shadow
Diocese de Dili > NOTÍCIAS > LETURA DIÁRIA > Sábado, I Semana iha tempo Comum

Sábado, I Semana iha tempo Comum

ANO B

 

Primeira Leitura                                                                     1Sm. 9. 1-4, 17-19, 10. 1ª

Lia housi primeira livro Samuel  nian

Iha loron hira neba, iha ema ida naran Quis, housi uma-kain Benjamin nian, Abiel nia oan, Seror nia oan, Becorat nia oan, Afiá nia oan. Benjamin nia ema ne’e kmanek no barani tebes. Nia iha oan ida naran Saul, klosan forte no kmanek tebes.

Iha ema hotu Israel nia leet, la iha ida kmanek liu nia; housi kbás ba leten nia áas liu ema hotu. Saul nia aman Quis lakon tiha kuda balun, dehan ba nia oan: “Ó lori ho atan sira ne’e ida hodi la’o ba buka kuda sira”. Sira la’o housi foho sira Efraim nian liu housi rai Salisá, maibé la hetan kuda sira. Hafoin, sira liu fali ba rai salim, maibé, la hetan mós. Sira liu fali housi Benjaimin nia rain, maibé la hetan liu kuda sira.

Maibé, profeta Samuel haré hetan tiha Saul, Na’i dehan ba nia nune’e: “Iha ne’e, iha hela ema nebé Ha’u dehan ba ó: nia mak sei ukun Ha’’u nia povo”. Saul hakbesik-an tiha ba Samuel, iha odamatan leet, hodi dehan ba nia: “Halo favor, profeta nia uma iha nebé?” Samuel hatan ba nia: “Profeta mak ha’u. Ó ba housi ha’u oin hodi sa’e ba sala ida leten; ohin, imi rua sei han hamutuk ho hau. Aban dader ha’u sei husik ó ba, no ha’u sei dehan hotu ba ó buat nebé iha ó fuan”.

Iha loron tuir mai, Samuel káer tiha iha vaso óleo nian ida, hodi fui iha Saul nia ulun leten. Hafoin, hako’ak tiha nia, hodi dehan: “Na’i mak tau mina santo ba ó, nu’udar ulun Israel nian, nebé Nia povo. Ó mak sei ukun Na’i nia povo, no sei soi nia housi funu  baluk sira liman nebé hale’u nia”.                                                                                                                                                                                                                                                    

Maromak Futar Lia.

 

Salmo Responsorial                                                                                                                                                 Sal. 20(21). 2-3, 4-5, 6-7 (R. Cf. 12ª)

Refrão : Na’i, Ita we nia kbiit mak ksolok liurai nian!!! Repete-se

 

Liurai haksolok, Na’i, tan kbiit Ita we nian,

ho ksolok wa’in haré Ita vitória.

Ita haksolok iha nia fuan nia hakaran,

hodi simu nia harohan. Refrão

 

Ita ba hasouru nia, tau coroa ba nia,

hakonu nia ho bensa kmanek wa’in.

Nia husu moris ba Ita, Ita haraik duni ba nia,

loron naruk tinan-ba-tinan. Refrão

 

ita kbiit haboot nia glória,

Ita hafutar nia ho naran boot no ukun.

Ita haraik ba nia Ita bensa rohan laek;

Ita hakonuk nia ho ksolok iha Ita futar oin. Refrão

 

Aclamação                                                                                                                                                                                                                   Lc. 4. 18

Refrão : Aleluia, Aleluia!!! Repete-se       

Na’i haruka ha’u haklaken Lia-foun ba kiak sora no fó hatene maksoyn ba dadur sira. Refrão

 

Evangelho                                                                                                                                                                                                               Mc. 2. 13-17

Na’i Jesus Cristo nia Evangelho nudar São Marcos haktuir

Iha tempo neba, Jesus sai fali ba tasi ibun. Ema lubun boot ba hasouru Nia, Nia hahu hanourin sira. Tuir dalan, Nia haré Levi, Alfeu nia oan, tur hela iha nia fatin hodi kobra osan. Jesus dehan ba nia: “Tuir Ha’u mai”. Nia hamriik kedas hodi tuir Jesus.

Wainhira Jesus han hela iha Levi nia uma, publican balun no ema maksalak sira tur hamutuk iha mesa ho Jesus no escolante sira, basá, barak housi sira leet tuir Nia. Escriba sira housi fariseu sira nia sorin hare katak Jesus han hamutuk ho ema maksalak no publicano sira, sira dehan ba escolante sira: “Tan sá mak Nia han ho hemu ho ema publicano no maksalak sira?” Jesus rona  hotu ne’e, hatan ba sira: “Laos ema isin di’ak mak precisa doutor, maybe, sira nebé moras. Ha’u la mai atu bolu ema sira nebé di’ak, maibé, ema maksalak sira”.

Lia Maksoyn

Leave a Reply

Your email address will not be published. Required fields are marked *