shadow
Diocese de Dili > NOTÍCIAS > Notícias > MATURIDAE POLÍTICA SIRA SIDAUK FORTE HAHU KEDAS HUSI POLÍTICO NAIN SIRA

MATURIDAE POLÍTICA SIRA SIDAUK FORTE HAHU KEDAS HUSI POLÍTICO NAIN SIRA

DCDD – (12/11/2017) Pe. Vigário Paroquial Paróquia Sagrado Coração de Jesus Becora Pe. Domingos da Silva hateten lia hirak nee iha nia knar fatin Becora Dili relaciona ho loron nacional Massacre 12 de Novembro tinan nee nian. Pe. Domingos hateten; ita nia nação nee nudar nação ida nebe sei bebe/nurak mas que hamrik ona iha tinan 17 nia laran, maibe ita hare katak ita nia maturidade política sidauk makas hahu kedas husi político nain sira. Tanba nee atu halao nação ida nee lao nafatin ba oin mak imi juventude sira. Tanba nee juventude sira tem que prepara-an no tem que hanoin atu halo buat diak ruma par atu ukun nação ida nee lao ba oin, tenik Pe. Domingos.

Relaciona ho evento Formação sira be FOSCA BECORA realiza durante loron tolu nia laran nee, Pe. Domingos hateten; evento sira hanesan nee, Jovem sira tem que reflete hodi husu ba nia-an katak hau bele halo tan saida ba hau nia rai doben ida nee. Hirak nee hotu precisa liu husi formação sira hodi habot imi nia fiar no hakbesik liu tan imi ba Maromak.

Tuir Pe. Domingos katak; Jovem mak ema nebe too ona otas ida nebe nia sente nia-an katak nia mos ema ida ona, tanba nia isin lolon desemvolve ona hodi sente katak hau fetoran no mane klosan ida. Jovem tem que sente nia-an hanesan iha realidade ho buat hotu-hotu nebe mak nia simu iha nia moris nee mai husi Maromak. Tanba nee Jovem nee sinal Maromak nian ba mundo. Nee hotu tanba Maromak nia domin nebe tau hela ba jovem atu bele colabora ho Maromak hodi hakiak Maromak nia plano ida nee ba mundo.

Pe. Domingos realsa tan katak; Santo Padre Francisco foin dadauk halao nia encontro ho jovem sira iha Cracovia hateten, jovem precisa identifica didiak nia-an atu conhece diak liu tan nia-an. Jovem ida mos precisa loke fuan atu halao buat nebe Maromak hakarak nia atu halao. Atu bele sai hanesan jovem ida nebe mak brani precisa iha coragem. Wainhira iha ona coragem nia tem que haterus nia-an e buat nebe mak nia tem que tau ba kotuk mak nia-an rasik. Lily

Leave a Reply

Your email address will not be published. Required fields are marked *