shadow
Diocese de Dili > NOTÍCIAS > LETURA DIÁRIA > Quarta-Feira, III Semana do Tempo Advento

Quarta-Feira, III Semana do Tempo Advento

ANO B

 

Primeira Leitura                                                                               Is. 7. 10-14

Lia housi livro Isaías nian

Iha loron hira neba, Na’i haruka ba Acaz lia tatoli ne’e: “Husu sinal ida ba Na’i, ó nia Maromak iha rai horun okos liu eh iha leten áas ba”. Acaz hatan: “Ha’u sei la husu ida ne’e, sei la koko Na’i”. Ne’e duni Isaías hateten: “Rona ba uma-kain David nian: la to’o ba imi hasusar mós ha’u nia Maromak? Ne’e duni, Na’i Maromak rasik sei fó sinal ida; fetora ida sei kô’us hodi tur-ahi oan mane ida, nebé sei hanaran ‘Emanuel’.

Maromak Futar Lia.

 

Salmo Responsorial                                                                                                                                          Sal. 23(24). 1-2, 3-4ab, 5-6 (R. 7c, 10b)

Refrão : Na’i hi’it-An mai, Nia liurai boot tebes!!! Repete-se

 

Rai no buat hotu iha rai-klaran Na’I nian,

Mundo no hotu be hôrik iha nia.

Na’i hari rai-klaran iha tasi fohon,

Hodi hametin nia iha laloran sira leten. Refrão

 

Sé lós bele sa’e ba Na’i Nia foho Santo?

Sé lós bele hela iha Na’i Nia uma Santo?

Ema nebé liman la sala no fuan mós;

Ida nebé la buka bosok. Refrão

 

Ema ne’e sei simu Na’i Nia bensa,

Nia sei hetan kolen housi Maromak, Nia Maksoyn.

Ema otas ne’e mak buka Na’i,

Be buka Jacob nia Maromak Nia futar oin. . Refrão

 

Aclamação

Refrão : Aleluia, Aleluia!!! Repete-se       

                   Chave uma-kai David nia, be loke odamatan reino rohan laek,

                   Hi’it-An mai soi sira be moris iha dadur nakukun no iha mahan mate nian. Refrão

 

Evangelho                                                                                                                                                                                                             Lc. 1. 26-38

Na’i Jesus Cristo nia Evangelho nudar São Lucas haktuir

Iha fulan neen, Maromak haruka Anjo Gabriel ba knua ida iha Galileia nian, naran Nazaré, ba fetora ida nebé hakotu tiha ona ba mane ida naran José, housi David nia uma kain; fetora ne’e naran Maria. Tama tiha iha uma, Anjo dehan: “Rahun di’ak feto kmanek wain tebes! Na’i ho ita!” rona tiha lia ne’e, nia laran taridu hodi husu ba nia-an rasik cumprimento ne’e katak sá lós. Anjo dehan ba nia: “Keta ta’uk, Maria; basá ó sei hetan rahun di’ak tebes iha Maromak futar oin. Ó sei kô’us no tur ahi oan mane ida. Ó sei hanaran nia ‘Jesus’. Nia sei sai ema boot; ema sei hanaran Nia Na’i áas liu hotu nia Oan. Na’i Maromak sei haraik ba Nia, nia aman David nia ukun. Nia sei ukun Jacob nia uma kain ba nafatin; nia ukun sei rohan laek”. Maria husu ba Anjo: “Ne’e sei sai oinsá lós, basá ha’u la hola mane?” Anjo hatan ba nia dehan: “Espírito Santo sei tun ba ó no Na’i áas liu hotu nia biit sei hamahan ó. Tan ne’e, Santo nebé atu moris sei hanaran An ‘Maromak nia Oan’. Ó nia feto maluk Isabel mós kô’us tiha oan mane ida, maski ferik ona. Ida nebé ema dehan la kô’us, nia kô’us fulan neen ona; basá, ba Maromak, buat ida la susar”. Maria dehan: “Ne’e sá, Na’i, atan oan mak ne’e. Halo tuir Ita liafuan ba!” Hafoin Anjo husik nia.

Lia Maksoyn

Leave a Reply

Your email address will not be published. Required fields are marked *