shadow
Diocese de Dili > NOTÍCIAS > LETURA DIÁRIA > Sexta-Feira, II Semana do Tempo Advento

Sexta-Feira, II Semana do Tempo Advento

ANO B

 

Primeira Leitura                                                                               Is. 48. 17-19

Lia housi livro Isaías nian

Na’i, ó nia Maksoyn, Santo Israel nian, lia tun nune’e: “Ha’u mak Na’i, ó nia Maromak, nebé hanourin ó hetan rahun di’ak, ida be dada ó kona dalan ó atu tuir. Oh! Ó tuir karik Ha’u hakaran, ó nia rahun kmanek sai wain hanesan mota boot ida; ó ksolok sai wain hanesan laloran tasi nian! Ó nia derasaan sai ema barak hanesan rai-henek, ó nia bei-oan sira sai wain hanesan rai-henek musan sira. Ó nia naran ema ida sei la hasai, la lakon housi Ha’u nia oin”.

Maromak Futar Lia.

 

Salmo Responsorial                                                                                                                                                  Sal. 1. 1-2, 3, 4, 6 (R. cf. Jo. 8.126a)

Refrão : Na’i, ema be tuir Ita, sei la’o  iha roman moris nian!!! Repete-se

 

Ksolok ba ema nebé la tuir ema áat nia lia,

La tuir dalan maksalak.

Ksolok ba sira be la hadulur ho ema áat.

Maibé haksolok ho Na’i nia ukunfuan,

Hodi hanoin nia kalan-loron. Refrão

 

Nia hanesan ai-kudan ida iha we-inan ninin;

Nafuan tuir nia tempo, nia tahan la namlaik,

Buat hotu nebé nia halo sai di’ak de’it. Refrão

 

Maibé, ema áat sira nia moris oin seluk,

Sira hanesan hare-kain be anin lori.

Na’i hatene ema lós nia dalan,

Dalan ema áat sira nian, lori ba rahun diak. Refrão

 

Aclamação                                                                                                        

Refrão : Aleluia, Aleluia!!! Repete-se       

                  Na’i besik ona, sai ba hasouru Nia.

                  Nia mak liurai oan dame nian. Refrão

 

Evangelho                                                                                                                                                                                                            Mt. 11. 16-19

Na’i Jesus Cristo nia Evangelho nudar São Mateus haktuir

Iha tempo neba, Jesus lia tuan ba ema lubun boot: “Ha’u sei tanesan ema derasaan ne’e ba sé lós! Nia hanesan labarik sira be tur iha luron ninin nebé so’e lia ba malu, dehan: ‘Ami huu kfuik ba imi, maibé imi la dansa; ami hananu knananuk taka metan nian, maibé imi la tanis’. João Baptista mai tiha, la han, la hemu, sira dehan: ‘Demónio iha nia laran’. Mane Maksoyn to’o tiha, han no hemu, sira dehan: ‘Nia kanten no lanuk-ten, plúblicano no maksalak sira belun!. Maibé Maromak nia matenek mosu mai duni ho Nia hahalok”.

Lia Maksoyn

Leave a Reply

Your email address will not be published. Required fields are marked *