shadow
Diocese de Dili > NOTÍCIAS > Notícias > “Hakmatek Ba Keta Tauk, Hau Mak Ne’e”

“Hakmatek Ba Keta Tauk, Hau Mak Ne’e”

 DCDD FATUBESSI (12/12/2017) hakmatek ba keta tauk, hau mak ne’e” sai hanesan lema ba Ordenação Sacerdotal Pe. Mariano Neto nian nebe foin lalais nee iha SE Catedral Dili husi Bispo de Dili D. Virgilio do Carmo da Silva. Iha Terça Feira semana nee, Padre Mariano Neto preside missa agradecimento ida iha Santuário Nossa Senhora Peregrina Fatubesse nudar fatin nebe Nailulik nee moris ba.

Pe. Deonildo de Andrade Pároco de Ermera nebe lori reflexão missa ação da graça Pe. Foun Pe. Mariano Neto nian hateten; Ohin ho missa agradecimento Pe. Mariano Neto ninian, nudar nailulik ita nia knar mak oinsa atu buka bibi sira nebe lakon husi Maromak ninia luhan nebe Maromak prepara tiha ona. Ba ida ne’e laos buat ida nebe fácil tanba iha momento sira hanesan dalabarak bele mosu iha ita nia hanoin iha missão Maromak nian.

Ne’e duni ho celebra eucaristia ida ne’e, ita mos hein katak missão ida ne’e laos pessoalmente nailulik ida nian, maibe missão Na’i Maromak ninian. Se missão nee Na’i Maromak nian, kaer mos ba amu nia lema; “hakmatek ba keta tauk, hau mak ne’e” katak Maromak be ita confia tiha ona Nia nunca nega, Nia nunca confu fali ita. se ita confia missão nee Na’i Maromak nian, Nia mak sei hatene oinsá atu orienta ita hodi la’o tuir dalan sira nebe Nia hakarak.

Pe. Deonildo de Andrade dehan tan; Realidade sira hanesan nailulik sira ninian ho mos família sira nian, dala barak iha missão sira fácil ita koalia ba ema seluk, maibe difícil ita koalia ba ninia família sira. Wainhira husi imi nia leet iha maun-alin ida iha altar leten, ita ida-idak mos hakas an ho buat nebe ita bele atu nailulik ida bele iha nafatin vontade diak hala’o missão sira tanba hahu kedas husi nia uma laran, nia iha ona buat nebe diak atu haklaken ba ema seluk.

Pe. Deonildo de Andrade sublinha tan katak hau hanoin ho lema nebe iha padre Mariano Neto hili ba nia ordenação Sacerdotal nian nebe dehan; “hakmatek ba keta tauk”! Los duni dalabarak realidade ita nian mak ida ne’e “ita tauk”, maibe Maromak dehan ketak tauk tanba ida ne’e missão maromak nian, ne’e duni hakmatek ba Maromak nafatin iha ita boot  ninia missão sira nailulik nian. (Rela)

Leave a Reply

Your email address will not be published. Required fields are marked *