shadow
Diocese de Dili > NOTÍCIAS > LETURA DIÁRIA > Sexta-Feira, III Semana do Tempo Advento

Sexta-Feira, III Semana do Tempo Advento

ANO B

 

Primeira Leitura                                                                            1Sm. 1. 24-28

Lia housi primeiro livro Samuel nian

Iha loron hira neba, Ana lori nia oan Samuel, hamutuk ho karau oan ida foin tinan tolu, farinha sasukat tolu, tua au ida, nia ba Na’i nia uma, iha Silo. Labarik ne’e sei nurak hela. Sira oho karau oan ne’e hodi hatudu  kiikoan ba sacerdote boot Eli. Ana hateten nune’e: “Rona, ha’u na’i, tebes duni hanesan ita ema ida moris, nune’e mós ha’u feto ida nebé uluk mai ona iha ne’e besik ita, atu harohan ba Na’i. Atu hetan kiikoan ne’e mak ha’u harohan. Na’i haraik duni mai ha’u buat be ha’u husu ba Nia. Ha’u mós mai hasa’e fali nia ba Na’i; tempo hotu nebé nia moris, nia Maromak nian de’it ona”.

Maromak Futar Lia.

 

Salmo Responsorial                                                                                                                                                        1Sm. 2.1, 4-5, 6-7, 8abcd (R. 1ª)

Refrão : Ha’u fuan haksolok iha Na’i, ha’u Maksoyn !!! Repete-se

 

Ha’u fuan haksolok iha Na’i,

Ha’u nia kbiit iha Na’i Maromak.

Loke ha’u ibun hodi sadik funu baluk sira,

Ha’u haksolok tan Ita Maromak tulun. Refrão

 

Ema kbiit sira nia kroat tohar lakom, Ema kbiit laek sira sei hetan kbiit foun.

Sira be iha sasan wain, buka aihan; Sira be hamlaha, bosu fali.

Feto be la kô’us, hetan oan barak;

Inan be kô’us, la hetan tan oan. Refrão

 

Na’i mak haraik moris no mate,

Nia mak lori ita ba rate no hasai ita housi rate,

Na’i mak halo ita kiak no halo ita riku;

Nia mak hatun ema sira no mós foti sira. Refrão

 

Nia foti housi rai sira be moris hakru’uk,

Hasai ema kiak sira housi asu knu’uk fatin.

Halo sira tur ho boot sira rai nian,

Haraik ba sira fatin ida oin na’in. Refrão

 

Aclamação

Refrão : Aleluia, Aleluia!!! Repete-se       

                  Liurai povo hotu nian no fatuk inan Kreda nian,

                  Hi’it-An mai soi ema be Ita halo housi rai rahun. Refrão

 

Evangelho                                                                                                                                                                                                              Lc. 1. 46-56

Na’i Jesus Cristo nia Evangelho nudar São Mateus haktuir

Iha tempo neba, Maria hateten nune’e: “Ha’u klamar hahi Na’i Maromak, ha’u nia espírito hawelok haksolok iha Maromak, ha’u nia Maksoyn, tan Nia haraik futar matan ba Nia atan feto haraik-an. Tebes duni, housi ohin ba oin derasaan tomak sei fó hatene sai katak ha’u hetan rahun kmanek. Ida be Bele tomak halo buat boot tebes iha ha’u. Nia futar naran santo. Nia hatudu Nia laran luak housi derasaan ba derasaan ba ema hotu be hamta’uk Nia. Hodi Nia futar liman kbiit, halo ema fuan loko-an halai namkari. Nia hatun ema boot sira housi sira nia trono, Nia foti ema sira be haraik-an. Nia fó sasan wain ba ema hamlaha, Nia haruka ema riku sira fila ho liman mamuk. Nia tau matan ba Nia atan Israel, hodi hanoin Nia laran luak, tuir lia hakotu ona ba ita aman sira, ba Abraão no nia beioan sira nafatin”. Maria ho Isabel fulan tolu nia laran nune’e, hafoin fila hikas ba nia uma.                                                                                                                                                                                                                              

Lia Maksoyn

Leave a Reply

Your email address will not be published. Required fields are marked *