shadow
Diocese de Dili > NOTÍCIAS > Notícias > Hau La Preucupa ba Político iha rai laran maibe Hau Preucupa liu ba Político nain sira

Hau La Preucupa ba Político iha rai laran maibe Hau Preucupa liu ba Político nain sira

DCDD – (06/11/2017) Lia hirak nee, hatoo husi Primeiro Ministro Mari Alkatiri iha nia discurso relaciona ho II Congresso Nacional Juventude nebe realiza iha Centro Comvenção Dili Terça Feira foin lalais nee hodi comemora loron Masacre santa Cruz 12 de Novembro. Tuir Primeiro Misnistro katak Hau la preucupado ho situação política tan hau fo confiança tomak ba povo. Hau preucupa ho político sira laos questão polítca. PM Mari Alkatiri hateten; hau la preucupa ho situação política tanba ita hare iha fulan tolu nia laran nee povo hakmatek nafatin, jovem sira hakmatek nafatin, hirak nebe escola nafatin ba escola. Saida mak la hakmatek mak ita político sira. Tanba nee, hau bele dehan povo nia maturidade metin ba bebeik, hateten Pm Mari Alkatiri.

Relaciona ho Congresso Nacional ba Juventude sira, PM Mari Alkatiri hato ninia agradecimento no fo parabens ba juventude mate resto masacre 12 de Novembro nian basá bele halibur malu iha II Congresso nee. Tanba nee PM Mari Alkatiri hateten; hau fo parabens ba loriku asuain sira hotu no mate resto sira iha nebe halibur malu iha fatin ida nee iha II Congresso atu bele hetan reflexão boot ba situação iha rai Timor-Leste.

Tanba jovens sira uluk 12 de Novembro nian hatudu mai ita dalan ida que los. Wainhira ita atu halo sacrifício, ita halo sacrifício, wainhira tem que hamutuk ita tem que hamutuk. Nee dalan ida nebe ita boot sira hatudu mai ami e ami mak uluk hahu processo ida nee, dalan ita boot sira hatudu mai ami e ami mos aprende atu tuir dalan ida nee. Hau fiar nafatin katak situação nee temporário ka trangitório tanba hau hatene saida mak ami ida-idak hanoin, saida mak ami ida-idak hakarak, tanba nee hau fiar katak nee transição ida para ita bele buka dalan ida nebe los atu lori processo nee ba oin. Ngl/alin

Leave a Reply

Your email address will not be published. Required fields are marked *