shadow
Diocese de Dili > NOTÍCIAS > Notícias > CARITAS DIOCESE DILI COMPLETA TINAN 41 NIA EXISTÊNCIA

CARITAS DIOCESE DILI COMPLETA TINAN 41 NIA EXISTÊNCIA

DCDD – (25/11/2017)Ema ida-idak iha ninia Talento” sai nudar tema ba comemoração tinan 41 caritas nia existência nebe maka comemora iha sábado 25 fulan novembro tinan nee iha salão caritas vila verde dili. Celebração nee hahu ho missa agradecimento nebe preside husi Vigário Episcopal Assunto Social Pe. Emanuel Lelo Taloc.

Tuir Pe. Emanuel Lelo Taloc katak Caritas mak fuan domin Santa Creda nian ba mau-alin sira. Santa Creda laran metin ba Caritas tanba Caritas mak fuan domin Creda nian no Caritas iha knar ida atu hakbiit, hametin maun-alin sira atu sira bele halao moris nee diak liu tan. Função boot caritas nian mak ida nee fahe buat be o iha ba ema nebe kuran domin iha moris.

Pe. Emanuel Lelo Taloc hateten katak;Tema tinan ida nee nia nebe Caritas foti mak; “ema ida-idak iha nia talento”. Talento katak kbiit no capacidade, potencialidade nebe Maromak tau kedas ba ita ida-idak hori moris mai. Tanba nee iha talento nebe oi-oin; talento iha bisnis, talento iha música, talento iha caridade no talento sira seluk nebe Maromak haraik mai ita. Tan nee ita precisa dezemvolve.

Biban hanesan, diretor Caritas Diocese Dili Pe. Adrian Ola Duli iha nia discurso hateten; tinan ida nee Caritas Diocese Dili celebra aniversário ba 41 ho tema “ema ida-idak iha nia talento”. Caritas Diocese Dili moris ho programa sira hanesan; agricultura, saúde (TB, HIV-SIDA), Assistência Social no perkembangan Sosial Ekonomi “CU”. 

Iha parte assistência social nian Caritas hetan tulun husi Diocese atu bele tulun ita nia maluk sira nebe precisa teb-tebes tulun. Iha tinan ida nee Caritas consegue tulun ona kbiit laek sira quase ema 40 ou 50. Tanba nee atu bele dehan katak ajudos sira nee laos buat nebe boot, maibe tuir força nebe caritas iha.

Ida ikus nian kona ba perkembangan sosial ekonomi. Ida nee ita hakarak atu iha “cu” oinsa atu sarani sira nee bele hatene tulun-an, tanba ita tau ita nia osan automaticamente ita tulun ita nia-an. Tanba nee ami tenta loke micro credit hodi tulun sarani sira. Se ami hein deit osan sira mai husi diocese hau hanoin difícil, hatuir diretor pe. Adrian Ola Duli. (NGL)

Leave a Reply

Your email address will not be published. Required fields are marked *