shadow
Diocese de Dili > NOTÍCIAS > Notícias > Vocação Amululik Ninian Laos Privilégio Maibe Servisu Ida

Vocação Amululik Ninian Laos Privilégio Maibe Servisu Ida

DCDD – (04/11/2017) D. Virgilio do Carmo da silva fo sai lia hirak nee iha nia homilia ba ordenação Sacerdotal diácono Nivio Correia Lebre husi Congregação Filho de Caridade Canossiano iha SE Catedral Vila Verde-Dili.

D. Virgilio iha ocasião nee hateten; Vocação amululik ninian laos privilégio, maibe servisu ida. servisu nee hotu ninia fundamento mak caridade, nia precisa purifica nia-an continua atu hakonu duni iha nia fuan domin Maromak ninian, tan domin mak Maromak fihir, Maromak sadik, haruka atu nunee, ida nebe Nia haruka bele sai duni instrumento ida nebe trangível no credível iha sociadade, iha comunidade, iha creda ohin loron liu-liu iha ita nia rai doben Timor-Leste.

D. Virgilio reforça mos tan katak; Bolu Jesus nian nee obriga ita e particularmente ohin ba diácono Nivio. Tanba nee, loron ba loron hakasan nafatin halo nia fuan nakonu ho fuan centimento misericórdia nian. ita precisa reza ba amo Nivio, ba nia família no mos ba Congregação Canossiano ninian liu-liu ba amululik Canossiano ninian atu ho ordenação diácono Nívio ninian bele sai tan momento forte ida ba sira, halo Maromak ninia laran sadia sente liu tan iha fatin nebe sira hela ka fatin nebe sira halo sira nia knar ba.

Iha biban nee, Pe. Foun Pe. Nivio Coreia Lebre haktuir processo tomak husi Aspirantado to vida Nailulik nian nee ho nia duração tinan 13 nia laran. Wainhira hau hahu tama Seminário hamutuk ho colega lubuk ida maibe too ikus sira sai e hau nudar timoroan hamutuk ho colega Filipino nain 3 mak nafatin continua. Buat hirak nee hotu hanesan iniciativa Maromak nia laran luak no domin tomak tulun no acompanha ami iha processo ba vida Nailulik nian hodi sai servi Creda.

Sacerdote foun nee afirma tan katak, processo tomak ba vida Nailulik nian molok nee hasoru deficuldade oi-oin, maibe desafio nee hanesan cressimento ida  nudar iha hau nia motto hateten ”FOLIN LAEK MAIBE NA’I HILI”. Tanba nee centimento nebe nakonu iha hau nia fuan oras nee dau-daun mak ida nee gratidão nian. Husi nee hau hakarak agradece ba esforço tomak ba família, belun no religiosa sira no mos sarani tomak nebe tulun ona hau liu husi imi nia vida oração hahu husi hau nia formação too mai loron ohin simu tan sacramento Ordem. E hau nafatin husu imi hotu nia oração ba hau iha vocação ida nee. alin

Leave a Reply

Your email address will not be published. Required fields are marked *