shadow
Diocese de Dili > NOTÍCIAS > Notícias > ATU MUDA MENTALIDADE SIDADÃO CIVIL BA POLÍCIA, PRECISA POLÍTICA FORMAÇÃO IDA NEBE DIAK

ATU MUDA MENTALIDADE SIDADÃO CIVIL BA POLÍCIA, PRECISA POLÍTICA FORMAÇÃO IDA NEBE DIAK

DCDD (22/01/2018) Liu husi cerimónia graduação no juramento ba agente foun Polícia Nacional Timor-Leste nebe remata ona sira nia curso formação, Superentidente Arquimino Ramos hateten; Processo formação atu muda mentalidade sidadão civil ba polícia precisa liu husi sistema no política formação e curículo ida nebe diak no relevante ho situação no condição nebe Timor-Leste iha no la haluha norma sira nebe aplica universal. Formação ba polícia foun sira ho nível agente nudar formação principal hodi forma caráter no compoténcia agente polícia hodi servi no protege ita nia povo nebe sira sei servi ba. Nee duni iha sistema ida nebe adequado  no iha qualidade hodi hari caráter individo sai ema nebe ho caráter nudar menbro polícia ho filosofia polícia comunitária, maibe ninia organização, estrutura formação disciplina idêntico ho militar tuir Lei Orgánica PNTL Decreto Lei No. 9/2009. 

Tuir Superentidente Arquimino Ramos haktuir katak, Agente recruta sira nebe frequenta curso ida ne’e mai husi resultado II Concurso público nebe hahala’o iha tinan 2014 ho total 720, maibe vagas iha deit 520 nebe tama ona curso dala toluk no dahat. Sira nebe tama ona iha curso dala 5 ida nee hanesan candidtura reserva nebe governo decide atu tama curso ida ne’e, maibe sira liu husi exame médica tanba sira hein iha liur durante tinan 2 nia laran. Exame médica nebe sira halo iha fulan Junho 2017 ho total 200 pessoas, maibe 184 mak passa. Sira nebe tama iha encoporação total 183, nain 1 la marca presença sem justificação.

Nia hateten; Durante formação base, recruta nain 3 resignaan tanba moras no ida hetan eliminação iha semana kotuk tanba caso disciplinar no hirak nebe presente iha nee hamutuk 178 pessoas. Sira hotu passa ho valor média final 14, 22 ho nota máximo ka as liu 16,70 no nota mínima 11, 24 sira hirak nee laiha ida reexame. Curso nee iha bloco 3; Bloco formação base, bloco formação Escolar no bloco formação exercício. Tuir Superentidente Arquiminio Ramos optimista katak Centro formação ida nee iha mehi atu sai centro formação exelente educação no formação policial iha nível regional iha futuro mai. (A/C)

Leave a Reply

Your email address will not be published. Required fields are marked *