shadow
Diocese de Dili > NOTÍCIAS > LETURA DIÁRIA > Sábado, II Semana do Tempo Advento

Sábado, II Semana do Tempo Advento

ANO B

 

Primeira Leitura                                                                        Sir. 48. 1-4, 9-11

Lia housi livro Ben Sirá

Profeta Elias mosu mai hanesan ahi ida, nia liafuan manas maka’as hanesan ahi knulu. Nia halo hamlaha tun mai Israel oan sira, hodi nia laran manas, nia halo sira sai uitoan liu. Hodi Na’i nia liafuan, nia taka tiha lalehan; nune’e nia halo ahi tun mai dala tolu. Elias, hodi buat foun hirak ó halo, ó nabilan oinsá ne’e, ó be sira lori iha ahi naburas, iha kareta ida be kuda ahi nian mak dada. Ema hanourin hela ó ba tempo ikus atu hatun Maromak nia hirus, molok Nia siak maka’as, atu halo aman hadomi hikas oan, hodi hafunan fali Jacob nia knua sira. Rahun di’ak ba sira be haré ona ó, ba sira be toba ona iha domin, tanba amo mós sei moris duni.

Maromak Futar Lia.

 

Salmo Responsorial                                                                                                                                        Sal. 79(80). 2ac, 3b, 15-16, 18-19 (R. 4)

Refrão : Na’i, hatudu Ita futar oin mai ami, Ami sei hetan maksoyn!!! Repete-se

Mahein Israel nian, rona mai:

Tur nabilan iha querubim sira fohon,

Hatudu Ita kbiit, hi’it-An mai soi ami! Refrão

 

Maromak buat tomak na’in, hi’it-An mai fali,

Housi áas Lalehan haraik futar matan, haré ba!

Mai haré Ita nia to’os; tahan nia,

Basá Ita futar liman mak kuda! Refrão

 

Hamahan futar lima ba ema be Ita fihir ona,

Ba ida nebé Ita ukun ho Ita nia kbiit;

Ami sei la hadook-an teni housi Ita.

Haraik moris mai ami atu temi Ita futar naran. Refrão

 

Aclamação                                                                                                                                                                                                           Lc. 3. 4, 6        

Refrão : Aleluia, Aleluia!!! Repete-se       

                  Hadi’a Na’i Nia dalan! Halós Na’i nia dalan inuk! No

                  Criatura tomak sei haré Maromak nia maksoyn. Refrão

 

Evangelho                                                                                                                                                                                                            Mt. 17. 10-13

Na’i Jesus Cristo nia Evangelho nudar São Mateus haktuir

Wainhira tun mai housi foho, iha nebé Jesus nakfila-An, escolante sira husu ba Nia lia ne’e: “Tansá lós mak escriba sira dehan katak Elias sei mai uluk!” Jesus hatan ba sira: “Tebes duni! Elias sei mai duni hafoun buat tomak maibé, Ha’u hateten ba imi katak Elias mai tiha ona. Ema sira lakohi hatene nia maibé halo ba nia buat hirak nebé sira hakarak. Nune’e mós Mane-Maksoyn, ema sira ne’e sei halo hanesan”. Iha ne’e escolante sira hatene ona katak Jesus ko’alia ba sira kona João Baptista.

Lia Maksoyn

Leave a Reply

Your email address will not be published. Required fields are marked *