shadow
Diocese de Dili > NOTÍCIAS > LETURA DIÁRIA > Terça-Feira, Da Oitava do Natal à Epifania

Terça-Feira, Da Oitava do Natal à Epifania

ANO B

 

Primeira Leitura                                                                              1Jo. 2. 22-28

Lia housi primeira surat São João  nian

Doben sira: Sé mak bosok-têen? La’os ema nebé dehan katak Jesus la’os Cristo? Ida ne’e duni mak anti Cristo; ida nebé la fiar Aman no Oan. Ema hotu nebé la fiar Oan, mós la fiar Aman. Sé mak hatene Oan, nia iha mós Aman. Imi moris tuir doutrina nebé imi rona nanis ona housi hun mai. Doutrina nebé imi rona nanis ona housi hun mai hôrik iha imi karik, imi mós sei hôrik iha Oan no Aman. Lia moruk nebé Oan hakotu ona mai ita moris rohan laek. Buat ne’e mak ha’u hakerek ba imi kona ba ema sira nebé hakarak buka bosok imi. Kona ba imi, kose mina nebé imi simu ona housi Cristo, hôrik iha imi. Imi la hein tan atu sira hanourin imi, wainhira kose mina Cristo nia hanourin ona ita kona ba buat, ne’e mak lós tebes, la bosok. Nune’e imi mós buka hôrik iha Nia, hanesan kose mina nebé hanourin ona imi. Ha’u oan sira, imi buka hôrik iha Cristo, atu Nia mosu mai karik, ita laran no neon metin ona, hodi la hadook-an housi Nia wainhira Nia mai.

Maromak Futar Lia.

 

Salmo Responsorial                                                                                                                                                   Sal. 97(98). 1, 2-3ab, 3cd-4, (R. 3c)

Refrão : Rai-ulun rai-ikun sasin Maromak Nia maksoyn!!! Repete-se

Hananu ba Na’i knananuk foun ida,

Basá Nia halo buat mesak kmanek.

Nia futar liman lós manan funu;

Manan ho Nia futar liman santo. Refrão

 

Na’i fó hatene Nia maksoyn;

Nia hatudu justiça ba nação hotu.

Nia hanoin Nia domin no laran lós,

Ba Israel uman. Refrão

 

Rai-ikun rai-ulun sasin,

Maksoyn Ita Maromak Nian.

Rai tomak haklaken Na’i,

Haklalak ho ksolok no hananu. Refrão

 

Aclamação                                                                                                                                                                                                                Heb. 1. 1-2

Refrão : Aleluia, Aleluia!!! Repete-se       

Iha tempo uluk no ho dala, Maromak ko’lia ba ita nia aman sira

housi profeta sira; ikus mai, iha loron hirak ne’e,

Maromak  ko’alia ho ita housi Nia Oan Mane. Refrão

 

Evangelho                                                                                                                                                                                                               Jo. 1. 19-28

Na’i Jesus Cristo nia Evangelho nudar São João haktuir

Ida ne’e mak João Baptista nia sasin. Wainhira ema Judeu sira haruka housi Jerusalém sacerdote no levita sira ba  husu ba nia: “Ó sé lós?” nia dehan sai, nia la heli nia. Nia dehan sai duni: “Ha’u la’os Messias”. Sira husu ba nia: “Ne’e be, ó sé lós? Ó Elias”? Nia hatan: “La’e”. Sira dehan ba nia: “Ó sé atu ami bele dehan ba sira nebé haruka ami mai? Ó rasik dehan to’ok ó sé?” Nia dehan sai: “Ha’u ne’e, lian nebé hakilar iha rai fuik maran: ‘Imi sei halós Na’i nia dalan’ nu’udar hateten profeta  Isaías”.

Sira haruka Fariseu balu husu ba nia: “Ó la’os Messias, la’os Elias, la’os profeta, nusá mak ó sarani ema?” João hatan ba sira: “Ha’u sarani ho wé, maibé, imi leet iha Ida nebé  imi la hatene; Ida nebé mai tuir ha’u, ha’u la soi atu kore Nia sandalis talin” buat hirak ne’e hotu, mosu iha Betânia, Jordão sorin ba, nebé João sarani dadaun.

Lia Maksoyn

Leave a Reply

Your email address will not be published. Required fields are marked *