shadow
Diocese de Dili > NOTÍCIAS > LETURA DIÁRIA > Quarta-Feira, Se ocorrer antes da Epifania

Quarta-Feira, Se ocorrer antes da Epifania

ANO B

 

Primeira Leitura                                                                            1Jo. 2. 29-3. 6

Lia housi primeira surat São João  nian

Doben sira: Imi hatene karik katak Aman Maromak mak laran mós tebes, imi bele hatene mós katak ema hotu nebé moris tuir justiça moris housi Nia. Imi haré tok’ok ba ho domin kmanek tebes mak Maromak fó bensa ba ita hodi bolu ita Maromak oan! Ita Maromak oan duni. Mundo la hatene karik Ita, tan mundo la hatene Nia. Doben sira, oras ne’e ita Maromak oan, maibé seida’uk hatudu ita sei sai oinsá. Ita hatene katak, iha oras nebé hatudu-an mai, ita sei sai hanesan Nia, basá ita sei haré Nia hanesan ne’e. Ema hotu nebé fiar hodi hein iha Maromak, sei hamos-an rasik hanesan Nia be laran mós. Ema hotu nebé halo sala, halo sala mós hasouru lei, basá sala halo ema la tuir lei. Ne’e duni, imi hatene katak Jesus hatudu-An, atu kasu sala hotu; iha Nia la iha sala. Sé mak hôrik iha Nia, sei la sala; ema nebé halo sala, la haré Nia no mós la hatene Nia.

Maromak Futar Lia.

 

Salmo Responsorial                                                                                                                                              Sal. 97(98). 1, 3cd, 3cd-4, 5-6 (R. 3c)

Refrão : Rai-ulun rai-ikun sasin Maromak Nia maksoyn!!! Repete-se

Hananu ba Na’i knananuk foun ida,

Basá Nia halo buat mesak kmanek.

Nia futar liman lós manan funu;

Manan ho Nia futar liman santo. Refrão

 

Rai-ikun rai-ulun sasin,

Maksoyn Ita Maromak Nian.

Rai tomak haklaken Na’i,

Haklalak ho ksolok no hananu. Refrão

 

Hananu ba Na’i hino hodi harpa lian,

Ho harpa no lira nia lian;

Ho corneta no trombeta nia lian,

Hahi hawélok Na’i, ita liurai. Refrão

 

Aclamação                                                                                                                                                                                                            Jo. 1. 14ª, 12ª

Refrão : Aleluia, Aleluia!!! Repete-se       

Liafuan halo-An ba ema no hôrik iha ita leet. Ba ema sira nebé simu Nia,

Nia haraik biit atu sai Maromak nia oan. Refrão

 

Evangelho                                                                                                                                                                                                                Jo. 1. 29-34

Na’i Jesus Cristo nia Evangelho nudar São João haktuir

Iha tempo neba, João Baptista haré katak Jesus mai hasouru nia, Nia haklaken: “Ne’e mak Maromak Nia Bibi-Oan, nebé kasu mundo nia salan. Kona ba ida ne’e mak ha’u hateten: Ha’u liu tiha, mai mane ida nebé sei liu dook ha’u, tan Nia iha uluk liu kedas. Ha’u la hatene Nia, maibé atu Nia bele mosu iha Israel, mak ha’u mai sarani ho wé”. João fó sasin ida ne’e: “Ha’u haré Espírito Santo tun mai housi Lalehan hanesan falur ida, mai tur iha Nia leten. Ha’u la hatene Nia, maibé Ida nebé haruka ha’u mai sarani ho wé mak dehan mai ha’u: Ida be ó haré Espírito tun ba Nia, hodi hela iha Nia, Nia mak sarani ho Espírito Santo. Ha’u haré duni, ha’u fó sasin katak Nia Maromak Nia Oan.

Lia Maksoyn

Leave a Reply

Your email address will not be published. Required fields are marked *