shadow
Diocese de Dili > NOTÍCIAS > Notícias > FOSCA BECORA REALIZA EVENTO 12 DE NOVEMBRO

FOSCA BECORA REALIZA EVENTO 12 DE NOVEMBRO

DCDD – (12/11/2017) Massacre 12 de Novembro 1991 hanesan acontecimento ida nebe mosu ho consiquência ida nebe triste e dramática tebes iha história luta resistência Timor-Leste nian. Massacre 12 de Novembro 1991, início do fim da ocupação Indonésia iha Timor-Leste. Atu hanoin hikas sacrifíçio sira nebe loriku As-wain sira hatudu ona iha tinan 26 ba kotuk, FOSCA BECORA realiza evento 12 de Novembro ho iniciatica ida katak atu halibur hikas juventude sira hodi cria no haburas unidade no paz hanesan loriku As-wain sira hatudu ona iha tinan 26 liu ba.

Evento ida nee realiza durante loron tolu nia laran nebe hakonu ho actividade sira hanesan formação, animação no mos actividades espiritual nian. Ho evento nee hetan participação diak tebes husi foinsae husi bairos 24 iha Paróquia Becora no mos grupos Categoriais hirak nebe hamahan-an iha Paróquia Becora nia laran.

Comissão Organizadora ba evento 12 de Novembro Floriano Pereira Ruben iha intervista hateten; Evento 12 de Novembro ba tinan ida nee, mai ami hanesan buat foun ida basá pela primeira vez ami foinsae sira tau hamutuk ami nia ideia atu realiza evento nee. Ami realiza evento ida nee atu halibur fila fali juventude sira, atu ita bele servisu hamutuk hodi halo buat foun ba ita nia nação, tanba Jovem sai nudar sinal Maromak nian iha mundo. Se ita hanoin katak ita Jovem Maromak nian, ita sei la hanoin atu hakanek ita nia belun jovem sira seluk, tenik Floriano Pereira.

Relaciona ho actividade sira be realiza iha evento nee, comissão nee haktuir katak; durante loron tolu nia laran ami hakonu ho actividaes hanesan comferência, animação no mos actividade Espiritual nian. Iha loron tolu nia laran nee, cada loron ami halo ona divisão ba actividade saida deit mak sei realiza. Tanba nee, iha loron uluk Dr. Constâncio Pinto no João Viana mak fahe sira nia matenek hodi nafatin fo motivação ba foinsae sira. Orador hirak nee acentua liu ba iha juventude sira iha tempo passado, presente no jovem hirak nebe hakarak halo diak iha futuro. Ba loron daruak nian ami realiza actividade espiritual nian (TAIZE) atu oinsa bele motiva foinsae sira bele halo oração hamutuk, atu jovem sira bele besik liu tan ba Maromak, hametin liu tan sira nia relação nebe íntimo ho Maromak. Iha loron ba datoluk nian, comissão realiza evento animação sira, além nee mos ami tenta fahe visão no missão FOSCA nian ba jovem sira seluk.

Evento hirak hanesan nee atu realiza ho sucesso precisa kbiit. Tanba nee comissão nee esplica katak dificuldade sira nebe essencial liu sira emfrenta iha parte financeira nian. Mas que nunee la hamate sira nia espírito maibe ho sira nia esforço rasik hamutuk cada jovem ida-idak nia contribuição ho famílias balun colabora hamutuk, no fim atingi duni sira nia mehi nebe sira hakarak. Mas que hasoru desafios sira, maibe parte comissão orgulho tebes tanba evento durante nee lao ho sucesso to remata. Lily

Leave a Reply

Your email address will not be published. Required fields are marked *