shadow
Diocese de Dili > NOTÍCIAS > Notícias > Nai Ulun Sira Hakas-an ba Tane As Dignidade Povo no Rai ida nee

Nai Ulun Sira Hakas-an ba Tane As Dignidade Povo no Rai ida nee

DCDD (13/01/2018) Relaciona ho tensão política nebe acontece dau-daun iha rai laran hodi halo povo durante nee hein hela decisão ikus husi Sua Ex. Presidente da República, Dom Virgilio do Carmo da Silva, Bispo de Dili hafoin remata missa ano escolar 2018 nian hamutuk ho Ministro da Educação, Professores no Estudantes sira iha Diocese Dili nia laran iha SE Catedral Dili hateten; hanesan buat nebe ita rona bebeik kona ba situação política nebe oras nee acontece iha ita nia rai laran, oras nee ita depende ba Sua Ex. Presidente da República Francisco Guterres Lu-Olo nudar aman ba nação nee ninia decisão. Nee duni, ita hotu hakruuk ba nia decisão ikus husi ita nia Sua Ex. Presidente da República Francisco Guterres Lu-Olo. Tanba nee ita hotu sei rona saida deit mak nia sei fo sai ba nação nee nia diak, hateten Dom Virgilio do Carmo da Silva.

Liga ba maturidade política povo ninian nebe hahu as ba dau-daun, Dom Virgilio hateten; ita hare liu-liu iha tempo hirak nee, ita nia povo rasik durante nee hanorin ita buat barak ona. Nee duni mai ita aprende husi sira, povo rasik durante iha tempo barak nia laran hatudu duni ona iha maturidade política, comprende ona valor democracia nian, hein katak buat sira nebe ita nia povo sira hatudu nee, ita la Abuja fali. Tanba nee povo sira hatudu ona nunee, politico sira mos buka atu fo força liu tan ba iha buat nebe povo ninian katak continua tane as dignidade rai no povo ida nee ninian tuir ita nia Constituição haruka. Wainhira ita lao tuir ira nia Constituição nee karik, hau hanoin buat hotu sei lao ho diak. (NgL)

Leave a Reply

Your email address will not be published. Required fields are marked *