shadow
Diocese de Dili > NOTÍCIAS > LETURA DIÁRIA > Sexta-Feira, III Semana iha tempo comum

Sexta-Feira, III Semana iha tempo comum

ANO B

 

Prmeira leitura                                                    2Sm. 11:1-4ª,5-10ª,13-17

Lia housi segundo livro Samuel nian

Iha tempo hirak neba, hahu iha tinan neba, iha kedas tempo nebe liurai sira sai atu ba funu, David haruka Joab ho nia ulun sira no Israel oan sira tomak, hodi hadau tiha amonita sira rain no hale’u tiha Rabá. Maibe, David hela tiha iha Jerusalém.

Iha loron ida, David hamriik housi nia toba fatin, ba pasiar iha nia kadunan nia oin. Housi neba nia haré feto ida haris hela; feto ne’e kmo’ok teb-tebes. David buka hatene sé mak feti ida neba, no ema sira dehan ba nia katak ‘Betsabé, Elião nia oan feto, Urias, ema hitita, nia feen’. Nune’e, David haruka nia ema sira ba bolu nia mai. Nia mai duni, hafoin fila hikas ba nia uma. Haré katak nia ko’us ona, haruka fó hatene ba David: “ha’u isin rua ona”.

Nune’e, David haruka fó hatene ba Joab hodi dehan nune’e: “ Haruka Urias, ema hitita ne’e, mai”. Joab haruka duni Urias ba David. Wainhira Urias to’o, David husu ba nia kona ba Joab, kona ba liman kroat sira no kona ba funu. Hafoin, dehan ba nia: “Tun ba ó nia uma hodi fase tiha ó nia ain”. Urias sai tiha husi liurai nia uma, hafoin, liurai haruka hahan husi nia mesa ba nia. Maibe, Urias la tun ba nia uma; toba hela iha odamatan kadunan liurai nian, hamutuk ho liurai nia atan sira seluk.

Sira haktuir ba David hodi dehan: “Urias la tun ba nia uma”. Iha loron tuir mai, David convida nia atu ba han hemu ho nia no fó lanu tiha nia. Maibe, iha kalan, Urias la tun ba nia uma; sai ba toba tiha ho atan sira seluk liurai nian.

Iha loron tuir mai, iha dadér, David hakerek tiha surat ida ba Joab, hodi haruka surat ne’e housi Urias. Iha surat ne’e, dehan: “Tau Urias iha oin, iha nebe iha funu maka’as, no labele tulun nia, atu nia bele kanek no mate”. Joab nebe ataka hela cidade, tau tiha Urias iha fatin nebe ema funu-na’in sira hela ba.

Nune’e, ema sira cidade nian sai, funu hasouru Joab. David nia emar sira balun mate, iha sira ne’e nia leet mate mós Urias, ema hitita ne’e.

Maromak futar lia.

 

Salmo Responsorial                                                                                                                                Sal. 50(51). 3-4, 5-6ª, 6ac-7, 10-11 (R. cf. 3ª)

Refrão : Hanoin ami, Na’i, tan ami ema maksalak!!! Repete-se

 

Na’i, tan ita boot nia laran-luak, sadi’a ha’u!

Tan ita boot hanoin ha’u, kasu ha’u salan.

Hamos ha’u nia hahalok áat,

Fase ha’u klamar. Refrão

 

Ha’u hatene katak ha’u sala;

Ha’u salan iha hela ha’u oin.

Na’i, ha’u sala hasouru ita,

Ha’u halo sala iha ita futar oin. Refrão

 

Tan ne’e, ita tesi lia mai ha’u, ita halo lós,

La hewai ita nia tesi lia.

Ha’u moris mai, moris ona ho salan,

Ha’u inan be sala na’in ko’us ha’u. Refrão

 

Na’i, ita lori mai ha’u buat ksolok nian,

Ha’u laran sei haksolok hi’as fali;

Hadook housi ita futar oin ha’u salan tomak,

Kasu ha’u salan hotu. Refrão

 

Aclamaçào                                                                                                                                                                                                                 Mt. 11:25

Refrão :  Aleluia,Aleluia !!! Repete-se

                  Rahun di’ak ba ita, Aman, Na’i lalehan no rai nian,

                  tan ita hatudu mistério reino lalehan nian ba kiik sira. Refrão

 

Evangelho                                                                                                                                                                                                                Mc. 4:26-34

Na’i Jesus Cristo nia Evangelho tuir São Marcos

Iha tempo neba, Jesus lia tun ba ema lubun boot sira: “ Maromak nia reino, hanesan ema ida nebe kuda fini iha rai. Nia toba eh hader, iha kalan eh iha loron, wainhira fini moris no boot ba daudaun, nia la hatene tuir moris oinsá. Rai mesak hamoris nia, uluk liua nia hun, tuir mai nia fulin, ikus liu trigo tasak nia fulin. Wainhira to’o ona tempo atu ko’a nia tau kedas tudik atu ko’a; to’os trigo nian pronto ona”. Jesus dehan tan: “ita sei usa ilas ida nebe atu hatudu Maromak nia reino? Ho aiknanoik ida nebe mak ita sei hatudu nia? Nia hanesan mostarda musan ida nebe kuda iha rai, nia mak musak kiik liu hotu iha rai-klaran. Maibe, kuda tiha hahu moris, sai boot liu hotu modo sira ih to’os laran, hodi hatubun sanak mesak bobot atu nune’e manu sira lalehan nian bele hamahan-an iha nia mahan”. Jesus haklaken Maromak nia liafuan ba sira ho aiknanoik barak hanesan ne’e, tuir buat nebe sira bele compreende. Nia ko’alia ba sira housi aiknanoik de’it, maibe, ba escolante sira wainhira sira mes-mesak de’it ona, nia fó hatene momós buat hotu ba sira.

Lia maksoyn.

Leave a Reply

Your email address will not be published. Required fields are marked *