shadow
Diocese de Dili > NOTÍCIAS > LETURA DIÁRIA > Terça-Feira, depois da Epifania

Terça-Feira, depois da Epifania

ANO B

 

Primeira Leitura                                                                                    1Jo. 4. 7-10

Lia housi primeira surat São João  nian

Doben sira: Ita sei hadomi malu, tanba domin mai housi Maromak, basá, ema nebé hadomi, ema ne’e mai housi Maromak, nia hatene duni Maromak. Ema nebé la hadomi, ema ne’e lada’uk hatene Maromak, basá Maromak katak domin Na’in. Na’i Maromak hatudu Nia domin mai ita nune’e: Nia haruka Nia Oan-Mesak mai mundo atu ita bele hetan moris housi Nia Oan. Domin Maromak nian mak ida ne’e: la’os ita mak hadomi uluk Maromak, maibé, Maromak mak hadomi uluk ita, hodi haruka Nia Oan rasik mai nu’udar Maksoyn atu kasu ita salan.

Maromak Futar Lia.

 

Salmo Responsorial                                                                                                                                                  Sal. 71(72). 2, 3-4ab, 7-8 (R. Cf. 11)

Refrão : Na’i, povo tomak rai-klaran sei hahi Ita!!! Repete-se

 

Maromak, haraik ba liurai kbiit atu tesi lia,

Ita justiça ba liurai oan.

Nia sei ukun Ita povo ho justiça,

Ita kiak sira ho loalós. Refrão

 

Ba Ita povo damen sei mai housi foho sira,

housi foho kiik sira, justiça.

Nia sei tahan ema haraik-an sira,

no soi ema kiak sira oan. Refrão

 

justiça sei buras iha nia loron,

damen sei naruk to’o loron ikus.

Tasi-mane, tasi-feto, Nia sei ukun,

housi mota boot to’o rai-klaran rai-ulu.. Refrão

 

Aclamação                                                                                                                                                                                                                     Lc. 4. 18

Refrão : Aleluia, Aleluia!!! Repete-se       

Na’i haruka ha’u haklaken Lia-foun ba kiak sir no fó hatene libertação ba dadur sira. Refrão

 

Evangelho                                                                                                                                                                                                                Mc. 6. 34-44

Na’i Jesus Cristo nia Evangelho nudar São Marcos haktuir

Iha tempo neba, Jesus haré ema lubun boot ida; Nia hadomi teb-tebes sira, basá sira hanesan bibi sira nebé bibi-atan laek. Nia hahu hanourin sira kleur. Tan rai nakukun dadaun ona, escolanta sira hakbesik-an ba Jesus, hodi dehan ba Nia: “Fatin ne’e rai-fuik-maran, no rai nakukun ba dadaun ona. Ita haruka sira ba ona, atu ba uma sira hotu, no aldeia sira be hale’u atu bele sosa aihan ba sira rasik”. Maibé Jesus hatan ba sira: “Imi mak fó han ba sira”. Sira dehan ba Nia: “Ami atu sosa pão osan denário atus rua nian hodi fó han ba sira ne’e”? Jesus lia tun ba sira: “Imi iha pão fuan hira?  Imi ba hare to’ok!” Sira ba haré hodi hatan: “Iha pão fuan lima no ikan rua”. Nune’e Jesus lia tun ba sira atu haruka ema hotu tur tuir grupo, iha du’ut matak leten. Sira halo grupo atus ida nian no limanulu. Jesus kaer tiha pão fuan lima no ikan rua, foti matan ba lalehan hodi fó bensa. Hafoin, silu fahe tiha pão, saran ba escolante sira, atu sira bele fahe atu sira bele fahe ba ema tomak. Fahe mós ikan ba ema hotu. Sira hotu han to’o bosu. Sira lori baluk sira oan sira nebé tau iha luhu sanulu resin rua, nune’e mós ikan resin sira. Ema sira nebé iha hamutuk rihun lima.

Lia Maksoyn

Leave a Reply

Your email address will not be published. Required fields are marked *