shadow
Diocese de Dili > NOTÍCIAS > LETURA DIÁRIA > Quinta-Feira, I Semana do Tempo Advento

Quinta-Feira, I Semana do Tempo Advento

ANO B

 

Primeira Leitura                                                                                   Is. 26. 1-6

Lia housi livro Isaías nian

Iha loron hirak neba, ema sai hananu knananuk ne’e iha rai Judá: “Ami iha cidade boot maka’as, ema hari fatuk-hada metin atu tulun ami. Loke odamatan atu tama povo ida-idak, povo ida be fó laran metin mai ami. Nia, povo ida laran mós. Na’i halo nia hetan duni dame, tanba nia fiar Itaboot. Imi fiar metin Na’i ba tanba Na’i fatuk inan ida rohan laek. Nia hatun ema sira be hela iha fatin áas; Nia hatun cidade be foti-an, hatun nia to’o iha rai, latan nia ba rai rahun. Ema neon susar ain, ema kiak sira aintuban sama nia ba rai.

Maromak Futar Lia.

 

Salmo Responsorial                                                                                                                                      Sal. 117(118). 1. 8-9, 19-21, 25-27a (R.6a)

Refrão : Rahun di’ak ba ida be mai,

                 Hodi Na’i Nia naran!!! Repete-se

Ou :      Aleluia!!! Repete-se

 

Agradece ba Na’i tan Nia di’ak,

Nia laran luak metin ba nafatin.

Di’ak liu buka mahan iha Na’i,

Keta laran metin ba ema sira.

Buka Mahein iha Na’i

Di’ak liu fali fiar iha ema biit na’in sira. Refrão

 

Ita loke mai ha’u odamatan mana funu nian,

Ha’u sei tama atu agradece ba Na’i.

Ne’e odamatan iha Na’i nian,

Nakloke ba ema hotu be laran mós!

Ha’u agradece Ita, tan rona ha’u,

Ita sai nu’udar ha’u nia maksoyn. Refrão

 

Na’i haraik maksoyn mai ami,

Halo buat hotu la’o di’ak ba oin.

Rahun di’ak ba ida be mai hodi Na’i Nia naran!

Ami hahi Nia housi Maromak nia fatin Santo.

Na’i, ita nia Maromak.

Na’i halo Nia roman lakan tun mai ita. Refrão

 

Aclamação                                                                                                                                                                                                                     Is. 55. 6

Refrão : Aleluia, Aleluia!!! Repete-se       

                  Buka Na’i ba, wainhira sei bele hetan;

                  Harohan ba Nia wainhira Nia sei besik. Refrão

 

Evangelho                                                                                                                                                                                                        Mt. 7. 21, 24-27

Na’i Jesus Cristo nia Evangelho nudar São Mateus haktuir

Iha tempo neba, Jesus lia tun ba escolante sira: “La’os ema hotu be dehan: ‘Na’i, Na’i, sei tama iha reino Lalehan, maibé sei tama de’it ida nebé halo tuir Ha’u Aman iha Lalehan nia hakaran”.

“Ema hotu be rona Ha’u nia liafuan hirak ne’e hodi halo tuir, ema ne’e hanesan mane neon-na’in nebé hari uma iha fatuk leten. Udan tau, mota tun, anin huu maka’as baku hasouru uma ne’e, la monu tanba hari iha fatuk leten. Maibé ema hotu be rona Ha’u nia liafuan hirak ne’e, la halo tuir, ema ne’e sei hanesan mane neon-laek nebé halo nia uma iha raihenek leten. Udan tau, mota tun, anin huu maka’as baku hasouru uma ne’e, uma ne’e monu, monu rahun liu”.

Lia Maksoyn

Leave a Reply

Your email address will not be published. Required fields are marked *