shadow
Diocese de Dili > NOTÍCIAS > Notícias > SARANI ERMERA HAKSOLOK HO PRESENÇA NAILULIK FOUN NAIN 2

SARANI ERMERA HAKSOLOK HO PRESENÇA NAILULIK FOUN NAIN 2

DCDD ERMERA-(10/12/2017) Comunidade sarani Ermera Domingo foin lalais nee ho haksolok no antusiasmado simu Nailulik foun nain rua Pe. Mariano Neto (Ermera oan no Pe. Adérito Sequeira husi Oe-cusse) iha Paróquia Imaculada Conceição Ermera.

Pároco Paróquia Gleno Pe. Ricardino iha nia homilia hateten; Ohin ita Paróquia Ermera haksolok hamutuk ho padre foun nain 2 (Pe. Mariano Neto no Pe. Adérito Sequeira) hamutuk ho amululik sira hodi reflecte hamutuk no fahe ba malu ksolok nebe família sira oferece ona ba Maromak no ksolok nebe ami hetan ona iha ami nia dalan vocação nian. Tanba nee, loron ohin ita reflecte ba amululik nain rua;(Pe. Mariano Neto no Pe. Adérito Sequeira) ninia vida.

Pe. Mariano Neto hili nia Lema ida  katak “Hakmatek ba! Keta Tauk! Hau mak nee (Mt 14;27) Lia fuan ida ne’e Jesus hato’o ba nia escolante sira bainhira sira hetan perigo iha tasi laran, katak sira la hakmatek tanba sira tauk. Sira tauk tan deit sira nia fiar sei kiik. Iha momento nee kedas Jesus mosu ba sira atu lori hakmatek.

Tuir Pe. Ricardino katak, Maromak nia lia fuan bolu mos atenção ba ita atu oinsa ita bele buka hakmatek nebe lolos.    Adão ho eva hakarak atu hatudu sira nia matenek ida hodi contra atu han aifuan nebe Maromak bandu hodi halo sira monu ba sala. Bainhira sira monu ona ba sala sira sente katak sira nia an la livre, hodi hakarak buka deit atu hases an  husi Nai Maromak. Mas que nune’e Maromak hatudu nafatin nia laran luak atu recopera fila fali sira nia sentimento sala nee.

Pe. Ricardino hateten; Viagem ba Sacerdócio nian laos fácil. Dala barak iha família sira hamosu hanoin oi-oin iha moris hodi interpreta katak oan ida nee nia vocação ba nailulik bele too duni rohan kalae! Ida nee hanesan provação ida ba família sira. E ohin Pe. Mariano Neto hatudu mai ita hotu iha Diocese Dili, Paróquia Ermera, Estação Fatubessi katak Maromak fihir duni nia hodi hala’o knar santo ida ne’e, husi nia an atu bele fo mos hakmatek nebe Jesus promote ba nia escolante sira e fo mos mai ita liu husi nia missão.

Nune’e mos Amo Adérito nia mai dedica nia-an iha Paróquia Ermera hanesan Frater Estagiado, nia tulun mos escola sira iha colégio tulun mos sarani sira iha apostulado, ita hare ba nia saúde dala ruma la estável, maibe Maromak hili duni nia sai nia saseluk tanba ita ema hare husi buat nebe liur nian maibe Maromak hare husi laran, hare husi fuan katak nia nee soi duni ba dalan nee. Tanba ne’e, ohin nia mai hamutuk ho amo Mariano Neto atu agradece mos ba sarani sira iha Ermera ba apoio oracão no conselho sira nebe fo.

Pe. Ricardino husu atu sarani reza nafatin hodi husu atu Nai Maromak bele haraik nailulik barak liu tan e Nailulik Santo ba ita nia rain. Rbn

Leave a Reply

Your email address will not be published. Required fields are marked *