shadow
Diocese de Dili > NOTÍCIAS > LETURA DIÁRIA > Segunda-Feira, II Semana iha tempo Comum

Segunda-Feira, II Semana iha tempo Comum

ANO B

 

Primeira Leitura                                                                                   1Sm. 15. 16-23

Lia housi primeira surat Samuel  nian

Iha loron hirak neba, profeta Samuel dehan ba liurai Saul: “Rona lai buat nebé Na’i dehan mai ha’u iha kalan ne’e”. Saul hatan ba nia: “Ne’e sá, koa’lia ba!” Samuel haktuir tan: “Maski hodi ó haré rasik, ó senti-an ema kiik, ó sei la sai ulun uma-kain sira Israel nian? Na’i halo ó santo atu sai Israel nia liurai, foti ó ba serbisu ne’e, hodi dehan: ‘Ba, hodi halakon ema Amalec sira be laran áat; hafunu ho sira to’o sira mohu-lakon’. Tan sá ó la halo tuir Na’i nia lian, hamonu-an tiha ba riku-soi, hodi halo tiha buat nebé la monu ba Nia matan?” Saul hatan ba Samuel: “Maibé ha’u halo tuir duni Na’i nia lian! Ha’u halo tiha serbisu nebé Nia haraik mai ha’u, ha’u lori Agag, liurai Amalec nian mai, no halakon tiha ema Amalec sira. Housi bibi-malae sira leet, housi karau-vaka sira leet, povo hasai tiha nu’udar riku-soin di’ak tebes nebé atu ba mahu-lakon nian, hodi hasa’e sacrifício ba Na’i, ó Maromak, iha Guilgal”. Maibé, Samuel hatan ba nia: “Bele fó ksolok ba Na’i buat-karan no sacrifício sira nu’udar halo tuir Nia lian? Halo tuir, folin di’ak liu fali sacrifício kmanek sira, no laran metin midar folin liu fali bibi-malae sira nia bokur. Basá, foti-an mak nu’udar salan ema loko-an nian, no laran metin ba sala nu’udar sala boot hodi adora maromak falsu. Wainhira ó hakribi Na’i nia liafuan, Nia mós sei hakribi ó be nu’udar liurai!”.

Maromak Futar Lia.

 

Salmo Responsorial                                                                                                                                       Sal. 49(50). 8-9, 16bc-17, 21, 23 (R. 23b)

Refrão : Ba ema nebé halo tuir dalan lós,

                  Ha’u sei hatudu Maromak Nia Maksoyn!!! Repete-se

 

La’os tan ó sacrifício sira, Ha’u siak ó,

Ó nia buat-karan sira iha nafatin Ha’u oin;

Maibé ha’u sei la simu karau oan housi ó luhan,

No mós bibi-malae housi ó bibi luhan. Refrão

 

Tan sá ó haktuir bei-beik ha’u ukunfuan,

No lori iha ó ibun ha’u nia aliança,

Ó be hakribi Ha’u Nia hanourin,

No la moris tuir Ha’u Nia lei? Refrão

 

Ha’u sei la nonok. Ha’u sei siak ó

Hodi soe ba ó oin, ó nia hahalok áat.

Ha’u naran di’ak hôrik iha fuan be hahi,

Ema laran mós de’it mak

Sei haré maksoyn Maromak Nian. Refrão

 

Aclamação                                                                                                                                                                                                                Heb. 4. 12

Refrão : Aleluia, Aleluia!!! Repete-se       

                  Maromak nia liafuan moris no bo’ok maka’as, bele hatene lolós

                  buat nebé ema hanoin no hakarak iha nia fuan. Refrão

 

Evangelho                                                                                                                                                                                                              Mc. 2. 18-22

Na’i Jesus Cristo nia Evangelho nudar São Marcos haktuir

Iha tempo neba, João nia escolante sira ho fariseu sira halo dadaun jejum. Sira mai dehan ba Jesus: “Tansá João ho fariseu sira nia escolante halo jejum, Jesus hatan ba sira: “Belun sira noivo nian bele halo jejum, wainhira noivo sei hamutuk ho sira? Wainhira noivo sei hamutuk ho nafatin ho sira, sira labele halo jejum. Loron sei to’o, wainhira ema sei hasai tiha noivo; iha loron ne’e, mak sira sei halo jejum. Ema ida la suku hena tuan kuak ho hena foun. Oin seluk, hena foun les hena tuan nia baluk halo kuak nakles liu tan. Ema ida la fui tua foun iha kusi tuan. Lae, tua halo nakfera kusi, lakon tua, lakon kusi. Tua foun tau iha kusi foun!”

Lia Maksoyn

Leave a Reply

Your email address will not be published. Required fields are marked *