shadow
Diocese de Dili > NOTÍCIAS > LETURA DIÁRIA > Quinta-Feira, II Semana do Tempo Advento

Quinta-Feira, II Semana do Tempo Advento

ANO B

 

Primeira Leitura                                                                               Is. 41. 13-20

Lia housi livro Isaías nian

“Ha’u mak Na’i, ó nia Maromak nebé káer ó liman kuana hodi hateten ba ó: ‘Keta ta’uk, Ha’u mai tulun ó’. Keta ta’uk, Jacob, rai kutun, ular kiikoan Israel nia! Ha’u mai tulun ó”, Na’i mak dehan, “Ó nia Maksoyn mak Santo Israel nian.

Ha’u sei halo ó sai hanesan besi foun ida hodi fila rai, nehan kro’at sorin-sorin. Ó sei baku rahun foho sira, ó sei deut foho oan sira sai hanesan du’ut rahun maran.

Ó sei dulas sira atu anin huu sira, anin hadulas lori sira namkari. Maibé ó fali sei haksolok tanba Na’i; ó sei hahi-an tanba Santo Israel nian.

Iha susar ho kiak sira we, maibé la hetan, sira nia nanal maran tanba hamrook. Ha’u mak Na’i, ha’u sei tau matan ba sira; Ha’u Israel nia Maromak, Ha’u sei la husik sira mesak. Iha foho molik sira, Ha’u sei halo we-inan moris, halo we matan moris iha rai-kle’an sira.

Ha’u sei halo rai-fuik-maran sai kolan ida, halo rai maran sai we-moris. Iha rai-fuik-maran, Ha’u sei kuda ai-cedro, acacia, murta no oliveira. Iha rai tetuk maan, Ha’u sei kuda ai-cipreste, ulmeiro no buxos iha sorin-sorin, atu ema hotu sei haré hodi hatene; rona didiak hodi hatene momós: Na’i futar liman mak halo ona nune’e; Santo Israel nia mak halo ona buat ne’e”.

Maromak Futar Lia.

 

Salmo Responsorial                                                                                                                                           Sal. 144(145). 1. 9, 10-11, 12-13ab (R.8)

Refrão :  Na’i laran-luak, laran maus,

                  Kleur atu hirus, domin nakonu!!! Repete-se

Na’i, ha’u hakarak hahi Itaboot,

Ha’u nia Maromak, ha’u nia Liurai;

Hahi Itaboot naran tinan-ba-tinan.

Na’i di’ak ba ema hotu,

Hameak Nia criatura tomak. Refrão

 

Na’i, ema sira fó agradece Ita;

Ita emar sira hahi Ita.

Sira haklaken fó glória ba Itaboot reino,

Hodi tatoli ba malu buat foun Ita halo. Refrão

 

Hodi fó hatene Ita hahalok ba ema sira,

No fó tada Ita reino nia glória no roman.

Na’i, Ita reino, reino ida rohan laek,

Ukun derasaan sira tomak. Refrão

 

Aclamação                                                                                                                                                                                                                      Is. 45. 8

Refrão : Aleluia, Aleluia!!! Repete-se       

                  Hatun maha-wen housi lalehan leten áas ba; kalohan sira,

                  Fakar justiça tun mai; rai nakloke ba, halo mosu Maksoyn. Refrão

 

Evangelho                                                                                                                                                                                                              Mt. 11. 11-15

Na’i Jesus Cristo nia Evangelho nudar São Mateus haktuir

Iha tempo neba, Jesus lia tun ba ema lubun boot: “Tebes duni, Ha’u dehan ba imi: iha feto nia oan sira leet, seidauk mosu ema boot liu João Baptista. Maibé ida be kiik liu iha reino Lalehan, boot liu fali nia. Housi João Baptista nia tempo to’o oras ne’e, reino Lalehan, ema buka hodi biit atu tama ba; ema sira be maka’as duni mak hadau nia. Tanba profeta sira hotu, hanesan ne’e mós lei, ko’alia nu’udar profeta to’o João. Imi hakarak karik, hatene buat ne’e, nia mak Elias nebé sei mai. Sé lós iha tilun atu rona, rona ba!”

Lia Maksoyn

Leave a Reply

Your email address will not be published. Required fields are marked *