shadow
Diocese de Dili > NOTÍCIAS > LETURA DIÁRIA > Quarta-Feira, II Semana do Tempo Advento

Quarta-Feira, II Semana do Tempo Advento

ANO B

 

Primeira Leitura                                                                               Is. 40. 25-31

Lia housi livro Isaías nian

Maromak Santo lia tun: “Imi hakarak tanesan Ha’u ba sé lós?” Foti matan ba Lalehan hodi haré didi’ak! Sé lós halo fitun sira ne’e? Ida nebé halo sira la’o tuir ordem hodi bolu  sira tomak ho ida-idak nia naran. Nia kbiit maka’as no ukun boot duni; la iha sira ida la halo tuir Nia ordem. Jacob, tansá ó dehan, Israel, tansá hateten: “Na’i la hatene ha’u nia destino, ha’u nia Maromak haluha tiha ha’u nia direito?”

Maibé ó la hatene buat ne’e? Ó la rona nia hateten? Na’i mak Maromak ida rohan laek, halo ona rai housi ikun to’o ulun. Nia la baruk, la kole, Nia matenek rohan laek, Nia haraik kbiit ba ema kbiit laek; ema nebé fraco, Nia halo sai forti. Klosan sira sai baruk no kole, ema boot sira mós lakon sira nia liras hanesan manu makikit sira. Sira halai maka’as, la kole; sira la’o, iis la kotu.

Maromak Futar Lia.

 

Salmo Responsorial                                                                                                                                              Sal. 102(103). 1-2, 3-4, 8, 10  (R. 1a)

Refrão : Ha’u klamar hahi Na’i.!!! Repete-se

Ha’u klamar hahi Na’i,

Ha’u-an tomak haklaken Nia naran Santo.

Ha’u klamar hahi Na’i,

La haluha Nia kmanek. Refrão

 

Nia perdua ó salan tomak,

Nia sadi’a ó nia áat hotu.

Nia soi ó nia moris housi rate,

Hafutar ó moris ho tulun no domin. Refrão

 

Na’i laran-luak, laran maus,

Kleur atu hirus, laran luak tebes;

La haré áat ita tan ita salan,

Nia la fó todan mai ita tuir ita salan. Refrão

 

Aclamação

Refrão : Aleluia, Aleluia!!! Repete-se       

                  Na’i hi’it-An mai soi nia povo;

                  Rahun di’ak ba sira be hein atu hasouru malu ho Nia. Refrão

 

Evangelho                                                                                                                                                                                                         Mt. 11. 28-30

Na’i Jesus Cristo nia Evangelho nudar São Mateus haktuir

Iha tempo neba, Jesus lia tun nune’e: “Imi mai Ha’u, imi hotu be kole no lori naha todan, Ha’u sei kasu imi nia naha. Imi simu Ha’u nia ai-dadur iha imi nia kbás hodi hanourin-an housi Ha’u, tan Ha’u laran maus no haraik-An. Imi sei hetan ksolok ba imi nia klamar, tan Ha’u nia ai-dadur mamar; ha’u nia naha kmaan”.

Lia Maksoyn

Leave a Reply

Your email address will not be published. Required fields are marked *