shadow
Diocese de Dili > NOTÍCIAS > Notícias > Deputada Maria Teresa Considera Bancada 5 La Consisten Ho Nia Decisão Rasik

Deputada Maria Teresa Considera Bancada 5 La Consisten Ho Nia Decisão Rasik

DCDD (19/12/2017) Debate Orsamento Ratificativo ba loron rua nian iha Parlamento Nacional Deputada Maria Teresa iha nia intervensão hateten katak Deputado Arão Noe dehan Guião nebe Presidente Parlamento emvoca la liu husi Comferência Líderes Bancadas, perfeitamente 100% hau aceita teb-tebes tanba buat nebe la liu husi Comferiência Presidente labele foti decisão mesak. Maibe hau mos bingun fali é que Guião nebe horseik (18/12/2017) ita halo, ita foti liu husi Comferência líderes bancadas, partido 5 aceita atu lori Guião ida horseik nee Guião único debate ba Orsamento Ratificativo, maibe depois mai tiha iha plenária ita la consisten ho ita nia decisão nebe bancada 5 rasik foti no hamutuk ho Presidente Parlamento aceita tiha, ita mai la loyal ba decisão nebe ita foti iha líderes bancadas e ita halo fali proposta ba buat nebe ita hakarak. Ita consisten kalae! Ita mai iha plenária ita la aceita e ita mak contra, maibe ita mak halo tiha decisão, ita mak contra fali, ida nebe mak los! Jogo la bonito karik! Dehan Deputada Ana Teresa.

Deputada MariaTeresa reforsa tan katak baniben iha loman los, veneno iha liman karuk hau la hatene ida nebe mak atu fo ba povo no ba rai ida nee. Tuir declaração husi Presidente chefe bancada CNRT katak buat nebe la liu husi Comferência Líderes Bancadas la hetan fatin iha Plenária. Nee duni recurso sira nebe ita boot sira apresenta la hetan fatin iha loron ohin no ba nafatin iha plenária, sera que ita fila fali ba Comferência Líderes Bancadas halo decisão mak ita bele agenda fila fali, tanba nee Deputada Ana Teresa husu atu Consisten ho decisão nebe ita foti. Deputada MariaTeresa hateten agenda único nebe mak Comferência bandcada foti mak Orsamento Ratificativo buat seluk laiha, tanba nee precisa baseia ba Guião nebe cada Bancada decide hamutuk ona iha loron hira liu ba. Ngl

Leave a Reply

Your email address will not be published. Required fields are marked *