shadow
Diocese de Dili > NOTÍCIAS > LETURA DIÁRIA > Quarta-Feira, Oitavo do Natal-3

Quarta-Feira, Oitavo do Natal-3

São João, Apóstolo e Evangelista

ANO B

 

Primeira Leitura                                                                                 1Jo. 1. 1-4

Lia housi São João nia primeira surat  nian

Doben sira: buat nebé houri uluk kedas ami rona no ami haré ho ami nia matan rasik; ami haré nia no ami nia liman kona nia mak Liafuan Moris. Moris ne’e mosu duni, no ami haré Nia hodi fó sasin no haklaken ba imi Moris rohan laek nebé hôrik ho Aman no hatudu-An mai ami. Buat nebé ami haré no ami rona, ami haklaken mós ba imi, atu imi bele hela ho ami iha domin nebé ami iha ho Aman no ho Oan Jesus Cristo. Ami hakerek buat hirak ne’e atu ami nia ksolok bele sai lolós.

Maromak Futar Lia.

 

Salmo Responsorial                                                                                                                                                 Sal. 96(97). 1-2, 5-6, 11-12 (R. 12ª)

Refrão : Ema sira laran mós, Imi haksolok ba iha Na’i!!! Repete-se

Na’i mak liurai, rai tomak haksolok ba;

Nusa lub-lubun haksolok ba.

Nia hatais kalohan no nakukun,

Justiça no direito mak Nia trono nia hun. Refrão

 

Foho tomak naben hanesan lilin,

Iha Na’i rai tomak nia oin.

Lalehan haklaken Nia justiça,

Povo tomak haré Nia glória. Refrão

 

Roman nabilan ba ema laran mós,

No ksolok, ba ema sira be fuan mós.

Ema laran mós sira, imi haksolok ba,

iha Na’i, hahi Nia naran Santo. Refrão

 

Aclamação

Refrão : Aleluia, Aleluia!!! Repete-se       

                  Maromak, ba Itaboot ami hananu, ba Ita boot ami hahi,

                  Na’i. Lian knananuk kmanek apóstolo sira nian, hananu Ita rahun di’ak. Refrão

 

Evangelho                                                                                                                                                                                                              Jo. 20. 2-8

Na’i Jesus Cristo nia Evangelho nudar São João haktuir

Iha loron uluk semana nian, iha dadersan nakukun, Maria Madalena ba to’o rate hodi haré fatuk iha rate nia oin duir tiha ba sorin. Nia halai fali hasouru Simão Pedro no escolante ida seluk nebé Jesus hadomi hodi dehan ba sira: “Ema lori tiha Na’i housi rate no ita la hatene sira tau l’os Nia iha nebé!” Pedro ho escolante ida seluk sai kedas ba rate. Sira halai hamutuk maibé escolante ida seluk lais liu Pedro hodi to’o uluk rate. Nia hakru’uk hodi haré hena sira namkari iha rai, no mós heta mutin nebé hodi falun Jesus nia ulun, ketak housi hena sira seluk lulun iha fatin seluk. Hafoin escolante ida seluk neb’e to’o uluk ba rate tama hotu. Nia har’e hodi fiar.

Lia Maksoyn

Leave a Reply

Your email address will not be published. Required fields are marked *