shadow
Diocese de Dili > NOTÍCIAS > LETURA DIÁRIA > Quinta-Feira, Oitavo do Natal-4

Quinta-Feira, Oitavo do Natal-4

Santos Inocentes, mártires

ANO B

 

Primeira Leitura                                                                              1Jo. 1. 5-2. 2

Lia housi primeira surat São joão nian

Doben sira: Lia menon nebé ami rona housi Nia, no haklaken ba imi mak ne’e: Maromak mak naroman, la iha nakukun iha Nia. Ne’e duni, ita dehan karik katak ita iha domin ba Nia, maibé ita hela iha nakukun laran, ita bosok no ita la moris tuir lialós. Maibé ita moris krik iha naroman, nu’udar Nia iha naroman, ne’e katak ita iha domin ho maluk sira no, Jesus, Nia Oan, nia ran hamos ita housi sala.

Ita dehan karik katak ita sala la iha, ita lohi ita-an rasik; la iha lialós iha ita. Maibé ita simu an karik nu’udar; la iha lialós iha ita. Maibé ita simu an karik nu’udar ema maksalak iha Maromak futar oin, Nia sei halo tuir Nia promesa hodi halo buat nebé lós; Nia sei kasu ita nia sala no hamos ita nia hahalok áat hotu. Ita dehan karik katak ita la sala ida, ita halo Maromak sai bosokten, no Nia liafuan la hela iha ita. Ha’u nia oan sira, ha’u hakerek surat ne’e ba imi, atu imi la bele halo sala; maibé ema ida halo sala karik, ita iha Ida nebé hamulak iha Aman Nia oin tan ita; ne’e mak Jesus Cristo, Nebé Justo nu’udar ita nia advogado iha Aman Nia oin. Jesus Cristo rasik mak buat-karan nebé selu ita nia sala; la’os de’it ita nia sala sira, maibé mós ema hot-hotu nia sala.

Maromak Futar Lia.

 

Salmo Responsorial                                                                                                                                   Sal. 123(124). 2-3, 4-5, 7b-8 (R. Sal. 141. 7c)

Refrão : Na’i, soi ha’u housi sira nebé buka hamate ha’u!!! Repete-se

Maromak la hamutuk ho ita karik,

Wainhira ema sira hamriik hasouru ita,

Sira sei han moris de’it ita,

Ho sira nia laran siak-tek. Refrão

 

Wé sei halo mout ita,

Nia sei halai iha ita leten;

Iha ita leten sei suli,

Wé be maka’as tebes. Refrão

 

Sira hani sei nakrahun,

Ami soi ami-an.

Ami tulun iha Na’i Nia naran,

Neb’e halo Lalehan no Rai. Refrão

 

Aclamação

Refrão : Aleluia, Aleluia!!! Repete-se       

                  Maromak, ba Itaboot ami hananu, ba Itaboot ami hahi,

                  Na’i! Lian kmanek mártir sira hananu Ita rahun di’ak. Refrão

 

Evangelho                                                                                                                                                                                                               Mt. 2. 13-18

Na’i Jesus Cristo nia Evangelho nudar São Mateus haktuir

Iha tempo neba, Na’i nia Anjo ida mosu ba Jos’e iha mehi hodi dehan: “Hader ba, lori ki’ik Oan ho nia inan, halai ba Egipto hodi hela iha neba to’o ha’u fó hatene ba ó, basá Herodes sei buka ki’ik Oan ne’e atu oho”. Nia hader iha kalan, lori ki’ik Oan ho nia inan, halai ba Egipto hodi hela iha neba to’o Herodes mate. Nune’e, sai tuir duni buat nebé Na’i fó sai housi profeta: “Ha’u bolu Ha’u Nia Oan housi Egipto”.

Wainhira Herodes haré katak ema matenek sira lohi tiha nia, nia laran nakali teb-tebes; nia haruka oho labarik sira housi Belém no rai besi-besik nia, ki’ik oan sira tinan rua ba kraik tuir tempo nebé nia husu housi ema matenek sira. Nune’e, sai tuir lolós buat nebé Profeta Jeremias dehan nanis: “Sira rona lia ida iha Rama: ema halerik no tanis maka’as: Raquel tanis tan nia oan sira; nia lakohi ema fó ksolok ba nia, basá sira laiha ona”.

Lia Maksoyn

Leave a Reply

Your email address will not be published. Required fields are marked *