shadow
Diocese de Dili > NOTÍCIAS > LETURA DIÁRIA > Sábado, III Semana do Tempo Advento

Sábado, III Semana do Tempo Advento

ANO B

 

Primeira Leitura                                                                      Mal. 3. 1-4, 23-24

Lia housi Profecia Malaquias nian

Na’i Maromak lia tun nune’e: “Hau sei haruka Ha’u nia manuain, atu hadi’a dalan iha Ha’u oin. Teki-tekir sei tama iha Nia templo Na’i nebé ami hein ho laran manas, anjo moruk nian nebé imi hanoin tebes. Nia mak mai neba, Na’i hot-hotu nian lia tun. Maibé sé lós bele tahan loron nebé Nia hi’it-An mai? Bele hamriik metin wainhira Nia mosu mai? Nia hanesan ahi ema tuku besi nian, hanesan mós lixivia ema fase hena sira nian.

Nia sei tur atu halo neuen hodi hamos. Nia sei hamos Levi nia oan sira, sei tiri sira didiak lós hanesan ema tisi osan mean no mutin. Nune’e sira bele hasa’e ba Na’i Maromak buat-karan ida di’ak liu tebes duni. Hafoin, Judá no Jerusalém nia buat-karan sei haksolok Na’i, hanesan houri uluk, hanesan iha tinan uluk liu nian. Ha’u sei haruka ba imi profeta Elias, molok Na’i nia loron to’o, loron ne’e boot no maka’as liu. Nia sei halo aman no oan sira fó laran ba malu atu Ha’u la bele hakanek rain ho malisan”.

Maromak Futar Lia.

 

Salmo Responsorial                                                                                                                       Sal. 24(25). 4bc-5ab, 8, 9, 10, 14 (R. Lc. 21. 28)

Refrão : Foti imi ulun ba, imi maksoyn besik dadaun!!! Repete-se

Na’i, halo ha’u hatene Ita dalan,

Hanourin Ita dalan mai ha’u.

Dada ha’u tuir Ita nia lialós,

Basá Ita, ha’u nia Maromak no Maksoyn. Refrão

 

Na’i di’ak no lós.

Lori ema maksalak sira fila ba dalan,

Hatudu dalan ba ema haraik-an sira iha justiça,

Ba ema kiak sira, Nia leno sira ain fatin. Refrão

 

Na’i Nia dalan mak graça no laran metin,

Ba sira nebé halo tuir Nia ukunfuan,

Na’i bolu ba rasik liu Nia graça,

Sira be hamta’uk Nia hodi fó hatene

Nia moruk ba sira. Refrão

 

Aclamação                                                                                          

Refrão : Aleluia, Aleluia!!! Repete-se       

                  Liurai povo hotu bian, fatuk inan Kreda nian,

                  Hi’it-An mai soi ema be Ita halo housi rai rahun. Refrão

 

Evangelho                                                                                                                                                                                                         Lc. 1. 57-66

Na’i Jesus Cristo nia Evangelho nudar São Lucas haktuir

Iha tempo neba, loron to’o ona Isabel tur-ahi oan mane ida. Nia maluk no parente sira hatene katak Na’i hatudu laran-luak boot tebes ba nia. Sira mós haksolok ho la ne’e.

Liu tiha loron ualu, sira mai halo circuncisão ba kiikoan no hakarak hanaran nia ho nia aman naran Zacarias. Maibé nia inan hatan dehan: “La bele! Sei hanaran nia João”. Sira dehan ba nia: “Maibé la iha ó nia parente ida ho naran ne’e”.

Sira housi sinal husu ba nia aman oinsá lós nia hakarak hanaran kiikoan. Aman husu aikabelak ida hodi hatan ho hakerek; “Nia naran mak João”. Ema hotu hakfodak. Nia ibun nakloke kedas, nia nanal mós mamar, hahu ko’alia hawelok Maromak. Nia maluk sira hotu hamta’uk wain.

Hafoin iha Judeia foho leten sira tomak, ema haktuir buat hirak ne’e hotu. Sira be rona ema haktuir buat hirak ne’e, rai didi’ak iha sira laran hodi hateten; “Kiikoan ne’e sei sai sé lós?”. Tebes duni, Na’i futar liman hamahan nia.

Lia Maksoyn

Leave a Reply

Your email address will not be published. Required fields are marked *