shadow
Diocese de Dili > NOTÍCIAS > LETURA DIÁRIA > Terça-Feira, II Semana iha tempo Comum

Terça-Feira, II Semana iha tempo Comum

ANO B

  Primeira Leitura                                                                                    1sm. 16:1-13

Lia husi primeira livro samuel nian

Iha loron hirak neba, Na’i lia tun ba profeta samuel: “To’o winhira ó nia laran susar tan saul, tan ha’u lakohi atu nia sai Israel nia liurai? Hakonu ho óleo ó nia vazo hodi la’o ba. Ha’u haruka ó ba jesus Belém nian, basá, ha’u hili tiha ona liurai ida, iha sira oan mane sira leet”. Samuel hatan: “oinsá, mak ha’u sei ba iha neba? Saul hatene karik, sei haruka oho ha’u!” Na’i dehan teni ba nia: “Ó sei lori ba karau-vaka oan ida no ó sei dehan: ‘Ha’u mai atu hasa’e sakrificio ida ba Na’i’.Ó sei konvida Jessé atu ba sakrificio ne’e; ha’u sei hatudu ba ó buat sá mak ó sei halo: ó sei tau mina ba ida nebé ha’u dehan ba ó.”Samuel halo tuir buat nebé Na’i dehan ona ba nia hodi la’o tuir dalan ba belém nian. Katuas sira cidade nian ho haklalak ba hasoru nia hodi husu: “Profeta, ó mai tan damen?” Nia hatan ba sira: “ nune’e duni. Ha’u mai atu hasa’e sakrificio ida ba Na’i. Hamos didiak imi-an ba, no mai ho ha’u atu hasa’e. Samuel hamos tiha Jessé ho nia oan sira, hodi convida sira ba sacrifício.

Wainhira sira to’o, Samuel haré tiha Eliab, hodi hanoin: “ lós duni, ema be atu simu mina iha ona Na’i nia oin”. Maibé, Na’i dehan ba Samuel: “Ó la belé haré ba nia oin be furak no mós labele haré ba ninia áas, basá, ha’u hakribi nia. Maromak nia haré la’os hanesan ema nian; ema haré husi nia furak, maibé, Na’i haré husi fuan”. Jessé bolu Abinadab no halo nia liu husi Samuel nia oin. Maibé, Samuel dehan: “ ida ne’e mós la’os ida nebé atu Na’i hili”. Jessé haruka nia oan na’in hitu liu husi Samuel nia oin, maibé, Samuel dehan lolós ba nia: “ Na’i la hili sira ne’e ida”. Nia husu ba Jessé:  “ ó nia oan mane sira iha hotu ona ne’e? Jessé hatan ba nia: “ sei falta ida ikun, nebé hein hela bibi”. Samuel hatan ba nia: “ haruka bolu nia mai, basá, ita sei la han, wainhira nia seidauk mai iha ne’e”. Nune’e Jessé haruka bolu; nia nabilan-modok-mean, matan furak no isin kmanek. Na’i dehan ba Samuel: “Hamriik ba hodi tau mina liurai nian ba nia; mak nia duni!” Samuel káer iha vazo mina nian, tau mina ba nia ulun iha nia maun sira leet. Husi loron ida neba ba oin, Na’i nia espirito hôrik iha David. Hafoin, Samuel hahu la’o hodi fila ba Ramá.        

Maromak Futar Lia.

 

Salmo responsorial                                                                                                                                              sal. 88(89). 20, 21-22, 27-28 (R. 21ª)

Refrão: Ha’u hetan David, Ha’u atan!!! Repete-se

 

Ita dehan ba ita santo sira

iha visão ida uluk liu,

Ha tau kaibauk ba ema barani ida;

Ha’u foti Ha’u manu-ain iha povo leet. Refrão

 

Ha’u hetan David, Ha’u atan,

Ha’u tau mina santo ba nia;

Ha’u liman sei tahan nia nafatin,

Ha’u liman sei fó biit ba nia. Refrão

 

Nia sei harohan mai Ha’u: “ Ó mak ha’u Aman,

ha’u Maromak no ha’u atulun”.

Ha’u sei foti nia nu’udar Ha’u oan doben,

Boot no kmanek iha liurai sira rai klaran nian. Refrão 

 

Aclamação                                                                                                                                                                                                       cf. Ef. 1. 17, 18

Refrão : Aleluia, Aleluia!!! Repete-se       

Ita Na’i Jesus Cristo nia Aman leno ita laran nia matan

atu ita bele haré esperança nebe Maromak bolu ita ba. Refrão

 

Evangelho                                                                                                                                                                                                           Mc. 2. 23-28

Na’i Jesus Cristo nia Evangelho nudar São Marcos haktuir

Iha tempu neba, Jesus liu housi to’os trigo nian iha loron sábado ida, no escolante sira, uainhira la’o, hahu hili trigo fulin sira. Tan ne’e, fariseu sira dehan ba Jesus: “Haré to’ok ba, oinsá mak sira halo serbisu iha loron sábado be bando”. Jesus hatan ba sira: “Imi seidauk lê buat nebe David halo, wainhira nia precisa no senti hamlaha, nia rasik ho nia maluk sira? Nia tama iha Na’i nia uma, iha tempu na’ilulik boot Abiatas nian hodi han tiha pão sira nebé rai hela iha fatin santo, nebe na’ilulik sira de’it mak bele han; no fó mos pão ne’e ba nia maluk sira”.

Jesus dehan ba sira: “Loron sábado bé iha, halo ba ema, no ema la’os ba loron sábado. Ne’e duni, Mane Maksoyn loron sábado mós nia Na’in.

Lia Maksoyn

Leave a Reply

Your email address will not be published. Required fields are marked *