Sal. 81(82): 3-4, 6-7 (R. 8a)

Refrão : Na’i hamriik ba, hodi tesi lia ba rai. Repete-se

Na’i, souri netik ida be terus no oan kiak,

Halo justiça ba kiak no biit laek sira;

Hasai sira be ema hanehan no mea heuuai,

Hasai sira housie ma áat sira liman. Refrão

 

Na’i lia tun: “Imi hanesan Maromak sira,

Oan sira Maromak leten áas nian;

Maibe, nu’udar ema imi sei mate,

Imi hotu monu hanesan liurai oan sira”. Refrão

 

Aclamação                                                                                                                                                                                                          1 Tes. 5:18

Refrão : Aleluia, Aleluia!! Repete-se

Fó agradeçe ba Maromak iha fatin no iha tempo hot-hotu,

Basá, ida ne’e mak Maromak hakarak imi halo iha Cristo Jesus. Refrão

 

Evangelho                                                                                                                                                                                                            Lc. 17:11-19

Na’i Jesus Cristo nia Evangelho nudar São Lucas haktuir

Iha tempo neba, Jesus liu housi Galileia no Samaria atu ba Jerusalém. Uainhira nia tama dadaun ba knua ida, ema moras lepra na’in sanulu mai hasouru Nia. Housi dook sira hasa’e lian dehan: “Jesus, mestre, sadi’a atan ami!” Haré tiha sira, Nia dehan ba sira: “Imi ba hatudu imi an ba Na’ilulik sira.” La’o tuir dalan, sira sai mós ona. Sira ida, haré katak nia isin di’ak fali ona, fila fali hodi hahi Maromak ho lia maka’as; nia taka oin ba rai besik Jesus nia ain hodi agradeçe. Ema ne’e Samaritano ida. Jesus dehan ba nia: “La’os ema na’in sanulu mak sai mós? Sira na’in sia iha nebe? Sira ida la fila mai atu fó glória ba Maromak, make ma malae ne’e de’it?” Hafoin Nia dehan ba ema ne’e: “Hamriik, la’o ba! O nia fiar mak soi o!”

Lia Maksoyn

Leave a Reply

Your email address will not be published. Required fields are marked *