shadow
Diocese de Dili > NOTÍCIAS > LETURA DIÁRIA > Sábado, Se ocorrer antes da Epifania

Sábado, Se ocorrer antes da Epifania

ANO B

 

Primeira Leitura                                                                                1Jo. 5. 5-13

Lia housi primeira surat São João  nian

Doben sira: ema nebé mak manan mundo? La’os nebé fiar katak Jesus mak Maromak Oan? Jesus Cristo be mai housi wé no ran; la’os de’it ho wé, maibé ho wé no ran. Espírito mak fó sasin, basá Cristo mak lialós. Tebes duni, Na’in tolu mak fó sasin: Espírito, wé no ran; sira na’in tolu lia tuir malu. Ita simu karik sasin ema nian, Maromak Nia sasin mak boot liu, basá Maromak Nia sasin mak fó kona ba Nia Oan. Ema nebé fiar iha Maromak Oan, sasin ne’e hôrik iha nia. Ema nebé la fiar iha Maromak, nia dehan Maromak hanesan bosok-ten. Tan nia la fiar sasin nebé fó housi Maromak kona ba nia Oan. Sasin ida ne’e duni mak Maromak haraik mai ita moris rohan laek no moris ne’e hôrik iha Nia Oan. Ema sé mak iha Maromak Oan, nia iha moris; ema sé mak la iha Maromak Oan, nia la iha moris. Ha’u hakerek buat hirak ne’e hotu ba imi, atu imi hatene katak imi iha moris rohan laek, imi nebé fiar iha Maromak Oan Nia naran.

Maromak Futar Lia.

 

Salmo Responsorial                                                                                                                                                Sal. 147. 12, 13, 14, 15, 19, 20 (R. 12ª)

Refrão : Jerusalém, hahi ba na’i!!! Repete-se

Ou         : Aleluia, Aleluia!!! Repete-se

 

Jerusalém, hawélok Na’i!

Sião, hahi ó nia Maromak!

Nia hametin ó nia odamatan,

Haraik bensa ba ó nia oan sira. Refrão

 

Nia hari damen iha ó nia rai ketan sira,

Habosu ó ho trigo di’ak liu;

Hamonu maha-wen hanesan bibi-mama’e fulun,

Halekar maha-wen hanesan ahi-kdesan. Refrão

 

Haklaken Nia liafuan ba Jacob,

Nia lei no ordem ba Israel.

Nia la halo ba povo seluk nune’e;

Ba povo seluk Nia la hatudu Nia hustiça. Refrão

 

Aclamação                                                                                                                                                                                                                cf. Mc. 9.6

Refrão : Aleluia, Aleluia!!! Repete-se       

Lalehan nakloke no sira rona Aman Maromak Nia lia dehan:

“Ida ne’e mak Ha’u Oan doben. Imi rona Nia ba!”. Refrão

 

Evangelho                                                                                                                                                                                                                  Mc. 1. 7-11

Na’i Jesus Cristo nia Evangelho nudar São Marcos haktuir

Iha tempo neba, João hahu hanourin ho liafuan hirak ne’e: “Tuir ha’u, sei to mai Ida nebé maka’as liu ha’u, ha’u la soi atu hakru’uk hodi kore Nia sandalis talin. Ha’u sarani imi ho wé, maibé Nia sei sarani imi iha Epírito Santo”. Iha loron hira ne’e duni Jesus mai housi Nazaré Galileia nian hodi simu Baptismo housi João iha Jordão. Nia sai housi wé, haré kedas Lalehan sira nakloke, Espítiro, hanesan falur ida tun ba Nia leten. Housi Lalehan rona lian ida: “Ó Ha’u Oan doben tebes: Ha’u domin tomak tau iha Ó”.

Lia Maksoyn

Leave a Reply

Your email address will not be published. Required fields are marked *