shadow
Diocese de Dili > NOTÍCIAS > Notícias > MISTÉRIO NATAL NIAN LA HAKETAK HUSI MORIS TOLU NEE: IDA BE ETERNO, IDA BE HISTÓRICO NO IDA BE MÍSTICO

MISTÉRIO NATAL NIAN LA HAKETAK HUSI MORIS TOLU NEE: IDA BE ETERNO, IDA BE HISTÓRICO NO IDA BE MÍSTICO

DCDD – HERA-(18/12/2017) Creda wainhira celebra Mistério Natal nian la haketak husi moris tolu nee: ida be eterno, ida be histórico no ida be místico. Iha moris bai-bain família ema nian ida, mak halao mistério hola isin nudar ema husi nebe Maromak halo An ba Mane, hodi hela iha ema nia leet. Maromak halo moruk ho ema too nia rohan kmanek ho Jesus nia moris. Moris família nian, simu roman no tulun hanesan nee, sei halao hodi hatudu dalan diak ba ema hotu kona Cristo nia ilas no hodi lori sira hotu ba família lalehan nian.

Fulan Dezembro nudar fulan nebe sagrado tebes ba ita nia fiar nudar Católico. Natal nebe ita celebra iha fulan Dezembro nudar fulan ida ksolok tebes, fulan ida nebe que nakonu ho benção Na’i Maromak nian no fulan ida que iha graça boot ba família. Tanba nee, Knar família ida nian mak atu simu, fo fatin no tempo ba Kosok Oan nee bele moris boot sai ema ida no ikus mai sai maksoyn ba mundo tomak.

 

Atu hasoru festa boot Natal, nudar sarani diak ida precisa preparação nebe profundo tebes. Tanba nee liu husi Talksohw nebe realiza iha Igreja São Tiago Hera, Pe. Pároco São Tiago Hera Pe. Jose Tasain SVD iha intervista hateten; nudar Pároco São Tiago Hera hamutuk ho Paroquiano sira ami prepara-an ba hasoru celebração festa natal iha tinan 2017 nian mak hanesan: preparação Espiritual no Preparação Físico. Preparação Espiritual nian mak hanesan ami halo formação Espiritual ba labarik escola oan sira iha semana passada no iha semana nee iha formação Espiritual ba sarani sira iha cada bairro sira no hau husu ajuda husi hau nia maluk religioso sira hodi tun halo formação ba sarani sira iha tempo dader no lokraik ao mesmo tempo amululik sira fo confessão ba sarani sira iha paróquia.

Tuir mai mak preparação fisico katak hau nia sarani sira prepara ami nia fatin Igreja laran, hamos iha ambiente Igreja ninian no mos halo Presépio atu oinsa bele celebra Festa Natal Na’i nian nee iha situação nebe fo ksolok. Além nee mos depois ami visíta família sira hodi hare situação no condição moris iha família sira nebe pertence ba Quase Paróquia ida nee.

Baseia ba passagem Bíblica São Lucas (Luc. 2, 1-14) nian kona ba ‘São José ho Santa Maria’ nudar casal ida nebe foun foin hari uma kain Pe. José Tasain hateten; Hau nia reflexão kona ba texto Bíblico (São Lucas Cap. 2, 1-14) interassante teb-tebes tanba experiência Nain Feto ho São José wainhira hahoris Menino Jesus nee nudar experiência extraordinário tanba casal ida nebe hanesan ita hatene katak hau imagina feto hanesan Maria Nia laiha experiência ida. Nia terus, Nia susar iha situação ida nee mas que fatin laiha ho paciência Nia tem que tur ahi iha bibi luhan. Ho condição ida nee aumenta tan situação psicologicamente ida nee hato’o katak nia mukit lolos, Nia laiha buat ida, nee duni hakarak ka lakohi Nia tem que tur ahi iha Bibiluhan. Tuir mai hanesan mane, São José wainhira Nia hare nia hasoru situação ida nee, Nia tauk no laiha esperança kona ba Maria tur ahi. Ho situação ida nee mak hau dehan extraordinário, plano ida nebe labele acontece compara ho situação ohin loron nian tanba ohin loron waihira inan ida atu partus nia hatene ona husi doutor basá doutor termina ona nia tempo. Maibe compara ho São José no Nain Feto nian iha momento neba, situação ida nee ita dehan extraordinário. Ho sira nia situação hirak nee mas que terus maibe sira hakiak kosok Oan nee ho domin. Tanba nee Knar família ida nian mak atu simu, fo fatin no tempo ba Kosok Oan nee bele moris boot sai ema ida no ikus mai sai maksoyn ba mundo tomak.

Sorin seluk Sr. Bernardo Fernandes hatan sobre preparação ba Festa Natal nian nee hateten celebração Festa Natal ho família sira ita precisa celebra ho ita nia laran no ita nia fuan katak celebra loron boot nee laos ita celebra deit maibe celebra ho oração. (Ngl/J’nanal)

Leave a Reply

Your email address will not be published. Required fields are marked *