shadow
Diocese de Dili > NOTÍCIAS > LETURA DIÁRIA > Quinta-Feira, Se ocorrer antes da Epifania

Quinta-Feira, Se ocorrer antes da Epifania

ANO B

 

Primeira Leitura                                                                                1Jo. 3. 7-10

Lia housi primeira surat São João  nian

Ha’u oan sira: Atu ema ida keta bosok imi. Sé mak moris tuir justiça, nia mak laran mós, hanesan mós Cristo be laran mós. Ema nebé halo sala, nia mak demónio nian, basá demónio mak sala-na’in housi hun mai. Maromak Nia Oan hatudu-An mai, atu bele halakon mohu demónio nia hahalok sira. Sé mak moris housi Maromak sei la halo sala, basá iha nia hôrik  hela fini Lalehan nian. Ema hatene Maromak nia oan sira no demónio ninian housi ne’e: sé mak la moris tuir justiça, nia la’os Maromak nian, no mós ida nebé la hadomi nia maun-alin.

Maromak Futar Lia.

 

Salmo Responsorial                                                                                                                                                                  Sal. 97(98). 1, 7-8, 9 (R. 3c)

Refrão : Rai-ulun rai-ikun sasin Maromak Nia maksoyn!!! Repete-se

Hananu ba Na’i knananuk foun ida,

Basá Nia halo buat mesak kmanek.

Nia futar liman lós manan funu;

Manan ho Nia futar liman santo. Refrão

 

Tasi halian no buat tomak iha tasi;

Mundo tomak no buat hotu be hôrik iha nia.

Mota sira bása liman ba,

No foho sira hotu hamutuk hananu ho ksolok. Refrão

 

Iha Na’i futar oin,

Be mai atu tesi lia ba mundo.

Nia sei ukun rai ho justiça,

No ukun povo hotu ho lialós. Refrão

 

Aclamação                                                                                                                                                                                                            Jo. 1. 14ª, 12ª

Refrão : Aleluia, Aleluia!!! Repete-se       

Liafuan halo-An ba ema no hôrik iha ita leet. Ba ema sira nebé simu Nia,

Nia haraik biit atu sai Maromak nia oan. Refrão

 

Evangelho                                                                                                                                                                                                                Jo. 1. 35-42

Na’i Jesus Cristo nia Evangelho nudar São João haktuir

Iha tempo neba, João Baptista hamutuk hela ho nia escolante sira. Nia haré Jesus liu dadaun, nia dehan: “Maromak Nia Bibi-Oan mak neba”. Escolante na’in rua rona nia dehan liafuan hirak ne’e, sira tuir Jesus. Jesus fila, haré sira tuir Nia, husu ba sira: “Imi buka sáida?” Sira hatan ba Nia: “Rabi, katak Mestre, Ita hela iha nebé”? Jesus hatan ba sira: “Imi mai haré!” Sira ba duni haré Nia hôrik iha nebé. Sira hela ho Nia loron ida neba tanba kaln tuku háat loraik ona.

Sira na’in rua be rona João, hodi tuir Jesus ne’e, ida mak André, Simão Pedro nia. Nia hetan uluk nia maun Simão, ni dehan: “Ami hetan Messias” katak ‘Ungido’. Nia lori Simão ba Jesus. Jesus fihir nia, dehan: “Ó Simão, João nia oan. Ó sei hanaran-an “Cefas”, katak Pedro.

Lia Maksoyn

Leave a Reply

Your email address will not be published. Required fields are marked *