shadow
Diocese de Dili > NOTÍCIAS > LETURA DIÁRIA > Quinta-Feira, XXXIII DO TEMPO COMUM

Quinta-Feira, XXXIII DO TEMPO COMUM

ANO A

 

Primeira Leitura                                                                      1Mac. 2. 15-29

Lia housi primeiro livro Macabeus nian

Iha loron hirak neba, ema sira be liurai Antíoco haruka simu ordem atu obriga Israel oan sira husik sira nia fiar. Sira mai iha cidade Modin atu hadi’a hasa’e sacrifício. Israel oan sira wa’in libur hamutuk ho sira. Maibé Matatias ho nia oan sira hadook an housi sira no metin nafatin ho sira nia fiar. Liurai nia manu ain sira ba hasouru Matatias hodi dehan: “Ó mak ulun boot no naran boot iha cidade ne’e. Ó nia oan sira no parente sira fó biit no ukun ba ó. Tan ne’e, ó mai uluk halo tuir liurai nia ordem hanesan nação sira hotu halo, ema sira housi Judá no sira nebe hela iha Jerusalém halo. Nune’e, ó ho ó nia oan sira sei hela iha belun sira liurai nia leet; hetan honra hodi simu osan mutin, osan mean ho presente barak”. Wainhira atu hatan, Matatias dehan ho lian maka’as: “Maski nação hot-hotu be iha liurai nia ukun rona liurai hodi husik sira nia bei-ala sira nia lisan, hakarak liu tuir liurai nia ordem; ha’u, oan sira ha’u nian, ha’u nia parenti sira, ami sei tuir nafatin moruk ami nia bei-ala sira nian. Maromak sei tulun ami atu halo tuir nafatin Nia lei no Nia ukunfuan sira. Ami sei la sée tilun ba liurai nia liafuan sira, hodi husik ami nia lisan, maski ba kuanan eh ba karuk.”

Wainhira nia ko’alia hotu tiha liafuan hirak ne’e, ema Judeu ida, iha ema hotu nia oin, hakbesik ba atu hasa’e sacrifício ida iha altar Modin nian, tuir ordem liurai nian. Matatias haré tiha nia ho biit maka’as tebes, nia laran nakdedar, ho hirus be justo, nia halai hasouru nia hodi oho tiha nia iha altar ne’e. Oho mós liurai nia manu ain nebe obriga nia hasa’e sacrifício hodi sobu mós altar.

Ho nia barani ida ne’e, hatudu nia domin tan ba Lei, hanesan uluk Fineias halo hodi hasouru Zambri, Salu nia oan. Nune’e, Matatias hahu hakilar iha cidade ho lian maka’as, dehan : “Imi hotu nebe hadomi Na’i Nia Lei hodi hakarak metin nafatin iha moruk, sai hodi mai tuir ha’u”. Hafoin, nia halai ba foho ho nia oan sira hodi husik hela hotu sira nia riku-soi iha cidade.

Iha tempo neba duni, ema Judeu sira barak nebe hadomi justiça no direito, tun ba rai fuik maran hodi hôrik iha neba.

Maromak Futar Lia

 

Salmo Responsorial                                                                                                                                                 Sal. 49(50). 1-2, 5-6, 14-15 (R.23b)

Refrão : Ba ema nebe moris tuir lialós,

                  Ha’u sei fó Maromak Nia Maksoyn!!! Repete-se

 

Ko’alia ba Na’i, Maromak be Ida mesak,

Halibur rai hotu, housi loro sa’e to’o loro manu,

Housi Sião be kmo’ok tebes, Maromak nabilan,

Ita nia Maromak hi’it An mai, Nai sei la nonok. Refrão

 

“Halibur Ha’u Nia emar sira hotu,

Sira be simu ona Ha’u moruk ho sacrifício.”

Lalehan haklaken Nia justiça;

Maromak rasik mai tesi lia. Refrão

 

Hasa’e sacrifício hahi nian ba Maromak,

Halo tuir ó nia lia hakotu ba Leten áas liu;

Harohan mai Ha’u iha loron susar,

Ha’u sei soi ó no ó sei fó mai Ha’u glória. Refrão

 

Aclamação                                                                                                                                                                                             cf. Sal. 94(95). 8ab

Refrão : Aleluia, Aleluia!!! Repete-se

                 Ohin imi rona karik Na’i nia lian,

                 Keta taka imi nia fuan. Refrão

 

Evangelho                                                                                                                                                                                                           Lc. 19. 41-44

Na’i Jesus Cristo nia Evangelho nudar São Lucas haktuir

Iha tempo neba, wainhira Jesus to’o besik ba Jerusalém, haré cidade, Jesus tanis no dehan: “Ó hatene karik ohin ne’e Ida nebe lori dame! Maibé buat ne’e sumin hela ba ó nia matan. Loron sei mai wainhira ó nia funu baluk sira sei hada kota hale’u ó housi fatin hotu; sira sei hanehan ó ba rai, no mós ó nia oan sira iha ó nia muro laran; sora sei la husik fatuk ida hamriik iha fatuk seluk nia leten, basá ó la hatene tempo nebe Na’i sei mai haré ó”.

Lia Maksoyn

Leave a Reply

Your email address will not be published. Required fields are marked *