shadow
Diocese de Dili > NOTÍCIAS > LETURA DIÁRIA > Quinta -Feira, XXXII DO TEMPO COMUM

Quinta -Feira, XXXII DO TEMPO COMUM

ANO A

 

Primeira Leitura                                                                           Sab. 7:22-8:1

Lia housi livro Sabedoria

Iha Matenek nia laran, iha Espírito ulun mamar ida, Santo, ida mesak ho hahalok oi-oin, moris, lais, esparto, sala laek, nabilan, laran kmook, belun ba buat di’ak, haré borus, la hakmatek, laran di’ak, belun ema hotu nian, metin iha fatin, tós, bele buat hot-hotu, haré buat hotu, tama borus iha espírito hot-hotu sira nebe ulun mamar nian, mós no moris liu. Basá, Matenek, lais no kman liu buat nebe bele book-an, tama borus buat hotu tan nia mós liu.

Nia iis ida biit Maromak nian, nebe mai housi Nia biit Na’in Nia glória; tan ne’e, buat fó’er ida la besik ba nia. Tebes, Nia mak kmanek roman rohan laek nian, lalenok mós liu Maromak Nia hahalok nian, ilas Nia laran di’ak nian.

Mas que nia ida mesa, nia bele hot-hotu, metin nafatin iha nia-an, hafoun buat hotu. Wainhira liu housi derasaun ida-idak, iha klamar mós sira hadi’a hela belun sira Maromak nian no profeta sira, basá, Maromak hadomi de’it ema nebe hôrik ho Matenek. Nia kmook liu loro, mana fitun hot-hotu. Tanesan ho naroman, mosu mai kmanek liu, basá, tuir naroman mai kalan, maibé, hasouru Matenek buat áat ida la bele manan. Nia habelar Nia biit housi rai ulun to’o rai ikun hodi ukun buat hotu ho nia kmanek tomak.

Maromak Futar Lia

 

Salmo Responsorial                                                                                                                        Sal. 118(119):89, 90, 91, 130, 135, 175 (R.89a)

Refrão : Na’i, Ita futar liafuan, hela tinan-ba-tinan!!! Repete-se

Na’i, Ita futar liafuan hela nafatin,

Metin tebes iha lalehan sira.

Ita Nia lialós hela nafatin housi otas ba otas,

Hanesan rai klaran nebe Ita halo. Refrão

 

Na’i, buat hotu mosu tuir Ita hakaran,

Buat hotu hamta’uk Itaboot.

Na’i, Ita futar liafuan mak naroman,

Ema haraik-an sira nia matenek. Refrão

 

Hatudu ba Ita atan, Ita futar oin,

Hanourin mai ha’u, Ita lei.

Ha’u klamar moris atu hahi Itaboot,

No Ita Nia tesi lia mai tulun ha’u. Refrão

 

Aclamação                                                                                                                                                                                                                  Jo. 15:5

Refrão : Aleluia, Aleluia!!! Repete-se

Ha’u mak uvas hun, imi sanak sira; ema nebe hela iha

Ha’u no Ha’u iha nia, ema ne’e fó fuan barak. Refrão

 

Evangelho                                                                                                                                                                                                            Lc. 17:20-25

Na’i Jesus Cristo nia Evangelho nudar São Lucas haktuir

Iha tempo neba, Fariseu sira husu ba Jesus, wainhira mak Maromak nia reino sei to’o. Nia hatan ba sira dehan : “Maromak nia reino la mai hodi hatudu an. Ema ida la bele dehan: ‘Mak ne’e,’ eh ‘Mak neba;’ basá Maromak nia reino iha ona imi leet.”

Tuir mai Nia dehan ba nia escolante sira: “Loron sei to’o wainhira imi sei hakarak haré Oan Mane nia loron ida, no imi se la haré. Ema sira dehan ba imi: ‘Nia mak ne’e,’ eh ‘Nia mak neba.’ Keta bá, keta tuir. Basá nu’udar railakan nabilan housi lalehan nia hun to’o nia rohan, nune’e mós sei mosu iha Oan Mane nia loron. Maibé, uluk knana’in Nia sei terus boot, ema housi otas ne’e sei hakribi Nia.

Lia Maksoyn

Leave a Reply

Your email address will not be published. Required fields are marked *