shadow
Diocese de Dili > NOTÍCIAS > LETURA DIÁRIA > Sábado-Feira, XXXIII DO TEMPO COMUM

Sábado-Feira, XXXIII DO TEMPO COMUM

ANO A

 

Primeira Leitura                                                               1Mac. 6. 1-13

Lia housi primeiro livro Macabeus nian

Iha loron hirak neba, wainhira liurai Antíoco liu ba nia Provincia sira be iha leten liu, nia rona kona ba Elimaida, cidade Persia nian, riku liu iha osan mutin no osan mean.

Templo iha cidade ne’e riku liu; iha neba iha armadura halo ho osan mean, couraças no kilat nebé Alexandre, Filipe nia oan, liurai Macedonia nian, be dala uluk ukun ema Grego sira, rai hela iha neba. Antíoco ba duni iha neba, koko atu hola cidade ne’e ho kroat hodi hadau riku-soi cidade nian, maibé la manan tanba hatene uluk tiha ona nia hanoin, ema sira nebe hôrik iha cidade neba funu hasouru nia no Antíoco no nia emar sira la tahan. Nia halai hodi fila ba Babilónia ho neon susar tebes. Wainhira nia sei iha Pérsia, Hafoin, manu ain ida to’o iha Persia, fó hatene ba nia katak soldado sira be nia haruka ba funu hosouru rai Judá nian, rai na’in sira manan hodi halo soldado sira halai namkari tiha ona; Lísias nebé ba ho soldado barak liu, Judeu sira halo sira halai namkari hotu. Judeu sira hetok sai maka’as liu tan hodi kilat, kilat musan no sasan funu nian, nebé sira foti no hadau housi soldado sira nebé lakon iha funu. Sira harahun altar ‘abominação de desolação’ nebé nia, Antíoco, haruka hari iha leten, altar Jerusalém nian. Hari foun fali baki áas, hanesan uluk nebé hale’u fatin Santo no cidade Betsur.

Wainhira rona tiha liafuan hiak ne’e, liurai Antíoco hakfodak teb-tebes hodi lakon nia hanoin hotu. Nia toba iha kama, moras tan laran susar, wainhira nia haré buat sira nebé mosu la sai tuir nia hakarak. Nune’e, nia moras iha loron barak nia laran, nia laran susar hetok sai maka’as liu tan, nia hatene tuir-an katak besik atu mate. Tan ne’e, nia haruka bolu nia belun sira hotu, hodi dehan ba sira: “Ha’u nia matan la dukur, ha’u nia fuan la hakmatek. Ha’u dehan ba ha’u-an rasik: ‘Susar boot tebes ida oras ne’e hanehan ha’u, ha’u be uluk ema di’ak no ema haré di’ak ha’u, wainhira ha’u iha biit. Maibé, oras ne’e, ha’u hahu hanoin hetan fali buat áat hotu nebé ha’u halo iha Jerusalém; ha’u hadau sasan tomak osan mutin no osan mean nebé ha’u hetan iha neba, hodi haruka oho Judá nia emar sira nebé la iha sala. Ha’u hatene duni katak tan ha’u nia hahalok áat hirak ne’e, mak oras ne’e ha’u hetan terus áat ne’e no mate ho neon sala tebes iha ema nia rain”.

Maromak Futar Lia

 

Salmo Responsorial                                                                                                                                             Sal. 9A. 2-3, 4 e 6, 16 e 19 (R.cf.15b)

Refrão : Na’i, ha’u sei haksolok iha Ita Nia salvação!!! Repete-se

Na’i, ho fuan tomak ha’u hahi Ita,

Haktuir Ita kmanek tomak;

Ha’u hakarak haksolok iha Ita,

Hakarak hahi Ita naran Leten Aas liu. Refrão

 

Tan lakon, ha’u funu baluk sira halai fila,

Sira monu hodi mate mohu iha Ita futar oin;

Ita hatatan gentio sira, hakderak ema áat sira,

Ita halakon nia naran ba nafatin. Refrão

 

Ema gentio sira monu iha ku’ak be sira rasik ke’e,

Sira ain kesi metin iha hani be sira tau;

Maibe, Na’i la haluha ema kiak,

Ema haraik-an sira nia esperança la lakon. Refrão

 

Aclamação                                                                                                                                                                                                      cf. 2Tim. 1. 10

Refrão : Aleluia, Aleluia!!! Repete-se

                 Jesus Cristo, ita nia maksoyn halakon mate;

                Nia halo moris nabilan housi Evangelho. Refrão

 

Evangelho                                                                                                                                                                                                         Lc. 20. 27-40

Na’i Jesus Cristo nia Evangelho nudar São Lucas haktuir

Iha tempo neba, ema Saduceu balun, nebé la fiar moris hi’as, hakbesik ba Jesus hodi husu ba Nia: “Mestre, Moisés hakerek mai ami: wainhira mane ida maun mate karik hodi husik nia féen maibé oan la iha, nia sei hola nia maun nia feto faluk ne’e atu fó oan sira ba nia maun. Iha kedas maun alin na’in hitu. Ida uluk hola feto ida, hodi mate; oan laiha. Alin nebé tuir nia hola fali feto faluk ne’e; tuir mai ida seluk, nune’e mós sira na’in hitu hola nia no mate hotu la husik oan ida. Ikus liu, feto faluk mós mate. Ne’e duni, iha loron moris hi’as nian, feto ne’e se nia féen lós? Basá sira na’in hitu hola tiha nia”

Jesus hatan ba sira: “Mundo ne’e nia oan sira hola malu nu’udar la’en féen, maibé sira nebé soi bam undo seluk no ba moris hi’as housi mate sira leet, sira ne’e la kaben, tan sira la bele mate tan, basá sira hanesan Anjo sira. Sira Maromak nia oan, basá sira moris hi’as nia oan sira.  Kona ba moris hi’as matebian sira nian, Moisés rasik mak hatudu hodi hakerek kona ba aitarak hun nebé lakan maibé ahi la han, wainhira nia bolu Na’i ‘Abrão nia Maromak, Isaac nia Maromak, maibé ema moris sira nian; basá ba Na’i, ema hotu moris hela.” Tuir mai, ema Escriba balun simu hodi dehan: “Mestre, Ita ko’alia lós.” No sira la barani ona atu husu tan buat ida.

Lia Maksoyn

Leave a Reply

Your email address will not be published. Required fields are marked *