shadow
Diocese de Dili > NOTÍCIAS > LETURA DIÁRIA > Quarta-Feira, depois da Epifania

Quarta-Feira, depois da Epifania

ANO B

 

Primeira Leitura                                                                                    1Jo. 4. 11-18

Lia housi primeira surat São João  nian

Doben sira: Tanba Na’i Maromak hadomi duni ita, ita mós sei hadomi malu. Ema ida sei da’uk haré Maromak. Wainhira ita hadomi malu, Maromak sei hôrik duni ho ita; Maromak Nia domin sei sai kmanek tebes iha ita laran. Ami haré duni, ami sasin tebes ba imi katak Maromak Padre haruka tebes Maromak Oan mai nu’udar mundo rai-klaran nian Maksoyn. Ema nebé sasin katak Jesus Cristo Maromak Oan tebes, Na’i Maromak sei hôrik hamutuk ho nia, nia hôrik hamutuk ho Maromak. Ami hatene, ami fiar tebes oinsá Na’i Maromak hadomi ita. Maromak katak domin! Ema nebé hadomi nafatin, Na’i Maromak sei hôrik duni ho nia, nia sei hôrik duni ho Na’i Maromak. Domin moris lolós ona  iha ita tan ita laran metin lós ona iha loron juízo, basá, oinsá Jesus hela ba, nune’e mós iha mundo ne’e ita sei hela hanesan ne’e. Iha domin laiha ta’uk, domin lolós duni sai ta’uk, basá ta’uk hanesan todan ida. Sé mak ta’uk, nia la iha domin lolós

Maromak Futar Lia.

 

Salmo Responsorial                                                                                                                                                      Sal. 71(72). 2, 10, 12-13 (R. Cf. 11)

Refrão : Na’i, povo tomak rai-klaran sei hahi Ita!!! Repete-se

 

Maromak, haraik ba liurai kbiit atu tesi lia,

Ita justiça ba liurai oan.

Ita sei ukun Ita povo ho justiça,

Ita kiak sira ho lialós. Refrão

 

Liurai sira housi rai Társis no rai kiik; mai selu rai ten;

housi Sabá to’o Arábia hatama sira soin;

iha Nia futar oin, liurai hotu tukutur iha rai;

povo tomak sei serbi Nia. Refrão

 

Nia sei rona ema kiak sira lian;

Nia sei sadi’a ema neon susar.

Sei hanoin ema kbiit laek, haraik-an;

Nia sei soi ema kiak sira. Refrão

 

Aclamação                                                                                                                                                                                                           cf. 1Tim. 3. 16

Refrão : Aleluia, Aleluia!!! Repete-se       

Glória ba Ita, Jesus Cristo, be haklaken ona iha gentio sira leet;

Glória ba Ita, Jesus Cristo, be mundo tomak fiar. Refrão

 

Evangelho                                                                                                                                                                                                                Mc. 6. 45-52

Na’i Jesus Cristo nia Evangelho nudar São João haktuir

Wainhira fó han tiha ema rihun lima, Jesus husu kedas escolante sira sa’e ba ró hodi liu uluk ba sorin balu ba, ba lós Betsaida. Nia mesak hela hodi despede ema lubun boot. Despede hotu tiha, Nia sa’e ba foho atu harohan. To’o loraik, ró iha ona tasi klaran, no Jesus mesa-mesak iha rai. Haré katak escolante sira hean ró kole dadaun ona, tan anin hasouru sira, housi rai-klaran fahe ba dala háat, Nia ba hasouru sira, hodi la’o iha tasi leten. Escolante sira hanoin katak mate klamar ida. Sira hahu hakilar, basá sira hotu haré hetan Nia no laran ta’uk tebes. Maibé Jesus lia tun ba sira: “Aten barani! Ha’u duni, imi keta ta’uk”. Hafoin, Nia sa’e tiha ba ró, anin sai maus tiha kedas. Sira sai hakfodak teb-tebes duni, basá sira la hatene lós katak sá pão hirak be nakfila ba wa’in; sira laran nakukun hela.

Lia Maksoyn

Leave a Reply

Your email address will not be published. Required fields are marked *