shadow
Diocese de Dili > NOTÍCIAS > Notícias > Irmão Carmelito nain 10 simu Primeiro votos Temporário

Irmão Carmelito nain 10 simu Primeiro votos Temporário

DCDD, HERA – (09/12/2017) Celebração eucarística votos Temporário ba Irmão nain 10 (Fr. Caetano Soared a Silva, Fr. Paulo Martins de Araujo, Fr. Jacob dos Reis Carvalho, Fr. Celestino Soares, Fr. Elias Soares Sin, Fr. Domingos Nautus Quefi, Fr. Isaias Soares Martins, Fr. João Fernando Cabral, Fr. Fernando Gusmão no Fr. Bonifácio Bragansa Lopes) nee preside husi Pe. Aniceto Maia da Costa provincial Carmel iha Timor-Leste nebe realiza iha loron sábado fulan Dezembro tinan nee iha Comunidade Carmelita Hera. Hafoin remata celebração Eucaristia nee Pe. Provincial Australia nian iha Timor-Leste Pe. Paul Cahill O. Carm hatoo nia parabens ba Irmão nain 10 nebe ohin ho neon no laran tomak oferece sira nia an ba Maromak liu husi votos temporário hodi servi Creda no sarani.

Pe. Paul Cahill O. Carm hateten; agradece ba família nebe oferece sira nia oan atu servi Maromak no agradece ba Padre conselebrante sira nebe ohin disponibiliza hodi mai reza missa hamutuk iha nee no mos ba família boot Carmelita nian nebe marca presença iha misa ohin e ba ema hotu nebe contribui ba celebração ida ohin nebe solene tebes.

Júlio Araujo nebe Representa família hateten; Ami sente orgulho ba ami nia oan nain 10 nebe hili ona dalan ida nee hodi servi ema seluk no mos pronto atu sai atan ba ema seluk tuir dalan Na’i Jesus Cristo nian.

Nia hatutan tan katak; Ami sente contente tebes wainhira mai assiste sira nia voto ida nee, mas ami contente liu tan wainhira vocação nee lao too rohan mas que Maromak nia plano la hanesan ho ita ema nian plano, maibe nudar família ami nafatin optimista ho dalan nebe sira rasik hili ona ba sira nia moris. Ami mos husu ba sira atu labele lakon vontade hodi lao tuir dalan Jesus Cristo nian hodi hahi no haklaken evangelho liu husi dalan 3 nebe consagra ona (Fé, Esperança no Caridade). Ami mos exige ba Frater nain 10 nebe ohin realiza voto nee atu labele para iha dalan klaran deit maibe ami família hakarak atu imi participa iha vocação ida nee too remata mas que hanesan desafio boot ida maibe ami hakarak tula hela ba ita boot sira nia kabás.

Biban hanesan Fr. Domingos Nautus Quefi nebe Representa Frater nain 10 nee hateten: Ami sente atu hatan ba Maromak nia bolu ida nee decisão ida nebe la fácil nudar foinsae ida, maibe ami fiar katak ho Maromak nia laran diak rasik mak sei halo ami pronto nafatin atu hatán sim ba Maromak. (Ngl)

Leave a Reply

Your email address will not be published. Required fields are marked *